المساعد الشخصي الرقمي

مشاهدة النسخة كاملة : أبي أشتري 4x4 محتار يا اخوان... أبي مساعدة


gwaiz
07-09-2003, 11:22 AM
السلام عليكم
أنا لازم أشتري سيارة بعد أربع شهور و ناوي أشتري سيارة 4x4 و الصراحة محتار مررة

أبوضح استخدامي له كيف بيكون و انتم ارشدوني:

أنا أسافر خط كثير لأني أتنقل بسبب وظيفتي (يعني سيارة تصلح للخط)

أحب البر. بس للصيد و للكشتة و للتفرج على اللي يطعسون (أنا مانيب مطعس...يعني ما يحتاج قوة خارقة و منافسة) خل الماكينة على جنب

أهتم بالشكل الداخلي أكثر من الخارجي (طبلون....دركسون....مراتب حلوة.....فتحة فوق....مسجل.....مريح)

أبي مكيف بارد...... الله لا يحرمنا من حر السعودية

أبي يكون سعره معقول و رخيص (ما يعدي 90 ألف ريال) و لو أرخص بكثير أحسن

هذه المواصفات و أقرب شئ لقيته هو الباث فايندر (نيسان) و الروديو (إيسوزو) و الفور رنر (تويوتا)
طبعا الفور رنر ما ينزل في السعودية و لا أظن في الخليج.. ما أدري ليه مع انه حلو جدا

هذه صورة الفور رنر من أمريكا

http://www.toyota.com/images/vehicles/4runner/gallery/exterior/photo_3.jpg
http://www.toyota.com/images/vehicles/4runner/gallery/exterior/photo_5.jpg
http://www.toyota.com/images/vehicles/4runner/gallery/interior/photo_8.jpg
http://www.toyota.com/images/vehicles/4runner/gallery/interior/photo_4.jpg
http://www.toyota.com/images/vehicles/4runner/gallery/exterior/photo_6.jpg


السيارة 6 سلندر حوالي 240 قوة حصان. أصغر من اللاندكروزر و أكبر من الراف فور. يعني بمستوى الباث فايندر. يكفي انها من تويوتا. سعرها حوالي 100 ألف ريال سعودي (أرخص نوع)
http://www.toyota.com/vehicles/2004/4runner/index.html

على العموم أنا فكرت أشحن من أمريكا فور رنر بس خف من مشاكل قطع الغيار لأن ماهي موجودة. وقفو يجيبونها من يمكن عام 95 أو شئ زي كذا

أهم شئ رايكم يا شباب. وش أشتري؟؟؟؟


تحياتي
~العنكبوت~
07-09-2003, 12:58 PM
السلام عليكم......

اخوي انا عنديلك السياره الي انت تبيها .............

على مواصفاتك انا انصحك بـــ......جراند شروكي ........

المكيف باااااااارد ما شاء الله تبيها سيارة خط خذها خط .......
تبيها كشخه وفخمه من جوى ومريحه هو قدها ......
تبيه حق كشتااات يعطيك الي انت تبي ........
تبيه حق بر هو راااعيهااا ......
تبيه تطعيس (حتى لو منت راعي تطعيس ) يأدب الطعس .....


بس سعره جديد بحدود 120.000 تقريبا بس انت دور مستعمل ونضيف استعمال قليل ما شي شوي
راح تلقاااه بحدود 85.000 الى 90.000 موديل 2002


بس والله انه سياره وانا ما اتكلم من فرااغ لا انا اتكلم من غبره لاني املك جييب جراند شروكي 8 سرندل ليمتد وانا معاشر الشروكي من 7 سنوااات..... وانت براحتك بس الحقيقه تقال السيااره سياااااره.......والله هذي الحقيقه واذا بغيت اي معلومة هذا ايميلي spider353@hotmail.com :)
:) :)
gwaiz
07-09-2003, 06:40 PM
يا أخوي
جزاك الله خير

أخوي كان عنده شيروكي و مشكلته يتفكك مع الزمن و يصير يطلع أصوات غريبة و في المطبات الله يستر. و في يوم من الأيام انفجرت الماكينة (الظاهر صار التماس) في الشارع و شبت السيارة

و أخوي الثاني شاري شيروكي الشكل الجديد (97) و الحقيقة ما ارتاح لها

و في الخط ما يمدحونها مرة

و الصراحة ما أبي أقرب لم الأمريكي.

و شوي غالية. أحسن ما فيها قوتها و هذا ما فيه شك

أبي ياباني

أنا أتمنى من اللي عنده جيب باث فايندر يشرح لنا خبرته

تحياتي