مشاهدة النسخة كاملة : عام يا شباب ساعدونا في اونيموشا ( حل بسيط )
NEvER^Die
09-07-2001, 10:01 PM
انا تقريبا توني في بداية اللعبة لعبت فيها 45 دقيقة وصلت عند باب في لغز اهو مكون من نصين نص موجود والنص الثاني لازم ادوره انتظرت شوي جان تييلي صديقتي معاها ياهل صغير خايف مني قلتله انا ما اذبح المهم انحاش الياهل قلت حق صديقتي روحي لحقيه راحت تلحقه ..... بعد شوي وصلت عند باب بجاب دري ( لكي تصعد الى اعلى ) دخلت هذا الباب وله في حفره وفي حبل معلق قمت وقصيت الحبل جان يطيح الثقل من اعلى الى اسفل قمت انا وطليت والا في فتحة تحت شنو اسوي عند هذه الفتحه ..... رحت كل مكان ما قدرت اكمل اللعبة انا شكيت انه هذه الفتحة اهي الي راح تكملي اللعبة ( مع الاسف لا املك سلم ) ارجو الاجابة السريعه لكي اكمل اللعبة ترى انا ناطركم من الحين ماني قاطع خط الانترنت بنطر اي واحد يكتبلي اجابة وحل :)
DarK ShArK
09-07-2001, 10:14 PM
أنا حأساعدك على مافهمت:
الباب إلي يحتاج قطعتين القطعه الاولى موجود تحت بعد الباب السري إلي في الجدار تلاقيه في الغرفه
أما القطعه الثانيه فهيه بعد السلم الأول إلي ينزل تقدر تخليه ينزلك كمان دور تلاقي القطعه هناك:
أما عن الحبل فهو مو لغز لو هو في دورين في الحبل صح الدور الألعى قبل ماتقطع الحبل شوف الدلو المعلق في الحبل حتلاقي القطعه إلي تزود الفرص بس .
أتمنى إني ساعدتك :)
NEvER^Die
09-07-2001, 10:49 PM
اخوي الباب مكون من نصفين في النصف الاول يطلع لون تقريبا ازرق فاتح اما النصف الثاني فاضي ... عندما ارعص على هذا الباب يطلعلي ...
what is this?
there is aweird pit...
you have to find away to unlock
شنو اسوي ...... مافي الا ثلاثة ابواب
الباب هذا الي قلتلكم عنه وبابين فيهم بقع زرقاء كل ما ارعص عليهم ما اقدر ادخل ارجو المساعده
DarK ShArK
09-07-2001, 10:55 PM
أها الحين عرف شوف:
لمن يكون على الباب أزرق في ثلاث حالات:
يكون دائره وحده يعني لازم يكزن بلورة الرعد ليفل والحد
يكون في دائرتين لازم يكون بلورة الرعد ليفل إثنين
يكون في ثلاث دوائر لازم يكون بلورة الرعد ليفل ثلاثه
ولمن يكون أحمر : نفس الشي مع بلورة الرعد
ولمن اخضر : نفس الشي مع بلورة الرياح
DarK ShArK
09-07-2001, 11:00 PM
هل هذا الباب إلي إنت عنده النصف الاول على شكل مخ فإذا كان صح فهاذا الباب تروحه بعدين نهاية اللعبه
NEvER^Die
09-07-2001, 11:01 PM
اخوي البابين فيهم دائرتين زرق يعني بلورة الرعد ولكن من وين احصل هذه البلوره ارجو الاجابة
DarK ShArK
09-07-2001, 11:06 PM
ما أخذت بلورة الرعد ?:
طيب إنت غلبت الزعيم الاول
NEvER^Die
09-07-2001, 11:09 PM
ايه انا فزت عليه وبعدين كسر باب ودخلت من هذا الباب وبعدين لقيت واحد يشرب دم ...... يمكن اخذتها وين القاها ؟
DarK ShArK
09-07-2001, 11:13 PM
بلورة الرعد تلقاها قبل الزعيم الاول بس والله مني متذكر من فين تلقيها بس أكيد إنت حتلقاها وبلورة النار في الغرفه إلي فيها الرجال إلي يشرب دم بعد ماتغلب الوحش إلي يستدعيه في الركن تلاقي بلورة النار .
NEvER^Die
09-07-2001, 11:17 PM
اييييييييه انا اخذت بلورة النار ..... بلورة النار هذي اخر بلورة اخذتها ....... انا الحين سلاحي نار .... تعتقد اخذتها ...... انت قولي اي صوب ادور يمكن ماخذها equip item
NEvER^Die
09-07-2001, 11:22 PM
انا عندي سلاحين فقط سلاح نار الي اهو باللون الاحمر وسلاح لونه ازرق جربت السلاح الي باللون الازرق ما فتحلي الباب :( شنو الحل
DarK ShArK
09-07-2001, 11:23 PM
الحيييييييييييين تذكرة بلورة الرعد لازم تكون أخذتها عشان في البدايه لمن تنزل تحت الأرض تأخذ شي من طاوله بعدين تتحرك الطاوله عشان تكشف لك الطريق هذا الشي هو بلورة الرعد ومعاها سيفها الخاص وتقدر تطور الأسلحه والبلورات بعد ماتشفط الطاقه الزهرية المنبعثه من الوحوش بعد موتهم تروح مكان التخزين وتختار ثاني إختيار هذا يطور الأسلحه .
ملاحظه: بلورة النار لها سلاحها خاص وكذلك الرعد والرياح :)
NEvER^Die
09-07-2001, 11:30 PM
اخوي انا طورتها مرتين ..... بعد ما طورت البلوره الزرقاء ورحت حق الباب رعصت اكس ما اقدر ادخل :( شنو لازم اسوي
NEvER^Die
09-07-2001, 11:55 PM
وينكم يا جماعه ........ تكفون ترى ليلحين متوهق ....... قاعد انطركم:(
REDDEATH
10-07-2001, 12:05 AM
اخوي اذا كنت تبي اي شيء في لعية اونيموشا اسأل
انا خلصت اللعبة 3 مرات
NEvER^Die
10-07-2001, 12:06 AM
هياااااااااااااااااااااااااااا ....... فتحت الباب الي فيه دائرتين زرق بعد ان طورت الرعد ..... الف الف شكر لك يا اغلى واحد في الدنيا :) DarK ShArK واسفين اذا ظايقتك ...... وانشالله اذا في اي شي ما عرفته انشالله تساعدني
NEvER^Die
10-07-2001, 12:08 AM
REDDEATH تسلم حبيبي ....... انا تقريبا في بداية اللعبة .... اي شي ما اعرفه انشالله تساعدني فيه وكثر الله من امثالك الطيبة :)
REDDEATH
10-07-2001, 12:12 AM
انته خذي البلورة الخضراء والسيف الأخضر؟؟
NEvER^Die
10-07-2001, 12:23 AM
لا انا ما خذيته ........ انا لما فتحت الباب الي فيه دائرتين زرق ... دخلت على غرفة فيها ثلاث بلورات بلورة زرقه وبلورة خضرا وبلورة حمرة البلورة الحمرا راحت يمين والبلورة الزرقا راحت يسار اما الخضرا ما تحركت ليش ؟
اخوي NEvER^Die
البلورة الخضرى ما راح تاخذها الا لما تغلب الوحش الي فوق السطح
اغلبه وتحصل بلورة الريح
وبعديت تقدر تدخل النفق
نصيحة اذا وصلت باب عليه دائرة سواء لونها ازرق او احمر او اخضر بدل الى البلورة المناسبة وافتح الباب
جايتك الغاز لكن نحن جاهزين للمساعدة
NEvER^Die
10-07-2001, 02:20 AM
Shu مشكور على هذه النصائح ...... ايه والله صدقت جايتني الغاز كثيرة بس الحمد الله عرفت جم لغز بنفسي بس وصلت عند لغز الي الصراحة استسلمت له :) .... اللغز اهوا :
انا دخلت ويا صديقتي حق مكان الارضية مالتا فيها اكس وزائد ودائرة كل ما ادوس على شي تنفتح الارض ... بس الحمد الله عديت على اللغز وصلت حق لغز ثاني الي اهو .... انا منحكر في غرفه ويصب علي الماي .... فا انا اتحكم في شخصية المراة لكي انقذ شخصيتي الاساسية دورت بالغرفة دورت ....... لقيتلي مربع فيه قطع .... تقريبا ستة قطع في بعضها على شكل ورده ومادري شلون صايرين والله ... وحاطيلي وقت لازم ارتبهم صح واذا خلص الوقت اموووت ...... فا ابيكم تعطوني الترتيب الصحيح ما عليكم امر :) .......
كنت متوقع منك هذا السؤال اخوي
وتجد الحل في هذه الوصلة
http://db.gamefaqs.com/console/ps2/file/onimusha_a.txt
حتى تحرك القطع اضغط على الزر وحركها على ما اعتقد
اذا مت عشر مرات تقدر تدخل بعدها على ال Easy Mode
NEvER^Die
10-07-2001, 12:47 PM
اخوي هذااللنك كل ما ارعص عليه يطلعلي eroor وبعدين هذا بالانجليزي شلون بفهم انا ........ ممكن توضحلي اياه بالعربي لو سمحت .........
إن شاء الله بوضحلك اياه
وانتظر الاجابة اليوم بعد 3 ساعات على الاقل لاني مشغول الحين
NEvER^Die
10-07-2001, 02:27 PM
اوكي انا ناطرك :)
اخوي NEvER^Die
لو ما عليك امر ترسل لي بريدك حتى ارسل لك الحل لانه على شكل Documents Notepad
وفيه رسمة
ما ظهرت واضحة لا هي ولا الحل ما ادري ليش?: ?: ?: ?: ?: ?:
NEvER^Die
10-07-2001, 03:24 PM
ايه والله انا ما فهمت شي من المرفق ......... بس في شغله يا اخوي ..... ممكن توضحلي طريقة تغيير اماكن القطع يعني بخليها تروح تحت شلون بخليها تروح فوق شلون ......... وشكرا
ايميلي : neverdie64@hotmail.com
NEvER^Die
10-07-2001, 08:18 PM
الف الف الف شكر لك Shu
الحمد الله عديت هذا اللغز بفضل صديقي العزيز Shu
وبعدين كملت اللعب تقريبا نصف ساعه وحصلت النصف الثاني من المخ لكي افتح باب المخ .... فتحته جان يطلع ديمو تحولت البنت حق وحش وانحاشت ..... بعدين في شغلة مدورة ومسويه شبكة مشعة على الباب ( في نفس الغرفة ) كل ما اطقها بالسيف ما تتأثر .... ولما ارعص عليها اكس يقول find way to open this door
دورت دورت رحت حق الغرفة الي يطلع فيها واحد من فوق واحد جسمه صغير بعدين كلمته حطيت yes
وداني مكان كله وحوش وكل ما اخلص من وحش يجيني وحش الييييييين مت ........ اعتقد انكم عرفتو وين انا موصل حاليا .... مع ملاحضة اني املك السيف الاخضر ....... ارجو الاجابة كيف افتح الباب
مبروك عديت المكان الصعب
المهم الباب الى وصلت له لا تشيل همه الحين لان هذا الباب بيوصلك للوحش الاخير في نهاية اللعبة
والقزم الصغير لا تدخل مغارته الا اذا كنت قريب من نهاية اللعبة
لان المغارة تتكون من 20 دور ولازم تقاتل وحوش يزدادون قوة في كل مرحلة
واذا غلبتهم بتاخذ مفتاح يفتحلك باب سري في الدور الاخير وتحصل سيف قوي ينهي الوحش الاخير في دقايق
المهم الحين على ما اعتقد لا زم تروح الغرفة الى فيها البلورات الثلاث الزرقا و الحمرا والخضرا
هذا اذا خذيت البلورة الخضرى
NEvER^Die
10-07-2001, 08:29 PM
ايه انا اخذت البلوره الخضرا ..... بس في كم باب مكون من ثلاث دوائر زرق شلون افتح هذا الباب ؟
وهل انا موصل الحين نصف الشريط والا توني ما عديت النصف :)
NEvER^Die
10-07-2001, 08:32 PM
المكان الي فيه بلورات ثلاث الحمرا والخضرا والزرقا دخلته من زمان :)
تقريبا باقي ثلاث مراحل على ما اعتقد
حتى تفتح اي باب مكون من ثلاث بلورات من نفس النوع لازم تكون طاقة السيف مكتملة على الاخير
L1 يفتح باب مكون من بلورة
L2 يفتح اي باب مكون من بلورتين
L3 يفتح اي باب مكون من ثلاث بلورات
اذا كنت تريد تفتح الصناديق الحمر انا جاهز للمساعدة عندي الحل لها كلها
NEvER^Die
10-07-2001, 09:03 PM
اخوي ...... شنو يعني L1 L2 L3 ?
وشنو تقصد بالصناديق الحمر وما وضيفة فتح الصناديق الحمر وهل لازم افتخها واذا لازم عطني الحل الكام :) وشكرا
اخوي NEvER^Die
اقصد ب L1 L2 L3
مستوى الطاقة لكل سيف
L1 )LEVEL1) المستوى الاول وهكذا
الله يسلمك عند اماكن التخزين يمكن تشوف صندوق احمر تفتحه تحصل فيه رموز لا زم تعرف كلمة السر حتى تحصل الشىء الي بالداخل
بتحصل اشياء تزيد طاقت البطل او الدم واشياء تزيد طاقة السحر
ما ادري اذا عرفتها؟
DarK ShArK
10-07-2001, 09:24 PM
أنا عندي سؤال :
كيف أفتح الصناديق إلي كل ما أخذ أربع كتب تنجط فيها
هذي هي الصناديق الي اقصدها وعددها اربعة
اول صندوق تحصله عند الباب اول ما تطلع من الحفرة بجنب علامة التخزين وحله كالتالي
ادخل الكلمة الاولى 1 ثم الثالثة 3 ثم السادسة 6 من اليسار طبعا
وبتحصل على Power Jewel تزيد طاقة البطل
الصندوق الثاني تحصله عند علامة التخزين في المكان الي بتقاتل فيه الوحش الاول العملاق
ادخل الكلمة السادسة 6 ثم الاولى 1 ثم الرابعة 4
وبتحصل اظن Power Jewel
الصندوق الثالث تحصله لما تلعب بالبنت النينجا عند علامة التخزين قبل ما تدخل المكان الي يحترق
ادخل الكلمة الخامسة 5 ثم السابعة 7 ثم الثانية 2
وتحصل على Magic Jewel تزيد طاقة السحر
الصندوق الاخير بتحصله على ما اظن عند علامة التخزين في البيت الي عند الجسر
ادخل الكلمة الثالثة 3 ثم السادسة 6
وتحصل على Magic Jewel
وبالتوفيق
DarK ShArK
10-07-2001, 10:47 PM
شكرا وما قصرت ....... :)
NEvER^Die
11-07-2001, 01:23 AM
ياااااااااا جماااااااااااااااعه وصلت عند رئيس كرهني باللعبة :( :( :( :( ايه والله ....... خمس ساعات وانا احاول اذبحه وما قدرت ...... الرئيس اهو نحلة كبيرة وقوية بعد ........ انا املك ثلاث سيوف وعندي نفس مال روبن هود ...... شنو اسوي علشان اذبحه ........ نحلة كبييييييييييييييييييييييييييييره
خلاص ما باقي شىء على اللعبة هذا اخر رئيس قبل الدور النهائي
في طريقة انك تروح تحت الوحش و تعمل حركة الريح الاعصار بعدها الوحش بينزل الارض لفترة بسيطة
في هذه الفترة بدل على سيف الرعد او النار واضرب الوحش بالرعد او النار
وكرر هذه الحركة حتى تنتهي طاقة السحر عندك
بعدها اختر البندقية او السهام وكمل على الوحش حتى يموت
وافضل شىء اتك تحول رصاصك العادي الى رصاص اكثر قوة يخليك تضرب كل اوحوش الي محاصرينك
وتحول السهام من عادية الى نارية
وتفعل هذا عند علامة التخزين مثل ما تزيد طاقة سيوفك
وبالتوفيق
NEvER^Die
11-07-2001, 02:24 PM
هيااااااااااااااااا ...... ذبحت النحلة :) :) :) :) :) بعدين انفجر البيت وبعدين شلت البنت الي معاي وحطيتها بالفراش وبعدين ما عرفت وين اروح :( ....... اروح عند هذا القصير ؟ والا وين ؟
تريد نصيحتي اول شيء روح عند القزم وادخل مغارته حتى تحصل على المفتاح الى يمكنك من هزيمة الوحش الاخير بسرعة
اذا كنت تريد السيف الاخير
او روح طوالي الى الغرفة الي فيها العين الى مسكرة الباب الي يوصلك للدور النهائي
واذا دخلت الغرفة اختر القوس الي اخذته قبل ما تقاتل الوحشة النحلة وبيصير بعدها مشهد وتدخل الدور الاخير
اقولك شو بيصير بعدها والا
NEvER^Die
11-07-2001, 04:12 PM
يعني الحين بس باقيلي الرئيس الاخير ؟ ......... وممكن تقولي اي قوس ..... شلون صاير القوس
اسم القوس GREAT ARROW
واسم السهم GREAT BOW
اختار واحد من الاثنين في الغرفة الي خبرتك عنها وبعدها بتوصل للدور الاخير
NEvER^Die
11-07-2001, 06:26 PM
يا Shu دخلت مغارة القزم ......... ما اقدر اخذ السيف السحري ...... مستحيل اقدر اذبحهم كلهم ...... عندك كلمة سرية تعطيني السيف السحري ..... كل ما اخلص من مشكلة تجيني مشكلة ........ :( ابي حل
المشكلة حتى المواقع الاجنبية ما فيها كلمة سر تخليك تاخذ السيف
لازم تعدي المراحل كلها وتموت الوحوش:(
المهم حاول تغلب الوحش الاخير بدون السيف
لاتفوت المشهد السينمائي في نهاية اللعبة بينسيك التعب كله;)
NEvER^Die
11-07-2001, 06:36 PM
اخوي ممكن تقولي الطابق الاخير شلون صايرين الوحوش ؟ يمكن وصلتله ومت :)
اظن الدور الاخير بتحصل فيه 3 وحوش من الي يختفون
و3 من المطاطيين
المهم الي قبله متاكد منه فيه 3 وحوش ساموراي سود و5 نينجا سود
نسيت اقولك الدور لونه ازرق
NEvER^Die
11-07-2001, 06:45 PM
لااااااااااااااااااااااااااااااااااااااااااااا انا مت بالدور الاخير ...... شفت شلون الحظ :( :( :( الله كريم :(
المهم ان مشغول حاليا
قاعد اجمع معلوما للعبة Diablo II
وان شاء الله نشوفك منتهي من اللعبة ;)
NEvER^Die
11-07-2001, 08:12 PM
واخيرا ....... خلصت العشرين مرحلة واخذت اشياء اسمها .....
bishamou o
statue head
وبعدين رديت حق الغرفة الي يطلع فيها القزم ..... وما طلعلي السيف السحري ....... وين احصل السيف السحري الحين ........
كل ما عليك ان تروح الى الغرفة الي فيها العين الي مسكره الباب
وتختار ال Great Bow أو ال Great Arrow
حتى تفتح الباب
بيقابلك وحش حاول تهزمة
وبعدها بتدخل الى غرفة بجنبها جدار شكله غريب استعمل المفتاح الي حصلته في الدور الاخير من مراحل القزم
bishamou وبتحصل السيف
NEvER^Die
12-07-2001, 01:34 AM
اضرب اضرب ... ها وخر عن الليزر اضرب اضرب ها وخر عن النار ...... اه اه ... لا املك طاقة سوف اظربه وان لم يمت فسوف اموت وذهبت اليه وضربته ومات هيااااااااااااااااااااوناسه وناسه ...... انهيت الشريط ايواا
هكذا ذبحت الرئيس الاخير ..... اول ثلاث مرات ما قدرت له ولكن عندما عرفت شنو نقاط ظعف الرئيس ... استطعت اني اهزمه ولكن كانت الطاقة حده حده :) ,,,, لو حاشني جان مت ..... الحمد لله اني فزت عليه :)
شـــــــــــــــــــــــــــــــــــكــــــــــــــر خــــــــــــــــاص جـــــدا الــــــى shu فعلا فأنت تستحق الشكر واكثر والله مادري شنو اقدملك علشان ارد جميلك ........ :* هذي مني لك ............... ولا ننسى الباقي الي ساعدوني مثل dark shark :) واقولك كثر الله من امثالك يالغالي :) .........
اوه نسيت لا اقولكم :) .......... لقد انهيت اللعبة في زمن 4 ساعات و 46 دقيقة وحصلت على التقدير A
وعندما انتهيت شاهدت الديمو مال اونيموشا 2 يشوق والله :)
الــــى الجـــــمـــيـــع : اترك هذا الموضوع الى كل من يواجه مشاكل في اونيموشا ..... اعتقد اذا تصفح في موضوعي راح يلقى حلول اصعب الالغاز في اللعبة اما الباقي كله سهل :) ....... والى اللقاء حتى تنزل اونيموشا2
مبروك عليك الفوز
ولا داعي للشكر
الي يحب اي مساعدة في اي لعبة انا حاضر
يا حظك انا انهيت اللعبة مرتين في 5 ساعات وكم دقيقة وحصلت في المرتين على التقدير B
ونلتقي ان شاء الله في Onimusha 2
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .