المساعد الشخصي الرقمي

مشاهدة النسخة كاملة : كيكه بالكوسا......للبنات فقط...والجوعان واللي مسوي حميه لايدخل


ROXAN222
07-07-2001, 12:36 AM
بما انو ماعندنا منتدى للبنات ...وبما اني فاضيه وماورايا شغله

قلت اقوم اسوي لي شغله بالمطبخ :)....وكانت النتيجه المذهله

كيكه بالكوسا?: ......لاتسالوني كيف وليش بس تراها لذيذه

والسعرات الحراريه فيها مرتفعه

المهم قلت ياللا يابنت حطي الطريقه في المنتدى يستفيدو منها البنات

طبعا الاولاد مافي امل يحسو على دمهم ويتعلمو طبخ .....بس الجوعان فيهم خليه يتعذب وهوا يشوف الطريقه

واللي مايحب الكوسا بيقول الله يقرفكم كوسا عاد ...والله لو انها مقلوبه ماهي كيكه:p

طيب بسم الله ابدأ...

المقادير:

كاسين وربع دقيق ابيض
(ملاحظه للاولاد لو كان واحد فيهم بيدخل المطبخ .....ترى الدقيق يفرق عن الاسمنت ....سامعين:o )

4 بيضات

نص كوب زيت ذره (ماهو زيت سيارات :cool:)

واحد وتلت كوب سكر

واحد ونص كوب كوسه مبشوره مع القشره(هناااا يكمن الطعم:))

وحده ملعقة اكل بينكج باودر

وحده ملعقه صغيره فانيليا سايله

ا كوب جوز مفروم

وحده ملعقة اكل قرفه (للاولاد:...ترى القرفه نوع من البهارات لاتفتحو لي عيونكم وتقولو ايش دا)

للتزين.....برضو جوز حسب الرغبه

المهم نشوف الطريقه :

-يخفق البيض بالخلاط الكهربائي لمدة 7دقايق بعدين نحط الزيت

والسكر والفانيلي ونخفقهم تمام وبعدها نحط عليهم الدقيق مع

البيكنج باودر والقرفه ونخلطهم بالملعقه

راح يتكون عندنا خليط نصبو في قالب كيك مدهون بالزيت (معلومه

للبنات ....الطحينه افضل من الزيت وتخلي الكيكه ماتلصق في

القالب بس تكون قليله بالمره) نرش على السطح(سطح القالب مو

سطح البيت ..اخفف دمي :cool: ) ونحط القالب في فرن حار تقريبا

درجة حرارتو 150 مئويه لمدة ساعه الا ربع واذا شفتو سطح الكيكه

احمر طلعوها لو ماكملت المده


بعدين خلوها تبرد وقطعوها وكلوها ولا تعطو


اخوانكم عشان وظيفتهم هما في الدنيا الاكل وبس (وحده حاقده

على الاولاد وبقوه:D)

بالهناء والعافيه

تحيات...الشيف طباخ روكسان
AmoooR
07-07-2001, 12:40 AM
تسلمي على هالوصفة (والله ما أذوقها لو أموت جوع)مشكورة على كل حال,,,,,,,
الا ايش التهزيئ هذا زيت فرامل و اسمنت لانكون سباكين وانا ما أدري
عموماً مارح أرد ...............
وشكراً,,,,,,,
سكوال
07-07-2001, 12:42 AM
اقول يا روري ....


بلا كيكه كوسه ..بلا كيكه بطيخ.....:)







علميني بالظبط كيف اعمل كيكة بيتي كروكر ...



لأن خواتي يعملون لي ابتزاز كل مره اقول لهم اعملوا لي كيكة بيتي كروكر.... يا اخذهم بالسيارة امشيهم على كل الاسواق او اعشيهم على حسابي..



والى الان وهم رافضين يعلموني كيف اعملها.....:)
Dr.Lucifer
07-07-2001, 12:50 AM
كوسا كوسا مرة وحدة وععععععععععععععععععععععع
بس مبروك الإختراع الجديد ( روحي سجليه في مكتب برائة الإختراعات )
هههههههههههههههههههههههه
------------------
عمري ما شفت وحدة حرمة إشتغلت في فندق ( طبعا برا ) في منصب كبير الطباخين ( الشييف )
قال الأولا ما يعرفو يطبخوا قال
هههههههههههههههههههههههههههههههههههههههه
ROXAN222
07-07-2001, 12:56 AM
كايتو كيد.....تسلم بس ترى انا امزح يوم قلت اسمنت ومدي ايش:)

سكوال.....والله ماودي اعلمك كيف تسويها عشان الغلابا اخواتك ماراح يتمشو اذا تعلمت الطريقه انت:)

لكن تراها بسيطه.....ورا العلبه مكتوب كل شي بالعربي كمان نفذها وتسير بسهووووله ....بس اهم شي اذا دخلت المطبخ غسل الصحون قبل لاتطلع...لاني ادري انو مابيبقى في الدواليب صحن واحد الا واستخدمتو ....واذا تبغى نصيحتي مشي اخواتك وعشيهم على حسابك وكل الكيكه من يدهم على الاقل مابتصير كوارث طبيعيه اذا خليت نفسك بعيد عن المطبخ:cool:

ديجي ....لاتقول سندويتش جبنه ?:ترى اعذبك وارسل لك الكيكه بالايميل :D
سكوال
07-07-2001, 01:00 AM
ماهو هذا الي قاهرني....


انا اقراء بالتفصيل كل شيء مكتوب وراء العلبة...


بس في الأخير تطلع لي شوربه.....:)








(والله اتكلم جد)
AmoooR
07-07-2001, 01:03 AM
شوربة؟؟؟؟؟؟؟؟؟؟؟؟؟؟؟ ?: :واو: :واو: :واو: :D :D ضحكتني مت من الضحك هههههههههههههههههههه الله يبلشك هههههههههههههه
والله انك أسأت لسمعتنا
draiver
07-07-2001, 01:04 AM
لا عليكم اتوكلو على الله وجربو الاختراع حق روكسان :)
انا حجزت كل غرف مستشفى الملك فهد :D يعني اطمئنو
على فكرة روكسان ماعندك فكرة كيف اصلح صبة ترة سقف غرفتي طاح على وانا اقرى الوصفة بس لاتقوليلي بالطحين ..:)
سكوال
07-07-2001, 01:13 AM
اقول روكسان ....




يا شين البدو اذا تحضروا....





1_للتزين.....برضو جوز


2_واحد وتلت

يعني تبغين تطلعين بنت رقيقه...








طيب طحتي بسانك...

_____________((فانيليا سايله ))_________














فضحتك .......صح:)








(المهم لاتزعلين ..... ترى خلاص من امس واحنا نمون على بعض)
AmoooR
07-07-2001, 01:23 AM
ديجيمون ............. عفواً ........... ديجيتال
هههههههههههههههه حلوة التصريفة( قاط بقوة ).
ROXAN222
07-07-2001, 01:30 AM
سكوال .........نكاااااادة فيك كنت بعلمك كيف تسوي الكيكه بس بطلت.....خليك اشرب ملك شيك على طول:D
تانيا ياناصح اي بدووو:).....انا عايشه في الغربيه بس لهجتي
سايره تركيبه عجيبه ......قاموس يعني:D

المهم مابزعل .....واذا تبغى الكيكه تصلح معاك مع اني متاكده انك مابتفلح قلل مقادير السوائل في الكيكه ......يعني الحليب والمويه ...قلل منها شويه وبالله لاتتلقف وتسير طفس وتفتح باب الفرن في اول عشرين دقيقه تحط الكيكه فيها بالفرن ....بس برضو لاتروح تفك فمك وتنساها الين تحرق ابوها.....ساااااامع:o

درايفر ......ههههههههههه حرام عليك ترى مستشفلى الملك فهد عاد

اما بالنسبه لسقف الغرفه سوي كيكة الكوسا وحط بدال الدقيق اسمن والزيت حط زيت سيارات ......وكل شي بيصير تمام:p

ديجيتال .....للمعلومه تراه بعد ماشاف الموضوع قال في المسنجر انو جوعان وراح يدور اكل ....قلت لو ارسل الكيكه مارضي ...فوت نص عمرو:cool:
احمد9000
07-07-2001, 01:37 AM
اي شوربة واي خرابيط

الكيكة حلوة بس لما ذاقيتها حسيتامي اطيرفي السما
والا اقعد على صوت الدكتور يقول لي نسبة الكوسا مرتفعة
شوي :
اعراض الوصفة:
صداع نصفي حاد
تآكل في العظام والغضاريف
تشوه في البطن والفخذين
...............................وفي الأخير قال لي ان
الوصفة تؤدي الى ......الله لا يوريكم اياه...

it is just for boyz
AmoooR
07-07-2001, 02:44 AM
أنا ذقتها و بغى يروح عمري كله
سكوال
07-07-2001, 02:49 AM
ايه ونسوي مع روكسان مثل فيلم سجن الشاوشناك....:)









البدوي الي ماشاف الفيلم .... لايجي ويسألني ويقول مافهمت قصدك..:)
AmoooR
07-07-2001, 03:22 AM
hehehehehehehehehhe
LanD ShArK
07-07-2001, 05:49 AM
بسم الله خير ؟؟

ما عندكم ذوق من جد .. حدكم هريسة وجريش واذا كثرت معصوب

كيكة كوسة ولا بلاش :) قال تنويم وما تنويم ومو طعمة ?: ?:

والله جربتها طالعة حركة :p وتسلم الايادي اللي علمتنا الطريقة واللي سوتها












واللي يبيني يدق علي بالمستشفى السعودي الألماني
العناية المركزة
غرفة 32
ROXAN222
07-07-2001, 06:13 PM
هادا ااااااااخرة اللي يسوي في الاولاد خير وياكلهم ....خليكم
عند اكل المطاعم طول عمركم

وانت ياديجي....ترى شكلك سرت ماتستطعم ولا شي غير الفول..حبك الاول والاخير:D

سكوال....انا ماشفت الفيلم كمان ....ايش بتسوو فيا ?: (جزاتي معلمتك طريقة الكيك....من جدطلاب اخر زمن)

لاندشارك ....دحين شفت ردك فرحت قلت اخيرا ولد عندو ذوق طلعت منوم في المستشفى وتتكلم ....بس قول لي عنوان المستشفى تمام
عندي وصفه جديده بجربها بس هادي بتوديك مكان مافيه تلفون:D...اقصد يعني بيخرب التلفون...المهم صرفها بس لاتقول بتموتيني
LanD ShArK
08-07-2001, 01:35 AM
بس انتي التانية على طول زعلتي

لا بس والله جربتها طلعت طعمة "مشي حالك .. ما اقدر استغني عن التلفون"
سكوال
08-07-2001, 01:43 AM
LanD ShArK

اقول ... البنت جالسه تقول عليك كلام ((عندي وصفه جديده بجربها بس هادي بتوديك مكان مافيه تلفون))

وانت جالس مثل الخكري وساكت ماترد عليها ...

وين راحت أخلاق الرجال...






ROXAN222

أجل بالله هذا كلام .....

انتي تجلسين بالساعات تشرحين الطريقة للهبل هاذولي ..في الاخير يطلع لك واحد أهبل منهم ويقول بكل تخلف ((واللي يبيني يدق علي بالمستشفى السعودي الألماني ))

هو قصده انك انتي المريضة أصلا ...


بعدين هو مامعاه حق.... مشاعر بنات الناس لعبة في ايدينه ..يجلس يحطمهم على كيفه...




























نذل لاخر درجة ........ ناوي يحارشهم على بعض بالقوه ...:)
LanD ShArK
08-07-2001, 01:59 AM
ههههههههههههههههههههههههههه الله يقطع شيطانك يا سكوال

من جد فكرتك ناوي حرش بقوة .. خليت الحالة ديفيكون 1 ههههههههههههههههههههه

بس اقول تراك زودتها شوي في حكاية الخكري واخلاق الرجال هذه .

خفف الطبخة حبتين ، بعدين اصلا لو تقعد تتكلم من اليوم لبكرة وتقعد تحش

ما غيرت نظرتي في روكسان لأنها بنت عمي وانا عارفها زين .. يعني بطل

حركات النص كم
ROXAN222
08-07-2001, 02:23 AM
سكواااااااال انا ماقلت لك تحط راسك تحت المغسله ياولد:)

شووووف نهاية الافلام الهنديه اللي مدمن عليها كيف تسوي

وبعدين كلمة(تحرش)و (خكري) تدري اخر مره سمعتها في الابتدائي ...
من فين تنتقي كلماتك:) ...شكلي برسل لك على الايميل قاموس ..(حسن مفرداتك)..من تاليفي:D


ايش كماااان ياسكوال ....انا ابغى اتلكك لك اليوم على اي شي

امممممممممم........كيف الحال:)؟ ......انت بس كل مره خفف دمك

واذا ماارسلك المريخ عند اصحابك .....حتى هناك حيعلموك كيف

تسوي البيتي كروكر على الطريقه المريخيه...وحيسير لون راسك

اخضر:).......تخيل بس الوسامه كلها تسير خضرا...(عاد دحين

يصدق انو وسيم?: ) ....هوا من غير مدح واحنا مو

خالصين....

المهم....


لاتقول عن لاندشارك خكري ترى اوريك شغلك ساااااامع:o
سكوال
08-07-2001, 04:58 AM
ماعليكم شرهه انتم الإثنين......






انا وإخوي على بنت عمي...... وانا وبنت عمي على الغريب.....:)





والغريب راح في خرايطها...:)
































للإستفاده.... (مع اني عارف انكم ووجهيكم ماراح تستفيدون)


المثل الأصلي \ انا واخوي على ولد عمي ..وانا وولد عمي على الغريب....
LanD ShArK
08-07-2001, 05:03 AM
وانت الصادق والغريب بيروح المريخ