المساعد الشخصي الرقمي

مشاهدة النسخة كاملة : الموضوع الرسمي لأي سؤال بـ KOTOR


aoks
27-07-2003, 01:03 PM
بسم الله

لصعوبة اللعبة لبعض الاعضاء الذين لا يملكون لغة انجليزية..

ارى ان هذا الموضوع مناسب لأي سؤال في اللعبة

وان شاء الله سوف اجاوب عليه او سوف يجاوب عليه بعض الاصدقاء
xenosaga
27-07-2003, 07:27 PM
مشكور على الموضوع أوكس وسيثبت الموضوع لفترة.........:)
وأي واحد عنده سؤال عن:
-القتال
-لعبة البطاقات
-استفسار عن القصة
أوي أي شيء ءاخر لايتردد بالسؤال وحتى أنت أوكس;-)
نجم الالعاب
28-07-2003, 12:49 AM
بالفعل يستحق التثبيت;)
aoks
28-07-2003, 02:44 AM
بما انه مااحد سأل

راح اكون انا اول واحد يسأل

الآن انا هربت من كوكب تاريس...ورحت الكوكب الثاني

ووصلت لإختبارات الجيداي

الاختبار الاول صعب جدا..ممكن اعرف وين القا الحلول لهذا الاختبار؟؟

وممكن احد يعلمني كيف تنلعب البطاقات؟?:
xenosaga
28-07-2003, 03:55 AM
aoks:
سؤالك الأول ماقدر أجاوب عليه لأني للحين في تاريس ولاتقول "هربت" بعدين تخرب علينا القصة:(

السؤال الثاني أقدر وبكل سرور:D

شرح للعبة البطاقات Pazaak:

في بداية أي مباراة تختار 10 بطاقات يتم اعطائك 4 منها وال6 الباقيين يرميهم الكمبيوتر على الطاولة......الهدف أنك توصل للرقم 20 أو أكبر رقم قبل 20 ويكون أعلى من رقم المنافس.
طبعا تلقى أربعة بطاقات قدامك تستطيع اختيار واحدة منهم ورميها بالضغط على زر X والأفضل وفي بداية المباريات خلي الكمبيوتر يرميلك من البطاقات الأخرى بالضغط على A ورقم البطاقة يكون عشوائي......البطاقات الأربعة اللتي في حوزتك تفيدك اذا وصلت لرقم قريب من ال20 مثل 16 أو 15......وبطاقات السالب(تشتريها) تنفعك اذا تخطيت ال20,مثلا اذا وصلت 23 وعندك بطاقة -3 تستخدمها عشان ترجع لل20 وتربح الا اذا تعادل معاك المنافس وجاب 20 أيضا.....ولازم تفوز 3 مرات حتى تربح المباراة....والتعادل ماينحسب لمصلحة أحد......أما اذا فرغت من البطاقات التي في حوزتك لن يبقى لك خيار سوى ضغط A حيث تجعل الكمبيوتر يرمي بطاقات عشوائية واذا وصل لرقم قريب من ال20 وكنت أنت خايف يزيد عن ال20 فتخسر اضغط Y عشان تسوي Stand وتثبت على الرقم 19 أو 17 مثلا.....واذا جاب المنافس أقل من هالرقم أو أعلى من 20 تربح ولاكن اذا جاب الخصم 20 يفوز و19 يتعادل بالطبع.......


انشالله فهمت:)
xenosaga
28-07-2003, 04:13 AM
aoks:
دورت لك الحل في IGN ولقيت الآتي انشالله يكون المطلوب:

Zhar Lestin will tell you that the Jedi Code, and learning what it means and how to recite it, will be your first test. He will start a passage of the Jedi Code, and you must finish it. While the characters around you can easily tell you the answers (if you simply take the time to talk to them all and learn what they're saying), there's an easier way to learn the Jedi Code. How, you ask? By simply reading below!

