للأسف باتشك مقلد يا da7imtuta ؟؟

[هتلر الامارات]

السلام عليكم اخواني الاعضاء

للاسف اكتشفت بالصدفة ان باتش اخي العزيز da7imtuta دون المستوى وما منه فايدة

لأسباب عديدة

1- لان الباتش مأخوذ من باتش اجنبي لكن هو معدل بعض الصور علشان يصير عربي
والباتش من واحد اسمه جلوري

لو تلاحظون وانتوا تلعبون مباراة حاولو تعيدون اللقطة وراح تشوف لوحة اعلانية في المدرجات مكتوب عليها "باتش جلوري" ولا داحم غير اسمه لجلوري وانا ما ادري :D

ثانيا: للتأكد ان الباتش مقلد ادخلوا على المنتخب السعودي وراح تشوفون ان كلامي صحيح
اسامي المنتخب السعودي اغلبهم غلط هذا اذا ما كانوا كلهم
مدام انه سعودي اكيد لازم بيكون اساميهم صحيحة

للاسف اخوي داحم هالاصدار ما احس انك تعبت فيه الا انك وضعت شعار الزعيم وموقع الزعيم وكم صورة عربية بس

ماتوقعت ان داحم يقتبس من باتشات غيره :(

واي استفسار انا حاضر

[QataR NighTMarE]

اخوي يقولون الستر زينhttp://www.montada.com/images/smilies/tongue2.gifانا مجربه وادري انه فقط اضاف تعريب الصورلكن ماحبيت اتكلم فيقولون لي كالعاده انت حاقد <== الكلمه ذي سمعتها وايد
لكن ابي اعرف حاقد على شنو http://www.montada.com/images/smilies/confused.gif مادري
يعطيك العافيه اخويhttp://www.montada.com/images/smilies/smile.gif

[usef]

هه اي والله....اي و الله صاجين ما توقعتها منه

[ملكwe]

شي غريب والله نتمنى الرد من داحم

[Bo-Ja$$im]

داحم سارقه من الباتش الكوري لانه نفس الاسماء اللاعبين بالضبط

تحياتي

[غريب الحي]

شباب خلو الرجال براحته وهو ماقصر عارفين انه اضاف لاكن الإضافه تعطيه الأحقيه بالحاجات اللي أضافها وهو ما أضافها الا وهو داري انها راح تحسن من الشريط...

اما من ناحيتي اي شي يخلي الوننق الفن يصير 100% فهو يستحق التقدير من ناحيتي <<<< رأي


وداحم ماقصر وخلّى بعض الصور بالعربي ولو كننا نتمناها كلها بالعربي...

ولو تلاحظون أغلب إصداراته تلقى فيها الإضافه وهذا مو عيب ...

لاكن الإصدياد بالماء العكر لا أحبذه ...

وبالعكس داحم اعتبره من الأوائل اللي ابدعوا في عالم التحسين في الــ winning 11 ...

ودمتم ..

غريب الحي

[بـوسنيده]

لا تعليييييييييييييق

[da7imtuta]

تحياتي اخوي هتلر
ومن قال لك اني الترجمه للانجليزي انا مسويها ...
لو تمعنت انا قايل باتش الاصدار المعرب ..يعني تعريب وليس باتش انجليزي

وطبيعي اني ادمجه مع احسن نسخة باتش انجليزي جاهزه.
وكلمتك اني اضفت كم صوره بالعربي.....فهذا في كل الحالات يتعبر تعريب ..و كلمة تعريب تعني تحويل برنامج او جزء منه الى اللغه العربيه بدون تحديد الكيفيه , والا هي فقط عين الرضى وعين السخط.
ودائما وفي كل اصدار لي كنت ابين على اي باتش انا عملت اصداري , ولو رجعت لاصدار الفرق العربيه لوجدت اني ذكرت اني استخدمت نسخة وينديتا .
وحقيقه احب اوضح نقطه لهتلر الامارات ....انا ترجمت تعليق ياباني الى عربي ...فمهيب واقفه على ترجمة نصوص ظاهره ,
حقيقه رغم تقديري للاخ تشيلافرت والاخ توتي لكني استغرب عدم وجود موضوع للاخ هتلر يذكر جميع ملاحظته هذي عن باتشهم الانجليزي !!!!!ولم ارى تداخل من ولد البوكواره ... ولم ارى Bo-Ja$$im
يذكر ان الاسماء هي نفس اسماء الموجوده في باتشات اخرى .
ونقطه اخرى جميع الباتشات الموجوده كلها اعتمدت على الباتش الكوري لانه الاكمل او باتش supapuffy .
وبخصوص ولد البوكواره ....وكلمته انه ساتر علي.. :! انا سارق عشان تستر علي , صدق اللي استحو ماتو,
ردي هذا لكل من حب يتضح له الصوره , اما من هم على شاكلة ولد البوكواره فلا تعليق

[هتلر الامارات]

مرحبا جميعا

اخي ولد البوكوارة
ماعاش من يقولك حاقد وحسود
الحمدلله نحن نعرف اشياء ويمكن اكثر من اللي يعرفها داحم ولا شو رايك

=-=
انا لم اقصد الاساءة لك ياda7imtuta

وكان قصدي ان داحم توتا المشهور يعدل على باتش اجنبي مو من صنعه

قصدي ان تتعريب بسيط على باتش مو من صنعك وقاعد ينباع تعب غيرك اللي هم سوو الباتش وانت فقط عدلت في الباتش ليس الا

يعني بالعربي الفصيح قاعد تبيع تعب غيرك لاني اعتبر ان تعبهم في صنع الباتش 90% وانت 10% والا انا غلطان ياداحم

لان هذا هو الملاحظينه جميعا


وبالنسبة اخي da7imtuta على باتش شيلافرت وتوتي
مع اني ما جربته
لكن والله هذا اعتبره انجاز كبير لهم ولو كانوا معدلين فيه لانهم ما كانوا يبيعون اصداراتهم
لكن انت قاعد بيع باتش غيرك وانت المحترف في عمل الباتشات وتعديل الونينغ اليفن
وهم لازالوا في بداية الطريق واتمنى ان يكملوا لاني بصراحة اعجب بهالشخصيتين جدا خاصة الاخ شيلافرت واتمنى اني اقابله يوم واحد

تحياتي لكم
هتلر الامارات

[SiLeNcE]

السلام عليكم
اولا ياخ هتلر اسمك على مسمى فيه ظلم للناس
ثانيا الاخ عبدالرحمن فعل مثل ما فعله الاخ شيلفيرت اضاف صور عربيه يعني دمجها بالمعني الاصح بالباتش الكوري وهذا مو خطا لانه
قالنا قبل انه بيعرب الصور فقط ويعدل شعاارات الانديه ...
ثالث شي يكفيك ان عبدالرحمن اول شخص يغير في الملفات الصوتيه ويحولها لعربي هذا انجاز بحد ذاته عندك ايها الحسود
تقول تعرف اكثر من داحم والله ما شفنا لا باتشات ولا شي

[da7imtuta]

تصدق عاد مو من هوايتي الرد لكن بما انك رديت بدري وباتالي :
*/ كيف تفسر اني انزل الباتش للنت بانه بيع ..يا سيد هتلر
*/ في الموضوع تتهمني بالسرقه , وفي ردك تقول انك ما تقصد !! اجل وش كان قصدك
*/ لاتفسر كلامي في ما يخص الاخ تشيلافرت وتوتي بكيفك ...كلامي كان واضح ...وينك من نسختهم ووين ملاحظتك عليها ..هذا سؤالي انت وبقية المتحذلقين ..اما هم كاشخاص بالعكس اعتز بوجودهم والاخ تشيلافرت يكفيه انه اول من عرب برامج التعديل على we6fe


اخي ولد البوكوارة
ماعاش من يقولك حاقد وحسود
الحمدلله نحن نعرف اشياء ويمكن اكثر من اللي يعرفها داحم ولا شو رايك


الله يوفقكم جميع واتمنى من كل قلبي اشوف لكم شي ملموس غير النقد فقط .

ملاحظه اخيره لك ولكل متحذلق :
باتش الاصدار المعرب يقوم بترقية النسخه التجريبيه الى نسخه نهائيه , وبكذا تحصل على نسخه نهائيه وكامله للعبهة we7 ...ولو نزلت الباتش بهذي الميزه فقط لكانت كافيه ,, ولكن هي عين الرضى وعين السخط ..ترى ما تريد نقده وتترك اللي ما يعجبك

[القلم]

لا تعليق على الموضوع ..
---------------------------------------------------------------------
أخوي داحم هل بإمكانك التواصل معي على البريد والماسنجر :
qwqw_@hotmail.com (qwqw_@hotmail.com)
لموضوع أحببت أن أستشيرك فيه إذا ما كان فيه ازعاج ..

[alahmadi4ever]

السلام عليكم

اخوي da7imtuta

اول مشكور على الباتش

ثاني شي اقوله لك ترا العربي مايجي 20 % ؟؟

كلها بقائمة اللاعب مثل السرعه والمهاره

وشاشة البداية ؟؟

بصراحه تعبت على نفسك

ثاني شي انت تقول اللعبه كامله ونهائيه بعد دمج الباتش

للاسف كلامك خطأ 100000000 %

انا امس دامج الباتش ومجربه / يعني كلامي مو كلام واحد ثاني 0000000

وشكرا يالحبوب

ملاحظه / ياخي لاتزعل من ردود الناس ، ان كنت واثق من نفسك وش اللي يزعلك ؟؟

[A Step--ForWarD]

الاخ داحمتوتا فعلا الباتش مع اني ماكنت منتظره ولا عطيته خبر بس مخيب لأمال الشباب ماكان تعريب بالعكس كان تخريب بصراحه ترجمة القوائم الرئيسيه سيئه لو انك مخليها على ماهي ازين بعدين يا أخ داحمتوتا اعتقد ان الباتش تبعك مايستاهل اي انتقاد او بالاصح مايستحق عمل لجه علشانه لأنه سيء بمعنى الكلمه واعتقد انه اعطي اكبر من حجمه وانا مع الاخ هتلر لأنه فعلا قاعد تسرق جهد غيرك ما اعتقد ان ترجمة القائمه الرئيسيه وقوائم الطاقات تعتبر شيء مبذول فيه جهد بعد سالفة التعليق العربي الله يرحم والديك يتسمى تعليق مجرد كلمتين يقولها المعلق متكرره لاغير بدون ذكر اسامي اللاعبين انا اقولك احمد ربك انه فيه ناس مايدرون وش السالفه (طعوس) ممشين سوقك..

صدق اللي استحو ماتو=== اللي اختشوا ماتوا :)

[HArb200]

بصراحة داحم ماقصر .. واجتهد .. لكن يمكن اللي يعاب عليه .. انه كثر النسخ .. المفروض ينزلها مره وحده .. ولا يتعب ميزانيتنا:) ,,


ويااخ ستيب .. اذا الدعوى حسد .. السوق قدامك والفعل أمامك .. ورنا وش بتصنع !!

[الوصلاوي]

لا تعليق....

[A Step--ForWarD]

شكرا يا اخ حارب انت عطيتنا نفسك كمثال على اللي ممشين سوق داحمتوتا

عموما اعتقد ان ويننق 11 وترجمته متاحه للجميع والكلام اللي قلته مجرد رأيي الشخصي و زي ماقلت الويننق 11 وترجمته متاحه لأي شخص يبغى يترجم او يضيف اشياء بعد ادخل هذا الموقع وتعرف انه فيه ناس شغاله صح http://www.freeforumzone.com/viewdiscussioni.aspx?f=4567&idc=10

[بـوسنيده]

استهدوا بالله وكلنا اخوان

[HArb200]

يستاهل ياخي .. خويي وامشي سوقه .. !!

سبحان الله .. يااخي اذا مهوب عاجبك تعريبه .. لاتشتري .. واترك عنك اللقافه اللي مالها سنع ..

[sports]

السلام عليكم ورحمة الله ....
اولا الاخ القدير داحم توتا ... انت مبدع وستضل ذلك المبدع رغم ما قيل ولكل له الحق فيما يقول واقول لك يا اخ داحم من يعمل ينتقد واعتقد ان من يعمل هم قليل واحسبهم ثلاثة او اربعة وانت افضلهم ليس مجاملتا ولكنها الحقيقة دعوني اتسائل ولنتسائل معا
ماذا لو لم ينزل هذا الباتش المعدل لبتش الكوري ونزل فقط في الاسواق ؟؟ ... لقلتم انه طماع وما الى ذلك من هذا الكلام !!
ماذا لو لم يقم بتعديل اي شئ ولم ينزل اي شئ وريح نفسه ؟؟... لقلتم اين الاخ داحم توتا واين هو ولماذا لم ينزل ولماذا لم يعمل ولو على الاقل يعدل لوشئ بسيط على الاسماء !!
وياجماعة الخير من يعمل يخطأ وانتم لا تعملون انتم مجرد تنتقدون والاخ داحم يعمل ويخطأ ويصيب ولهو الاسبقية في ذلك ...
واذا كنا ننتظر من الاخ ذلك الباتش المتكامل يجب ان نعززه وندفعه الى الامام لتحسين واعطائنا كل ماهو رائع منه
ونظره سريعه الى الباتش .. المعرب ... كما اوضح الاخ داحم توتا من قبل ان ينزل البتش انه مجرد تعريب واضافة اليه بعض الامور المشكور عليها ... الكثير استفاد من هذا التعريب في معرفة الطاقات وما الى ذلك و الكثير الكثير من ذلك التعريب ...
على العموم رسالة الى الاخ داحم انت على الطريق الصواب وكما قلت لك ان من يعمل ينتقد ومن يبدع يكون محط الانظار وكفايه انك محط انظار الجميع والجميع هنا يود ان يكون في مكانك فمشكور يا الاخ العزيز على ماتقدمه وما قدمته ... و الى الامام بحفظ الله .........

واقول الى الاخوة وباختصار الى الاخوة المتحذلقين اذا كان هذا الباتش مب عاجبكم ففي حل بسيط و بسيط جدا اعملو دليت الى الباتش .... و لاتنسون ياليت انشوف باتش لكم في المنتدى ها ;-) ودخيل الله على الاقل لو نسخة من باتش داحم وغيرو الاسم بعد قابلين :أفكر:

وسلامتكم

[البرررررنس]

ياجماعة وش فيكم على داحمتوتا

كل واحد يجتهد وفي المصيب وفي المخطي

خلوكم واقعيين وبطلو تصيد اخطاء بعضكم البعض عشان تعم الفايدة

حتى لو كان الباتش اللي وضعه غير المتوقع

يكفي انه ادلى بدلوه وهذا شي يشكر عليه

[هتلر الامارات]

اخواني الاعزاء

انا لم اقصد الاساءة لشخصية داحم وكان قصدي ان داحم الكبير يعدل على باتش يعني مو هو مسونه

يعني جذي يثبت ان اغلب باتشاته تعديل فقط

وبالاخير تنسب لاسمه

يعني انا لو رحت وعدلت باتش وي دو ات وكتبت فيه على لوحات الاعلانات موقعي اللي والله متلعوز بسبته وعدلت كمن صورة وغيرت اللبس ماشاء الله عندنا محترفين في الامارات في صنع اللبس مثل الاخ وصلاوي

أكيد بيساعدني

هل يعتبر اني مسونه ولا تعديلي بس

اتمنى من الجميع يخبرني ويقول رايه

واتمنى من محبي داحم وانا واحد منهم انهم ما يزعلون لكن ابغيهم يردون علي بكل صدق

لان هذا في مصلحة الجميع ويمكن لداحم توتا بروحه علشان مرة ثانية يتجنب هالاخطاء ويثبت انه على صواب
وعلشان يثبت للكل انه داحم توتا المبدع العربي <<=-=-والله كلامي مافيه طنازه
وانا اول ما اشوف شريط لداحم على طول اشتريه

=-
وعن اخواني اللي قالوا لي يوم مو عاجبنك لاتشتريه
بخبركم اني ما اشتري اشرطة احب اني اسوي شريط بروحي
الا اشرطة داحم اشتريها على طول

والنسخة7 دمجتها مع الباتش ومستحيل اشتريها وادمجها مع قائمة داحم توتا لاني ما اعتبرها منه

ودمتم سوالم :)

[هتلر الامارات]

ونسيت اخبرك اخ داحم توتا

انا عندي نسختين من ونينغ اليفن7
وحدة اصلية مشترنها من الانترنت

والثانية نزلتها من الانترنت

والاثنين مافيهم فرق حتى فيالمعلومات والصور

يعني شو اللي بيخليه نسخة كاملة ولا تجريبية:D

[fallen angel]

يا جماعه يا عرب ياهووووه ,,,, دي مجرد لعبه,,, لا تستحق كل هذه الضوضاء,,,, فيه مثل عندنا بيقول... قال يابا عامني الهيافا ..قالوا تعالي في الهايفه واتصدر..........
هوه احنا دايما كده نعمل من الحبه قبه,,,,,الباتش بتاعه ولا مش بتاعه اهو كلو لعب يا عالم,,,,,,,,كبروا دماغكوا باه

[بـوسنيده]

يا جماعه يا عرب ياهووووه ,,,, دي مجرد لعبه,,, لا تستحق كل هذه الضوضاء,,,, فيه مثل عندنا بيقول... قال يابا عامني الهيافا ..قالوا تعالي في الهايفه واتصدر..........
هوه احنا دايما كده نعمل من الحبه قبه,,,,,الباتش بتاعه ولا مش بتاعه اهو كلو لعب يا عالم,,,,,,,,كبروا دماغكوا باه



صحيييييييييح

[walhan2cu]

...
اخي داحم..

مشـــكور وماقصرت....
وعساك على القوه..
فـانت شجره مثمره ..لذلك يرمونك الاقزام لانهم لايستطيعوا ان يصلوا لك..

ننتظر اصداراتك..

ولالا يهمونك..

[مزاااجي]

اولا انا ملاحظ ان مشرفين هالمنتدى لاهين ،، ودايما تصير هوشات ولا نشوف اي تصرف منهم


يا شباب الاخ داحم اذا هو سوا شيء فهو مشكور حتى لو كان فيه اخطاء

صحيح انه استغلالي لكن ممكن هذا هو دخله الوحيد والله يرزقه

طبعا بتقولون وشلون استغلالي

اول نسخه عدل فيها داحم توتا كان معدل في الطاقات

ونزلها في المحلات وكاتب على الغلاف ( ويننق ايلفن المعرب) انا اول ما شفت الغلاف قلت ما شاء الله بحصل كل شي عربي

وما لقيت الا الطاقات


ماهيب هنا المشكله: المشكله انه يستغل باتشات العالم في البيع وهذا حرام

لأنكم يا شباب ما تدرون التعب اللي يصير للي مسوي الباتش ومع هذا يحط راعي الباتش نسخته على الانتر نت

ثم يجي الاخ داحم ( وانسخ وعدل بعض اللوقو وحط دعاياتك ويله بيع )


على العموم اخ داحم بعد كل هالكلام كانك ضعيف وهذا مصدر دخلك

الوحيد عاذرك بصراحة والله يرزقك ويستر عليك ،،

يا مشرفين قفلوا الموضوع والا تصرفوا عيب

[sleem]

وين رايح يا fallen angel

العملية فيها تجارة وضحك على الذقون وستقفال للاعضاء

مع ذلك ماشفنا اي توضيح عن عملية تحويل النسخة التجريبة الى كاملة

وماذا تغير في اللعبة بعد اضافة الباتش سوى اللوحات الخلفية وبعض

العبارات اللي فاهمينها من قبل لاشفنا لاسرعة ولانعومة ولاتصحيح

اخطاء مشكلتنا انا مانقبل النقد ويستهوينا المديح فقط

وشكرا

[عبـود]

...
اخي داحم..

مشـــكور وماقصرت....
وعساك على القوه..
فـانت شجره مثمره ..لذلك يرمونك الاقزام لانهم لايستطيعوا ان يصلوا لك..

ننتظر اصداراتك..

ولالا يهمونك..

;) ;) ;) ;) ;)

[عبـود]

اولا انا ملاحظ ان مشرفين هالمنتدى لاهين ،، ودايما تصير هوشات ولا نشوف اي تصرف منهم


يا شباب الاخ داحم اذا هو سوا شيء فهو مشكور حتى لو كان فيه اخطاء

صحيح انه استغلالي لكن ممكن هذا هو دخله الوحيد والله يرزقه

طبعا بتقولون وشلون استغلالي

اول نسخه عدل فيها داحم توتا كان معدل في الطاقات

ونزلها في المحلات وكاتب على الغلاف ( ويننق ايلفن المعرب) انا اول ما شفت الغلاف قلت ما شاء الله بحصل كل شي عربي

وما لقيت الا الطاقات


ماهيب هنا المشكله: المشكله انه يستغل باتشات العالم في البيع وهذا حرام

لأنكم يا شباب ما تدرون التعب اللي يصير للي مسوي الباتش ومع هذا يحط راعي الباتش نسخته على الانتر نت

ثم يجي الاخ داحم ( وانسخ وعدل بعض اللوقو وحط دعاياتك ويله بيع )


على العموم اخ داحم بعد كل هالكلام كانك ضعيف وهذا مصدر دخلك

الوحيد عاذرك بصراحة والله يرزقك ويستر عليك ،،

يا مشرفين قفلوا الموضوع والا تصرفوا عيب

الي يسمع كلامك يقول ان الرجال ساحبك من اذنك .. وغاصبك تشتري ..

ياخوي اذا ما اعجبك .. لا تشتريه ..

ولعلمك ان كل اصدارات داحم نازله على شكل باتشات .. واذا تبغى اجيب لك المواضيع الي فيها باتشات كل اصدار .. اجيبه لك .

لكن الحقد اعمى

[fallen angel]

يااخ سليم هو احنا بنشتري حاجه ...ماهو كلو download للباتش وادمجه مع اللعبه... وسام لي علي الترماي....
مارك توين قالها كلمه<< العالم مليء بالحمقي ولولاهم ما حقق غير الحمقي اي نجاح>>
فاهمني

[هتلر الامارات]

ابغي اعرف شي واحد اخواني

انا ما وضعت هذا الموضوع الى علشان اشوف النقد

وانتوا قلبتوه اني غلطان

اخواني اتمنى انكم تنتقدون وتقولون اللي في خاطركم

لان هذا اخر شي في مصلحة داحم توتا

وانا ما بستفيد منه اي شي

يعني لولا محبتي لداحم لما انتقدته

وارجع واقول اتمنى اني اشوف اصدار كامل بيدك كما عودتنا يامبدع

[QataR NighTMarE]

السلام عليكم ورحمه الله وبركاته

حقيقه رغم تقديري للاخ تشيلافرت والاخ توتي لكني استغرب عدم وجود موضوع للاخ هتلر يذكر جميع ملاحظته هذي عن باتشهم الانجليزي !!!!!ولم ارى تداخل من ولد البوكواره ... ولم ارى Bo-Ja$$im
انا ماجربت باتش شيلافيرت وتوتي لأني كنت انتظر باتشك

وبخصوص ولد البوكواره ....وكلمته انه ساتر علي.. انا سارق عشان تستر علي , صدق اللي استحو ماتو, ردي هذا لكل من حب يتضح له الصوره , اما من هم على شاكلة ولد البوكواره فلا تعليق
اول شئ انا قلت مثل الكل يقوله الستر زين مجرد مثل لا يودي ولايجيب
ثاني شئ شوف انا لو ابي اطلع عيوب كل باتشاتك مستعد اطلعهم لكن للعلم انا لم اجرب ولا باتش لك سوى الباتش وننج7
باتشات وننج6 ولا شريط لك انا شريته لأن انا اسوي اشرطتي لي وبنفسي فماحتاج اني اشتري شريطك

اما من هم على شاكلة ولد البوكواره فلا تعليق
شنو قصدك ياريت توضح

الله يوفقكم جميع واتمنى من كل قلبي اشوف لكم شي ملموس غير النقد فقط .
مالومك انت من متى تجي المنتدى تدخل بالشهر مره تحط اعلان وتمشي
انا ماقصد التفاخر اوكي
لكن انا لي لمساتي في منتدى الوننج ايلفين والحمدلله كل الأخوان يشهدون لي
واللي عنده كلام غير هذا يقوله
اذا انا مالي لمسات في منتدى الوننج ايلفين ياريت حد يقولي
وكمثال
موضوع الباتش المتكامل واللي اخترب للأسف
لكن انا وعدت الأخوان اني احط موضوع اخر بعد عده ايام اول ما انتهي منه
فأعتقد ان لي اشياء ملموسه بمنتدى الوننج
ومساعدتي للكثير من الأعضاء ايضآ
انا لا اقصد التكبر او المن على الأعضاء
لكن قصدي اوضح للأخ داحم توتا ان لي لمسات اذا انت ماتشوفها فهذا مو شغلي
ولو انا ما لي لمسات لما اختاروني
افضل عضو في منتدى الوننج ايلفين
ولا اختاروني كصاحب
افضل موضوع في منتدى الوننج ايلفين

واقول الى الاخوة وباختصار الى الاخوة المتحذلقين اذا كان هذا الباتش مب عاجبكم ففي حل بسيط و بسيط جدا اعملو دليت الى الباتش .... و لاتنسون ياليت انشوف باتش لكم في المنتدى ها ودخيل الله على الاقل لو نسخة من باتش داحم وغيرو الاسم بعد قابلين
ادري ان الكلام هذا موجه لي
لكن برايك شنو الأفضل
اني اقدم لك شئ http://www.montada.com/images/smilies/rolleyes.gif
او
اني اعلمك كيف تصنع هذا الشئhttp://www.montada.com/images/smilies/rolleyes.gif
ياريت اشوف ردك على سؤالي اخوي

[taker 2003]

انا اشوف الغيرة بدت بس لإحقاق الحق الأخ داحم هو الوحيد اللي يجتهد ويعمل ويعرب وبعض الاخوة طايحين فيه نقد ياخي اعملوا مثل ماعمل داحم ونافسوه افضل من انكم قاعدين تنقدون اعماله والحين هو اول واحد منزل تعليق عربي اتحدى اي واحد يعمل مثل الذي يفعله داحم
وباب المنافسة مفتوح للجميع
مع إحترامي لجميع الاعضاء

[QataR NighTMarE]

اخوي taker 2003
الحين يعني بس داحم توتا
هو اللي يشتغل
مع احترامي الكبير له
عندك
شيلافيرت
توتي 10
توتي
بوسنيده
والكثير الكثير
ذول كلهم وين راحواhttp://www.montada.com/images/smilies/smile.gif

[taker 2003]

اخي ولد البوكواره لاتسيء فهمي اعلم انا في منتدى ويننيق إليفين اعضاء مبدوعون مثل توتي وشيلافيرت وبوسنيده وولد البوكواره وتوتي 10 ولكن هناك اشخاص في السعودية لا يعرفون إلا داحم فيعني لو نزلت السوق ابي اشتري اصدار معرب لوينينق إليفين لا يوجد ولانعرف إلا إصدار داحم توتا اما بالنسبة لكلامي إلي قلته فعلاً لا نرى إلا اصدارات داحم توتا في الأسواق واتمنى من كل قلبي ان يوجد شخص من اعضاء هذا المنتدى الغالي وينزل اصدار في الأسواق ينافس به اصدار داحم لكن إلا الأن لايوجد ولكني انتظر احد المبدعين من هولاء الأعضاء من الذين ذكرتهم سابقاً نعم هناك من يجتهد وخاصة الأعضاء الذين ذكرتهم وياليتهم ينزلون إصدار معرب كامل أفضل من الإصدارات المعربة التي نزلت بالسوق فالمنافسة تولد التطور والتقدم وان لا ندع فرصة للنقد الغير بناء ولمن يريد إشعال الفتن بين اعضاء المنتدى وشكراً
اخوك taker 2003

[sports]

بوكوراة انا ما حبيت افتح النار على مواضيعك !!؟
ولكن انت الذي فتحت الموضوع ... هل تعلم ان كل مواضيعك مقتبس من كتاب غيرك !!؟ مجرد تدخل جملة مني ومناك ازياده واتقول ان الموضوع لك وانك انت صاحب العلم .... هيهات يا ولد البكواره ... ترى هذه المواضيع الي تنسخه نسخ احنا عارفينها يا حبيبي وكان المفروض منك انك تذكر المراجع و المواضيع المقتبس الي انت تنشرها في هذا المنتدى باسمك ؟؟ للاسف نعيب ... و العيب فينا ... اعتقد انك فاهمني زين ...ولا ضحكتني يوم اتقول اعلمك !!؟ خل العلم لهله يا حبيبي ... واقول ابنقلك العلم ((بالكوبي بست )) ..............
فاعتقد الان انكشف من هو الي يغش في هذا المنتدى يا ولد البكواره
وسلامتكم

[taker 2003]

ارجوا إقفال الموضوع

[Cyber Master]

داحم توتا تدري ليه هم يعتبرون هذا الباتش فاشل؟
بينما لو صدر اقل منه من غيرك ماأنتقدوه وعتبروه جيد ؟
لأن الأنتقاد للمبتدىء لابد يكون اقل من انتقاد المحترف ولانهم يتوقعون منك اكثر من كذا شي يليق بسمعتك والتركيز على اصداراتك هذا دليل على انها الأفضل لذلك حنا نتمى منك انك تحاول تستفيد من الأنتقادات والأقتراحات لأنها هي الى تطور الواحد والمفروض تفرح بها بالعكس اذا محد انتقدك هنا مفروض تزعل وتعرف انه محد مهتم بعملك
طبعا الأنتقدات المحترمه بدون تجريح
وتحاول تعطى الباتشات حقها ومتسع من الوقت اكثر عشان تكون باتشات متكامله لأنه اذا زاد الشي عن حده انقلب الى ضده

وملاحظه للشباب ترا مافي باتش كله 100% شغل شخص واحد حتى الباتشات الأجنبيه تعتمد على باتشات اخرى مافيها عيب اذا ذكر ذلك
بس ربما كان الأصدار هذا مافيه جهد كبير من قبل داحم لكن ممكن هذا يعتبر اصدار أولي للي مستعجلين على اللعب

[QataR NighTMarE]

اخوي تيكر اسف لأني فهمتك غلط والسموحه اخوي:)
اخوي سبورت
اول شئ كلامك موب واضح
ثاني شئ اعتقد اني فهمت كلامك
انت تقصد انا اسرق مواضيع غيري
حبيبي ممكن تجيب دليل:)
ابي بس دليل
وثاني شئ
انا من متى اسرق غيري
كل دروسي انا اعدها بنفسي
وانت ماعندك اي دليل
فشلون تجي وتتكلم عن شئ انت ماتعرفه
انت شفتني انقل
انت شفتني اعد الدروس
رجاء اخوي عندك دليل تكلم
ماعندك فلا تتكلم وتطلع كلام مادري من وين جايبه
وانا بأنتظار دليلك

[باتيجول]

الانسان تراه مو معصوم من الخطاء ياخوان لكن اللي سواه داحم توتا هو فقط تعريب يعني نسخ وتعديل ولصق

وبعدين تتكلمون عن السرقة ترا الباتشات هذي وجميع التعديلات اللي تصير على الويننج اليفن تعتبر قرصنة ليش لانكم قمتوا وعدلتوا على نسخة شركة كونامي الاساسية باليابانية ... ارجو الا يفسر كلامي خطا وانا عارف اني مسوي فاهم احيانا لكن كلمة الحق لازم تنقال ( يعني افهمها ياولد البوكواره انت واللي معك )

[QataR NighTMarE]

السلام عليكم
اخوي باتيجول
هم صحيح الأنجليز بدلوا وقرصنوا لكنهم ماطلبوا شئ مقابل هذا الشئ
ينزلونه بالنت وفقط
اخونا داحم صج نزله بالنت
لكن بنفس الوقت باعه واخذ فلوسه

( يعني افهمها ياولد البوكواره انت واللي معك )
اوكي ممكن اعرف ليش انا بالتحديد
ليش تم وضع اسمي انا بالتحديد
ادري انك قلت واللي معك
لكن اسمي انا الوحيد الظاهر
ليه ؟

[Baggio 4 Arab]

يا جماعه انا قريت الموضوع و الردود كلها .. بس ما ودي اتناقش فيها

ترى كلنا أخوان .. ومثل ما قال أخوي بو سنيده


استهدوا بالله وكلنا اخوان

[عماد 18]

ما اعتقد ان اخوي عبدالرحمن ذكر في احد ردوده ان الباتش من تصميمه كليا :) ..
لذا هالموضوع ما له معنى ..
يا حبكم للمشاكل بس ..

تم اقفال الموضوع ..