المساعد الشخصي الرقمي

مشاهدة النسخة كاملة : آخر أيام الكونت .. وفي أمان الله يالغاليين


الكونت دراكولا
08-08-2003, 11:44 AM
بسم الله الرحمن الرحيم ..
والصلاة والسلام على أشرف الأنبياء والمرسلين ..
السلام عليكم ورحمة الله وبركاته ..
باين من العنوان ان هذا آخر موضوع اكتبه في المنتدى - بإذن الله - ..
بعد الردود المذهلة والعجيبة اللي شفتها في موضوعي الأخير الخاص باستطلاع الرأي ، والذي كنت أنوي به خيرا ..
واللي بانت فيه العديد من أنواع المعادن من مختلف الأشكال والألوان .. الصديء والمقلد والرخيص وقلة من المعادن النفيسة ..
وبعد ما شفت ان في كل مخيلة شخص بالمنتدى صورتي ومكتوب تحتها Wanted .. ولو ميت أفضل ..
قررت .. اني أريح نفسي وأريحكم .. وإني أمشي من المنتدى ..
طبعا المنتديات مليانة في الانترنت .. بس اللي بأفتقده رجال بمعنى الكلمة التقيت بهم في المنتدى خلال مسيرتي في الانترنت ..
رجال .. وأناس .. أفتخر بمصادقتهم ومعرفتهم .. قلما الزمان يجود بمثلهم .. سواء كانت المعرفة على الواقع او في الماسنجر او حتى في المنتدى فقط ..
واذكر منهم على سبيل المثال لا الحصر ..
King Kubaj ..MEL C.. THE LUCKY GUY .. Dr.Lucifer .. ODIN .. DOOM .. عماد 18.. MoaeD .. RPG_master .. The Game HHH .. شون مايكل ..SWAT .. SILVERPACO .. UltimatE_ShArK .. mom_com3 .. sas_com3 .. hoh_com3 .. أرسين لوبين .. Ma Chao .. DE NILSON .. SNOoOP ..
وغيرهم وغيرهم ممن لا يمكن حصرهم في لحظات ..
لقد واجهت في هذا المنتدى .. ايام سعيدة صافية ونقية .. كما واجهت فيه أيضا أياما كالحة السواد ..
انني لغير نادم أبدا على المشاركة هنا في ما مضى .. لكنني نادم على وقتي الذي أهدرته على بعض الأعضاء الذين لا يستحقونه ..
قد أكون في الأونة الأخيرة أخطأ على بعض .. أو الكثير من الأعضاء .. وذلك بسبب ظروف كنت امر بها .. انني اتأسف لهم الأن جميعا ..
وعلى رأسهم الأخ boy_thing ..
أعتذر لمن أخطأت عليه في رد او موضوع .. لمن رددت عليه برد لم يعجبه او تلفظت عليه بكلام غير لائق ..

لكـل شـيء إذا ماتـم نقصـــانُ * فلا يغر بطيب العيش إنســانُ
هي الأمور كما شـاهدتها دول * من سـره زمــن ســاءته أزمانُ
وهذه الدار لاتبقي على أحــد * ولايدوم على حـال لهــا شــانُ

شكرا لكل من منحوني مكانا بينهم في المنتدى .. وشكرا .. لكل من أخطأ بالحكم علي وأراد خروجي من المنتدى ..

والسلام عليكم
alex
08-08-2003, 11:48 AM
مع السلامه حبيبي .... :)
ODIN
08-08-2003, 01:01 PM
يا شباب قبل كل شي ..

مواضيع حساسه مثل هذي الي راح يرد فيها برد استفزازي و سخيف مثله لا يتعب عمره ويكتب...


ـــــ

الكونت ما يصلح هنا اكلمك بالماسنجر احسن ..
Dr.Lucifer
08-08-2003, 01:39 PM
أقول بلا هبل يا لاند ..
طلعة منت طالع":"..
ده على قوستي ( جثتي :p )
يلا تعوذ من إبليس و روق و ما عليك بالي صار
دائما لازم تصير أشياء و تكشف لك حقائق الواحد ما كان يبي يعرفها ..
بس ذي سنة الحياة ..
و الخروج من المنتدى مهوب حل لها..
ترا لو طلعت بطلع أنا بعد :أفكر: ( كأنه أحد سأل عنك :p )
و لنا نقاش على الموسنقر :D
--------------------------------------
ملاحظة":" :


يا شباب قبل كل شي ..

مواضيع حساسه مثل هذي الي راح يرد فيها برد استفزازي و سخيف مثله لا يتعب عمره ويكتب

أودن يخوف :": ..
أول مره أشوف علامات العصبية عليه ":"
ولكن ...
join the club :p
{Shy^Guy}
08-08-2003, 04:13 PM
محمد الله يهديك .. بعد موضوعك الاخير هل هذا اللي وصلت له ؟؟؟

هل لان بموضوعك الاخير شاهدت ردود ما تعجبك ..

هل المذهل و العجيب ..
انك تشوف ناس ما تحبك ؟؟
هذا شي عادي ..
هل المذهل و العجيب .. ان هناك اشخاص قد تتمنى لك الشر ..
ايضا امر طبيعي ....

لكن لو تبي كل الناس تطلب بقاءك في المنتدى , هذا الغير طبيعي ...
يكفيك ان مجموعه منها .. كتبت ردود عشانك ..

لا تتسرع لو عضو او اثنين ما بغوك تقعد ...
انت نفسك فيه اعضاء ما عجبوك .. هل هذا غير شي فيهم او بالمنتدى ؟
هل زعلوا لانك ما تحبهم ..
اشوا انهم ما دروا عنك و لا جابوا لك خبر ..

و خل عنك شغل الدلع هذا -___________-

و بينا كلام ... في موضع ثاني ^^
Angel whisper
08-08-2003, 04:25 PM
عن هالدلع .. ماشي طلعه ..
acer2
08-08-2003, 04:45 PM
الكونت دراكولا

ادري انه مالي شغل ولا لي دخل بالسالفه !!!

بس خلنا واقعيين شوي....

انت طلبت من الاعضاء انهم يقولون لك رايهم علشان تعرف منو الوفي ومنو الخاين !!!

طبعا ومليون بال100 ماكو انسان كل الناس تحبه وماكو انسان كامل !!!

انا بالعكس لو كتبت موضوع مثل موضوعك والناس انتقدوني بالشكل هذا مراح ازعل !!!

بالعكس راح افرح واستانس لانه اكو اعضاء فيهم جرأه انهم يقولون رايهم بكل صراحه......وطبعا اذا تأكدت انه فيك صفه مو زينه والكثير من الاعضاء ملاحظها تقدر تعدل نفسك !!!
Lucky guy
08-08-2003, 05:00 PM
اقول اقضب أرضك -_____- وشف وش سويت من أخطاء وأعتذر ووسع صدرك
Ma Chao
08-08-2003, 05:50 PM
إقضب أرضك بس

بس لأن كم عضو عبروا عن رأيهم تبي تترك المنتدى؟ :(

إذا هذا رأيهم أنا وبعض الأعضاء رأينا العكس و اللي ما يعرف الصقر يشويه :)


وأولا وأخيرا الأمر راجع لك :)
khalid:86
08-08-2003, 06:02 PM
السلام عليكم

اخوي هذي يمكن اول يوم ادش فيه المنتدى العام
وانا ماعرفك ولا شئ
لكن اخوي الصراحه
انا مريت باللي اسوء من اللي صار لك
طردت من المنتدى مرتين بسبب شخص كان يطلع علي اشاعات ويتهمني بأتهامات مادري من وين جابها
لكن ماطلعت رجعت سجلت بنك وطردت بسبب اني تهاوشت معاه مره ثانيه
لكن رجعت سجلت بالنك ذي Angels والأخ رجع يطلع اشاعات ويسب بنكه الجديد لكن انا ماقمت ارد عليه واسبه لا كنت ارد رد عادي لين ماخليته يعصب ويسبني ويطرد والحمدلله الحين خلصت منه ومن شره لكن الله العالم يمكن يرجع

انا صج ماعرف انت شو مسوي وشو الموضوع اللي كتبته لكن اخوي
المفروض ماتستلم المفروض ماتقبل بالهزيمه والأنسحاب
ومحد كامل يالطيب
لازم كل انسان في ناس يكرهونه ويمكن يحقدون عليه ويمكن يحسدونه

اخوي انا قصدي المفروض انت ماتطلع وتستمر وتبين لكل الأعضاء ان اللي غلطوا عليك غلطانين لأن بخروجك انت قاعد تثبت انه هم معاهم حق
واسمح لي على تدخلي والسموحه لأني اصلآ ماعرف شسالفه:)
MoaeD
08-08-2003, 08:40 PM
حتى لو كان نسبة اللي يكرهونك بالمنتدى 99%



انك تطلع هذا اللي يبسطهم لكن غيضهم واقعد على قلوبهم


ولا أزود على كلام اخواني شي :)
Reinu
08-08-2003, 11:13 PM
والله ما اظن فيه حد يكرهك بسبب مقنع

واللي يكرهونك ينطبق عليهم كلام الكاتب :

إن كنت تحب شخصا فتراه ملاكا وانت كنت تكرهه فتراه شيطانا والشخص

لم يتغير إنما انت الذي تغيرت .

فاشوف فيه وايد ناس يحبونك وبدليل ما شاء الله اللي ذكريتهم ، فلو تظل عشانهم يكون افضل

وما عليك الحاقدين كثار هالايام .
ابتسامــــــه
09-08-2003, 12:17 AM
يا أخ كونت هذا مب حل



راجع نفسك وفكر... مثل ان فيه ناااس ما تبغيك في المنتدى هم في نااااس اتعز عليهم ويعزوون عليك اكيد ما يتمنون غيابك عن المنتدى






اختك:)
RPG_master
09-08-2003, 02:48 AM
منتب طالع ان شاء الله خل عنك هالكلام..



موب قبل ما تجيب قاروره العسلhttp://webpost.net/rp/rpgmaster/smile14.gif

والحبه السوداء بعدhttp://webpost.net/rp/rpgmaster/mushy.gif
الاشعاع
09-08-2003, 03:15 AM
أقول الله يهديك بس:(

يعني المنتدى مش ناقص

هو كل يوم ينعفس أكثر و أكثر

راجع نفسك


أخوي

تراك كاتب مميز


ولاتزعل من أي واحد

لأن هنا في مكان نقاش

:)
Better Days
09-08-2003, 04:19 AM
اقول لا تروح ترا اجيب لك شون:D
Sweden
09-08-2003, 03:10 PM
ويحك:!
BOY_THING
09-08-2003, 05:56 PM
!!!
وش دعوه .. اولاً انا ما تهاوشت معك عشان تتأسف .. ثم كل اللي صار بيني وبينك شوية نقاش مو اكثر .. (( وش فيكم والله اني ما احقد على احد .. احياناً اتحمس شوي بس ما احقد >_<))
يعني لو ابي احقد كان حقدت .. على روميو البنات .. اللي صار لي مقلب معه .. ومع كذا بالعكس عادي .. الدنيا اخذ و عطى و مو كل شي ينقال فيك تقتنع فيه .. !! ناس تقوله من باب حقد و ناس من باب انها فاهمه غلط .. بإختصار كل اللي صار بيننا كلام شاحن .. ولكن .. مجرد نقاش .. و تبادل ارآء لا اقل و لا اكثر ..

اتمنى تراجع حساباتك .. :)
ash2001
09-08-2003, 07:13 PM
السلام عليكم .... :) :) :)

شوف يمكن انته كاتب الموضوع في لحظة غضب ؟؟؟

وبتهدى وبتراجع عمرك وتتمنى انك ما كتبته يعني رد خلاص السالفة ما تحتاج :) :) :)


مع السلامة
silverpaco_101
10-08-2003, 12:32 AM
و الله ما ازيد على كلامهم شي


بس الخيار لك انت
Arsene Lupin
10-08-2003, 01:08 AM
ياخي هالو رووووووووووووووعه... اذا طفشت من الدنيا استلمه و طلع الي في قلبك و ارجع للدنيا :6


معليش توني اشوف موضوعك القديم... كنت مسافر اسبوع و توني راجع...



رأيي فيك... عرفتك من ايام مايكروسوفت تشات... كنت احس انك واحد حبيب و خجول... حتى كنت اكلمك من مقهى اكسجين و كنت انت ساكن قريب منه (قبل ما تنقلون) و قلت لك ممكن نلتقي؟ و جلست تصرف :6

بعدها صرت اشوفك في المنتدى... بس موب كثير... ترمي موضوع من فتره لفتره...حسيت انك مغرور.. و شفت صورتك (نفس الي ناشرها)..و حسيت فعلا انك مغرور و ممل... و ما كنت اكلمك كثير في الماسنجر... في الشهر مره بالكثير...



بعدها صرت اكلمك اكثر في الماسنجر...و قابلتك ذاك اليوم في المقهى... بديت احس انك حبيب و بريء و ما في راسك الا الدجه :0) :6 مسوي قوي على الي في المنتدى :cool:

اسلوبك في المنتدى يجيب الهم :6 ... بس اضحك عليه لأني اعرفك غير اسلوبك في المنتدى...

عموما ما بعد عرفتك معرفه كافيه احكم عليك بها...



الا اقول.. رسوماتي نشرتها في موقعك ولا موقع ديجيتال؟ (&)



اني وي... احس مواضيعك هذي تبي تسوي بها زحمه بس... بلا معادن بلا بطيخ :6

كل واحد و تعرف رأيه فيك... رأي اعضاء المنتدى الي ما يعرفونك و ماله فايده لك



اسفين على الاطاله (&)...

و لا تسوي نفسك شاعري مدري دراماتيكي مره ثانيه (@)
عماد 18
10-08-2003, 02:16 AM
اذا تبي الصراحة ..
اكره مثل هالمواضيع ..
و ردي عليها دايما يكون اذا تبي تغير رايك و تجلس حياك الله ..
و اذا مصر تطلع الله معك ..
لكن قبل ما تنفذ الي براسك المفروض تعرف شي واحد ..
وجودك او عدم وجودك في منتدى معين هذا شي يخصك وحدك ..
يعني لو كل المنتدى ما يبغونك لا تتركه الا اذا انت بغيت هالشي ..
و اعتقد انك تذكر تجربتي اللي صارت في منتدى القرش :) ..
نفذت هالكلام حرفيا ..
لذا مثل ما قلت ..
اذا انت مقتنع انك ما تبغى تستمر هنا فالله معك ..
و اذا غيرت رايك فالله يحييك ..
Mahdee87
10-08-2003, 03:20 AM
ضريبة الشهرة سمعت فيها :":
khalid:86
10-08-2003, 04:02 AM
الرسالة الأصلية كتبت بواسطة Mahdee87
ضريبة الشهرة سمعت فيها :":


انا سمعت وانطردت مرتين بسببها:" :" :" :"
SNOoOP
11-08-2003, 02:21 AM
يابن الحلال ((وسع صدرك))


اقسم بالله راس ماله منتدى

يعني وناسه وتغيير جو


وكان عندك مشاكل مع احد فزبطها


واذا كنت تشوف انها عيب

فلا تعطيه وجه

وخلك بحالك

يابن الحلال عارف انك مايمديك تصبر يومين الا وانت راجعله وبقوه":"


هاننتظرك

وكب عنك الخرط:D
الكونت دراكولا
11-08-2003, 04:19 AM
بسم الله الرحمن الرحيم ..
صراحة ما توقعت أشوف الكم هذا من الردود .. أو حتى ردود بهذه الطريقة اللي تخلي الواحد يستحي ويقول لا اجل ماني رايح

احرجوني الشباب :D

ODIN : اوكي وصلتني الفكرة وخلاص رجلي على رجلك :P

Dr.Lucifer : إنت لسة عندك "قوسة" وخلاص اذا بتطلع لالالا لا تطلع خلاص ما عليك انا بقعد معاك ولا يهمك لا تطلع .. ووصلت

فكرتك بالماسنجر :)

{Shy^Guy} : شرحت لك وجهه نظري .. وبما انك مصر اني لازم أقعد .. ولا يهمك كم فــر فــر عندنا

Angel whisper : ههههههههههه انا اتدلع ؟ اوكي ولا يهمك ما عليكي انا جالس

acer2 : الردود اللي كانت في الموضوع ماهي هي الدافع الرئيسي اللي خلاني أفكر في ترك المنتدى .. اشياء غيرها وتقدر تقول

الموضوع احدها ..

THE LUCKY GUY : أبو عتب .. لا انت كلمتك غير .. خلاص نقعد نقعد ولا يهمك ..

Ma Chao : على قولتك .. اللي ما يعرف القرش يشويه :P

Angels : مهي قصة هزيمة وانسحاب .. هي قصة ثانية ويمكن انا فهمتها بطريقة غلط وانتهت ولله الحمد .. وتسلم يا ولد البوكواره ع

الرد ..

MoaeD : براسك .. اوكي نقعد على قلوبهم يعني نقعد على قلوبهم ..

Magical Dreamer : تسلمي والله اخت ماجيكال على الرد .. وترى ردك أثر فيني كثير .. اريقاتو :افكر:

ابتسامــــــه : وانا قاعد لعيون كل اللي اعزهم ويعزوني :)

RPG_master : ههههههههههه أجيبهم لك ولا يهمك كم فهودي عندنا ..

الاشعاع : تسلم على الرد أخوي .. وعجبتني حركة كاتب مميز ترى يكبر راسي بعدين .. وبعدين انا موب هذاك الكاتب يمكن اجيب

كلمة من هنا وكلمة من هناك وسبحان الله تركب مضبوط :)

deadman9002 : هههههههههههههههه لالا إلا شون .. على فكرة ابيك بكلام بالماسنجر :)

Sweden : نعم صحيح ويحك انت بعد يا " ل ا س" ..

BOY_THING : أخوي بوي ثينج .. انا كنت أتأسف لأني تحمست شوي في ردودي وخفت انه صار شي في نفسك علي .. فمن باب

صافي يا لبن حليب يا قشطة تأسفت لك ..

ash2001 : ولا يهمك .. هديت أبشرك ..

silverpaco_101 : الدوق مشمش بنفسه رد .. يا أهلا .. ما عليك ابشرك المزعج بيقعد وبشرب كوكاكولا وليخسأ الخاسؤون ..

Arsene Lupin : هههههههههههه انا ما صرفت يوم قلت لي نتقابل .. بس انت عليك اوقات فيه احد يطلع الساعة 3 الصبح .. العالم

نايمين ومافيه محلات فاتحة ..

وبعدين انا اقوول وش فيه أرسين حوبي سحب علينا الا تحسبني مغرور .. الله يهديك بس انا محمد البريء مغرور

http://www.montada.com/images/smilies/tongue2.gif ..

هههههههههههه بعدين ارجوك لا تقول مافي راسك الا الدجة تحطمني بعدين .. وما عليك رسوماتك موجودة عندي لحد الأن ..

تشارلي وناسي مين الثاني .. بعدين مخلين الشعر لأهله ولا يهمه .. على فكرة توقيعك رهيب اكثر شي اقدره في الحياة ميتاليكا

هم وthe unforgiven II .. وبشر وش صار على جون سميث ؟

على فكرة ترى أنا إلى الأن حايس .. هي أول لفة على اليسار ولا على اليسار أول لفة :(

عماد 18 : ياخي اذا صرت قريب من جوالك علمني عشان اعلمك بالقصة .. بعدين وش تجربتك بالقرش :s

Mahdee87 : يهووو شهرة اجل .. لا يكبر راسي بس

SNOoOP : هههههههههههههههه ولا يهمك انا هنا

وفي أخر اللستة أحب أرد على روميو البنات وأقول له :


الرسالة الأصلية كتبت بواسطة روميو البنات
مع السلامه حبيبي .... :)

قاعدين على قلبك قاعدين .. :6



وتسلمون والله على الردود .. وزي ما قلت لكم خلاص انا قاعد ما لقيت احد ازعجه غيركم :6
MoaeD
11-08-2003, 04:30 AM
:)
Kubaj
11-08-2003, 04:39 AM
الرسالة الأصلية كتبت بواسطة MoaeD
:)



هذي ابتسامتي انا ومؤيد بينما نحن نرتشف

الشاي على نهر السين في بغداد بوسط ضواحي داكار
الكونت دراكولا
11-08-2003, 04:45 AM
شكلكم في بغداد الحقيقية .. اقول صب لي معك في "مج" الله لا يهينك :D
MoaeD
11-08-2003, 04:46 AM
الرسالة الأصلية كتبت بواسطة king_kubaj




هذي ابتسامتي انا ومؤيد بينما نحن نرتشف

الشاي على نهر السين في بغداد بوسط ضواحي داكار



علامة النكهه حول العالم


شاي العلامه الصفراء


ليبطون :-)
Better Days
11-08-2003, 05:00 AM
وتسلمون والله على الردود .. وزي ما قلت لكم خلاص انا قاعد ما لقيت احد ازعجه غيركم

ازعاجك راحة:p
hitler is back
11-08-2003, 05:01 AM
ادري ماتقدر تقاوم اعضاء رهيبين مثلنا :p


ومنتدى عشت فيه جزء من عمرك :o



مادري بس احسك حاقد علي...مادري يمكن من ايام المنظمات :p
الكونت دراكولا
11-08-2003, 05:14 AM
الرسالة الأصلية كتبت بواسطة hitler is back
ادري ماتقدر تقاوم اعضاء رهيبين مثلنا :p


ومنتدى عشت فيه جزء من عمرك :o



مادري بس احسك حاقد علي...مادري يمكن من ايام المنظمات :p

ههههههههههههههه لا تقول لي انت الزعيم النازي
HArb200
11-08-2003, 07:23 AM
ياخي اطلع .. اطلع .. اطلع .. بس ارجع ?:
الكونت دراكولا
11-08-2003, 12:56 PM
حرب : أنا قاعد عشان الأشكال الطيبة اللي زي كذا..
hitler is back
11-08-2003, 12:59 PM
ليه في احد غيري ":"


بس صراحه كنت شريف بالنسبه لبوليس911 :p
ash2001
11-08-2003, 02:40 PM
يا هلا ومرحبا فيك مره ثانية :D :D :D :D


:):):):):):):)