فرصة .. لكل من يريد كشف فضائحه

[فاضح الدجالين *]

كل واحد يدش و يكتب رد , موافق , أو غير موافق .
الفرصة هي , أن كل واحد يسجل معانا و أنا سأقوم بتأليف قصة عنه في كيفية قضاء يومه ( من أوله لآخره )

بسرعة ردوا , ترى وراي رحلة لمانشستر , لأن ديفيد بيكهام طالبني شخصيا لحضور حفل زواج ولده بروكلين , يا الله ترى ما عندي وقت

[Dextar]

انا موافقة.

[Revolutions]

انا موافقه اقصد انا موافق

[فاضح الدجالين *]

الانسة العزيزة ديكستر : ( قصة يوم كامل )
قامت ديكستر من النوم الساعة 11.23 صباحا و طبعا هذا بعد محاولات أمها التي دامت 20دقيقة , لأن حضرة المدموزيل ديكستر كانت ساهرة على الإنترنت ترد على موضوع سكوال , زكريات الطفولة , ما أدري شنو قاعدة تتذكر الساعة 2.41 صباحا عن ذكريات طفولتها , و كعادتها يوميا نست تشرب عصير البرتقال اللي حضرته هنديتهم ( كوماري ) و شربت بيبسي و طبعا هي تخالف رأي سوسن ( صديقة من المنتدى ) اللي يا ما حذرت من تناول البيبسي لأنه صديق أمريكا .
شربت البيبسي , و بعدين كملت قراءة كتاب ( كيف تصبح أمركيا ) - و بيني و بينكم ترى ديكستر حالفة من أول ما خلصت الإجازة إنها تقرأ هذا الكتاب كله و اللي إنتوا ما تدرونه إنها تقرأ يوميا سطرين ( مسكينة وايد مشغولة ) ..
بعد ما خلصت القراءة اليومية ( تبي تصير مثقفة ) , انتقلت إلى الإنترنت و كانت الساعة 1 ظهرا . قعدت ساعة و نص .. و بعدين نادت عليها كوماري و تقولها : يا الله بابا غدا غدا .
بعد ما تأففت , قامت من كرسيها و راحت تأكل مع الأهل و خلصت الساعة 4.50 , ( كل هذا غدا) ورجعت على المنتدى تكمل المشاركات , لأنها هي و سورا عاملين رهان منو اللي يوصل حق 3000 مشاركة . و ديكستر المسكينة ( طايح حظها ) للحين ما كملت ال600 مشاركة , فلازم تستخدم كل الوسائل المتاحة ( شريفة أو غير شريفة .. المهم الفوز ) .
و مسكينة كل يوم على هذا المنوال ( ما تمل ) .. لكن اليوم خطر لها خاطر إنها روح تتسوق على الإنترنت ( تبي تصير مشهورة أمام رفيقاتها في المدرسة ) .. دورت و دورت و ما لقت غير أمازون تتسوق من عنده .. بعدين وجدت طيارة مكتوب عليها 120000 $ .. عجبتها و قررت إنها تشتريها , مو قاعد اقول لكم ( طايح حظها ) قرأت السعر كانه 120$ و اعتقدت ان الأصفار عبارة عن سنتات ( على منو تبين تصيرن مثقفة ) ..
و طيعا كان معاها كرت أبوها مال البنك ( بنك الراجحي ) و اشترت هذي الطيارة اللعبة ..
و أكيد إنكم عارفين شنو اللي صار فيها .. مسكينة أبوها ما خلاها .. علشان كذه ما كانت موجودة في المنتدى الأيام الماضية .. لأنها كانت هربانة إلى السودان ( ما أدري ليش ما تواجه الموقف بشجاعة ) ..
و كاميرة مصورنا إلتقط صورتها و هي متنكرة في زي رجل سودانب .. بس على منو ..

[Dextar]

شكرا شكرا .

(في اشياءمن القلتها اسوية)

[فاضح الدجالين *]

العقو يا ديسكتر .. بس يا ريت تقولين بيضنا الوجه أو لا ..

[Dextar]

بيضة الوجة وزيادة.

[فاضح الدجالين *]

تسلمين يا الغالية ..
الآن إنتظروا قصة شون مايكل

[ارفين]

انا ما اوافق:(

[AmoooR]

ارفين انطم ,,,,,,,,, أنا موافق

[violet angel]

أنا موافق
-----------
خخخخخخخخخخخخخخخخخ
الله يقطعك ذي قصة تبيض الوجه انت ووجهك
----------
قبل لا اشوفها
----------


دكستر شنو سويتي بالطيارة ممكن تسلفيني اياها انا عارف
انها طيارة مشاكل عشان كذا باخذها و اطيح فيها و اول
ما اطيح فيها اشوف تعور الطيحه ولا لا ايه هين عاد قابلوني
اذا جيت رديت عليكم بعد الطيحه

خخخخخخخخخخخخخخخخخخخخخ


(( يستهبل هو ووجهه ))

[Dextar]

خذها لكن مو اذا صارلك شي تروحون تشتكون علي
انا مالي شغل. :cool: :cool: :cool:

[ارفين]

كتب العضو (كايتو كيد)
ارفين وافق تكفى ,,,,,,,,, وانا بانطم

كخخخخخخ الا قل من الي معلمك كلمة انطم.....( الوراعين كبروا):)

[فاضح الدجالين *]

حبينا : شون مايكل ( قصة يومك السعيد )

قام الأستاذ شون مايكل من النوم الساعة 8.46 صباحا , و للعلم ترى قام غصبا عليه لأن أمه لازم تروح حق الجامعة لأنها معيدة و أبوه مسافر حق الإكوادور لأن عنده بيزنيس. و طبعا أمه نالت نصيبها من حركات شون مايكل , لأن حرام شون .. كل يوم يحلم في مصارعة , مرة مع ستيف أوستن و مرة مع برت هارت .( مسكين لأنه حرام في مبارياته الأخيرة في بطولة المدارس خسر المباريات ال15 و إحتل المركز الأخير بجدارة لأنه ضامن هذا المركز ) ..
قام شون و هو معصب و كان عليه إنه يهتم بإخوانه الصغار ( مسكين منحوس ) خاصة إنه مواعد الربع ( الأصدقاء ) علشان يروحون لسوق الفيصلية .. طبعا إخوانه ما هدوه ( تركوه ) أول شيء : جهز لمزنة حليب نيدو ( مسكينة ها البنت قاصين عليها , قايلين لها إنها إذا شربت حليب نيدو راح تفر روس شباب منطقة الرياض ) و بعدين راح ساعد اخوه مايكل أوين على لبس ملابس فريق ليفربول لأنه عند مباراة مهمة ( حتى أخوه الصغير حظه أحسن من حظه ) . و بعدين غير ملابس عمشة علشان يغير الحفاظ ..
مسكين ما وجد الحفاظ و أخته الرقيقة مو متعودة إلا على حفاظ بامبرز .. ركب سيارته الشفر موديل 90 و حط إخوانه في الخلف و على حظه النحس السيارة كانت خالية من البنزين . مشت شوية و توقفت في الشارع الرئيسي و إضطر يأشر لأي واحد يتكرم يأتي و ينقذه من هذه الورطة ..
واحد هندي تكرم و وقف السيارة و ركب شون و إخوانه في السيارة ( دبة السيارة يعني في الخلف ) .. حرام و الساعة 1 ظهرا و إخته تصيح و تبكي .. و أخيرا وصل إلى الغنيم ( الولد راقي )..
و بعدين راح حق قسم الحفايظ و لحسن حظه .. ما بقي إلا قطعة واحدة و لما خذاه علشان يشتريه .. قاله البائع 230 ريال .. شون رد وقال ليش فقال البائع هذا سعر آخر قطعة عندنا في الغنيم .. و بعد هواش و تناجر صار السعر 200 ريال , و لما طلع المحفظة ما لقى و لا فلس .. حرام وجهه صار أحمر مثل الطماط ..
و بعد الكلام اللي تعرفونه مثل الله يخليك و المسامح كريم .. وافق البائع على مسامحته بشرط أن يعمل في الغنيم طوال اليوم علشان يعوض القطعة الأخيرة ..
حبيبنا شون اشتغل في قسم الصور التراثية و صور أول صورة سنعة في حياته .. و في الوقت اللي كان فيه شون يشتغل كان أرفين في سوق الفيصلية مع الربع .. و لما وصلوا بيوتهم الساعة 12 مساء ( نص الليل ) .. قام أرفين و اتصل بشون و يقوله آخر مغامراته العاطفية في سوق الفيصلية و بس عليكم إنكم تتخيلون شكل شون و هو يسمع كلام أرفين ..

على فكرة هذي هي الصورة اللي صورها شون .. سنعة .. صح

[AmoooR]

كتب العضو (ارفين)


خلاص أنا انطميت آخر مرة والله آسف
خلاص مسامحك بس لا تصيح

[Dextar]

حظة نحس.

[فاضح الدجالين *]

قولوا رأيكم قي القصتين ..
----------------------------------------

و باالنسبة ل كايتو كيد و violet angel
قصتكم راح تكون بكرة ..

[ارفين]

كايتو كيد ياشيييين التقليد......الحين انا ابصم بالعشرة اصابع:) انك بزر

[Revolutions]

ياهههههههههههههه الاخير مره وحده وما اقول الا الله يسامحك.........;)

[فاضح الدجالين *]

المهم .. عجبتك و لا لأ

[AmoooR]

أكبر منك يا ارفين يا كبير انت
أنا أمزح معك لاتزعل ;)

[Revolutions]

والله اعجبتني

[AmoooR]

تسلم يا شون مايكل ......... ارفين أنا آسف لا تزعل

[Revolutions]

ما اقصدك انت اقصد الي كتب القصه ياهههههههههههههههههههههههههههه

[AmoooR]

ههههههههههه (متفشل من جد ) على العموم شكراً

[داج2222]

مواااااااااااااااااااافق بدري شوي بس موافق

[FSM]

احم

وين قصتي

[sora]

أنا موافقة

[Dr.Lucifer]

موافق يا فاضح

[ارفين]

وش دعوه ازعل منك يا كايتو كيد

[MEL C]

انا منافق .. سوري .. موافق:)

[فاضح الدجالين *]

قصة كايتو كيد : المصاصة الضائعة
قام كايتو كيد من النوم و هو معصب لأن الأستاذ كايتو كان قاعد يحلم إنه يحل إحدى القضايا الشائكة ( مثل ما يقولون في الكرتون ) , و للأسف أخت كايتو الصغيرة قصت حبل أفكاره ( على فكرة إسمها شيزورو و اللي يبي يتعرف هذي فرصته لأن كايتو بالجامعة :) ) و قومت كايتو من النوم علشان الأخت مواعدة صديقاتها إنها تروح معاهم إلى الحديقة و كايتو المغلوب على امره لازم ينفذ الأوامر .
و شرب عصير التفاح و إخته شربت عصير مانجا ( و لا واحد مغسل أسنانه ) , و ركبوا في سيارة كايتو كورفيت موديل 96 و هذي معلومة للبنات مثل سورا و رينوا - ترى كايتو ولد نعمة لا تفوتونه - و راحوا الحديقة العامة و كايتو ما نسى يأخذ معاه كمبيوتره المحمول علشان يشارك في المنتدى علشان كل ما يشارك أي واحد إسمه كونان يروح يرد علشان يقولون إن كايتو ليس أقل ذكاء من كونان و أخيرا وصلوا إلى الحديقة العامة , و شافت شيزورو صديقاتها و كايتو ينطر ( ينتظر ) أخته في السيارة ( حسباله راح تخلص بسرعة ما يدري إنهم بدوا يحشون في خلق الله و حتى لو صارت الحرب العالمية الثالثة لا أحد يقدر يخليهم يسكتون ).
و فجأة سمع كايتو صرخة , عرف إنه شيء حصل, و شاف وحدة من صديقات أخته المصون قاعدة تبكي سأل عن السبب قالوا له إنه مصاصتها ضاعت ( أو أحد سرقها ) و كايتو ما صدق خبر ( صار له 10 أيام مو حال و لا قضية ) فراح يجمع الأدلة و الشهود و كان أحد الشهود رجل عجوز طايح حظه , سأله كايتو إن كان قد شاف شيئا فرده عليه شريت لي شيء ( مسكين كايتو أهم شاهد و أطرش ) , الشاهدة الثانية كانت أخته اللي ما ردت على سؤال أخوها إن كانت فد شافت شيئا و استمر التحقيق طوال اليوم و راحت عليهم وجبة الغداء المجانية في بيتزا هت ( لأنه كان يوم مفتوح ) و وجبة العشاء في بيرجر كنج ( لأن خالتهم عازمتهم على العشاء ) ,
مسكين حظه اليوم نحس و حتى المنتدى ما شارك فيه ,
و في الخير خمنوا من طلع السارق أو بمعنى أصح الشره اللي يحب يأكل ..
طبعا عرفتوه .. هو ... آسف .. هي .. شيزورو أخت كايتو بعد جهد و عناء طويل

صورة كايتو بعد معرفة الجاني:
و هو يقول : الحقيقة تنتصر دوما

[الأسد الشرس]

موافق

[فاضح الدجالين *]

لا تخافون كل واحد و دوره

[sul911]

**********300*********
أنا موافق*******300*******

[Revolutions]

ياههههههههههه حلوه حقت كايتو كيد

[بيل قولد بيرج]

فاضح الدجالين؟؟؟
المشكلة انه دجال
اقول
انا ابيك تفضحني
اشوف قوتك