تسجيل الدخول

مشاهدة النسخة كاملة : معرض رسوم الاعضاء farwell


ديابلوس
14-09-2003, 12:09 PM
السلام عليكم

كيف حالكم شباب

اليوم حبيت اني اودعكم ....

هذي آخر مشاركة لي في المنتدى

و اتمنى من الله ان ما يكون في حد زعلان علي او متضايق مني

اتمنى لكم التوفيق

في أمان الله

اخوكم ديابلوس
لوجــــــين
14-09-2003, 12:15 PM
السلام عليكم

اخوي ديابلوس خير ليش تقول هل كلام

حتى لو كان السبب للتفرغ الدراسي فمو من حقك أبد تقول هل كلام @@ لأنك تقدر على الأقل بين كل فتره تمر على المنتدى لأنه ماله غنى عنك

أما إذا كنت عاتب على المنتدى فكلنا اخوانك و بنساعدك لو عندك مشكله ..
sakura_is_cute
14-09-2003, 02:12 PM
ليش تطلع حرام عليك تطلع المنتدى ما حيتحرك بدونك ...
sharp eyes
14-09-2003, 03:54 PM
ديابلوس... ديابلوس :(

ممممم ديابلوس ... هالخبر هذا بايخ وايد :(

حسافة انك تتركنا يا صديقي...

أدري انك معزم بس ...... ما أقدر أقول إلا الله يوفقك ... ومر علينا من وقت لآخر ...

جهودك كانت مميزة بالمنتدى ، وهالجهود هذي ما راح تنسى يا صديقي :biggthump

شد حيلك ... و ....................

(am speachless)

بالتوفيق يا صاحبي
Rex
14-09-2003, 04:04 PM
السلام عليكم

اخوي ديابلوس خير ليش تقول هل كلام

حتى لو كان السبب للتفرغ الدراسي فمو من حقك أبد تقول هل كلام @@ لأنك تقدر على الأقل بين كل فتره تمر على المنتدى لأنه ماله غنى عنك

أما إذا كنت عاتب على المنتدى فكلنا اخوانك و بنساعدك لو عندك مشكله ..

بالضبط!! :irked:
ليششششش ديابلوس!!!؟؟؟؟
مادري شو الاسباب اللي تدفعك لهجر المنتدى...
هالمنتدى من أفضل المنتديات !!
يعني ماكو غيره يضاهيه برأيي بالاهتمام بمجال الرسم!!
واللي محلنه الأعضاء اللي فيه طبعا!!
ارجوك فكر مره ثانية!! اذا عندك ظروف معينه , يمكن تغيب عن المنتدى لفترة وترجع !!
ما فيها مشكلة أبدا...
لازم نشوفك بالمسنجر!!

على فكرة أنا ما بودعك! الا بعد ما تقنعنا صح!!
لازم توضحلنا أكثر!
:33:
GM Head
14-09-2003, 05:13 PM
على فكرة أنا ما بودعك! الا بعد ما تقنعنا صح!!
لازم توضحلنا أكثر!
:33:

أبي أعرف يا ديابلوس......
شنو الي مخليك بترك المنتدى؟
ترى حالة الخمول الحالية مو سبب قوي
شسالفة؟:06:
Taja
14-09-2003, 05:26 PM
:( :( :( ديابلوس ليش؟؟؟
انت احد افضل الاعضاء الموجودين
انا مع رفلكس اذا كان ظرف مقنع راح نتفهم
:(
Neo Cid
14-09-2003, 06:29 PM
انا متأكد ان ديابلوس يتغشمر .. بيعرف ردة فعل بعضنا .. تدرون .. الملل و شنو يسوي .. مو عدل ديابلوس ؟ .. :06:
لوجــــــين
14-09-2003, 07:28 PM
انا متأكد ان ديابلوس يتغشمر .. بيعرف ردة فعل بعضنا .. تدرون .. الملل و شنو يسوي .. مو عدل ديابلوس ؟ .. :06:

يتغشمر @@

ديابلوس !! لو كلام neo cid صحيح تدري شنو بسوي فيك ..

شفت وينه شعار المنتدى ؟ فوووووووووووووووق راح أعلقك عليه من ملابسك

يالله عطنا رد

ههههههههههههههه
Miss_kimino
14-09-2003, 08:53 PM
:dot:
ديابلوس !! .. فكككككككككككككر مرة ثانية لو سمحت في الموضوع


:zx11pisse ما بنسمحلك تطلع من المنتدى.. (( مصدقة عمرها وايد))

بس والله انت عضو نشيط و فعال في المنتدى !! و رسمك مميز وايد ..ما نبا نيخسر شخص رائع مثلك !!


Dont go away please :( يا ابووووووووو الافكار!!
C.Falcon
14-09-2003, 11:14 PM
حبيبي ديابلوس ...
المنتدى منتداك و حياك الله فيه بأي وقت ...
وتروح حبيبي و ترجع بالسلامة ..... أخوك :(
Renam
15-09-2003, 01:19 AM
هـــــــــــــــــــــــايو



ديابلوس
يالتمساااااااااااااااااااااااااااااااااااااااااااااح


لاااااااااااااااااااااااااااااااااااااااتروووووووووووووووووح


لالالالالالالالالالالالالالالالالا
مب عدل مب عدل
:bawling: :bawling: :bawling: :bawling:
Rewayah
15-09-2003, 01:02 PM
ديابوس تتغشمر!! ^^

أكيد تتغشمر... :)

أكيد مزحة... غشمرة... :31:

قول إنك تتغشمر... ... :(

وموضوع تحدي قراصنة المنتدى المعلـّق؟ :mad:
وأنا مجهز له ومسوي له... :(


أنزين... مثل ما قال ريفليكس والبقية... ما راح أودعك. :)
لين ما أعرف شو المستوي.

... والله ما بودعك.
Madoka
15-09-2003, 03:28 PM
سلااام


دياااااابلووووووووووووووس ... تضايقت وايد من هالخبر هذا :( ..
ياريت ما تكون انت متضايق او زعلان من احد ...

الصراحه الصراحه .. قلتها لك من قبل انت تستاهل تكون مراقب على منتدى الرسم لأنك شايل المنتدى بمواضيعك و مشاركاتك !!!!!! .. و لو طلعت منه :06: مممممم


بس ما يحق لي اتدخل بقرارك هذا ...
و أتمنى نشوفلك مشاركات بمنتديات ثانيه >_<
يعني مو تقطع عنا مره وحده !!

باي و تيك كير
هـداف
15-09-2003, 07:43 PM
بس انا فعلا زعلت من كلامك ..ديابلووس :)
واكيد كل عضو راح يزعل من كلامك هذا.

اشوف ان الأعضاء واحد ورى الثاني بدأوا يطلعون من المنتدى(مع العلم ان كلهم راح يرجعون عاجلا أم آجلا :tongue2: )..وطبعا خروجهم في له سبب..


بس ما يحق لي اتدخل بقرارك هذا ...

لكن انا يحق أتدخل بقرارك ..ديابلوس!؟!
انت عضو غير عادي ، معقولة تطلع بهذي البساطة..يله عاد خل عنك الغشمرة وارجع لنا :jester: ،
خلني احصلك على الماسنجر بس..ياويلك،ياسواد ليلك ساعتها :D
عاد هاي اذا دشيت..والله مشتاق للماسنجر ><
(على فكرة،اذا ماقدرت أدش الماسنجر براسلك على الخاص ،اتمنى لو كان قرارك (غير الصائب)، راح تنفذه لاتحرمنا من دخلتك على المنتدى...او براسلك على الايميل^^
على العموم،انا دشيت المنتدى على السريع...قلت اشوف آخر التطورات..بس موضوعك هذا جدا زعلني..وأتمنى نشوف مشاركة لك هنا ترد فيها على الأسئله،لو سمحت

وبانتظار عودتك الحتمية لبيتك ^^
الى اللقاء^_-
Shadow Cat
15-09-2003, 08:03 PM
You gotta be kidding Us right??? RIGHT?? ..hmm :12:
DiabloS...there has to be a resonable excuse to leave the montada.... :06:
why all of the suddne...??
What the hell is with this world people....???

واحد طالع و واحد راجع و احد يفكر يطلع ... :(
قول بنقطع لفترة و برجع............................. بس تهجر مرة وحدة؟؟؟
منو بيكون مسؤول عن مواضيعك العجيبة...؟؟؟ و منو بينشط و يقوم المنتدى يوم بينخمد ؟؟ :31:

ديـــــــــــــــــــــابلووووووووس ......
Think about this....all your friends..all the excitment... :أفكر:
u dont know what ur gonna miss.......



In the end...
This is all upto you..... :06:
JUsT ThInK TwiCe..
:hmmmm2:

^^;
chaw chaw
Bu Laban
15-09-2003, 08:14 PM
بصراحه .. هذا موضوع مفاجئ جدا ديابلوس :bigeyes: .. أنا آخر شي توقعته أنك تقول هالكلام :33: .. أنا أتمنى تغير رايك بهذا الموضوع .. و لكن إن أصريت على الترك فلا تنسانا :12:

أخوك .. بو لبن
ديابلوس
15-09-2003, 09:17 PM
بووووووووووووووووووووووووه :31: ... هالكثر تحبوني؟؟ :31:

يه يه يه يه يه يه يه يه يه يه يه ...... تشققت :lollypop:

عاد الحين انا ما بتعلق بس...... الا بنضرب ضرب ..... بينغسل شراعي اليوم :chairshot

الله يعين :bigeyes:

انا عاد حبيت اختبركم و اشوف شكثر تحبوني :07:

لااااااا انا اليوم بستوي ذبيحة :sheep:


ههههههههههههه

الله يعين :afraid:
Taja
15-09-2003, 09:25 PM
:mad: :mad: :mad: :mad: :mad: :mad: :mad:
دييييييييييييييييييااااااااااااااااااااااااااااااااااااااااااااااااااااااااابللللللللللللللللللللللل للووووووووووووووووووووووووووووووس :mad: :mad:
راح اسويك ذبيحه عدله راح اعشي الاعضاء فيك : :chairshot
تدري شلون قلبي وقف اخخخخخخخخخخخخخخخخخخخخخخخخخخ لو امسكك اعلمك خليت اعصابي
تشب من كثر ما عصبت خلاص انا اكرهك >>>>>>>>واااااااااااااااااااااااااء وااااااااااااااااااااااااااء













(سالفه الكره مزحه)لكن الذبيحه راح تتحقق
هـداف
15-09-2003, 10:34 PM
:jester:
كنت حاس يالسوسة :D

اتعرف لو كنت عندي...كنت نتفت شعرك شعره شعره :mad:

الحين انا مستانس :tongue2:

باي ديابلوسي :biggthump
Shadow Cat
15-09-2003, 10:48 PM
شوووووووووووووووو؟؟؟؟

ديابلووووووووووووس يالشريــــــــــــــــــــــر :mad:
عيل تسويها فينا و تقص علينا هاااااااااااااا؟؟؟
:vereymad:

انا ماعندي خبرة في النحر...بس في ناااس ماشالله بوفيشوناااال... :evil:
:sheep: <---
DEAD MEAT ...LOL
:D

عالعموم....الله يعينك... :D
و نشوفك عخير....
:saint: لووووووووووووووووول :09:

chaw chaw :09:
Rex
15-09-2003, 11:12 PM
الحمدلله :D

عاد لا تعيدها مره ثانية اوكي :kabong:

أعتقد انك مازلت قبطاننا :captain:

ويلكم باك :veryhappy
Renam
16-09-2003, 01:07 AM
:12: :12: تمساااااااااااااااح :12: :12:


:12: :12: :12: :12: :12: :12:

لو انك عندي كان علقتك بشعرك في مروحه
وشغلتها على واحد

واجلس اتفرج عليك :D :D

بس اشوى ماراح تروح ;) ;)
sweet girl
16-09-2003, 03:27 AM
:mad: :mad: :mad:

انا اول ما قريت ان ديابلوس الي مسوي هالموضوع استانست قلت اكيد موضوع حلو ..... :mad:


لمن قريتة صعقت ... :wow:

:( :( ليش تبي تطلع....


على العموم الله يوفقك :(
sweet girl
16-09-2003, 03:39 AM
ههههههههههههههههههههههههههه.............الخ ..

اتصدق خوووووووووووووووووووش مقلب :biggthump ...


بس في البداية اخترعت :p

على العموم شوووكراان على الموضوع الحلو :D
wildkitty
16-09-2003, 05:48 AM
... لاتعليق

:chairshot




لحد يقره الي بين الاقواس :rant:

( دياااااابلووووووووس ماحبك انته حمار غبي خايس غبي غبي غبي

هذي حركه جد جد بايخه :bawling: :bawling: :bawling: :bawling:

انا تعقدت من هل حركات اخر شي ببالي انه انت تقول انك بتطلع :bawling:
حته لو ضحك بالبدايه تبون تذبحوني انتو )