When Zhar Lestin says, "There is no emotion..." you answer with There is peace.
When Zhar Lestin says, "There is no ignorance..." you answer with There is knowledge.
When Zhar Lestin says, "There is no passion..." you answer with There is Serenity.
When Zhar Lestin says, "There is no chaos..." you answer with There is harmony.
When Zhar Lestin says, "There is no death..." you answer with There is the Force.
هو المفروض تكلم الناس اللي حوليك وتسألهم عشان تعرف الأجوبة;-)
pro2001
28-07-2003, 11:33 AM
مشاء الله عليكم مستانسين باللعبة:D

بس ممكن أحد يوضح لنا كيف أكون شرير ؟؟؟:0) لاحد يصدق :6
RAUL 7
28-07-2003, 01:43 PM
اوكي .. سؤالي وش فائدة زري X و Y في القتال ? :":

انا للأسف احاول اصير مع الدارك سايد .. بس ما قدرت .. كل ما زدت نقاط للدارك اسوي فعل خير بدون ما ادري ...

:D


و اقترح ان الاجابات تكون ملونة .. و الاسئلة بالأسود:": :أفكر:
xenosaga
28-07-2003, 02:42 PM
RAUL 7:
بصراحة ماعرف.....بس زر الX في القتال تخزن فيه ثلاثة أوامر متتالية وتخلي الشخصية تنفذها.............:)

اللي بعدو....:6
aoks
28-07-2003, 03:08 PM
مشكور زينو...بس انا خلاص حليتها

ايش فايدة زرY?
aoks
28-07-2003, 03:16 PM
سؤالي الثالث هو ( زينو ساجا لا تقرأ يمكن يخرب عليك)



7
7
7
7
7

الآن انا اخذت السيف الضوئي الأول لي..وطلعت في الاراضي الفاضية..وين لازم اروح؟?:
RAUL 7
29-07-2003, 12:09 AM
الرسالة الأصلية كتبت بواسطة aoks
سؤالي الثالث هو ( زينو ساجا لا تقرأ يمكن يخرب عليك)

الآن انا اخذت السيف الضوئي الأول لي..وطلعت في الاراضي الفاضية..وين لازم اروح؟?:

وحدة من ثنتين .. :أفكر:

اما انك مستعجل .. او اننا بطيئين ..?:

لأني انا توي بالمجاري ..

المهم سؤالي وش افضل طريقة اني اقتل الوحش العملاق الي بالمجاري ..?!

:":
xenosaga
29-07-2003, 12:50 AM
RAUL 7:
أفضل طريقة هي تلعب بكارث وتستخدم سيفين وتخلي شخصيتك والبنت ميشن يضربون بالأسلحة والمسدسات من الخلف.....سهل جدا:0)
aoks
29-07-2003, 03:07 AM
زينو ساجا..طريقتك صعبه

في طريقتين لهزيمته...الأولى هي انك ترمي عليه قنابل إلى ان يموت

والثاني انك توصل للجهة الثانية بحيث انك تفصل الشخصيات عن بعض...وبعدين تخلي شخصية شخصية تراوغ الوحش ولما توصل ادخل في الباب وصوب على الوحش بالمسدسات إلى ان يموت

او انك تجاهله

المهم

انا الحين وصلت الكوكب الثالث...ومهمتي هي قتل زعيم رجال التراب...

وما عرفت ادخل المقر!! كل ماادخل اموت...المساعدة بليز
GAME MAN
29-07-2003, 05:38 PM
ممكن احد يشرحلي طريقه القتال بالتفصيل




وايش المطلوب مني في المدينه الاولى?:
xenosaga
29-07-2003, 05:40 PM
الرسالة الأصلية كتبت بواسطة aoks
زينو ساجا..طريقتك صعبه

في طريقتين لهزيمته...الأولى هي انك ترمي عليه قنابل إلى ان يموت

والثاني انك توصل للجهة الثانية بحيث انك تفصل الشخصيات عن بعض...وبعدين تخلي شخصية شخصية تراوغ الوحش ولما توصل ادخل في الباب وصوب على الوحش بالمسدسات إلى ان يموت

او انك تجاهله

المهم

انا الحين وصلت الكوكب الثالث...ومهمتي هي قتل زعيم رجال التراب...

وما عرفت ادخل المقر!! كل ماادخل اموت...المساعدة بليز
هههههههههههه أنتوا تتكلمون عن الوحش الكبيييييييير الي يغطي الباب؟:واو:
هذاك ماتقتله ياأغبياء:واو: :6
شفتوا الجثث المرمية في الأرض؟
خذوا الأشياء الي داخل وحطوا بدالهم قنبلة وأداة ينتهي اسمها بOdor(نسيت الأسم الاول:": ).....وبعد كذا بيجي الوحش ويلتهم الجثث وبتنفجر القنبلة والمادة السامة فيه وبيموت":" <<<الله يبارك فحل آي جي ان:0)
xenosaga
29-07-2003, 05:42 PM
الرسالة الأصلية كتبت بواسطة GAME MAN
ممكن احد يشرحلي طريقه القتال بالتفصيل

وايش المطلوب مني في المدينه الاولى?:
القتال سهل......تحرك شخصيتك وتختار الأمر من القائمة الي قدامك وعادة تختار الضرب بالسيف أو المسدس أو العلاج:D
والمطلوب في المدينة الاولى أنك تبحث عن الجيداي باستيلا.......ولاكن تقريبا بعد 11 ساعة ستجدها يعني اصبر باقيلك أشياء واااااجد:p :6
RAUL 7
29-07-2003, 06:38 PM
الرسالة الأصلية كتبت بواسطة xenosaga

هههههههههههه أنتوا تتكلمون عن الوحش الكبيييييييير الي يغطي الباب؟:واو:
هذاك ماتقتله ياأغبياء:واو: :6
شفتوا الجثث المرمية في الأرض؟
خذوا الأشياء الي داخل وحطوا بدالهم قنبلة وأداة ينتهي اسمها بOdor(نسيت الأسم الاول:": ).....وبعد كذا بيجي الوحش ويلتهم الجثث وبتنفجر القنبلة والمادة السامة فيه وبيموت":" <<<الله يبارك فحل آي جي ان:0)

انا قتلته بطريقة اوكس .. ارمي عليه قنابل .. بس خسرت 5 قنابل عليه..
:)


ولاكن تقريبا بعد 11 ساعة ستجدها يعني اصبر باقيلك أشياء واااااجد

11 ساعة كثييير .. تلقاها بأقل من 5 ساعات ..

:) ;)
xenosaga
29-07-2003, 09:18 PM
الرسالة الأصلية كتبت بواسطة RAUL 7
11 ساعة كثييير .. تلقاها بأقل من 5 ساعات ..

:) ;)
:واو: :واو: :واو:
100% أنكم مالعبتوا بطاقات كثير ولا لعبتوا مهمات فرعية!!!:!
RAUL 7
29-07-2003, 09:24 PM
الرسالة الأصلية كتبت بواسطة xenosaga

:واو: :واو: :واو:
100% أنكم مالعبتوا بطاقات كثير ولا لعبتوا مهمات فرعية!!!:!


بطاقات ما لعبت ابدا ..

مهمات .. اذا كانت فيه مهمة على طريقي سويتها .. :D


انت لعبت القتال ? اذا فزت عليهم كلهم تلعب مع واحد قتال حتى الموت .. اذا فزت تاخذ 700 كريديتس و نقطة دارك ..!

:أفكر:
xenosaga
30-07-2003, 01:11 AM
الرسالة الأصلية كتبت بواسطة RAUL 7
انت لعبت القتال ? اذا فزت عليهم كلهم تلعب مع واحد قتال حتى الموت .. اذا فزت تاخذ 700 كريديتس و نقطة دارك ..!

ماقدرت عليه صعب......وأنا مالعب للدارك سايد:!
بس أنهيت جميع مهمات الباونتي هنتر":"








تخريب للقصة انتبه!!!











سؤال:
بعدين بعد ماتدمر كوكب تاريس أقدر أرجع له لاحقا عشان أخلص المهمات الفرعية المتبقية؟(للي وصلوا بعيد في اللعبة)
aoks
30-07-2003, 01:18 AM
انا موصل نهاية الكوكب الثالث ورايح الرابع ب 10 ساعات فقط..مع العلم اني العب مهمات فرعية


الحين وصلت عند تنين ... ما عرفت وش اسوي
aoks
30-07-2003, 01:20 AM
زينو للاسف تاريس هو الكوكب الوحيد الي ما تقدر ترجع له بعدين



اقووول شنو مهمات باونتي هنتر!!!!

ما سويت ولا وحده؟؟

وين هذه؟
RAUL 7
30-07-2003, 01:58 AM
الرسالة الأصلية كتبت بواسطة xenosaga

ماقدرت عليه صعب......وأنا مالعب للدارك سايد:!
بس أنهيت جميع مهمات الباونتي هنتر":"


انا بالعكس .. شفته سهل مرة .. يمكن لأني اخترت الجندي بالبداية .. و حاربته و الليفل حقي عالي ..

عموما .. انا صرت جيداي .. و اخترت اللون الاخضر .. انتم وش اخترتوا ?
:D
xenosaga
30-07-2003, 04:11 AM
10 ساعات بس والكوكب الثالث:!
الباونتي هانترز 3 مهمات......واحد في الشقق وتساعده اذا تبي تكون طيب.....تجيبله قنبلة وتفجر شقته عشان يفكرونه مات
والثانية امراة شريرة تقتلها
والثالث تحاربه في حلبة القتال":"

RAUL 7:
أنا أخترت الأزرق:cool:
aoks
30-07-2003, 01:04 PM
انا ازرق..

اقول...ترا في شي مهم لازم تعرفونه...

في الكوكب الثاني...بتجي لك مهمة يقولك اقتل وحده شريرة!!

انا قتلتها:"

ولد خالتي اقنعها انها تنظم للايت سايد وصارت شخصية معه!!!:!

قهرررررررر:"

صار عنده ثلاثة جيداي بينما انا عندي 2:(
RAUL 7
30-07-2003, 08:09 PM
الرسالة الأصلية كتبت بواسطة aoks
انا ازرق..

اقول...ترا في شي مهم لازم تعرفونه...

في الكوكب الثاني...بتجي لك مهمة يقولك اقتل وحده شريرة!!

انا قتلتها:"

ولد خالتي اقنعها انها تنظم للايت سايد وصارت شخصية معه!!!:!

قهرررررررر:"

صار عنده ثلاثة جيداي بينما انا عندي 2:(


انا عجبني السيف الاحمر الي معها .. علشان كذا قتلتها .. لووووول .. :p

على فكرة .. بعدها بشوي في جريمة قتل .. بصراحة حلوة تذكرني بـ Detective Conan

عالعموم .. الادلة ماهي واضحة .. خزنت و اتهمت Rickard :أفكر:

بس المشكلة انه يقول انه بريء .. بس الجيداي سمع كلامي و مسكه ..

حرام اتهم واحد ظلم .. علشان كذا ابي اعرف منهو القاتل? هو او Handon ?

?:
valfor
31-07-2003, 01:36 AM
انا علقت علي اللعبة وكنت موصل بعيد ولا سجلت المهم سويت ريسيت وما دخلني على قائمة البداية على طول على لعبتي من نفس المكان اللي علقت علي فيه وزادني نقطة للشر ونقطة للخير واشياء غيرها وبعدين سجلت وطلع لي عدد الساعات في الملايين?: :!

انا الحين خلصت تاتوين ورحت للكوكب اللي فيه الاكاديمية حقت السيث وما قتلت الجيداي الشريرة اللي يقول عنها اوكس والحين هي معي قوية مره":"
aoks
31-07-2003, 01:37 AM
فالفور

حظك:"
RAUL 7
31-07-2003, 01:42 AM
تراي انا ماراح اكمل الا اذا عرفت القاتل مييين?
:"
valfor
31-07-2003, 01:49 AM
القاتل هو هاندون الابيض":"
aoks
31-07-2003, 01:52 AM
فالفور...شكلك محترف باللعبة
RAUL 7
31-07-2003, 01:52 AM
الرسالة الأصلية كتبت بواسطة valfor
القاتل هو هاندون الابيض":"


مشكوور اخوي فالفور .. انا اجل ورطت المسكين رايكارد:6
valfor
31-07-2003, 02:24 AM
انا بعد ظلمته مسكين:p
xenosaga
31-07-2003, 08:26 PM
والله شيء هاللعبة.......
أنا وصلت لجريمة القتل بالضبط:D
وسويت تخزين وسكرت وللحين ماكملت..........بس الكذاب ريكارد شلون يقول الشمس ماخلته يشوف عدل وهو يصيد وأصلا ماكان في شمس في الصبح:غضب: :6
14ساعة و38 دقيقة:0)
Naif Eissa
31-07-2003, 09:31 PM
انا عندي سؤال ...


