المساعد الشخصي الرقمي

مشاهدة النسخة كاملة : زكريات الطفوله .... (انا عارف اني كاتبها خطاء ..يعني لااحد يجي ويتفلسف علي ويقول غلط)


سكوال
06-07-2001, 07:22 AM
صباح الخير شباب.... (ماتلاحظون انه ولا مره في عمري بدات موضوعي بترحيب بالبنات ... دائما متحيز مع الشباب)...



الصراحه ..... اليوم جمعه ...

واخوكم في الله سهران عشان عيونكم>>>>>>>> نصاب ماجاه النوم لأنه متعود على الجامعه



فقلت راح احكي لكم عن ذكريات طفولتي السعيده (احترني سعيده) ... من الالف للياء ... ومن كل الجوانب..


وعلى فكره .. والله ان كل كلمه قلتها هنا صارت عن جد .... بدون زياده او نقص...




امممممممم


اوكي راح ابداء من الاصل ... اكيد الشغاله....:)





1_ الشغاله

الشغاله الي تربيت على ايديها ..... اسمها رحمه .... ووالله انها رحمه..

وعلى فكره هي جلست عندنا 11 سنة كامله...

كانت حبوبه لآخر درجه .....

مع اني كنت اعمل فيها كل المصايب ...الا انها كانت تسامحني دائما..

بس بعد علاقة دامت خمسة سنوات ... انقطعت فجأة وتحولت لكره

والسبب هو اخوي الصغير ... لأنها صارت تحبه اكثر مني...

وانا عرفت هذا الشيء ....لما هي رجعت من السفر وجابت له هدايا اكثر مني.. (تصوروا الشغاله هي الي تجيب لنا هدايا)









2_عمل الماما...


طبعا بعد ما الشغاله رحلت ..... انا ماحبيت الشغاله الجديده..

فإمي اضطرت انها تأخذني معاها للعمل... (مو حب فيني ... بس تبغى تشخص فيني قدام خوياتها)....:)

طبعا احلى شيء هناك ... اني كنت vip ... تعرفون ليش .. لأنى كنت ولد المديره..

واحب اسمع هاذي الكلمه وانا اتمشى ...

بنات شوفوا ولد المديره

بالله هذا شكله شكل ولد المديره (هاذولي حاقدين بس)

ششش اسكتوا خلاص ولد المديره وصل......



لا وأحلى شيء . اذا البنات دخلوا لمكتب امي .... لازم قبل مايبدأون كلامهم يعطوني رشوه .... اما تويكس او باونتي (اتشرط)..









3_ الروضه


وهنا تأتي اسواء اللحظات في حياتي....


وهنا ايضا راح تكتشفون سر كرهي لجميع البنات على وجه الكرة الارضية...


اول مادخلت للروضه .. كنت لسه ولد لطيف وبرىء ( مايبغي يقول كنت خكري)...

والبنات الملاعين استغلوا هاذي النقطه...

انا ولد نعمه .. ابوي كل صباح يعطيني خمسة ريال....

وطبعا اذا جاء وقت الفسحه .. مايبقي معاي ولا شيء....

ليش ..... لأن بنت الاستاذه (سوسن) >>>>> مستحيل ينسى اسمها..

تسطره بكف كل يوم .. وتأخذ فلوسه..


ووالله كنت بريء لآخر درجة .. كل الي اعمله اني اجلس لحالي في الزاويه .. وتنزل دموعي بدون صوت حتى .... مو بسبب الفلوس... لكن بسبب القهر والظلم...


واتذكر اني مره تشجعت ... وطلعت للمديره وجلست ابكي عندها...

ولما سألتني علمتها القصة كلها ...

وطبعا الاستاذة الكلبه ماقصرت ... منعتني اتفرج على الفيديو يومين كامله... (والله ظلم لآخر درجة)...








4_المدرسة الإبتدائية


طبعا وبما اني اكبر الأولاد ... لازم ادخل مدرسة خاصة .. مدرسة بفلوس..

بالعربي مدرسة الخكاريه...

وهذا كان له اكبر تأثير علي حياتي...


ماراح اطول عليكم هنا ..لأن مافيه شيء يستاهل....

لأني زهقت من هالخكاريه وطلعت ....









5_ بداية الرجوله (المدرسة الابتدائية الحكومية)


هنا يحلى الكلام..

طبعامثل ماقلت لكم .... انا كنت جاي من مدرسة خكاريه .. ومدرسة دلع كل واحد يلبس على كيفه..

فأنا دخلت للمدرسة الحكومية ببدله..

الطلاب ماصدقوا وطاحوا فيني تهزى كلهم.......

انا طبعا متعود على مدرسة الخكارية .. كل واحد يعلم بابا..


بس نسيت اني في مردسة حكومية .. وأن بابا مايوكل عيش هناك..


ردة الفعل المباشرة .. اني بدات استرجل وبدأت ادافع عن نفسي..

اليوم تسطرت...

بكره العكس انا ضربت ولدين (بس اصلا هم كانوا صغار)

اليوم الي بعده نادوا اخوهم الكبير ....... لا يافهد هذا مايصلح معاه الا القلم ..

وهنا كانت اول جريمه اقترفتها يداي....

لأن الولدين نادوا اخوهم الكبير ..... انا قبل الطلعة عملت استعداداتي .... بريت قلم الرصاص ومسكته بكل قوتي وطعنت الولد في ايده..

المشرف الإجتماعي ماصدق ......... كيف طفل الامس البريء هذا يعمل كل هالبلاوي...

اتصل على ابوي (قلت لكم انا استرجلت ماصرت اقول بابا) ... ومن هنا الى صلاة العصر وهم عاملين اجتماع مغلق....


وأنا قلبي يرجف ...


والنتيجة ... ان ابوي طلع معاي من المدرسة .. ومن هناك لمحل الاسماك على طول....

وحقق لي اكبر امنية في حياتي .... والي هي شراء حوض اسماك كبير فيه كل انواع السمك الي انا اخترتها مع ثلاث سلاحف برمائية..

وهذا لأنه فخور فيني (يعلم ولده على الخراب) ... لا الصراحه هو ماصدق ان ولده الخكري فهد يقدر يعمل كل هذا...










6_ بدايه الدشارة والطلعة للشوارع


طبعا انا خربت .. كل يوم والثاني مضاربة ...

وابوي زهق مني كل يوم والثاني ينادونه في المدرسة ويقولوا له ولدك ضرب عيال الناس...


الحل الوحيد انه يفكني ويرتاح مني ....

اول يوم طلعت فيه للشارع .... استغربت من هاذي الكائنات الحية الي تسكن هناك.....

بس اكيد قدرت اشق الأمواج بينهم....

تعرفت على شلة شباب ..... بس هم طردوني لأنى ماألعب معاهم كورة .. ولأنى من الأصل أكره الكوره...

تعرفت على شلة ثانية ....
شلة حلوه مره ...








7_ بداية الرومانسيه .....



امي ماعجبها وضعي.....

ام فهد \يا فهد احنا خلاص راح ننقلك لمدرسة ثانية........

فهد \ علي كيفك هو (قائل لكم عربجي) ..

ابو فهد \ لا خلاص انتا زودتها..


ومن بكره لقيت نفسي في مدرسة ثانية ..... بالتحديد المدرسة الي عند بيت جدتي...


ليش ..... عشان امي تبغاني اذا طلعت من المدرسة اروح على طول لبيت جدتي .... بعدين بعد صلاة العشاء ابوي ياخذني من هناك....



جلست هناك .... زهقان

خالي اشترى لي كل انواع الكومبيوترات ..... بس لسه زهقان


عن طريق الصدفه ...... خالتي اشترت بيت بجنب بيت جدتي ..


وبنت خالتي (احم) صارت تيجي لجدتي كل يوم....


المهم .. اتوقف عند هذا الحد .....بس انتم افهموها..:)


بس على فكره ..انا من جد تأثرت بهذا الشيء...

بس والله تأثرت بكل برآءة..وبكل شرف

كان اي واحد يسألني يقول مين هاذي ( بنت خالتي) كنت اقول له هاذي زوجتي....








8_ بداية الصداقه


في هاذي الفتره كنا نبني بيت جديد لنا....

وانا كنت احب ايجي مع ابوي كل يوم عشان اتفرج على البيت...

يوم من الأيام لفت نظري ولد غريب كان يتمشى بوسط بيتنا ( وهو لسه ماانبني)

وفجاءة طل ابو الولد .. وسلم على ابوي ... هذا جارنا الجديد

دخلنا عندهم ... وقهوه وشاهي ...

