المساعد الشخصي الرقمي

مشاهدة النسخة كاملة : The Legend Of The Sky - Chp.1


Y a z e e d
01-07-2003, 07:07 PM
اهلين ...
طبعا يمكن بعضكم شاف موضوعي اللي فات ...
عن الاساطير اليونانية وخزعبلاتها ...
جبت مقدمة بسيطة ...
لكن ما فكرت اني اكتب قصة مطولة ...
لكن لعبت الفكرة برأسي ...
وقلت ما دام اني فاضي و غاوي كتابة ...
مع اني مشغول بالموقع لكن طقق ...
المهم الرواقة ...
طبعا لكل شعب قصص يفتخر بأصالتها ...
ويعتقد بها اعتقاداً كاملاً ...
كقصص الانبياء بالنسبة لاصحاب الديانات السماوية من قابيل وهابيل ...
إلى ذبح كبش الموت بين الجنة و النار ...
امتلأت الأرض بالاحداث ...
اللي كونت معالمها ...
وانشأت طبيعة سكانها ...
وطبعا كالككل كان للرومانيين حصتهم ...
ولهم نصيب الأسد ...
تركوا تراث غير طبيعي ...
ينم عن خيال واسع ...
وكان بالطبيعة الحال ..
أول شي يفكرون فيه ...
الأرض اللي يعيشون عليها ...
والسماء اللي يربون عليها ...
فبدأوا بابتكار الخزعبلات ...
باترككم معها ...
واذكر تراها ممتعة جدا جدا جدا ...
وعارف كثيرين بيقولون ( إش الهرجة ؟ :6 )
لكن أتمنى تفهمونها ...
واضفت عليها كم لمسة من عندي ...
وأخرجته نتاجاً خاص ...
وقسمتها على فصول ...
ما ادري كم يوصل عددها ...
وكل يوم بوقف عند موقع ما اتعب ...
ومشكورين اذا قريتوا ...
:" أنا ما ادري وش حظي ...
كل ما كتبت انمسح كل شي ورجعت لها المقطع ...!
على العموم No way بكمل يعني بكمل و اكمل ...

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
The Legend Of The Sky Chp.1
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

فضاء فارغ ...
لاشيء سوى ذلك السديم الفارغ ...
الذي أخذ يصرخ مشعاً ...
لتنطلق منه Gaia أو ما نحب أن نسميها الأرض ...
التي امتدت مقدمة الحياة لكل من يعيش وينمو عليها ...
وولد الجحيم أو التارتار المظلم ...
وبعد ذلك بفترة ولد إيروس ...
آله الحب المعطاء ...
غايا انجبت اورانوس ( السماء ) الذي امتد مغطياً الأرض ...
وامتد البحر ...
واصبحت السماء حاكمة ...
وتزوجت من الأرض ...
وعاشوا بسبات وانبات إلى انتهى العالم <<<< يستملح :6
أنجبوا ستة عيال ... <<<< الملقبين بالمردة
وبالاضافة إليهم أنجبت ...
ثلاث عمالقة - السيكلوبات - ...
أورانوس المسيكين خاف على روحه وحكمه :6 ...
وحط عياله براسه ...
ورامهم بالجحيم ...
ووضع عليهم حراس ...
اللي هم السيكلوبات الثلاثة ...
غضبت غايا ...
وبالاستعانة مع السيكلوبات ...
أخرجت أبنائها الستة ...
وبدأت تحرضهم على أبوهم ...<<<<< ضامنة روحها محد بيجيها ":"
خلهم خوافين ... :":
ما عدا الجني الكبير ...
كرونوس المكار قشع ابوه بالحيلة والذكاء ...
وتربع على عرش الحكم ...
وطبعا آلهة الليل عصبت ووصلت حدها ... :غضب:
وعقوبة لكرونوس ...
أنجبت أزفت آلهه إيريدا - الشقاق ، أباتا - الخداع ، كير - التدمير ،
هيبنوس - النوم اللي فيه كوابيس ، نيميسيدا - الإنتقام ، والكثير...
طبعا كرونوس لحق ملحق ابوه ...
وخاف من عياله أن يسوون به مثل ماسوى بأبوه ...
ووصى حرمته وقال ( كل ما جاتس بيبي جيبيه لي فاهمة ؟؟!!)
وبلع خمسة منهم ( ديميترا - هيرا - هادس - بوزيدون - هستيا )
وخافت زوجته على أولادها ...
فلما احست بقرب ولادتها ...
أختبأت في أحد الكهوف ...
وولدت إبنها ( زوس ) و فكرت في حيلة تلعب بها على كرونوس ...
فأخذت حجر ولفته بالمهد و أكله كرونوس ...
ترعرع زوس في تلك المنطقة ...
وشرب من حليب العنزة الآلهية ...
وكل ما صااح :"...
ضربت أمه السيوف بالتروس عشان يضيع كرونوس ولا يجيب خبره ...
كبر زوس وقرر يهاجم أبوه ...
وهجم عرشه ...
لما دخل المجلس ...
تعجب كل حكماء كرونوس من الشبه الكبير ...
فقفز زوس نحو أبيه ...
وهدده وطلب منه يخرج أخوته ...
خرجوا جميعا ...
عندها أستدرك كرونوس ...
ونظر لزوجته ...
أنتي ؟!! ...
I hope to see your death body !
وقتلها برمحه الطويل ....
عندها ثار زوس ...
وأخذت الصواعق تضرب بغايا محدثة زلزلة عظيمة ...
وصرخ :( سترى يامن تدعي الأبوة ! )

