الى المغروره المدعوه SAF!A

[R.B.G]

الى من تدعو نفسها SAF!A وهي ابعد مايكون عن الصفاء :


انتي اول مادخلتي المنتدى دخلتي بكذبه لما نزلتي موضوع ( مافي حد يحترم عضو جديد) وقلتي انه مافي حد رحبك بكي ابدا مع انه انا وكم واحد من الاعضاء مرحبين فيكي صارلنا اسبوع .

بعدين قمتي ونزلتي موضوع تتهجمين فيه على جميع الاعضاء وتنتقدينهم وتقولين انهم مايعرفون يلعبون وانهم يتفلسفون على الفاضي !!!! على اي اساس بنيتي كلامك ؟؟


وبعدين نزلتي موضوع ( الى عشاق ستيف وبس والباقي خس ) !!!!!!!
يعني هذا سب علني للي مايحبون ستيف .
كان من الممكن انك تكتفي بعبارت ( الى عشاق ستيف وبس )
من غير التطاول على الاخرين .

وبعد كذا صرتي تنزلين مواضيع غريبه اول مره اشوف مثلها في المنتدى !!!
مثل موضوع ( كل واحد يقول كم عمره ) !!!!!!!

يعني انا اريد افهم وش راح تستفيدين من اعمارنا ؟؟؟ ( نحن في منتدى العاب وكمبيوتر مش في صفحة تعارف وزواج ).


وااخر ما ابهرتينا بيه هو موضوع ( زورو موقعي ) بصراحه انا دخلت هالموقع وشفت انه تافه ورخيص واقرب الى الاباحيه .
وغير كذا : يجي مع الموقع وصله لموقع محجوب ( ممنوع ) الله يعلم وش ورى هالحجب ؟؟؟

وبعد هذا كله نسبتي لي كلام انا ماقلته لانه اللي قاله فالحقيقه اسمه R.P.D ولما حبيت اوضحلك الامر رديتي علي باني اسخف عضو فالمنتدى ‍‍‍‍‍‍!!!!!!!


فنهايه انا ما بقول غير كل واحد يتكلم حسب ما اهله ربوه


وسوالم يا SAF!A ونا اقول حطي الف علامة تعجب جنب اسمك لانه علامه وحده ماتكفي .

[yousif]

شفيك صاير غبي يا اخي هي بنت وانت تعرف ان البنات اي شيء يحبونه يتعصبون عليه?: صحيح انك ما تفهم:cool:

[الكوبرا]

شف شف عشانها بنت تغلط على الي ما يسوى والي يسوى
في اي شريعه هذي ياخ yousif يعني انت خس طيب اترك هذي
يعني لو تسبك بنت وتقولك ياحمار ياثور ترضى اذا كنت ترضى الله يخلف
عليك .
انا من وجهة نظري اذا صفا سوت شئ غلط ما فيها اي شئ لو تعتذر
و الغلط مهوب عيب بس الاستمرار فيه هو الغلط بعينه وعلمه
ومعليش R.B.G امسحها في وجهي هالمره
ويا صفا عيب هالكلاام وانتي جديده توك لاتفتحين عليكي ابواب
وانا ماني معك في كلااامك ستيف وبس وا الباقي خس؟؟؟؟؟؟؟؟؟
افا عليك بس.

[yousif]

انا قلت ان هي بنت عشان كذا تتعصب........بس صحيح كلامك اللي يغلط لازم بتاسف:)

[Fly_Batman]

معاكم حق ياشباب لازم تتأسف وأنا كنت أتوقع منها هذا الكلام عندما دخلت المنتدى وحطت موضوعها(ما أحد يحترم وجود عضوا جديد) فأن من أول ماشفت هذا الكلام قلت بتجى المصايب على رؤوسنا فكان من أمكانها أن تقول (أنا عضوا جديد هل من مرحب وهكذا) :(
يمكن نسامحها إذا غلطت غلط أوغلطان بس يزيد عن ذالك فمنتدانا هذا لن يحتمل ذالك وأنا أخاف أن يصبح منتدانا كمنتدى فاينال فانتاسى الذى إنهار:o
ونطلب من الجميع رئيهم بس أرجوا من أعضاء المنتدى ألا ينتهى هذا الموضوع الى الشتم واللعن (أعوذ بالله من الشيطان الرجيم)
والسلام خير ختام:D

[الكوبرا]

اشوى انك فهمت

[Revolutions]

بقول شي لكن لاتزعلون ياشباب خلو البنت على راحتها هي ماحددت احد يعني جمعتنا كلنا وانا اقول اعزروها يمكنها كانت معصبه والاشي

[Fly_Batman]

مايهم إنى فهمت ولا مافهمت المهم أن نتدارك هذه المشكلة الكبيرة وأرجوا من صفا أن تحفضى لسانك فنحنوا لسنا في منتدى المتسابين أو أحسن سبه:(
كما حدث في موضوع (لا تدخلوا):واو:

[R.B.G]

حسن الفاضك يا yousif

لاني مش غبي وافهم عدل .

واذا انته هاينه عليك نفسك روح خليها تسبك مثل ماتبي .

اما انا والله لو منو يكون ما ارضى يغلط علي خصوصا اذا كان الشخص تافه ومغرور .



قال عشان بنت قال !!!!!!!


والله فيه بنات كثير فالمنتدى بس ماشالله عليهن ادب واخلاق .

[R.B.G]

يا شباب والله اني مو متعود انه يستفزني اي حد .
والله اني كمان مو متعود اجرح احد وما احب اتدخل في مثل هالمواضيع بس اهي غلطة علي اكثر من مره .
ونا صراحه ما ارضى الاهانه لنفسي ولا لغيري .



وانا ااسف اذا غلطة على اي حد فيكم ( بستثناء المعنيه في الامر ) .

[Tamaki_q8]

والله الموضوع ماله داعي و ثانيا هي بنت عاد اشوية احترموها

و ثالثا اخوي R.B.G ارجو ان تقفل الموضوع حنا مو ناقصين المشاكل مثل باقي المنتديات :(

و ارجو ان معلومة وصلت :)

و شكراااا

[R.B.G]

!!!!!!!!!!!!!!!!!!!!!!!!


والله كلامك غريب يا رزدنة ايفل الكويت



انا ما اريد اعمل مشاكل بس اهي غلطة علي وعلى غيري واذا غيري راضي انا ما ارضى .

روح اقرى مواضيعها وبعدين تعال قول اذا كانت بنت عاديه ولا لا .

[Sonic 2002]

يشباب اتقوالله هادي بنت رقيقة أكيد موقصده . لازم نسامحه وننسى
كلامها ولي فات مات وخلين نفتح صفحة جديدة ونكسب صداقته.

[Tamaki_q8]

اخوي R.B.G

مثل ما قال الاخ SONIC2002 ( الي فات مات ) خلاص اقفل الموضوع

و شكراااا

[yousif]

خلاص يا R.B.G انا متأسف........

[الكوبرا]

نهي نهي
للازم تعتذر الا اذا سامحها العربجي!!!!
R.B.G

[Revolver Ocelot]

تم نشرها بواسطة : الكوبرا نهي نهي
للازم تعتذر الا اذا سامحها العربجي!!!!
R.B.G

هههههههههههههههههههههههه والله ياشيخ انك رهيب ههههههههههههه

بعدين ياشباب

:)Didn't you see she's 13 years old .............got it

then leave this ki....... ooooopppps i mean this girl alone :D :D :D

[ابو تركي]

عطوهااااااااااااااااااا جوهاااااااااااااااااااااااااااا

[Fly_Batman]

أقول الموضوع زاد عن حده أقول سامحوها هذه المرة ولكن إذا سبت أوشتمت (فتصرفوا بما تروه حق لكم ) ولا تردوا عليها إذا شتمت فكونوا أحسن منها
كما قال الرسول صلى الله عليه وسلم:
( من سترا مسلما ستره الله يوم القيامه)
(إن أفضلكم عند الله أتقاكم)

[R.B.G]

والله مو عشانها .

لكن عشان ما يخترب المنتدى وتقولو اني انا السبب انا راح اقفل الموضوع .


ونشالله مايصيير الا كل خير .



وااسف اذا كنت سببتلكم شوشره .

[عماد 18]

لالا لا لا لا للمخدرات ..... قصدي لا تسامحوها هي الدعوة سايبة و الا سايبة ؟؟؟
اقول شباب وش القصة ؟ :D:D:D:D:D:D

[ارفين]

شباب الحق حق:)

هي غلطت صح فليه ما تتاسف ?:

او لانها بنت تدافعون عنها؟!!

انا لما شفتها حطت موضوع تقول ما احد فيكم يحترم عضو جديد؟؟؟ حسبتها حاطه موضوع قبل كذا بس ما احد رد عليها؟؟1

الزبده صكوا الموضوع عشان ما يزيد الهواش..... (بس لازم تتاسف قبل):)

[عماد 18]

أي تتأسف انت ما شفت رد اخوها ما ادري جدها وش قاعد يقول ؟؟؟
و الله تقول توه طالع من الثقبة -اذا كنتم تعرفونها تبي تفهمون قصدي- عليه كلام انما ايه زي العسل -المنتهي الصلاحية - :D:D:D

[yousif]

الثقبة:واو: :D :D :D

[zahir]

الفتاة المغرورة نهايتها نهاية سيئة جدا
كان عاجلا ام آجلا ............الى الاخت صفا اذا كنت متكبرة ومغرورة فالتكبر على المتكبر تواضع وسنضطر نحن اعضاء المنتدى بفرض المعاملة السيئة معك
......وعندي مداخلة معليش زي ماقال الأخ RBG ستيف وخس والكلام الفاضي هذا
باي حق تقولي العنوا ن الاستفزازي هذا
اعتقد انك فتاة ماحطولي هنا في المنتدى

[yousif]

شلون تشرهون على بنت عمرها 13 سنه.....يعني البنت جاهلة ...ولازم تتوقعون حركات الجهال......وانتوا مكبرين السالفة.....يعني لو جاهل قال لك يا سخيف تقوم تضربه..يا اخوان خذوها على قد عقلها.....

اقول يا شباب كبروا عقولكم شوية

[zahir]

كلام صحيح يااخ يوسف
لكن اقول هذا يستهبل ايش درانا اذا كان ولد او بنت خلي واحد يضيفه ويعمل معاه او معاها voice chat
وشكرا

[Revolutions]

هههههههههههههههههههه ياشباب المسأله ماتستاهل وانتم كبرتوها
يعني انهوا الموضوع وخلاص
تعتذر ماتعتذر مالنا دخل اعتبروا الموضوع قفل

[snoke]

خلاص سيره وانقفلت واللي فات مات

[SAF!A]

عذرا .. اعترف اني اخطأت في حقكم لكن خلاص بنسحب ....
ماكنت متوقعة منكم هالرد وخصوصي بعد مارجعت من السفر
كانت صدمة ولكن انتهت.....................خلاص بنسحب
وشكرا
سوالم

[DJ]

السلام عليكم شباب ...
ارجو ان تقبلوني في منتداكم الخاص ب (رزدنت ايفل ) وشكرا

وبعدين يا صفا بصراحة لما قرأت موضوعك (ليس هناك من يحترم عضو جديد) وموضوع (ستيف وبس والباقي خس) انا قلت على حالي انك مش طبيعية وممكن تخربي المنتدى مثل باقي المنتديات والله يعين ...
وسلام عليكم

[Dr.Lucifer]

ووووووووووووووووووووووووووووووووووووووووووووووه
و الله زمان عن المنتدى
هاذا موضوع خلاص خمج وغبر و إنتهت الصلاحيه حقته له أكثر من شهر
بس ليش ترجعين تنبشين الماضي تلاقين الشباب نسيوا كل شي لأن قلوبهم بيضا... صح شباب ؟؟
الحين الشباب مشغولين بالـ DVD إتنسخ ولا لأ
و ولكم باك للمنتدى ( هاذا في حاله تراجعتي عن قرارك لأني ماني فاضي أرد بعدين - VIPهههههههااي )
و سلام
---------------
الله يخلي ... ولا خلها بعدين
هههههههههههههههههههه

[SAF!A]

شكرا........على الرد اللطيف
لكن انا مابتراجع عن قراري لأني ما احب ابقى بوسط ناس يكبرون المواضيع ويعطوها اكبر من حجمها
واكون منبوذة بوسطهم ................
ولكن قبل ما اروح لازم اعتذر عن ما سلف وابرر اغلاطي .........
1- (ليس هناك من يحترم وجود عضو جديد) كنت اقصد فيها اني هناك اكثر من 1000شخص مشترك في المنتدى ويشارك في مواضيع موضوع تلو الاخر ولي يرحبوا في مايزيد عددهم عن 5 وهذا سبب ظني الي اعتقدت انه غلط ولكن طلع اكثر من الصواب ...................................................
2- لمحبي ستيف وبس والباقي خس سببه اني عصبت على ردودكم اللي تتمسخرون فيها على ستيف وتقولون انه غبي وبطنه تضحك.....
3- لو سمحت كم اعماركم كان مجرد سؤال كنت اريد اعرف اذا كان في اصغر مني ولا ما في " مو قصدا للمعرفة او الزواج مثل ما ادعى صاحبكم
اللي ما اريد اذكر اسمه الله يمسيه بالخير.....+ في عنوان أخر " شو جنسياتكم " ما صدر مني ....

وقبل ما أودعكم للأبد لازم اعتذر منكم ومن زعيكم عن ما بدر مني من اغلاط
"انا اسفة "

سوالم

الله يسامحني ويسامحكم " ان بعض الظن اثم"

[عماد 18]

اقول صافية ..
انت من صدقك ؟؟؟
ترا الموضوع عفن يعني قدييييييييييم ..
و نص الاعضاء اللي كاتبين هنا تاركين المنتدى من زمان ..

[snoke]

عماد معاه حق خلاص الموضوع ما صار ليه قيمه خلاص واللي فات مات



وشكرا

[Tamaki_q8]

والله موضوع مغبر اه اه اه شووووووووووو مغبر لوووول

:D :D :D :D :D

[Revolutions]

كتب العضو (SAF!A)
شكرا........على الرد اللطيف
لكن انا مابتراجع عن قراري لأني ما احب ابقى بوسط ناس يكبرون المواضيع ويعطوها اكبر من حجمها
واكون منبوذة بوسطهم ................
ولكن قبل ما اروح لازم اعتذر عن ما سلف وابرر اغلاطي .........
1- (ليس هناك من يحترم وجود عضو جديد) كنت اقصد فيها اني هناك اكثر من 1000شخص مشترك في المنتدى ويشارك في مواضيع موضوع تلو الاخر ولي يرحبوا في مايزيد عددهم عن 5 وهذا سبب ظني الي اعتقدت انه غلط ولكن طلع اكثر من الصواب ...................................................
2- لمحبي ستيف وبس والباقي خس سببه اني عصبت على ردودكم اللي تتمسخرون فيها على ستيف وتقولون انه غبي وبطنه تضحك.....
3- لو سمحت كم اعماركم كان مجرد سؤال كنت اريد اعرف اذا كان في اصغر مني ولا ما في " مو قصدا للمعرفة او الزواج مثل ما ادعى صاحبكم
اللي ما اريد اذكر اسمه الله يمسيه بالخير.....+ في عنوان أخر " شو جنسياتكم " ما صدر مني ....

وقبل ما أودعكم للأبد لازم اعتذر منكم ومن زعيكم عن ما بدر مني من اغلاط
"انا اسفة "

سوالم

الله يسامحني ويسامحكم " ان بعض الظن اثم"


شوفي لاتفهمين غلط حنا ماقلنالكي اطلعي ولاشي حنا بس كنا نوريكي اغلاطكي في المنتدى وبس واما مسألة انكي راح تتركين المنتدى بكيفكي بتروحين بسلامتك بتجلسين حياك الله

[Classic Evil]

شو السالفة ؟?:

[عماد 18]

انت خلك في المنتدى العام :D

[Classic Evil]

كتب العضو (عماد 18)
انت خلك في المنتدى العام :D




حاضر






انت هني؟

[عماد 18]

قصدي خل رفع المواضيع المغبرة للمنتدى العام :)