تنصحوني اشتري اللعبة .. ؟؟ :#

انا صراحة ما احب وايد الالعاب الامريكية .. لكن سمعت انه هذي اللعبة مختلفة ..

يعني اسلوبها مثل العاب الار بي جي اليابانية ؟؟ لاني احب اسلوب الار بي جي الياباني .. بس اخاف هذي تطلع مثل العاب الار بي جي الامريكية الباقية بلدارز غيت و نيفير وينتر ..

شو رايكم .. تنصحوني فيها ولا لا ؟
xenosaga
31-07-2003, 09:41 PM
الرسالة الأصلية كتبت بواسطة Naif Eissa
انا عندي سؤال ...


تنصحوني اشتري اللعبة .. ؟؟ :#

انا صراحة ما احب وايد الالعاب الامريكية .. لكن سمعت انه هذي اللعبة مختلفة ..

يعني اسلوبها مثل العاب الار بي جي اليابانية ؟؟ لاني احب اسلوب الار بي جي الياباني .. بس اخاف هذي تطلع مثل العاب الار بي جي الامريكية الباقية بلدارز غيت و نيفير وينتر ..

شو رايكم .. تنصحوني فيها ولا لا ؟
اشترها حالا:واو:
مختلفة كليا عن بالدورز جيت وبقية الشلة......فيها بعض اللمسات اليابانية....بس رهيبة رهيبة رهيبة....قتال رهيب....استكشاف ممتع للغاية....قصة توب نوتش بمعنى الكلمة....العديد من الأشياء الفرعية المسلية للغاية مثل لعبة بطاقات سهلة ولعبة تشبه اف زيرو بس فرعية ولعبة تصويب من السفينة Gun Turret.......ومهمات كونانية:D ....جرائم قتل بشعة:6 .....عشرات المهمات الفرعية العميقة بشكل ماتصورته.....

اللعبة فعلا من أفضل الألعاب اللي لعبتها طوال حياتي الفيديوجيمية!!!

ولاغرابة أنها اللعبة رقم 19 في التاريخ في قائمة جيم رانكنجز:
http://www.gamerankings.com/itemrankings/simpleratings.asp

اللعبة تقريبا بيرفكت في جميع النواحي عدى الجرافيكس.....لولا الجرافيكس كان اللعبة صارت شيء ممممممم.....ماركة تاريخية في الفيديو جيمز:D

بس اللعبة تحتاج لغة انجليزية قوية عشان تستمتع فيها 100% لأان أهم عنصر فيها المحادثات اللي راح تذهلك بعمقها......بس كاهو الأخ أوكس لغته الانجليزية so so :6 ومع ذلك مستمتع لأقصى درجة!

Go Buy It

































NOW
RAUL 7
31-07-2003, 10:03 PM
.......ومهمات كونانية ....جرائم قتل بشعة

LooooooooooL :p :D

============

اخوي نايف عيسى .. انا ما احب الآر بي جي كله .. أسوأ الالعاب عندي زيلدا و فاينل فانتسي .. بس اللعبة هذي مدري كيف انا حبيتها .. انا اشتريتها لسبب واحد .. انها ستار وورز .. و كنت ادري اني بمل منها .. بس تفاجأت انها مذهلة ..

اذا كنت من متابعي افلام ستار وورز .. و من معجبينه .. اشترها و لا تتردد .. انا ما احب الار بي جي علشان السحر و الخرابيط الي ما افهمها .. بس هذي .. انا عارف كل شي .. كل قوى الجيداي ..

اللعبة راح تفيدك بأشياء منت فاهمها بالفيلم .. انا ما عرفت معنى الوان السيوف الا من اللعبة .. و السيث ما عرفت قصتهم الا منها .....

:)

============

شباب .. حبيت اسألكم شرايكم بصوت و طريقة كلام زالبار ? :D :p
aoks
31-07-2003, 11:36 PM
زينو...انا خلصت جميع مهمات الكوكب الثاني اليوم وجميع مهمات الكوكب الثالث امس..ورحت للكوكب الرابع..ووقتي 13 ساعة ونص

بالنسبة لتاريس...ما طولت فيه:( ولا اقدر ارجع له:"
aoks
31-07-2003, 11:58 PM
شباب في مهمة في الكوكب الثاني رهيبة!!!

حقت شين..مين لعبها؟؟ لاتفوتها
xenosaga
02-08-2003, 04:38 PM
الرسالة الأصلية كتبت بواسطة aoks
زينو...انا خلصت جميع مهمات الكوكب الثاني اليوم وجميع مهمات الكوكب الثالث امس..ورحت للكوكب الرابع..ووقتي 13 ساعة ونص

بالنسبة لتاريس...ما طولت فيه:( ولا اقدر ارجع له:"
13 ساعة ورابع كوكب؟!!!:!
الظاهر أنك سريع جدا وماتكلم أحد أو تلعب بطاقات:D
aoks
04-08-2003, 06:05 PM
زينو ساجا...انا العب العاب جانية خاصة السووب ريس...واكلم كل الناس تقريبا...

بس انتم البطييئين:D
valfor
04-08-2003, 09:20 PM
ايه والله بطيئين مره انا الحين خلصت الكوكب السادس والحين انا على السابع وانا بادي قبل اوكس بيومين واسوي كل شي الا لعب البازاك كاردز دايما اخسر:(
aoks
05-08-2003, 01:28 AM
وصلت الستار فورج:0)

قربت اخلص اللعبة

وانا لاعب الحين 25 ساعة
xenosaga
06-08-2003, 04:07 AM
يلعن ابو الشيطان:واو: :واو: :واو:
انا 18 ساعة وتوني واصل ثالث كوكب تاتووين كوكب الصحراء:!
اما المشكلة اللي بين عائلتين بصراحة شي:D
انا ساعدت ولديهم في حبهم وخليت ابائهم يتهاوشون للصبح:p

غريب انت بصراحة اوكس?:
الظاهر صاروخ ارض ارض:6
aoks
07-08-2003, 01:16 PM
انا الحين وصلت الستار فورج في 26 ساعة بس;-)
xenosaga
07-08-2003, 01:20 PM
الرسالة الأصلية كتبت بواسطة aoks
انا الحين وصلت الستار فورج في 26 ساعة بس;-)
اما انا توني طلعت لصحراء تاتووبن:0)
طلعت ام باستلا حقيرة><
وربحت كل سباقات السووب ريس وخذيت الايتمز وبعتهم بحوالي 10 آلاف":"
اللعبة ممممممممممممممتعة:":
aoks
08-08-2003, 02:16 AM
للحين ما خلصت اللعبة

الوقت 28 ساعة ونص:D
valfor
08-08-2003, 02:44 AM
انا وصلت لغز صعب تصير انوار على الرض لازم اولعها كلها صعب:" :" :"
aoks
08-08-2003, 03:10 PM
فالفور

اللغز سهل
بس يبي له ذكاء;-)
az@_@z
08-08-2003, 05:45 PM
سؤوال غبي وفي غبر محلة انا ما اعرف اللعبة بس حسيت اللعبة حلوه من كلامكم فقلت اشتريها ويوم دورة في المواقع على لبة KORTA
يقولي مو موجوده يمكن الاسبلينق غلط او او لازم اكتب اللعبة كامله..

:":




وهل اللعبة هذي احلى من STAR WAR

وشكرا:D
valfor
08-08-2003, 06:16 PM
اخوي az@_@z اللعبة هي اصلا STAR WARS واسمها الكامل STAR WARS KNIGHTS OF THE OLD REPUBLIC

وحنا نختصرها KOTOR":" :D
nashme
14-08-2003, 05:31 PM
مسااااعده يا شباب الاكس بوكس ...

بعد ما خلصت الكوكب الثاني الي كنت اتدرب فيه تدريبات الجداي ... حصلت على مجرات جلكسي ... خمس كواكب مفتوحه اروح لها علشان ادور شيء اسمه ستار فورق ... المشكله تكمن هنا !!! ( اي كوكب اذهب إليه اولاً ) المشكله كل الكواكب الخمسه مفتوحه اقدر اذهب إليها بأختياري بس مثل ما قلت من قبل وش الكوكب الاولى اذهب إليه طبعاً بعد الكوكب الثاني ... الصراحه تمنيت يكون اختيار الكواكب اجباري بحيث انك تذهب بترتيب ... بس الحين حيروني وصارت القصه متخلبطه ... خايف اذهب مثلاً لكوكب ناون و اترك كوكب تاتوني الي فيه صحراء اخر كوكب اروح له ... الصراحه انتكس رائسي و ما عرفت وش هدفهم بلضبط على الكواكب الخمسه المفتوحه ....

انتظر منكم الرد الله لا يهينكم ...
xenosaga
14-08-2003, 05:45 PM
الرسالة الأصلية كتبت بواسطة nashme
مسااااعده يا شباب الاكس بوكس ...

بعد ما خلصت الكوكب الثاني الي كنت اتدرب فيه تدريبات الجداي ... حصلت على مجرات جلكسي ... خمس كواكب مفتوحه اروح لها علشان ادور شيء اسمه ستار فورق ... المشكله تكمن هنا !!! ( اي كوكب اذهب إليه اولاً ) المشكله كل الكواكب الخمسه مفتوحه اقدر اذهب إليها بأختياري بس مثل ما قلت من قبل وش الكوكب الاولى اذهب إليه طبعاً بعد الكوكب الثاني ... الصراحه تمنيت يكون اختيار الكواكب اجباري بحيث انك تذهب بترتيب ... بس الحين حيروني وصارت القصه متخلبطه ... خايف اذهب مثلاً لكوكب ناون و اترك كوكب تاتوني الي فيه صحراء اخر كوكب اروح له ... الصراحه انتكس رائسي و ما عرفت وش هدفهم بلضبط على الكواكب الخمسه المفتوحه ....

انتظر منكم الرد الله لا يهينكم ...
الترتيب الصحيح:
Tatoine
Kashyyyk
Manaan
Korriban
ولاتخاف القصة مابتتلخبط:D
nashme
14-08-2003, 06:44 PM
يسلم قلبك اخوي xensaga على الرد ...

طيب اخوي ما وضحت ليش خلوا الكواكب مفتوحه على بعضها ... ممكن توضح هدف القصه بتحديد ؟؟ ...

تحياتي ...
xenosaga
14-08-2003, 07:01 PM
الرسالة الأصلية كتبت بواسطة nashme
يسلم قلبك اخوي xensaga على الرد ...

طيب اخوي ما وضحت ليش خلوا الكواكب مفتوحه على بعضها ... ممكن توضح هدف القصه بتحديد ؟؟ ...

تحياتي ...
لمزيد من الحرية...لأن فهالكواكب مافي تطورات فالقصة الا اذا حصلت جزء من خريطة الستار فورج.......

هدف القصة ايجاد سيد السيث مالاك والقضاء عليه....وفنفس الوقت مالاك يبحث عن باستيلا لــــــ...........................راجع موضوع يوميات كوتور;-)
nashme
14-08-2003, 08:50 PM
الرسالة الأصلية كتبت بواسطة xenosaga

لمزيد من الحرية...لأن فهالكواكب مافي تطورات فالقصة الا اذا حصلت جزء من خريطة الستار فورج.......

هدف القصة ايجاد سيد السيث مالاك والقضاء عليه....وفنفس الوقت مالاك يبحث عن باستيلا لــــــ...........................راجع موضوع يوميات كوتور;-)


يعطيك العافيه ... الحريه في الكواكب تعطيك متعه لا نهايه يسلاااام ... قرب موتك يسيث مالاك قرب موتك ... ههه ... والله لا يهينك على التوضيح.

تحياتي ...