مشاهدة النسخة كاملة : هل كسرت طقم شاي امك..هل صدمت بسيارة ابوك..ادخل سكوال بيطلعك من الورطة الي انت فيها
سكوال
07-07-2001, 02:41 PM
اخواني ..واخواتي ....
ليديز اند جنتلمين...(احترني جنتلمين ..انتم حدكم جعصمين)
اكيد كل واحد فيكم قد ابلش عمره بورطه كبر راسه......
مثلا احرق استشوار اخته وهو يلاحق النمل....
او كسر عدسة البلاي ستيشن حق اخوه وهو يناظر نور الليزر...
او بلقافته الزايده .... لخبط الالوان الي في طقم المكياج حق امه وهو على باله بيزين شغالتهم....
او قتل سمكة اخوه .. وهو ناوي يسترجل قدام بنت جيرانهم ويفرجيها انه يقدر يصيد سمك من الحوض ....
او خرفانه كسرت السور ..واكلت زهور الماما (هاذي مرت اليوم الصبح على سوسن)....
او نزل هو وولد عمته قدام صديقات امه وجلسوا يرقصون بالعصي وهم متلطمين .. وفجاءة العصاة نشبت في راس واحده من صديقات امه ( هاذي مرت في naf)
او سرق سيارة ابوه عشان يكشخ فيها قدام بنات الحاره .. والمسكين اول عمود نور على اليمين.....(هاذي مرت علي):)
كل هاذي امور طبيعيه تمر على الإنسان في فتره هباله .....
لكن اذا بغيت تشق طريقك في الحياة ..... لازم تطلب يد مساعدة اصدقائك .... عشان يطلعونك من الورطة الي انت ابلشت عمرك فيها يالخبل...
وهاأنا امد لكم يد المساعده ....... (لاتطيحون وجهي وتقولون مانبيها)...:)
وأعطيكم الخطه الي نفعت معاي على مدى 19 سنة متواصلة من النجاح والإزدهار.......:)
Revolutions
07-07-2001, 02:45 PM
انا قد حرقت دباب اخوي الكبير وجحدته ولزقتها باخوي الصغير وهو الغبي مادافع عن نفسه
أنا يعني طالعة فيها خبيرة بأريل الستالايت قاعدة أركبه ما أشوفه إلا طايح و كاسر نص الزجاج اللي على الطاولة
سكوال
07-07-2001, 02:52 PM
سورا...
انتي مرفوع عنك القلم...
لأن حياتك كلها هبال *هيال.....:)
أوكي ورطة ثانية
طاح مني بطل البيبسي .. و الغريبة إن قاع البطل طق بالأرض و طشر البيبسي بكل مكان و أولهم نفنوف أمي اللي بغت تلبسه لعرس خالي ..... على طول لزقتها بالخدامة
و الخدامة تبكي و تحلف : و الله ماما أنا ما يسوي شذي
سكوال
07-07-2001, 02:59 PM
انا عارف انه ماحد منكم فهم كلامها...
we call بطل البيبسي ..... علبة البيبسي..
ترى هم يحسبوا ان البيبسي طلع بطل وانقذك...
Reckless2008
07-07-2001, 03:01 PM
أنا أخطركم!!!
صاعق بسيارة الوالد قبل حوالي شهرين
سيارتي موديل 96 والسيارة المصدومة 2001
معا العلم إني في السواقة ماشاء الله علي لكن زي مايقولوا السرعة جنون
لا تحاول
انا بادباب >>>>>>>>>>>>>>>>>>>>من فوق (طعس) رمل بس
ماصار الا الخير:cool: :cool:
Da S.O.S
07-07-2001, 03:06 PM
انا مرة قاعد عند عمتي
وشاشة الكومبيوتر ما تشتغل
والكهربا المشبوكة220
والجهاز محول على220
قلت خلني احول الجهاز 110 واشبكة بـ220
واول ما سويت كذذا شغلت الجهاز
اشتغل عادي بعد 6 ثواني طفى كل شئ وطلع بخار من الجهاز
وهي كانت مسافرة
لعبت على اخوي وخليته يسلفني 100 ريال
وصلحتة
ولا من شاف ولا مندري
هذي الورطة طويلة شوي
مرة وعدت خالي إني ما أدخل الماسنجر ، بس الملل ذبحني قلت أدخل شوية.
توني فتحته و الا هو جاي بيقعد على الكمبيوتر ، هني جتني سكتة قلبية و بسرعة طلعت برة الماسنجر ( كنت على أول أيامي و لا أعرف شلون أطلع و من الخوف بدل ما أصك الماسنجر قطعت الإنترنت كله )
و بسرعة مسحت إيميلي و كلمتي السرية و أنا كنت متوقعة إن السالفة خلصت
طلعت برة غرفتي و شفت خالي قاع يكلم أبوي ، و قفت شوي ، بعدين حسيت قلبي ينغزني .. حاسة إن إيميلي ما إنمسح .
و فعلا رحت داري و فتحت الماسنجرو شفت إيميلي و المشكلة إن بهالوقت سمعت صوت خالي جاي ، و أنا بسرعة مسحته و كتبت إيميل خالي ( التمويه ) و كتبت خرابيط مكان الكلمة السرية و اتصلت ( علشان ينحفظ عنوان الإيميل ) بس المشكلة إن ما مداني أصك الماسنجر إلا دخل خالي ... هني تمنيت تنشق الأرض و تبلعني بس طلعت ببالي تصريفة حلوة .. قلتله : شغلتلك الماسنجر علشان ما تضيع وقت
ترى السالفة ما خلصت .. بس مالي خلق أكمل الحين
skllkid
07-07-2001, 03:57 PM
لا أحسن أقلبها مشن أنبسبول
هىهى
Chandler
07-07-2001, 04:41 PM
سكوال..
مين قال لك ان العصا نشبت في راس وحده....انا ما قلت اي حرف من هالكلام...حتى شوف بنفسك.http://www.montada.com/games4arab/showthread.php?s=&postid=178712#post178712
:cool: :cool: :cool:
king_boy
07-07-2001, 06:10 PM
انا ذبحت كلب ولد خالتي
لمن عضني الكلب ضربته لمن مات
وبعدين قلت لولد خالتي انا رحت ولا اشوف الكلب ميت
وبعدين اعتقد ان الكلب مات موته طبيعيه
:D :D :D :D :D :D :D :D
السهران
07-07-2001, 07:03 PM
تسمون هذي مصايب
اجل وش رايكم في اللي ياخذ السياره من السواق
وهو في المتوسط و يدور فيها حول المدرسه ومركب معه
واحد من اخوياه و اخوه الصغير وعيال المدرسه كلهم
واقفين يتفرجون عليه وهو يسوق
فيبي يسوي فيها سواق و يلف السياره عليهم ويرجعها مره ثانيه
بس بعد ايش
ويصدم في سيارة الوكـــــــــــيـــــــــــــل
و المدرسين كلهم يطلعون لانه كلنت حصه سابعه و تجي الشرطه
ويستعون ولي امره
هذي المصايب مو مصايبكم الداجه
داج2222
08-07-2001, 12:15 AM
يا ناس في النكبات و الورطات ما للداج مثيل اسمعو و عو:
1-مره العام الماضي استلمت سيارة السواق ههههه اول مره استلمها زي الناس المهم جاي مع وجهي مسوي فيها زاحف 1000 و على بالي باسحب جلنط و ارد الوجه بشارع في ارامكو المعروفه بشوارعها الضيقه المهم و انا تال الجلنط الا و انا طالع الرصيف من صغر الشارع و ينكسر علي مساعد و ينفقع علي كفر و جيت اوقف السياره و ابغى ابدل الكفر و الا و اتفاجئ ان الاستبنه ما هي فيه يا سلااااااااااااااام كملت المهم جاني الشايب بعد ما دق عليه الاخ الدبس ولد الجيران جاني من العمل زااااااااااااااااااااااقه معه مليوووووووون المهم اجي انا و اصرفها بكل خبره في السواق الي كان يتفرج و لا يعرف حرف واحد في العربي يا حظي بس
2-خربت شاشة جوال خالتي الكوبرا و حرقت الشريحه بنفس الوق يا ساتر 2 في 1 و لا شااااااامبو يا ناس
3-حرقت كمبيوتر خالتي نفسها صاحبة الجوال بعد ما تحديت لي هكر في المايكروسوفت شات و الله ما الومها لو انها ذابحتني الحين
jericho2001
08-07-2001, 01:19 AM
كلها ممصايب ومصيبتي كوم...
عمركم سمعتو واحد....
راح يشرب ميا وشربها وخلص......
وبس:):)
هههههههههههههههههه
العميد
08-07-2001, 01:23 AM
آنا أبوي عطاني السياره
كراون فكتوريا99
ومسوي فاااااااااهم
وجاي بأدخل شريط في المسجل (توني متعلم السواقه)
وما دريت ألا وأنا ناشب في ددسن 87حق ولد جارنا
Reckless2008
08-07-2001, 06:09 AM
للرفع
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .