هل المرأه هي الوحيده التي......................؟

[ROXAN222]

دائما..وعلى مر الزمن تتهم المراه بانها تحب الحديث ونشر
الاقاويل

صفه اصبحت ملاصقه لاي مراه..وسيله للتندر بالاحاديث في المجالس

لكن..هل المراه هي الوحيده التي تستعذب الحديث؟...هل هي الوحيده

التي تجيد فن الكلام؟...هل هي الوحيده التي تبدع في اختراع

القصص؟

وتبهيرها حسب ذوق السامع...


فلنكن صاديقن مع انفسنا...اقصد فلتكونو صادقين مع انفسكم ايها

الرجال...نظره متعمقه في محيطنا ستجعلكم تدركون الحقيقه..


لاتبداو بشن هجومكم المعتاد على المراه..لاننا جميعا اصبحنا

متخصصين في فن الحديث...اصبحت مجالس الرجال معاقل اشاعات

وتبادل اخبار...مع اختلاف الاذواق بالطبع


لم تعد المراه وحدها هي التي تستمتع باقتناص اخبار جاراتها

ورفيقاتها...لحظه صدق مع انفسكم وستجدون انكم ايضا تستمتعون

باكتشاف فضائح الناس


فليمسك كل واحد منا مرآه..ليواجه الشخص المطبوع على تلك المرآه

هل هناك حقا مانسميه صفه ملتصقه بجنس معين



وقتنا الحاضر زمن قلب الموازين...المراه تخرج للعمل...تعود

منه مرهقه...تستقبلها اعمال المنزل...مسؤوليات الابناء...

متطلبات كثيره لاتنتهي...دوامه لانهايه ولا بدايه لها...ورغم ذلك

فانها لاتتوقف عن الحديث...لايفوتها الحصاد الاخباري لهذه

وتلك..ولا نجد(عصريات)اخر الاسبوع خاليه ابدا



هذا اعتراف قد يسعد به النصف الاخر من المجمتع ...لا باس فلنلقي

نظره على يوميات رجل...لنفترض انه رجل عامل ايضا وليس متسكعا


عمل من الصباح وحتى الظهر...غداء ونوم حتى المغرب...ثم يبدا

العمل الذي يعده اهم من الوظيفه ومن البيت...وهو مايسمى

(بالبشكه) عاميا....وقت الطوارئ يعلن...ليس من المفروض ان

يطلبه احد اي شئ...لان حضرة (الشله) تنتظر...ويغادر السيد

المتظاهر بان المراه هي سبب كل الفتن ليلحق بمجموعته وهنا

لايبقى قريب او بعيد الا وطالته الالسن...واحيانا يصل الامر الى

كشف اسرار البيوت

لحظه صدق مع انفسنا...لااقصد بها الهجوم او تحديد المخطئ....بل

على العكس...فرصه لتحديد موقع الخطأ


لماذا تكون غايتنا في الحياه هي جعل الناس علكه في افواهنا؟

لماذا يهمنا ان نستمع الى ماجرى الى بيت فلان وعلان؟

لماذا لانرقى بانفسنا فوق ترهات لاتسمن ولاتغني؟

كلناذو خطئ...جميعنا نتكلم عن الناس في ظهورهم..لكننا لا نقبل

ان يتكلم عنا احد

الرجل والمراه يتقاسمان المسؤوليه

اول نقطه لاصلاح الخطأهي الاعتراف به

ابدا بنفسك...وسترى انك الافضل

تحياتي...

روكسان

[holly_smoke]

كلامك على العين والراس لاكن هناك تعليق بسيط...:)
انتي قلتي انه منذ قديم الزمان عرف عن المراءه انها كثيره الكلام يعني احنا مهما قلنا او غيرنا راح تبقى التهمه ملاصقه في النساء الا الابد...
تعليق ثاني...
انتي قلتي ان الرجل يكون متسكعا كما اذكر ...
يعني هل مهمه الرجل الجلوس في المنزل (اسكت يا ولد ...روح يا ولد ...تعالي يا بنت ...)...
لاكن الله لم يخلق المراء للعمل بل لرعايه الاولاد...
صح ولا لأ...
يعني ان الرجل يعمل طول النهار يعني مو غلط انه يرتاح ساعتين او ثلاث او خمسه...

[draiver]

هو بصراحة اخت روكسان كلامك صح بس على قول اخونا في الله فات الاوان
يعني تكلمي جيلنا دة ((كانك تنفخي فقربة مقطوعة))...
بس لو نجي للحقيقة الحيا لاتكتمل بون نساء صالحات ولاتكتمل بدون رجال صالحين يارعون هذه المرأة ويغارون عليها حتى لاتميل للخطأ كما هو حادث للاسف وهذا كله جاي من الغرب كله تقليد لهم ...لان في الحياة يوجد امور لاتتم الى من خلال المرأة وامور اخرى لاتتم اللى من خلال الرجل .....على قوللك الحياة يقتسمها الرجل مع المرأة.....ولكن القسم الاتكبر للرجل ..((شي مايبغاله نقاش))
لان الرجل دائما يتولى الامور اللتي لاتقدر عليها 1000 مرأة ولا تسمح شريعتنا الاسلامية بتدخل المرأة في هذه الامور قال تعالى ((الرجال قوامون على النساء))
اهذا علينا ان نقبل بما يحدث الان مع ان للانسان دور فيه...
وشكرا روكسان لفتحك لهذا الموضوع المهم اللذي دائما بسببه يفتكر النساء انهم مضلومون في مجتمعنا ...
واستمري بتنوير هذا المنتدى بمواضيعك الشيقة المفيدة لان المنتدى امتلأ بالكلام الفاضي ووجع الرأس.........وششكرا مجددا

[Dantos -- 4]

والله الزمن تغير صح
واهم شي تغير فيه درجه الترف اللي صرنا فيها

اول كان هم الواحد وشغله الشاغل ان اولاده يكبرون بدون مشاكل صحيه شديده (وفي بعض الاحيان يتمنى انهم يعيشون بس وهذا كفايه) ووبخلاف هذا الشي فماكان للشخص امور كثيره تشغل تفكيره.
هو صحيح كلهم كانوا يتمنو يموتون وهم على كرامتهم لكن هذا ماسبب لهم ارق في الليل

اما الحين فالوضع تغير وزاد الترف وزادتة معه المسؤوليات
واهم مسؤوليه على راس الرجل هي بيته وعياله

طيب السؤال هو الحين اذا كان كل هالامور على راس الرجل فايش الشي اللي يشغل بال الحرمه (مثل ماتقولين) ويمنعها من انها تحط جلسه حش وكشف لاسرار بيتها
الجواب ولاشي ... ( لحظه قبل ماتتسرعون في الرد اقروا بقيه الكلام)

معظم الحريم اللي يعملون الان ماتغير اسلوب تفكيرهم رغم ان المرأه صارت تشتغل وتجهد نفسها بشده في الدوام لكن مع ذلك اسلوبها في الحياه ماتغير
يعني بالعربي لسانها ماقصر
كل اللي تغير فيها هو الاهتمامات اللي صارت تتكلم فيها مع زميلاتها او اقرباها او غيرهم
يعني بدل ماتقول (فلانه تزوجت وفلانه مرضت او ولد فلان رجع ومعاه شهاده) كل هذا تغير وتوسع ل ( شغالتنا بنت كلب ...زوجي تصرفاته انانيه ... عيالي مايبون يدرسون... ولدنا ماقدرنا ندخله الجامعه)

يعني نفس الشي . كل اللي صار مجرد تتطور في التفكير فقط


وللمعلوميه اكثر الناس صارت تنصح بعدم كشف الاسرار للزوجات لان فيه عائلات يكون بين الرجال فيها صداقه واجتماعات مثل الحريم فمثلا اذا صار على واحد شي في بيتهم( من اكبر خصوصياته) مثل انه مرض مثلا او متخاصم مع زوجته رايح تسمع كل هالسوالف بكره بين رجال هالحريم منتشره بشكل عادي

طيب نجي للرجال اللي تتهمينهم بنفس تهم المرأه اللي هي حب الكلام والفضايح
اولا بدون تعميم رجاء..... ثانيا القله القليله اللي فضلت انها تنشر سواليف بيتها مع الرجال الباقيين مستحيل يعني مستحيل انها تتجرأ وتدخل في الخصوصيات
انا عارف انك ماقلتي انهم يدخلون في الخصوصيات لكن لو فكرتي زين بتعرفين ان معظم سكان الخليج عقلهم مقفل وغيرتهم زايده (وانتم يالحريم اول ناس واكثر ناس تشتكي من هالغيره)
فكيف بالله عليك تتوقعين من رجل شغله الشاغل ان الناس مايعرفون اسم زوجته (اللهم لك الحمد) بيروح ويفضح فيها

هذا طبعا عن فضايح البيت يعني عن خصوصيات الرجل نفسه اما الفضياح اللي تجي في المجالس عن بيوت الناس فهذي فعلا مع الاسف منتشره وهي فعلا عيب شديد المفروض الناس يستحون ويبتعدون عنها



ملاحظه اخيره: الكلام المكتوب فوق ماكتبه شخص مقفل راسه ويكره الحريم ويعتبرهم عوره بالعكس . هو فقط مجرد رد وشرح وجه نظر

[CARLA]

من كلامكم قلتوا ان العصر اتغير يعني لازم تتغر معاه المفاهيم زي ما اتغير ان الرجل بدل ما يكون همه اسرته وبيته في الاول بعدين الشلل والطلعات


اذن ممكن نغير هذي الفكره عن النساء:)

[Classic Evil]

قال تعالى :

إن كيدكن عظيم سورة يوسف

[سكوال]

اقول بلا فلسفه بلا كلام فاضي....:)





البنات طول عمرهم مايتغيرون....






