المساعد الشخصي الرقمي

مشاهدة النسخة كاملة : مطلوب مساعده في ( Dark Cloud 2 ) و ( Xenosaga ) !


Final Fantasy 7
17-07-2003, 09:06 AM
مرحبا و أهلا فيكم و شكرا لتفضلكم بالدخول :D



أنا محتاج للمساعده .. فبليز ساعدوني :": :"







خلوني أبدأ أول شي بلعبة ( Xenosaga ) :
من ثلاث أيام فقط و أخيرا بعد بحث طويل و متعب حصلت نسخه من هذه اللعبة تركب على جهازي .. و الحمدالله اللعبة صارت تمشي معاي دون أي صعوبة تذكر .. الا أن وصلت لرئيس عقد لي حياتي .. و فقدت الأمل بالنصر عليه ><
أنا الحين وصلت لما توصل كوس موس لسفينة ( السا ) و بعد قليل انضم ألين و شيون للسفينه و ما هي الا أحداث قصيرة حتى انضم زيكي و معه مومو للسفينة و بعد جم حدث و بعد ما لبس ( الكوماندر ) ثياب الجندية و صار يتمشى في المدينه و بعد ما تعارك مع الشباب يالي تحرشوا فيه و صارت أحداث معاه انتهت بدخول السفينة السا داخل صراع و مرت بمشاكل غامضة انتهى المسار بها بأن الأبطال ( كوس موس و شيون و مومو و زيكي و كيوس ) ضاعوا داخل مكان أشبه بسفينة نوسس .. و شقوا الابطال طريقهم داخل هذا المكان الغامض و بعد مغامره طويلة فيه نزلوا الشخصيات فيما بعد من مصعد داخل طريق طويييييل للأسفل و وجدوا أنفسهم أمام ( زوبار ) البوابة الذهبية التي اكتشفت في عرض بداية اللعبة .. هنا ظهر لهم الكوماندر و قد بدأ يتحول لنوسس .. و لما تحول لنوسس دخلت داخل معركة هي المرض بنفسها .. كان الكوماندر متحول لنوسس ضخم و قبيح الشكل و على يمينه و يساره مساعدين .. المعركة هذه هي يالي عقدت حياتي بهاللعبة .. ما عرفت و لا استتراتيجيه لهزيمته .. و قعدت عليه أكثر من 6 مرات و أنا أحاول على الأقل أقتل أحد المساعدين و لكني لم استطيع .. فرجاءا قولوا لي استتراتيجية هزيمة هذا الرئيس .. و سأكون لكم شاكر و فيصل و ممنون :":






الحين اللعبة الثانية يالي محتاج مساعده فيها هي ( Dark Cloud 2 ) :
أنا للحين و من أول ما اشتريت اللعبة و صار لي 9 ساعات ألعب معلق في مكان الغابة .. يا ناس اللعبة فيها تعقيد لا داعي له :غضب:
طيب .. خل أقول لكم شنو مشكلتي في هذه اللعبة ..
أنا الحين قاعد أبني المدينة داخل ساحه السنديان .. و وصلت في البناء الى نسبة 50% .. و يالي ناقصني في البناء هي القائمة التالية :

Glowing Mushrooms restored
- Elder Jurk revived = و هذه خلصتها
- ؟؟؟ = و هذه ما أعرف كيف أطلعها

Tailor Shop restored
- Elder Jurk revived = و هذه خلصتها
- ??? = و هذه ما أعرف كيف أطلعها
- 30 Culture points obtained = و هذه خلصتها

؟؟؟
- ؟؟؟ = و هذه ما أعرف كيف أطلعها
- ؟؟؟ = و هذه ما أعرف كيف أطلعها

؟؟؟
- Eldar Jurak's Branch restored = و هذه ما عرفت كيف أطلعها
- ؟؟؟ = و هذه طلعتها


أنا خلصت بناء كل شي مطلوب مني الا هالأشياء لأني ما عرفت شلون أطلع بعض الأشياء بالاضافه لمحل الأسلحه الذي ما اكتمل لأني ما عرفت أطلع Eldar Jurak's Branch restored .. فممكن المساعده :( !






و شكرا مقدما لكم جميعا ..








صديقكم & فاينل
Neo Cid
17-07-2003, 10:11 AM
يا فاينل .. المفروض تكون أعلم من غيرك ..

فيه مواضيع مخصصة للاسئلة ..

و شكرا . :)
Mesharey
17-07-2003, 11:06 AM
بالنسبة على دارك كلاود اللي ناقصك من البناء حالياً هو هذا..

لازم تحط نهر..
لازم تكون شجرة كبيرة بالنص..
وعلى اليمين واليسار شجرة عليها عين وتكون كملت المطلوب وتوصل النسبة 75% وتقدر تكمل لعبتك..
أما 100% إذا تبي تمستر اللعبة..ما اعتقد يحتاج..
انا بعد لعب وصل تقريبا 40 ساعة..انسمح علي كل شي >_<


نيو
ماعليه نمشيها هالمرة :D ..
Neo Cid
17-07-2003, 12:17 PM
الرسالة الأصلية كتبت بواسطة Mesharey
نيو
ماعليه نمشيها هالمرة :D ..

ماهي أول مرة ..
Final Fantasy 7
17-07-2003, 01:18 PM
Neo Cid
أنا ماني عمي .. و أدري أنه في موضوع أنت حاطه كان بالأول عن أسئلة فاينل فانتسي و ما أدري شنو صار يالي تحول لمرجع الآر بي جي .. و أنا ما أبي أحط أسئلتي فيه ..
أعضاء كثار و منهم أنت (( و لا تحب أذكرك بموضوع تحيرنا و تحيرنا )) كان يكتبون أسئلتهم بمواضيع خاصة هم يكتبونها .. لذلك أنا بأعمل مثلهم و أنا حر .. فلا تقعد كالعاده تحط علي حطه و تعكر الجو .. و لا تحاول أنك تخرب الموضوع علي و تقول نظام ما نظام .
الا صج .. أنا ما أشوفك تنط في ويوه الأعضاء يالي يكتبون مواضيع مساعدات و تقول يحطون الأسئلة في موضوعك .. بس أنا كل ما أكتب موضوع أسئلة أشوفك تنط جدامي أول واحد و ما تخليني الا قصب طيب أحط أسئلتي في موضوعك .. فمنو يالي عينك مراقب و محاسب علي !




Mesharey
مشكووووور مشاري على الجواب .. و الحين راح أجرب يالي قلت لي عليه .. و انشاءالله تضبط معاي n_n




و أنا للحين ناطر الجواب على مشكلتي في زينوساجا .
Final Fantasy 7
17-07-2003, 05:57 PM
يا مشاري يالي قلته لي أنا عملته من زمااااان و خلصته .. فشنو يالي ناقصني الحين لأني مو عارف و أغلب الأشياء الناقصة مالها اسم و مرموز لها برمز ( ؟؟؟ ) فشنو الحل .. !




أنا فقع جبدي من اللعبة ما أدري شلون أنت و بعض الأعضاء وصلتوا فيها ساعات طويلة ماشاءالله عليكم ?:
master seymour
17-07-2003, 06:43 PM
في زينوساجا لازم زالاحسن انك تحط كايوس و كوسموس و جونيور و تم ظرب الوحش ضرب الين ما يموت بس قبل اقل المساعدين يكون احسن ..الا اقول عندك حركة كوسموس R cannon والله بتنفعك ....هذا اللي اقدر اقوله لك والباجي عليك انت ومهارتك:D
Final Fantasy 7
17-07-2003, 06:48 PM
يا سيمور .. جونيور للحين ما انضم للفريق .. الظاهر أنك ما فهمت أي زعيم أقصد ?:
Mesharey
17-07-2003, 07:01 PM
الرسالة الأصلية كتبت بواسطة Final Fantasy 7
يا مشاري يالي قلته لي أنا عملته من زمااااان و خلصته .. فشنو يالي ناقصني الحين لأني مو عارف و أغلب الأشياء الناقصة مالها اسم و مرموز لها برمز ( ؟؟؟ ) فشنو الحل .. !
ممكن تقول لي آخر شي سويته وشنو صار :) ؟؟

هاللعبة اقرب إلى الأسطورة لكن حرام كل اللي لعبته ضاع >_<
master seymour
17-07-2003, 07:02 PM
الرسالة الأصلية كتبت بواسطة Final Fantasy 7
يا سيمور .. جونيور للحين ما انضم للفريق .. الظاهر أنك ما فهمت أي زعيم أقصد ?:
ااااه الحين تذكرت انه مو معاكم :":
تدري ايش تسوي .... استخدم الاليين احسن لك ...
اسف اذا ما ساعدتك بشي:(
Final Fantasy 7
17-07-2003, 07:08 PM
آخر شي عملته في دارك كلاود 2 :
1- بنيت 15 حفرة كونت من خلالها نهر
2- حطيت الشجره الكبيرة ذات الأنف و على جنبيها الشجرتين ذات العينين و في المستقبل لما رحت طلعت الشجره و قد صارت ضخمه و تتكلم
3- قمت ببناء البيوت و الخرابيط هذه حتى صار معدل نقاط Culture points obtained خمسين و هو الحد الأعلى .. و أيضا خليت البستاني الموجود في مدينة ماكس ينتقل للغابة .. و نفس الشي مع السيدة يالي كانت تبيع الخبز .. أيضا مع البنت يالي كانت تبيع الأسلحه أعطت لمونيكا سلاح لما طورته انضمت معاي ..

و مع كل هذا صار معدل اكتمال البناء 50% .. و ما عرفت أطلع الأشياء الثانية و محل الخياطه علشان في المستقبل أقدر آخذ منها ملابس وحش زهرة الهارمونيا :":




و آسف لأني تعبتكم معاي ^^
Final Fantasy 7
17-07-2003, 07:10 PM
الرسالة الأصلية كتبت بواسطة master seymour

ااااه الحين تذكرت انه مو معاكم :":
تدري ايش تسوي .... استخدم الاليين احسن لك ...
اسف اذا ما ساعدتك بشي:(
المصيبه أن هالزعيم ما يخلي لي فرصة أسوي شي .. كل شوي ياخذ الدور و يطيح ضرب فيني :"
Mesharey
17-07-2003, 07:15 PM
الرسالة الأصلية كتبت بواسطة Final Fantasy 7
آخر شي عملته في دارك كلاود 2 :
1- بنيت 15 حفرة كونت من خلالها نهر
2- حطيت الشجره الكبيرة ذات الأنف و على جنبيها الشجرتين ذات العينين و في المستقبل لما رحت طلعت الشجره و قد صارت ضخمه و تتكلم
3- قمت ببناء البيوت و الخرابيط هذه حتى صار معدل نقاط Culture points obtained خمسين و هو الحد الأعلى .. و أيضا خليت البستاني الموجود في مدينة ماكس ينتقل للغابة .. و نفس الشي مع السيدة يالي كانت تبيع الخبز .. أيضا مع البنت يالي كانت تبيع الأسلحه أعطت لمونيكا سلاح لما طورته انضمت معاي ..

و مع كل هذا صار معدل اكتمال البناء 50% .. و ما عرفت أطلع الأشياء الثانية و محل الخياطه علشان في المستقبل أقدر آخذ منها ملابس وحش زهرة الهارمونيا :":
اها الحين تذكرت..
وصلت بالدنجن لمكان نفس بحيرة وما تقدر تسوي شي صحيح؟؟
إذا نعم..اللي عليك انك تروح للدنجن وتلبس مونيكا على تحولها على وحش..وتكلم وحش نبات تباع الشمس..
راح يعطيك حبوب تزرعها بمكان البحيرة..

هذا اللي اذكره ><
Jecht
17-07-2003, 07:21 PM
انت اعطينا معلومات اكثر عن اسلوبه ضرباته لاني ناسيه تماما

افضل فريق لقتال النوسس هو كوسموس وكيوس وجونيور(او شيون)
Final Fantasy 7
18-07-2003, 07:38 AM
Mesharey
علشان تلبس مونيكا ثياب الزهرة .. لازم بالأول أبني شي في السنديان علشان يطلع محل الخياطه في المستقبل .. و أنا مو عارف شنو يالي لازم أبنيه علشان يطلع محل الخياطه في المستقبل و آخذ منه الملابس ><




Jecht
هذه هجمات الرئيس يالي أنا موصل له :

- Hell's Flash

- Claw attack

- Hell's Lance attack

هذا بس من الهجمات يالي أعرفها منه .. و طاقة الرئيس 3600 و اسمه Gargoyle و المساعدين الاثنين طاقتهم 1000 و أساميهم Odogogue .. علما بأن ليفل جميع أفراد فريقي 13 .
ash 90
18-07-2003, 10:51 AM
دارك كلاود 2 نهيتها من زمان ب 197 ساعه !!

فعلا العبه تعقيد في تعقيد

مممم على مشكلتك انا ما اذكر بالضبط بس انشاء الله يكون صح >_<

في شيئ لازم تحطه قبل البذره بالبحيره (( يمكن ملخبط )) او ...اها انت خذيت كل الاحجار (( ما اذكر اسمهم بالضبط من الدنجيون ..اذا جمعتهم تروح علامات ؟؟؟؟

و على فكره انا مسترت اللعبه كامله و كل الاماكن 100% و نهيت شابتر 8 الاضافي و الأسلحه النهايئه

انشاء الله تكمل اللعبه و اذا كان جوابي غلط قولي علشان احاول اساعدك :)

و شكرا
Neo Cid
18-07-2003, 01:14 PM
الرسالة الأصلية كتبت بواسطة Final Fantasy 7
Neo Cid
أنا ماني عمي .. و أدري أنه في موضوع أنت حاطه كان بالأول عن أسئلة فاينل فانتسي و ما أدري شنو صار يالي تحول لمرجع الآر بي جي .. و أنا ما أبي أحط أسئلتي فيه ..
أعضاء كثار و منهم أنت (( و لا تحب أذكرك بموضوع تحيرنا و تحيرنا )) كان يكتبون أسئلتهم بمواضيع خاصة هم يكتبونها .. لذلك أنا بأعمل مثلهم و أنا حر .. فلا تقعد كالعاده تحط علي حطه و تعكر الجو .. و لا تحاول أنك تخرب الموضوع علي و تقول نظام ما نظام .
الا صج .. أنا ما أشوفك تنط في ويوه الأعضاء يالي يكتبون مواضيع مساعدات و تقول يحطون الأسئلة في موضوعك .. بس أنا كل ما أكتب موضوع أسئلة أشوفك تنط جدامي أول واحد و ما تخليني الا قصب طيب أحط أسئلتي في موضوعك .. فمنو يالي عينك مراقب و محاسب علي !



أولا .. أنا ما كان قصدي التهجم مثل ما تظن . .

ثانيا .. الموضوع مو موضوعي .. يعني .. أنا مو فاتحة لنفسي .. بل بعد ما طلبت

من المشرف زينون أنه يفتحة لكنه قاللي أني افتحه .. و والله ما عندي مانع

لو الموضوع ينمسح و ينكتب بدالة موضوع ثاني بعضوية جيلتي جير أو أي مراقب

ثاني .. :)

ثالثا .. موضوع تحيرنا كان عن بدايتي بلعبة زينو ساجا .. ما كان لا اسئلة ولا استفسارات ..

الموضوع كان عبارة عن رأي الأعضاء الشخصي باللعبة .. و كلمة تحيرنا تعبر

عن كثر ما اللعبة معقدة ومو أني متوهق بمكان ولا شي ..

و هذا الشي تعودنا عليه ..

و نعرفه معظمنا .. أنه لو فلان مثلا كتب تقرير عن لعبة مو مشكلة لو الأعضاء

يدخلون بموضوعة و يسألون .. بس أنهم يكتبون موضوع بالمنتدى يطلبون فيه

المساعدة فهذا شي ثاني ..

و تذكر .. ان ذاك مو موضوعي .. انسى اسمك الكاتب و شارك فيه .. نبي مصلحة

المنتدى ومو مصلحتنا الخاصة ..

و شكرا .. :)
NsaN
18-07-2003, 04:16 PM
أنا مو عارف شنو يالي لازم أبنيه علشان يطلع محل الخياطه في المستقبل و آخذ منه الملابس ><

لازم تضم Adel لفريقك

و هاي تحصلها في قصر Max...ادخل المطبخ و راح تحصل درج (سلم) اصعده و راح تشوف Adel :)
D7ooomy
20-07-2003, 05:45 AM
ولازم كمان تجيب المزارع اللي في قصر ماكس وتسكنه وتحط شجرة الخشم بين شجرتين العيون بالقرب من النهر وتبني سور حولين بيت الأقزام
Final Fantasy 7
20-07-2003, 06:15 AM
Neo Cid
يا طويل العمر افــهــم .. أنا ما أحب أحط أسئلتي في موضوع محتكر .. أنا ما أعرف الا لما أحطهم في موضوع خاص أنا أكتبه علشان أضمن المساعده السريعه من الجميع لأن موضوع المساعدات ما يدخل عليه الا عدد قليل من الأعضاء مقارنة بالمواضيع الخاصة ..

و الحين أقول لك .. و بكل أدب .. و جدام الأعضاء علنا .. مرة ثانية اذا شفتني حطيت موضوع أطلب فيه المساعده رجاءا ما أبيك تتدخل و ترد فيه .. لأني مستحيل أحط أسئلتي في يوم من الأيام بموضوع محتكر خاص بالأسئلة .. فلا تتعب نفسك معاي و لا تزعجني كل يوم و الثاني .
و رجاءا ما أبيك ترد بعد ردي هذا .. يكفي أننا حرفنا الموضوع عن مساره :o



ash 90
Magenta
D7ooomy
شكرا لكم جميعا على المساعده .. أنا و الحمدالله خلصت البناء و الحين قاعد أقاتل الرئيس :D




بس وين المساعدات في زينوساجا !
تراني للحين قاعد أنتظر ?:
Final Fantasy 7
20-07-2003, 06:29 PM
الرسالة الأصلية كتبت بواسطة Neo Cid
ثالثا .. موضوع تحيرنا كان عن بدايتي بلعبة زينو ساجا .. ما كان لا اسئلة ولا استفسارات ..

صحيح نسيت أرد على هالنقطه ..

الموضوع ماكان عن زينوساجا .. الموضوع كان عن أنليميتد ساجا.. و كنت تستفسر فيه و تسأل .. و هذه هي الوصلة :


http://www.montada.com/showthread.php?threadid=214640


على العموم أظن أن الموضوع زاد عن حده و خرج عن طوره و الفضل لك .. فأتمنى من أول مراقب يدخل الموضوع يقفله .. و شكرا .