وطبعا كالعاده الرجاجيل يصرفون البزارين....

انا طلعت مع الولد نلعب .. نزلت مالقيت ابوي

يابن الحلال .. يمين يسار .... قال لي ابو الجيران ان ابوك كان عنده شغل ضروري وطلع .. (انا شكيت في ابوي)..:)


بعدين ابوي اتصل علي من البيت .. وقال \ايش رأيك تنام عند الجيران الجديدين .. ... يبي يصرفني تعبان وماوده يأخذني..

ومن هنا بدات احلى صداقه في حياتي..... مع هذا الولد...

انا واياه كنا مثل الإخوان .. اربعة وعشرين ساعة مع بعض ...










هوه ه ه ه ه ه ه...... تعبت اكمل لكم بعدين....
سكوال
06-07-2001, 07:33 AM
يا شباب



مابين كل دقيقه والثانيه تسمعوا لهاي الإغنية عشان تروقون عليها .. وعشان تطلع القصة رومانسيه من جد..

http://www.geocities.com/f_squall_999/ff9_-_Loss_of_Me.mid







((( على فكره الإغنيه حجمها صغير مره))
نور محمد
06-07-2001, 07:41 AM
بسم الله الرحمن الرحيم

السلام عليكم ...:واو: ..ماشاء الله :) ..

على الذكريــات...:p :p ..الحلووووووووة ..:D :D ...

((:D الله يوفق الجميع ))..وســـــلامي ..** سوسن
TOO COOL
06-07-2001, 07:54 AM
ابوك يشتري لك حوض سمك عشانك سطرت واحد:واو:

:واو:


:واو: WOOOOOOOOOOOOOOOOOOOOOOOOOOOOOOOW:واو:
سكوال
06-07-2001, 07:59 AM
سوسن .....


شكرا..

على فكره .. اذا انتي تخصصك خرفان ... انا تخصصي اسماك...:)







___________



توكول ....



انت لاتنظر للموضوع من ناحيه مادية ..... انظر للموضوع من ناحيه نفسيه ومعنويه ( بدات الفلسفه)


ابوي افتخر فيني .... كيف اني قدرت اسطر ثلاثة الاولاد واحد فيهم في المتوسطه ( مع اني كنت لسه صغير بالإبتدائية)....


________



على فكره شباب انتم سمعتوا الإغنية .. ترى هي احلى شيء بالموضوع ...:)
سيلفي2065
06-07-2001, 07:59 AM
حركتات....
قصه حياتك....طيب كمل وبعدين؟:)
--------
سوزن....انا اطالب والح بطلبي بانك تكتبين زكريات طفولتك....من اولها الى اخرها زي سكوال...بلييييييييييييييييييييز:)
TOO COOL
06-07-2001, 08:03 AM
اقول سكوال خطاء تنكتب كذا>>>(خطأ)مو(خطاء):)
سكوال
06-07-2001, 08:04 AM
سيلفي


اقول ... لاتقلدين ياورد لأجي اكفخك الحين ... قال ايش قال حركتات..












خلاص ياورد طلعت صديقتي ...ادافع عنها....:)






___________



على فكره ...

انا الح واطالب بأن سوسن ماتكتب ولا شيء عن مذكرات طفولتها..

كلها خرفان * خرفان...:)






ليش مو انتي يا سيلفي...


لو تكتبين زكريات طفولتك .. خصوصا مع قطوتك ... عشان الشباب يعرفوا سر الرمز 2056
نور محمد
06-07-2001, 08:10 AM
بسم الله الرحمن الرحيم

(( حراااااام ذبحوو عزوز :( )) ...

:واو: بس لحضة :أفكر: أنــا توي عارفة ..

الخرفان من سنة ..... :D :D ...

لاتعتقدون أنهم عندنا منزمااااااااااااان ......:p :p

وســـــــــــلامي ........** سوسن ...
Chandler
06-07-2001, 08:17 AM
حلوة القصة

بس على طاري الروضة...انا عندي قصة حلوة...طبعا في فترة الروضة كنت انا ولد حلو...جدا..جدا(واثق من نفسه)..مدرستي كان فيها...روضة..وتمهيدي..واولى ابتدائي..انا كنت زي اغلب الاولاد في هذا العمر يكرهون شي اسمه بنت..وكان فيه شلة بنات (اولى ابتدائي) وانا في التمهيدي...طبعا زي ما قلت لكم انا كنت اجنن...ورئيسة الشلة معجبة فيني...وفي كل فسحة كانت هي وشلتها يخطفوني ويحبسوني ويسوون فيني اشياء ما تتخيلونها... وفي يوم من الايام وانا استنى امي تجي تاخذني...جت الرئيسة و((باستني))....وتوقعوا مين اللي شاف الحادثة.......((الماما))....وقالت للبنت...عيب كذا.....وردت عليهاالبنت...وش اسوي...احبه...(حب من طرف واحد).......وبس....خلصت القصة.:cool: :cool: :cool:


البنت كانت حلوة بس انا كنت اكره البنات(يعني راحت علي):p

القصة هذي حقيقية مئة بالمئة.
سكوال
06-07-2001, 08:25 AM
يا حليلك يا naf


انت بس انبست مره واحده... ومن بنت صغيره



طيب لو اقول لك انه كانت تصير لي عمليات ابتزاز ومن بنات كبار في المتوسطه..


والله العظيم اني ماأكذب عليكم ...



اذكر القصة صارت لي لما كنت في الإبتدائية .....


كنت لحالي في بيت واحد من أقربائنا... مو لحالي ..بس كنت الولد الوحيد هناك

وكان فيه شلة بنات صغار يلعبون ... ثلاثة منهم كبيرات (في المتوسطة)

انا قطيت وجهي عليهم قلت لهم لعبوني ...

وهم ابتزوني يقولون لي مانلعبك الا لما تعطي كل واحده فينا بوسه..



وطبعا صار الي صار....:)




__________



اقول ...



والله حظنا مثل وجيهنا...


وين راحوا ذا البنات يوم كبرنا.....:)
conanweb
06-07-2001, 08:38 AM
[i]تم نشرها

البنت كانت حلوة بس انا كنت اكره البنات(يعني راحت علي):p

القصة هذي حقيقية مئة بالمئة. [/B]

عيب والله ما كانت اتوقع هاذي الكلمة تطلع من شخص موثوق انه عاقل وكامل الادب
سكوال
06-07-2001, 08:42 AM
لا ...انت المفروض تكتبها \



أديب وكامل العقل...
Chandler
06-07-2001, 08:49 AM
يا conanweb تراني امزح....والله امزح... (اصلا اقدر اجيب 10 احسن منها)...امزح بعد.

ويا سكوال...هذي اول بوسة في حياتي...والبقية تأتي:cool: :cool: :cool:
سيلفي2065
06-07-2001, 08:53 AM
مدري حركتات انا اسمعها من ديجتال والظاهر ياورد سمعتها منه:)

آآآآآعععع زكريات طفولتي...يبي لها قعده...طيب بسوي زيك

الشغاله:
اسمها تمره...كنت دايم اتهاوش معها لانها بالسوق تدف عربيه اختي الصغيره وانا اقول انا بدفها بعدين تقعد تبكي بالسوق وتقول خلالالالالالاص انا في سفر ادنونسيا ....قعدت ست سنين تقول هالكلام....بس حرااااام يوم جت تسافر صارت تحضني وتبكي وانا اضحك لانها بتسافر (شريره من صغري:غضب: )
واتذكر سودواكو...هي الشغاله الوحييييييده اللي جتنا وكنت اخاف منها....لانها كانت تدخن:)!!!

الروضه:
روضتي كانت بامريكا....ابلتنا كان اسمها (آن) وكان فيه ولد اسمه ايجرن دايم اتهاوش معه...وبنت (نقر) سودا اسمها آشلي كانت ماااااي بست فرند ذاك الوقت

الابتدائي..
اتذكر اول صديقه عرفتها باول يوم هي (بلو روز) ياحياتي كنت انا ابكي عشان امي مو فيه وهي تعطيني سفن اب وتسكتني..كخخخخخخ
واتذكر فيه مقلمتي اللي تشبه الصاروخ واللنتش بوكس اللي على شكل ارنب وردي امممممم وايش بعد؟
واتذكر مشكلتي مع ابله نعيمه:) لاني صفقتها بالجاكيت على وجهها وانا ماادري
وفييييييه اليوم اللي بلو روز جابت لي شريط ذا ليتل ميرميد...ومسكونا الادراه وسوو مشكله يحسبون فيه بلاوي...مايدرون انه فلم كرتون على نياتنا!!
واتذكر عصابه الهلاليات....الزعيمه كانت بلو روز...نركب سياكلنا ونروح نتحرش بالعيال اليييين ماتقب معركه بيننا!!

2065:
بنص الابتدائي....نقلنا بيتنا لمجمع سكني معظمهم امريكان...وكانوا جيراننا امريكان بعد,,ماكس وسابرينا وماثيو... عيال جيراننا...ولو اني داجه بالانجليزي
بس معظم الكلمات تعلمتها منهم,,,خصوصا السبات.....كان عندهم بسه...وهالبسه جابت اربع بسس صغيروناااااااات...وكنت انا مااروح لبيتهم الا عشان هالبسس,,حتى بعض الاحيان كنت قليله ادب افتح الباب وادخل من دون استئذان(امون) عاد يوم جوا يرجعون لامريكا....ماكس شافني زعلانه عشان البسس...عطاني وحده بنيييييه تجنن كان محطوط على رقبتها طوق اسود محفور عليه (Candy2065) وصارت بستي.....والله يسامح اللي كان السبب وخلى البسه تضيع مني:(.....وقتها نفسيتي صارت زفت ×زفت..ومنذاك اليوم وانا احب هالرقم وانا مدري وش معناه:)

المتوسط...
من دخلت المتوسط وانا كارهه نفسي لاني فارقت صديقاتي بالابتدائي
بس شوي شوي حبيت المدرسه ....وهناك بديت ادشر...اهرب من الفصول...وارد على الابلات....الين مايوصل الحد اني اتهاوش معهم!!
يعني بدا لساني يطول في هذي المرحله(يمكن لاني تعرفت على ريم هناك)!!! واول تعهد خذيته بصف ثاني متوسط لاني جبت شريط مباراه ايطاليا مع منتخب نجوم العالم....كانت صديقتي تبيه....مع انها مالها خص بالكوره بس حسبي عليها....بسبتها خذوه
ولا بعد كنت مجنونه انسان اسمه باولو مالديني....معلقه بوستراته بغرفتي واجمع صوره ....كنت داااايم ادعي اني اتزوجه...بس اشوف صورته الحين اقول (ييعععععع وش اللي خلاني احب واحد مثله)

شكرررررا للقراءه.....معليش طولت علييييكم...بس وش اسوي فتحت فمي نو وي اصكه
سكوال
06-07-2001, 08:59 AM
احم احم...


(((ولا بعد كنت مجنونه انسان اسمه باولو مالديني....معلقه بوستراته بغرفتي واجمع صوره ....كنت داااايم ادعي اني اتزوجه)))




لا ومسويه علينا عاقله وأخلاق......:)
سكوال
06-07-2001, 09:01 AM
افا والله ..



بلو روز طلعت عربجيه وانا ماأدري...


(((واتذكر عصابه الهلاليات....الزعيمه كانت بلو روز)))





والله طحتي من عيني يا بلو روز.......


خلاص من اليوم ورايح ماعاد اكلمك....




( المسكين ..... مأخذ موقف قوي من العربجيات)
سيلفي2065
06-07-2001, 09:11 AM
يااااااخي لاتقعد تدقق....طييييش شبااااااب...
كل وحده بايام المتوسط لازم تحب مطرب والا لاعب والا احد مشهور:)

انا على الاقل كنت اعقلهم مجرد لاعب كره برئ......الباقيين يحبون باك ستريت بويز والا ريكي مارتن والا احد هالمهبل!!!

بعدين ترى بلو روز تعجبك....شقردييييه وراعيه فزعاااااات!!:)
Chandler
06-07-2001, 09:20 AM
يا سكوال شكله صاير لك موقف مع وحدة عربجية..:cool: :cool:

بس حبيت اقول................نسيت......اذا تذكرت بأقول لك
FSM
06-07-2001, 10:05 AM
هههههههههههههههههههههههه

حلوه منك سكوال

ومنك يا سلفي2080

بس يا سكوال :( نبي ايام الثانوي هههههههه ما ادري ايش فيها

بس كمل...........

وشكرا
سكوال
06-07-2001, 10:43 AM
اوكي راح اكمل....





1_ بداية التعرف على اصدقاء الحي


بحمد الله سكننا في بيتنا الجديد.....

بس الصراحه انا انصدمت ....


كل عيال حارتنا ( من طقت سيلفي) .... وانا بصراحه ماأمشي مع هالاشكال..


يمين يسار ... عجزت امشي معاهم......


انقلبت السالفه .... وبدات اتحارش فيهم....


والمشكلة اني لحالي .... معاي اخوي الصغير بس هذا كأنه عصفور

وولد جيراننا بس هو لطيف آخر درجة مايحب المضاربات..


وانا نشبت لحالي معاهم كلهم...

يوم يتفقع وجهي .... ويوم ألعن وجييهم ... وحياتي على هاذي الحاله..







2_ السيارة (اهم نقطة في حياتي)


انا يمكن ماقلت لكم اني اصلا اني بدات اسوق من يوم كان عمري 8 سنوات .... وانا عارف انكم ماراح تصدقون هذا الكلام ... بس حبيت اذكركم اني كنت اسوق والمخده تحتي لأنى ماأقدر اطالع الشارع...

وطبعا مثل ماقلت لكم ولد نعمه .... بدات اسوق سيارة كاديلاك وكالة....:)

بس لما كنا نبني البيت كان ابوي يحتاج لونيت عشان يشيل ويحط فيه.. وطبعا مافيه غير فهد عشان ينشب الونيت بحلقه..:)


المهم ..... ماعلينا من نوع السيارة ....

انا من يوم مسكت السيارة وانا شايف حالي.....

مين قدي .. سيارة بإسمي....:)


وطبعا عكست كل قوانيني الي تنص على اني لازم افوت الحصه الإولى..

لازم اطلع من البيت الساعة خمسة ونصف ... عشان اوقف مقابل باب المدرسة ..

والي مايدري ان فهد اشتري سياره ...لازم يدري..

وطبعا عشان تكمل .... لازم اهرب من الحصه الاخيره .. واجلس ادور بالسيارة على المدرسة .. (بالقوة بأعلمهم ان معي سيارة)..



للأسف ... احد شلة سيلفي .... ضربني بعين


وقسما بالله .. السيارة ماجلست معاي شهر واحد .......

في ظهر عيد الأضحى .... نشبت في جنط جمس م89










3_اول غرفة لي لحالي


جلست المح كل يوم لأخوي .....

يابن الحلال فيه غرفة ثانية ليش ماتنقل وتفكني.....


بس ابوي يقول أنه مايصلح أحد ينام لحاله..

بس مستحيل يمشيها علي...


اسوي نفسي مريض .. وأطفي المكيف على اخوي بالليل..(واذا تقول انك رجال نم)

اليوم خميس .... واعمل حالي بكره عندي امتحان ... يعني مااطفى اللمبه ....


اذا عنده اختبار... اعمل فوق راسه انواع الإزعاج...

كل ماجلس يلعب بالكومبيوتر .. اعمل حالي ماشفته وادعس على الأسلاك..



____________ (بالعربي انواع التطفيش)___________


الولد زهق ونقل لغرفة ثانية...










4_ الثانوية


ياهوه طلعت رجال....

خلاص لازم البس شماغ....


ولازم اعقل وابطل حركات الإستهبال >>>>>>> ايه هين










5_ ثالث ثانوي


وطبعا احلى سنة بحياتي ثالث ثانوي....


امي تخاف علي ..... وتصرخ على اخواني ...لاحد يزعجه ماتفهمون اخوكم بثالث ثانوي...


الشاي كل شوي طالع لغرفتي ... لأنى ماشاء الله علي جالس اذاكر...


ابوي فكني من المشاوير...كلها طاحت براس أخوي..



وانا طبعا لازم اخذ فلوس من ابوي 4 الآلاف حقت مدرس الرياضيات ...

ومن وراه مشترك مع زميلي ... وعمل لنا الاستاذ تخفيض 2500 ريال بس..

بس وين راحت 1500 ريال كل شهر...... ماأدري




كله كوم .... واستاذ الرياضيات المصري كوم...

انا قلت له انى راح اجيه في شقته (عشان اطلع برى البيت واتمشى)

وياليتني ماقلته ... لأنى من جد ضعت

(((((((طلع الرجال يدرس بنات وأولاد مع بعض))))))


وامي مستغربة مني ... فيه طالب يروح للإستاذ بالشكل هذا....



