تسجيل الدخول

مشاهدة النسخة كاملة : عام هل تشغيل ألعاب البلاي ستيشن 1 الكوبي على جهاز البلاي ستيشن 2 يؤثر على العدسه ؟


Final Fantasy 7
24-07-2003, 10:46 PM
مرحبا :) ..




منذ كم شهر بدأت نسخه لعبتي المفضلة فاينل فانتسي 7 بالتعطيل عند العروض السينمائية و يتقطع عندها عرض الصورة و الصوت ( يمكن من كثرة اللعب عليها :6 ) ..



و ذلك أصابني بحالة شديدة من الكآبة .. و الذي زاد الطين بله أني لم أجد نسخه من هذه اللعبة في الأسواق ( الظاهر انقرضت لأن صار لها 6 سنوات نازلة :" ) ..



و منذ أسبوع تقريبا تعلمت طريقة من حبيب قلبي ( ash 90 ) لتشغيل ألعاب البلاي ستيشن 1 الكوبي على البلاي ستيشن 2 .. و فعلا جربت الطريقة و اشتغلت الألعاب و الغريب في الأمر هو أني لما شغلت لعبة فاينل فانتسي 7 على البلاي ستيشن 2 بدأت تعمل اللعبة من دون مشاكل و لا تقطيع في العروض ":" ( طلع المشكلة من عدسة البلاي ستيشن 1 لأني كنت كل يوم أنظفها ألف مرة بأعواد تنظيف الأذن حتى انخدشت .. شنو أسوي .. فيني وسواس ترتيب و نظافه :6 )



و لكني خفت فيما بعد أن يأثر ذلك على عدسة البلاي ستيشن 2 .. فبدأت أحتار من أمري .. هل أشتري النسخه الأصلية من اللعبة و أريح العدسه .. أم أن العدسه لا تتأثر بذلك و من الأفضل أن أوفر نقودي .. خاصة و أني لا أشغل على الجهاز ألعاب البلاي ستيشن 2 الكوبي نوعية سي دي .. فما بالكم بألعاب البلاي ستيشن 1 الكوبي !!




و هل ألعاب البلاي ستيشن 1 الأصلي تشتغل على طول على البلاي ستيشن 2 من دون طرق لف و دوران .. و هل ألعاب البلاي ستيشن 1 الأصلية تعمل على أجهزة البلاي ستيشن 2 المطوره بقطع كسر الحماية للألعاب المنسوخه من دون مشاكل .. أم ماذا ؟




رجاءا أفيدوني خاصة و أن السالفة تتعلق في لعبتي المفضلة .. نصف حياتي الآخر :"




و شكرا على الاصغاء لمشكلتي الممله :":






صديقكم & فاينل ><

http://image.com.com/gamespot/images/screenshots/1/130791/finalf7_screen002.jpg

http://image.com.com/gamespot/images/screenshots/1/130791/finalf7_screen003.jpg
Final Fantasy 7
26-07-2003, 03:48 AM
:غضب:


على الأقل جاوبوني على هالسؤال :




هل ألعاب البلاي ستيشن 1 الأصلي تشتغل على طول على البلاي ستيشن 2 من دون طرق لف و دوران .. و هل ألعاب البلاي ستيشن 1 الأصلية تعمل على أجهزة البلاي ستيشن 2 المطوره بقطع كسر الحماية للألعاب المنسوخه من دون مشاكل .. أم ماذا ؟
Reinu
26-07-2003, 04:06 AM
آسفه والله انا شفت الموضوع بس ما عندي خبره وايد بهذي السالفه :":

بالنسبة لاشرطة الاصليه اعتقد ما يبيلها لف ودوران

اما بعد تطوير الجهاز انا اصلا جهازي ما قام يشغل العاب البلاي 1 باي طريقه
Final Fantasy 7
26-07-2003, 04:27 AM
الرسالة الأصلية كتبت بواسطة Magical Dreamer
بالنسبة لاشرطة الاصليه اعتقد ما يبيلها لف ودوران

يعني شنو ما يبيلها لف و دوران .. الصراحه ما فهمت ?: ؟





و طاااااااانكيووووو ماجيكال لأنج رديتي علي .. :D
أفلاطون
26-07-2003, 05:00 AM
بالنسبه لي العاب البلايستيشن1 الاصليه ما تشتغل على طول على البايستيشن2 اذا كانت مركبه فيه القطعه..
Final Fantasy 7
26-07-2003, 05:33 AM
آهااا فهمت على كلامك ماجيكال آسف لأني ما فهمت من أول مرة :":

بس الصراحه أنا الحين ازدادت حيرتي بسبب :




بالنسبة لاشرطة الاصليه اعتقد ما يبيلها لف ودوران





بالنسبه لي العاب البلايستيشن1 الاصليه ما تشتغل على طول على البايستيشن2 اذا كانت مركبه فيه القطعه..



http://www.montada.com/images/icons/icon4.gif ..
شالاشاسكا
26-07-2003, 05:56 AM
العاب بلاي ستيشن ون الكوبي الحين ب500فلس

يمكن عندكم بريالين :D

ال اعرفه ان الكوبي حق اشرطة الون يسبب مشكلة لبلاي ستيشن2

خصوصا ان واحد قال لي شغلت فاينل فانتسي الجزء السابع

على بلاي ستيشن2 تطلع لي الشاشة منقطة قلت له يمكن المشكلة من

قال لا الشريط مو مخدوش لا حاجة

الشرايط الاصلية ما اظن انا تخرب العدسة لان مع الاكشن ريبيلاي2

يجيك شريطين واحد لالعاب جهازك والثاني لبلاي ستيشن ون

والشرايط لازم تكون نفس نظام البلاي ستيشن يعني اذا كان

عندك جهاز امريكي خذ شرايط امريكية

اتمنى اكون افدتك :cool:
mad_dog
26-07-2003, 07:54 AM
اهلا اخوي كل اسئلاك حلها عندي ....http://webpost.net/ma/maddog123/veryhappy


الغريب في الأمر هو أني لما شغلت لعبة فاينل فانتسي 7 على البلاي ستيشن 2 بدأت تعمل اللعبة من دون مشاكل و لا تقطيع في العروض ( طلع المشكلة من عدسة البلاي ستيشن 1 لأني كنت كل يوم أنظفها ألف مرة بأعواد تنظيف الأذن حتى انخدشت .. شنو أسوي .. فيني وسواس ترتيب و نظافه )

اخوي السبب مو من عدسة البلايستيشن1 العيب من السيدي :)
ولكن السبب في انه السيدي اشتغل على البلايستيشن2 هو انه عدسة البلايستيشن2 اقوى من عدسة البلايستيشن1 فلها القدره على تشغيل السيديات الربع متعطله اللي ما تقدر البلايستيشن1 تشغلهم !! وطبعا جذي راح ياثر السيدي على عدسة البلايستيشن2 ويمكن يتلفها اما اذا كان السيدي نضيف فرا تشتغل مثل القمر ولا راح تاثر في عدسة البلايستيشن2 ابدااا إلا التاثير العادي اللي يحثه اي سيدي او ديفيدي كوبي :) على البلايستيشن1 او البلايستيشن2





و لكني خفت فيما بعد أن يأثر ذلك على عدسة البلاي ستيشن 2 .. فبدأت أحتار من أمري .. هل أشتري النسخه الأصلية من اللعبة و أريح العدسه .. أم أن العدسه لا تتأثر بذلك و من الأفضل أن أوفر نقودي .. خاصة و أني لا أشغل على الجهاز ألعاب البلاي ستيشن 2 الكوبي نوعية سي دي .. فما بالكم بألعاب البلاي ستيشن 1 الكوبي !!

مثل ما قلتلك لو السيدي كان نضيف ما راح ياثر على البلايستيشن2 ابدا
وما يحتاج تشتري اصلي لانه مثل الكوبي تماما بالنسبه للبلايستيشن1
وللعلم لعبة فف7 اصليه قيمتها 2.5 في الرحاب انا متاكد اني شفتها بس من زمان واعتقد عند محل ايمه فاينا فانتسي :)


و هل ألعاب البلاي ستيشن 1 الأصلي تشتغل على طول على البلاي ستيشن 2 من دون طرق لف و دوران .. و هل ألعاب البلاي ستيشن 1 الأصلية تعمل على أجهزة البلاي ستيشن 2 المطوره بقطع كسر الحماية للألعاب المنسوخه من دون مشاكل .. أم ماذا ؟

نعم العاب البلايستيشن1 الاصلي تشتغل على طول من غير لف ودوران
وللمعلوميه انت لمن تشغل العاب البلايستيشن1 الكوبي على البلايستيشن2 مافيها لف ودوران ابدا (بس انك تضغط مرتين على رستارت والدرج مفتوح ) وهذي الحركه عشان تفهم قطعة كسر الحمايه انك دخلت سيدي للبلايستيشن1 او لفلم دي في دي ....ونعم العاب البلايستيشن1 الاصليه تشتغل على البلايستيشن2 من غير مشاكل وكذالك اشرطة البلايستيشن1 الكوبي تشتغل على البلايستيشن2 من غير مشاكل
(يعني مافي فرق بينهم) وما ادري شنو المشاكل اللي انت تقصدها !!
اي سيدي مهما اختلف نوعه منسوخ او غير ذلك اذا كان غير نضيف او عاف عليه الدهر راح يسبب مشاكل في العدسه :)




رجاءا أفيدوني خاصة و أن السالفة تتعلق في لعبتي المفضلة .. نصف حياتي الآخر
وانا نفسفك قاعد اشغل لعبتي المفضله ...نصف حياتي الاخر (فف8)كوبي
على البلايستيشن2 من غير مشاكل (وطبعا السيدي نضيف)




و شكرا على الاصغاء لمشكلتي الممله

العفو حبيبي :D

http://www.slayer-rpg.net/ff8-pic.jpg
khalid:86
26-07-2003, 08:33 AM
هلا اخووووي

شحاااالك

شوف اخوي انا كان عندي فاينل 8 ويقطع مثل ماقلت انت

شغلته بالسوني 2 بالسيدي الأزرق المخصص لي الألعاب السوني 1

وماقام يقطع

وخلصت فاينل 8 فيه:D

ويمكن شهر العب فيه والعدسه ماصار لها شئ

بس تنويه

بعدها بشهر اختربت:" :" :"

بس بعد شهر يعني ماقدر احدد من الكوبي او من السوني 1:أفكر:
بوعبدالرحمن
26-07-2003, 08:43 AM
والله ماعندي فكرة

أنا عندي يشغل أشرطة الكوبي لما الكمبيوتر ماكان فيه قطعة
بس لما ركبت القطعة ماقام يشغل أشرطة الكوبي

أما الأشرطة الأصلية ، ماأدري عنها
Final Fantasy 7
27-07-2003, 09:40 AM
مشكــــوووووووووووووورين على الردود ... ألف ألف ألف شكر لكم على الرد .. خاصة الغالي mad_dog يالي أوضح لي كل نقطه :D



الا في شي أبي آخذ رايكم فيه (0_0)




اذا أنتم حصلتوا على لعبتكم المفضلة يالي مهما لعبتوها مستحيل تملوا منها نسخه أصلية .. و بسعر رخيص و هو 12 دينار و نصف و داخل مدينتكم .. ( يعني 125 درهم / ريال ) .. خاصة و أن هاللعبة صار لها سنين طويلة نازلة و منقرضة من الأسواق .. فهل تشترونها أم ماذا !



لأني حصلت فاينل فانتسي 7 نسخه أصلية و بسعر 12 دينار و نصف .. فهل أشتري اللعبة أم أدور على نسخة كوبي و أوفر فلوسي .. علما بأني أريد تشغيل فاينل فانتسي 7 فقط على البلاي ستيشن 2 ..





الرجاء الرد :":
شالاشاسكا
27-07-2003, 09:44 AM
Final Fantasy 7

انا على بلاي ستيشن2 ميتل جير سبستانس ماحصلتها كوبي

رحت شاريها اصلي

انت سو مثلي روح دور اذا ما حصلت خذها اصلي
mad_dog
27-07-2003, 10:02 AM
الرسالة الأصلية كتبت بواسطة Final Fantasy 7
مشكــــوووووووووووووورين على الردود ... ألف ألف ألف شكر لكم على الرد .. خاصة الغالي mad_dog يالي أوضح لي كل نقطه :D



الا في شي أبي آخذ رايكم فيه (0_0)




اذا أنتم حصلتوا على لعبتكم المفضلة يالي مهما لعبتوها مستحيل تملوا منها نسخه أصلية .. و بسعر رخيص و هو 12 دينار و نصف و داخل مدينتكم .. ( يعني 125 درهم / ريال ) .. خاصة و أن هاللعبة صار لها سنين طويلة نازلة و منقرضة من الأسواق .. فهل تشترونها أم ماذا !



لأني حصلت فاينل فانتسي 7 نسخه أصلية و بسعر 12 دينار و نصف .. فهل أشتري اللعبة أم أدور على نسخة كوبي و أوفر فلوسي .. علما بأني أريد تشغيل فاينل فانتسي 7 فقط على البلاي ستيشن 2 ..





الرجاء الرد :":

اذا موجودا كوبي مستحيل اشتريها اصلي http://www.webpost.net/ma/maddog123/h333 انت روح الرحاب وراح تلقاها درازن كوبي هناك وانا اقولك مره لقيتها اصلي ب 2.5
بالرحاب هم يعني بدال ما تدفع عليها 12 دينار اشترها كوبي بدينارين والباجي العب كاونتر فيهم بالرحاب مره وحده واذا خلصت دش المهلب اشتر من برجر كنج وارجع البيت:).....ولا تنسى تخلي دينار بانزين ههههه
Final Fantasy 7
27-07-2003, 10:06 AM
اذا موجودا كوبي مستحيل اشتريها اصلي انت روح الرحاب وراح تلقاها درازن كوبي هناك وانا اقولك مره لقيتها اصلي ب 2.5
أنا لفيت الرحاب كله من أسبوع واحد و ما لقيت اللعبة كوبي :"

و بعدين اللعبة 3 دسكات .. ليش تصير دينارين و نصف .. المفروض تكون أما دينار و نصف أم ثلاث دنانير ?:
mad_dog
27-07-2003, 10:12 AM
الرسالة الأصلية كتبت بواسطة Final Fantasy 7

أنا لفيت الرحاب كله من أسبوع واحد و ما لقيت اللعبة كوبي :"

و بعدين اللعبة 3 دسكات .. ليش تصير دينارين و نصف .. المفروض تكون أما دينار و نصف أم ثلاث دنانير ?:

سوري ....اللعبه كوبي 1.5 ....وانا مره لقيتها اصلي ب 2.5...وتوني الحين داق على محل بالرحاب هذا رقمه 2611484...وقال ما عندي بس موجوده بالرحاب 100%....والحين بدقلك على محل بفحيحيل بشوفه عنده ولا لا :D
Final Fantasy 7
27-07-2003, 10:15 AM
لا لا لا لا .. ما أبي بالفحيحيل .. بس بالرحاب زين :D
mad_dog
27-07-2003, 10:16 AM
ياااهوووووو.....موجوده بفحيحيل ب1.5.....رقم المحل 3912671....واذا الفحيحيل بعيده عنك انا مستعد اشتريها لك ....واوصلها لي باب بيتكم بس انت دش المسنجر او دزلي رساله خاصه عنوان بيتك وانشالله بتجيك اللعبه اذا انت ما تقدر تروح تشتريها
Final Fantasy 7
27-07-2003, 10:24 AM
والله يا حبيبي هذا من زود طيبك :": ..




مشكور بس خلاص بلاها كوبي .. لأني ناوي عليها الأصلي ":"



آسف لأني تعبتك معاي .. الله يسلمك يالغالي :#



أنا الحين اللعبة داشه راسي أشتريها أصلي .. بس أبي أسمع منكم الراي اذا أشتريها و لا لأ :) !



و شكرا مقدما .. و أكرر لك اعتذاري لأني سببت الازعاج لك ;)
mad_dog
27-07-2003, 11:31 AM
لا حبيبي فاينال ما في ازعاج ولا شي :)
Mesharey
27-07-2003, 09:07 PM
ممكن طريقة تشغيل العاب البلي1 على الـ2 http://webpost.net/sp/spikeyman/dog.gif؟؟

وسوري ماكنت اقدر اساعدك -_-
Final Fantasy 7
27-07-2003, 09:13 PM
الرسالة الأصلية كتبت بواسطة Mesharey
ممكن طريقة تشغيل العاب البلي1 على الـ2 http://webpost.net/sp/spikeyman/dog.gif؟؟

وسوري ماكنت اقدر اساعدك -_-

أول شي افتح الدرج و حط داخله الدسك و بعدين اضغط على زر الاغلاق حتى ينطفئ الجهاز و يصير لون الزر أحمر ..


بعدين اضغط على نفس الزر مرتين ورى بعض و بسرعه و لا تشيل ايدك من الزر حتى يطلع لك شعار تشغيل البلاي ستيشن 1 .. و وقتها راح تشتغل اللعبة عندك مثل الفل ":"



و سلامتكم
:D