التمييز العنصري .. و بعض الملاحظات على الشخصيات !! [الأرشيف]

Final Fantasy 7

07-07-2003, 02:19 AM

مرحبا ^^

كيف الحال :D ؟

خلونا نتكلم على طول بموضوعنا هذا :)

التمييز العنصري .. يمكن لما تقرأون عنوان الموضوع راح تتسائلون و تقولون (( شنو دخل التمييز العنصري في ألعاب الآر بي جي )) !!

طيب .. أنا راح أوضح أكثر :)

هناك العشرات .. بل المئات من ألعاب الآر بي جي التي صدرت في السنوات السابقة .. و لكن أبد ما شفنا بطل للعبة آر بي جي .. أو بطلة للعبة آر بي جي بشرتها سوداء !

مو بس السالفة وقفت عن البطل أو البطلة .. بل حتى الأبطال المشاركين .. ما عدى طبعا بعض الألعاب ( كفاينل فانتسي 7 ) التي احتوت على أبطال مشاركين ذو بشره سوداء ( أتكلم عن باريت ) .. أو على أناس يعيشون في المدن بشرتهم سوداء اللون .

بالنسبة للملاحظات .. أنا فيه شي من زمان لاحظته و قاهرني و هو أن الأبطال الشباب دائما ما يكون عندهم لحي و لا حتى شوارب .. طيب ليش يعني ؟

أكيد أنتوا الحين بعد صرتوا تتساؤلون ليش يعني هالموضوع و شنو المطلوب :) !

طيب .. أنا أقول لكم شنو المطلوب ..

أنا أظن ( بل شبه واثق ) أن الشركات متعمده تعمل هالحركات في الشخصيات .. ليش .. علشان يجذبون الجمهور لشراء ألعابهم .. لأن و مع تطور تقنية الجيرافيكس مع الوقت أصبح الجمهور يهتم أكثر بالشكل الخارجي للشخصيات .. فتلقاهم أنهم ينجذبون أكثر للشخصيات أصحاب البشره البيضاء .. و بما أن عندهم أن الشباب يالي ما عندهم لحي و شوارب شكلهم أصغر و أظرف .. فمو معقولة الشركة تمشي عكس تيار ذوق الجمهور .. و لا أنا غلطان :)

المهم .. أبي آرائكم حول النقاط المطروحه .. لأن الرأي الواحد لا يفيد و لا ينسمع صوته .. و يالي عنده نقطه و ملاحظة خل يتفضل و يضيفها ..

و شكرا ;)

صديقكم & فاينل

MAXPYNE

07-07-2003, 02:44 AM

والله هذه اليومتين بديت انا اتعود علي مواضيعك الحلوة اخي فاينل فانتسي7 مثل انت الوريث الشرعي وتجربتك مع تومب رايدر6

اما بالنسبة للموضوع اهمالهم للبشرة السوداء
نفس الاسباب الذي ذكرتها

اما بالنسبة للحية والشارب فاعتقد ان الاجانب انهم عندهم اللحية والشارب اشياء مزعجة ومقززة وما يحبونها

وشكرا
اخوكم
ماكس
بين;-)

بوعبدالرحمن

07-07-2003, 03:00 AM

أنا من رأيك أخوي فاينل فانتسي 7
ورأي أخوي MAXPYNE

بعدين هل اليومين تقنية الجيرافيكس هااااااامة جدا خاصة في ألعاب الأر بي جي

على العموم ، أنا عندي ملاحظة بسيطة

صرحتا يا Final Fantasy 7
أنت شديد الملاحظة ، ماشاءالله عليك

الله يخليك للمنتدى ;-)

SERGE3000

07-07-2003, 03:22 AM

أنا معاك في اللي قلته بس ما تلاحظ إنو باريت أسمراني وعندي لحية وشنب و مع كذا شخصية محبوبة!!!!!!

وسيد نفس القصة عنده سكسوكة ومع كذا محبوب:D

وما شاء تراك جدا دقيق زي واحد معانا في المنتدى سوى قصة على رقبة سيفروث:0)

على العموم مشكور;-)

BATiYAZ

07-07-2003, 03:49 AM

انا معك في كلامك

بس شف لبس الحريم في الالعاب الآر بي جي خلاعه?: على قولتهم لبس حار:أفكر:

l)@RK-l)EVIL

07-07-2003, 04:16 AM

))هو فعلا يا فاينل فانتسي 7
ان اغلبيه العاب الار بيجي ابطالها من الناس البي بشرتهم بيضه واغلبيه الاجانب بشرتهم بيضه فمو غريب انهم يفضلون اللون الابيض
يعني شوف

اليابانيين + الامريكان + الاوروبين اغلبيتهم بنسبه كبيره لونهم ابيض فاكيد هم يفضلون اللون الابيض

بس

في لعبه شهيره بطلها اسمر اللون ((لا افضل كلمه اسود :أفكر: ))

شنو هي اللعبه اتوقع تعرفونها

Mesharey

07-07-2003, 04:21 AM

فاينل انت كتبت نفس هالموضوع قبل اربع شهور يمكن http://www.webpost.net/sp/spikeyman/dog.gif..

بالنسبة على اللحية والشوارب عندك سوليد سنيك..

Neo Cid

07-07-2003, 05:03 AM

سبقتني بالموضوع .. :":

كنت بكتبه .. بس بغيت أتطرق على أشياء أكثر و أكثر ..

بالبداية .. لو تشوف أن بعض أجزاء فاينل فانتسي تدور في العصور القديمة

.. مثل فاينل فانتسي تاكتيكس .. و في تلك العصور ما كان عندهم البشرات

لأن الناس على وقتهم كانوا غير منفتحين ..

و ممكن تقول أن السبب هو المنظر .. صحيح ..

بس لو تشوف فف تاكتيكس .. رسام الشخصيات ما أبرز الخشم ( الأنف )

<-- الحين الشباب يقولون شكو .. :6

المقصود .. أن الخشم اهو يميزك من أنك عربي أو يهودي أو نازي أو أمريكي

أو منغولي ... .إلخ ..

و لو تلاحظ .. فالرسام ما يبين الخشم إلا بنقطة صغيرة .. :D

مشكور عالملاحظات .. مع ان مشاري كتب عنها ..

بالنسبة على اللحية والشوارب عندك سوليد سنيك..

الحبيب هذا ماشي مع الموضة .. :6

هذا يسمونه ( رجل ) .. والباجي خلهم على كتر .. :6

وسيد نفس القصة عنده سكسوكة ومع كذا محبوب

و هذا حتى اسمه ( رجل ) .. :6

أبومروان

07-07-2003, 08:23 AM

الرسالة الأصلية كتبت بواسطة Mesharey
فاينل انت كتبت نفس هالموضوع قبل اربع شهور يمكن

أيوه و أذكر بعض الردود على الموضوع بأنه هناك شخصيات في ألعاب الأر بي جي لها لحي و شوارب و أكبر مثال هو Orlando في فانيال فانتاسي تاكتيكس ...

مورسيلاغو

07-07-2003, 10:52 AM

والله شباب أنا قليل في الاربيجي لكن هم فعلا حتى في أغلب الالعاب كذا

بس أنا أبغى أحد يدلني على لعبة أربيجي سهلة وحلوه للبي اس 2

علشان أقتنع في الاربيجي ولو مرة

BOiND

07-07-2003, 04:20 PM

اخوي فاينل فانتسي طبعا معك حق في الي قلته بس انت غلطان في شيء واحد ، لو لاحظت في ff7 في باريت لشفت ان كلاماته وصخه على الاخر ، وبيحذفونها بعلامات مثل @$%#@!*% بينما كلاود كلماته نظيفه:D
باريت عنده شنب وهم يقصدون بهذا ان السود والي يملكون لحي اعصابهم تفلت وكلماتهم وصخه ، وبعد يوم تنقذ تيفا يوم تدخل لمكان الحفل مرة يخلونك#@%#$@# مع الرجال الموجودين لو لاحظت انهم جميعهم عندهم شنب او لحية وهذا يقصدون به ان الي عندهم لحي قليلن ادب وتربية:6 الموووهم مشكور مرة ثانية على الموضوع الحلو

ahmed88

07-07-2003, 04:44 PM

لسلام عليكموالله موضوعك مافي احلا منه العنصرية تشوي ممكن عشنه يابنيين ماعندهم ســـــــــــــــــــــود لكن في فاينل فانتسي شخصية سواد البشرة اللا هو كيروس على ماعتقد اللي يمشي مع ابو سكوال ليجونا:6 :6 ومو بس كذا حتى الأفلام الأمريكيية دايماً تكون مشوهة السود ويعني هم الفاسدين والأشرار الا بعض الأفلام:غضب: :غضب:

ahmed88

07-07-2003, 06:24 PM

السلام عليكم

كأنه في احد حذف ردي؟؟؟

لالالا في شخصية في فاينل فانتسي8 على ماظن كيروس صاحب لاجونا ابو سكــــــوال ...وصراحة اظنهم قاصدين التشويه والعنصرية

l)@RK-l)EVIL

07-07-2003, 06:39 PM

الرسالة الأصلية كتبت بواسطة ahmed88
السلام عليكم

كأنه في احد حذف ردي؟؟؟

لالالا في شخصية في فاينل فانتسي8 على ماظن كيروس صاحب لاجونا ابو سكــــــوال ...وصراحة اظنهم قاصدين التشويه والعنصرية

سالفه الحذف تصير هذي وايد ومصدرها واحد :6

شالاشاسكا

07-07-2003, 06:54 PM

الرسالة الأصلية كتبت بواسطة Mesharey
فاينل انت كتبت نفس هالموضوع قبل اربع شهور يمكن http://www.webpost.net/sp/spikeyman/dog.gif..

بالنسبة على اللحية والشوارب عندك سوليد سنيك..

:cool: وستل مان بشرته سوده

ash 90

07-07-2003, 08:38 PM

مشكور فاينل على الموضوع

على طاري الابطال السمر و اللحيه ...اجتمعوا بشخصيه وحده اسطوريه ":"

http://www.konamijpn.com/products/zoe2/english/pic/chara_dingo_right.jpg

DINGO ":"

Final Fantasy 7

08-07-2003, 05:08 AM

Oh My .. :":

أنا راح على بالي أني طارح نفس فكرة الموضوع من كم شهر :":

سوري على التكرارا :#

بس على العموم في التكرار افادة .. و الموضوع السابق بس كان عن اللحي و الشوارب .. أما هذا الموضوع فهو عن التمييز العنصري على حسب ألوان البشرة أيضا :D

خلوني الحين أرد :

MAXPYNE
يا أخي كل واحد شخصيته حلوه راح يشوف الناس حلوين مثله .. و شكرا على المشاركة ^^

بوعبدالرحمن
الله يخليك لنا دوم يا رب .. و مشكور على الرد ;)

SERGE3000
سيد عنده سكسوكه ‍‍!!
أي سيد تقصد ?:

كابامارو
هاللبس الخلاعه ماصار منتشر في الآر بي جي .. بل وصلت الحمى للألعاب الأخرى .. هذا بالاضافه الى المشاهد الغير أخلاقية :o

l)@RK-l)EVIL
أنا عن نفسي ما عرفت شنو هي اللعبة يالي بطلها أسمر ( مثل ما تقول ) .. فياريت لو تقول لي شنو هي :D

Mesharey
سوليد سنيك هذا حاله خاصة ":"

أبومروان
لا تذكرون فاينل فانتسي تاكتيكس جدامي .. أنا صار فيني عقده لأني للحين ما قدرت ألعب هالجزء :"

مورسيلاغو
اذا تبي لعبة آر بي جي سهلة على البلاي ستيشن 2 .. فعندك أجزاء فاينل فانتسي .. و لعبة كيندوم هارتس .. و وايلد أرمز 3 .. و ليجايا 2 .. هذه الألعاب يالي هي سهلة نسبيا حق يالي حابين يدخلون عالم الآر بي جي .. بالتوفيق ^^

boind2003 + ahmed88
فعلا صحيح مثل ما قلتوا .. أنا ساعات كثيرة أحس مثلكم .. أن الحضارات الغربية دائما تحاول تشويه صورة الناس أصحاب البشرة السوداء و تظهرهم بصورة الجماعه السوقية التي لا تحسن التصرف .. و أكبر مثال يالي قلتوه أنتم .

شالاشاسكا
أنت الحين شنو يالي ذكرك بستيل مان :6 ؟

ash 90
تصدق أني أول مرة أشوف هالشخصية .. ياريت لو تعرفني اليها :6

صديقكم & فاينل ;)

Majid Ali

08-07-2003, 06:00 AM

مثلك بالضبط اخوي Final Fantasy 7 ;)
انا من زمان وانا ملاحظ هالشي

REACH

08-07-2003, 12:11 PM

انا كلامي مع كلام l)@RK-l)EVIL ;)

sion001

08-07-2003, 04:33 PM

لكن أنتم ما لحظتوا شيء أيضا أن فاينل فانتسي بدأت تطغي الشكل الشرق الآسيوي على الألعاب أي الأشكال اليابانية , في الأجزاء السابقة الشكل الأوروبي هو الطاغي على الشخصيات , لكن في الجزء الثامن مثلا البطلة رينوا كانت تميل إلى الشكل الآسيوي أكثر من أي شيء آخر , والآن ها هو الجزء العاشر بقسميه كل الشخصيات شرق آسيوية و وهو أول جزء أعتقد يأخذ هذا الشكل البحت .

المغزة أنهم بدؤوا يضعوا الشكل الشرق الآسيوي , أي يؤخذون من أشكالهم , يعني الأولى لهم أن يضعوا بيئتهم ثم يفكروا بالأشكال الأخرى مثل البشرة السمراء أو اللحي ((أو الشكل العربي مثلا )) , أي لازم يضعوا ثقافتهم قبل ما يضعوا ثقافة الغير.

اليبانيين أعتقد أنهم بدؤا يميلوا قليلا عن الطابع الأوروبي , مثل الموسيقى في ف ف 8 كانت إنجليزية بحتة , لكن في الجزء التاسع صدرت الأغنية الأخيرة باليابانية و الإنجليزية , و هاهو العاشر يطل بالأغاني اليابانية فقط دون صدور نسخة إنجليزية منها , إنها العولمة اليابانية :6

العالم يغزوا بعض بكل شعب بلغته والمسلمين والعرب يتجردون من لغتهم و لا يفتخرون بها !!

شكرا على طرح الموضوع الحلو :D

ash 90

08-07-2003, 06:24 PM

فاينل :

ما تعرف أسطورة الأساطير Zone Of The Enders 2 ؟:o

أجل مالك معنى :6

لعبة زون اف ذا اندريز لعبة اليين سريعين جدا و هي على البلايستيشن 2 و من المصمم الاسطوري هيدوكوجيما و حصلت على تقدير 8,5 >>تقدير تومب رايدر 1 :6

و شكرا

NsaN

08-07-2003, 08:25 PM

عندكم Tidus من FFX كان اسمر و ما كان ابيض و هو البطل :أفكر:

و اورون اظن كانت عنده لحية خفييييييييفة :أفكر:

و شي طبيعي انهم ما يحطون البطل شديد السمار

اذا انت الحين شفت اثنين يمشون مع بعض..واحد ابيض و الثاني اسمر واااايد

راح يجذب انتباهك الابيض اكثر و راح تشوفه احلى (بغض النظر عن شكل الثاني)

و اتوقع هالي يخلي الشركات تصمم شخصيات بيضاء كونها جذابة اكثر و تظل في البال اكثر من غيرها من الالوان :o

يعطيك العافية اخوي :)

Final Fantasy 7

09-07-2003, 02:41 AM

majid Ali
أظن أن أغلبنا لاحظ هذا الشي من فترة طويلة ;)

drakula
n_n

sion001
ردك رهيييب يا أخت سيون .. أنتي دائما تردين ردود حلوه في مواضيع النقاش ":"
شكرا على الرد و المشاركة بهذا الرد الرائع :)

ash 90
مصممها هيدوكوجيما :! :!
غريبة .. أنا ما عرفت عن اللعبة الا منك أنت .. الظاهر أني أنا عايش في عالم ثاني :6 !

Magenta
أصلا تايدوس سواق و ما أدري على أي أساس تم تصميمه بهالشكل المقرف .. يعني الحين سكوير بعد ما صممت لنا سكوال و كلاود و زيدان و لوك و ادجار .. تصمم لنا على آخر زمن سواق و تحطه في اللعبة على أساس أنه البطل :غضب: ؟
أنا كل خوفي أنهم يعيدوا الحركة في FF12 .. :": :"

و ثانكس جميعا على الرد ..

صديقكم & فاينل

vivi

09-07-2003, 06:53 AM

أصلا تايدوس سواق و ما أدري على أي أساس تم تصميمه بهالشكل المقرف .. يعني الحين سكوير بعد ما صممت لنا سكوال و كلاود و زيدان و لوك و ادجار .. تصمم لنا على آخر زمن سواق و تحطه في اللعبة على أساس أنه

مشكور على الموضوع اخوي فاينال بس ما تلاحظ انه يونا لها عين

خضراء و الثانيه زرقاء و ثيدوس عيونه زرق:أفكر: الظاهر اليابانين شايفين عيونهم زرقاء و انا ما ادري:p :p

Mesharey

09-07-2003, 07:04 AM

أنا كل خوفي أنهم يعيدوا الحركة في FF12 .. صعب جدا..
لأن مصمم الشخصيات مختلف..مصمم الشخصيات هو مصمم شخصيات فاجرنت ستوري...

وبعدين شفيه شيون :6 ..

Final Fantasy 7

09-07-2003, 07:15 AM

vivi
أصلا يونا عوره .. يعني شنو تتوقع منها :6 ؟

Mesharey
مع احترامي لمحبين شخصية شيون .. فهذه الشخصية قبيحة المظهر .. بالأول شوفوا عيونه .. شكبرهااااااااااا .. تخرع .. ما أدري ليش كل ما أشوف ويهه في العرض يالي تغني يونا بالثاندر بلين أتذكر البوكيمون سايداك ?: :D

أبومروان

09-07-2003, 07:52 AM

ما أدري ليش كل ما أشوف ويهه في العرض يالي تغني يونا بالثاندر بلين أتذكر البوكيمون سايداك

سايداك ... سايداك .... سايداك ..... لووووووووووووووووووووول:D :D :D

Mesharey

09-07-2003, 09:30 AM

الرسالة الأصلية كتبت بواسطة Final Fantasy 7
vivi
أصلا يونا عوره .. يعني شنو تتوقع منها :6 ؟

Mesharey
مع احترامي لمحبين شخصية شيون .. فهذه الشخصية قبيحة المظهر .. بالأول شوفوا عيونه .. شكبرهااااااااااا .. تخرع .. ما أدري ليش كل ما أشوف ويهه في العرض يالي تغني يونا بالثاندر بلين أتذكر البوكيمون سايداك ?: :D إذا يونا عوره بين شنو تطلع :p ..

وبالعكس شيون روعة ":" ..

كافي ان عنده خمس اشكال :6 ..

Neo Cid

09-07-2003, 02:34 PM

إذا اعرف ان ردي بيتجاهل جذي قولي لا تكتب بمواضيعك و جذي تريحني

وتريح نفسك بالتصفح ..

و شوكرن ..

sion001

09-07-2003, 04:20 PM

الرسالة الأصلية كتبت بواسطة vivi

الظاهر اليابانين شايفين عيونهم زرقاء و انا ما ادري:p :p

مركب عدسات :6

الرسالة الأصلية كتبت بواسطة Final Fantasy 7
majid Ali
أصلا تايدوس سواق و ما أدري على أي أساس تم تصميمه بهالشكل المقرف .. يعني الحين سكوير بعد ما صممت لنا سكوال و كلاود و زيدان و لوك و ادجار ..
صديقكم & فاينل

أصلا ما خرب اللعبة إلا هو وشكله .. إيش جاب أسكوال لتيدوس :أفكر: بلكن لو أصمم لهم شخصية أصمم أحسن من تيدوس :6

((شكرا على الرد و المشاركة بهذا الرد الرائع ))
و أنت تشكر على الموضوع الممتاز :)

سلام :D

Final Fantasy 7

10-07-2003, 02:41 AM

أبومروان
لوووووووووووووووووووووووووول :6

Mesharey
بين تطلع حوله :6
و كلامك عن شيون عن جد اضحكني :p

Neo Cid
سوري ما انتبهت لردك ..

sion001
الا صحيح .. ليش ما ترسمين نماذج أولية لشخصيات من خيالك و ترسلينهم لسكوير .. يمكن تعجبهم و يطورونها و يحطونها في ألعاب آر بي جي ":" !

AbuEve

10-07-2003, 03:06 AM

الرسالة الأصلية كتبت بواسطة كابامارو
انا معك في كلامك

بس شف لبس الحريم في الالعاب الآر بي جي خلاعه?: على قولتهم لبس حار:أفكر:

..قل من حرم زينة الله التي اخرج لعباده..او أنا غلطان ياجماعة الخير...:غضب: :غضب: :غضب: :D :D :D

........

vivi

:" :" :" :" اسمحلي ماعندك سالفة.

...............

الاخ الفاضلsion001:

افا الله عليك....وتنسي انكم من قارة وحدة و انكم كلكم شرقين من اليابان شرقاً الى الكويت غرباً...آسف الى هذه مدري وش اسمه:أفكر: :أفكر: :أفكر: السعودية.

و تري الشكل الشرق الآسيوي احسن من الضبان
...................

Final Fantasy 7: موضوع اكثر من رائع مع انه مكرر ومسروق(امزح معك)....

لكن وش تقصد بــــأصلا يونا عوره .. يعني شنو تتوقع منها

................................وجهة نظري ..............................

اولاً: تخيلوا ان رينوا سمراء....كيف تبدو؟؟؟؟

اكيد تبي تكون وحش...لكن هذا لايدعوا الى تميز بل الى الجمال.

...لكن يبدو انكم بعدين عن الله سبحانه ....اولم تعلموا ماهي مواصفات الحور العين....انهم بيض جداً....ومن شدة البياض ترى العضم....!!!!!

http://www.geocities.com/zxz222220022002/e__4_.gif

ثانياً: قلة الماستاج....كذلك من الجمال .....هل سمعتم قصة المقنع الكندي
او قصة أبن الحجاج .....الامرد.!!!!!!!!!! يبدو لا.

ملاحظة: اي شخص يشكك في نزاهة فاينل فانتسي فليستعد للمشكلات ...الى مشكلات كبيرة....وتقبلوا تحياتي واشواقي اخوكم.

............AbuEve...............
الهاكرالماكرالساحرالساخر

Final Fantasy 7

10-07-2003, 03:10 AM

الرسالة الأصلية كتبت بواسطة AbuEve

لكن وش تقصد بــــأصلا يونا عوره .. يعني شنو تتوقع منها

بكل اختصار :

يونا = عين زرقاء + عين خضراء = عوراء :p

AbuEve

10-07-2003, 03:21 AM

الرسالة الأصلية كتبت بواسطة Final Fantasy 7

بكل اختصار :

يونا = عين زرقاء + عين خضراء = عوراء :p

..........................

:D :D :D ههههههههههههههههه:D :D :D حلوة منك.

بس هذه حركة بالحيل حلوة....وشفت واجد بنات قلدن هالحركة...الغير مسبوقة....كذلك اذكر عند واحد من الربع أرانب عيونهن كوكتيل...:6 :6 :6 وتقبل تحياتي واشواقي أخوك.

AbuEve
الهاكرالماكر

AbuEve

10-07-2003, 03:35 AM

http://www.geocities.com/zxz222220022002/a.jpg
AbuEve
القلب النابض

Final Fantasy 7

10-07-2003, 03:45 AM

الرسالة الأصلية كتبت بواسطة AbuEve

..........................

:D :D :D ههههههههههههههههه:D :D :D حلوة منك.

بس هذه حركة بالحيل حلوة....وشفت واجد بنات قلدن هالحركة...الغير مسبوقة....كذلك اذكر عند واحد من الربع أرانب عيونهن كوكتيل...:6 :6 :6 وتقبل تحياتي واشواقي أخوك.

AbuEve
الهاكرالماكر

أنا غرامي الأرانب ^^

و على فكرة الصورة يالي حطيتها ما طلعت ‍!

AbuEve

10-07-2003, 04:14 AM

http://uaetoon.net/upload/docs/as2004.jpg
AbuEve
القلب النابض

sion001

10-07-2003, 05:54 PM

الرسالة الأصلية كتبت بواسطة AbuEve

الاخ الفاضلsion001:

افا الله عليك....وتنسي انكم من قارة وحدة و انكم كلكم شرقين من اليابان شرقاً الى الكويت غرباً...آسف الى هذه مدري وش اسمه:أفكر: :أفكر: :أفكر: السعودية.

و تري الشكل الشرق الآسيوي احسن من الضبان
...................

............AbuEve...............
الهاكرالماكرالساحرالساخر

يا حبك في الإستفزاز يا أبو إيف ..

أولا : أنا أخت سيون :)

ثانيا : إقرأ ردي مثل الناس و بعدين رد .. أنا ما أنتقدت لكن أنت فهمتها كأنها تريقة :p و بعدين ما شاء الله تدافع عن اليابانيين أكثر من هم يدافعوا عن نفسهم :p

عموما أنا مني من أهل نجد .. و لا يعني وش فيها أهل السعودية يعني مهم عاجبينك ؟؟؟ ولا خلاص محسب نفسك ياباني و كخة الباقيين :D أنت عربي و مسلم مهما لفيت ودرت :)

الرسالة الأصلية كتبت بواسطة Final Fantasy 7
[COLOR=red] sion001
الا صحيح .. ليش ما ترسمين نماذج أولية لشخصيات من خيالك و ترسلينهم لسكوير .. يمكن تعجبهم و يطورونها و يحطونها في ألعاب آر بي جي ":" !

:D فكرة حلوة يبغالي :6 أسويلهم واحد مثل سيف الصحراء :6

bluepanther2004

10-07-2003, 09:18 PM

على طاري الشنب و اللحية في لعبة أغلب أبطالها عندهم

داينستي واريورز 4

:6

Ibrahim

11-07-2003, 09:30 AM

يمكن عشان هذا الشيء إلي يعجب الأغلبية

(أغلبية غير العرب لأن العرب رأيهم غير محسوب بالنسبة لشركات الألعاب)

WHATEVER

Flanteus

12-07-2003, 05:20 AM

البياض ........ جمال :)

وأنا عاجبتني شخصية كايروس في فف8
:cool: جدا جدا جدا جدا جدا :D

Final Fantasy 7

15-07-2003, 05:40 AM

AbuEve
شكرا على صورة آيريس الحلوه ^^

sion001
و شنو يطلع هذا سيف الصحراء :6 ؟

bluepanther2004
داينستي وايرورز لها استثناء خاص ":"

DOOM LORD999
احنا العرب موب مخرب علينا شي الا هالكوبي .. يقطع سوالفه :"

flanteus
ايه صحيح .. أنا كيف نسيت كايروس .. :!
الا منو قال أن البياض جمال .. بالعكس اللون البرونزي هو الجمال بأم عينه :6