والإستاذ المصري بوداي ... وانا وصديقي بوداي ثاني......



والإستاذ يسألني \يافهد عايز تدرس بالصاله ولا عايز تدرس في المقلس (المجلس)

انا على طول اقول المجلس ... لأنه صغير ونقرب فيه من البنات...












___________________________________________________________


انا عارف انكم بتصفون عندي سرى بعد شوي تبغون عنوان هذا الإستاذ.... بس والله لو تموتا ماراح اعطيكم اياه...:)
FSM
06-07-2001, 10:56 AM
اقول ما صار لك شي في مرحله الثانوي (شي ما تنساه ابد)

\\\\\\\\\\\\\\\\\

وشكرا
Chandler
06-07-2001, 11:06 AM
يالله الدور علي

اولا انا من يومي صغير وانا اكره الشغالات...الشغالة الوحد ما تكمل سنة الا وهي رايحة بسببي(شري من يومي صغير:p )...المهم بعدين كبرت شوي...وجا دور التمهيدي(انا ما دخلت روضة) تمهيدي على طول...وفي التمهيدي كنت مدلع بقوة...لكن صارت لي مواقف(مثل اللي مذكوره فوق) غيرتني...بعد ماعديت التمهيدي...دخلني ابوي مدرسة اهلية(الرواد)...ما قصر الوالد مدلعني آخر دلع...المهم...بما اني كنت مؤدب بقوة(يعني خكيري) وكذالك المدرسة كلها...كنت عجينة لينة...يعني ما فيه احتكاك...وكان فيه ولد شاذ عن المجموعة...يعني عربجي(مدري وش مدخله اهلية)...قعدت جنبه يوم واحد بس...خربني...وغير كل مبادئي وافكاري(لأني زي ما قلت لكم عجينة لينة) صرت ادخل الفصل...واطلع من الحصة الاولى(اقول للاستاذ ابغى الحمام)...ما ارجع الا وهي الحصة الاخيرة(قاعدادور في المدرسة)...في نهاية السنة طلعت من الاوائل وكل درجاتي كاملة...ما عدا الرياضة منقصيني 10 درجات...عشانهم يبغون يخلون ولد المدير قبلي...وعذرهم...(ما جاب لبس) مع اني والله ما افوت الحصة هذي ابد... المهم..بعد ما تطاق ابوي معاهم(وانا كنت اشجعه) غير مدرستي...وداني لمدرسة حكومية...مغبره بقووووووة...دارسين فيها اعمامي يوم كانوا صغار...وفي اول يوم في المدرسة(طبعا انا قرفان من هذا المبنى القذر والطلاب المزعجين)..متعود على النعمه:D ..وفي اول حصة قلت للأستاذ..ابغى اروح للحمام..(قايل لكم متعود على الدلع)...قال كلام...صدمني...قال..(بلا حمام بلا بطيخ دورلك على زاوية وسوي اللي تبغى...هو عارف اني ما ابغى شي..(اعوذ بالله ما ادري كيف هذولي مدرسين الحكومي يقرون افكارنا)...بعد هذا الموقف تحولت تدريجيا من خكري الى رجال...لا وبعد دافور ..طبعا هالكلام الى سادس ابتدائي اللي تعرفت على شلة مصرقعين......بأختصار تغيرت شوي وصرت ارد على المدرسين واروح للمدير...يعني خربت..بعد كذا رحنا لبيتناالجديد (بعيد عن المدرسة اللي بيروحون لها اخوياي)..انا اكيد قفلت معي...وصاروا اهلي يخافون يكلموني...بس ما فادني التعصيب...رحت غصب عني لمدرسة جديدة(المتوسطة)...وفي هالمدرسة تعرفت على اخوياي اللي انا الى الان معهم.....تعبت...وبكرة اكمل...اصلا خلصت:D ..وآسف اني اختصرت كلامي...بس هذي مذكراتي العامة...ان شا الله بقول لكم (مواقف الطفولة) مع ولد عمي اللي من اول ما انولدت وانا معه:cool: :cool: :cool:
سكوال
06-07-2001, 11:33 PM
اقول يا naf


ماتلاحظ انه احنا كلنا كنا خكاريه في المدارس الإبتدائية الاهلية..

ومانسترجل الا في الحكومية.....:)
AmoooR
06-07-2001, 11:46 PM
أهاااااااااااا متربي مع شغالة
وأقول وين شفت هالشكل
الله يبلشك شبه شغالتنا 100%
لالا عليك طفولة رائعة
بس وش دخلنا فيك ؟
ما نبي نعرفك!
زعلت ؟



اشرب البحر كلهههههه لين تموت


********أمزح***********
cute_boy2002
07-07-2001, 12:07 AM
انا افتكر حاجة وحدة من ايام الطفوله

رحنا يوم من الايام عند بلاد الالعاب وكان ايامها احسن محل العاب بجده

شفت دراجه بثلاث كفرات فقلت لابوي ابيها قالي عندك دراجتين موب وحدة انا عصبت ولما جا يخرج جيت بكل (كلاحة) ركبت الدراجة وخرجت بيها من المحل هذا الشي خلا ابوي يشتريلي الدراجة .
العميد
07-07-2001, 01:41 AM
والله فاااااااااااضي يا سكوال












راااااايق تكتب كل هالكلام
بس وش هالدجه





من ولد خكري إلى ولد دااااج2222 بين غمضة عين وفتحتها:)
بوشي
07-07-2001, 03:35 AM
مشكور,,,
والله ذكريات حلوه ياسكوال على الأقل صار لكم شيء مهوب مثلنا :)
Chandler
07-07-2001, 07:20 AM
ماتلاحظ انه احنا كلنا كنا خكاريه في المدارس الإبتدائية الاهلية
__________________________________________________________
ايه...اجل وش فايدة المدارس الاهلية....(يجمعون الخكاريه فيها):cool: :cool: :cool:
Chandler
07-07-2001, 08:48 AM
الحين بأبدأ بأول سالفة...بطولة..<انا>..و<ولد عمتي>..(تراه موجود في المنتدى).
________________________________________________
يوم كنا صغار...كنا احسن(دويتو)...يعني تلقانا دايما مع بعض..كنت انا في صف ثاني ابتدائي...وهو اكبر مني بسنة...وكان هو المخطط لكل الاعمال اللي نسويها(كنا منتهى الشر:D)..وكان هذاك اليوم فيه عزيمة حريم(نساء)كبييييرة في بيته وانا كنت نايم عنده...وطبعا زي العادة...البزران يتم تصريفهم...عاد حنا اذكياء...فهمناها...وشعرنا بالأهانة(عشانهم يبغون يصرفونا)وقررنا نخرب عليهم...كيف؟؟...كيف؟؟....ايه....لقيتها(ولد عمتي)...واليكم ما حدث.....كانوا الحريم قاعدين يضحكون ومبسوطيييين على الاخر...والبنات الكبار مشغلين الاغاني ويرقصون...وجينا انا وولد عمتى وتلطمنا بشمغ(على بالنا عشان ما يعرفونا)...كأننا نعام...نغطي وجيهنا...وملابسنامعروفه...(ومعنا عصي)ونزلنا عند الحريم...ودخلنا وسطهم..(وطلعت الرشاش)....اوه....آسف...تحمست...المهم...دخلناوقمنانسوي حركات...تضحك...كل واحد وعصاته...يعني بالعربي...فشلنا اهلنا...وبسرعة...رجعنا لغرفتنا...ووزينا الشمغ..والعصي..وتصنعانا البراءة.:أفكر: :أفكر: ...بس كالعادة...انكشفنا...واكلناها...انا وهو...عقاب...على كيفكم...
____________________________________________________

اعجبتكم...قولوا لي اكمل ولا لأ....ترى المواقف اللي صارت لنا...ما تعد...:cool: :cool: :cool:
Chandler
07-07-2001, 12:03 PM
بما ان محد رد يعني انتم تبغوني اكمل(السكوت علامة الرضا)..<واحد لزقه>...وبما اني فاضي...راح اكمل لكم.:D
______________________________________________________
قبل كم من يوم..صارت بيني وبين ولد عمتي...جلسة مصارحة...يعني كل واحد يقول للثاني...عن النصبات اللي نصبها عليه...على مدى 15 سنة من المعرفة....وتذكرت انا نصبة...نصبتها عليه ونسيت اقول له انها نصبة...والنصبة هذي كانت على ايام(سانشيرو)<كرتون>...مين يتذكره...المهم..لللي ما يعرفه..بشرحه لكم بأختصار.

