محتار GeForce 5600 FX أو GeForce 4800 8x [الأرشيف]

BLACK _G

25-08-2003, 03:49 PM

السلام عليكم

شباب انا محتار جدا آخذ GeForce 5600 FX أو GeForce 4800 8x سويت شويت اختبارات عليهم ولاحظت تفوق الأخير في الأداء والأول تفوق في الوضوح ونقاوة الصور وهذا الاختبار
http://www17.tomshardware.com/graphic/20030311/index.html

الي مخليني ماآخذ GeForce 4800 8x لأنه مايدعم DirectX 9 والا كان أخذته على طول ولاتقلولي في درايفرات تخلي كرتك يدعم أعتبر هذا كلام فاضي.

معليش هذي قصة صغيرة عن دايركت اكس9 والدرايفرات:
قبل يومين شريت RISE OF NATIONS (الله ياخذها) وطلب مني أحمل DX9 وكرتي Geforce 2 mx وأنا (الغبي) على طول حملته وبعدها ولا لعبة اشتغلت في جهازي!!!!!! رحت موقع نيفيدا ولقيت درايفر يدعم DX9 نزلته ولكن نفس شي ولا لعبة تشتغل وبالذات العاب الي تطلب DX8 شفتوا كيف كلام فاضي.

موعد الشراء : بعد يومين أو ثلاثة أذا تأخرتوا في الرد !
الميزانية: 900 ريال ممكن زيادة 300 ريال لو شي يستحق.
الجهازعلى السريع:
P4 2.4 800FSB
865 NEO MSI
512 DDR400
80GB
العاب: UT2003 , C&C GENRALS , MAFIA

الخلاصة GeForce 5600 FX والا GeForce 4800 8x

معليش على التطويييييييييييل وشكرا.

supernova

25-08-2003, 04:54 PM

عجيب ليه محتار ؟؟

خذ GeForce 5600 FX بدون تردد

أفضل ويدعم DX9

تحصله عند الشدادي ب 900 ريال أبو 256 ميجا ومبروك عليك الكرت ;-)

فاضل711

25-08-2003, 05:05 PM

لا تتردد في أخذ أف أكس 5600

أنا توني شريته

الصراحة روعه

بتشغل جينيرالز بشكل خيالي!

اسأل مجرب ولا تسأل طبيب

و الأف أكس 5600 vtdr 128mb أخذ جائزة أحسن كرت من كل النواحي (السعر. الأداء ....الخ)
و صار toms hardware editors choice!

MoaeD

25-08-2003, 05:23 PM

اناا اعرف ليه انت محتار لأنه سعر الTI4800 تقريبا حول سعر ال5600 هنا عندنا

السبب انه الTi4800 فيه منفذ TV in و Tv out و Dvi زياده على منفذ الشاشه المعتاد

بينما الFX5600 لا يوجد به عدا منفذ الTV out من نوع Svidio

واللي يخلي الFX5600 بهذا السعر الغالي هو انه اداؤه يتفوق على الTi بمراحل كبيره :)

ارجو انك ما تتردد بأخذ الFX5600 لأنك مثل الباقين راح تلاحظ فرق الأداء الكبير عن باقي العوائل :)

خصوصا في Doom3 احد الألعاب القادمه التي صمم من اجلها الFX :)

فاضل711

25-08-2003, 05:47 PM

صلح معلوملتك

شوف الصحيح هنيه

الأف أكس 5600 فيه منافذ في هذا الbundle

دش الوصلة:
http://www6.tomshardware.com/graphic/20030714/vga_card_guide-70.html

سنكرس

25-08-2003, 05:53 PM

أوافق كلام أخوي MoaeD , الـ FX تقنية جديدة , ويضمن لك عمل الألعاب بشكل جيد لفترة أطول ..

الـ Ti أكل عليها الدهر وشرب :) , صحيح إنها تقنية قوية وممتازة وتقدم أداء رائع ايضا , وستكون مناسية جدا للالعاب المستقبلية أمثال دووم3 , لكن يظل الـ FX أجد وأفضل , ولا تنسى الدعم الكامل لـ DirectX 9 الي بيساعدك في الألعاب القادمة بشكل ممتاز ..

أقترح عليك الإنتظار قليلا حتى تسمع رأيي بقية الأعضاء ..

MoaeD

25-08-2003, 06:41 PM

صلح معلوملتك

شوف الصحيح هنيه

الأف أكس 5600 فيه منافذ في هذا الbundle

دش الوصلة:
http://www6.tomshardware.com/graphic/20030714/vga_card_guide-70.html

اوكي ما اختلفنا

بس Tv Out فقط :)

يعني ما فيه TV in وهذي الفتحه بنسخة الMSI اما انا شفت كم نسخه ما فيها الا Svidio

يعني بتدفع زود عشان تاخذ MSI :)

KuwaitDragon

25-08-2003, 07:51 PM

السلام عليكم يا شباب

ممكن طلب انا عندي كرت شاشه جي فورس

440 mx

هل هو قوي حق الالعاب والرام 128

l)@RK_l)EVIL

25-08-2003, 08:39 PM

اذا كنت تبي تاخذ كرت ام اس اي
فالكرتين فيهم تي في اوت وفيديو ان لاتحاتي وعلى فكره ال4800 اغلى من ال5600 ((النسخه الي 128 ميجا))

لكن نسخه ال5600 256 ميجا دي دي رام نفس سعر ال4800

اذا كنت تبي تستخدم العاب تدعم الدايركت اكس 8 فال4800 اقوى بكثير من ال5600
لكن اذا كنت ستستخدم العاب مبنيه على تقنيه الدايركت اكس 9 فال5600 افضل

وعموما قوه ال4800 اقوى من ال5600 بشكل عام ((اذا قارنتهم بالعاب الدايركت اكس 8))

لكن اذا تبي كرت يطول معاك مده اطول اخذ كرت ام اس اي ال5600 نسخه ال256 ميجا بنفس سعر ال4800 ويعتبر كرت قوي وراح يشغلك جميع العاب بسهوله حتى العاب المستقبليه ;)

وهذي مواصفات ال4800 ((من موقع نيفادا))

136 Million Vertices per Second

وهذي مواصفات ال5600

88 million Vertices per Second

وهذي عدد المضلعات الي يعرضها الكرت بالثانيه مثل ماتشوف فرق كبير ((لان قوه الكرت كلها تبين لما تشوف عدد المضلعات بالثانيه ))

واختار الي يريحيك

فاضل711

25-08-2003, 09:22 PM

أنا عندي FX vtdr 5600 128 mb

و تمام

و من شركة MSI

و نفس النسخة اللي في الوصلة اللي حطيتها أنا!

الألعاب ما شا الله بسهولة تشتغل

و هل سيكون كرت 5600 ذو تقنية عاية في ألعاب الدايركت أكس 9؟!

مثل هاف لايف 2 ؟

هالو؟!

BLACK _G

26-08-2003, 01:59 AM

لا لا مو معقولة أكيد أكيد أنا أحلم أول مره أكتب موضوع وألاقي ردود بالسرعة والعدد ذا !!!!؟؟؟(ماشاء الله) خايف أحسدكم وانا الي حتضرر

الأخ supernova:
مشكورر لثلاثة أسباب 1-انك شاركت 2-وأولهم 3-شكلك واثق من نفسك؟؟

الأخ فاضل711 :
تصدق هذي من أحسن الحكم عندي مشكووووووووور

الأخ MoaeD:
انت تقول انه يتفوق بمراحل كبيرة وطيب ليش الاختبار يقول غير كذا يارب بس علشان الاختبرات كانت على DX8 صح؟؟؟؟؟؟؟؟؟ وهذا هو بالضبط سبب حيرتي (مو السعر)

الأخ سنكرس:
هل تستطيع أن تقارن GeFeorc FX 5200 بـ GeForce Ti 4200 أكيد الأخير أقوى مع مع أنه أقدم!؟ لكن مشكوررر على ردك ;)

الأخ KuwaitDragon :
مو مره وما أعتقد حيمشي معاك.

الأخ l)@RK_l)EVIL :
انت كلامك نقس كلام الوصلة الي أنا حاطه حيث تفوق الـTI في العاب لأن العاب المختبرة أعتقد انها تستدخدم DX8 يريت وأتمنى أن هذا هو سبب التفوق يعني لو العاب تستخد DX9 كان تفوق الـFX??
ولكن مذا تعلل (مذيع زماني) تفوق الـFX في الوضوح ونقاوة الصور(راجع الوصلة) مع أن عدد المضلعات الي انت ذكرتها أقل من عدد مضلعات الـTI ???? وفي الاخير أبيك لو تكرمت تحط نفسك مكاني واش كنت حتختار لأنك انت زدت من حيرتي كل الأعضاء وافقوا على FX ماعاد انت ومعليش على التطويييييل.

أرجو اني مانسيت حد واعذروني اذا نسيت.

الخلاصة (الجزء الثاني) : سبب تفوق الـTI على الـFX في الختبار الي حطيته (مو حنا المساكين بس حتى الكروت مساكين عندهم اختبارات :D :D )

l)@RK_l)EVIL

26-08-2003, 02:22 AM

الأخ l)@RK_l)EVIL :
انت كلامك نقس كلام الوصلة الي أنا حاطه حيث تفوق الـTI في العاب لأن العاب المختبرة أعتقد انها تستدخدم DX8 يريت وأتمنى أن هذا هو سبب التفوق يعني لو العاب تستخد DX9 كان تفوق الـFX??
ولكن مذا تعلل (مذيع زماني) تفوق الـFX في الوضوح ونقاوة الصور(راجع الوصلة) مع أن عدد المضلعات الي انت ذكرتها أقل من عدد مضلعات الـTI ???? وفي الاخير أبيك لو تكرمت تحط نفسك مكاني واش كنت حتختار لأنك انت زدت من حيرتي كل الأعضاء وافقوا على FX ماعاد انت ومعليش على التطويييييل.

أرجو اني مانسيت حد واعذروني اذا نسيت.

الخلاصة (الجزء الثاني) : سبب تفوق الـTI على الـFX في الختبار الي حطيته (مو حنا المساكين بس حتى الكروت مساكين عندهم اختبارات :D :D )

عشان بس لا تحتار اخوي انا لو كنت مكانك بصراحه ماراح افكر بنسخه ال5600 الي بقوه 128 ميجا اطلاقا يعني لو انا مكانك اخذ يا ال4800 او ال5600 الي بقوه 256 ميجا

اذا استخدمت الكرتين على لعبه تدعم الدايركت اكس 8 راح يكون ال4800 اقوى لكن اذا استخدمت الكرتين على لعبه تستخدم الداريكت اكس 9 ال5600 اقوى

ميزه ال5600 ان راح يشغلك اللعاب المستقبليه بشكل اقوى من ال 4800 لكن للالعاب الحاليه ال4800 اقوى بكثير فانت استخدامك هو الي راح يحدد الكرت الي تبيه ومع العلم ان جميع اللعاب الحاليه لاتحتاج الى كرت دايركت اكس 9 واذا لعبت لعبه متبرمجه على دايركت اكس 8 وكرتك دايركت اكس 9 ماراح تستفيد من الدايركت اكس 9 لان اللعبه مو متبرمجه للاستفاده من مزاياه

بس انا عندي حاليا الافضل اول شي ال4800 بعدين ال5600 او انك تصبر شوي وتشتري كرت يديد يكون افضل لان كروت الدايركت اكس 9 توها ببدايتها

l)@RK_l)EVIL

26-08-2003, 02:32 AM

اخوي انت حظك حلو لاني توني تذكرت شي

قبل جم شهر نزل برنامج بينش مارك لفاينل فانتسي 11 ((هذي لعبه ار بي جي اذا كنت ماتعرفها ورسومها قويه ))

المهم انا وولد خالتي عندنا نفس الجهاز بالضبط واللعبه هذي تستخدم تقنيه الدايرك اكس 8

المهم الفرق بس بين جهازي وجهاز ولد خالتي ان انا كرتي 4200 ((4800 اقوى من ال4200 بقليل))
وولد خالتي كرته 5600 نسخه ال128 ميجا

انا يبت تقدير 5890
وولد خالتي ياب 4600

واذا تعرف واحد عضو مميز بمنتدى فاينل فانتسي جهازه نفس جهازي لكن الفرق ان هو جهازه بانتيوم 4 وسرعته 2800 لكن انا الي عندي سرعته 2400 هو شره كرت 5200 وعلى كلامه وحط صور للبينش مارك ماله ياب بالغصب 4000

فانا نصيحه لك اقولك اخذ ال4800 لانه اقوى وانا ماني خسران شي انت الي تبي تشتري يعني انا مو دافع شي ((لكن حط في بالك العاب المستقبل ان ال5600 افضل لكن لاتفكر الا باخذ نسخه ال256 ميجا))

وانا قلتلك قبل استخدامك هو يحدد الكرت الي تبي

وعلى فكره ترى اقوى لعبتين الي هم دووم 3 وهالف لايف 2 تقدر تشغلهم على كرت النيفادا تي اي اي نسخه 4200 او 4800 حتى بنسخه ال64 ميجا تقدر تشغلهم وبرسوم قويه

BLACK _G

26-08-2003, 02:44 AM

l)@RK_l)EVIL

26-08-2003, 03:05 AM

مشكور أخوي على الرد بس شكلي خلاص باخذ الـFX لأنه بالعقل شي يفيدني في المستقبل والا يفيدني حاليا؟ طبعا أكيد ماحيكون الاداء سيئ جدا جدا جدا اذا شغلت لعبة تحتاج الى DX8 بس انت حبيت توضح شوي صح؟؟ ومشكور مره ثانية على تعبك

شباب أنا حصلت الـTI بـ800 ريال وحصلت الـFX بـ900 ريال بس المشلكة ماني عارف 265 والا 128 ياريت يأخ supernova تدش هذا الوصلة وتقلي أي واحد فيهم الموجود في الشدادي (هذا المحل في الصالحية صح؟)

http://www.msi.com.tw/program/products/vga/vga/pro_vga_list.php

العفو اخوي وماعليه احنا اهني كلنا نساعد بعض بس بقولك شغله قبل لا تتسرع
ترى نسخه ال256 ميجا هنا (http://www.msi.com.tw/program/products/vga/vga/pro_vga_detail.php?UID=494) مايكون فيها فيديو ان ومافي ريموت كنترول

لكن نسخه 128 هنا (http://www.msi.com.tw/program/products/vga/vga/pro_vga_detail.php?UID=447) يجي معاها فيديو ان وريموت كنترول

وفي بعد نسخه من ال128 نوعها بيرسونال سينما وهذي حلوه حييل يعني فيها ريموت وكل شي وتقدر تسوي فيديو ايديتنج على كيفك وبسهاله
هنا (http://www.msi.com.tw/program/products/vga/vga/pro_vga_detail.php?UID=494)

MoaeD

26-08-2003, 04:19 AM

الأخ MoaeD:
انت تقول انه يتفوق بمراحل كبيرة وطيب ليش الاختبار يقول غير كذا يارب بس علشان الاختبرات كانت على DX8 صح؟؟؟؟؟؟؟؟؟ وهذا هو بالضبط سبب حيرتي (مو السعر)

الأختبار يقول غير كذا وشف الملف المرفق :)

الFX فيه ميزة التنعيم اقوى بواجد وبدون اي مقارنه :)!!

وترى كل عائلة الFX مصممه للعبة Doom3 للمعلوميه فقط :)

وهي الميزه اللي تفوقت فيها الFX على الRadeon ميزة الضباب

بحيث يكون الضباب منتشر بالمكان اللي تكون الشخصيه فيه واقفه بس عشان ما يثقل الرسوم ويبطئ اللعبه :)

وطبعا شي مو موجود في Ti بكل انواعه !!

وشوف حبيبي لا يغرك كلام دير ديفيل :) تراه قبل كذا تكلم عن كروت العرض وبالأخير طلع غلطان وقام يصرف

ولو رد مره ثانيه انا مستعد احط وصلة الموضوع :)

اخوي توكل على الله وكنسل الTi من مخك او اذا معك فلوس اكثر اشتر الRadeon 9700 او اكثر !

بس اذا حدك الFX5600 فتوكل على الله :)

وهذي هي الصوره اللي اقولك هي الفاصل بين الكرتين :) :

H£âvY M£†âL

26-08-2003, 05:24 AM

اخذ GeForce 5600 FX بدون تردد :D

اكثر الناس في هل موضوع تنصح ب GeForce 5600 FX مقابل صوت واحد ل 4800 :D

وعكس مايقول l)@RK_l)EVIL الفرق بين نسخة 128 و 256 قليل ولايستاهل تدقع اكثر عشانه
الزبدة = الفرق بين 128 و 256 في السعر كبير لكن في الاداء صغير

والدليل على ذلك انه موقع توم هاردوير عطي الجائزة حق نسخة ال128 لانها اهي التستحق الشراء يعني ماتخسر فلوس زايدة على الفاضي.

وازيدك من الشعر بيت انفيديا عندها تقنية تخليك تستخدك الرام الي عندك بالجهاز ك vram
يعني تقدر تاخذ بو 128 وتخليه 512 اذا تبي وحسب الذاكرة الي متوفرة عندك لكن بتشوف انه مافي فرق في الاداء.

واي كرت يقدر يشغل العاب دايركت اكس 9 تأكد انه يقدر يشغل العاب ال8 بنفس الجودة.

supernova

26-08-2003, 06:02 AM

الفرق بين نسخة 128 و 256 قليل ولايستاهل تدقع اكثر عشانه
الزبدة = الفرق بين 128 و 256 في السعر كبير لكن في الاداء صغير

فعلا الفرق بين كرت FX5600 128mb و FX5600 256mb قليل في الأداء...لكن برضه في السعر الفرق قليل أظن حوالي 150 ريال...بعدين ياخي زي ما قال دارك ديفل خذ لك أبو256 أفضل لك ياخي من جد تحس قوة :D وعشان الألعاب المستقبلية برضه...
أداء الكرت رائع في الألعاب الحالية....وسيكون حتما بدون جدال أفضل من Ti4800 في الألعاب المستقبلية ...فلم التردد ؟؟!!! :o

أما عن المحل فأقصد الشدادي في حراج الكمبيوتر ( لهم فرع في الصالحية لكن عمري ما رحته)
الكرت الموجود هو MSI FX5600 256mb
السعر 900
ومبروك عليك الكرت :D

أبو الهمم

26-08-2003, 07:48 AM

معاكم إن كان يبغي GeForce
أما إذا أسعار radeon عنكم مثل أبوظبي اشتر radeon 9500 أو radeon 9600 لماذا ؟ سعرهم حلو ويشغلون Direct X 9 و مجربين على ألعاب مثل Splinter Cell و غيرها كثير :D

MoaeD

26-08-2003, 08:44 AM

معاكم إن كان يبغي GeForce
أما إذا أسعار radeon عنكم مثل أبوظبي اشتر radeon 9500 أو radeon 9600 لماذا ؟ سعرهم حلو ويشغلون Direct X 9 و مجربين على ألعاب مثل Splinter Cell و غيرها كثير :D

هذي الكروت مهيب متوفره عندنا واجد مره ما لقيتها الا عند محل واحد وصغير وشركتها كانت شي عجيب

فهونت اخذها بقوه الصراحه ولا هي اداءها وسط حول 5600 وسعرها بيكون رخيص وراديون :)

أبو الهمم

26-08-2003, 09:59 AM

إذا كانت من Hecules اشترها مضمونة :cool:
وإذا كانت من شركات لا تعرفها أحسن لا تشتري

BlackFox

26-08-2003, 10:16 AM

السلام عليكم

سوري شباب عالمداخله لكن شنو يعني

كما قال اخي MoaeD

svideo هل هو مخرج ام ماركه ام خاصيه
ومشكوريين

H£âvY M£†âL

26-08-2003, 10:40 AM

فعلا الفرق بين كرت FX5600 128mb و FX5600 256mb قليل في الأداء...لكن برضه في السعر الفرق قليل أظن حوالي 150 ريال..

ولله انا مادري عن السعر عندكم ...... لكن سألت المحلاات ليش ماتيبون نسخة ال 256 قالوي لان فرق السعر كبير ........ والي خلاني انسي فكرت 256 لانه شفت موقع توم هاردوير عطو الجائزة حق نسخة ال128 ... لكن اذا الفرق بس 150 ريال فخذ ال256 :0) .

MoaeD

26-08-2003, 12:15 PM

السلام عليكم

سوري شباب عالمداخله لكن شنو يعني

كما قال اخي MoaeD

svideo هل هو مخرج ام ماركه ام خاصيه
ومشكوريين

مخرج للتلفاز ما تحصله الا بالتلفزيونات الكبيرة او احيانا ببعض الماركات :-)

BLACK _G

26-08-2003, 03:18 PM

والله مشكوووووووووووووورين كلكم ماقصرتو

الأخ l)@RK_l)EVIL :
انا يهمني الأداء أكثر من المخارج والاكسسوارات والرموت كنترول اذا كان مايرفع الصوت أعتقد ماله داعي أكيد هو حق الوان ماله داعي مره وشكرا.

الأخ MoaeD:
ميزة النتعيم ما راح استفيد منها مستقبليا لأني ححط الخيارات على أقل شي علشان يكون سريع وما يقطع.

الأخ H£âvY M£†âL :
يعني قصدك انشاء الله GeForce FX 5600 هو الي بيطلع سوبر استار ؟!!!!!! مشكوووور وتسلم

الأخ supernova :
يريت هذا هو الكرت الي لقيته أو بس لو تقلي اسم الموديل ومشكووور.
ادخل هنا (http://www.msi.com.tw/program/products/vga/vga/pro_vga_detail.php?UID=446)

الأخ أبو الهمم:
أنا كان ودي أشتري الـRADEON 9500 بدون استشارة أحد ولكن للأسف ماحصلته حتى كنت حشتري RADEON 9700 لكن أقل شي حصلته بـ1400ريال لا وبعد فيه مشاكل في الحرارة!!! عالعموم ماقصرت وشاركت معنا.وعلى فكرة الكرت من MSI.

MskT

27-08-2003, 09:04 AM

http://www.montada.com/attachment.php?attachmentid=138276&stc=1
iهنع كرتي الاول
9800

محمدS.M

28-08-2003, 12:52 AM

بعيداً عن موضوعك يا BLACK _G
بخصوص الامر الذي حصل اليوم
المطلوب من الجميع عدم تكراره وفتح ملفات قديمة ...
تذكروا جيدا نحن بمنتدى البي سي ولسنا بمنتدى البليستشن !!
اذا تكرر الامر وبدون اي تهديد ستم ايقاف جميع من كانت له علاقة حتى لو كان ردعرضي ... (دون استثناء)
انتهى الموضوع !

l)@RK_l)EVIL

28-08-2003, 01:10 AM

مشكور اخي المحترم محمد على تفهمك للموضوع وشكرا لك كثيرا وكنت اتمنى ان المراقب مويد مايسوي الي سواه ومشكور جدا اخوي لكن لي سؤال

انا عضويتي القديمه
l)@RK-l)EVIL
كان فيها تقريبا الف مشاركه والاخ مويد قال يبي يوقفني 3 ايام لكن لي يومك هذا ماردت عضويتي فاتمنى انك ترجعلي اياها لان المراقب مويد شكله ناسي عضويتي القديمه وانا كلمت اودين ويمكن هو قالك عن الموضوع اخي العزيز لان عضويتي القديمه عزيزه علي واتمنى رجعوها اخوي محمد وشكرا لك جزيلا

=========================
اعتذر لك اخوي صاحب الموضوع عن الي صار واسف اذا سببت مشاكل لموضوعك واتمنى ان ماتشيل بخاطرك علي واسف مره ثانيه :#

H£âvY M£†âL

28-08-2003, 07:44 AM

اذا ناوي تشتري نسخة ال256 وللحين ماشريت حاول تحصل ذي النسخة MSI n-box FX5600 Ultra
هذي النسخة اتي معها ثلاث العاب كاملة وهم انريل 2 , جينرالز , بتل فيلد 1942
وزيادة ماوس مجاني كعرض ترويجي بنفس السعر العادي. مادري اذا اهي نازلة عندكم او لا لكن اهي متوفرة في الامارات .

وهذي صورتها

http://www.tbreak.com/forums/attachment.php?postid=185136

صورة الالعاب

http://www.tbreak.com/forums/attachment.php?postid=185141

صورة الماوس

http://www.tbreak.com/forums/attachment.php?postid=185142

:naughty:

BLACK _G

28-08-2003, 02:40 PM

FROOSTY

28-08-2003, 02:55 PM

مشكور على جيتك يااخ محمدS.M للموضوع والا كان الموضوع بيروح فيها...... :o

ثانيا اخوي BLACK _G انا اقولك اياها من فهم للكروت

Geforce ti 4800 اسرع واقوى وفيه بعض المهارات (ميزة التنعيم وغيرها)لكن ليست كقوة وكثرة المهارات في الاف اكس ولكن التي اي 4800 اقوى واسرع وباضعاف هذا رأي لا غير :أفكر:

صار لازم اكتب رأي لاغير كل ماقلت رأيي ----والله حاله---- :o :D

وزي ماقلت انا هاليومين ابشتريه لاني (واثق منه) ولاني خاصه ناوي على فاينل فانتسي 11 وتدعم دايركس 8.1

شوووكرن -------- جاااااااااااااااااااو--------- تقليد :0) :p

H£âvY M£†âL

28-08-2003, 03:27 PM

مشكور يأخ H£âvY M£†âL تصدق رهييييييييبة بس تعرف حنا هنا مساكين مايجينا شي واذا جا طلع غالى طيب تعرف كم سعرها ؟؟؟ لكن تصدق الماوس أحس أنه مو مريح مررررررررررررررررره.

شباب تقريبا أخر سؤال هل هذا المذربورد تتوافق مع الكرت توافق تام وسؤال خارج الموضوع هل هاذي المذربورد فيها كرت صوت يشغل سماعات CREATIVE INSPIRE 5.1

http://www.msi.com.tw/program/products/mainboard/mbd/pro_mbd_detail.php?UID=454

وشكراااااا

سعرها المفروض لازم نفس السعر العادي لانه مكتوب عليها free bundel ----> ماعرف الاسبلنج عدل :naughty: لكن تعني اضافات مجانية لكن ادري انه المحلات حرامية واكيد بيستغلونها فرصة حق زيادة الربح :vereymad:

والماوس شكله عاجبني خصوصا الرولر الي يولع بلون ازرق :shock:

وبالنسبة للمذربورد تتوافق توافق تام 100% مع الكرت ومن احسن مايكون :naughty:

ولسؤالك الاخير اي السوند الي عندك يشغل سماعات CREATIVE INSPIRE 5.1 اكيد
عندي ساوند مثلك وعندي سماعات CREATIVE INSPIRE 5.1 لكن الصراحة مانصحك ب CREATIVE INSPIRE 5.1 الصراحة ماعجبتني مرة بالنسبة الاغاني لكن بالنسبة الالعاب تمام
اذا كنت ناوي تاخذها الاغاني فانصحك بنظام ستريو عادي من logitech انا شريت سماعات كريتيف 5.1 ولليوم اوانا متحسف اني ماخذيت بدالها الlogitech .

فأذا كنت تبيها الاغاني انصحك ب logitech نظام 2.1
اذا تبيها الالعاب اخذ 5.1

FROOSTY

28-08-2003, 06:28 PM

والله رهييييييب

بس الاف اكس 5600 هذا موجود بالرياض......؟؟؟؟

لاني حست السوق كلله مالقيته.....حراج الكومبيوتر العليا

بس بصراحه الفاره حررررركه .... ومشكور على الصور :D

l)@RK_l)EVIL

28-08-2003, 06:46 PM

اخي العزيز الموثر بورد 865 NEO MSI تدعم حتى 5.1 للصوت
اضغط هنا وروح صوب الاوديو ومكتوب لكي تتاكد بنفسك (http://www.msi.com.tw/program/products/mainboard/mbd/pro_mbd_detail.php?UID=432)

وانا استخدم الموثر بورد 865 NEO2 MSI وانت تبي تاخذ الاولى بس انا الي عندي الثانيه انا مالتي تدعم حتى 6.1

BLACK _G

28-08-2003, 08:43 PM

الأخ H£âvY M£†âL :
معقولة بايخة ؟؟؟؟ أنا أبيها حق الأغاني والعاب انت أكيد دايم تشغل SLIPKNOT وتطلع بايخة أو مو واضحة لأني أعتقد صوت الـSLIPKNOT خشن شوي :6
وهاذي السماعات الي انت تقصدها؟
Logitech® Z-340 (http://www.logitech.com/index.cfm?page=products/details&CRID=2&CONTENTID=5046&countryid=17&languageid=1)
يعني معقولة الحين أفتح موضوع (محتار CI 5.1 أو2.1 Logitech )?????
عالعموم مشكورر انك خليتني اتطمن على المذربورد.
وعلى فكرة الفارة حلوة مرررررره من ناحية الدزاين لكن اتخيل تحط يدك عليها أحس انها ماهي متوافقة الا اذا كان لها درايفر يدعم اليد البشرية لوووووووووووووووووووووووووووول

الأخ FROOSTY:
مشكووووووور وفرت علي يوم كامل تدوير ;-)

الأخ l)@RK_l)EVIL :
انت والله ماتقصر معي وانشاءالله يرجعولك عضويتك الأولى.

FROOSTY

28-08-2003, 10:15 PM

BLACK _G

وبالطريق ابوفر عليك تدوير في الصالحيه :D :D :D :D

واذا بغيت شي انا حاضر ;-)

Grandia

29-08-2003, 01:14 PM

شرايكم بــ ati radeon 9800 ?

sul911

31-08-2003, 01:46 PM

لاحظوا هنا الـ GF4 5600 FX دمار :7:

http://www17.tomshardware.com/graphic/20030311/images/image023.gif

H£âvY M£†âL

31-08-2003, 08:54 PM

خخخخخخخخخخخخخخخخ :6

مادري شلون عرفت عن قصة سليب نوت انت شكلك انت ساكن في مخي وانا مادري :naughty:
الصراحة هل سماعات معانديني :vereymad: اخيس صوت تظهره حق سليب نوت تقول شركة كريتيف مسوية حرب على سليب نوت :vereymad: عندي اغاني حق سليب نوت مسجلة بجودة
bit rate 1062 وحجم كل اغنية تقريبا فوق ال 40 ميجابايت مع ذلك الصوت يظهر تعبان :mad:

لكن المسألة مو مسألة سليب نوت المشكلة انه السماعات تظهر الصوت حاد والين اقول حاد اعني
حـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــاد جدا جدا :vereymad:

حق اي مغني او اي فرقة ..... الصوت كانه صوت اظافر بنت تخربش على الطاولة او كانه صوت قطوة تركض على ارضية خشب :7: مهما سويت ورفعت مستوي الbass يبقي الصوت حاد

ولله انا حدي متعذب منها كل مابي اسمع مغني او فرقة لازم اضبط ... تخيل كل فرقة وكل اغنية لها تضبيط غير .... عذاب ):

لكن بالنسبة حق الالعاب مادري ليش الصوت تمام وروعة انا العب بانريل 2003 وحاط هاردوير 3 دي سوند + EAX والموثرات والصوت روعة

انا انصحك بهاذي اذا تبيها حق الاغاني و الالعاب Logitech® Z-640
اذا الاغاني بسس ذي Logitech® Z-340

aoks

07-09-2003, 12:42 AM