=-=-=-=-=-=-=-=-=-=-=-=-=-
وش مصير كرونوس و زوس ؟
ومن بيخلص على الثاني ؟؟
ووش مصير استكمل القصة ؟! <<<< على حسب ردودكم

See ya with the next chapter
واعذرونا على القصور ...
ورد
01-07-2003, 07:20 PM
توشكر خيـــو

انا شفت قصة هرقل وشفت بعض الشخصيات اللي

انت ذاكرهم في القصة او الخرافة

وهالشي يبين ان لكل شي في الكون اله

اله السما والارض والماء ..... الخ

وبصراحة ما عجبتني

لانها معتقدات قديمة خاطئة تناقض الدين الاسلامي

ادري اول رد وفي الوجه يمكن يحطمك

بس لو متخيل اسطورة من عندك

يكون افضل


اممممم غير انك تركض في الاحداث

وتذكر عدد كبير من الشخوص

وما شالله كل واحد اسمه اثقل عن الثاني

يعني اذا حبيت تكملها حاول تمشي بالهداوة :-)

وارجع واقول لو تخترع اسطورة من عندك

يكون احسن ^_^
Y a z e e d
01-07-2003, 07:27 PM
على العموم عادي لكن غيرك يبيها :)

ملحوظتين مهمة

1- كل هذه كتبتها كذا حبا للاطلاع وادري انها باطلة قطعاً ولا احد يفكر فيني غلط والدين هذا اندثر وقصصه تتداول استظرافاً رجاءً لحد يفهم غلط
بس تسلية ... :)

2- قد ترد اسماء (بعض) الأعضاء مو من عندي لكن من الاسطورة الاصلية ...
فارجو محد يعتقد اني حاطه من راسي :)

واذا كان مافي أي مؤيدين للتكملة للأسف بتوقف ":"
وهارد لك لي لكن فقط رد واحد ممكن يدفعني اكمل ...
مجرد إني أحس أن واحد يهمه الموضوع :)
ورد
01-07-2003, 07:39 PM
الرسالة الأصلية كتبت بواسطة Angel`s Knight
على العموم عادي لكن غيرك يبيها :)

ملحوظتين مهمة

1- كل هذه كتبتها كذا حبا للاطلاع وادري انها باطلة قطعاً ولا احد يفكر فيني غلط والدين هذا اندثر وقصصه تتداول استظرافاً رجاءً لحد يفهم غلط
بس تسلية ... :)

2- قد ترد اسماء (بعض) الأعضاء مو من عندي لكن من الاسطورة الاصلية ...
فارجو محد يعتقد اني حاطه من راسي :)

واذا كان مافي أي مؤيدين للتكملة للأسف بتوقف ":"
وهارد لك لي لكن فقط رد واحد ممكن يدفعني اكمل ...
مجرد إني أحس أن واحد يهمه الموضوع :)

شكلك انت اللي فهمتني غلط

بخصوص الملحوظتين

ادري انه دين واندثر او بالاحرى معتقدات قديمة وما عاد لها وجود

بس كان قصدي لو انك تغير بعض الاشياء خصوصا سالفة الهة السما والارض

بالنسبة لي انا متاكدة انك ما تقصد هالشي وهذا ما يبيله تفكير او شك :)


والاسماء قصدت فيهم انك ذكرت عدد من الشخصيات وجريت في الاحداث

يعني ما ندري هذا ولد من وذاك ولد من

وهذا ليش يقاتل هذا . . يعني بتصير لخبطة في القراءة


انا عطيت رايي بهذي المعتقدات وليس رايي في من كتب الموضوع :)
RPG_master
01-07-2003, 07:53 PM
والله يا أني ما فهمت شي?:
Y a z e e d
02-07-2003, 07:46 AM
تحطيم من أولها ... معليش :)
ياعيني عالصبر :)
عموما خلاص وش اسوي اذا محد بيعطيها وجه ...
اجل لمن بكتب :)
وقفت عند ذا الحد
واذا بكمل بكمل في جزء صغير ومختصر وبس ...
عشان ترتاحون


ورد
أكيد فاهم ...
لكن اقصد من ناحية الملحوظات مو رد عليك لا ...
بس اخاف احد يفهم غلط ...


shosha
خذ راحتك ...
ورد
02-07-2003, 08:22 AM
الرسالة الأصلية كتبت بواسطة Angel`s Knight
تحطيم من أولها ... معليش :)
ياعيني عالصبر :)
عموما خلاص وش اسوي اذا محد بيعطيها وجه ...
اجل لمن بكتب :)
وقفت عند ذا الحد
واذا بكمل بكمل في جزء صغير ومختصر وبس ...
عشان ترتاحون


احسن من اللي يجاملونك

وبعدها ما تلقى احد يقرا موضوعك

هنا التحطيم يجيك ضعف

مثلا انا لما كتبت قصة وعرضتها

الكل في البداية شجعوني

وكل ما احط جزء تقل الردود

لحد ما صار احد يرد على الموضوع

وبالنهاية احدهم قال هذا النوع ما بتلقى عليه ردود

لان الكل يفضل الاكشن والخيال :)


في اساطير يقدر العقل يستوعبها

ويعدها من الاشياء الخرافية

بس انك تذكر الهة السماء والارض وغيرها

قلة اللي بيتابعونك

بدل ما توقف الكتابة غير بعض الاحداث :)
Y a z e e d
02-07-2003, 09:14 AM
انا فاهم ...
بالعكس افضل بكثير انك رديتِ وبينتي رأيك ...
احسن من اللي يدخلون و يطلعون ...
واوقف هنا احسن ...
ومشكورة على الرد :) ....
ورد
02-07-2003, 09:16 AM
الرسالة الأصلية كتبت بواسطة Angel`s Knight
انا فاهم ...
بالعكس افضل بكثير انك رديتِ وبينتي رأيك ...
احسن من اللي يدخلون و يطلعون ...
واوقف هنا احسن ...
ومشكورة على الرد :) ....

ليش توقف ؟

ليش ما تسوي اشوية تغييرات

على الاقل انشوف ابداعاتك :-)
Y a z e e d
02-07-2003, 09:23 AM
الرسالة الأصلية كتبت بواسطة ورد


ليش توقف ؟

ليش ما تسوي اشوية تغييرات

على الاقل انشوف ابداعاتك :-)

لان الرغبة فالاكشن والقتال و الخيال ...
أنا مالي دخل فالانواع ذي ولا حاولت اكتبها ...
يكفي اقراها ...
كلمت كم واحد عن رواية مأساوية مثل البؤساء -Les Miserables- أو عربيا ..
مثل القصة اللي كتبتها Tumerhena في منتديات نسيج وانتشرت ...
لكن فالجانب المأساوي دون الرومانس لاني دجة فيه ...
فإذا تشجعين مثل هالفكرة ؟ :)
ورد
02-07-2003, 09:30 AM
الرسالة الأصلية كتبت بواسطة Angel`s Knight


لان الرغبة فالاكشن والقتال و الخيال ...
أنا مالي دخل فالانواع ذي ولا حاولت اكتبها ...
يكفي اقراها ...
كلمت كم واحد عن رواية مأساوية مثل البؤساء -Les Miserables- أو عربيا ..
مثل القصة اللي كتبتها Tumerhena في منتديات نسيج وانتشرت ...
لكن فالجانب المأساوي دون الرومانس لاني دجة فيه ...
فإذا تشجعين مثل هالفكرة ؟ :)



طيب اكتب

واحنا بنحكم بعدين :-)
Justine
02-07-2003, 10:55 AM
اذا وقفت راح أحذفك من الماسنجر :غضب: <<<<< إرهاب ":"

هيا كمل عزيزي من زمان ما تحمست زي كذا ^^
Shin Kyo
03-07-2003, 03:13 AM
?:
BANANA HAPPY
03-07-2003, 04:46 AM
شووكرن حلزون عالموضوع..يعجبني اقرا عن الاساطير اليونانيه:6
بس تراك تركض في الاحداث..لو تمشي بالهداوه مثل ما قالت ورد احسن..عشان نفهمhttp://www.eebme.com/mix/ravioimages/smilies/blushing.gif
و كمل^^
{gaia_girl}
03-07-2003, 11:05 AM
لا توقف بالله عليك :":

صراحة انا مرة عجبني الموضوع و مو بس عشان فيه كلمة جايا :6 << بياخة :6

مشكور أخوي ^^
Y a z e e d
03-07-2003, 03:14 PM
Justin&Banana&Gaia
انا حاليا برا الرياض ...
أول ما ارجع بكمل بالهداوة وبركز اكثر رعلى اللب عشان تفهم القصة بوضوح...
اليوم أو بكرة أنا راجع وبكمل ...

ومشكوريشن ^_^