المساعد الشخصي الرقمي

مشاهدة النسخة كاملة : أنهيت Xenosaga .. و لكني لا زلت محتار من القصة ‍‍المعقده الفهم !!


Final Fantasy 7
23-08-2003, 07:45 AM
مرحباااا ..



أمس أنهيت لعبة زينوساجا الحلقة الأولى .. و الصراحه اللعبة لا غبار عليها .. ما عدى أن الرئيس الأخير هو أسهل زعيم مر علي في عالم الآر بي جي و أكثرهم تفاهة .. و اللعبة قصيرة نوعا ما و لا تقدم أماكن كثيرة للاستكشاف .


المهم ..


رغم أني أنهيت اللعبة .. الا و الصراحه أن للحين عندي أسئلة و استفسارات كثيرة عن القصة .. فأتمنى يالي فاهم القصة عدل يفهمني و يقول لي شنو هي قصة اللعبة بالضبط من الطق طق الى السلام عليكم (( يعني قصة الشخصيات مثل كوس موس و مومو و كيوس و جونيور مع ألبيدو و يالي صار في اللعبة خاصة النهاية سالفة الآلة و السكنت ميلشا )) ..



لأني الصراحه مو فاهم القصة عدل .. و أخاف أن يالي فهمته يكون غلط ?:





لذلك ارجو المساعده ..




و شكرا مقدما حق يالي راح يرد :)






صديقكم & فاينل ;)
Phoenix Wing
23-08-2003, 09:32 AM
السلام عليكم...
باختصار يا فاينل....
القصة بتفهمها مع نزول الحلقات الجاية...

وأتوقع إنك عارف هذي... بس قصة اللعبة مبنية على كوميك ألماني... واللعبة مجزئة القصة على ست حلقات....الخامسة هي Xenogears....

أتمنى إني كذا ريحت ضميرك شوي:p

سلام...


.T.W.K
Final Fantasy 7
23-08-2003, 09:45 AM
صارت مسلسل مكسيكي مدبلج .. موب لعبة ?:




أصلا أنا للحين مو فاهم سالفة هذا الجزء ‍‍!




كوس موس شنو سالفة الأشياء الغريبة يالي موجوده فيها (( حتى شيون نفسها ما تدري من وين طلعت هالأسلحه بكوس موس )) ..



و شفيه ألبيدو مستخف و شنو سالفته هذا مع جونيور ‍‍!



و مومو ليش مميزه .. على ايش يا حظي ?:



و شفيهم كلهم ماسكين على ساكنت ميلشا ‍؟



يعني القصة معقده للغاية .. على الأقل أبي أحد يوضح لي قصة هذا الجزء فقط و شنو سالفته :":




و آسف على الازعاج .. سامحوني ^^




و طااااانكيو :D




صديقكم & فاينل
Phoenix Wing
23-08-2003, 09:55 AM
هذول زيما قلتلك... بتعرف قصتهم الأجزاء الحجاية...


.T.W.K
KuwaitDragon
23-08-2003, 10:53 AM
سلاااااااااام اتقول أخوي ما فهمت القصه اهون مني

انا ما اعرف انطق اسم اللعبه عدل

و

مبروك على النهايه
flarestar
23-08-2003, 10:57 AM
اللي اعرفه ان البيدو و جونير و اخو جونيور الكبير كلهم من نوع واحد...

و شكل رئيس الشركة ابو شعر ابيض بيطلع شرير-________-

و كايوس عندي احساس انه مو هيومن... بسبة النهاية يوم يساعد كوز موس...

و زي ما قالوا ماراح نفهم شيء لما يطلع الجزء الجديد-_________-
msm
23-08-2003, 12:13 PM
والله حتى أنا مثلك ..

بس السلسلة مصممة على ان قصتها متتابعة ..يعني لازم نتابع الأجزاء القادمة (وهي تستاهل المتابعة) ..
Golden_Sun
23-08-2003, 03:11 PM
إذا نزل الجزء الثاني .. راح ألعب الأول :6

فينال فانتسي 7 ..
قبل لا يصدر الجزء الثاني بشهر .. العب زينوساجا ابسود 1 لتذكرة فقط لحين صدور الجزء الثاني وتكون متذكر احداث الجزء الاول ^^
Levithian
23-08-2003, 04:04 PM
مرحبا جميعا
مبروك انهاء اللعبة فاينال و اللعبة رائعة جدا و انصح الجميع بها
في البداية اسم الجزء هو"دير فيلي تزور ماخت"هكذا يلفظ بالالماني و هو ليس اسم كوميكس الماني بل هو عنوان لكتاب فلسفي الماني ل نيتشزيه بعنوان The will of power و كما نستنتج فان فريق زينوساجا بقيادة تيتسويا تاكاهاتسي متاثر بافكار هذا الكاتب

على فكرة انا كنت ناوي اعمل موضوع عن زينوجيرز و زينوساجا و رح حاول فيه وضح اللي بقدر عليه
و اذا عندك سؤال محدد اسالني عليه و رح حاول جاوبك اللي بقدر عليه
Phoenix Wing
25-08-2003, 05:40 AM
ليفياثان...مشكور على التوضيح... مع علمي بأن Der wille zur macht معناها A will to power....
ولكن القصة الأصلية مكتوبة على كوميكس (الكلام هذا قديم...قبل يمكن حوالي عشر سنين)... وأنا أعرف إن المقولة هذي هي مأخوذة من عنوان كتاب فلسفي يساند الطبعية... ولكن لا تنسى إن المقولة هذي هي عنوان الحلقة الأولى بس.... يعني الحلقة الثانية بتطلع باسم ثاني (ما أدري إيش هو لأني ماعد سرت أتابع زي أول)... هل هذا يعني إنه الجزء الثاني من قصة ثانية...لأ طبعا...

المهم...أنا ما أبغى أطول السالفة.... وأعتذر إن طولت.... وأتمنى إنك فهمت قصدي...


.T.W.K
Mesharey
25-08-2003, 06:53 AM
حتى أنا مو فاهم شي بصراحة -_______-

اللعبة معقدة بشكل..تقريبا اعقد قصة بعالم الألعاب شفتها..

لكن ماقصر Levithian ووضح الكثير عنها ^^
هنا (http://www.montada.com/showthread.php?t=229489)
Final Fantasy 7
27-08-2003, 07:01 PM
حتى أنا مو فاهم شي بصراحة -_______-

اللعبة معقدة بشكل..تقريبا اعقد قصة بعالم الألعاب شفتها..

لكن ماقصر Levithian ووضح الكثير عنها ^^
هنا (http://www.montada.com/showthread.php?t=229489)

الا صج مشاري أنت الحين وين موصل في اللعبة ؟
===> واحد ملقوف :6
بوعبدالرحمن
29-08-2003, 06:33 AM
ممكن سؤال ياشباب
أنا توني ألعب زينوساجا
لقيته بمكة وقلت لازم أشتريه وأجربه
وصراحتا نوعا ما حلوه إلى الآن

فا سؤالي هو
هل هذا الجزء Xenosaga EPISODE 1 5TH YEAR ANNIVERSA RELEASE هو أول جزء لهذي اللعبة وألا لا

أنا أتوقع أنوا مانزل ألا جزء واحد إلى الآن صح والا لا
Final Fantasy 7
29-08-2003, 06:44 AM
ممكن سؤال ياشباب
أنا توني ألعب زينوساجا
لقيته بمكة وقلت لازم أشتريه وأجربه
وصراحتا نوعا ما حلوه إلى الآن

فا سؤالي هو
هل هذا الجزء Xenosaga EPISODE 1 5TH YEAR ANNIVERSA RELEASE هو أول جزء لهذي اللعبة وألا لا

أنا أتوقع أنوا مانزل ألا جزء واحد إلى الآن صح والا لا

هلا أخوي بوعبدالرحمن ^^


بالنسبة لسؤالك .. فسلسلة زينو تمتد لستة أجزاء ..


هذا الجزء هو الأول .. و الجزء الثاني تحت التطوير .. و الجزء الثالث و الرابع راح يطلع لنا بعدين .. و الجزء الخامس هي لعبة صدرت على البلاي ستيشن 1 تحت اسم زينوجيرز .. و الجزء السادس هو الجزء النهائي لهذه السلسلة .


الشركة قسمت القصة لست أجزاء .. و هذا طبعا لضخامتها و كبر حجمها :)



و أتمنى أنك تكون قد فهمت من كلامي شي :D
بوعبدالرحمن
29-08-2003, 07:06 AM
هلا أخوي بوعبدالرحمن ^^


بالنسبة لسؤالك .. فسلسلة زينو تمتد لستة أجزاء ..


هذا الجزء هو الأول .. و الجزء الثاني تحت التطوير .. و الجزء الثالث و الرابع راح يطلع لنا بعدين .. و الجزء الخامس هي لعبة صدرت على البلاي ستيشن 1 تحت اسم زينوجيرز .. و الجزء السادس هو الجزء النهائي لهذه السلسلة .


الشركة قسمت القصة لست أجزاء .. و هذا طبعا لضخامتها و كبر حجمها :)



و أتمنى أنك تكون قد فهمت من كلامي شي :D
أول ماقلت ستة أجزاء :wow:
طاح قلبي :D

بس بعد التفصيل ، نوعا ما فهمت
بس سؤال ليه نزل الخامس قبل ماتنزل الأجزاء اللي قبله

والا هذي الشركة منكوسة ، يعني غير الناس :D
Final Fantasy 7
29-08-2003, 07:16 AM
بس سؤال ليه نزل الخامس قبل ماتنزل الأجزاء اللي قبله

والا هذي الشركة منكوسة ، يعني غير الناس :D
الظاهر لأن فكرة صناعة أجزاء سلسلة زينوساجا أتت لهم بعد اصدار لعبة زينوجيرس :أفكر:


و أي استفسار ثاني أنا حاضر ;)
Mesharey
29-08-2003, 08:47 AM
الا صج مشاري أنت الحين وين موصل في اللعبة ؟
===> واحد ملقوف :6
سوري على التأخير بالرد..ماشفت ردك -__-
انا كان المفروض اني اخلصها..لكن الدسك علق عندي بعد ما اقتل وحش ..الوحش اللي لما تقتله يتحول إلى طير..وهذا اول واحد تقتله كوس موس باللعبة..
بالمناسبة ماعندك استراتيجية له ؟
لعبت معاه ثلاث مرات قتلني بالأولى وقتلته بالثانية بس الدسك علق -___-
والمرة الثانية قتلني لأني مليت -__-!!
بوعبدالرحمن
29-08-2003, 09:10 AM
الظاهر لأن فكرة صناعة أجزاء سلسلة زينوساجا أتت لهم بعد اصدار لعبة زينوجيرس :أفكر:


و أي استفسار ثاني أنا حاضر ;)
أممممم
يبدوا يبدوا أني قد فهمت

والله ماأدري شقول لك
شكلي بتعبك بأسألتي

منين طلع هذا زينوجيرس
هذا أول مره أسمعه
Final Fantasy 7
29-08-2003, 09:58 AM
سوري على التأخير بالرد..ماشفت ردك -__-
انا كان المفروض اني اخلصها..لكن الدسك علق عندي بعد ما اقتل وحش ..الوحش اللي لما تقتله يتحول إلى طير..وهذا اول واحد تقتله كوس موس باللعبة..
بالمناسبة ماعندك استراتيجية له ؟
لعبت معاه ثلاث مرات قتلني بالأولى وقتلته بالثانية بس الدسك علق -___-
والمرة الثانية قتلني لأني مليت -__-!!
الصراحه مو متذكر هالزعيم :shock: !


و لكن على كل حال .. تفضل ثلاث وصلات فيهم ثلاث استتراتيجيات مختلفة لجميع زعماء اللعبة .. أنا دائما اذا وقفت عند رئيس أدخل و أقرأ هالاستتراتجيات الثلاثة .. و مافي زعيم وقتها راح يتجرأ و يوقف في طريجي :vereymad:


و لكن اذا ما كنت تعرف اسم الزعيم .. فاوصفه لي أكثر و متى يطلع علشان أطلع لك الاستتراتجيات المناسبة له من هالوصلات الثلاث :

الاستتراتجيات الأولى (http://db.gamefaqs.com/console/ps2/file/xenosaga_boss.txt)

الاستتراتجيات الثانية (http://db.gamefaqs.com/console/ps2/file/xenosaga_boss_a.txt)

الاستتراتجيات الثالثة (http://db.gamefaqs.com/console/ps2/file/xenosaga_enemies.txt)




و آسف اذا ما قدرت أساعدك بالشكل الكافي http://www.montada.com/images/smilies/icon11.gif
Final Fantasy 7
29-08-2003, 10:01 AM
أممممم
يبدوا يبدوا أني قد فهمت

والله ماأدري شقول لك
شكلي بتعبك بأسألتي

منين طلع هذا زينوجيرس
هذا أول مره أسمعه

زينوجيرس هو اسم الجزء الخامس من سلسلة زينو يالي صدر عام 1998 (( قبل خمس سنوات )) على جهاز البلاي ستيشن 1 ..


ادخل هالوصلة و راح تشوف صور عن اللعبة :

اضغط هنااااااااااااااا (http://www.gamespot.com/ps/rpg/xenogears/index.html)


;)
Mesharey
29-08-2003, 10:12 AM
مشكور فاينل ^^
انا اعرف اقتل الوحش ..لكن قلت آخذ استراتيجية ثانية يمكن اسهل :6 ..
بوعبدالرحمن
29-08-2003, 10:13 AM
زينوجيرس هو اسم الجزء الخامس من سلسلة زينو يالي صدر عام 1998 (( قبل خمس سنوات )) على جهاز البلاي ستيشن 1 ..


ادخل هالوصلة و راح تشوف صور عن اللعبة :

اضغط هنااااااااااااااا (http://www.gamespot.com/ps/rpg/xenogears/index.html)


;)
أممممممم
ألحين فهمت
Levithian
30-08-2003, 12:22 PM
مرحبا

ليفياثان...مشكور على التوضيح... مع علمي بأن Der wille zur macht معناها A will to power....
ولكن القصة الأصلية مكتوبة على كوميكس (الكلام هذا قديم...قبل يمكن حوالي عشر سنين)... وأنا أعرف إن المقولة هذي هي مأخوذة من عنوان كتاب فلسفي يساند الطبعية... ولكن لا تنسى إن المقولة هذي هي عنوان الحلقة الأولى بس.... يعني الحلقة الثانية بتطلع باسم ثاني (ما أدري إيش هو لأني ماعد سرت أتابع زي أول)... هل هذا يعني إنه الجزء الثاني من قصة ثانية...لأ طبعا...

المهم...أنا ما أبغى أطول السالفة.... وأعتذر إن طولت.... وأتمنى إنك فهمت قصدي...
كيفك فوينكس
ربما مثلما تقول انه توجد كوميكس بنفس العنوان ايضا
انا لم اقول ان القصة ماخوذة من كتاب الفلسفة انا اقول انهم متاثرين بافكار الكاتب
و اعتقد انهم في الموقع الرسمي للعبة يوضحون هذا بترجمة العبارة و كتابة اسم المؤلف اسفل العبارة
http://www.namco-xenosaga.com/enhanced/index.cfm

لكن هذا لا ينفي وجود الكوميكس لكني لم اسمع عنه
شكرا لردك....


حتى أنا مو فاهم شي بصراحة -_______-

اللعبة معقدة بشكل..تقريبا اعقد قصة بعالم الألعاب شفتها..

لكن ماقصر Levithian ووضح الكثير عنها ^^
هنا
شكرا ميشاري
و اعتقد انك عند فيرجل الذي يقاتل الفريق بعد مواجهة البيدو الذي اختطف مومو
اتمنى ان تكون اللعبة اعجبتك