a2k
07-07-2001, 01:13 PM
قبل اسبوعين وانا قاعد بهالعصريه انتظر صديقي الكوبرا واقضي وقتي العب وينينج الفين 5 مع أخوي الصغير ومبسوط مستـقوي عليه صاكه بـ7 صفر بشوط الأول............وما دريت الا وجرس الباب قاطع علي حبل لعبي ودوبي افتحه الا يوم خش الكوبرا عيونه
حمر ومعصب ونافخ اوداجه قال لي خسأت ياجحتر آآآ...................... اقصد ومعصب وماسك بيده عجرا تقل اشارة مرور وعليها دم ودفني ودخل بالمجلس حتى ماقال سلام وانا اخليه يقعد مع اخوي واروح للوالده وخليها تسوي قهوه وشاهي ويوم دخلت عليه وراه ماسك اخوي وقاعد يبكس في.....................
وياله اقك اخوي منه وخليه ينحاش بعد ماجاني طراق وطراقين واقعد اهديه وانفخ عليه .
_ وش فيك ؟ وش الي صاير ؟ كسرتنا وكسرت العالم ؟
_ ياشيخ عالم ماتفهم صحيح............يخلون الواحد يطلع من طوره
_ طيب فهمني قلي وش الي صار؟
_ هذي القصه ومافيها وانا جاي الى هنا بسيارتي البورش ومشغل ويست لايف وصاكها رومنسيه ومروق على الآخر يوم جت سياره تمشي على المسار الأيسر ومهدي يمشي 80 لا و مركب لامبات على سيارته زرق وحمر- هذي اللمبات شكلها اخر موضه بسيارات اشوفها دايم شكلي ابركبها على البورش- المهم
اني قعدت أكبس عليه واطنب بوري والرجال مطنشني وانا اطوفه من يمين واخز بهكالعين الحمرا وأحده .....
يوم الرجال شكله عصب وشغل لمباته وقعد يكبس علي ويشر لي اني اوقف .
وانا ماحسبت على الله الدعوه فيها طراق , وانا اوقف واخذ العجرا من تحت المرتبه وانا انزل , وينزل هو من سيارته لابس لبس رياظه وحاط دناديش وحاط على كتفه زينه نجوم وحاط مسدس لعبه على جنبه على باله يبي يخوفني وقبل مايقول ولا كلمه
وانا اهكصه بالعجرا على راسه واساويه بالارض وقبل مايقوم وانا اعطيه الثانيه ومادريت الا وخويه يضربني بالعجرا معه سودا مع ظهري وانا التف له وامسك يده الي معها العجرا والويها واهبده بالعجرا الي معي مثل حركة يوشيمتسوا بالتكن واساويه بالارض جمب خويه واشغل سيارتي وهاذي جيت منهم .
_ لحظه انت تقول سيارته عليها لمبات حمر وزرق ويحط مسدس على جمبه!!!.......... الله يرجك ياشيخ
هذا عسكري شرطي يادلخ معقوله ماعرفته!!!!!!!!!!!!!
_ شرطي!!!!!!! لا لا ماهو شرطي!!
_ الا شرطي وتلقاهم يدورون عليك الحين انت ارتكبت جريمه الحين وراح يسجنونك
_ طيب وانا وش دراني انه شرطي هو الي غلط علي
_ منا حذرتك اكثر من مره وقلت لك هدي نفسك بلاش العصبيه وشغل الفتوات هذا ماستمعت لنصيحتي .
_ وش السواه الحين اذا مسكوني وسجنوني راح انقطع عن المنتدى وعن خوياي بالمنتدى للشهور (هذا الي هامه بس ) افزع معي
_ مافيه الا انك تختبي كم شهر لين الموضوع يهدا شوي
_ طيب من الي راح يخبيني
_ والله كان ودي افزع معك لكن انا مسافر بكره لليابان عزميني شركة سكوير سوفت وكونامي يبون يخذون رايي في فاينل فانتسي 12 و13 وبقية الأجزاء وكونامي يبون ياخذون رايي في وينينج اليفين 6 و7
_ طيب مين يفزع معي .
_ والله مافيه الا اهل النخوه والكرم والفزعات أعضاء المنتدى هم الي يـبون يفزعون معك .
والحين الكوبرا يبغاكم تفزعون معه وتخشونه عن الشرطه كم شهر لين يهدا الوضع فمن الي راح يفزع له ؟
( الكوبرا هذي مزحه بسيطه اذا تبغاني احذف الموضوع او راح تزعل راح احذفه )
حمر ومعصب ونافخ اوداجه قال لي خسأت ياجحتر آآآ...................... اقصد ومعصب وماسك بيده عجرا تقل اشارة مرور وعليها دم ودفني ودخل بالمجلس حتى ماقال سلام وانا اخليه يقعد مع اخوي واروح للوالده وخليها تسوي قهوه وشاهي ويوم دخلت عليه وراه ماسك اخوي وقاعد يبكس في.....................
وياله اقك اخوي منه وخليه ينحاش بعد ماجاني طراق وطراقين واقعد اهديه وانفخ عليه .
_ وش فيك ؟ وش الي صاير ؟ كسرتنا وكسرت العالم ؟
_ ياشيخ عالم ماتفهم صحيح............يخلون الواحد يطلع من طوره
_ طيب فهمني قلي وش الي صار؟
_ هذي القصه ومافيها وانا جاي الى هنا بسيارتي البورش ومشغل ويست لايف وصاكها رومنسيه ومروق على الآخر يوم جت سياره تمشي على المسار الأيسر ومهدي يمشي 80 لا و مركب لامبات على سيارته زرق وحمر- هذي اللمبات شكلها اخر موضه بسيارات اشوفها دايم شكلي ابركبها على البورش- المهم
اني قعدت أكبس عليه واطنب بوري والرجال مطنشني وانا اطوفه من يمين واخز بهكالعين الحمرا وأحده .....
يوم الرجال شكله عصب وشغل لمباته وقعد يكبس علي ويشر لي اني اوقف .
وانا ماحسبت على الله الدعوه فيها طراق , وانا اوقف واخذ العجرا من تحت المرتبه وانا انزل , وينزل هو من سيارته لابس لبس رياظه وحاط دناديش وحاط على كتفه زينه نجوم وحاط مسدس لعبه على جنبه على باله يبي يخوفني وقبل مايقول ولا كلمه
وانا اهكصه بالعجرا على راسه واساويه بالارض وقبل مايقوم وانا اعطيه الثانيه ومادريت الا وخويه يضربني بالعجرا معه سودا مع ظهري وانا التف له وامسك يده الي معها العجرا والويها واهبده بالعجرا الي معي مثل حركة يوشيمتسوا بالتكن واساويه بالارض جمب خويه واشغل سيارتي وهاذي جيت منهم .
_ لحظه انت تقول سيارته عليها لمبات حمر وزرق ويحط مسدس على جمبه!!!.......... الله يرجك ياشيخ
هذا عسكري شرطي يادلخ معقوله ماعرفته!!!!!!!!!!!!!
_ شرطي!!!!!!! لا لا ماهو شرطي!!
_ الا شرطي وتلقاهم يدورون عليك الحين انت ارتكبت جريمه الحين وراح يسجنونك
_ طيب وانا وش دراني انه شرطي هو الي غلط علي
_ منا حذرتك اكثر من مره وقلت لك هدي نفسك بلاش العصبيه وشغل الفتوات هذا ماستمعت لنصيحتي .
_ وش السواه الحين اذا مسكوني وسجنوني راح انقطع عن المنتدى وعن خوياي بالمنتدى للشهور (هذا الي هامه بس ) افزع معي
_ مافيه الا انك تختبي كم شهر لين الموضوع يهدا شوي
_ طيب من الي راح يخبيني
_ والله كان ودي افزع معك لكن انا مسافر بكره لليابان عزميني شركة سكوير سوفت وكونامي يبون يخذون رايي في فاينل فانتسي 12 و13 وبقية الأجزاء وكونامي يبون ياخذون رايي في وينينج اليفين 6 و7
_ طيب مين يفزع معي .
_ والله مافيه الا اهل النخوه والكرم والفزعات أعضاء المنتدى هم الي يـبون يفزعون معك .
والحين الكوبرا يبغاكم تفزعون معه وتخشونه عن الشرطه كم شهر لين يهدا الوضع فمن الي راح يفزع له ؟
( الكوبرا هذي مزحه بسيطه اذا تبغاني احذف الموضوع او راح تزعل راح احذفه )