المساعد الشخصي الرقمي

مشاهدة النسخة كاملة : معرض رسوم الاعضاء ليش كذا *_*


Before
17-08-2003, 09:56 PM
المواضيع صايره تتكرر بقووووووووووه

وعشرين الف اسم لنفس المسابقه

مره عصابات ومره مجموعات ومره قراصنه
ليش ما نرتب المسابقات انا ادري انه في البعض منها يختلف فكرته عن الاخر.....
بس ليش ما يترتب الموضوع
يعني الي يبي يشارك في المسابقه الخاصه بالقصص يشترك والي يبي يشارك في موضوع المنجا يشترك
والي في الرسم وهكذا ونحط عنوان لكل مسابقه مثلا مسابقه القصص ...
وبعدين لازم نثبت المسابقات لفتره من الزمن يعني الى ما ينتهي الدوري وبعدين نفتح نفس المواضيع ونفس العناوين بس جديده ونظيفه ..
عشان سرعه التصفح والسهوله..
ويارب يتبع هذا النظام بعد تطوير المنتدى لاني من جد احس اني ضااااااايعه
:-) :-)
shaheen
17-08-2003, 10:12 PM
اقترح نسوي منتدى مخفر الشرطة للاعضاء الضايعين:0)
Before
17-08-2003, 10:44 PM
هههه ههههه هههه هــــــــــــــا

لا لا ما يضحك
<<< معصبه
:غضب: :غضب: :غضب:

لا بس والله من جد لخبطه
يازين الترتيب والتنظيم صدقوني انه لو ترتبت المواضيع بيكون في تفاعل اكثر .......
shaheen
17-08-2003, 10:54 PM
ماقصدي شئ اختي بيفور.. مجرد مزاح ^_^

بس عطينا حل واحنا بنحاول اختي... اصلا هذا زين من الاعضاء يشاركون بهالطريقة.. ومتحمسين على الاقل!
Before
21-08-2003, 05:09 AM
اوكي بعطيك حل صغير واكيد في اعضاء عندهم حلول اكثر واحسن
مثلا:
اول شيء نثبت عدد من المسابقات مثلا
سابقة الرسم
مسابقة القصص
مسابقة المنجا ... الخ
ويصير نجددها كل شهر يعني كل شهر تظل العناوين المثبته كما هي ويتغير موضوع المسابقه ((مثال))
مسابقه الرسم الشهر الماضي كانت للازياء ولما خلصت طلعوا موضوع جديد..
بس عشان تصير المسابقات مرتبه وغير متكرره والكل يقدر يشارك
ارجوا اني قدرت اوضح الفكره
هـداف
21-08-2003, 03:39 PM
الله هذي أول مشاركة لي بعد التطوير ^^
وأول مشاركة لي بالرد السريع^_^<<< موشايف خير

اهلا بيفور..
بالنسبه للمواضيع،لو اشوي قريتي في القوانين وفهمتيها أكثر بتلاحظين ان كل موضوع يختلف عن الثاني،مثلا المجموعات فيه تعاون بين الأعضاء لاخراج عمل فني مليء بالابتكارات والأساليب المختلفة..
القراصنة،مليء بالمغامرات المسلية بين السفن والتجسس والكنز:D
العصابات اعتقد انه خلاص يمكن اشوي اشوي ومحد بيشارك فيك لدافع التغيير،وهو موضوع للقصص والرد والمقالب^^

على العموم،كلامج صحيح في سالفة اللخبطة،حتى انا مادري اشفيني دايما اخربط بين المجموعات والقراصنة^^

سلام
البنت نجنه
23-08-2003, 11:38 PM
Before انا اوافقش في الراي

وكلامش كل صح عشان المسابقات المتكرره تجيب الملل
Sara Sama
25-08-2003, 01:33 AM
صح لازم شوي نرتب... بنلحق على شو نحن !!
يحليلي .. يبالي ألحين سنه أيمع اللي طافني... و أقرا المواضيع حق أشارك ...
wildkitty
30-08-2003, 09:24 AM
صعب اقتراحج تدرين ليش

لانه الواحد يرسمه ليمن تيي الفكره براسه وعلى مشتهاته ماتقدرين تجبرين شخص يشارك بموضوع :)