المساعد الشخصي الرقمي

مشاهدة النسخة كاملة : ما في أنفسـنا


ورد
05-07-2003, 12:22 AM
السلام عليكم ورحمة الله وبركاته


قصة عجبتني كثير ..

يمكن قراتوها من قبـل..

بس اللي ما قراها يقراها الحين ..


في أحد المرات طلب الشيخ من كل واحد من تلاميذ ه ، أن يحضر معه

كيس من البلاستيك النظيف ، ثم طلب منهم ، أن يضعوا ثمرة من

البطاطس في الكيس النظيف عن كل ذكرى مؤلمة في حياتهم اليومية

لا يرغبون في أن ينسوها، وأن يكتبوا اسم الذكرى

وتاريخها على ثمرة البطاطس ....

عملوا بوصية الشيخ وأصبح البعض منهم يحملُ كيساً ثقيلا جدًا

لكثرة ما يحمل في داخله من ذكرى مؤلمة.. وبعدد ما يحمل

من ذكرى وضع البطاطس في الكيس.

ثم طلب منهم أن يحملوا كيس البلاستيك بما أصبح فيه من

ثمرات البطاطس معهم أينما ذهبوا لمدة أسبوع،

وأن يضعوه بجوار فراشهم فى الليل ،

وبجوارهم في مقعد السيارة عند ركوبها ،وبجوار هم دائماً...

إن عبء حمل هذا الكيس طيلة الوقت أوضح أمامهم

العبء الروحي الذي يحملونه لذكراهم المؤلمة...

وكيف أنهم يهتمون بها طول الوقت

خشية نسيانها في أماكن قد تسبب لهم الحرج ....

وطبيعي تدهورت حالة البطاطس وأصبح لها رائحة كريهة ،

وهذا جعل حملها شيء غير لطيف .

فلم يمر وقت طويل حتى كان كل واحد منهم قد قرر أن التخلص

من كيس البطاطس أهم من حمله فى كل مكان يذهب إليه.


*** منـقـول ***
BANANA HAPPY
05-07-2003, 12:40 AM
شوكرن وريد عالموضوع..اول مره اقراه:6

بس الذكريات مب نفس كيس بطاطس نقدر نتخلص منه متى ما نبيhttp://www.eebme.com/mix/ravioimages/smilies/dry.gif
Da S.O.S
05-07-2003, 12:43 AM
مشكورة والله
مع اني قريتها قبل كذا:0)
الهدير
05-07-2003, 10:38 AM
مشكورة على الموضوع

ولكني احس ان مالها مغزى

بالعكس احس انهم مب ناسين الامهم والبطاطس بيثبت هالذكرى في قلوبنا !!:أفكر:
CARLA
05-07-2003, 01:13 PM
تسلم على اموضوع الرائع


وانشالله بحاول ارمي كيس البطاطا حقي:6 ;-)
Justine
05-07-2003, 01:42 PM
أحسنت الاختيار سيس :)

عموما هاي الحكمة مطبقها من زمان تحت اسم هاكونا متاتا :p
Classic Evil
05-07-2003, 02:45 PM
شكرا عالموضوع

لكن كيس الشيبس لها فايدة أما الذكريات مالها إلا وجع الراس ..

ففي فرق لما نتخلص من الشيئين :o

so what's the gool of the story ? :6


اتفلسف وايد صح :":
ورد
05-07-2003, 09:00 PM
مشكورين لكل اللي ردوا




بس الذكريات مب نفس كيس بطاطس نقدر نتخلص منه متى ما نبي

الانسان يقدر يتخلص من الذكريات
اذا كان يبي هالشي ...

ما في شي يصير بدون ارادة الانسان . .





مشكورة والله
مع اني قريتها قبل كذا

زيادة الخير خيرين :6






ولكني احس ان مالها مغزى

بالعكس احس انهم مب ناسين الامهم والبطاطس بيثبت هالذكرى في قلوبنا !!


الهموم تثقل الروح .. مثل ثقل حمل الكيس

اهم كانوا يشيلون الكيس وين ما راحوا فصاروا يحسون بهالثقل ..

والهموم ويانا وين ما نروح ...

وعلشان يخففون هالثقل لا بد وانهم يتخلصون من الكيس

و كثرت الهموم تخلي الانسان دايم التفكير فيها

يخاف تكرر له مواقف تعيد له هالذكرى

فتلقاه دايما مهموم لانه ما يبي ينسى

والتخلص من كيس البطاطس = محاولة نسيان هذي الهموم


اتمنى ان اللي اقصده وصلك :-)






وانشالله بحاول ارمي كيس البطاطا حقي

right ^_^





أحسنت الاختيار سيس

عموما هاي الحكمة مطبقها من زمان تحت اسم هاكونا متاتا


يبدو انك اكيد مرتاح :)






لكن كيس الشيبس لها فايدة أما الذكريات مالها إلا وجع الراس ..

ففي فرق لما نتخلص من الشيئين

so what's the gool of the story ?


بعض الهموم تكون مفيدة للانسان

خصوصا الذكريات اللي تخص بعض الاشخاص

مثلا عندك

اصدقاء المصالح .. تعدهم اصدقائك تعزهم وتقدرهم ..

وبعدين تكتشف انك اساءت الاختيار ..

هذا امر مؤلم انك تكتشف اصدقائك على حقيقتهم

ولكنه امر مفيد في انك راح تتجنب الناس اللي من هذا النوع

وراح تفكر الف مرة في اختيار اصدقائك ..

وفي مثل ما اذكره زين ..
يقولك..

ان الانسان الذكي او الفطن ما يقع في الغلط مرتين ..
Angel whisper
05-07-2003, 09:40 PM
شكرا ورد ..وان شاء الله يقدرون الكل عاى انهم يتخلصون من ذكرياتهم السيئة بهالسهوله :)
ورد
06-07-2003, 12:17 PM
ان شالــله خيـتو . . . :-)
فــــرح
06-07-2003, 01:08 PM
اول مرة اقراه :D

مشكورة ورد

لكن ما اعتقد بالسهولة هذي الانسان يقدر يتخلص من ذكرياته المؤلمة

يمكن ينساها في بعض الاحيان ولكن اكيد بتصادفه مواقف ترجع له الذكرى المنسية

غير ان كيس البطاطس يقدر يتخلص منه في اي وقت

على عكس الذكريات
silverpaco_101
06-07-2003, 01:08 PM
أشين شي بهالدنيا الذكريات السيئه اللى تعلق بالذاكره الواحد:-)


و شكرا اخت ورد
Mahdee87
06-07-2003, 04:14 PM
مشكورة اختي على الموضوع و يعطيكي العافية:cool:
عماد 18
06-07-2003, 06:20 PM
اشوى ان كيس البطاطس حقي مخروم :6 ..
بس المشكلة انه ما انخرم بكيفي..
انخرم من كثر المصايب اللي مريت فيها و ما عاد يستحمل ..
mom_com3
06-07-2003, 07:01 PM
والي ما عنده كيس وش يسوي ؟؟


مشكوره ورد ..
ورد
06-07-2003, 08:38 PM
لكن ما اعتقد بالسهولة هذي الانسان يقدر يتخلص من ذكرياته المؤلمة

يمكن ينساها في بعض الاحيان ولكن اكيد بتصادفه مواقف ترجع له الذكرى المنسية

غير ان كيس البطاطس يقدر يتخلص منه في اي وقت على عكس الذكريات
بس الانسان يقدر يتخلص من هذي الذكريات لو كان يبي هالشي




أشين شي بهالدنيا الذكريات السيئه اللى تعلق بالذاكره الواحد

Same my opinion ^_^



اشوى ان كيس البطاطس حقي مخروم ..
بس المشكلة انه ما انخرم بكيفي..
انخرم من كثر المصايب اللي مريت فيها و ما عاد يستحمل ..


الله كريم :)



والي ما عنده كيس وش يسوي ؟؟

هذا تقريبا بيكون مرتاح

لحد ما يلقى له كيس ويجمع البطاطس فيه
PRG of RPG
07-07-2003, 04:16 AM
السلام عليكم

النقد :
1- الخاتمه تحتاج إلى كلمة معبرة في النهاية
2- انها من النوع المخصص للأطفال ..أي من منتصف القصة تتوقع النهاية أو الحكمة
3-لحظة ياجماعة ما تدرون وين حطوا كيس البطاطس ... جوعان :":

وشكراً :-)
CHALLENGER
07-07-2003, 04:54 AM
أنا أقول احسن يحطوا بطيخ :D
ورد
07-07-2003, 10:53 PM
النقد :
1- الخاتمه تحتاج إلى كلمة معبرة في النهاية
2- انها من النوع المخصص للأطفال ..أي من منتصف القصة تتوقع النهاية أو الحكمة
3-لحظة ياجماعة ما تدرون وين حطوا كيس البطاطس ... جوعان



1- الموضوع منقول ..لو انا اللي مالفته كنت بحط له خاتمة ...
2- العبرة ما تقتصر على عمر معين .. :-)
3- انت نسيت ان البطاطس تعفن .. بعدين تمرض :6



أنا أقول احسن يحطوا بطيخ

Good Opinion
MetalGear
08-07-2003, 09:41 PM
حاس ان القصة ناقصة ..!!

يعني المغزى حق القصة مو واضح ..

وش يقصد هو .. ان الواحد لازم يتخلص من ذكرياته الؤلمة ؟!

ما اعتقد ان في احد يحاول يحتفظ بهالذكريات ان كانت مؤلمة !

...

وعالعموم..

مشكورة خيتو ;-)
Moon Boy
09-07-2003, 01:19 AM
بطاطس:"
Moon Boy
09-07-2003, 01:26 AM
بطاطس:"
ورد
11-07-2003, 10:10 PM
الرسالة الأصلية كتبت بواسطة MetalGear
حاس ان القصة ناقصة ..!!

يعني المغزى حق القصة مو واضح ..

وش يقصد هو .. ان الواحد لازم يتخلص من ذكرياته الؤلمة ؟!

ما اعتقد ان في احد يحاول يحتفظ بهالذكريات ان كانت مؤلمة !

...

وعالعموم..

مشكورة خيتو ;-)

لا القصة واضحة ..

بالاخير هو قال .. انهم قرروا التخلص من الكيس لان حمله اصعب بكثير

والذكريات المؤلمة صعب انك تنساها ..

وكثرت الهموم والحزن يتعب الانسان ..




مون بوي


بتلقاه في البقالةاللي جنب بيتكم ..
MoaeD
12-07-2003, 05:22 AM
قصه معبره مشكوره ورد :)


بس يا ليت بعض الناس يخلي خفة الدم على جمب


لأن خفة الدم مو كل وقت ماشي سوقها :-)
ورد
12-07-2003, 10:05 PM
العفو خيـــو .... :)
{Shy^Guy}
14-07-2003, 05:51 PM
حقيقة مغزى القصه مبهم ?:
هل المقصود .. حاول ترك الذكريات المؤلمه خلفك و استمر بحياتك !!
و ان لم تتركها كانت كالعبء الثقيل جدا في حياتك ..
و ان الاثنان لا يجتمعان - الحياة & الذكريات البائسه - معا ً !


هممم نوعا ما اعتقد صعب اننا نتناسى الذكريات المؤلمه .
لكن , مو معنى عدم نسيانها , تذكرها و حملها معك في كل وقت .. في كل لقاءاتك , مع كل احداثك , تجرها معك لمناسباتك !

لنستعيد الذكريات يكون ذلك في.. اوقات !
لكنها مع ذلك تكون خالده في الذكرى يستحيل نسيانها ابدا ..
و رايي الشخصي من الغلط تذكرها دائما في كل موقف .. في كل لحظه تنعزل بها لوحدك تغمض عينيك و تثني رقبتك نحو الأض مغطي عينيك باطراف اصابعك.. تحاول تكوين عالمك , احلامك الدافئه , السير بحياتك قدما نحو آمالاك ... و لكن فجاه !
تصدم بحقيقه ماضيه , يقال انها ذكرى مؤلمه
ورد
14-07-2003, 11:07 PM
Shy Guy

المغزى واضـح جدا....:-)

بعض الاشخاص الذين يحتفظون بذكرياتهم المؤلمة ...

تتوقف الحياة .. ويروون ان العيش مع الذكريات المؤلمة ..

هي حياتهم...

انك تتذكرها.. هذا يعطل الانسان عن القيام بواجباته ...

لان بعض الذكريات... لا تستحق منا اننا نتوقف عندها ...

لذا نسيانها افضـل بكثير ....


شاي .. انا مادري ليش .. احسك كاتب موهوب ..:6

يا ترى تكتب ؟؟