مادري هل المشكله بكرت الشاشه ولا الجهاز نفسه يا ليت تساعدوني !!! [الأرشيف]

acer2

08-09-2003, 04:39 AM

مشكلتي مشكله لانه ماعرف شنو سبب المشكله فياليت تساعدوني علشان اعرف شنو المشكله اللي مطلعه المشكله :Eyecrazy:

انا كل ما اشغل ملف فيديو من اي نوعيه وعلى اي برنامج

يشتغل شوي عدل

بعدين فجاه يعلق الجهاز

الشاشه تصير FREEZE

ويا ليت تعرفون شنو السبب هل من كرت الشاشه ولا الجهاز ولا شنو !! وشكرا

acer2

08-09-2003, 10:06 PM

مو معقوله محد يعرف ؟؟ :7:

acer2

09-09-2003, 09:58 AM

يا جماعه شالسالفه مو معقوله منتدى شكبره شعرضه محد يعرف ؟؟

محمد همام

10-09-2003, 12:03 AM

الغ شاشة التوقف أو أخرها

ممكن تكون المشكلة منها

acer2

10-09-2003, 01:04 PM

:mad: ما صار شيء !!

انا الصراحه تعقدت :argh: ماعرف شسوي ؟؟

ولا احد عرف يحل المشكله لي ؟؟

يا ليت اللي عنده فكره يديده او حل يديد يقولي !!!! :)

لوجــــــين

11-09-2003, 10:06 AM

السلام عليكم

اخوي .. ممكن تقولنا شنو مواصفات جهازك .. و إذا كان يعلق بس من ملفات الفيديو و لا مع البرامج الكبيره ككل

acer2

11-09-2003, 01:36 PM

بس ملفات الفيديو

وهذي مواصفات الجهاز

2.2ghz
128 ddr ram
كرت الشاشه geforce 2 64 ddr
هذي المعلومات المهمه على ما اعتقد

لوجــــــين

11-09-2003, 07:21 PM

السلام عليكم

اخوي .. جهازك حديث و مواصفاته حديثه !! يمكن بستثناء الرام 128 يعتبر قليل على جهاز بمعالج قوي مثل بينتيوم4 و هاذي بعد ما تعمل مشكله لو انك تقدر تشغل برامج كبيره مثل الفلاش و الماكس و الفوتوشوب و الألعاب الكبيره

مممممممممممممم أذكر كانت عندي هل مشكله بس تأكدت بعدين انه ملف أغاني واحد بس اهو اللي يعلق فيه الجهاز فشلته كله

بس دامك تقول المشكله مع كل ملفات الفيديو عندك !! جرب أول مع البرنامج اللي يشغل ملفات الفيديو اللي عندك جايز يكون بحاجه لأعاده تثبيت و إذا ما نفع معاك جرب تفتح جهازك و تسحب كرت الشاشه و ترده مره ثانيه .. جايز يكون مهزوز أو مو راكب عدل !! و إذا تكررت المشكله يبقى تنسخ ملفات الفيديو على سيدي رايتر و تجرب عرضهم على كمبيوتر ثاني على شان تتأكد من انه المشكله من الجهاز اللي يعرضهم أو من الملفات نفسها ..

محمد همام

12-09-2003, 12:57 AM

اعمل يلي قالتلك عليه اختنا لوجين

وإذا ما مشي الحال جرب برنامج ثاني وشغل عليه الأفلام وردلنا خبر بالنتيجة

acer2

12-09-2003, 02:13 AM

انا سويت كل شيء قالته وهم المشكله موجوده

وانا استخدم هذي البرنامج لتغشيل ملفات الفيديو

حيث اني جربت كذا واحد لما لاحظت انه الاولين يعلقون

real one
windows media player
allplayer
AVIpreview

لوجــــــين

12-09-2003, 03:59 AM

السلام عليكم

اشلوووووووووووووون ما نفعت معاك كل المحولات اشلوووووووووووون :mad22:

همممممممممممممممم :28: بس ما قلت لنا شنو صار معاك لمن نسخت الملفات على سيدي و جربتهم بجهاز ثاني !! :147: أو انك لو جربت ترسلهم حق أي حد بالماسنجر لو كان حجمهم قليل .. أو انك ماخذهم من الكازا أو موقع من النت ..

بس الحين تبين على الأقل انه المشكله من الملفات نفسها

acer2

12-09-2003, 12:30 PM

انا بعطيكم دليل انه السبب مو من الملفات !!

قبل فتره انا نزلت فلم عن لعبه كمبيوتر حجمه حوالي 20 ميجا

ورفيجي نزّل نفس الفلم من نفس الموقع !!

لكن انا يعلق عندي واهو ما يعلق !!

وانا نفسي قلتلكم انه انا مادري من شنو السبب احترت والله !!

لوجــــــين

12-09-2003, 01:51 PM

بااااااااااااااك

قريت دليلك عن اللعبه @@

اللي أعرفه عن الألعاب انها محتاجه كرت فيديو ثلاثي الأبعاد أقل شي 128ddr ram http://di.image.eshop.msn.com/img/sinv/2716/1/S2694938.jpg

وبطاقه ذاكره تكون أكثر من 512 ddr ram http://images.amazon.com/images/P/B00006OWJO.01.MZZZZZZZ.jpg

ممممممممممممممم مثل ما توقعت أجل في ردي الأول المشكله في مواصفات جهازك و إسأل صاحبك اللي جرب نفس اللعبه اللي نزلتها عن مواصفات جهازه :wink2:

سلاااااااااااااام

acer2

12-09-2003, 03:20 PM

اوكي مو مشكله

انسي هذي اللعبه

ونشوف ملفات الفيديو

بعضهم يعلقون عندي وبعذهم يشتغلون عادي عند اي جهاز ثاني ؟!!

MZM

12-09-2003, 09:31 PM

السلام عليكم ^^

هلا فيك اخوي acer2 :)

واضح إن المشكله مدوخه راسك :cool: ههههههههه

أولا الكمبيوتر يبي اللي يفحصه يدوي و بشكل عملي أكثر من الكلام العام ^^

تأكد بالأول إن كمبيوترك فعلا بمثل المواصفات اللي ذكرتها لإن ممكن يكون الرام معطوب و الرام هو المسئول عن التعليقات و تجمد العرض و توقف الشاشه ( أما كرت الشاشه ماله علاقه إلا بنقاوت العرض و سرعت معالجة الألعاب الثنائيه و الثلاثيه و إذا كان فيه مشكله ماراح يشتغل الوندوز كله بالأصل ^^ .. أول يعطيك رسايل بوجود خلل فيه دائما يعني بإختصار لو كان الخلل بكرت الشاشه كان علمك الوندوز بوجوده مباشره )

إذا الوندوز عندك إكس بي إدخل على الـ

Start >>Control Panel>>System
و تأكد من مواصفات جهازك الحقيقيه
اما لو كان نظامك وندوز غير الإكس بي فالمواصفات راح تنكتب لك كتابة يد من الورشه و لا راح تكون حقيقيه دائما أما الإكس بي يفحص كمبيوترك و يعطيك الرقم الحقيقي للمواصفات اللي قاعد يتعامل معاها المعالج ^^

MZM

12-09-2003, 09:59 PM

ثانيا فيه مشغلات لابد من وجودها بجهازك على شان تضمت سلاسة عمله مع ملفات الميديا مثل الصوت و الصوره و الفيديو و الألعاب

تأكد ان عندك آخر إصدار من Microsoft DirectX

هذا مشغل قوي و سريع لأي ملف ميديا
خزنه من هذي الوصله
Get DirectX 9.0b Now (http://www.microsoft.com/downloads/details.aspx?FamilyId=141D5F9E-07C1-462A-BAEF-5EAB5C851CF5&displaylang=en)
مواصفات ها المشغل مثل ما تشوفها من الشركه الأم إنه
For Windows 98, Windows Me, Windows 2000, or Windows XP, this release of DirectX offers updated graphics, faster frame rates, and support for massively multiplayer games.

و هذا لا بد من وجوده بكمبيوترك ^^ على شان تحصل نعومة العرض للافلام بدون تقطيع او الصوره ما تسبق الصوت

و شي ثاني و هو لا بد من وجود مشغلات تشفير لملفات الفيديو (Encode and Decode) مثل مشغل الـ DivX
اللي يفتح لك إمكانية عرض أغلب مقاطع الفيديو و من أهمها الـ AVI المضغوطه و MPEG-4 ( اللي تكون دائما لقطات و عروض فيديو من مواقع بالإنترنت )

خزن المشغل من ها الرابط .. إضغط على الصوره
http://images.divx.com/badges/downloaddivx_blk.gif (http://http://download.divx.com/divx/DivX51Bundle.exe)

بعد ما تخزنهم .. عيد تشغيل كمبيوترك مره ثانيه

acer2

12-09-2003, 10:01 PM

تفضل هذي الصوره اللي طلبتها !!!

MZM

12-09-2003, 10:11 PM

مواصفات كمبيوترك أخوي acer2 قويه ما شاء الله ^^

لو سويت كل الكلام اللي موجود بالموضوع من الأخوان بالأخص اللي نبهتك عليه اختي لوجين راح يكون الخلل مو من الكمبيوتر
الخلل بالملف اللي انت مخزنه

قول لي شنو نوع الملف asf او avi أو mpg أو wmv أو dat او mov أو viv أو شنو بالضبط

و من وين جبته و كم حجمه
لو كان على الإنترنت يا ليت تعطيني الوصله أشوفه

محمد همام

13-09-2003, 01:07 AM

ما شاء الله
كل أعضاء منتدى الرسوم وتحرير الصور صاروا عندنا
أهلا وسهلا

على كل أخي Acer اعمل يلي قالولك عليه
وعطينا نوع الملف
والمشكلة تحدث بكل أنواع ملفات الفيديو ولا بنوع معين ؟

وكمان اعمل فحص لملفات النظام يلي عندك
وذلك بكتابة sfc /scannow ضمن تشغيل run

Kinan

13-09-2003, 02:03 AM

بسم الله الرحمن الرحيم .

السلام عليكم إخواني الكرام . :ciao:

أخي العزيز . لن أضيف شيئا على ما قاله أخوتي ولكن أنا أقترح عليك أن تجرب شيئا قبل أن تدخل في تعقيدات ليس لها داعي وما أنصحك به هو أن تزيل تعريف كرت الشاشة نهائيا مكن جهازك ويكون ذلك بأن :
أولا تضع طريقة العرض على عرض كافة الملفات المخفية ومجلدات النظام وذلك من قائمة أدوات ومن ثم عرض .

ثانيا تذهب إلى المجلد : C:\Windows\inf\Other
وتعمل إزالة لملف تريف كرت الشاشة وهو على الأغلب يكون ضمن اسمه اسم كرت الشاشة الموجود عندك . :umm2:

ومن ثم تضع قرص تعريف كرت الشاشة في السواقة وتعيد التشغيل و عندما تظهر لك عند تشغيل الويندوز نافذة تعريف كرت الشاشة .. إختر بحث عن أفضل برنامج تشغيل . وعند الإنتهاء جرب الفيديو وخبرنا إذا نجحت الطريقة أولا :23: .
على كل حال أخي العزيزأنا مع الأخ MZM بأن المشكلة تحتاج للفحص العملي ولكن عسى أن تنجح الطرق التي نقترحها عليك . ويمكن أن تساعدنا أكثر إذا قلتلنا منذ متى تحدث معك هذه المشكلة وعلى إثر ماذا بدأت بالحدوث ...

:itsme:

acer2

13-09-2003, 07:51 AM

شكرا على ردودكم شباب واسفين اذا تعبتكم معاي!! :)

ونوعيه امتداد الافلام اللي عندي
mpg
avi
wmv

واغلبهم افلام عن لعبه اسمها counter strike

ومنزلهم من كازا !!!

((وللعلم انه رفيجي منزل نفس الافلام ومن كازا ويشتغلون عدل!!!!!))

واحجماهم مختلفه !!

عندك من 900 كيلو بايت الا 200 ميجا !!

والمشكلة تحدث بكل أنواع ملفات الفيديو ولا بنوع معين ؟

اهي ما تصيرلي على نوع معين

الملفات تشتغل عادي بعض المرات وبعض المرات ما تعلق بس اغلب المرات تعلق !!!

Kinan

واما بالنسبه لاعاده تعريف كرت الشاشه او التعريف من جديد فقمت بتجربه هذي الحركه ولم يتغير شيء !!!

وشكرا على ردودكم :)

Kinan

13-09-2003, 08:39 PM

:cool:
أخي العزيز .
أعود وأقول لك أن المشكلة تحتاج للفحص العملي ........................ولكن !!!
يبقى عندي طريقة واحدة تستطيع أن تجربها وهي : :bigeyes:

إن كرت الشاشة الموجود عندك يأتي معه مروحة لتبريده موجودة فوق الChipset الخاصة بالكرت ...
إفحص هذه المروحة فلربما تكون معطوبة . وإن هذه المشكلة مشكلة شائعة وتسبب نفس المشكلة التي تظهر في جهازك ...

أما إذا كانت المروحة تعمل بشكل جيد فأفضل طريقة هي أن تجرب كرت شاشة آخر بدل الكرت الموجود عندك .. فإن حلت المشكلة يكون السبب كرت الشاشة نفسه ... وإذا لم تنحل المشكلة يكون السبب شيئا آخر .

على كل حال أخي العزيز نحن معك إلى حين تنحل المشكلة ما دمت أنت معنا . والسلام عليكم ورحمة الله وبركاته . ;)

gangster_kw

14-09-2003, 10:32 AM

همممممممممممم

انزين بعد ما يصير فريز ما تقدر تسوي اي شي بالجهاز ..؟
يعني لازم ريستارت ؟

وبعد ما يعاد تشغيل الجهاز ما يطلع الوندوز مسج سبب تعليق الجهاز ؟؟

اظن كرت الشاشه اهو السبب :bigeyes:

من تجربه شخصيه :jester:

==

جرب تنزل من موقع الشركه اخر درايف له
اذا ما نفع ..

اشتر غيره :31:

C.Falcon

14-09-2003, 11:49 AM

"همممممممممممم

انزين بعد ما يصير فريز ما تقدر تسوي اي شي بالجهاز ..؟
يعني لازم ريستارت ؟

وبعد ما يعاد تشغيل الجهاز ما يطلع الوندوز مسج سبب تعليق الجهاز ؟؟

اظن كرت الشاشه اهو السبب

من تجربه شخصيه

==

جرب تنزل من موقع الشركه اخر درايف له
اذا ما نفع ..

اشتر غيره "

أو ممكن يكون من النت
أحيانا ... :reporter:

acer2

14-09-2003, 11:52 AM

انزين بعد ما يصير فريز ما تقدر تسوي اي شي بالجهاز ..؟
يعني لازم ريستارت ؟

اي

وبعد ما يعاد تشغيل الجهاز ما يطلع الوندوز مسج سبب تعليق الجهاز ؟؟

لا يشتغل عادي ولا كانه في مشكله !!

Kinan

المروحه مافيها شيء شغاله

بس اعتقد المشكله تحددت بكرت الشاشه الحين !!

C.Falcon

14-09-2003, 12:06 PM

بس اعتقد المشكله تحددت بكرت الشاشه الحين !!

أوكي حاول تأكد من الكرت يجوز موب راكب صح أو مهزوز
أو إنه قديم ... :33:

gangster_kw

14-09-2003, 12:34 PM

اوكي انحصرت المشكله الحين :)

نزل اخر درايف من موقع الشركه
وجرب :)

اذا ما ضبط ... :33:

اشتر غيره وريح نفسك !
لان معناته الكرت ما يستحمل شغلك ,

===

انا صارت وياي ,, كنت استخدم راديون7000 وكان يصير فريز
الحين شريت جي فورس 5600 ولا في مشاكل :)

سلام