والدليل اني اذا بدأت محادثه في الماسينجر مع ولد ... مستحيل تتعدى الخمس دقائق..



اما اذا بدأت محادثة مع بنت ..... انبلش فيها ...

مستحيل يخلص كلامها...

فطبعا .... مالي مفر غير تصريفتي المعتاده مع البنات \


والله الهندي الي في المقهى يقول خلاص بنقفل المحل..... يلا يا اموره ..باي....:)








على فكره تصريفتي المعتاده مع الاولاد (اكيد كلكم تعرفونها خصوصا انت يا سنورلاكس) \


والله معليش معاي بنت على الخط الثاني ... ( بالعربي انس اعطيك وجه)...:)
-

[beautyrose82]

انا بنت بس ما اتكلم وايد!
فرق ها ؟ :D
لوووووووول
مو كل الحريم جذي !

[Dantos -- 4]

ارجع واكرر

انا مش من الناس اللي تمشى على المثل :
انا الرجل اولا . والمرأه ثانيا

انا فقط رديت على الاتهام اللي شبه معمم على الرجال بانهم انقلبوا في تصرفاتهم الى حريم (بالقرويه الزايده) وصاروا يقدرون الحش والفضايح

[Classic Evil]

الحين من مطول هذا الموضوع ؟

مو البنات اللي معانا ؟

[ROXAN222]

اهليييييين سكوال .....جاي برجولك الين موضوعي هااا:D

سار تقول للي البنات كلامهم مايخلص وانت يامسكين يابرئ تنبلش فيها.....شوي وابكي تراك قطعت قلبي ...

هههههه اقول ياسكوال انت شكلو يعجبك كلام البنات وللا ماتطول معاهم وبعدين تسوي نفسك مضطهد

وخايف لايقولو اللي معاك بالمسنجر كل ماجينا نكلمو يقول اكلم بنت قمت تقول هذي تصريفه
هههههههه على غيري ياسكوال هالحركات:cool:

(بعدين انا قلت لك كل يوم تحط راسك تحت المغسله....يعني مويه ماهو زيت سيارات ساااااااامع :D)

[LanD ShArK]

=========================
اولا يا evilneverdie :
=========================
لما تكتب كلام الله اكتب الاية صح .. قال تعالى : إن كيدهن لعظيم
=========================
والحين الى صديقي العزيز واحسن عضو سكوال باشا :) ابو راس بطة
=========================
اجل البنات ماهم مالين راسك ... اخ لو تسمعك سوتاني بس والله تسوي لك

فيلم هندي ، كبر مخك شوي اشوى انك مافي بنت تكتب رد او موضوع بالمنتدى

الا رحت جريت وراها .. وكتبت رد تبي تشبكها واخرها توقيعك حق زكية

انت ما حطيته الا عشان تشبك يا ورد وسورا وسيلفي بس مسوي نفسك بريء

حركات البهللة هذه على قو يوسف الجراح ما تمشي علينا والنص كم هذه ... خليها بعيد

قال اصرف البنت اللي انبلشت معك .. والله شافق عليها مسكينة انبلشت معاك يوم

انك مضيفها وتحاول تجاملك وانت مسوي قوة خلاص البنت في جيبي ...

عاد وتصريفتك الثانية اللي معي بنت على الخط الثاني يعني انسى اعطيك وجهه

ما تلاحظ انك بكلامك ذا تقول انه يوووووه يا حظي فيه بنت مستحملتني على الخط

فرصة والله خليني اكلمها يووووووه ماني مصدق على ربي .. حقا انك مهستر

اقول اعقل وبلا حركات بزران هذه لا اروح اعلم عليك سوتاني تجي تسحبك

من اذنك قدام الاعضاء كلهم

[سكوال]

يا LanD ShArK


انا عندي لك ملاحظة بسيطه ... راح تسحب وجهك على الأرض...










صديقاتي سورا وسيلفي ويارود .....


اعرفهم لي اكثر من سنه.....


وانت تقول \


((انت ما حطيته الا عشان تشبك يا ورد وسورا وسيلفي بس مسوي نفسك بريء))



فهمت الحين يا بابا....:)

[سكوال]

ياROXAN222


انتي اغرب بنت في حياتي.....?:






العاده .... كل البنات انا ابداء معاهم (واخش في عيونهم عرض) بكلام قوي وبتهزىء وبتعليقات تقهرهم (بس طبعا كلها مزح)..



اما انتي عكستي كل شيء...



انتي خشيتي في عيني عرض ... بكلام قوي وبتهزىء وبتعليقات تقهر ... بس طبعا كانت جد ... صح ولا ..



وعشان كذا انا غسلت ايديني منك....:)



وبالصدفه تطلعين الحين وتقولين الكلام الحلو هذا ...


مع اني متوقع العكس تمام .. لأنى دخلت في موضوعك بكلام (ماادري وش يبي) ..




انتي غريبه ...... واقولها بصدق .... :)

[LanD ShArK]

هاهاهاهاهاهاهاااااااااااااااااااااااااااااااااو

والله لحوة يا ابو راس بطة هذا اللي كنت ابغاك تقوله

يعني اجل مستحملينك عفوا صديقاتك اكثر من سنة يعني 3 وما خفي كان اعظم

والبنات مستحملينك ومعطينك وجهه وجاي هنا تقول ماهم مالين عيني وهم قرقر كثير

والازعاج حقك .. حرقك الله يا ابا رأس بطة .. خل سوتاني تدري عنك بس

اجل صديقاتك من سنة هاهاهاهاهاهاهاهاااااااااااااااااااااااااااااوو الله يعينهم عليك اي والله

من جد طفولتك معذبة الظاهر ما كانو يخلونك تلعب مع بنت الجيران فتحي يا وردة .. اهيء اهيء حزنتني عليك طيب ردك الاول ماله اي ثقل سياسي

نشوف ردك الثاني



=======================================


من الواضح يعني من الواضح جدا انه لو سوتاني شافت كلامك هذا كان جينا ثاني يوم عزاك

جاي مسوي خلاص قط اليف تحاول تصير صديق روري بالغصب ها

مسوي جايب لي كلام حكيم من كتاب وجاي تنقل وتكتب الله يخرب عقلك يا ابا راس بطة

حتى ردك الثاني زي وجهك ولو انه يكرم "الرد طبعا " بس ايش نسوي طفلوتك معذبة


لا هو اللي عاجبني انك تخش في عيون كل البنات عرض نعم نعم كلامك صحيح

والدليل على ذلك نفيسة وسوتاني واميمة وغيرهم من اللي يبيعون حمر عند الجمجوم

كل ذولي تفاصل معهم

سكوال : لالا الحمر باخذه بثلاثة ريال
نفسية : لا ما يجي والله
سكوال : ليه لأ طول عمري باخذه من عند حبيبتي اميمة بثلاثة ريال
نفيسة : لا والله ما ينفع هادي اسعارنا
سكوال : والله اذا ما اعطيتيني هو بثلاثة ريال باغتالك تراني خرمان حمر
نفيسة : احبك
سكوال : وانا من يوم حطيت عيني عليكي حبيتك
وتتواعدون على نيل جدة تتطرقمون حمر :)


والعديد عزيزي الزائر من القصص الشبيهة التي يكون بطلها سكوال ولكن المجال
لا يتسع لذكرها هنا وعساكم من عواده

[سكوال]

ههههه



الله يخلف على ام جابتك....

[الاميرة زيلدا]

موضوعك روعة يا روكسان:):):)


princess zelda

[Dr.Lucifer]

معليش ما أقدر أشتغل كذا إثنيكم عزيزين علي و ما أقدر أحرش بينكم يعني شوفو لكم حل يا حبايب :):);)

[LanD ShArK]

هههههههههههههههههههه هذا اللي عندك

ثانيا سيرة الاهل ما تجيبهم تراني ما جبت سيرة اقاربك فاهم ولا لا

عساك بحكة في ظهرك يا ابا بطة

[احمد9000]

شنو هالمهزلة..

انتوا صج عقلكم صغير..
هذي موضوع حق ناس (عقلهم راقي) مو عقل هواش.ومغازل.



انا صريح واحب الصراحة وتحملوها ...(الكلام موجه لسكوال
ولاند شارك)

>
>
>
>
>
>
>
>
>
>
>
>
>
>
>
>
>(انشاء الله مازعلتوا)
>
>
>
>
>
>

[سكوال]

مااحد يزعل منك يا احمد....


بس انت لو ركزت شوي ..راح تلاقيني ماأعطيت لاند شارك وجه..




لكن هو الي يدور عن المشاكل......


وهو اصلا الي بداء فيها..



صح ولا لا.....

[LanD ShArK]

اخوي احمد

محد يزعل من الصراحة والموضوع حقيقي حلو

لكن جا سكوال مسوي مغازلنجي ومحد قدي ويبي يسوي زحمة غصب

فقلت هذا يبغا له درس عشان يعرف حجمه الالصلي اللي ما يجي علبة كبريت :)

[سكوال]

شايف بعينك يا احمد....... :)




انا حاطه بالخامس .. وماأعطيته وجه ..

ومع كذا هو يلاحقني في كل مكان ...... ويدور عن المشكال..

[ROXAN222]

هههههههههههههههههههه والله ان دمك عسل يالاند شارك

بس على فكره....ليش مسمي سكوال ابو راس بطه :D

سكوال...لايكون راسك بطه من جد:cool:...انا قلت افكارك افكار بطه لكن هيكلك العظمي هيكل مخلوق بشري طبيعي :)

وبعدين من قال لك اني غريبه:).......انت اللي شكل راسك غريب بس وللا انا عادي متخرجه من نفس الجامعه اللي متخرج منها لاند شارك في اكتشاف المخلوقات اللي روسهم بط بس انت اول واحد اقابلو ولاند شارك اكتشفك قبلي:)

المهم لوسمحت اذا لقيت احد غيرك هيكلو العظمي غريب قول لي:)

اوكي......تحياتي
روكسان

ملاحظه : سكوال لاتاخد الموضوع بشكل شخصي ...بس من جد افكارك يبغالها اعادة نظر لو بتسمع نصيحة بنت:)

[احمد9000]

انزين خلكم من هالهواش
وتابعوا الموضوع...(الموضوع شيق )

يلا قولوا رايكم فيه.

[سكوال]

ROXAN222



لا يا شيخه..... قال ايش قال نصيحه بنت...



والله مو عشان سواد عيونه قلتي هذا الكلام...



انتي قلتيه بس عشان منصب (اميره القروش) الي انتي فيه الحين..



لا .. وآخرتها يقولوا عني انا الي اتمصلح مع البنات....

[LanD ShArK]

ههههههههههههههه يا شيخة انتي اللي عسل يا روري
بعدين بالله ماشفتي صورة سكوال لما ركبوا عليها راس بطة
طالع يجنن ههههههههههههههههههههه والله طالع على حقيقته
ههههههههههههههههههههههههههههههههههههههاااااااااو


بعدين يا عزيزي سكوال افندي
انا حطيت روري اميرة قروش عندك شي ؟؟
توك صغير على الحاجات هذه وبعدين مفهموم المصلحة هذه عندك

سكوال : نفيسة اعطيني حمر وامشييكي على البحر


سكوال : اميمة اعطيني حمر ونروح نصيف في ابحر


سكوال : سولاتي اعطيني حمر وافسحك حول الكورنيش


وبعدين حتى لو روري سبتني "وانا عارف انها ما تطلع منها "
او ما ردت على الموضوع اصلا مين قال لك اني بشيلها


سكوال : نفيسة والله لو ما تعطيني حمر اخذ منك الطلي حقي

يلا توكل بس

[احمد9000]

اخرتها تزيدينها
يا روكسان.......استحي على وجهك انتي مسوية هالموضوع
الجدي (صج طحتي من عيني)

[Dr.Lucifer]

يا ROXAN222 يعني تبغين تاخذين وظيفتي في التحريش
أـخر زمن بنات يحرشون ( لا تنطين و تقولي عقلك متحجر أنا عقلي من العصور ما قبل المتحجرة )
هههههههههههههههههههه

[LanD ShArK]

احمد احترم الفاظك وانت تتكلم

[سكوال]

قلت لك يا احمد ...


انا ماأعطيته وجه هذا الي اسمه لاند شارك ...


ومع كذا هو الى الأن يتلزق فيني ..


شوف يا لاند شارك .. صدقني مهما انت جلست تبربر وتقول كلام فاضي ماله معني .. صدقني ماراح ارد عليك..

فأحسن لك ريح نفسك من الان....لأني ماراح اعطيك وجه...







_______________


وملاحظة ثانية...


الشباب يزعجوني اذا قلت لأي بنت اي كلمه حلوه ( مثل يا صديقتي او يا شطوره او اي كلمه ثانيه) ..




وهنا جالسين الفاسدين يتغزلون ببعض ...

واحد يقول للثانيه يا عسل .. وهي تقول له انت دمك عسل...






.................... ...........................................

[احمد9000]

انا الصراحة كنت غلطان يوم قلت
ان سكوال وانت يا لاند شارك مسوين هالهواش..

طلعت انت يا لاند شارك متسبب انت ويا روكسان..

