المساعد الشخصي الرقمي

مشاهدة النسخة كاملة : مصطلحات و استفسارات خاصة بالهكرز ؟


XboxHacker
01-08-2003, 07:47 PM
السؤال الأول : ماهو برنامج الأيفوكس ؟

Evox هو اختصار ل Evolution-X وصمم هذا البرنامج بواسط فريق EvoX team وهو عبارة عن نظام (Bois) !!

السؤال الثاني : ماهو عمل الأيفوكس في الهاردسك ؟
يقوم الأيفوكس باستبدال ملف الأكس بوكس xboxdash.xbe بملف الأيفوكس المسمى ب evoxdash.xbe !!

السؤال الثالث : هل سنواجه مشاكل مع اللايف عندما نقوم باستبدال الملف ؟
نعم بكل ثقة سنواجه مشاكل مع اللايف والسبب هو أن اللايف يطلب ملف xboxdash.xbe ويسوي له تحديث كل مرة عشان كذا مانقدر نشغل الأيفوكس !!

السؤال الرابع : ماهو الحل مع هذه المشكلة ؟
الحل بسيط جدا;) قبل ما ننقل ملفات الأيفوكس على الهاردسك نسوي نسخ لملفات الأكس بوكس على الجهاز البي سي !!ليش ؟ عشان أذا نبغى ندخل اللايف نرجع الملفات الأصلية مكانها ونلعب !!وسبب ثاني هو أذا اخطيت وحذفت ملف بالخطأ !!!

السؤال الخامس : هل بالأمكان أن نخزن الألعاب على الهاردسك ؟
الجواب نعم نقدر ليش لا بس المشكلة أن حجم الهاردسك مايساعدعلى كذا نقدر نخزن تقريا 4 أو 3 ألعاب على حسب الحجم !!

السؤال السادس : هل نستطيع توسيع الهاردسك الى أكبر من كذا ؟
نستطيع توسيع الهاردسك الى 130 قيقا أو 120 قيقا على حسب الموجود في السوق من هاردسك !!

السؤال السابع :هل نستخدم هاردسك مخصص للأكس بوكس ؟
لا نستخدم اي هاردسك حتى حق البي سي لأنه نفس الشي !!

السؤال الثامن : هل نستطيع أن نلعب بالألعاب الموجودة على الهاردسك أون لاين ؟
الجواب لا !!ليش لأنك في الأول لازم تشغل الأيفوكس عشان تشتغل الألعاب الموجودة على الهاردسك واذا اشتغل الأيفوكس يعني مافيه لايف !!

السؤال الثامن : أنا مرة نسيت لعبت لايف والأفوكس شغال وتقفل جهاز وش أسوي ؟
سهل لازم تروح عند واحد مافيه أمل يدخل اللايف وتأخذ من بعض الملفات وتدبلها باللي عندك وتشتغل زي العسل !!

السؤال التاسع : طيب أخوي وش الفايدة من تخزين الألعاب على الهاردسك مادام أنها ماتقدر نلعب على اللايف بها ؟
الفايدة هو أنك تختصر على نفسك شي اسمه خراب الأشرطة وأشرطة ماتشتغل ودفع فلوس وسي دي ضاع دوره والله مدري وينه !!بأمكانك أنك تنسخه من واحد جارك وتريح جيبك من 25 ريال !!

السؤال العاشر : أنا أبغى ألعب لايف مع قطعة وايفوكس وش أسوي ؟
تقدر تلعب بس اول شي القطعة لازم يكون فيها سويتش !!
والنظام الأصلي لازم يرجع مكانه!!


شو رأيكم في الأسئلة ان شاء حلوة أي واحد عنده سؤال يقول !1أنشاء أجوابه عليه !!;)

راح أكتب في وقت لاحق باقي الأسئة والمصطلحات الخاصة بالهكرز باي;-)
DeadLy_
01-08-2003, 11:32 PM
كيف اخذ ملفات صديقي من الاكس بوكس ماله ؟
-=-=-=-=-
السؤال الثامن : أنا مرة نسيت لعبت لايف والأفوكس شغال وتقفل جهاز وش أسوي ؟
سهل لازم تروح عند واحد مافيه أمل يدخل اللايف وتأخذ من بعض الملفات وتدبلها باللي عندك وتشتغل زي العسل !!
-=-=-=-=-
boxman88
02-08-2003, 12:53 AM
مشكور على الأسئلة والأجوبة وننتضر التكملة
nadp
02-08-2003, 09:34 AM
تاخذ الEEPROM منه (من صديقك)
هذه كود الهارد ديسك

لما اللايف تقفل جهازك...ما تقفل الgamer tag..اتقفل الهارد ديسك بس...

فعشان جي..تاخذ EEPROM من واحد ثاني...و يعطي الهاردد يسك مالتك هوية جديدة...و جذي :-)


السؤال السادس : هل نستطيع توسيع الهاردسك الى أكبر من
كذا ؟
نستطيع توسيع الهاردسك الى 130 قيقا أو 120 قيقا على حسب الموجود في السوق من هاردسك !!


كنت ابي اوضح اكثر..
تقدر اتوسع ل137 جيجا.. بس احينة ما اتحصل 137 جيجا..اتحصل 120 جيجا



و شي ثاني...
اذا تبون اتركبون هارد ديسك ثاني...
ركبوا هارد ديسك 5400rpm...يا ويلكم لو اتركبون 7200rpm..لو ما شي مروحة لل7200..لا اتركبونة..لانة الاسك بوكس ما تستحمل حرارة ال7200
nadp
02-08-2003, 09:58 AM
تاخذ الEEPROM منه (من صديقك)
هذه كود الهارد ديسك

لما اللايف تقفل جهازك...ما تقفل الgamer tag..اتقفل الهارد ديسك بس...

فعشان جي..تاخذ EEPROM من واحد ثاني...و يعطي الهاردد يسك مالتك هوية جديدة...و جذي :-)


السؤال السادس : هل نستطيع توسيع الهاردسك الى أكبر من
كذا ؟
نستطيع توسيع الهاردسك الى 130 قيقا أو 120 قيقا على حسب الموجود في السوق من هاردسك !!


كنت ابي اوضح اكثر..
تقدر اتوسع ل137 جيجا.. بس احينة ما اتحصل 137 جيجا..اتحصل 120 جيجا



و شي ثاني...
اذا تبون اتركبون هارد ديسك ثاني...
ركبوا هارد ديسك 5400rpm...يا ويلكم لو اتركبون 7200rpm..لو ما شي مروحة لل7200..لا اتركبونة..لانة الاسك بوكس ما تستحمل حرارة ال7200


السؤال السابع :هل نستخدم هاردسك مخصص للأكس بوكس ؟
لا نستخدم اي هاردسك حتى حق البي سي لأنه نفس الشي !!


الدي في دي درايف للاكس بوكس مب نفس البي سي
وصلة الكهرباء للدي في دي حق الاكس بوكس غير ..فعشان جذي..لا تحاولوا تتفلسفون و اتغيرون الدي في دي حق الاكس بوكس..
http://xbox-scene.com/xboxopening/4/sP7020009xs2.jpg
nadp
02-08-2003, 10:01 AM
Evox هو اختصار ل Evolution-X وصمم هذا البرنامج بواسط فريق EvoX team وهو عبارة عن نظام (Bois) !!

اخوي..
الevox اولا من صنع اخواننا الكرام Team Xodus
و ثانيا الايفوكس مو BIOS..هي نطام dashboard ثاني :-)
الBIOS بتكون فالمودشيب:-)
XboxHacker
02-08-2003, 10:21 AM
:D :D :D :D

آسف على الأخطاء اللي عندي :0) :0) :0)

وشكرا نادب
REACH
02-08-2003, 10:33 AM
ياولد ظبطنا تراك افدتنا وايد بالاسئله والاجوبه الي حطيتها :D


وناطرين بقيه الاسئله

وشكرا على الموضوع
XboxHacker
02-08-2003, 10:53 AM
السؤال الحادي عشر : ليش ماننقل ملفات الأيفوكس على طول على السي الدي ؟

أها ...اذا نقلت الملفات على طول على السي دي بامتداد xbe. ماراح يقراها الأكس بوكس !

السؤال الثاني عشر : أجل وش نسوي عشان ننقلها على الأكس بوكس ؟

لازم نستخدم الأيسو يحولها لنا باستخدام امتداد .iso وبكذا يقدر الأكس بوكس يقرأ ملفات الأيفوكس من السي دي ؟؟؟

السؤال الثالث عشر : لازم نستخدم السي دي ليش ماننقلها من البي سي على طول على الأكس بوكس ؟

ماراح تقدر تدخل على الأكس بوكس عشان تنقلها فيه ليش !!ماأقدر؟
لأنك ماركبت الأيفوكس على الأكس بوكس اللي يخليك تقدر تسوي هالشغلات !!

أنا اليوم مستعجل شوي وكتب هذي بس وراح أكمل انشاء الله بعدين اللي مافهم يقولي أعلمه
وأذا انا ماكنت موجود اخوي نادب موجود
;-)
XboxHacker
02-08-2003, 11:00 AM
ياولد ظبطنا تراك افدتنا وايد بالاسئله والاجوبه الي حطيتها

هلا أخوي دراكولا :-)

وحياك الله وانشاء بتستفيدون من باقي الأسئلة
nadp
02-08-2003, 11:19 AM
السؤال الثالث عشر : لازم نستخدم السي دي ليش ماننقلها من البي سي على طول على الأكس بوكس ؟

لانه الايفوكس يعطيك FTP CLIENT حلوة..
الاكس بوكس (MS DASHBOARD) الاصلية ما فيها FTP..فما تقدر تنقل اي ملف..
DeadLy_
02-08-2003, 10:42 PM
الرسالة الأصلية كتبت بواسطة nadp


لانه الايفوكس يعطيك FTP CLIENT حلوة..
الاكس بوكس (MS DASHBOARD) الاصلية ما فيها FTP..فما تقدر تنقل اي ملف.. و الله ردودكم من ذهب تسلمون يا هاكر و نادب على الاقل كل شيء واضح الحين .. :)
وصلة الكهرباء للدي في دي حق الاكس بوكس غير ..فعشان جذي..لا تحاولوا تتفلسفون و اتغيرون الدي في دي حق الاكس بوكس.. كثير من الناس يتفلسفون عن هلشيء :p