المساعد الشخصي الرقمي

مشاهدة النسخة كاملة : الآن Naruto بالترجمة العربية


قطر
10-08-2003, 03:07 PM
مرحبا بالجميع ..
إلى كل محبي الانايم المشهور Naruto.
الآن وبالترجمة العربية
متواجد في موقع
http://www.qatar.isgreat.tv

تستطيع ان تطلب نسخة مجانية من الموقع وتصلك على البريد
الكميات محدودة جداً

ونارتو واحد من الرسوم الي فعلاً عجبتني
الي مرتاح من الترجمة الانجليزيه مايحتاي يطلب نسخة من الموقع
على فكرة مصمم هذا الموقع والمترجمين هم ربعي في الدوحة

وهذي هي بعض الصور من المسلسل المترجم

http://www.qatar.isgreat.tv/temp/005.jpg

http://www.qatar.isgreat.tv/temp/002.jpg

http://www.qatar.isgreat.tv/temp/003.jpg

http://www.qatar.isgreat.tv/temp/004.jpg

http://www.qatar.isgreat.tv/temp/001.jpg
h1
10-08-2003, 03:25 PM
شكراً اخوي على الموقع

بس عندي سؤال هل يستطيعون أن يرسلوا لي نسخة

على الأيميل الاني لا أمك صندوق بريد
قطر
10-08-2003, 04:20 PM
العفو اخوي...
بالنسبة لسؤالك

الي يرسلونه الاخوان حالياً عبارة عن 2 سيدي بالبريد العادي
للحلقات نارتو من 1 - 6

والملفات احجامها كبيرة يعني كل حلقة ماتقل حجمها عن 200 ميجا
لانهم يترجمون الحلقات على وضوح عالي جداً


طبعاً انت يمكن تسال ليش هم يوزعونه مجاناً ..

لان على حسب كلام صاحب الموقع .. ان المساحة في الانترنت
مكلفة جداً وغير فاتورة الانترنت
فهذا الي خلاه يرسل السيدي بالبريد العادي للي يبغي فقط

ويمكن مستقبلا ينزل الحلقات الجديدة على الكازا والبت تورنت
لان مشكلتنا في قطر ان الانترنت شويه غالي فهذا الي يخلي صاحب
الموقع يفكر انه يبعثه على سيديات بالبريد ارخص وافر

الحل اخوي بالنسبة لسؤالك
انك ترسل لهم بريد الوالد او بريد اي احد تعرفه
وتقولهم يحطون اسمك او ندائك على الرسالة عشان اول ماتوصل الرسالة
يوصلونها الاهل لك


وشكرا على الرد
Wind-Of-Love
10-08-2003, 07:09 PM
الصراحه بادره كريمه جدا من صاحبك , بس ممكن اعرف السبب الحقيقي :)


يعني لما يطرشها بالبريد ماراح تكون مكلفه !؟ وحتى لو افترضنا انها مش مكلفه من راح يتحمل استهلاك السي دي رايتر وثمن الدسكات ...

بالعربي ليه العباله والدوخه هاذي كلها وعلشان ايش ؟؟


مع تحياتي
قطر
11-08-2003, 01:44 AM
انا ارد عليك ..

صح كلامك .. ليش هذي العباله والتعب والجواب هو ..

يقولي صاحب الموقع .. انه ترجم الحلقات من باب المتعة وماكان يهدف انه ينشره على سيديات وو ..إلخ
لكن الي صار انه نسخ الحلقات الي ترجمها
لبعض من اصحابه وصار يشجعونه كثير على اكمال الترجمة والاستمرار
وانا كنت واحد منهم خصوصاً بعد ما شافوا ان مسلسل نارتو عجيب جداً

بعدين على كلامة .. اقترح عليه احد الاصحاب هذي الاقتراح
وهو انه يسوي موقع لاعماله .. لان فعلا عملية الترجمة طويله
وتضيع وقت .. فحرام يضيع الجهد الي سواه

المهم هو سوى نسخ معينه على سيديات وكميتها محدوده
بقدر الكمية الي راح يدفعها لو اخذ مساحة موقع على الانترنت
يعني الحين مساحة الموقع تحتاج حوالي 30 دولار شهرياً تقريباً
فهو ينسخ بهذي المبلغ سيديات ويعطيها للي يبغي
بدال ما يحمل الملف كامل على الانترنت ويخلي الاعضاء هم ينزلونه
فتطلع عليه فاتورت انترنت + فاتورة موقع + الباندوث

يعني جواب سؤالك ..
كانك تقول ليش الناس تسوي مواقع على الانترنت وليش تكلف نفسها

طبعاً انا اعتقد انه ماراح يستمر يطرش سيديات على طول
بس اتخلص الكمية الي عنده راح بعدين ينزلها على الكازا والبت تورنت
ويخلي الي يحب يكمل الحلقات المترجمة بالعربي
يسحب الفايلات من الانترنت
Detective_Conan
11-08-2003, 03:21 AM
شاهدت المسلسل حتى حلقة 44 .. بالترجمة الإنجليزيه طبعا

طبعا أخوي مو عارف شقول والله حق صديقك
الصور المعروضه لما شفتها بالمسلسل .. الكلام مترجم ترجمة صحيحه 100% ماشاء الله ^_^ و التعب واضح أخوي

فأنا بيوم كامل ما هديت الكمبيوتر قدرت أترجم حلقة من أنمي و بيومين قدرت أترجم فلم لكن للأسف مافي طريقة نعرضهم

فما بالك بصديقك مترجم 6 حلقات حتى الآن و الترجمة مضبوطة

يعني بصراحة هذا الإبداع بعينه و والله أنا مستانس لا تسألني ليش لكن أحب أشوف أشياء تتطور من عند العرب بهذه السرعه خاصة أنه المسلسل يديد ^^ مع أني ما راح أطلب منه و أكلفه بس ان شاء الله الشكر يوصل له و ان شاء الله كلامنا يشجعه زيادة على التكملة ;)

بالتوفيق إلى إبداع قريب ,

ملاحظه : من الواضح أنه مترجم فوق الترجمة حق الanime fan subs .. لذلك أنصحه لو يطلب الdvd نسخة hk يكون سعرها معقول جدا و بعدها بدال لا يتعب نفسه مثل ما تعب هنا بوقت عرض الترجمة و كل شي .. راح يلقى بالdvd نفسه الترجمة بالإنجليزي و الوقت و كل شي و ما عليه إلا يغير الكلام الإنجليزي و يخلي مكانه عربي و هكذا تسهل عليه جدا و تصير حتى أسهل من ترجمة المانجا !
لأنه بنفس الوقت لما يترجم حاليا فوق الfan subs جاهزه لاحظ أنهم مخلين اسم المترجم من الياباني إلى الإنجليزي فوق و ما يقدر يشيله فيظن البعض أن سرق حقوق غيره !
"&:Bulma:&"
11-08-2003, 03:43 AM
مشكووووووور أخوي :D
ما تقصر الله يعطيك العافيه:)
قطر
11-08-2003, 02:13 PM
اخوي المحقق كونان .. فكرتك رائعة جداً وعجبته لما اقترحت عليه

طيب .. ممكن تعطيني موقع يبيع dvd حق نارتو وبسعر جيد ؟

---

شكرا على التواصل
boss898
11-08-2003, 02:34 PM
مشكووور والله موقع ممتاز الله يوفقكم
Detective_Conan
11-08-2003, 04:18 PM
الرسالة الأصلية كتبت بواسطة قطر
اخوي المحقق كونان .. فكرتك رائعة جداً وعجبته لما اقترحت عليه

طيب .. ممكن تعطيني موقع يبيع dvd حق نارتو وبسعر جيد ؟

---

شكرا على التواصل

discountanimedvd.com
Al-RaQmi
11-08-2003, 04:46 PM
مشكور اخوي قطر
على هذا الموقع الجدا جدا جدا رائع
وصحيح ان فكرة صاحب الموقع جميله وما قصر
وبالتوفيق لك ولصاحب هذا الموقع
وبالتوفيــــق


الرقمي
..
Akari
11-08-2003, 07:30 PM
مشكور أخوي على الموقع........:D
قطر
13-08-2003, 12:26 AM
العفو جميعاً

ومشكورين على التواصل
Naif Eissa
13-08-2003, 10:55 PM
مشكووووووووور ..

و اليوم وصلتني نسختي بالبريد ..

شكله روووعة ..