بصراحه..==>هذي حقتي ميب حقت عماد:P

[أفلاطون]

بسم الله الرحمن الرحيم

الحمد لله انا توني راجع من العمره وزيارة المسجد النبوي

ومن خلال الزيارة هذي رجعت بعدة ملاحظات شدتني..

اولها الاستهتار من المعتمرين زي ما ذكر عماد وخصوصا من النساء يعني من جد الواحد يستغرب!! الى هالدرجه وصل الاستهتار بحرمة المشاعر المقدسه!! بخصوص النقطه هذي ما ودي ازيد على اللي ذكره عماد

النقطه الثانيه البدع المنتشره هناك.. يعني تشوف لك ناس يصلون على الخط المقابل للحجر الاسود! ويعطلون المعتمرين!

او اللي يتلزقون في مقام ابراهيم ويحبحبونه!!

طبعا انتشار البدعه او وجودها هذا شي لابد منه في أي مكان لكن الغريبه انه ما فيه احد يمنع هالاشياء!

يعني تشوف لك عسكري عند الحجر الاسود.. طيب ليش ما يحطون عسكري في الاماكن اللي تنتشر فيها البدع؟

وبكذا يجي دور المعتمرين في النصح ولو على الماشي:6

ثاني شي شدني في الحرم المكي هو عدم وجود التنظيم الجيد .. وعدم وجودالنظام لدى المصلين انفسهم..

انا اقصد لما يجي وقت الصلاة تشوف المصلين يصلون في ممر السير!! وعند الابواب!! والا يجونك ناس ويجلسون على الدرج!!:S ويعطلون الناس اللي تبي تمشي بعد الصلاة خصوصا لما يكون فاتهم كم ركعه..

يعني معقوله اكبر مسجد في العالم ما يلقون فيه اماكن للصلاة الا في الممرات:s .. كل واحد منهم يفكر بمصلحته واهم شي يصلي ولا يفكر بغيره!! :|

اما المسجد النبوي النقطه اللي ترفع الظغط من جد هي نفس المشكله اللي راحت وهي ان العالم يصلون في الممرات وعن الابواب ووراها وفي كل مكان مخصص كممر:s وهذي المشكله ملاحظه بشكل اكبر في المدينه اكثر منها في مكه .. والمشكله ان فيه اماكن للصلاة لكن في اول المسجد يعني قدام لكن طال عمرهم ما يبون يتعبون نفسهم يبون اقرب للباب وبكذا لاهم اللي صلوا زي الناس ولا خلو غيرهم يوصل للاماكن اللي قدام:s يعني من جد تخلف:|

يعني غريبه ما فيه احد مسؤول عن التنظيم؟!!

انا مره سألت العسكري اللي على البوابه على الماشي .. قلت له:ياخي هاللي يعطلون العالم ليش ما تمنعونهم؟ قال:يجونك في ااخر الصلاة ولا تقدر تقول لهم شي.. يعني كلامه غريب الصراحه لو ادري انه يقدر يسوي شي كان استقعدت له الين ما خليته يظبطهم لان كلامه الصراحه غير منطقي البته:6

النقطه الثانيه اللي لاحظتها في المسجد النبوي صياح البزارين في قسم النساء والظاهر ان البزارين اكثرهم بزارين التكارنه اعوذ بالله صياح 24 ساعه يعني لازم المسؤولين يشوفون لهم صرفه معهم..


ومعليش احس اني مسكت خط لكن لازم اقول النقاط هذي عشان اللي يروح لمكه او المدينه ما يسويها :6

واهم شي اني دعيت لكل واحد فيكم:6

[HArb200]

الحمدلله على السلامه


والله ياخي الدعوى سايبه .. ولا كلن يدري عن اللي حاصل ..

[memy]

عمره مقبوله انشاالله ..


انا اقصد لما يجي وقت الصلاة تشوف المصلين يصلون في ممر السير!! وعند الابواب

ياخي تاخروا عن الصلاه ليه تفشلهم :o <<< الانسه تاخرت عن الصلاه و صلت في الممر :#


في قسم النساء والظاهر ان البزارين اكثرهم بزارين التكارنه اعوذ بالله صياح 24 ساعه

بعض الناس ما عندهم احد عشان يتركون عيالهم فيجيبونهم ..

و بعضهم ينام بالمسجد زي مكه :6


ناس يصلون على الخط المقابل للحجر الاسود! ويعطلون المعتمرين!

او اللي يتلزقون في مقام ابراهيم ويحبحبونه!!


يعني المفروض يكثرون اهل العلم بالحرمين ... لا بعضهم يجون ومعاهم بدع

وش كثرها ... هذي الاشياء يبيلها تصحيح .. -________-



:مثلث::r1::دائرة::مربع::l2::r2::x::دائرة::دائرة::مثلث::r1::x::l1: <<< الكلمه السريه حقت مشكور على الموضوع

[عماد 18]

شكلك تكره البزران :6 ..
حاقد عليهم لدرجة انك تكلمت عنهم مرتين ..
بخصوص نقطة الممرات فمعاه حق الشرطي ..
لان الواحد بيلحق على الصلاة في اي مكان ..
و لو يتقدم على المصلين بيضايقهم ..
هو صحيح انها تضايق الواحد لما يخلص صلاة ..
لكن ما في داعي يستعجل بالخروج ..

[Mesharey]

عمرة مقبولة إنشاءلله..

بالنسبة على التنظيم..صحيح كلامك..في شوية مشاكل..بسبب كثرة الناس..
لكن بعد الصلاة يرجع الامر طبيعي..
أما يوم الجمعة -_____-



الكلمه السريه حقت مشكور على الموضوع

ههههههه..حلوة هذي :6 ..

http://www.soulcalibur.com/forums/images/smilies/SoulCalibur-8hold.gif http://www.soulcalibur.com/forums/images/smilies/SoulCalibur-8hold.gif http://www.soulcalibur.com/forums/images/smilies/SoulCalibur-2hold.gif http://www.soulcalibur.com/forums/images/smilies/SoulCalibur-2hold.gif http://www.soulcalibur.com/forums/images/smilies/SoulCalibur-4hold.gif http://www.soulcalibur.com/forums/images/smilies/SoulCalibur-6hold.gif http://www.soulcalibur.com/forums/images/smilies/SoulCalibur-4hold.gif http://www.soulcalibur.com/forums/images/smilies/SoulCalibur-6hold.gif http://www.montada.com/images/icons/x.gif http://www.montada.com/images/icons/circle.gif
<<<< كلمة سرية قديمة معروفة للكل..تعرفها :6 ..

[أفلاطون]

HARB:الله يسلمك
لكن موب معقوله محد يدري عن اللي يحصل:S


معمي:

ياخي تاخروا عن الصلاه ليه تفشلهم <<< الانسه تاخرت عن الصلاه و صلت في الممر

لو الواحد مشى قدام شوي كان لقى له مكان لكن الغلط ما يدري الواحد على مين يحطه على اللي جايين بدري والا على المتأخرين...يعني اللي جو بدري لو اخذوا الاماكن اللي قدام كان اللي يتأخرون لما يوصلون يلقون لهم اماكن في الاخير:S والمتأخرين لو مشوا يمين يسار بيلقون لكن بعضهم يجي والامام في ركع ويسفط على اقرب صف حتى لو كانت التكمله في الممر:S



بعض الناس ما عندهم احد عشان يتركون عيالهم فيجيبونهم ..

و بعضهم ينام بالمسجد زي مكه


انا مشكلة البزارين بالذات قعدت افكر فيها وهي الوحيده اللي كل الطرق منسده في وجهي ... ما ادري يعني صعبه الواحد يمنعهم يدخلون عيالهم وصعب يخليهم يدخلون ويسببون صجه غير طبيعيه يعني تحس انهم يصدرون انغام عجيبه بصياحهم:S لكن هذي المشكله هي مشكلة الاهل في المقام الاول اللي بيجيب ولده يسكته وهذي مشكله لاني وبحكم خبرتي بالصغار ما فيه امل يسكتون الا بطرق عجيبه ولازم تكون الام هي المسؤول الاول عن هذي الطريقه والام تصلي فالحاله صعبه على العموم:|

:x: :x: :مربع: :مثلث: :r1: :دائرة: ===>الكلمه السريه حقت مشكوره على الرد:6


عماد:لا والله بالعكس ما اكرههم لكن لحد معين بس:6....ياخي انا قريت الموضوع عشر مرات ابي اشوف وين تكلمت عنهم مرتين وما لقيت:|



بخصوص نقطة الممرات فمعاه حق الشرطي ..
لان الواحد بيلحق على الصلاة في اي مكان ..
و لو يتقدم على المصلين بيضايقهم ..


ما ادري لكن اعتقد انك ما صليت في المسجد النبوي

المتأخرين يمديهم وبالراحه بعد يصلون في الساحه الخارجيه وهي على طول خلف البوابه يعني ما يبيلها شي ... لكن يدخل الواحد ويشوف الناس راكعين وعلى طول يركع في اي مكان طيب لو العسكري هذا يقولهم صلوا برا في الساحه وبكذا ما يضيقون على المصلين ..

وبعدين الممرات واسعه تقريبا يعني لو مشوا فيها ما فيها اي مضايقه للمصلين لكن المشكله هاللي يصلون فيها:| واللي يصلون فيها لو مشوا قدام كان لقوا اماكن:S



هو صحيح انها تضايق الواحد لما يخلص صلاة ..
لكن ما في داعي يستعجل بالخروج ..


بهذي معك حق نسبيا.. لأنك ما تدري عن ظروف الواحد يمكن وراه شي ضروري لكن الللي ما وراه شي وانت صادق ليش يستعجل لكن يظل الالتزام بالتنظيم شي جيد

ومشكور على الرد وعمره مقبوله مني:6


مشاري:منا ومنك

هو التنظيم لازم يكون وقت الزحمه اما في الوقت العادي اللي يقهرك اللي يجلسون على الدرج في مكه:S

ومشكور

[SNOoOP]

والله شف اخوي بالنسبه للمشايخ الي عند الحرم عارفين الوضع زين

واذا جو يتكلمون مع ذا الناس الدلوخ شوي الا يطقونهم (((( دا بيتك والا بيت ربنا :p))))


وعمره متقبله انشالله ...

[DE NILSON]

عمرة وزيارة مقبولة اخوي

وخلها على ربك وانا اخوك

[ثريول]

السلام عليكم....
عمرة مقبولة أخوي أفلاطون..
وبخصوص كلامك عن الصلاة في الممر..
فأكثر اللي يصلون على الممر هم من أصحاب الدكاكين والمحلات ..من هنود وبنقاليه..
مايمدي الإمام يسلم ..إلا الشباب وصلوا دكاكينهم...
أما عن البدع..فتقاها عند ربعنا..الروافض..
وعلى طاريهم...مرتن من المراريت..عمي راح يطوف على الكعبه .. بجني مقام إسماعيل .. كلمه شيعي إيراني ..وقال له..:قبر إسماعيل ويييين..؟؟
عمي ما أستحمل..فعطاه بضحكة في وجهه... :D
ومرتن ثانية من المراريت..نزل مطر علينا هناك...فإذا بمجموعة من البجم والسلنتح..يستحمون بالمياه اللي تنزل من مرزام الماء اللي فوق الكعبة...ويبكون ويدعون... :6
وشكراً مره ثانية....


:r1:تــحــيــاتـي ... ثــريــول:r1:

[MetalGear]

هلا يا عمري << ماخوذة من عمرة كما حاجي من حج :6

تقبل الله .

وبالنسبة للبقية .. لا تعليق :أفكر:

[أفلاطون]

منا ومنكم ان شاء الله:)

سنوب:لو يمشي معهم عسكري ما يقدرون يتكلمون..

ثريول:والبدع ميب عند الروافض بس اكثرها من اخويناالمصاريه وانت الصادق ..
ومشكور على المشاركه


MetalGear:هلا ياحياتي==>دلخ:6

منا ومنك وجزاك الله خير:)

[HArb200]

ياخي يدرووون .. وبعدين ياااااااااااخي لو انك معك جوال ومصور .. !!

اقسم بالله لانشره بالوطن .. بإذن الله .. وبعدين تشوف هل هم يدرون فعلا ولالا :أفكر:

انا بصراحة اكثر من مره اعتمرت الحمدلله .. بس مالاحظت الشي هذا ..في الصحن .. لكن فعلا ملاحظ بعض الحركات اللي مالها داعي بالدور الاول .. حريم داقينها حلقة .. وهاتك حش .. وفلانه وعلانه .. وصبي فنجال .. وقرقرقرقر .. واصواتهن تلعلع .. اعوذ بالله !!

لا والبزارين يلعبون حبشه !؟ ..

[أفلاطون]

المشكله حتى لو ان عندي جوال يصور ما اظن انها بتخطر على بالي هالفكره...

لكن مرتن ثانيه ان شاء الله..

[hitler is back]

لا الحمدلله اعتمرت السنه الي راحت ماكان فيه شي من الي تقوله...اصلاً الي موجودين قليل

رحت الليل الساعه1 جاي من الطايف ومعظم الموجودين شيعه

وقعدت لبعد صلاة الفجر ورجعت الطايف
واحلى شي انه اول مره اقرع فيها بالموس هع :مغرور:

لكن حقدت على الشرطي الي عند الحجر...قد رحت مره قبل كم سنه ابي أُقبل الحجر :p

والمصاريه مسوين زحمه وقلق لازم مع كل دورة طواف يسلمون...ولما اقرب براطمي خلاص إنش بقى ويدفني الشرطي...واشوف جموع المصاريه اخذوا مكاني اخر شي مشيت مطأطأً رأسي :p


والله يتقبل منك :)

[أفلاطون]

هتلر:تقبل الله منا ومنك

اما الحجر الاسود حدي اناظره من بعيد من الزحمه:S
وانا الى الحين ما بعد تشرف الموس بحلاقة راسي:6


لوسي:جزاك الله خير ومنا ومنك..

اما الشيعه من جد مسوين زحمه غير طبيعيه:|

اما الصلاة بين الاعمده اول مره اسمع فيها!!

[Justine]

كل واحد منهم يفكر بمصلحته واهم شي يصلي ولا يفكر بغيره!! :|
بلسانك قلتها عزيزي ...

ما في تفكير بغير نفسه ... و هاي اللي خارب الدنيا ها الاايام ..


في نقطة مدري اذا مرت عليك و لا لا ... ظارهة السرقات ... خصوصا وقت الطواف ... يا رجل اللي ما ينتبه على عفشه يطير في لمحة بصر ...

أذكر يوم جنازة دي الله يرحمه .. صلنيا على المرحوم في الحرم .. و لمن جينا خلاص نوديه المقابر .. انسرق الحذاء - الله يكرمكم- ... عاد فاتني اجر اشيل جدي الميت للمقبرة ..

المهم انتوا تجوا في اوقات تكون الزحمة فيها على اشدها ...

تعالوا مثلا في يوم دراسي ... صللي الفجر في الحرم او اعتمر ... و الله وناسة ..

==========

مشاري : حقت الدوري الياباني لاستخراج نجوم العالم و اوروبا :147:

[Moon Boy]

ركزلي على آخر جملة :nana:

[أفلاطون]

Justine:بخصوص السرقه انا ما مرت علي ولله الحمد لكن اسمع ناس كثير يشتكون منها...
ومشكور على الرد:)

مون بوي:اعتقد ان جميع الاعضاء مسلمين: )

[rbg]

عمرة مقبولة...وانشاءالله الوضع يتعدل

[أفلاطون]

عمرة مقبولة...وانشاءالله الوضع يتعدل

جزاك الله خير..

[I`m HeRe]

عمره مقبوله مقدماً :tongue2:

وبنسبه للتنظيم هذا وأنت ما رحت برمضان قلت كذا

ياخي بعض الناس يقهرون بشكل

الله المستعان بس

[أفلاطون]

وانت ترجع ولا تعلم احد:|

الحمد لله عالسلامه:6


ومن جد يقهرون هالعالم:s