((هو عبارة عن فيلم كرتون بطلة ولد يملك رجل آلي يتحكم فيها عن طريق الكمبيوتر...طبعا فيه ناس غيرهم عندهم اشكال ثانية من الرجال الآليين...وفكرة الكرتون انهم يتضاربون في حلبة خاصة...وهكذا)).

زي ما قلت لكم...هذي النصبة على ايام سانشيرو... في الاصل هي نصبة نصبها علي صديقي في المدرسة..وقال لي انه راح لمحل يبيع سانشيرو...انا عاد انهبلت(لأني اموت في الكرتون)..وقلت له..والله بكم؟؟..ووين المحل؟؟..قال بكل بساطة(تعرفون النصب زي المويه عند البزران) سعره 10000 ريال...والمحل خيمة خضرا بالثمامة...انا انبسطت...واول ما شفت ولد عمتي...قلت له..هو انهبل زيي...بس انا بعد كم من يوم قال لي صديقي انه نصب علي...انا سامحته..بس نست اقول لولد عمتي...المسكين قعد سنتين وهو مشغل اهله..وكان يوفر مصروفه عشان يجمع فلوس لللعبة...وكان يوميا يصير هذا الحوار بينه وبين اهله..
هو: ابغى اشتري سانشيرو..
اهله: لأ..
هو: ابغى اشتري..(يبكي ويصارخ ويرافس)..
اهله: طيب خلاص..هو بكم..
هو: ب 10000 ريال بس..
اهله: لا والله..وتقولهابكل بساطة..
هو:لا تخافون انا بدفع فلوسها..(متفائل)
اهله:طيب وين المحل..
هو: (وهو يضحك)..قريب..في خيمة خضرا بالثمامة..(كأن ما فيه خيمه غيرها)
اهله: (وهم شوي ويجلدونه)...من جدك انت؟؟؟؟
هو:ايــــــــــــــــــه.
اهله:لأ...ما فيه...(ويقفلون الموضوع).
المهم..انه قعد سنتين..وهو يحاول..بعدين يأس..ونسى الموضوع...جيت انا...وذكرته وقلت له...تراها نصبة(وانا اضحك)..بعدها ما ادري بنفسي الا وانافي سريري وما اقدر اتحرك..(الرجال فقد اعصابه وما قدر يتحمل:p :p )...
____________________________________________________
ان شا الله تكون اعجبتكم...:cool: :cool: :cool:
سكوال
07-07-2001, 01:31 PM
والله روعة يا naf


بس بالله ... كم كان عمرك بالظبط لما دخلت في العزيمه انت وولد عمك بالعصا...










_______________



وعلى فكره .. اخوي تقريبا عمل قصة مثل قصتك...


كان عندنا عزيمه وانا وايها مجحودين لحالنا في الغرفة...


قلت له انزل لإمي تحت في المجلس ... وتغطي وجهك بإيدينك وقل لها \ انا فهد ... ويقول فهد عطونا شاهي..


والخبل صدق...:)
Chandler
07-07-2001, 01:43 PM
مشكور يا سكوال
وانا كنت في ثاني ابتدائي(8 سنوات)..وهو اكبر مني بسنة..:cool: :cool: :cool:
سكوال
07-07-2001, 01:47 PM
استحوا على ووجيهكم يالشياب.......:)





انا واخوي لساتنا مادخلنا المدرسه ... ومستحين نطلب شاهي



وانتوا ... نازلين بالعصي...:)
Chandler
07-07-2001, 01:49 PM
لا...حنا...كنا...مغطين...وجيهنا...(على بالنا اذكياء)..:cool: :cool: :cool:
سكوال
07-07-2001, 01:54 PM
اها......



طيب سؤال ثاني....



كم كان في البيت من بزر (غيرك انت وولد عمك)......:)
Chandler
07-07-2001, 02:03 PM
اذا كان قصدك...محبوسين(تم تصريفهم)...فما فيه الا انا وهو...ما قلت لك...اذكياء...يعني حتى لو سوينا اي شي...التهمة لازقة فينا..:cool: :cool: :cool:
سكوال
07-07-2001, 02:07 PM
اقول ...ولد الشغاله ماينفع تلزقونها فيه...:)




واذا الشغاله لسه عذراء..... (حلوه عذراء هاذي)



لزقوها في ولد الجيران...



واذا ماعندكم عيال جيران...



نشبها في ابوك....:)


قل لإمك ... ماصدق يوم شاف البنات.....:)
سكوال
07-07-2001, 02:09 PM
شوف الخطه هاذي ..

تراها توكل عيش....:)
Chandler
07-07-2001, 02:15 PM
والله فكرة...بس المشكلة ان الموضوع له 9 سنين صاير...:cool: :cool: :cool:
السهران
07-07-2001, 02:17 PM
هذي اخرت الثقه تفضح سواليفنا في المنتدى

ولا جايب قصة العزيمه

انا ما صدقت امي تقتنع انه مو انا ناوي تنكبني من جديد
Chandler
07-07-2001, 02:17 PM
نسيت اقول لك...المخطط..جهنمي..(حلوة بقوة جهنمي)...وعلى فكرة ما تلاحظ ان ما فيه احد يرد في هالموضوع...الا انا وانت..:cool: :cool: :cool:
سكوال
07-07-2001, 02:18 PM
لا...بوه السكران....:)
السهران
07-07-2001, 02:21 PM
السهران وانا ولد عمة ناف
Chandler
07-07-2001, 02:22 PM
اهلبن السهران...

كيف الحال؟؟؟

شلونك؟؟؟

كيف الاهل؟؟؟
___________________________________________
والله انك دلخ...يعني لو انك ما تكلمت...ما كان احد درى عنك...بس وش اسوي...
___________________________________________
على طاري سالفة العصا...يعني ان بس اكلتها....وانت ما صار لك شي...وانا طول هالسنين..راحمك وقايل الرجال تعاقب معي....والله لأدق على امك...واقولها...:cool: :cool: :cool:
السهران
07-07-2001, 02:53 PM
لالالالالالالالالالالا ولي يرحم اهلك

ليه الشر تخيلك مكاني

المهم

ما دام الدعوه على المكشوف


بقول لكم كمن سالفه عني انا وناف


صيفية 1997 حنا في مصر ام الدنيا (ايه صح)

المهم كان اخوي الكبير و خوالي الي هم عمان ناف

كانوا مع بعض يطلعون ويدوجون في القاهره (الله اعلم وين يروحن بس كنت اتوقع انهم يروحون يتصدقون على الناس لانهم يرجعون الفجر وجيوبهم فتضيه و يتكلمون عن البنت المسكينه الي لقاها في الشارع و كيف حجز لها غرفه )

ما علينا المهم انا و ناف كنا نقعد اخر الليل طفشانين و كانت شقتنا تطل على الشارع وكنا 24 ساعه وحنا في البلكونا( من الرياض و ما قد شفنا بلكونه)

و في ليله من الطفش جبت تمثال من الجبس كنت كاسبه من ملاهي ( وغرفتنا فيها اكثر من 50 واحد من كثر روحات الملاهي ) ولعبت في شوي في البلكونه


وفجأه طاح في الشارع ( من الدور 8 )و تفتت في وسط الشارع و كان شكله حركهاعجبتنا الفكره وكل ما مرت سياره رمينا جمبها تمثال

وقعدنا طوال الليل ( من الشر الي فينا )

الين ما جو خوالي واخوي ورمينا تمثال جمب التكسي و حنا ما ندري اهم فيه وتخبينا

المهم استمرينا والشارع صار لونه ابيض من الجبس


فجأه دخلو علينا و انا معطي ظهري للصاله و اقول لناف : عطني واحد ثاني و ناف متصلب من الروعه لنا خالي كان فوق راسه و انا ازاعق فيه : وين التمثال بيفوتنا التكسي ( وانا متحمس في عالم ثاني )


في اللحظه هذي مدري وش صار انا كنت في البلكونه وش وداني المطبخ ( تقريبا 10 امتار ) ما ادري بس لقية خالي ماسكني من الفنيله و ملصقني على الجدار و يزاعق فيني


بعد ساعه عرفت ان التمثال طاح جمبه و بغى يروح فيها


المهم قعدنا نصيح و نترجاه انه ما يسويلنا شيْء ( شوفوا الانقلابه العجيبه من صراخي على ناف الى بكاي عند خالي )

الله اعلم كيف رضا بس المهم انه رضا

راح لغرفته و بقيت انا و ناف و ما امداه يروح الا اشتغلنا مره ثانيه


دقيقه ولا خالي طلع مره ثانيه نسى محفضته في الصاله ( يلعن ابو القراده )


المهم انتهى هذا المشهد باني اكلتها محبوس في غرفه لمدة اسبوع اما ناف مدري اش صارله و بعد اسبوع عرفت انه وحبوس في الزنزانه... اسف الغرفه الي جمبي









و الباقي اكثر
سكوال
07-07-2001, 02:57 PM
سلمني على خالك هذا....



وقل له \ سكوال يسلم عليك ويقول ....هاذولي ماينفع معاهم كف واحد ....


الا على فكره .... كم رقم ذيك البنت الي تصدقتوا عليها ...انا ودي اتصدق.....
ميستي...
07-07-2001, 03:01 PM
:غضب:كلتضربي سوسون:غضب: :غضب: :غضب:
Chandler
07-07-2001, 03:02 PM
يا ميستي.....انتي تتكلمين عربي؟؟؟....ولافارسي...:cool: :cool: :cool:
Chandler
07-07-2001, 03:20 PM
يا سكوال...وش دعوة...قاعد تطلع علي اشاعات...((نشبت العصا في راس وحده من صديقات امه).... :cool: :cool: :cool:
beautyrose82
07-07-2001, 06:04 PM
اممممممم
انا اتذكر شيين بالروضه
اول كانت في ابنيه اسمها كوثر عاد كانت شنو بطه ( هي هي هي ) كانت كل يوم تسويها :D بالصف واحنا نعيب عليها :p
واتذكر لمن كان عندي ضرس بينكسر جان يي واحد يطقني بكس على فمي او حلجي ( حشى جني اصبي عشان يطقني :D ) المهم جان يطلع وايد دم من حلجي :( حتى اني دخلت المستشفى ومن يومها كرهت الاصبيااااان :D
عاد البنات كانوا يحترون مني لأني أحلى وحده ( واثقه من نفسها ) هي هي هي
كل ما اكلم واحد قاموا يبققون اعيونهم ، جنهم مو شايفين خير
هي هي هي
ibm
07-07-2001, 07:26 PM
واللة حلو الموضوع .
حأقلكم حادثتين فقط .
الأولى :هي عندما كنت صغيراً كنت حلو مرة(واللة من جد ما أبالغ) كان شعري يصل الى نصف ظهري وكان ناعم مثل المياة ,وكان لون بشرتي مثل اللبن (أبيض مرة) وكان لون شفتي(زي مايسموها البعض براطم)أحمر زي الدم.كان جماعتنا يصفوني باللبناني أو سوري ماأتذكر.
المهم كان عندنا يوم فية جمعة حريم , خطرت لأختي الكبيرة فكرة , فأخذتني ألى غرفتها (بدون تعليق) ثم ألبستني ملابسها الداخلية ثم ألبستني أفضل فستان لديها في ذلك الوقت , ثم وضعت على وجهي (المساحيق) ثم فردت شعري الطويل , وبعدها أخذتني عند الحريم في المجلس ,كل الحريم قاموا من مكانهم (يحسبوني سورية) ......أعتقد هذا يكفي (بلاش فضايح).

الثانية:كان في حينا مسجدكبيرجداً يتكون من دورين الدور الثاني نصفة يطل على الدور الأول في يوم الجمعة رحنا أنا وأخوي الكبير نتفرج في الخطيب و الناس جالسة تسمع الخطبة فخطرت لأخي الأكبر فكرة وهي (نتفل) على الجالسين تحتنا من بين القضبان الخشبية ,وجلسنا نتفل ونتفل ,حتى سكت الخطيب وصرخ علينا (ماتصدقون كيف أبوي أنفضح في ذاك اليوم)تخيلوا الحادثة أمام أكثر من 700شخص.

أنشاء اللة عجبتكم وهناك الكثير غيرها.

وشكراً مرة أخرى على الوضوع وكل من شارك فية
سكوال
07-07-2001, 07:35 PM
naf

يابن الحلال امزح....:)





____________


beautyrose82


سلميني على الولد الي اعطاك كف على وجهك لما طاحت سنونك ....:)


قولي له \ سكوال يسلم عليك ويقول .. هكذا الرجال ولا بلاش..:)



__________


ibm


سلمني على اختك وقل لها صباح الخير.......:)
mr x
07-07-2001, 07:47 PM
الله يخلف علينا وعلى طفولتنا :(



............................
طيب وبعديييين كملوووووووو
............................
Chandler
07-07-2001, 11:46 PM
طيب...بأكمل...ما دام السهران ذكرني بسفرة مصر...بقول لكم سالفة ثانية صارت لنا....

وحنا قاعدين في البلكونة(من جد ناس ما قد شافوا بلكونة)والوقت مان في عز الظهر...وكانوا اهلنا كلهم طالعين...وتاركينا...حنا طفشنا...وقمنا نلعب بكورة صغيرة حديد(ثقيلة)...وحنا نلعب قلت له اتحداك ترمي الكورة وتوصل للبيت اللي في الجهه الثانية من الشارع...قال هو(اقدر بس ما ابي اكسر قزاز باب بلكونتهم)...انا عاد اشتغلت استفزاز(من زود الطفش)...ما تقدر...والله انك ما تقدر...لو انك رجال ترميها...عاد هو ما صدق ان احد يقول له هالكلام...واخذ الكورة من يدي...وقال..انا رجال غصب عنك...ورمها بكل قوة...
والله الرجال طلع قوي...ووصلها...لبيت الناس...لا وكسر القزاز...
حنا ارتعنا...خاصة يوم شفنا...اهل البيت طلعوا وقاموا يناظرونا ويأشرون علينا...انا طاح قلبي...وقررت في نفسي اني افضحه...واطلع انا منها--->(نذل)...ما مرت دقيقة..الا والجرس يرن...قلنا اكيد هذا واحد منهم...جاي يلعن والدينا...حنا توزينا...وقلت لأخوي الصغير...رح افتح الباب...راح وجا وقال...بنت البواب تبغى واحد منكم...حنا تشجعنا... ورحنا لها....جت قالت <انتو رميتواكورة من البلكونة> كلامها خليجي مكسر...(حلوة خليجي مكسر:p ) قلنا...لا..لا..لا...اصلا حنا ما قربنا البلكونة...(نصابين خبرة)...عاد هي ارتاحت وقالت ان الناس اللي في الجهه الثانية من الشارع اشتكوا منكم...قلنا..حنا...كيف يقولون هالكلام عننا...حنا نسوي كذا..يمكن السودانيين اللي تحتنا..(لزقناها في الزولة)...قالت بتراضينا(آه..منا عارفة...و(أولت=قلت)...لهم ان الناس دول...مش ممكن يعملوا كده)..(قاعده تتمصلح..تبغى بخشيش...وعنا عارفين ومسوين نفسنا بزران مانفهم)...وبس...انتهى الموضوع على خير...وطلعنا منها..:cool: :cool: :cool:
AmoooR
08-07-2001, 12:02 AM
ههههههههههههههههه حلوة ذكرياتكم أفلام هندية
ههههههههههههه كملوا !!!!!!! :) :) :)
Chandler
08-07-2001, 05:31 AM
انا ناوي اقلبها مسلسل رمضاني...وان شا الله بتشوفونه في رمضان الجاي...:cool: :cool: :cool:
Chandler
29-08-2001, 11:53 PM
للرفع
the postman
30-08-2001, 12:32 AM
تكفون كملواااااااااااااااا
Blue Eagle
31-08-2001, 01:56 AM
انا عن نفسي ما اتذكر اشياء كتتير عن طفولتي بس اتذكر و انا في روضة كنت دايما اغلي المدرسة تتطفي النور على شان اعرف انا و لو ولعوا و انا نايم اجلس اصرخ لحد ما يطفوا النور و ارجع انام

انت كنت من ابتدائي لحد متوسط في مدرسة اهلية ( الخليج في شارع العروبة لو سامعين عنها ) المهم دخلت مدرسة حكزمية في ثانوي ( الله يعيني على الشوفته ) يسبون بعد بالاهل و يضحكوا عادي كان ما في شىء و لا المضربات كل فصل يضارب مع التاني بالحزامة ( هما اصلا يلبسوا الحزام على شان المضاربات مو على شان البنطلون واسع ) و المضاربات بين المدارس بالسيوف و بعدين طبعا لما يكون معاك فلوس و تيجي تشري شىء من المقصف و لسه بتقول بسم الله تلاقي كل اصحابك و احبابك التعرفهم و الماتعرفهم ولا الاساتذة المايشرحوا على شان الدروس الخصوصية واذا استاذ عرف انك يتاخد درس مع استاذ تاني في المدرسة في نفس مادتة 75% بتعيد السنة او بتجيب ملحف في هذي المادة و لا المدير اليلطش بدون ما يعرف اسباب
في المدرسة المتوسطة كنت ملك كان الكمبيوتر يخرب ( طبعا انا متصاحب على مدرس الكمبيوتر و المشرف كان جارنا ) لما كان الكمبيوتر يخرب مافي غير سليمان ( انا !!! ) لازم اصلحة بعدين اقعد اكتب المواضيع و الرسايل و بعدين اشوف البريد الالكتروني للمدرسة - معلش بطول عليكم بس احكيلكم مغامرة حصلت بسبب ان كان مسموح لي ادخل غرفة الكمبيوتر جينا مرة في الفسحة انا و شلتي ( واحد منهم معنا هنا في المنتدي ) كنا في الفسحة و كنت جايب للاخ سيدي فاينل فانتسي 8 عليه خلفيات و اغاني و افلام اللعبة المهم ادتهولوة بعدين طلعت في دماغنا ان احنا نجربة المهم نزلنا الغرفة في الفسحة بعدين حطينا theme لرينوا و هيا ترقص مع سكوال و هيا لابسا الفستان الابيض المهم شافونا ولدين من اولي متوسط ( احنا كنا في ثالث متوسط ) ما اكلموا بعدين طلعنا الحصة الرابعة عادي ( اتخيلوا اش الصدفة ) الولدين الشافونا كان عندهم الحصة الرابعة كمبيوتر بعدين الاستاذ شاف الثيم و قال كيف حاطيطوها المهم قالوا مو احنا و بعدين الاستاذ اخدهم و راحوا يلفوا على الفصول لحد ما مو لقونا جلسوا يفتشوا الفصل شاورت لاصحابي و خبينا السيديات و المجلات الكانت معنا في بطننا ( محترفين ) بعد ما فتشوا الفصل الاولاد شاوروا عليا انا واصحابي المهم بداء الوكيل الاستجواب قلتله ايش المشكلة ؟؟ قالي الولاد شافوكوم و انتوا تحطوا صور مش كويسة و صورة وحدة لابسه ملابس غير محمشة ( قصدة رينوا ) و بعد مناقشات و حورات فاشلة طلعنة منها و و بس .

لو تحبوا احكلكم مقالب تانية بس بعد رابع اتدائي على شان ما اتذكر كتتير قبل كده

.
أحمد الأنصاري
31-08-2001, 08:28 AM
الله على ذكرياتكم

بانسبة لذكرياتي

الشغالة :
كان عندنا شغالة اسمها ابيسة هي سرلنكية كنت اكرهها وكنت لازم كل يوم اتضارب معاها مرة بالمكنسة
ومرة بالعلاقة ومرة بالجزمة لمن ابوي سفرها وبعدها جت شغالة ما ادري اش اسمها قعدت اسبوع وهربت
وبعدها جت شغالة كانت تضرب اختي الضغير وانا كنت اسوي يعنني (رجال ) عليها اهاوشها

الروضة :
في الروضة كنت احب الأبلة الي تدرسنا كان اسمها وضحى كانت ما تخلي احد يضربني ولا يمسكني كنت مدلع
وكان واحد\ في صفنا عبد تكروني دايما يده في خشمه الأبله تقله خذ منديل وهو يقول ما يبغى المهم بعد الروضه درست التمهيدي وكانت اختي في نفس المدرسة تدرس في اول ابتدائي كانت تدافع عني كانت هي قوية وعربجية وعندها شلة اما انا خكري وامشي مع شلتها

الأبتدائي :
دخلني ابوي مدرسه خاصة عند الخكارية وكنت انا وزميلي مهجدين الصف هذا زميلي درس معاي الروضة والتمهيدي وكان في واحد دايما نتضارب معاه هو في الصف الثالث واحنا في الصف الأول وكان عندنا واحد لازم يبكي وما يسكت الا اذا الأستاذ قصد له والولد يعرض كنا نكره (غثة)
اما ثاني ابتداءي درستها في لندن وانا فرحان لأن الصف اولاد وبنات (مختلط) وكنت لازم كل يوم اتضارب واصفقهم
حتى كنت اتضارب مع بنات لمن جت بنت وصفقتني ومن ذاك اليوم صرت ما اتضارب صرت مؤدب احسن واحد في الصف مشارك وبعدين لمن رجعنا من لندن دخلت مدرسة حكومية ذحين صار وقت الرجولة
كنت كل يوم اتصفق لين يوم عصبت على واحد واتضارب معاه لمن زهم اخو ه انا انهشت على بيتنا برجولي
قبل ما يجي السواق
وكملت الأبتدائية في نفس المدرسة



يوووه تعبت بعدين اكمل:cool: :cool: :cool: :cool: ?:
ELVERADOUS
31-08-2001, 08:47 AM
هغغغغغغغغغغغغغغغغغغغغغ كلكم تصفقتم من بنات .....أما أنا ...كنت أستراتيجي من يوم كنت بزر .....ماكنت أشاغبهم وكنت ودود وحبوب ...وأغلبهم كانو يحبوني وكانو يفزعون معاي ...طبعا هذا أيام الطفولة السعيدة ...هغغغغ :D :D :D :D :D :D
smileface
31-08-2001, 10:57 AM
شوفوا ذكرياتي
أيام التمهيدي كنت ادرس مع ولد صديق ابوي في نفس المدرسه وكان جنبي في الفصل وكانت تدرسنا وحده مصريه دبّه اسمها ابلا سحر وكانت أي واحد شاطر تحطله نجمه على جبهته ومره من المرات طلعتني على السبوره ارسم شمس ورسمتها وراحت وحطتلي نجمه ورجعت لكرسيي وانا مبسوطه وغار ولد صديق ابوي قام وشال النجمه من جبهتي وحطها في جبهته عاد انا من القهر كان معي الوان مائيه اخذت منها اللون البرتقالي وقعدت الون وجهه وهو يصرخ مسكين وجت الابله واخذت القلم مني وهاوشتني:D ولما طلعنا للفسحه اشترى بيبسي ورجّه وفتحه في وجهي وتعبى جسمي كله بالبيبسي :D
أيام الابتدائي كنت ارجع من المدرسه مع جيراننا وجيراننا هذولي نقلوا من بيتهم وصرت ارجع رجليه مع بنات جيراننا الثانين المهم كنّا نطلع من المدرسه الساعه 12 وهذاك اليوم قلت لهم ترى بصير ارجع معاكم قالولي ترانا احنا ما نوصل للبيت الا الساعه وحده قلت لهم ميخالف وكنت احسب ان المسافه بالرجليه تكون بعيده المهم طلعت معهم هذاك اليوم وانا على بالي اننا بنروح للبيت مباشره صاروا البنات ما شا الله عليهم يسيّرون على بيت وحده كسلانه معانا في الفصل اسمها غاده وغاده هذي في بيتهم شجرة عبري كبييييره وقالولي البنات انهم يهددونها كل يوم انها اذا ما جمّعت لهم كيس عبري بيعلمون امها انها ما تحلّ واجب القراءه والابلا توقفها كل يوم وتحط على ظهرها ورقه مكتوب عليها انا كسلانه والبنت مسكينه تخاف وتروح للبيت بسرعه عشان تجمع لهم فمرينا على بيت غاده وقالولي البنات انتي رنّي الجرس ورنيت الجرس وردّت علي امها
ام غاده:مين؟
انا:انا شذى صديقة غاده
ام غاده:وش تبين فيها؟
انا:بعطيها قلمها نسته معي
وقعدنا نستنّى غاده وجتنا ومعاها كيس العبري واخذناه وقعدنا ناكله طول الطريق الين ما وصلنا الشارع العام ومرينا على البقاله وشرينا حلاو وبالصدفه وحنا طالعين لقينا بنت معانا في المدرسه بس هي في ثالث وحنا في ثاني والبنت هذي سيارتهم وانيت حتى كانوا يشترون لبن وجريده وقلنا لها قولي لابوك يوصلنا للبيت وفعلا الاجودي ركبنا في صحن الوانيت ووصل كل وحده لبيتها:)
ايام المتوسط
بنت خالي في هالفتره تحب راغب علامه و تجمّع صوره عشان تعبّي البوم شاريته خصيصاً عشانه عاد هي كانت موصيتني اجمع لها صور له وقعدت والله فتره طويله وانا اجمع واعبي في ظرف المهم كان هذاك اليوم الاربعاء وكنا بنروح لبيت خالي وقمت الصبح عشان اروح المدرسه وطلعت الظرف وحطيته على التلفزيون عشان اذا بغينا نروح ما انساه ورحت المدرسه وانا في حصة الرياضيات تذكرت انا اخوي الكبير غايب وخفت انه يشوف الصور ويحسبني احبه وضاق صدري وشافتني المدرسه ساهيه وقومتني عشان تسألني وكانت تحل معادله وقالت اذا ودّينا موجب س للطرف الثاني وش تصير عاد انا من الروعه بدال ما اقول سالب س قلت راغب س لاني كنت افكر فيه عاد البنات ما صدّقوا انفجروا من الضحك:D :) :p :cool:
أوف أصابعي راحت فيها من كثر ما اكتب على الكيبورد
bounty
31-08-2001, 03:20 PM
شبااااااب بقولكم سالفه عن ايام الروضه طبعا كلكم اتعرفون ان الروضه مشتركه بين بنات واصبيان والكل يفكر بالهواش والووناسه بس انا لا كنت كله اقعد بروحي اكسر الخاطر :( بس هذا كان شي يونس لأني كنت اذبح النمل الحمدلله والشكر الحق النمله الحقهه والحقهه والحقهه بعدين اذا مليت منهه اذبحهه :D


لالا ولا في بنت كان شعرهه طويييل واسود وكانت رئيسة عصابه بنات كانت كله اتطقني لأني كنت ما اقول لأحد واهي مستانسه بس بعدين قالي رفيجي((سجاد هذا اسمه)):D افااااا يا يوسف بنت اتطقك اول ما سمعت هالكلمه قلت الا اوريه اني رجال بس:( تهقون شنو سويت قمت اخذت لي مقص وحطيته في شنطة المدرسه
ولا تجي البنت بتطقني ولا اقوم اصاااااارخ واقول وااااااااااااااااااااااااااااااا اهي اتخرعت قمت ولا اطقهه طراق ولا تطيح ولا اقوم اطلع المقص واقص اشوي من شعرهه هع هع هع طبعا صار شعرهه يفششل عند البنات وانا قمت اطقهه وابكي ولا يقومون كل البنات يبكون ولا اقوم اقولهم باااااااااااس ولا يقومون ينحاشون كلهم :cool: والله لايوريكم شنو سوى فيني ابوي :أفكر: بس المهم اني اخذت حرتي منهه اقولكم اسمهه اقول
اقول اقول اوكي اسمهه ((ساره)) هع هع هع من ذاك اليوم وانا ما شفتهه هع هع هع ":)"



بااي
الرايق 2000
07-09-2001, 12:50 AM
اه يا blue eagle اه يا سمسم يا سم و على ايام الثانويه شباب إضافه إلى ما قاله المعلم بتعنا blue eagle الوكيل حقنا جاتله جلطه في القلب بعد ما سيبنا المدرسه و رحنا للثانوي اللهم لا شماته بس اللي قهرني ان المطوع اللي فتن علينا كنت ناوي افرشه بس للأسف كل الشله كانت ما تبرى مشاكل لان الوكيل متقصدلنا (بالذات انا ) انا متأكد انه ما مرض بالجلطه إلا بعد ما قالوا فيصل قدامه طب ساكت

بس اهوا قدامنا عايش :D : و تصدقوا شباب رحنا اول ثانوي و خلصناها و طلعنا ثاني ثانوي و لسه متذكر إسمي و اتذكر مره :
كنت انا و صديقي العزيز blue eagle في حصه تعبير طبعا انا استاذ التعبير يعزني معزه رائعه جدا و خصوصا اني كنت جيد جدا لا ممتاز (كذبه ولا إتيني مش هتفرق :D :D ) فكان يعزني و يعرف ان في ناس ( كأنك ما تعرفهم ولا هما في المنتدى ) من المعزه يحبوا يتتريقوا عليا (لاني كنت اجالس ناس تانيه اكثر منهم )(غيره) كنت اقراء كتاباتي قدام الفصل و الأخ العزيز قال تريقه فالأستاذ سمعها مسكنا و ودانا لحبيب الفلب الوكيل (تصدق اني كنت ارتاح اكثر إذا رحنا للمدير على الأقل ماني طفشان من وجهه زي الوكيل في ذيك السنه و المشكله بسبب اعز اصحابي) المهم رحنا هناك و قعد يقولي انا ما هخلص منكم و يزعك في وجهيي انا عصبت قلت له الحد لله م و انا اللي جاييلك الأستاذ جابنا و قال انا الضحيه راح هوا عصب لان عدوه اللدود طلعه غلط فمسك العصايه و قعد يفرش في واحد اعرفه :D :D صقر ازرق ولا حمامه حتى ما جابهها:D
المهم انا قعدت اضحك على واحد و هوا ينفرش :D ;) و شوف عاد ضحك و تقطيع بطن بس المشكله شئ واحد الأساتذه فصلوا و بعدوه عنه :بكى: :بكى:
المهم هذي حاجه
من كثيير بس انتوا ذكرونا
Blue Eagle
07-09-2001, 01:05 AM
اول شىء انا ما بكيت

ثاني شىء ان احنا الاتنين اضربنا

ثالث شىء انا متذكر استاذ العربي في الرحلة بعد الحادثة الانت قلت عنها يا رايق باسبوع كان فر حلة و مسكنا الاستاذ تريقة على شان كان اقرع طول الرحلة كنا نجلس نقول له ( لمع . لمع .لمع ) لحد ما زهق و جابني على جنب و قالي يعني اش لمع قلت له ما اعرف هما بس يقولوا كده بعدين واحنا راجعين جلسنا نرمي عليه علب العصير لحد ما عصب و صار يشبة الطماطم الحمراء
Blue Eagle
07-09-2001, 01:09 AM
وبعدين ليش ما تقول التريقة الانا قلتها في حصة التعبير ؟
الرايق 2000
07-09-2001, 01:19 AM
التريقه "تفل" اهي اهي انا كنت إذاعي مشهووور و كان المايكروفون ما يغلق إلا مع رايق المدرسه اللي هوا انا فقالوا بيتفل و يخرب المايك اهي اهي

طيب المهم انا ما إنضربت + انا ما قلت إنك بكيت بس و الله انا كنت مقهوور منه كنت خايف ل؟أضربه (الوكيل)
عاشقة كيد
18-10-2001, 11:25 PM
نا عندي مواقف كثيرة بس أقلكم أطرفها:


كنت أحب أنزل الشارع وفي ذاك اليوم - كان عمري5 سنين - كنت لابسة شورت جينز ونازلة الشارع وكان ورا بيتنا جرى السيل وكنت أحب أجيب كرتون برتقان ولا إي كرتون وأركبه وأجلس أتزحلق مع عيال الحارة وبناتها المهم ذاك اليوم ماكان في كرتون فتزحلقت من غيره وأروح بعدين على البقالة إلا وأحس بهوا داخل من ورا وأطالع الاقي الشورت مشقق من ورا وملابسي الداخلية باينة:": وأشيل كيس البقالة وأحطه ورا ظهري وجري على البيت



الموقف الثاني:

رحنا رحلة مع المدرسة وكنت أحب أطفش الأبلة وهي تدورعليّ وفي ذاك اليوم هربت أنا وواحد من شلتي ونشوف قفص الحصان مفتوح قلنا نتخبى هنا والأبلة ماحتلاقينا
وشوية يجي الحصان يلحس خدي أنا مت من الخوف وجا صاحبي يسوي فيها راجل يخاصم الحصان جا الحصان نطحه على المويا اللي يشرب منها الحصان
بس صراحة طلع راجل خلاني أنفرط ضحك بدال ماأبكي

هذا اللي أفتكره حالياً وإذا افتكرت شي بأقوله
plus
18-10-2001, 11:31 PM
انا الشاغله تعور راسي لما تشوفني لا بس ثوب تقولي وين رايح ...
لما يتصل واحد من اصحابي احيانا تتجسس واحيانا تسال من اتصل ..
اوووووووف
لا وتخدل غرفتي بدون ما تدق الباب....:أفكر: