المساعد الشخصي الرقمي

مشاهدة النسخة كاملة : شباب مساعدة لو سمحتوا


عاشق الطليان
15-08-2003, 06:31 PM
ممكن احد يشرح لي الونج الفين 6 هل هو مثل الونج الفين 7 يعني من حيث لعب الماستر والنقاط اللي تتكلموا عنها مثلا
اذا فزت بكاس العالم يعطوك 2000 نقطه وهكذا ام انه يختلف عنه؟؟؟؟

واذا تكرمتوا اريد وصلة عشان اعرف كل شي عن الونج الفين 6
يعني اذا احد كاتب الموضوع في هذا المنتدى؟؟؟؟؟؟؟
عاشق الطليان
16-08-2003, 04:17 AM
شباب وينكم ما حد رد علي؟؟؟؟؟؟؟؟؟؟؟
أبو بدر
16-08-2003, 05:02 AM
يا هلا أخوي عاشق الطليان ...:)

تفضل هذي الوصله و راح تلقى فيها إن شاء الله كل شي عن WE6 ...
http://www.montada.com/montada/showthread.php?threadid=117840

أتمنى أن أكون أفدتك ...
مع تحياتي ...;)
عاشق الطليان
16-08-2003, 08:17 PM
شكرا اخي ابو بدر
بس عندي استفسار واحد

انا لعبت في الدرجة الثالثه 14 مباراه وشريت لاعبين وبعت 5 او اكثر من لاعبيني ما اذكر العدد بس بقى لي 18 لاعب في الفريق ولما جيت اشترى اي لاعب ما قدرت ما ادري ليش
ممكن توضح لي شوي؟؟؟؟؟؟؟؟؟
أبو بدر
16-08-2003, 09:55 PM
الرسالة الأصلية كتبت بواسطة عاشق الطليان
شكرا اخي ابو بدر
بس عندي استفسار واحد

انا لعبت في الدرجة الثالثه 14 مباراه وشريت لاعبين وبعت 5 او اكثر من لاعبيني ما اذكر العدد بس بقى لي 18 لاعب في الفريق ولما جيت اشترى اي لاعب ما قدرت ما ادري ليش
ممكن توضح لي شوي؟؟؟؟؟؟؟؟؟

على ما أعتقد أخوي إن فترة الإنتقالات ( في الدرجه الثالثه ) تكون فيما بين المباراة الـثالثه و العاشره مما يعني بأن فترة الإنتقالات انتهت و لازم تنتظر نهاية الموسم ..

مع تحياتي ...:)
Del_piero12
16-08-2003, 11:39 PM
في الوننج الفين 6 كل انته اتطلعه يوم تخلص الدوري و على مااعتقد انته تعرف قصدي ولكن في الدوري الياباني 7 يو تخلص الدوري يعطونك فلوس و في الدوري الياباني 6 اتطلع اللعيبه السريين ولكن في 7 تشتريهم وفي كثيييييييييير من الفوارق بس أنا اعرف بعضهم...




واذا تبي اي مساعده انا راح اكون موجوووووو
عاشق الطليان
17-08-2003, 01:52 AM
اخي ابو بدر لما انهيت الدوري الثالث 14 مباراه طلع لي الكاس ولعبته وانهيته وبعدين لعبة دوره من 4 فرق انا من ضمن الفرق الاربعه وانهيتها وبعدين قدرت اشتري اللاعبين
بس عندي سؤال بالنسبه لشراء اللاعبين
مثلا لما اجي اشتري رونالدو او اجري استعيره من فريقه نبدأ اولا بالشراء يطلع لي 3 خانات
الخانه الاولى:- عدد المواسم 1او2او3 وغيرها
الخانة الثانيه شو تعني ما عرفتها؟؟؟؟؟؟؟؟؟
الخانة الثالثه ايضا ما عرفتها شوتعني؟؟؟؟؟؟؟؟؟
ملاحظة الخانة الثانية ما تزيد على 999
-------------------------------------------------------------------
بالنسبة للاعاره
الخانة الاولى عدد المباريات على ما اعتقد
الخانة الثانية والثالثة ما عرفت ايش تعني؟؟؟؟؟؟؟؟
--------------------------------------------------------------------
مثلا انا لعبة بفريق ميلان طبعا شفشينكو بكون غير موجود الا في المنتخب
اذا اردت ان اشتريه يضعولي قيمته هل ممكن ان اشتريه بقيمة اقل يعني انقص القيمه واشتريه او لا؟؟؟؟؟؟؟؟؟
---------------------------------------------------------------


بالنسبه للونج الفين 7 ممكن اغير شعر اللاعب والبس الحارس قبعات فهل يوجد في الونج الفين 6 هذا الشي ؟؟؟؟؟؟؟؟؟
-----------------------------------------------------------------------
الاخ دلبيرو 12 شكرا على المساعدة وما تقصر اخي وهذا يدل على كرمك
واذا احتجت لشي ان شاء الله سابلغك
-----------------------------------------------------

الونج الفين 7 افضل من الونج الفين 6 ولكني لا العبه لانه ياباني ولما ينزل الانجليزي ان شاء الله سالعبه
أبو بدر
17-08-2003, 06:20 AM
الخانه الاولى:- عدد المواسم 1او2او3 وغيرها
الخانة الثانيه شو تعني ما عرفتها؟؟؟؟؟؟؟؟؟
الخانة الثالثه ايضا ما عرفتها شوتعني؟؟؟؟؟؟؟؟؟
ملاحظة الخانة الثانية ما تزيد على 999
الخانه الثانيه تعني راتب اللاعب ... أما الخانه الثالثه فتعني سعر اللاعب ...
و نفس الوضع ينطبق على الإعاره ...

مثلا انا لعبة بفريق ميلان طبعا شفشينكو بكون غير موجود الا في المنتخب
اذا اردت ان اشتريه يضعولي قيمته هل ممكن ان اشتريه بقيمة اقل يعني انقص القيمه واشتريه او لا؟؟؟؟؟؟؟؟؟
إيه ممكن ...

بالنسبه للونج الفين 7 ممكن اغير شعر اللاعب والبس الحارس قبعات فهل يوجد في الونج الفين 6 هذا الشي ؟؟؟؟؟؟؟؟؟
من الممكن أن تغير شعر اللاعب ... أما القبعات فلا وجود لها ...
عاشق الطليان
17-08-2003, 12:06 PM
تسلم اخي ابو بدر على ردودك السريعه والحلوه

واسمحلي كثرت عليك من الاسئلة وعندي كم سؤال بعد

عندما تشتري لاعب وتحدد المبلغ وعدد المواسم ممكن تقدر تشوف هذه الاشياء في اثناء الدوري او انتظر لما ينتهي العقد عشان يطلع لي اجدده او لا؟؟؟؟؟؟؟

بالنسبة اذا لعبة بالايزي او النورميل او الهارد
لوسجلت هدف واحد في الثلاث خيارات من حيث الصعوبة بيعطوني نفس النقاط؟؟
يعني لو فزت 2/0 في النورميل نفس الشي لو فزت 2/0 في الهارد وهكذا؟؟؟؟؟؟

او انه مثل ونج الفين في البلايستيشن 1 الهارد يكون عدد النقاط اكثر؟؟؟؟؟
عاشق الطليان
17-08-2003, 12:08 PM
بالنسبة لتغير شعر اللاعب يعني اشتريه مثل قصة بيكهام في الونج الفين 7 او اغيره من Edit Mode؟؟؟؟؟؟؟
عاشق الطليان
21-08-2003, 06:29 PM
وينك ابو بدر ما رديت علي
وعندي سؤال اخر مثلا لو شريت لاعب وانتقل عندي وبعدين قام نادي اخر يريد ان يشتريه فهل استطيع اعرف قيمة اللاعب عندما اشتريته انا حتى افكر اذا كنت اريد بيعه ام لا؟؟؟؟؟؟
أبو بدر
21-08-2003, 08:00 PM
عندما تشتري لاعب وتحدد المبلغ وعدد المواسم ممكن تقدر تشوف هذه الاشياء في اثناء الدوري او انتظر لما ينتهي العقد عشان يطلع لي اجدده او لا؟؟؟؟؟؟؟
و الله بصراحه ناسي هالشئ ... و لكني أعتقد إنه لازم تنتظر نهاية العقد علشان تجدد ...


بالنسبة لتغير شعر اللاعب يعني اشتريه مثل قصة بيكهام في الونج الفين 7 او اغيره من Edit Mode؟؟؟؟؟؟؟
من الـ Edit Mode ...


بالنسبة اذا لعبة بالايزي او النورميل او الهارد
لوسجلت هدف واحد في الثلاث خيارات من حيث الصعوبة بيعطوني نفس النقاط؟؟
يعني لو فزت 2/0 في النورميل نفس الشي لو فزت 2/0 في الهارد وهكذا؟؟؟؟؟؟
لا... هناك فرق في حالة فوزك في مستوى نورمل عن فوزك بمستوى هارد من ناحية النقاط ... إن ما خانتني الذاكره لأني صار لي تقريباً سنه ما لعبت WE6 ...


وعندي سؤال اخر مثلا لو شريت لاعب وانتقل عندي وبعدين قام نادي اخر يريد ان يشتريه فهل استطيع اعرف قيمة اللاعب عندما اشتريته انا حتى افكر اذا كنت اريد بيعه ام لا؟؟؟؟؟؟
الكلام اللي تقوله موجود في WE7 و لكنه غير موجود في WE6 مما يعني أنه ليس بإمكانك معرفة القيمه التي اشتريت بها اللاعب عندما تريد بيعه ...
عاشق الطليان
21-08-2003, 11:21 PM
تسلم اخي ابو بدر والله انت مو مقصر معي وجزاك الله الف خير

هل نزل الونج الفين 7 باللغة الانجليزية في الامارات ؟
لما رحت قبل اسبوع قالولي بينزل بعد شهرين ما ادري عاد نزل او لا؟؟؟
أبو بدر
22-08-2003, 10:50 AM
هلا أخوي...

أبد هذا واجبنا :)

بخصوص نزولها ..ف والله انا من السعودية فمدري ..عندك بو سنيده وتشيلافيرت وغيرهم من الأعضاء الإماراتين اللي اكيد راح يجاوبونك على سؤالك