مشاهدة النسخة كاملة : عام تقرير عن القراصنة- مبيعات خيالية تكاد تصل للمليار من ورا الاسطوانات المنسوخة
MAXPYNE
14-07-2003, 02:02 AM
يبدوا ان شركات كثيرة حول العالم منزعجة وبعضها يعاني من مشاكل مالية
السبب لذلك هو القرصنة الرائجة حيث بيع أكثر من مليار قرص مدمج منسوخ (سي دي) لأول مرة العام الماضي،
وبلغت قيمة هذه التجارة غير المشروعة أو ما يعرف بالسوق السوداء، قرابة 4.6 مليار دولار العام الماضي، أعلى بنسبة 7 بالمائة عن عام 2001،
هذا وحسب تقرير نشر فإن قرصين مدمجين من أصل خمسة يباعان بطريقة غير مشروعة أو عن طريق نسخ السي دي.
ويقول مارك موليغان من معهد جوبيتر للأبحاث لـ CNN "هنا يقع اللغز الذي يواجه هذه الصناعة.
وقد وصل عدد الأسطوانات المنسوخة التي تم وضع اليد عليها إلى 37 مليون نسخة في عام 2002، حسب ما أظهره التقرير
ويقول التقرير إن عدداً كبيراً من الدول تقف مكتوفة اليدين أمام جماعات الجريمة المنظمة التي تقف وراء القرصنة.
وصنف التقرير دول مثل الصين والبرازيل والمكسيك والباراغواي وبولندا وروسيا وإسبانيا وتايوان وتايلاند وماليزيا بالدول العشرة الأولى وراء هذه الأزمة، بسبب أن قوانين القرصنة في هذه الدول غير فاعلة.
ويشير التقرير ان قرصنة الالعاب منتشرة بكثرة بماليزيا مما يدر الكثير من الارباح علي القراصنة
ويرى التقرير أن الدول التي معدلات الأجور فيها لا تفوق 140 دولاراً، وربع السكان يعيشون تحت خط الفقر، فإن لا بوادر أمل هناك لحل المسألة،
ويشير التقرير ان من بين الشركات المتظررة بسبب القرصنة هي شركة سوني بجهازها بلايستيشن 1و2 وشركة سوني للموسيقا
شباب ايش رايكم بالالعاب المقرصنة انا ما عندي مانع العبها لكن اذا كانت هي فعلا سبب افلاس بعض الشركات وسبب مشاكل مالية لها ممكن اغير رأيي واشتري الاصل؟
ايش رايكم
الموضوع للنقاش
شالاشاسكا
14-07-2003, 02:28 AM
اذا كان سعر الاصلي منخفض اخذه وانا مغمض
لكن اذا الشريط مايقل عن20 دينار تبيني انا افلس
وهم يربحون
خسروا ما خسروا في 60
انا مو مع فكرتك اطلاقا اني اشتري اصلي
لان شركة السوني مي حاطة في بالها الدول العربية
لو كانت حاطة في بالها على الاقل البلاي ستيشن بيدعم
اللغة العربية لكن مافي خلهم ايسوون بعدين اشتري اصلي
انا لايهمني اصلي هندي لما يعملون اسطوانات باللغه العربيه راح اشتري اصلي :غضب: :غضب:
نجم الالعاب
14-07-2003, 03:22 AM
طيب والي ما يقدر يشتري لعبة اصلية؟:أفكر:
في هالحالة بروح فيها?:
الله يخلي الكوبي":"
MAXPYNE
14-07-2003, 03:58 AM
بعضكم يضن اني ضد النسخ لالالالالالالا شباب انا اكثر واحد يمكن يشتري منسوخ بس حبيت اشوف رائيكم بالقضية الي انا طارحها فقط
Mesharey
14-07-2003, 04:08 AM
شيء متوقع..
شباب ايش رايكم بالالعاب المقرصنة انا ما عندي مانع العبها لكن اذا كانت هي فعلا سبب افلاس بعض الشركات وسبب مشاكل مالية لها ممكن اغير رأيي واشتري الاصل؟ حالياً اشتري الأصلي على الكيوب وبعض الألعاب على البلي ستيشن والأكس..
لكن المشكلة فلست :": ..
لهذا السبب احتاج اشتري الكوبي><
gran
هدي..مو اي موضوع تدخل فيه تكون معصب :أفكر: ..
MOHMMED3
14-07-2003, 04:40 AM
بلا اصلي بلا هم اصل هم مايستاهلون هاليهود ادفعلهم ريال واحد.
MOHMMED3
14-07-2003, 04:43 AM
بلا اصلي بلا هم اصلا هم مايستاهلون هذولا اليهود ادفعلهم ريال واحد.
Jecht
14-07-2003, 03:22 PM
المشكلة انه جيوبنا تفضى وكمان مستحيل اشتري لعبة ماتدوم غير فترة بسيطة او انها لعبة عادية زي الكورة والمضاربات اصلي
محمد:اذا مايستاهل تدفعلهم ريال اجل ليش اشتريت الجهاز؟
عابد 25
14-07-2003, 03:33 PM
ليه نشـتــري أصلي بـ 250 ريال أو أكثر .. وهو موجود بـ 15 أو 20 ريال :cool:
منســـــــوخ وغيره لا تدور ..
نيو-باهاموت
14-07-2003, 03:58 PM
دايما تبون الاحسن من الشركات ولا شي اقل من الاحسن لما الشركة
توفر لكم الاحسن تروحون وتشترون كوبي...بالله عليكم في واحد يدفع
فلوس حق بلايستيشن بدون مايحط في باله ثمن الاشرطة اللي
يشتريها؟؟ولا وتقولون خل يسوون اشرطة عربية ؟؟؟شنو الدافع اللي
يخليهم مادام ان معظم العرب مايتعاملون الا بالكوبي ومايحققون ارباح من
وراهم...بس بغيت اقول لكم تره زمن الكوبي بيولي ..الشركات تزيد
الحماية في جهازهم علشان يجذبون المطوريين...PS3 وجهاز النتندو
بيستخدمون بلو دي في دي و ما استبعد ان الاكس بوكس 2
يستخدمهم.....الكوبي مابينتشر في هذي الاجهزة لنفس سبب ان اشرطة
النتندو (الكوبي)مب متوفريين.
ادري ان الحق يزعل....
abu musa
14-07-2003, 06:17 PM
أصلي 250
ليش
الله يخلي الكوبي
15
وخليهم يخسرون بالطقاق إلي يطقهم
في 60داهيه
REACH
14-07-2003, 11:12 PM
الرسالة الأصلية كتبت بواسطة abu musa
أصلي 250
ليش
الله يخلي الكوبي
15
وخليهم يخسرون بالطقاق إلي يطقهم
في 60داهيه
لو الشركه راحت بداههيه توقف الشركه وتوقف الالعاب بعدها من وين تييب الالعاب :D الله يهديك بس
واذا طوورو الحمايه في الاجهزة المستقبليه ماراح يهمني لاني انشالله راح اشتريها من فلوسي وماراح اقوول حق اهلي يشترولي
:D
وانا مع الكوبي الحين
شالاشاسكا
14-07-2003, 11:20 PM
واحد كل يوم يروح المدرسة ومايحصل الا اكثر شي 20دينار
في الشهر
واذا قعد في عطلته ما يقبلونه في شغلة :غضب: :غضب:
يعني يجوع روحه على حساب شركة ولعبة في 60
ومن وين اجيب فلوس شريط واحد وانا كل ما اطلع السوق
اخذ لي 3 او4 اشرطة
سعر الاسطوانات الاصليه في بلدي 100 دينار
100 دينار اشتري بهم 25 دسك مزور او كوبي :!
MOHMMED3
15-07-2003, 02:28 AM
الرسالة الأصلية كتبت بواسطة Jecht
محمد:اذا مايستاهل تدفعلهم ريال اجل ليش اشتريت الجهاز؟
انا شريت السوني نظام ياباني من اول ماطلع بالاسواق بعدين شفت موضوع واحد يتكلم عن تعاون سوني مع اليهود علشان كذا كرهتهم.
Hwoarang
15-07-2003, 08:18 AM
موضوع جميل تشكر عليه ماكس بين ;)
بالفعل القراصنة أرباحهم خيالية وشركات الألعاب خسائرها خيالية :أفكر:
على الأقل المفروض شرائنا للألعاب الأصلية يكون طريقة شكر نهديها لشركة الألعاب ونحفزها لصنع لعبة أقوى من سابقتها :أفكر:
ما أقول أني اشتري كل الألعاب أصلية :أفكر: الألعاب اليابانية القوية القدامة من شركات قوية أكيد أصلية أما اذا اللعبة مكتوب عليها "أكليم" ..... :أفكر:
وبالمناسبة الألعاب الأصلية عندنا ما تصل للأقام الخيالية اللي تذكروها :) ويمكن يكون هذا من حسن حظي :)
وشكرا ......
نيو-باهاموت
15-07-2003, 01:12 PM
ومن وين اجيب فلوس شريط واحد وانا كل ما اطلع السوق..اخذ لي 3 او4 اشرطة
انا واحد مايهمني العدد قد ماتهمني الجودة...
انا شريت السوني نظام ياباني من اول ماطلع بالاسواق بعدين شفت موضوع واحد يتكلم عن تعاون سوني مع اليهود علشان كذا كرهتهم.
اها يعني قصدك مابتاخذ من اجهزة الجيل القادم الا جهاز نتندو...
المشكلة انه جيوبنا تفضى وكمان مستحيل اشتري لعبة ماتدوم غير فترة بسيطة او انها لعبة عادية زي الكورة والمضاربات اصلي
لو انا بدالك وعندي DSL جان اخذ اكس بوكس...اكس بوكس لايف تحفة مايكروسوفت.....بهذي الخدمة تقدر تلعب ليل ونهار بدون ماتمل....اسأل اصحاب الاكس بوكس عن سبب تمسكهم بهالو و خصوصا ان عمرها سنتين...
<<المدمر>>
15-07-2003, 01:29 PM
الرسالة الأصلية كتبت بواسطة نجم الالعاب
طيب والي ما يقدر يشتري لعبة اصلية؟:أفكر:
في هالحالة بروح فيها?:
الله يخلي الكوبي":"
صدقت يالنجم......:p
hattawi
16-07-2003, 12:45 AM
انا لو كنت اداوم جان اشتريت الالعاب أصليه(اغلبيتها)....بس ليش آخذ من ابوي بيزات و الالعاب في نظري مهمه و في نظره هو مب مهمه.يعني الواحد يوم يشتري اللعبة اصليه يشجع الشركة ان تسوي لعبة ثانيه مثلها.و مب كل الالعاب تستاهل تنباع اصليه....بس بعد الكوبي لازم يكون موجود............كفاية علينا الكيوب
Flanteus
16-07-2003, 04:00 AM
......هع :أفكر:
ما دام انكم بهالحالة :أفكر:
قسم بالله محد راح يعطيكم وجه ........ :6
قال ألعاب عربية :o ...... دا بعدك :D
تشترون كوبي وتبون العاب عربية ............ يالا السخف :o
وأصلا مين غصبك انك تشتري ( كراش ) أصلي ....... أو أي لعبة تافهة وبسيطة .......... ( كراش مو تافه بس بسيط :6 )
على الأقل وفر حق لعبة عمرك
سواء ميتل جير ولا فف
ولا أي لعبة تحبها من قلب :أفكر:
أنا ما أشتري الا الأصلي
وألعابي تنعد على الأصابع :) .... بس كل وحدة أحلى من الثانية :cool:
وخاصة اني اروح محلات أقدر أجرب الشريط ( الأصلي ) عندهم ..... عشان ما أسوي روحي مسيكين وأشتري لعبة بايخة وأقعد ابكي في ركن الغرفة <------ يعني بالعربي أتحسف على نفسي
:6
والسلام
:أفكر:
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .