شريط الدوري العربي حق داحم توتا

[foe]

مو قال مرة داحم توتا انه سوا شريط الدوري العربي مو الاصدار الملفق لا االاصدار الثاني الي فيه الزمالك والسد والاهلي المصري وينه نزل في جدة ولا لا وشكرا

[الوصلاوي]

الشريط نزل .. بس الصراحة فيه وايد أخطاء .. ما توقعت شريط داحم يكون جيه ؟ ليش ما أدري ؟

[DreAmS_MaKeR]

الرسالة الأصلية كتبت بواسطة الوصلاوي
الشريط نزل .. بس الصراحة فيه وايد أخطاء .. ما توقعت شريط داحم يكون جيه ؟ ليش ما أدري ؟

شنو الاخطاء الي فيه ؟؟

[الوصلاوي]

أنا راح أعطيك الأخطاء الي حصلت لأندية الإمارات .. لأني ما أعرف باجي الأندية ..

نادي العين :
1- اللبس معكوس الإحتياط هو الأصلي .
2- أطوال اللاعبين غلط سانجو 188 و هو أصلاً 194 .. غريب حارب طوله 180 و هو قصير في الواقع .
3- سبيت خاطر حاطينه أحسن من سالم جوهر في قوة التسديد مع أن سالم جوهر يسدد بشكل أقوى في الواقع .
و في أكثر .
نادي الأهلي :
1- اللبس مالهم غلط .. عليه شعار دبي الرياضية وهم في الصل عليهم شعار غير .. و دبي الرياضية لنادي الوصل في الواقع .
2- سالم خميس غير موجود ؟
3- يوسف عتيق موجود و حاطين تاقاته ممتازة ؟
4- فيه أخطاء في مراكز اللاعبين .
نادي الوحدة :
1- العنزي موجود في الفريق ؟
2- كاستيلو موجود في الفريق ؟
3- توفيق عبد الرزاق طاقاته وايد ضعيفه ؟
4- فيه خطأ في تصميم اللبس (خطأ بسيط الي هو لون الجراب)
5- مبالغ في طاقات فهد مسعود .
نادي النصر :
1- اللبس غلط ( تشكيلة اللبس غير )
2- و اللبس الإحتياط نفس الأصلي ؟
3- أشكال اللاعبين غلط .
و في الكثير و الكثير الي خانتني فيه الذاكرة ..
بس أنا ما أقول هذا الكلام .. من أجل السخرية من داحم .. بس على العكس .. أنا أشكرة على المجهود .. بس لازم يحاول يخلي الشريط أحسن و أحسن ...

و إذا احتاج مساعدة أنا حاظر ..

و شكراً
الوصــــــــــــــــــــــــــــــــــــلاوي

[Tha prince]

يمكن هذا الاصدار التقليد

اصداره مكتوب من ورا داحم توتا من ورا بالانجليزي تأكد منه اول شيء لأني عاجبني الشريط لأنه ضابط الافرقة السعودية :6 ههه امزح والله انا عاجبني الشريط


و سلامتكم ;-)

[khalid:86]

انا ماشريته للحين

بس داحمتوتا عنده غلطات انا شفتها بالصور

لبس السد غلط

ارقام اللعيبه كلها غلط

والله يستر من الباقي:)