silent evill
22-08-2003, 01:57 AM
لا...موش كده سعيدان ماتبعدش عني بليييز...انا بحبك أد الدنيا دي كووووولها وبشرفي...اي شرف يابنت انتي عندتس شرف
المهم انتي وينتس الحين يابعد تسبدي وينتس....انا موش بعيده عنك فتح عينيك تلا أيني أدامك حبيب ألبي..
يعني لوفتحت عيني راح القاتس قدام خشتي اكيد...ايه حبيبي ألبي اكيد....طيب
=======================================================================
سعيداااااااااااااان وصمخ...اقحص يالله تأخرت عن الجامعه يالله قوم...يالله يالعجوز خربتي الحلم...خير يا يمه ابي ارقد شوي
سعيداااااااااااان وصمخه قوم وراك تقديم في الجامعه يالله..(((اي من زين النسبه عاد مثل خشتي)))
طيب انشالله على نوخرتي الحين بنهض....واقوم وافتح البلكونه حقتي اللي تطل على العشه حقت الحمام واتمغط لين راح المشق اللي في خشتي وادخل الحمام باخذلي دش..
دخلت الحمام تمضمضت ثم اشتنشقت ثم خرجت((هذا اللي يدرسونا في المدرسه))
واصف لكم قدام المرايه ابي اتزين بروح الجامعه...وافتح الدرج حق سراويل السنه..ولا القى ولا سروال..يمه يمه يمه....
خير وش يالله انزل افطر وسلم على جدتك قبل ماتروح..طيب وين السناوي حقي...هووو تسألني عن السناوي صدز ماتستحي ((هذي تصريفه منها لأنها مسلفته للوالد الله يحفظه))
طيب خلاص يمه ...مافي الا اني اخلي السناوي اللي علي اللي من اسبوعين وست ايام مافصخته ولونه اصفر بعدين ماشي مع لون الثوب حقي..
واخذ الطاقيه اللي تصك الاذن والبس شماغ سوبر ملكي ثلاثه بعشره...وانزل تحت الا واشوف جدتي تفطر
هاااااااي طنطوووو...وشوو واخزياااه احد يلعن على جدته تعالي يم سعيدان واخزيااااه..(((صحن الفول اللي بيدها جا في خشتي كاالعاده)))
ويجي الوالد...سعيداااان يالله اخلص اطلع الحق الجامعه بسرعه..طيب بفطر انا جوعان..يمدحون تسبدة حاشي اطلع واخلص يالله..
واطلع من البيت وادز لموتري ابو عزيز 78 غماره وحده نص الصندوق مادري وينه...واطلع مفتاحي الخاص من جيبي(((مسوي فياقرى لها مفتاح خاص))) واطلع توكة اختي من جيبي واشغل فيها الموتر...وامر رفيدزي صويلح ويركب معي..ونشغل ذيك الاغنيه اللي تقول...
تفحيط ورجه واقلاع...ويقول ازعجت الجيران...
الا وانا تريشت واطب في شارع ساسكو وعليه حرق ابو عزيز..حوووووط حوووووط والثالثه...حووووط في الرصيف..(((شي طبيعي متعود))
اقول سعيدان الحق على الجامعه ترى تأخرنا...يابن الحلال من صدزك تبي جامعه..مادريتا انت وش ناوي انا...انشاالله الكلاس روم حقي
جنب بيت جينفير الدوسري...صووويلح اليوم انا عازمك في المملكه امش معي..بموترك هذا ياسعيدان من عند الاشاره يشوتونك..
امش وماعليك...
وامشي صافق الطبلون للمملكه...كانت الساعه 10 am ويوم نزلت من الموتر واصك لكم بنت البكاره واعطر نفسي بطيب مزعل فرحان ((توه نازل السوق اليومين هذي)) وندخل السوق...احم احم...سعيدان از كمينق..ونطلع لستار بكس هناك..انت صديق عطني عسكريم بليييز((ماحفظ الا بليز بس))
ونتكي في اقرب طاوله عندهم...الا وقلبي مدري وش فيه...قام يطامر ويقول طرقع طرقع طرقع...اثر عيوني طاحت على بنت "مطلعه ذيتس العيون الكحيله وبارزه ذيتس الخشه الطويله ولابسه ذيتس العبايه الفضيحه" ((شوفو كيف القافيه بس)) واقوم وراها ويوم وصلت عندها...احم احم..انتي يالغزال الطاير....خير يالحمار الشارد..وش دعوه شايله علي ياعيني ترى انا حنين((بشد النون ورفس الياء))
حتى اسألي رفيدزي هناك...صدق قليل ادب ودووووووف بالكعب اللي عسكر في خشمي قعد يوم كامل عجزت اطلعه...
وارجع للبيت والقى الوالد بالمنشفه جالس يتقهو...وش عندك يابوووي ناوي تغري الوالده ومطلع السيقان يعني...
وشوووو..اظاهر مابقى شي في البيت الا وصورته في خشتي..واطلع لغرفتي بعد التبقيس وافكر كيف اقنع الشايب والعجوز انهم يوافقون اروح ادرس برى
قلت مافي الاهدايا اعطيهم وافتح لهم الموضوع..وذيك السرعه ولا سوبر مان اطلع واجيب هديه مالمبور احمر للوالد
&&&&&&&&&&&&&&&&&&&فاصل اعلاني&&&&&&&&&&&&&&&&&&
مياه ابوخشه....
ذهبت انا واهلي لقضاء عطلة الربيع في ربوع بلادي الجميله وزرنا الحوطه والخرج وشقرا والمجمعه وكل قرية في الرياض
ثم رجعنا وعدنا وذهبنا لسوق الحمام في الرياض بعدها وعدنا ابي بالذهاب الى حراج بن قاسم..ألخ
خلاص شاطر يابابا طالب غيره يعلمنا فين قضى اجازة الربيع...
لا انا ماخلصت...بعدين ذهبنا لحديقة الفوطه وكانت جميله جداً ثم ذهبنا لحلة القصمان..
خلاص اسكت...مانشف ريقك من الكلام..
لا يا استاذ...انا شارب مياه ابو خشته...
مياه ابو خشته....لتطفيش العالم بالكلام...باي باي للريق الناشف..
مع تحيات...مجموعة ابو خشته وعيال حارتهم المحدوده..
حقوق الدعايه والاعلان محفوظه لدى montada.com
&&&&&&&&&&&&&&&&&&فاصل اعلاني&&&&&&&&&&&&&&&&&&&&
وارجع البيت والقاهم متجمعين...هلا بالوالد الغالي وهلا بالوالده الغاليه...اقول يا ام سعيدان وش عنده ولدتس يمدح اكيد فيه شي..
اخلص ياورع وعجلنا...طيب انا ابي ادرس في امريكا...وشوو وش تقول انت صاحي ولا لا اكيد انهبلت انت
واذب له علبة المالمبور الا والوالد ينقز مثل الدعيع ويمسك العلبه وياخذله كم قلبه في الهوى بالحركه البطيئه طبعاً كان لابس المنشفه وطلعت الفضايح لكن عادي ابوي....خلاص خلاص منذ مبطي وانا ناوي الفكه منك واشوى انها جت منك...
وانا اطير للغرفه واجيبلي كيسة العثيم واجمع فيها ملابسي....واطلع المطار
وكانو معي اهلي...سعيدان انا ابوك خذ النصيحه مني..اهتم بنفسك وخلك رزين..ماوصيك اقرب وحده وعطها بطاقة زجول هذي خلها تدق علي لاتنسى..انشالله دادي(((طلعت اللغه)))
وعند كاونتر الخروج منظر محزن...شلت كيستي العثيم والدموع اربع اربع وباليد اليسرى الصندوق الاخضر الذي يحمل في طياته معاميل القهوه والدلال واتجهة الى الطياره للاقلاع..
وكان مخاويني خالي حنس وعياله الله لايبقيهم مابقى شي ماحاسوه في اطياره وبرفقتي ايضاً تركي ومعه زوجته توه معرس ورايح بها لأمريكا
((ثور والا في احد يعاف الشقر بس على الاقل لتحسين النسل لا اكثر))
انتظرنا شوي لين فتح باب اطياره وانا متأكد ان الوقت كان طويل وشين بالحيل على تركي لأنه قايل لي "ياسعيدان طلبتك تكفى لاتقعد تقز حرمتي
وتدقق على كل شي اسويه قدامها مثلك عارف ابي اسوي نفسي فاهم عندها"
لكن على مين بس..والله اني ياني قزيتها من راسها لين رجليها وعلى قولة المثل شين وقوي عين سألته بعد يومين ياخوي ليش حرمتك ماتسوي ريجيم
تراها والله سمينه وبتبلش ببناطيل الجينز ومهيب لاقيه مقاسها والا هي تحسب الدعوه تنانير فيذا..
لايسألني احد وش قالي لأن رده كان فعل مو قول هالمره وياشين الغيره اللي على غير سنع المهم ركبنا والشباب راحو لكراسيهم في الدرجه الاولى ماشالله عيال نعمه وانا صفطت يمين في الدرجه السياحيه اللي بالعافيه جمعت فلوسها ((ذكريات البسطه قدام سوق عتيقه وبيع فصفص)) وزين انهم ماحطو لي كرسي على الجناح وجلسوني الريحه ماتنطاق بالحيل..
كنت في قسم العرابجة قسم المدخنين وبعد ما اقلعت الطيارة ماش بديت احس باالوحدة ودي اسولف وابربر مع احد ما اقدر اصبر لحالي
اتلفت يمين يسار ابي كودني اشوف احد اعرف ولا لقيت احد والله بلاني اني جلست جنب واحد من ركب الطيارة وهو مغطي وجهة ومعطيها نومة
! والا والله هاك اللبنانية اللي تخليك لا شفتها تصوم سنة من الزين اللي فيها وهذي ماتقول للقمر قم وانا اجلس مكانك لالالا!! هذي هي القمر بعينة ياني نصاب بعد إيش جسم وايش قطعة وجة وايش لبس ابد ابد هي هي اللي دايم اشوفها في منامي راكبتن وراي على ظهر ثور ابيض ومتوجهين الى جزيرة مهجورة علشان نجربع فيذااك من شفت طلتها قلت اكيد اللي بتوسع صدري بها الرحلة نبي نسولف مع بعض ونضحك
وبعد نص ساعه جا العشا
وقبل ما يجي دوري باالعشاء تزينت وعدلت جلستي ومسكت الجريدة على بالي ماخذت بالي منها جت لمي وقالت عفواً استاز بدك العشاء باالدجاج
ولا با اللحمة ؟ حطيت الجريدة على ركبي والتفت عليها وانا حاط ثلاث اصابع من يدي اليمنى على خدي وقلت بثقل ممزوج باالحليب عفواً اقصد ممزوج باالغرور الحقيقة ابية بااللحم لاني اعز واقدر اللحم وخصوصً اللحم الابيض المستورد لما يكون ني (( مغازل عرابجة)) البنت على نياتها ضحكت وهي والله ماجابت خبر لقصدي وحطت العشاء وراحت غريبة مع انها لبنانية وتفهمها وهي منسدحة
ماعجبني قلت لازم اشوف لي دبرة معها تراني لزقة العن من لزقة جونسون وانا اللي اهمز زر نداء المضيفة وجتني على طول
قالت ايوة شو بدك ؟ ابتسمت وطلعت ضروسي اللي كنهن جدار طين منهد وقلت انا اسف بس الاكل خانس وابي شويت ملح واذا ماعندكم ملح مافية
مشكلة عطيني شوي من ها الملح اللي فيس وحطية بعشاي(( ياشين القراوى ومغازلهم)) ضحكت وقالت ولو تكرم عينك هلا بجيب لك الملح
راحت وانا متشقق من الوناسة وكنت خلاص حطيت البنت تحت ابطي من زود الثقة اجل الله يعينها على الخياس وعلى بالي انها راحت في خرايطها جابت الملح بنت النشامى وقالت تفزل الملح قلت والله انتي الملح يا ست الستات وخمسة الخمسات
قلت الله لا يهينس واذا ماعليس كلافه ممكن !تكتبين لي رقم تلفونس علشان اقدر اتصل عليس واسمع صوتس متى ما مردغني الشوق الى لقياس لأني بصراحة حبيتس من اول نظرة وودي اننا نتقابل برا الطيارة وبعيد عن عيون الناس واقولس حتسي كثير يعني اكيد بتجلسين لس كم يوم في نيويورك واهي فرصة يلتم شمل الحبايب
قامت تطالعني وتغير ذاك الوجه اللي وش زينه الى وجه اجتمع فيه شر الدنيا ودنقت لمي علشان ترد خايفه من الفضايح وعضت براطمها الحمر!وتوها ماكله كبده نيه وقالت يخرب بيتك شو كتير واسأ من حالك روح إطلع في المرايه وشوف كيف وشك عامل متل الأرد ..((هذا اللي قدرت عليه)) وبعدين تعال سمعني هالكلمتين اللي انت حافزهون ولك انتا مابتختشي يعني لو كنت وسيم كان الدعوه فيها كلام تاني..
انا عقبها طاح وجهي من جد...نشوفكم في الحكايه الجديده تشااااو...
تحياتي
SiLeNT EviLL وسعيدااااااان
المهم انتي وينتس الحين يابعد تسبدي وينتس....انا موش بعيده عنك فتح عينيك تلا أيني أدامك حبيب ألبي..
يعني لوفتحت عيني راح القاتس قدام خشتي اكيد...ايه حبيبي ألبي اكيد....طيب
=======================================================================
سعيداااااااااااااان وصمخ...اقحص يالله تأخرت عن الجامعه يالله قوم...يالله يالعجوز خربتي الحلم...خير يا يمه ابي ارقد شوي
سعيداااااااااااان وصمخه قوم وراك تقديم في الجامعه يالله..(((اي من زين النسبه عاد مثل خشتي)))
طيب انشالله على نوخرتي الحين بنهض....واقوم وافتح البلكونه حقتي اللي تطل على العشه حقت الحمام واتمغط لين راح المشق اللي في خشتي وادخل الحمام باخذلي دش..
دخلت الحمام تمضمضت ثم اشتنشقت ثم خرجت((هذا اللي يدرسونا في المدرسه))
واصف لكم قدام المرايه ابي اتزين بروح الجامعه...وافتح الدرج حق سراويل السنه..ولا القى ولا سروال..يمه يمه يمه....
خير وش يالله انزل افطر وسلم على جدتك قبل ماتروح..طيب وين السناوي حقي...هووو تسألني عن السناوي صدز ماتستحي ((هذي تصريفه منها لأنها مسلفته للوالد الله يحفظه))
طيب خلاص يمه ...مافي الا اني اخلي السناوي اللي علي اللي من اسبوعين وست ايام مافصخته ولونه اصفر بعدين ماشي مع لون الثوب حقي..
واخذ الطاقيه اللي تصك الاذن والبس شماغ سوبر ملكي ثلاثه بعشره...وانزل تحت الا واشوف جدتي تفطر
هاااااااي طنطوووو...وشوو واخزياااه احد يلعن على جدته تعالي يم سعيدان واخزيااااه..(((صحن الفول اللي بيدها جا في خشتي كاالعاده)))
ويجي الوالد...سعيداااان يالله اخلص اطلع الحق الجامعه بسرعه..طيب بفطر انا جوعان..يمدحون تسبدة حاشي اطلع واخلص يالله..
واطلع من البيت وادز لموتري ابو عزيز 78 غماره وحده نص الصندوق مادري وينه...واطلع مفتاحي الخاص من جيبي(((مسوي فياقرى لها مفتاح خاص))) واطلع توكة اختي من جيبي واشغل فيها الموتر...وامر رفيدزي صويلح ويركب معي..ونشغل ذيك الاغنيه اللي تقول...
تفحيط ورجه واقلاع...ويقول ازعجت الجيران...
الا وانا تريشت واطب في شارع ساسكو وعليه حرق ابو عزيز..حوووووط حوووووط والثالثه...حووووط في الرصيف..(((شي طبيعي متعود))
اقول سعيدان الحق على الجامعه ترى تأخرنا...يابن الحلال من صدزك تبي جامعه..مادريتا انت وش ناوي انا...انشاالله الكلاس روم حقي
جنب بيت جينفير الدوسري...صووويلح اليوم انا عازمك في المملكه امش معي..بموترك هذا ياسعيدان من عند الاشاره يشوتونك..
امش وماعليك...
وامشي صافق الطبلون للمملكه...كانت الساعه 10 am ويوم نزلت من الموتر واصك لكم بنت البكاره واعطر نفسي بطيب مزعل فرحان ((توه نازل السوق اليومين هذي)) وندخل السوق...احم احم...سعيدان از كمينق..ونطلع لستار بكس هناك..انت صديق عطني عسكريم بليييز((ماحفظ الا بليز بس))
ونتكي في اقرب طاوله عندهم...الا وقلبي مدري وش فيه...قام يطامر ويقول طرقع طرقع طرقع...اثر عيوني طاحت على بنت "مطلعه ذيتس العيون الكحيله وبارزه ذيتس الخشه الطويله ولابسه ذيتس العبايه الفضيحه" ((شوفو كيف القافيه بس)) واقوم وراها ويوم وصلت عندها...احم احم..انتي يالغزال الطاير....خير يالحمار الشارد..وش دعوه شايله علي ياعيني ترى انا حنين((بشد النون ورفس الياء))
حتى اسألي رفيدزي هناك...صدق قليل ادب ودووووووف بالكعب اللي عسكر في خشمي قعد يوم كامل عجزت اطلعه...
وارجع للبيت والقى الوالد بالمنشفه جالس يتقهو...وش عندك يابوووي ناوي تغري الوالده ومطلع السيقان يعني...
وشوووو..اظاهر مابقى شي في البيت الا وصورته في خشتي..واطلع لغرفتي بعد التبقيس وافكر كيف اقنع الشايب والعجوز انهم يوافقون اروح ادرس برى
قلت مافي الاهدايا اعطيهم وافتح لهم الموضوع..وذيك السرعه ولا سوبر مان اطلع واجيب هديه مالمبور احمر للوالد
&&&&&&&&&&&&&&&&&&&فاصل اعلاني&&&&&&&&&&&&&&&&&&
مياه ابوخشه....
ذهبت انا واهلي لقضاء عطلة الربيع في ربوع بلادي الجميله وزرنا الحوطه والخرج وشقرا والمجمعه وكل قرية في الرياض
ثم رجعنا وعدنا وذهبنا لسوق الحمام في الرياض بعدها وعدنا ابي بالذهاب الى حراج بن قاسم..ألخ
خلاص شاطر يابابا طالب غيره يعلمنا فين قضى اجازة الربيع...
لا انا ماخلصت...بعدين ذهبنا لحديقة الفوطه وكانت جميله جداً ثم ذهبنا لحلة القصمان..
خلاص اسكت...مانشف ريقك من الكلام..
لا يا استاذ...انا شارب مياه ابو خشته...
مياه ابو خشته....لتطفيش العالم بالكلام...باي باي للريق الناشف..
مع تحيات...مجموعة ابو خشته وعيال حارتهم المحدوده..
حقوق الدعايه والاعلان محفوظه لدى montada.com
&&&&&&&&&&&&&&&&&&فاصل اعلاني&&&&&&&&&&&&&&&&&&&&
وارجع البيت والقاهم متجمعين...هلا بالوالد الغالي وهلا بالوالده الغاليه...اقول يا ام سعيدان وش عنده ولدتس يمدح اكيد فيه شي..
اخلص ياورع وعجلنا...طيب انا ابي ادرس في امريكا...وشوو وش تقول انت صاحي ولا لا اكيد انهبلت انت
واذب له علبة المالمبور الا والوالد ينقز مثل الدعيع ويمسك العلبه وياخذله كم قلبه في الهوى بالحركه البطيئه طبعاً كان لابس المنشفه وطلعت الفضايح لكن عادي ابوي....خلاص خلاص منذ مبطي وانا ناوي الفكه منك واشوى انها جت منك...
وانا اطير للغرفه واجيبلي كيسة العثيم واجمع فيها ملابسي....واطلع المطار
وكانو معي اهلي...سعيدان انا ابوك خذ النصيحه مني..اهتم بنفسك وخلك رزين..ماوصيك اقرب وحده وعطها بطاقة زجول هذي خلها تدق علي لاتنسى..انشالله دادي(((طلعت اللغه)))
وعند كاونتر الخروج منظر محزن...شلت كيستي العثيم والدموع اربع اربع وباليد اليسرى الصندوق الاخضر الذي يحمل في طياته معاميل القهوه والدلال واتجهة الى الطياره للاقلاع..
وكان مخاويني خالي حنس وعياله الله لايبقيهم مابقى شي ماحاسوه في اطياره وبرفقتي ايضاً تركي ومعه زوجته توه معرس ورايح بها لأمريكا
((ثور والا في احد يعاف الشقر بس على الاقل لتحسين النسل لا اكثر))
انتظرنا شوي لين فتح باب اطياره وانا متأكد ان الوقت كان طويل وشين بالحيل على تركي لأنه قايل لي "ياسعيدان طلبتك تكفى لاتقعد تقز حرمتي
وتدقق على كل شي اسويه قدامها مثلك عارف ابي اسوي نفسي فاهم عندها"
لكن على مين بس..والله اني ياني قزيتها من راسها لين رجليها وعلى قولة المثل شين وقوي عين سألته بعد يومين ياخوي ليش حرمتك ماتسوي ريجيم
تراها والله سمينه وبتبلش ببناطيل الجينز ومهيب لاقيه مقاسها والا هي تحسب الدعوه تنانير فيذا..
لايسألني احد وش قالي لأن رده كان فعل مو قول هالمره وياشين الغيره اللي على غير سنع المهم ركبنا والشباب راحو لكراسيهم في الدرجه الاولى ماشالله عيال نعمه وانا صفطت يمين في الدرجه السياحيه اللي بالعافيه جمعت فلوسها ((ذكريات البسطه قدام سوق عتيقه وبيع فصفص)) وزين انهم ماحطو لي كرسي على الجناح وجلسوني الريحه ماتنطاق بالحيل..
كنت في قسم العرابجة قسم المدخنين وبعد ما اقلعت الطيارة ماش بديت احس باالوحدة ودي اسولف وابربر مع احد ما اقدر اصبر لحالي
اتلفت يمين يسار ابي كودني اشوف احد اعرف ولا لقيت احد والله بلاني اني جلست جنب واحد من ركب الطيارة وهو مغطي وجهة ومعطيها نومة
! والا والله هاك اللبنانية اللي تخليك لا شفتها تصوم سنة من الزين اللي فيها وهذي ماتقول للقمر قم وانا اجلس مكانك لالالا!! هذي هي القمر بعينة ياني نصاب بعد إيش جسم وايش قطعة وجة وايش لبس ابد ابد هي هي اللي دايم اشوفها في منامي راكبتن وراي على ظهر ثور ابيض ومتوجهين الى جزيرة مهجورة علشان نجربع فيذااك من شفت طلتها قلت اكيد اللي بتوسع صدري بها الرحلة نبي نسولف مع بعض ونضحك
وبعد نص ساعه جا العشا
وقبل ما يجي دوري باالعشاء تزينت وعدلت جلستي ومسكت الجريدة على بالي ماخذت بالي منها جت لمي وقالت عفواً استاز بدك العشاء باالدجاج
ولا با اللحمة ؟ حطيت الجريدة على ركبي والتفت عليها وانا حاط ثلاث اصابع من يدي اليمنى على خدي وقلت بثقل ممزوج باالحليب عفواً اقصد ممزوج باالغرور الحقيقة ابية بااللحم لاني اعز واقدر اللحم وخصوصً اللحم الابيض المستورد لما يكون ني (( مغازل عرابجة)) البنت على نياتها ضحكت وهي والله ماجابت خبر لقصدي وحطت العشاء وراحت غريبة مع انها لبنانية وتفهمها وهي منسدحة
ماعجبني قلت لازم اشوف لي دبرة معها تراني لزقة العن من لزقة جونسون وانا اللي اهمز زر نداء المضيفة وجتني على طول
قالت ايوة شو بدك ؟ ابتسمت وطلعت ضروسي اللي كنهن جدار طين منهد وقلت انا اسف بس الاكل خانس وابي شويت ملح واذا ماعندكم ملح مافية
مشكلة عطيني شوي من ها الملح اللي فيس وحطية بعشاي(( ياشين القراوى ومغازلهم)) ضحكت وقالت ولو تكرم عينك هلا بجيب لك الملح
راحت وانا متشقق من الوناسة وكنت خلاص حطيت البنت تحت ابطي من زود الثقة اجل الله يعينها على الخياس وعلى بالي انها راحت في خرايطها جابت الملح بنت النشامى وقالت تفزل الملح قلت والله انتي الملح يا ست الستات وخمسة الخمسات
قلت الله لا يهينس واذا ماعليس كلافه ممكن !تكتبين لي رقم تلفونس علشان اقدر اتصل عليس واسمع صوتس متى ما مردغني الشوق الى لقياس لأني بصراحة حبيتس من اول نظرة وودي اننا نتقابل برا الطيارة وبعيد عن عيون الناس واقولس حتسي كثير يعني اكيد بتجلسين لس كم يوم في نيويورك واهي فرصة يلتم شمل الحبايب
قامت تطالعني وتغير ذاك الوجه اللي وش زينه الى وجه اجتمع فيه شر الدنيا ودنقت لمي علشان ترد خايفه من الفضايح وعضت براطمها الحمر!وتوها ماكله كبده نيه وقالت يخرب بيتك شو كتير واسأ من حالك روح إطلع في المرايه وشوف كيف وشك عامل متل الأرد ..((هذا اللي قدرت عليه)) وبعدين تعال سمعني هالكلمتين اللي انت حافزهون ولك انتا مابتختشي يعني لو كنت وسيم كان الدعوه فيها كلام تاني..
انا عقبها طاح وجهي من جد...نشوفكم في الحكايه الجديده تشااااو...
تحياتي
SiLeNT EviLL وسعيدااااااان