المساعد الشخصي الرقمي

مشاهدة النسخة كاملة : تعال يالشاب السعودي شوف وش قالوا فيك ..


MetalGear
07-07-2003, 08:46 PM
اول شي الموضوع منقول ..

ثاني شي انا ما نقلت هالموضوع غير عشان القهر ..

كاتب الموضوع يعتقد ان كل الشباب السعودي ساقطين ..

وان مافيه احسن منه ومن اللي خلفوه :غضب: ..

وكاتب الموضوع بطريقة استهتارية جدا ..

المهم..

اسيبكم مع الموضوع ..




..الشاب السعودي..رمز الرقي والتحضر

سبحان الله على هذا الشاب السعودي.. هذا الشاب اللي لو سالت كل العالم..كل الناس وفي مختلف الدول عنه ..كلهم بيقولون لك نفس الكلام..كلهم بيسمعونك سيل من كلمات الشكر والإعجاب..كلهم بيعطونك شهادات التقدير اللي توصف حسن سلوكه..كيف مايسوون كل هذا واكثر والشاب السعودي ضرب للعالم كله أروع الأمثله في الأخلاق والتحضر..

خلونا ناخذ الموضوع جانب جانب.. مثلا لو تكلمنا عن أنظمة المرور.. قد مرة شفت سعودي مسرع؟؟ قد مرة شفت شاب سعودي متعدي الصف عند الاشارة وينقال انه مو قاطع اشارة؟؟ أصلا قد مرة شفت شاب سعودي قاطع اشارة؟؟ابدا!! لو تسال المرور تعرف انهم مساكين ياعمري عليهم قاعدين لا شغلة ولا مشغله حاطين ايدينهم على خدهم ... لا يحررون مخالفات.. ولا فيه حوداث.. ولا فيه هوشات

اصلا ماتدرون ان في الدراسات الأخيرة اثبتوا ان الشاب السعودي محتل المرتبة الأولى في النظام والترتيب؟؟

واكبر مثل لما نكون عند الجوازت مثلا... والا في البنك .. تشوفهم يوقفون في طابور منظمين.. كل واحد يحترم دور الثاني.. ولا يتعدى عليه .. سبحان الله

طيب ولو أخذنا جانب ثاني ومهم .. اهو المغازل.. هذا الجانب اللي السعودين ابببببببببد مايعرفون فيه شي.. والا شوف الشاب السعودي العازب.. يدخل السوق... ياخذ شغله ويطلع .. وعيونه منزلها بالارض تقول يعد كم بلاطه بالسوق ..

والا الشاب السعودي المتزوج .. يدخل السوق ماسك بيد مرته.. ولا يرفع عينه من عليها.. ولا يقعد يقز ببنات خلق الله .. اصلا هو مايفكر الا بمرته وبس!! وهذي صفه ثانيه له.. الاخلاص !!

اما اذا كان شاب سعودي يشتغل بمحل حريم .. سبحان الله على اخلاقه .. مسكين يعامل البنت بكل احترام واخلاق.. ولا يفكر يحط لها الرقم في كيستها او يطلب منها تكلمه .. في الواقع.. الشاب السعودي مايعرف كيف يرقم وبمعنى اصح مايعرف وش يعني ترقيم..

مرة سالوا شاب سعودي عن رايه بالترقيم.. تدرون وش قال؟؟ قال: ينظم الشوارع..

مسكين يحسب ترقيم الشوارع ..

اصلا في حياتي ماشفت شاب سعودي كاشخ ومشخص كانه معرس يحوط بالمجمع يتمنى بنت تعطيه وجه.. ولا عمري شفت شاب سعودي يقعد بسيارته (الكشخه) يدور حول المجمع منزل الشبابيك والاغاني شاقه الدنيا .. لفت نظر!!

الشاب السعودي يعتبر بنات خلق الله مثل خواته عشان كذا مايغلط عليهم .. او يرضى انه يعطيهم الورقه الصغيره اللي مكتوب عليها الرقم..اصلا هو مايحب يخدع البنت..فما يرقهما وهو حاط اسم مو اسمه ..ومايكلمها طول الليل وهو يوعدها بالزواج وبالأخير يتركها ولاكن عرفها..

اصلا هذي الاشياء مو من طبعه ولا من شيمه ... مو هو الشاب الراقي؟؟

هنيئا لبلادنا فيك يالشاب السعودي.. يارمز الرقي والتحضر !!
التنين الاسود 3
07-07-2003, 09:10 PM
اهو الي كتبه واحد ما يستحي على وجهه ....

بس في بعض الأشياء تنطبق على البعض وليس الكل....

لكن الشر يعم والخير يخص


وعلى العموم .... الي كتبها ماعنده اسلوب
:غضب:
Y a z e e d
07-07-2003, 10:04 PM
انا شاب سعودي !!
وأقولك ... أغلب اللي هنا صح وللأسف ...
لاننا شباب فاشل بلا هدف ...
العالم وصل اعلى المراتب !...
وين احنا ؟! ...
في ويننغ ايلفن وفاينل فانتسي ..!
ولا نناظر الجزيرة وندعي الله يقلع امريكا ؟! ...
هذا شباب !...
وين احفاد عمر !...
للاسف شباب رايح فيها ...
ولازم نعدل انفسنا ولا بنروح فيها ...
على فكرة اللي كاتبها سعودي !...
من لهجته ...



واسف على اسلوبي بس هذا الحق ... :)
The**Last
07-07-2003, 10:14 PM
MetalGear

ليش تشوف المقاله من هالناحيه :)

تقدر تعتبر المقاله كوميديه !!!

انا والله لما قريتها قاعد اضحك !!!

لانه يبين من اسلوب الكاتب كوميدي !!!

فلا تاخذه كسبب شخصي

وشكرا :)
PRG of RPG
07-07-2003, 10:49 PM
السلام عليكم

صحييييح :(

طبعاً ماهو الكل ومافيه شيء ينطبق على الكل ... ولا تكلمنى عن شيء نقصد الأغلبية

بس الحين بعضهم طفشوا من دوران الشوارع وقلبوها شات (تغيير ! )
ورد
07-07-2003, 11:02 PM
اصابع اليد مو مثل بعضها..

وكل مكان فيه الزين وفيه الشين ...

يمكن صاحب الموضوع ما قابل الا نوعية وحدة بس ..

علشان كذا حكمه كان بجهة وحدة ...
MetalGear
07-07-2003, 11:39 PM
التنين الاسود 3
=========
اخوي انا اخالفك في نقطة ..
إلا هي ان اسلوب الكاتب حلو .. او على الاقل عجبني ..:)

Angel`s Knight
=========
اخوي حتى انا شاب سعودي ..
بس انه يحكم على الكل بالموت !!
هذا مو مطلوب ..
ففي شباب من جد ينطبق عليه الكلام اللي قاله ..(عدم المعاكسة والاحترام ووو )

The**Last
======
انا معتبرها كوميدية !
بس ماني فاهم كيف ماخليها سبب شخصي ؟!

PRG of RPG
========
كلامك صح :)

ورد
==
ممكن :( ..

مهجدهم
=====
الحمد لله انك من الفئة الطيبة .. بس هذا لا يعني ان مافي فئة بطالة !!
ورد
07-07-2003, 11:41 PM
الرسالة الأصلية كتبت بواسطة MetalGear


مهجدهم
=====
الحمد لله انك من الفئة الطيبة .. بس هذا لا يعني ان مافي فئة بطالة !!

الفئة الطيبة تتكلم باسلوب احسن من كذا :أفكر:
الكونت دراكولا
07-07-2003, 11:44 PM
أول شي اقول الكاتب هذا من عينة الكتاب اللي يكتبون موضوع عشان الشهرة

يلا مين قده موضوعه وصل للمنتديات .. شكله سعودي وبعد ما كتب له الموضوع صقعها فنجال قهوة تركي مظبط ونزل السيارة شغل إليسا وراح البيت تكى قدام الشو تايم واخر شي دق على خويته قال لها ايش عندك بكرة امرك نطلع نتعشى ..

الحمد لله والشكر بس .. والله في مجتمعنا فئات تجيب الـ"غثيــان" نفسي اعرف من وين برزت ..

اقول انت وياه .. الحين معصبين ومأتشة معاكم "وصلت الحرارة عندكم للـH? "

اقول ترى الواحد ما همه كلام الناس يعني خلوكم شجعان وكرماء زيي ":" .. كلام الناس عنكم زي كب الموية على الجدار لا يأثر فيكم ..

شوفوا انا مستعد اعطي كل واحد فيكم كورس علوم رجال متقدم مدته 22 ساعة على مدار الأسبوع ولكم شهادة بعدها .. :6


على كل الزبدة اللي طبخت بيها الطبخة كلها .. لا يهمكم كلام هذا انا بكرة اوريكم فيه :6
مهجدهم
07-07-2003, 11:52 PM
ما شاء الله عليك اخوي مؤدب ...
اسلوبي كان محترم ما توقعت ان فيه ناس اسلوبهم ( متخلف )
اسمحلي انا ما احب المشاكل لكن تراك زودتها ...
وضربت مثال رائع على الشاب السعودي المؤدب !!!
اوووخس يا مؤدب
قطعك الادب ...
احترم نفسك والزم حدودك ...
على فكرة انا مانيب مادح نفسي لكني انجزت انجازات سعوديه كبيره
مو مثلك يا مؤؤؤؤؤؤؤؤؤؤدب
-----------------------------------------------------------
خخخخخخخخخخخخخخخخخخخخ مرسلي على الخاص انت ووجهك؟؟؟ مسوي خويي ولا وش سالفك بالضبط على العموم....
ماودي انطرد عشان خشك في راسك شي على المسنجر
saudimx@hotmail.com
يقول انجازات سعودية كبيرة خخخخخخخخخخخ الاخ ماخذ جائزة نوبل في الفيزياء النووية وحنا ماندري
D0WN~T0WN
08-07-2003, 12:04 AM
ههههههه

وش المشكلة طيب ؟

كل الكلام اللي قاله شي عادي جدا جدا وكل شباب العالم يتصرفون كذا والا يبيهم برضاعة والا يمشون بسيكل بدل السيارة ياخي عادي ماشوف شي عيب لو تروح امريكا مثلا تلاقيهم يحبون السرعة والتهور يعني وش تبيه يتصرف كأن عمره 55 سنة ياخي خلونا نتمتع بشبابنا موب كافي انكم مسكرين علينا كل شي حتى كباين التلفون الظاهر عوايل وميب بعيدة محطات البنزين تصير عوايل لان فيها اختلاط

صراحة كلام سخيف ومن واحد معقد وابوه كان يعامله بقسوة يوم انه صغير
PRG of RPG
08-07-2003, 12:05 AM
السلام عليكم

سؤال يطرح نفسه ؟

ليش الكل هنا طيب وحبوب ... مثالي في جميع الجوانب ..فكل صفة سيئة تطرح .. الكل يعارضها

اذا كنى نبي نلعب على بعض وش بنينا هنا !!
MetalGear
08-07-2003, 12:33 AM
اخوي مهجدهم ..

ياليت نحترم انفسنا ;-) ..

مانبي نقلب الموضوع مضاربة ..

ماحد قال عليك شي ..

وكمان انا ماقريت ردك مضبوط ..

علشان كده مارديت عليك من اول ..:)

واخوي انجلز نايت حب يوضح الموضوع فقط لا غير :)
MetalGear
08-07-2003, 12:41 AM
الرسالة الأصلية كتبت بواسطة D0WN~T0WN
ههههههه

وش المشكلة طيب ؟

كل الكلام اللي قاله شي عادي جدا جدا وكل شباب العالم يتصرفون كذا والا يبيهم برضاعة والا يمشون بسيكل بدل السيارة ياخي عادي ماشوف شي عيب لو تروح امريكا مثلا تلاقيهم يحبون السرعة والتهور يعني وش تبيه يتصرف كأن عمره 55 سنة ياخي خلونا نتمتع بشبابنا موب كافي انكم مسكرين علينا كل شي حتى كباين التلفون الظاهر عوايل وميب بعيدة محطات البنزين تصير عوايل لان فيها اختلاط

صراحة كلام سخيف ومن واحد معقد وابوه كان يعامله بقسوة يوم انه صغير

اخوي اذا تبا تقارن نفسك بأمريكا فهذا امر راجع لك ..!!

حنا مسلمين وجدودنا مسلمين مايصير نتقارن باحفاد القردة والخنازير :)

وكمان وش تقصد نتمتع بشبابنا ؟!!؟!

ليه هو المتعة في البنات والسرعة والتهور والمحرمات ؟!؟

مافيه متعة في حدود الحلال !

صحيح ان في اشياء حرام موجودة وكثير .. بس نحمد الله انها ميب اكثر من كذا !

ونحاول نصلح الخربان !

مو نقول لا حنا تمام ماسوينا كذا وكذا !
D0WN~T0WN
08-07-2003, 01:47 AM
انا اقولك مثلا وامريكا كمثال موب مقارنة
خلاص مثلا الكويت او الامارات كلهم نفس الحالة

وبعدين سالفة السرعة ميب عيب بالعكس هاذي في الدول المتقدمة تعتبر رياضة ومسوين اندية خاصة لسباقات الربع ميل او مايسمى هنا المقاومات و المطارحات والشباب مالقو مكان غير الشوارع العامة والا لو عندهم اندية زي باقي خلق الله والله كان يخف عدد اللي يسرعون او يتطارحون في الشوارع العامة وعلى فكرة هاذي الاندية بدت تنتشر في بعض دول الخليج الا دولتنا المتخلفة

ياخي واحد معه لومينا اس اس وش تبيه يسوي يبيع بليلة عليها؟

اما سالفة البنات فأنا ماقلت حلال وراجع ردي اذا طلع فيه كلمة بنت اعطيك ريال ونص
عماد 18
08-07-2003, 02:28 AM
وش فيكم ؟؟
الي يسمعكم يقول انكم عايشين في كوكب ثاني مو في دولة ثانية ..
هو يمكن غلطه ان كلامه يحسس الواحد ان كل الشباب كذا ..
بس هو ما جاب شي غريب ..
ياخي اذا بغيت تشوف العجب فعلا ..
رح للفيصلية و المملكة ..
لا تدخل ..
بس مر من عندهم ..
وشف الاشكال الي تفتح النفس ..
الزحمة هناك ليتها من كثر الناس الي يروحون و يجون ..
لا الزحمة بسبة هالحيوانات اللي جالسين يتصيدون محارم خلق الله ..
كانهم غربان ..
Pepsi Kun
08-07-2003, 10:58 AM
السلام عليكم ...


انا مع الكونت في كلامه عن الكاتب ...

وفي المقال قد تكون هذه الصفات تنطبق على البعض وليس الكل ...

وللاسف ..
ODIN
08-07-2003, 11:18 AM
جت على السعوديين بس ؟!

كل الشباب عموما .... والعرب خصوصا ... والخليجيين خصيصا..

والا تحسبون نفسنا بزمن الصحابه .. عشان ما تشوف هذي العيوب في الشباب ؟!
A Step--ForWarD
08-07-2003, 11:27 AM
حقيقة اللي كاتب الموضوع صادق وماقال شي غلط ............

ولكن مو كل الشباب السعودي كذا .....?:

نقدر نقول اكثر من النصف زي كذا .........:#

لو بس يمنعون الكوامري والدداسن عندنا كان ظهر الشباب بشكل افضل :0)


:D :D :D :D :0) :0) :0) :0)
MetalGear
08-07-2003, 04:16 PM
ياشباب ..

ماحد قال ان هالنوعية مافيه منها !
لا .. فيه .. واللي مومصدق يروح هالاماكن اللي قالها عماد بالرياض وغيرها من الاماكن اللي بالخليج كله

بس ما يصير تعمم !

ياخي فيه شباب مايسوي هالحركات .. وهم كثير كمان ..

وممكن يكون مغرى المقال انه ينبه الشباب ..!

وممكن يكون مغزاها استفزازي زي ما انا اعتقده في البداية !
نيو ايرفين
08-07-2003, 04:45 PM
هو ما تكلم على الفئة الطيبة:#
Lucky guy
08-07-2003, 07:40 PM
ما في فايدة :) .. هذا الي اقولة
silverpaco_101
08-07-2003, 10:49 PM
عموما زي ما قالت الاخت ورد كل مكان فيه زين و شين:-)


يعني امريكا اللى حاطينها حضاره و شعب و مدرى أيش فيها من أغلب شبابها راعيين سكره و تفحيط:-) (حتى عندهم بدت تنتشر التفحيط أخوى يقوللى اللى يدرس بأمريكا) و بلاوى مثلنا بالضبط

بس هم عندهم نظام صارم و هذى النقطه انت نسيتها اي واحد يرمي شي على الارض يغرم اي واحد كا يلتزم بالمرور يغرم بس عندنا لأ و للاسف


اللحين الواحد اللى يتكلم مثل هالكلام انا ابي اشوفه يطبقه بالحرف ثم يتكلم


اما سالفه المغازل ما فماعتقد انه بيجي رجال و يغازل وحده متغطيه و محتشمه و عبايتها على راسها:-)
SNOoOP
08-07-2003, 11:31 PM
لا تكفى يالفرنسي<<<<< للكاتب ...

المهم

الي يقول ان الشباب السعودي كلهم بهالاوصاف

فاسمحلي ماعنده سالفه...

لو الشباب السعودي كلهم كذا

ماشفت بين المجاهدين من امثال خطاب - رحمه الله- واسامه بن لادن - حفظه الله-

والعديد العديد غيرهم حيث من المعروف ان اكثر المجاهدين

خرجوا من هذه الارض ...

يكفي شرفا ان هؤلاء المجاهدين تربوا في معقل الاسلام

في ارض الجزيره العربيه ...
Moon Boy
09-07-2003, 01:10 AM
بوه مثل يقول (خذ وخل);)

بعدين لحد يعمم..

يعني فيه فئة مثل كذا

لكن والله فيه شباب وش ملحهم كنهم البخت (طبعاً مثلي):p
msm
09-07-2003, 01:35 AM
مجرد كلام .. بكرا راح تنسونه ..
PRG of RPG
09-07-2003, 01:49 AM
الرسالة الأصلية كتبت بواسطة SNOoOP
لا تكفى يالفرنسي<<<<< للكاتب ...

المهم

الي يقول ان الشباب السعودي كلهم بهالاوصاف

فاسمحلي ماعنده سالفه...

لو الشباب السعودي كلهم كذا

ماشفت بين المجاهدين من امثال خطاب - رحمه الله- واسامه بن لادن - حفظه الله-

والعديد العديد غيرهم حيث من المعروف ان اكثر المجاهدين

خرجوا من هذه الارض ...

يكفي شرفا ان هؤلاء المجاهدين تربوا في معقل الاسلام

في ارض الجزيره العربيه ...

حنا نتكلم عن الاخلاق

اي نعم الدين مرتبط بالاخلاق ... والدين يصلح الاخلاق

بس الاخلاق مهب الدين





بس السعودية ما فيه شي يشوفونه عشان يفتنون !!

يعني يطارد ورى عباة !! مستقبل مجهول

الا ما ندر ونتمنى انهم ينعدمون
الكونت دراكولا
09-07-2003, 02:33 AM
الحين فهمت وجهة نظر الكاتب .. انا أرى ولا أرى لكنني أرى انه قبل شوي يبدو إنه جا بيحاول يغازل بنت بس المسكين ما عطته وجه وجرب مع الثانية والثالثة بس ماش ما يأهل اخونا ..

لذا قرر انه يحط حرته في الشعب السعودي بحكم اني ارى ولا أرى لكنني أرى انه من جمهورية قوزقوزتان المعادية للفكر السعودي المعاصر ..

نرجع للجد .. اشوف اكثركم شن حملات على السعوديين وهذولي شعب فاشل ومدري ايش .. لا حول ولا قوة الا بالله وين الوطنية اللي عندكم ..

شوفوا .. قبل لا اقول لكم على وجهة نظري ابغاكم تقولون لي دولة تطبق الشريعة كما نطبقها .. وين فيه دولة لبس العباية أو الحجاب الزامي فيها ..

وين فيه دولة تحرم بيع الخمر فيها ..

قل لي على دولة وقت الصلاة تقفل كل المحلات فيها ..

قل لي على دولة وحدة فيها هيئة الأمر بالمعروف والنهي عن المنكر اللي لولا الله ثم هم لكان شعبنا في خبر ان ..

شباب والله حنا في نعمة نحسد عليها غيرنا زي ما انتم شايفين مسلمات ممنوع يدخلون الجامعة بالحجاب ورجال ما يقدرون يقفلون محلاتهم يروحون يصلون خمس دقائق ويرجعون

انا لا أنكر انه في تساهلات .. او بالأصح تجاوزات .. ما ننكر انه فيه فساد بس بمقارنة بغيرنا يعتبر نقطة من بحر بل ومن محيط ..

اشوف اكثركم يتشدق وعذرا على الكلمة وشاف واحد يقول السعوديين خربانين يجي اللي بعده ايه صح السعوديين ماش ماهم شعب ويجي اللي بعده ويعطي ايه صح السعوديين دايم يغازلون وبعده وبعده وبعده ..

طيب نفسي كذا اجي الاقي موضوع واحد كاتب فيه والله يا شباب ما شاء الله ما اكثر حلقات التحفيظ عندنا وما أكثر أهل العلمة والأئمة وما شاء الله بلدنا العباية الزامية فيها والحمد لله الواحد يقدر يقوم بدينه وهو ماهو خايف من طاغية علماني ولا مسيحي ولا حتى مريخي ..

شباب اذكروا الله واحمدوه على النعمة وترى كثرة القرقرة والحكي الفاضي ما تودي ولا تجيب .. وزي ما قلت لكم فيه نوعيات سيئة ونوعيات سيئة جدا بس ولو هذه ولله الحمد ما تطغى على النوعيات الممتازة والمحافظة على الدين او حتى المتميزة خلقيا ..

لا اله الا الله سبحانك اني كنت من الظالمين
sas_com3
09-07-2003, 04:04 AM
انا اللي قاهرني "التعميم"

والله فيه كثير من الشباب الحمد لله فيهم الخير والبركه ..

بس هالمشكله ناتجه عن الفراغ

لان الواحد يبغى يسد الفراغ بشي جديد ومغمره زي تفحيط لفت نظر

اما المعاكسات هذي ناتجه عن التربيه بس الحمد لله قليله مقرانه بغيرها ..


وبعد بغيت اشوف هالمؤيدين للكلام

يعني انت شاب تسوي هالحركات اللي كاتبها الكاتب ؟
انت كنت انت ماتسويها فأن فيه غيرك احسن منك وفيه الارداء بعد يعني لاتعمم
الكونت دراكولا
09-07-2003, 05:31 AM
الرسالة الأصلية كتبت بواسطة sas_com3
انا اللي قاهرني "التعميم"

والله فيه كثير من الشباب الحمد لله فيهم الخير والبركه ..

بس هالمشكله ناتجه عن الفراغ

لان الواحد يبغى يسد الفراغ بشي جديد ومغمره زي تفحيط لفت نظر

اما المعاكسات هذي ناتجه عن التربيه بس الحمد لله قليله مقرانه بغيرها ..


وبعد بغيت اشوف هالمؤيدين للكلام

يعني انت شاب تسوي هالحركات اللي كاتبها الكاتب ؟
انت كنت انت ماتسويها فأن فيه غيرك احسن منك وفيه الارداء بعد يعني لاتعمم


ياخي انت احسن واحد في العالم .. على فكرة انا أحيي الملك خوباج والملك P E P S I ~ 911 .. انتم احسن ناس في العالم بعد ساس ":"
ابوحمد27
09-07-2003, 10:54 AM
بالنسبة للسرعة عادي مافيها شي :أفكر: ..

ياخي حنا نحب السرعة في كل شيء ;) ..


ندخل على المغازل ..

طبعاً الدعوة فيها تعميم وهذا غلط :o ..

هذي الأقلية ..

واللي حاط الموضوع مدري صراحة وش جنسيته ..

على العموم اللي يغازلون في السعودية مثل ماقال ..

احسن من اللي تركب معه على طول :) ..

الحمدالله حنا في نعمة ..



بس تدرون اتمنى اعرف من اللي كاتب الموضوع ..


نشوف الملاك اللي يتكلم ومن وين ..


أكيد مقهور ..

تدري ليه عشان السعودية والله ياهي قاهرتكم :p ..
SNOoOP
09-07-2003, 04:22 PM
الرسالة الأصلية كتبت بواسطة PRG of RPG


حنا نتكلم عن الاخلاق

اي نعم الدين مرتبط بالاخلاق ... والدين يصلح الاخلاق

بس الاخلاق مهب الدين


اخوي ذا الكاتب عمم على جميع الشعب السعودي...


وانا ذكرت هالامثله علشان اذكره

ان في بعض الشباب ماتهمهم الدنيا ومغرياتها...

والدليل ذهابهم الى الجهاد

خاصتن اذا عرفت ان بعض هالمجاهدين من ابناء عائلات غنيه

يعني متوفرلهم كل شي...
ZIDANE_10
09-07-2003, 04:30 PM
شباب الكاتب قال كلام يمثل وجهة نظر شخصية، وهو ذكر أكثر من نقطة، وش اللي خلاكم تركزون على سالفة المغازل ؟

ولو إنه مثل ما ذكر الكونت قام يطارد ورا بنات ما عطوه وجه، كان ما تكلم على المواطنين وقال مثل ما قال غيره في البنات "عنز الشعيب ما تحب إلا التيس الغريب" ؟

ومع الآسف كلامه ينطبق على الأغلبية اللي مفروض يكنون واجهة لنا أمام الأمم، ولهالشيء عمم ..

عاد الله يستر لا يجي واحد ويكتب عن الرقي والتحضر السعودي في الخارج!
Wa7eD NaFaR
09-07-2003, 09:45 PM
أنا اختلف معاك وأقول للأسف انه صادق ولكن فعلا هذا البعض ولكن هذا البعض يشكل الاغلبيه ... وخاصة سمعتنا برا بالحطيط .. مهما كانت اخلاقك ممتازه تظل نظرتهم لكم بأنك شاب سعودي وانك اتي تبحث عن الحرام .. للأسف هذي الحقيقه في نظرهم .. مشوارنا طويل وعملنا راح يكون شاق في تغيير الصوره .. ولكن فوق كل هذا كله اقول ارفع راسك انت سعودي :D
THE GAME HUNT3R
09-07-2003, 11:30 PM
يأخوان ياأخوان ترى أصابعكم ليست سوا ((سوا سوا سوا سوا بطاقة الشحن الطفارى))
DOOM
10-07-2003, 05:12 AM
كلام سخيف من جد يعني مبين ان كاتب الموضوع خليجي من اسلوبه وعموما واضح من طريقته من اي دولة تحديدا.......
لكن ايش المطلوب من الموضوع بالضبط؟
نقتنع ان السوالف ذي بس بالسعودية؟والحركات ذي مايسويها الا السعوديين؟وان كل السعوديين او غالبيتهم ينطبق عليهم الكلام؟
بالنسبة للي تفلسفوا وقالوا انا سعودي وهالكلام صحيح الله.......
اقول اطلع برى وشف غيرك شيسون عشان تجي تحاسب روحك على هالتفاهات..........
ما اقول الا الله يكملنا بعقولنا امين
الكونت دراكولا
10-07-2003, 10:26 AM
الرسالة الأصلية كتبت بواسطة DOOM
كلام سخيف من جد يعني مبين ان كاتب الموضوع خليجي من اسلوبه وعموما واضح من طريقته من اي دولة تحديدا.......
لكن ايش المطلوب من الموضوع بالضبط؟
نقتنع ان السوالف ذي بس بالسعودية؟والحركات ذي مايسويها الا السعوديين؟وان كل السعوديين او غالبيتهم ينطبق عليهم الكلام؟
بالنسبة للي تفلسفوا وقالوا انا سعودي وهالكلام صحيح الله.......
اقول اطلع برى وشف غيرك شيسون عشان تجي تحاسب روحك على هالتفاهات..........
ما اقول الا الله يكملنا بعقولنا امين

أنا كنت مرشحك ثالث أحسن واحد في العالم ..

لكن ماش ..

ما شاء الله عليك صرت أحسن واحد في العالم كله :cool: احح لو فيه منك عشرة يا شيخ ..
‍‍‍
10-07-2003, 02:38 PM
الرسالة الأصلية كتبت بواسطة Angel`s Knight

لاننا شباب فاشل بلا هدف ...


:غضب: لو سمحت لا تقول لاننا قل لانني تكلم عن نفسك
لانك اذا كنت تسوي هالاشيا الحمد لله انا ما اسويها واذا كنت انت فاشل فالحمد لله انا اعتبر نفسي ناجح فلا تقيس الناس بمقياس نفسك


وبالنسبه للاخوان الي يقولون رح الفيصيله والمملكه وتشوف العجب العجاب نقول الي في العليا الشباب الي يدورون ويغازلون عددهم تقريبا 1000 ولا تدرون خلوها عشره الاف شاب طيب كيف نحكم على شعب عددهم 24000000 مليون بفعل 10000 عشرة الاف منهم

وبعدين الكلام ذا صاير في كل مكان على وجه الارض ومافيه دوله كامله كل مكان فيه الصالح والطالح واذا جينا نقارن الشباب السعودي بغيرهم من شباب دول العالم فبنجد ان الشاب السعودي افضلهم والحمدلله


ومشكورين على الموضوع
‍‍‍
10-07-2003, 02:44 PM
وبعدين الي كاتب الموضوع 100% ميه في الميه مو سعودي والدليل يوم يقول ((لما نروح الجوازات)) اخونا في الله شكله جاي السعوديه ومضيع اقامته لووووووول :D :D :D
‍‍‍
10-07-2003, 02:58 PM
الرسالة الأصلية كتبت بواسطة Angel`s Knight

لاننا شباب فاشل بلا هدف ...


:غضب: لو سمحت لا تقول لاننا قل لانني تكلم عن نفسك
لانك اذا كنت تسوي هالاشيا الحمد لله انا ما اسويها واذا كنت انت فاشل فالحمد لله انا اعتبر نفسي ناجح فلا تقيس الناس بمقياس نفسك


وبالنسبه للاخوان الي يقولون رح الفيصيله والمملكه وتشوف العجب العجاب نقول الي في العليا الشباب الي يدورون ويغازلون عددهم تقريبا 1000 ولا تدرون خلوها عشره الاف شاب طيب كيف نحكم على شعب عددهم 24000000 مليون بفعل 10000 عشرة الاف منهم

وبعدين الكلام ذا صاير في كل مكان على وجه الارض ومافيه دوله كامله كل مكان فيه الصالح والطالح واذا جينا نقارن الشباب السعودي بغيرهم من شباب دول العالم فبنجد ان الشاب السعودي افضلهم والحمدلله


ومشكورين على الموضوع
MetalGear
10-07-2003, 06:51 PM
الرسالة الأصلية كتبت بواسطة ‍‍‍
واذا جينا نقارن الشباب السعودي بغيرهم من شباب دول العالم فبنجد ان الشاب السعودي افضلهم والحمدلله




ايه ايه :p ..

الزحمة اللي بالجامعات كلها بسبب ان الشباب السعودي كله 99.5 %

ومن كثر المخترعين والعباقرة اللي عندنا ..

إلا اذا كنت تقصد بالوينينغ اليفين هذا شي ثاني ..

وهذا لا يعني ان مافيه الطيبين والعلماء :6

لأ .. فيه بس نسبة للفاشلين ..

صدقني مايسوو شي جنبهم ;-)
واحد منحوس
24-10-2003, 09:16 PM
خيبك الله يا خسيس