............:غضب: :غضب: :غضب:

[LanD ShArK]

هيه احمد احترم نفسك والفاظك ازين لك لأحوسك

قسما بالله لو تعيد هالكلمة مرة ثانية والله احوسك انت واهلك فاهم ولا لا

تراني ما غلطت عليك وروكسان ما غلطت عليك لذا احترم نفسك وخلك بأدبك

ازين لك بدال ما يجيك شي ما ترضاه فاهم ولا لا

[Dr.Lucifer]

إيوا يا حبيبي طلعت الفاضيح طلع عشيق و عشيقة ( بس أبغى أعرف كيف صارو و هم ما شافو بعض ؟ولا شفتوا بعض؟)
أمزح
--------------------------------
أقول بطلوكم بهلله و خلاص قفلوا الموضوع ( يا عسل )
هههههههههههههههههههههههههههههههههههههههههههههههههههه
من جد

[ROXAN222]

اقوووووووووول تراكم زودتوها

ياسكوال انت ياللي مسوي نفسك محافظ وانت عارف ان السالفه كانت مزح وجاي تلمح تلميحات تدل على نفسك.....اخس بس

وانت يااحمد لو ماتتر بى وتنقي كلامك مايسير لك طيب
وبالله لو سمحتو اللي مابيحترم نفسو لايرد على مواضيعي واللي بيستخف دمو في موضوع جدي بيجيه اللي جا سكوال وغيرو

[احمد9000]

اولا: كيف احترم اذا كان موضوع جد وفيه هواش ؟



ثانيا: يا روكسان (انا اقتهرت لأنك انتي الي سويتي هذا الموضوع
وتزودين السالفة بدل ما تهدءينها).



ثالثا: التوقيع الي حاطته اوحى لي بهالفكرة.

[Classic Evil]

[QUOTE]تم نشرها بواسطة : LanD ShArK [B]=========================
اولا يا evilneverdie :
=========================
لما تكتب كلام الله اكتب الاية صح .. قال تعالى : إن كيدهن لعظيم

==============================================

أشكرك على التنبيه

بس يا شاطر افتح كتاب الله على سورة يوسف (مثل ما أنا كاتب )

على الايه 28 واقرها عشر مرات . وارجع خبرني شو مكتوب

انت صح اللي قلته ما اختلفنا . بس في آيه ثانيه اللي ذكرتها

أنا. ورد في القرآن عبارتين مطابفتين لبعض اللي انت ذكرتها

واللي أنا ذكرتها يا صاحبي . لا تستعجل لأني حريص لما أكتب

آيات الله . والايه اللي كاتبها انا صحيحة وكنت حاس ان راح

يجي واحد يصحح لي ورحت كتبت سورة يوسف جنبها حتى لاتثير الشكوك

وانا اشكرك على محاولتك هذي وجزاك الله خير بس أرجع وأقول

انت غلطان .

وشكرا

[Dr.Lucifer]

تم نشرها بواسطة ROXAN222 وبالله لو سمحتو اللي مابيحترم نفسو لايرد على مواضيعي واللي بيستخف دمو في موضوع جدي بيجيه اللي جا سكوال وغيرو
يعني أفهم من هاذا الكلام إنو تهديد ليا أنا بس يا ( عسل ) أنا ما أحد يهددني فاااااااااااااهمه ؟
ولا أبغى مشاكل يعني روحي إتمشكلي مع واحد غيري طيب .

[LanD ShArK]

اولا يا احمد اعرف انه محد غلط عليك هنا الا يوم انت جيت تغلط
وترى افكارك ذي كلها شلها من راسك لأنها غلط



وبعدين يا ايفل نيفر داي انت كاتب سورة يونس باكبر خط بالمنتدى عشان كذا
ما شفتها


ويا دكتور لوسيفير انت شخص عزيز علي اتمنى ما تغلط هنا وترى روكسان ما وجهت الكلام لك في الموضوع

[Classic Evil]

الله يهديك انا كاتب سورة يوسف

[احمد9000]

بس خلاص صكوا (قفلوا) الموضوع ..

انا كنت متوقع مناقشة زينة وجادة طلعت كلها خرابيط ..

ملاحظة: اذا كنتوا بتسون موضوع خلوها جد ..:(

[LanD ShArK]

ايفل نيفر داي

قصدي يوسف بس انا ما شفتها اول مرة لأن الخط صغير


ويا احمد

ايه خلك كذا طيب وقفل الموضوع

[ROXAN222]

يااسبحان الله....ياDr.Lucifer...انا جبت سيرتك تميح او تصربح

والله لاقصدتك ولاشي انا اللي قصدتهم عارفين نفسهم بس تاكدت ان انت مو منهم ...وانا لاابغى اتمشكل معاك ولا شي

اما انت يااحمد مسوي لي فيها فاهم وايش تقصد بان توقيعي اوحى لك بالفكره ...ليه بنات الناس لعبه عشان افكارك السودا تقولها عليهم......وبعدين لو سمحت لاتكلمني تاني ترى والله ماسكه نفسي عنك بالقوه بعد الكلمه اللي قلتها

اعوذ بالله كل ماكتبت موضوع ينط لي واحد يبغى يخربها يعني لو اني ولد كان سكتو وكل واحد قال ياسلام لكن عشاني بنت كل واحد يحسب انو بيستقوي واسكت لو......والله ان حالتكم تحزن

[Dr.Lucifer]

يا حبيبي يا شارك المعزة في القلوب و تدوم إنشالله
بس أنا إلى الأن شايف إنه كلام موجه لي يعني ما في أحد يستحف بدمه غيري في الموضوع ولا كان في واحد ثاني ؟؟؟
و أنا راح أسكت بس عشانك ( الله الله على نوسترافيراتو - على ما أعتقد إنها صح-)
سواء أستخاف دم أو محشات بس عشانك
و سلااااااااااااام

[Classic Evil]

الحمد لله انا بريت ذمتي وبطلع من الموضوع


من بعدي ؟:D

[احمد9000]

والكلام الي قلتوه حق نفسكم ....(عن العسل وتوابعه)

[سكوال]

لا يا ROXAN222


معليش فيه شيء لازم اوضحه.....




انا ماقلت عليك ولا كلمه ...


بالعكس دخلت وشاركت في الموضوع وطلعت زي السلام عليكم (ولو ان مشاركتي كانت مزحه .. لكنها كانت داخل اطار الموضوع)..



آخرتها لحقني هذا الي اسمه لاند شارك .... وجلس يدور عن المشاكل..





ووالله اني حاولت اتجاهله ... كله بس علشانك احترمتك ...وعشان ماتزعلين وتقولين سكوال فسد علي موضوعي..

ولا انا اقدر ارد عليه وافضحه..



وآخرتها ..انتي تقلبين القصة .... وتجلسين مع لاند شارك تقولين هذا الكلام الي ماله داعي.. والي واضح انه مو مزحه...








بصراحه ايش تتوقعين مني اعمل .....



خصوصا انه انتي الي كتبتي الموضوع ...

واي رد منك يعني انه له ثقل في الساحه ... (لأنك صاحبة الموضوع)..










يعني ..انا ولله الحمد ... ماأخطئت على اي واحد ... خصوصا عليك انتي

[LanD ShArK]

يا روكسان خلاص لا تشيلي هم ما عليكي منهم ذولي ..
شايفين العالم كلهم غلط وهم صح لذا ريحي بالك ولا تشيلي بخاطرك




ويا دكتور لوسفير
والله "هذاني حلفت " ان الكلام ماهو موجه لك موجه لواحد ثاني هو عارف نفسه تمام وتسلم يالغالي والله اني انك غالي عندي ومعزتك كبيرة :) وان شاء الله تدوم

وملاحظة بسيطة "اسمه نوسفيراتو"

ويا شباب بس بلا وجع راس قفلوا الموضوع واللي يبي يرد ، يرد رد محترم وعلى قده

والسلام خير ختام

[LanD ShArK]

سكوال ابيك بسالفة

تعال هنا http://www.games4arab.com/chat/chat.html

ابكلمك كم كلمة ورد غطاها

[احمد9000]

وانا شنو يهمني تحجيت معاك ما تحجيت معاك..

لكن اقول لكم ما بأسوي عداوة في هالمنتدى...

Im sorry

[احمد9000]

قفللللللوا الموضوع

[سكوال]

المهم خلاص..


انا من ناحيتي انتهيت..



وراح امسح الموضوع الي كتبته والي هو في لاند شارك وروكسان.....

[Classic Evil]

امسح امسح

يالله اش ناطر بعد :واو: ?: :واو:

[سكوال]

اقول شباب ..الموضوع خلاص انتهى ..



والقلب على القلب ابيض....




والدليل \


انتوا بس اسمعوا ضحكة لاند شارك ......

[Classic Evil]

ههههههههههه

[الكوبرا]

بسم الله
انا و اعوذ من كلمة انا اشوف انكي تسرعتي في كلمتك هذه المرأه على مر
السنين هي المدرسه مثل ماقال الشاعر
الام مدرسة ان انت اعددتها................اعددت شعبا طيب الاعراقي
فاكلاامك فيه نوع من التسرع لا تقولين حاله فريده اضربلك مثال آخر
المرأه حكمة شعبا مثل بلقيس ملكة اليمن وهذا مذكور في القرآن الكريم
وفي التاريخ و القائمه تطول امثال زنوبيا و شجرة الدر و و و .........
حتى في الجاهليه كانت المرأه لها وزنها في اكثر القبائل الا من شذى منها
و لكي ياسيدتي ان تتخيلي ماهو دور المرأه من الناحيه السياسيه و الاجتماعيه
بعد هذا الكلااام الي الذي ذكرته في السابق استطاعت ان تتحكم في مجريات
التاريخ ولو كانت على قول بعض الناس راعية هرج وما في راسه الا القشره كان ما وصلت
الي وصلت اليه في السابق وعصرنا الحاضر .
وطبعا الرجال الي ما يحتاج اقول عنهم شئ لانه شارك المرأه نفس الدور وزياده
حبتين.
آآآآآه نسيت ترى البيئه الي يعيش فيها الانسان و اقصد اهله او جماعته تجعله
يرى المجتمع من حوله بنظرت روكسان.
الناقد المشهور جدا الكوبرا غصب عن الي ما يرضى والي بمد السانه
باقصه له والي ينفخ ريشه بانتفه له ترى النقاد مهوب ملطشه عند اهلك
انت وياه :غضب: شديد

[draiver]

عن عن عن عن حييييييييييييييييييييييييييص بوم كراش طاخ طوب :( الله يسامحكم خليتوني اخرب سيارتي :غضب:
يا اخوان ايش هذا الكلام الفاضي الموضوع حق روكسان كان جميل جدا وفيه وجهات نظر كثيرة وامور كثيرة لازم للرجل ان يوضحها للمرأة ز
لكن انت خربتم كل شي اي راص بطة وراص ديناصور ..انتم غلطانين هو في الحقيقة راص ضفدع مفعوص..((مجرد توضيح)):D
بعدين لازم من كل الشباب اللي هنا ينتهز الفرصة اللي فتحتها لكم روكسان لمدح كل بنات المنتدى الامورات السنيورات على قول ((تجتوج..محطة ام بي سي ...كل يوم خميس صباحا));)
لانه ممكن واحد فيكم ربنا يبليه بازواج من وحدة من هذا المنتدى ....مزحة
لاني اكتشفت ان بنات هذا المنتدى اشرار ...كمان مزحة
عاد احترمو نفسكم يا شطار وخلينا نكمل مو ضوع روكسان الجميل.
ملاحظة:اذا تيغو تتهاوشو انا مستعد افتحلكم موضوع جديد على حسابي او اسويلكم برنامج يومي والحلقة الاولى بين راص البطة و الظب المقلوب والمقدم انا درايفر .......وشكرا:o
وبانسبة للي يقول انو كاتب سورة يوسف احب اقله عندي دفتر فاضي مستعد ابيعه لو بسعر خيالي يكتب فيه جميع السور اللي يحرفها .. وشكرا
وعلى فكرة انا عندي موهبة فطرية اكتشف بيها اشكال رؤؤس البشر من كلامهم
للتواصل عبر الماسنجر ...999 اسئلو عن درايفر وهمة يحو ياخذوكم عند درايفر عدل:D

[سكوال]

انا لله وانا اليه راجعون ....




قلنا لكم المشكلة انتهت ......


ولاند شارك كلمني وعلمني السبب الي علشانه كان يدافع عن روكسان...


وانا اعتذرت منه..




يعني القصة خلصت ...


ولازم نرجع للموضوع الأصلي .. موضوع روكسان..



___________________



بس قبل مانرجع ..

عندي مداخله صغيره...


بالعربي انا زهقت من الجد... وراح اقلب على موجه المزح ..




يا لاندشارك ....... المره الثانيه لاتدلع روكسان وتقول لها روري..



تعرف ليش ...


لأن القرده الي في فيلم داينصور ... اسمها روري ..... :)

[ROXAN222]

ههههههههههه بالله في قرده اسمها روري:) .....الله يسامحك ياسكوال ايش يفكني من تريقة اخواتي لو شافو الموضوع

بس مو مشكله ....اعرف وحده يدلوعوها دوللي من قبل ماتطلع المعزه دوللي..يعني مافي اشكال تشابه اسماء بس :D

***************

الكوبرا .........معاك حق ان في نساء كان لهم وزنهم زمان ...حتى دحين يمكن محد يعرفهم لكن اللي قصدتو الغالب ان المراه تحب نقل الكلام ...انا اتكلم من وسط بنات يعني شي بشوفو بعيني ...في جامعه طول وعرض الخبر احيانا ماياخد عندنا يومين الا وتشوفو انتشر وانواع التبهيرات الين تطلع الف قصد من قصه

بس كمان هادا الشي بدأ ينتشر عند الاولاد....في المسنجر مثلا برضو انواع النميمه وسرد الفضايح اشوفها من الاولاد اكتر من البنات ....يعني احيانا اخبار مااعرف عنها الا من المسنجر واسمعها من كم شخص بكم طريقه ..عشان كدا انا قلت انو هادا الشي سار ماهو محصور بس بالنسبه للمرأه وان كانت فيه ابرع من الرجل لكن الفراغ خلاه شي مشترك بيننا وبينكم

فهمت ايش اقصد:)


تحياتي ......روري(والله لو يطلع كمان ضب اسمو روري:D)

[LanD ShArK]

:D