اللي يحب مسلسل كينشن [الأرشيف]

kitten

17-09-2003, 08:19 PM

السلام عليكم

انا ادري ان ما في داعي اني افتح هذا الموضوع لكني قلت لازم اني احذر الاعضاء اللي يحبون مسلسل كينشن ان ما يقعون في الخطأ اللي وقعت فيه و ندمت عليه قد شعر راسي

هي السالفة ان
انا خلصت المسلسل كله 95 حلقة
و كانت نهايه المسلسل حلوه
بعدين نزلت ال ova و هو عبارة عن جزئين
الجزء الاول كان يحكي عن قصة كينشن فترة ما قبل المسلسل يوم كان باتوساي
و كان ال ova هذا مو بطال كان حليو

لكن المشكله
اني نزلت بعدين ال ova الجزء الثاني
كانت حزيييييين جدا و نهايته كريهه جدا و ما حبيتها :mad22:
خلوني ابكي عليه عدل :bawling:
و تحسفت ليش اني شفته :argh:
لذلك لا تشوفون ال ova الثاني لانه بااااااايخ

و قد اعذر من انذر :dontknow:

ملاحظه : اللي يبي ينزل ال ova الاول من الكازا فهي مرقمه من رقم 1 الى 4
و الجزء الثاني ( وخروا عنه ) رقمه 5 و 6

spoilers تخريب

هذا تخريب اللي مو شايف ال ova و ما يحب انه يخترب عليه لا يقرى

الصراحة النهايه كانت تلوع الجبد في ال ova الثاني :motz:
شنو هذا خلو كينشن يصاب بمرض ما اعرف شنو اهو ؟ ( اللي يعرفه ممكن يقول لي اسم المرض هذا !!)
و بعدين كاورو تتعادى منه المرض
و الاثنين يموتون اخر شي :saint:
صارت نهايه المسلسل مثل نهايه الفلم الهندي devdas
يعني نهايه حزييينه و مريييرة و تبكي

بس ما اقدر اكتب اكثر من جذي لاني حدي منقهره على النهايه الخايسة
:crying:

weiss_girl

17-09-2003, 09:00 PM

انا معاج في الكلام kenshin ova2 بايخ حده انا كنت متفائله انهم راح يحكون عن اخو تومو اللي شعره ابيض انشي
http://www.geocities.com/mirax_terrik_22/enishi18.jpg
لا تغتروا بالصوره الظاهر انهم عملوا الصور قبل المسلسل (اووف ياليت عاملينه في الانيم ياليت)
spoilers تخريب
كنت متوقعه انهم راح يحكون عنه وشلون بينتقم من كنشن بس اللي راونه انه خطف كاوروا (على فكره بتلاحظون ان كاورو هي بطلة الاوفا كله قاعده تقص وتحكي عن نفسها) وشلون كانت تمضي الايام معاه لين ماجا كنشن والهواش قصييييييييييير بس كم نطه على كم ضربه وخلصوا هذا الشي فقط والباقي كله مختصر مفيد عن احداث المسلسل وعقب موت كنشن (شو هيدا :mad: )
انا تابعت المسلسل بس ماخلصته كله وصلت إلى حلقات صديق يهيكو لما يرجع وعقب تطلع بنت ننجا تساعد البريطانيين وماكملت قصتهم (هم بعد ماخلصوا من قصة الشيشيو خربوا القصه وحطوا احداث من عندهم ومنها ذاك الشخص اللي يعرف الهيتن متسروكي ستايل ويتحدا كنشن ويصير عمي كله هذا من عندهم ومش في المنجا :( (هذي دايما مساوىء المسلسلات اللي تنعمل وقت المنجا لسه مش مخلصه) :31:
(kitten ممكن تقولين شنو نهاية المسلسل)

LOVELY BOY

17-09-2003, 09:17 PM

شلونج أختي Kitten إنشالله بخير..................
وعن ova أنا الصراحه ماشفتها لأنني لحد ألحين ماخلصت المسلسل ،لكن تبين الصج يوم عرفت منج أنه كينشن وكاورو يموتون تحمست له مو لأني ودي يموتون لأ لأني أحب النهايات المأساويه والحزينه في الإنمي لأن لين تشوفينها تصيرين جذي :bawling: :bawling: :bawling: وأنه أحب جذي

على العموم لكل واحد ذوقه وبالنسبه لي أنه أحب إلي جذي ، وفي الختام اتمني أنج تكونين بصحه وعافيه .

مع السلامه :)

San_21000

17-09-2003, 10:39 PM

السلام عليكم
حبيت أشارك بهذا الموضوع خاصة أنه نقاش عن كينشن
بصراحة أنا أقول أن نهاية كينشن من أورع النهايات التي شاهدتها..
النهاية عجيبة ومو متوقعة أبداً مافي أحد توقع أن كينشن بيموت بسبب مرض وأنا عجبني مرة كونه واقعي في هالشيء أنا بعد ما شفت النهاية قلت كينشن اللي مافي أحد قدر يهزمه يموت آخرها بمرض؟...(ايوة مرض يعني شو فيها)..الأنسان مهما كان راح يواجه الموت وهذا هو الواقع وأجزاء الـOVA كانت واقعية جداً..على كل بالعكس أنا أشوف اللي ما شاف كينشن الأو في ايه بالذات الثاني كأنه ماشاف نهاية كينشن الحقيقة اللي بالمسلسل ما تعتبر نهاية..على كل هذا رأيي تجاه نهاية هذا الأنمي الفظيع..وأنا أفضل النهايات الحزينة..وآسف على الأطالة والسلام عليكم..

Detective_Conan

17-09-2003, 11:33 PM

والله لما شفته أنا ما كنت متوقع هذي هي النهاية بعد :bigeyes:

عالعموم هالأيام سمعت واحد قال لي أنه في مسلسل يديد البطل هو ولد كنشن
مع أنه السالفة مو داخله مخي و أنا مو مصدق بس واحد ثاني بعد قال لي نفس الشي و المشكلة أنه يحلف :أفكر: بس أعتقد أنها إشاعه بعد

ثانكس كيتن

Anime Guy

18-09-2003, 02:16 AM

انا مع الاخ سان ... بأن النهايه كانت جميله جدا
و خاصة أنه الاوفا عجبني أكثر من المسلسل نفسه
لأني أحسسته انه واقعي أكثر لو نلاحظ حتى شعر كنشن
كان مو أحمر ... كان بني يعني عشان يكون واقعي بكل الاحوال
و عينيه كانت مثل عيون اليابانيين تقريبا ... عموما النهاية أعجبتني
و انا أقول المرض ما أتى هبائا لأنه كنشن سوى الاستايل ماله مرتين
و حذره الماستر ماله أنه يسوسها مره وحده ... و لما سواها المره الثانيه
اتى له المرض ( هذا باعتقادي ) طبعا كايؤو قالت له إذا انت مت راح يكون حياتها مالها داعي .... فأقنعته أنها تموت معاه ... طبعا الكثير أنتقد
مؤلف المسلسل ... و قاموا عليه و لكن ... لا باليد حيله يعني يمكن يصلح غلطته في الابن .... ابن كينشن
أما من ناحيتي فأشوف نهاية كينشن جميله جدا ^^

X-Spy

18-09-2003, 02:42 AM

أشكرك جدا أخي كايتن على هذا الموضوع الذي أنقذتني في الحظة الأخيرة الذي كنت سأنزل الجزء الثاني لأن أحب الأكشن ما ألي نفس أباوع حزن وغيرها

Tidus

18-09-2003, 06:38 AM

:bigeyes: موضوع عن كينشين كيتين ... حلو و الله تعرفين ذوقي :cool:

ردي من راسه لساسه Spoiler

اوه ما توقعت تقولين هالكلام عن هالمسلسل و الله يمكن ما تحبين النهايات المأساويه ؟

عموما هالاوفا نزل سنة 2001 و تدخلت فيه شركة Sony يعني ما كان فكرة واتسوكي صاحب العمل ... و كان الرسم فيه بمستوى الاوفا الاول و كان يحكي شصار بعد اخر حلقه ... انا صراحه مجنون اي شي اسمه كينشين ... و عجبني هالاوفا لدرجه ما تنوصف ... لاني اقدر اقول : هالقصه انتهت !!! مو مثل اي مسلسل او عمل يعجبني و يقولون بالنهايه : and they lived happily ever after !!! شفت آخرتهم شنو بالضبط يعني ... و انا صراحه مع اخوي سان ... لاني اشوفهم فعلا بالغو بقوة كينشين ... مع انه عجبني لكن و لو ... الواقعيه كانت بالقدر المطلوب صراحه ... مشهد لما يحذف سانوسكي السمكه لكينشين و هو مو قادر حتى ينطق اسمه و لا يمسك السمكه و يتذكر عاد سانوسكي التحديات اللي صارت بينه و بين كينشين قبل ! انهد حيله الرجال هههههههه ... المشهد حيل كان قوي ...

و بعدين هالاوفا عرض ال Jin-chu arc قصة توموي و اخوها ...

و ترى كينشين الاصل هو المانجا اللي من 28 فولوم و احسن من اي شي قد انعرض لكينشين بمليون مره ! و يقص القصه من طقطق لسلام عليكم و النهايه : و عااااااااااااش الحبيبان ... بسعادة و سلام :09: يعني ما ندري شصار :o يمكن بيفضل هالنهايه اعضاء كثير و ما اخفيكم انا حبيت هالنهايه بعد ... لاني تطمنت بانه الحقيقه هم ما ماتو هالموته الشنيعه :p

كلش و لا آآآآآآخر مشهد ... عاجبني ... http://hoshinokoe.jeeran.com/Tadaima.jpg >>> مصممه :09:

نصيحه المانجا ;)

و انا أقول المرض ما أتى هبائا لأنه كنشن سوى الاستايل ماله مرتين
و حذره الماستر ماله أنه يسوسها مره وحده ... و لما سواها المره الثانيه
اتى له المرض ( هذا باعتقادي ) طبعا كايؤو قالت له إذا انت مت راح يكون حياتها مالها داعي .... فأقنعته أنها تموت معاه ...

لا اخوي شالسالفه :06: هو مجرد مرض معدي و قاتل اذكر قريت اسمه باحد المواقع :o و نفس الطريقه ترى ماتو والدين كينشين لكن اعتقد بمرض الكوليرا او شي ... و ما اظن ان السبب كان ال Ama kakeru Ryu no Hirameki >>> يااااااطول اسمها

و كينشين بعد ما استخدم الاما كاكيري ريو على شيشيو رجع استخدمها على اكثر من واحد بعده ...

و بعدين كاورو انعدت لانها زوجته اصلا و كانت حابه تشاركه بشي و لو لمره وحده ... لانه عقدتها مرض كينشين النفسي من الندب اللي على خده و هي مو قادره تسوي له شي ... That's all ^^

و على فكره ... كاورو من احسن شخصيات ال Femals بعالم الانيمي بالنسبه لي ... لو مو هي الاحسن بصفه عامه ^_______^

Anime Guy

18-09-2003, 11:00 AM

يعني ....
مرض كينشن غامض للحين ؟؟
عموما .... مواقع كثيره تفسر هذا المرض على هواها :D
و محد يدري شنو أهو هالمرض حتى مؤلف القصه نفسها :09:
بس انا مثل ما قلت ( أعتقد ) ... نهاية كينشن أعجبتني ...
بس ما أدري لما شفت الانمي كله حسيت انهم يبون يسوون حلقات و بس يعني
الانمي كان إذا خلص عندد شيشيو أحلى و يبلشون بالـOVA
بالغوا في المسلسل من ناحية طوله .... قام يطلعون حلقات أي شي :D
تقريبا شفت كنشن من سنه .... و هذا الانمي بالذات ما أدري ... حسيت أني
أقدر أنساه و ما أثر فيني مع انه جميل خاصة كلام كنشن بالمسلسل وايد حلو
يعني في أنميات وايد أحلى من كنشن :33: عموما ما أدخل في هالكلام .... لأنه
أساسه الرأي الشخصي ^^؛ ......
و السؤال اللحين ....

هل راح يكملون كنشن ... الابن ..؟؟
>_<؛

weiss_girl

18-09-2003, 11:46 AM

spoilers تخريب :bigeyes:
اعتقد ان نهاية المنجا مختلفه عن ova2 حيث ان ماجومي تقول حق كنشن انه خلاص جسمك هلك من القتال وانها لاحظت هالشي من عودته من معركة الشيشيو وتنصحه ان لايستخدم الهيتن متسروكي ستايل وان بعد ذلك ماقابل كنشن احد ثاني يبي يقاتله ويتحداه (هذا كل ما أعرفه في النهايه الأصليه).......... :أفكر: بس هذا مو معناته اني اكره النهايه المأساويه نفس ليدي اوسكار و جو البطل بس نهاية كنشن ماكانت ابدا بمستواهم تحسهم يبون يتخلصون من القصة بأي طريقه وبسرعه :(
اما عن الرسم صحيح ان رسم ova تغلب على رسم المسلسل بس انا افضل رسم المسلسل الكرتوني ما أميل إلى الرسوم القريبه من الواقعيه نفس kenshin ova+Patlabor movies+JinRoh+Perfect Blue وغيرهم :33:
وعن تكملت القصه بأبن كنشن (ما احب القصص اللي تكون شخصيه وعقب مايجيبون عيال يصير لهم نفس الشي مادري احس تخريب للقصه وفلسفة زايده من عندهم-بيقعد يقول بانتقم عشان ابوي ...وغيرها)
وشكرا لفتح باب النقاش عن كنشن ;)
صحيح ان انشي ظهر فيova2 بس مش مثل ماكنت متوقعه تكون الأحداث نفس المنجا هم بس عرضوا الجانب اللي كاورو كانت لين اختطفها وعاشت معاه بس ما اهتموا بباقي الأحداث (على الأقل لو عملوا 4 حلقات مثل ova السابق كان على الأقل يمكن كانوا وفوا شي من حق الشخصيه وجوانبها :mad: )

kitten

18-09-2003, 01:06 PM

الصراحة انتوا يا الاولاد انصدمت منكم :11:
و لا واحد فيكم يحب النهايه السعيدة و تفضلون المأساويه
و لا انكم غريبين :06:

الصراحة احنا البنات ( او انا )
ما احب نهايه حزينه تعور القلب لان احنا ما نتحمل هالاشياء :bawling: ( اللي يقول عاد رقيقة موت :09: )
انا اوافقكم ان المسلسل اذا كانت نهايته مأساويه ما راح ننساه ابدا مثل النهايه السعيدة لانها ممكن انها تتنسي
لكن مهما يكون
انا اكثر وحده اكسرت خاطري اهي كاورو لانها من اول ما شافت كينشن و هي تبي تصير معاه في كل شي و هو اذاها مسكينه اما انه يروح الاخ يسافر عشان تكفير ذنوبه ( حشه ما صارت ذنوب :09: ) او انه يترك ابنه و لا يدري عنه و لا انه يذبح روحه بالشعور بالذنب
يعني حاله لا يمكن وصفها :o

الواحد يستانس انه يشوف نهايه حلو سعيدة تعيش كاورو مع زوجها و وولدها بسعاده و ممكن ان تواجهم المشاكل بس مو جذي

على العموم كل واحد و ذوقه و طريقه تفكيره

weiss_girl

انا معاج لان ما حطوا اشياء اكثر عن اخ توموي و ركزوا على اعاده احداث المسلسل
و انهم طولوا المسلسل بعد معركه شيشيو و المفروض انها خالصة
لكن في شي حلو انهم اضافوا شخصية ماغوداريا اللي راح يحبها سانوسكي و كان هذا شي حلو لكن نهايتها كانت خايسة ( ما يقدرون يسوون شي عدل :mad22: )

حبيبتي نهايه المسلسل عاديه ما حطوا شي يعني حطوا كاورو و كنشن يردون مدينتهم و الشله كلها ناطرتهم و يضحكون ( يعني نهايه سعيده و ادري انها مو ذاك الزود لكن اذا قارناها بالمأساويه تطلع احلى بألف مره )

و يمكن ان اذا كملوا المسلسل بولد كينشن انه راح يخترب
لكن ما ادري اذا فكرتي فيها راح يطلعون الشخصيات القديمه
و الصراحة انا ابي اعرف عن ميساو هل راح تتزوج اوشي :06:
و عن مدرب كينشن (شيشو) هل راح يتزوج البنت اللي شعرها طويل اللي في مجموعه ميساو !

LOVELY BOY

اذا كنت تحب النهايات المأساويه و تحب تكون جذي
راح تكون نهايه كينشن من افضل النهايات اللي راح تشوفها بحياتك :biggthump

San_21000

اهلا فيك اخوي
هذي المشكله انا ما احب النهايات الواقعيه لانها تكون حزينه و انا اكره شي عندي الحزن لانه يذكرني بالامتحانات و الدرجات :09:
و صح ان نهايه المسلسل كانت مو موفيه المسلسل لكن ...
على العموم كل واحد و ذوقه :fing02:

Detective_Conan

يعني مسلسل عن ولد كينشن !
الصراحة اذا نزل ليش لأ
راح نشوفه لانه متعلق بكينشن و اكيد راح تكون الشخصيات القديمه موجوده

Anime Guy

ان شاء الله تكون قصه ابنه احسن من قصه ابوه
هذا اللي عاجبكم الواقعيه :أفكر:
و صح ان المخرج بالغ وااايد بشخصية كينشن من ناحيه كلامه و تصرفاته ( يريت في واحد مثله :33: )
و مشكوراخوي على المشاركه ;)

X-Spy

مبروووك اول ولد رومانسي يحب النهايات السعيده :handkiss:

Tidus

الصراحة مشهد السمكه كان من اكثر مشاهد الانمي حزن و تعور القلب
ما شفت مقطع اكثر منه يقطع القلب :bawling:

اما عن المرض كنت ابي اعرف شنو اسمه عشان نقرى عنه و نعرف سالفته
و كلامك عن كاورو انا معاك فيه 1000% ما شفت شخصية انمي مثل تحملها ;)

و الحمدلله ان الموضوع صار فيه تفاعل
( لاني ما توقعت )
و مشكووورين كلكم على ردودكم :shakehand

لانها فرحتني واااايد
:rofl:

flarestar

18-09-2003, 01:12 PM

بالعكس انا عاجبتني نهاية كينشن مرة :bigeyes:

احسن شيء النهايات المأساوية http://www.abunawaf.ws/forum/html/emoticons/blushing.gif..

the more the tears the more i like the anime :09:

احسن حركة جديدة مو لازم نهاية they lived happily ever after :06:

يمكن انتي تحبين الاشايء الفرايحية عشان كذا ماعجبك :tongue2:

انا ما اعجبني بكينشن الا الاوفي اي

المسلسل نفسه مو لذاك الحد عجبني :tongue2:

weiss_girl

18-09-2003, 01:58 PM

و الصراحة انا ابي اعرف عن ميساو هل راح تتزوج اوشي
أي والله نسيت سالفتهم :33: تكسر خاطري ميساوي شتحب في اوشي عقب اللي سواه في جدها شخصية ترفع الضغط ومايهمه هو ان يكون احسن واحد وان يرد سمعة فرقة انها ماتنهزم ابدا وعقب صار انسان روحاني ومنعزل الله يكون في عون ميساو

و عن مدرب كينشن (شيشو) هل راح يتزوج البنت اللي شعرها طويل اللي في مجموعه ميساو
ههههههه وهذيلا ولا فكرت فيهم وبعدين مش بس اللي شعرها طويل بعد وحد ثانيه وهم بس معجبين فيه ما اعتقد ان السالفه واصله إلى الزواج

kitten

18-09-2003, 02:08 PM

flarestar

اي و الله اخوي انا فرايحية و ما احب الحزن كللللش
و المسلسل بالعكس كان حلوووو بس بعد شيشيو قام يصير بايخ
و مشكوور على الرد ;)

weiss_girl

و مو بس انه حاول انه يذبح يدها ( في شي اكثر من جذي :09: )
المشكله انه اكبر منها بوااااايد و مثل عمر ابوها يعني لما تكبر بعد شوي اهو راح يصير شايب :p

اما عن الثانيه اللي معجبه بالمدرب
انا مثل ما تدرين احب النهايات السعيده لكل الشخصيات و حبيت انها تتزوجه ام شعر طويل لانها احلى من الثانية ام الكبه ( و اذا لاحظتي ام شعر طويل ما ادري في اي حلقة تتلزق بالمدرب و تصب له عصير ) ادري انه مو عصير لكن :أفكر:

Z-GUNDAM

18-09-2003, 02:10 PM

للأ ســــــــــــــــــف الشــــــد يــــــــــد ان حطو لكنشين نهايه :(
والله كان مسلسل حلو وقمه بس اهو عجبني اكثر شي لما يطلع سايثو لين نهايت شيشو كاموتو ووراه
للأسف بايخ مو حلو بس كان روعه كنشين
وتحياتي لكم

kitten

18-09-2003, 02:22 PM

San_21000

18-09-2003, 02:28 PM

كينشن يقسم إلى
1-كينشن الجزء الأول وهو من الحلقة1-30
2-الجزء الثاني من 30-65 على ما أعتقد
3-من65-95 الجزء الثالث
4-OVA1
5-OVA2
الجزء الأول حلو ولكن يبدأ الجد بالجزء الثاني وهو أروع الجزاء في المسلسل أما الجزء الثالث مثل ما أتفق البعض أنه بايخ مرة وعلى العلم مو نفس الكاتب اللي كتب عن الأول والثاني لهذا بايخ..

و الصراحة انا ابي اعرف عن ميساو هل راح تتزوج اوشي
هذا أنا هو ولسى ما فكرت أتزوجها بعد لأنها مقلقة شوي^^

أي والله نسيت سالفتهم تكسر خاطري ميساوي شتحب في اوشي عقب اللي سواه في جدها شخصية ترفع الضغط ومايهمه هو ان يكون احسن واحد وان يرد سمعة فرقة انها ماتنهزم ابدا وعقب صار انسان روحاني ومنعزل الله يكون في عون ميساو
أرفع الضغط؟
غريبة ماتوقعت جمهوري راح يكرهني ولكن المهم سان عشقني :D

اهلا فيك اخوي
هذي المشكله انا ما احب النهايات الواقعيه لانها تكون حزينه و انا اكره شي عندي الحزن لانه يذكرني بالامتحانات و الدرجات
و صح ان نهايه المسلسل كانت مو موفيه المسلسل لكن ...
على العموم كل واحد و ذوقه
لا فيه فرق بين الحزن والأمتحانات أنا لو اشوف واحد يتعذب قدامي ما حزنت مثل ما ما أحزن ايام الأختبارات..

kitten

18-09-2003, 02:38 PM

San_21000

ههههههه و الله اخوي سان ان دمك خفيف :laughing:

لا فيه فرق بين الحزن والأمتحانات أنا لو اشوف واحد يتعذب قدامي ما حزنت مثل ما ما أحزن ايام الأختبارات..

اي و الله اخوي انك صاج ما في مثل القلق والخرعة اللي اصاب فيها في فترة الامتحانات :scared1:

Z-GUNDAM

18-09-2003, 02:44 PM

Z-GUNDAM

اي اخوي انا معاك بعد شيشيو قام يصير بايخ

بس على طاري سايتو هذا اللي ما حطوا عنه و ما قالوا شي عنه الى نهايه المسلسل و اصلا ما يدرون انه حي و مو ميت
اذا فكرت فيها في وااايد اشياء ما كملوها :31:

مشكور اخوي على المشاركه ;)
مشكوره اختي ماقصرتي بس سايتو مامات حي :)
لما انحكرو بعد نهايت شيشو ماكوتو ماقدرو يبطلون الباب الضخم راح سايتو وبطله بحركته وعطاهم ضهره وقال انا ماحبكم وراح والدليل انه حي بعد حلقه او حلقتين يطلع بالمغفر ( مكان عمله يعني ) قاعد ويا هذا ماعرف اسمه شعره اصفر الي سيفه مطاطي الي انهزم من المسيحي ورا شيشو ماكوتو وتنوم بالمستشفي بس للأسف هم ماطلع سايتو بالاجزاء الي ورا شيشو ماكوتو :<

San_21000

18-09-2003, 02:56 PM

سايتو مايزال حي..وإذا فيه أحد يبي يعرف الكثير عن الشخصيات فيه المانجا أنا عندي كاملة بس إلى الآن ما قريتها (عجاز)
ولكن اللي شفته يكمل كل من أوشي وميساو وسايتو رحلتهم مع كينشن وأصدقائيه شفت كم صورة يقاتلون مجموعة من الأشرار...وصورة توقيعي مأخوذة من المانجا بعد ما يصير أوشي معهم في المانجا عطاهم أدوارهم الرسام..مو مثل الأنمي

the oni

18-09-2003, 05:13 PM

Tidus

18-09-2003, 05:32 PM

1-كينشن الجزء الأول وهو من الحلقة1-30
2-الجزء الثاني من 30-65 على ما أعتقد
3-من65-95 الجزء الثالث
4-OVA1
5-OVA2

6 - و الايشين شي شي موفي :09:

Rurouni Kenshin : The Ishin-Shi-Shi Movie

الا شرايكم بهالفيلم ؟ ^_______^

انا ما عجبني فيه الا انه كينشين يتذكر اول مشهد اللي قتل فيه جينتاتسو و يندم عليه اكثر من مره ... و الصراخ مو صاحي صج :lmao:

San_21000

18-09-2003, 05:39 PM

6 - و الايشين شي شي موفي :09:

Rurouni Kenshin : The Ishin-Shi-Shi Movie

الا شرايكم بهالفيلم ؟ ^_______^

انا ما عجبني فيه الا انه كينشين يتذكر اول مشهد اللي قتل فيه جينتاتسو و يندم عليه اكثر من مره ... و الصراخ مو صاحي صج :lmao:
أوه آسف ما أدري كيف نسيته
والله الفلم ما أقول على بايخ ولا أقول أنه رهيييب مرة الأنمي ما عليه ينشاف..وأنا مثل شيء المقطع الرائع لما يتذكر كينشن قتاله مع جينتاتسو..وصراخ كينشن دائماً فظيع

kitten

18-09-2003, 08:30 PM

Z-GUNDAM

مشكوره اختي ماقصرتي بس سايتو مامات حي

اي اخوي انا ادري انه ما مات
لكن كان قصدي انهم ما حطوا سالفته
و كينشن و سانوسكي ما يدرون شنو صار فيه مات و لا حي
هذا قصدي
( اكيد ادري انا شفت المسلسل كله :05: )
مشكوووور اخوي :laugh2:

San_21000

..وإذا فيه أحد يبي يعرف الكثير عن الشخصيات فيه المانجا أنا عندي كاملة بس إلى الآن ما قريتها (عجاز)

اي و الله اخوي
انا بس فالحه اني اشوف انمي ما لي خلق اقرى ( كسلاااانه :boring: )

والله الفلم ما أقول على بايخ ولا أقول أنه رهيييب مرة الأنمي ما عليه ينشاف

انا نزلت الفلم و مدبلج انجليزي لكن لي الحين ما شفته
خلني اشوفه و بعدين اتحلطم عليه :argh: اذا فيه شي يبط الجبد

the oni

عموما حبيت ابين لكل الاراء ايش هي الاسباب الي خلنت مسلسل كنشين يصير مش في وضع مستقر في أخر حلقاته

مشكووور اخوي على المعلومه الحلوة
طبعا انا مثل كل مره ما ادري شنو السالفة و عبالي ان المخرج قام يخورها اخر المسلسل و يبي يفتك منه بأي طريقة :sad:
و طلع المسكين ان محد عطاه وجهه و قطوه على صخر في اخر المسلسل و المسكين كلاها :buttkick:
ادري خربطت وايد :09:
مشكووور مره ثانيه اخوي على التوضيح

:fing02: Tidus

انا ما عجبني فيه الا انه كينشين يتذكر اول مشهد اللي قتل فيه جينتاتسو و يندم عليه اكثر من مره ... و الصراخ مو صاحي صج

مو هذا جينتاتسو ؟! :06:
ذكروني فيه لاني ما اذكر هذا الاسم كللللش
هل هو شخصية بالمسلسل ؟ او ova ؟؟

Tidus

18-09-2003, 08:44 PM

مو هذا جينتاتسو ؟!
ذكروني فيه لاني ما اذكر هذا الاسم كللللش
هل هو شخصية بالمسلسل ؟ او ova ؟؟

شوووووفي الفيلم نصيحه الحين الحين الحين :argh: ههههههه ... لانه الفيلم ماله علاقه بالقصه الاساسيه مجرد وجود الشخصيات المعروفه بقصه جديده تجي احداثها بعد ال Shi-shi-o Arc ... و صراحه قصه قويه و مستاهله صج يعني مو مثل العبط بالمسلسل آخر شي ( مع اني حبيت كل شي بكينشين :09: ) ... و بتطلع فيه شخصيات حيل حلوه من ضمنهم جينتاتسو ... انا عاجبني الصراخ و المشهد شلون ينعاد باصوات اقوى و من زوايا تصوير مختلفه !!! تحس بندم كينشين صج :09:

tumoi

19-09-2003, 11:43 AM

السلام عليكم...
هم ألمفروض من زمان ينهوا المسلسل وفعلا احسنو في اختيار نهاية المسلسل وأنا أنصح الجميع يشوفوا نهاية كنشين
وشكرا...

~Kitty~

19-09-2003, 12:43 PM

اولا مشكورة كيتن على الموضوع علشان نقعد نتحلطم :09:

الصراحة مسلسل كينشن كان رائع بس عقب شيشيوا بدت الملاقة و ثقل الدم و احداث اي شيء علشان يزيدون من عدد الحلقات و الصراحة خربوا المسلسل بهذا الشيء :31:
و نهاية مسلسل كينشن كانت حليوة :أفكر: يعني كانت سعيدة بس في اشياء وايد ما كملوها يعني ما كانوا يدرون ان سايتو كان حي و لا يابوا سيرته يعني بس اللي شعره اصفر على فوق بو عين يعرف انه مازال حي اما كينشن و سانوسكي ما دروا :31:
و ما قالوا شنو قصة ميساو و آوشي يعني كلش ما يابوا سيرة ( San_21000 وينك آخر المسلسل مالك حس اختفيت :06: و ليش ما تزوجت ميساو كفاية انها حلوة و اصغر منك بالف سنة بعد اشتبي :09: )
و انبطت جبدي لمن ماقدوريا ماتت يعني لازم .. لازم تموت بالغصب سانوسكي لقا له وحده سنعة صج ملاقة :vereymad:

اما ال ova1 كان حلو يعني قالو لنا الاشياء الغامضة بالمسلسل و الغير مفهومة و اختصار للمسلسل و سالفة زوجته القديمة و شنو سالفة الX اللي على ويه كينشن اللي واحد من زوجته و واحد من خطيب زوجته القديم .... ( قاعدين كل واحد من صوب يشوهون بويه كينشن الحلو :mad: هو شنو سووى بس ذبح خطيب زوجته لان الصراحة واقف بالطريق و ذبح زوجته لانها حاولت تحمي كينشن ... بس ما سوى شيء :ouch: :09: )

اما الova2 كان مقرف بمعني الكلمة و ييب الهم و الغم يعني كل شيء فيه يزعل حتى الاغنية تييب التعاسة و شخصية كينشن كانت غييييييير عن المسلسل يعني بالمسلسل كان وااااايد كول و funny و لما تشوفين ابتسامته تستانسيييييين و لا تنسين ال oro اللي يقولها واااااااي كيوووووووت :happysad:
يعني اتوقع ان لو كانت شخصيته جذي بالمسلسل ما راح تحبه كاورو يعني هي تحبه لانه كيوت و مبتسم و كله براءة مو لما تشوفه ييلها الهم و التعاسة و القرف و الحزن و البجي و ال....... ( جني بالغت شوي :09: ) صج انه مسوينه واقعي و هو انسان و عادي يمرض بس استغفر الله كله انمي خل يسوون قصة و نهاية حلوة بعيدة عن التعاسة و المرض يعني كينشن الكووووول و القوي تحول من قوة الى .. ضعف و مرض مو طبيعي :bawling: واااااي يكسر الخاطر حتى السمكة ما قدر يلقفها من سانوسكي و طبعا يتذكرون قووووووته العجيبة قبل و الحين شنو صار فيه ( سبحان الله ) يعني مو لزوم ما ابي اعرف هذا ما ابي ما ابي افففف :mad22:
و ولده اللي يبط الجبد ما راح يشوف ابوه و يبي يصير اقوى من ابوه واي يالملاقة انت روح شوف شنو صاير بابوك و بعدين تعال تكلم و عباله ان امه تحب كينشن اكثر منه..... و الله عيال اخر زمن ما يستحون :mad:
و بعد كينشين راح و مرض كاورو معاه شنو هذا واي واي قرف اقول لكم الواحد كللللش ما يتوقع هالاشياء لو مخلصة القصة بدون ال ova2 جان وايد احسن :(

و الفلم كان عااااااااادي جنه حلقة مطوله من حلقات كينشين :boring:

و انا اقول ترى انا احب النهايات السعيدة يعني الصراحة استغربت منكم منو يحب النهاية التعيسة صج الصبيان معقدين :أفكر: بس مو قصدي اني ما احب الاشياء الحزينة .. لأ عادي اذا كان بالمسلسل شيء حزين ( طبعا لانهم ما يقدرون لازم شيء حزين ولا يموتون او يصير فيهم شيء ) اوكي نرضى بس عاد النهاية حزينة و مليقة لا الصراحة هذا شيء يخرب المسلسل .

مشكورة كيتن على الموضوع لاني طلعت حرتي من قلب و تحلطمت لما قلت بس :laugh2:

بباي :ciao:

flarestar

19-09-2003, 01:27 PM

flarestar

اي و الله اخوي انا فرايحية و ما احب الحزن كللللش
و المسلسل بالعكس كان حلوووو بس بعد شيشيو قام يصير بايخ
و مشكوور على الرد ;)

you are welcome

but....

i'm a girl http://www.angelfire.com/dragon2/lady_love/sweatdrop.gif

weiss_girl

19-09-2003, 01:55 PM

كيف حالكم يأخوان انشألله بخير

اولا احب اقدم بعض المعلومات الي القليل منكم يعرفها اولا هل في اح منكم استفسر ليش صار ova الثاني حلقتان وأخر حلقات المسلسل جيده لكن مش الافضل (انا بصراحه عجبتني برغم من انها كانت عاديه)

انا راح اقولكم ليش

طبعا الكل يعرف ان لكل انمي اسباب تجاريه وهي اول الاسباب الي خلت المؤلف نوبهيرو واتسوكي والمخرج كازوهيرو فوروهاشي ان بسوو بعض تعديلات الاجباريه لأن واحد من الراعيين الاساسين للسلسل الي هي شركه سوني قررت الانسحاب لأسباب فنيه وماليه مما ادى الى تأثر ميزانيه المسلسل بشكل كبير لأن سوني كانت تمول المسلسل بنسبه 45 % من الحصه الاساسيه من المسلسل لذالك الي عنده نسخه fan sub الاصليه راح يلاحظ هذا الكلام فأضطر المؤاف للقيام بشغله كلها لوحده هو مع المخرج المسكين يعني عشان لايتوقف عرض المسلسل اضطر انه يؤلف حلقات جديده في غضون اسبوع واحد وهذ يحد ذاته يعتبر شيء صعب

اما بالنسبه الى ova الثاني فنوبيهيرو واتسوكي كان بوده يضع ميزانيه الى 13 حلقه من ال ova لكن الراعيين الموجود كانو فقط سوني وستوديو ديين الي هم في نفس الوقت كانو مصرين على ان ova يظل قصير فما كان من نوبهيرو واتسوكي الى ان ينفذه على حسب ماقيل منه

يعني بصراحه لاتتوقعو ان المؤلف يفضل انه يطلع شغله خارج المانجا الي سواه لأنه هو يتخيل كل فصل من المانجا في المسلسل وهذ بحد ذاته حلم لأي مؤلف

وهذه من الاسباب الي خلت يوشيكو تومينو المؤلف الاصلي للجندام انه ينسحب نهائيا من شركه بانداي لأنها كانت دائما تحاول تفرض رأيها على تومينو

عموما حبيت ابين لكل الاراء ايش هي الاسباب الي خلنت مسلسل كنشين يصير مش في وضع مستقر في أخر حلقاته

وليش ال ova الثاني كان قصير

وسلامتكم
مشكووو أخوي على هذي المعلومات ،واللي حصل لهم زي اللي حصل لشركة GAINAX حيث لم يجدوا الميزانية الكافيه لأنهاء مسلسل Kareshi Kanojo no Jijou أو Kare kano أو His and Her Circumstances آي كان مسماه لذا اوقفوا المسلسل ووضعوا نهاية من عندهم :mad:
بصراحه احس مرات ان اليابانيين اذكى الأذكياء وعقب احس انهم أغبى الأغبياء المفروض قبل مايخططون لعمل مشروع معين يعملوا دراسه واحصائيات كم يبلغ تكلفة المشروع وإلى آي مدى يستمر...إلخ (شايفة نفسها عبقرية>>> :09: ) عشان مايخترب المشروع ويفشل (شوفهم عاد يقولون ماعندهم ميزانيه ويعملوا جزء ثاني من Mahoromatic وبعدين هم ماربحوا من مسلسل Evangelion من أفلامه والعابه وثيابه وكتبه......إلخ
وأكره الشركات اللي تتحكم بأنتاج الأنيم وتغييره (هم يشوفون أن القصه في المنجا نجحت وكيف ناس كثير معجبين بالقصه ومبيعاتها مستمره ...يرحون ويخربون القصه ويزيدوا ويحذفوا من عندهم(اكره الديكتاتوريه والتسلط :mad: :12: )
وشكرا مرة ثانيه اخوي :biggthump

kitten

19-09-2003, 03:28 PM

Tidus

اخوي انا شفت الفلم امس على طوول
و كان حلو بس كان مثل حلقه طويله بس لا غير و كان عادي يذكرني باحداث اللي صارت بعد معركه شيشيو
بس كان حلو ( المشكله انا نزلته يتكلمون انجليزي فكان شوي يبط الجبد لاني متعوده على صوت كينشن الحلووو :o )

tumoi

مشكووورة اختي على المشاركه و كانت نهايه المسلسل حلوه ( بس ال ova بايخة :12: )

~Kitty~

طبعا اختي الصغيرة كيتي ما خلت شي و ما كتبته
يعني طلعت حرتها من صج :biggthump
و ما اقدر اعلق على اللي قلتي لانج كيفيتي و ووفيتي :bigeyes:
مشكووورة يا حلوة ;)

flarestar

OoOoOps :sad6:

كنت ما ادري لان الاسم شوي ما يبين اذا بنت او ولد :dontknow:

يلا هذي مني لج عشان تسامحيني :kiss: :flowers1:

weiss girl

هههههه اختي حدج مندمجه :motz:

LOVELY BOY

19-09-2003, 06:55 PM

هلا شلونكم شباب إنشالله بخير .........
أنا توي شفتت هذا الـ ova والصراحه حلوه وايد لكن ماأنكر انه النهايه كانت وايد حزينه بس حلوه لكن ماتصلح للبنات الرقيقات :tongue2:
على العموم مشكور أختي كتن أنج فتحتي هذا الموضوع ومع السلامه :)

San_21000

19-09-2003, 07:13 PM

اي و الله اخوي
انا بس فالحه اني اشوف انمي ما لي خلق اقرى ( كسلاااانه )
آآآآآآآآي

انا نزلت الفلم و مدبلج انجليزي لكن لي الحين ما شفته
خلني اشوفه و بعدين اتحلطم عليه اذا فيه شي يبط الجبد
أنا ما قلت عنه شيء قلت الفلم ينشاف ويستحق الواحد يشوفه ولكن مو بجودة OVA والمسلسل الجزء الثاني يعني تعتبر حلقة طويلة والفلم حليو ويكفي مدح الأخ تيدوس ومثل ما قال أفضل مافيه قتال كينشن وجينتاتسو والصراخ دائماً فظيع في كينشن

و ما قالوا شنو قصة ميساو و آوشي يعني كلش ما يابوا سيرة ( San_21000 وينك آخر المسلسل مالك حس اختفيت و ليش ما تزوجت ميساو كفاية انها حلوة و اصغر منك بالف سنة بعد اشتبي )
أبي أكفر ذنوبي لأن شيشيو خدعني~_~
والبنت توها صغيرة ما بعد كبرت إذا كبرت فيها خير أنتظرها لما تكبر ألف سنة وبعدها يصير خير^^
على فكرة أعتقد الكل شاف حلقة أعتبرها من أفضل الحلقات في الجزء الثالث
وهي عندما يأتي أوشي ويدلك لكينشن ويفعل كينشن المثل له حلقة شويه عليها كلمة رهيبة من أفضل حلقات الجزء الثالث :D

San_21000

19-09-2003, 07:17 PM

weiss_girl

19-09-2003, 07:44 PM

انا شفت كنشن الفيلم بس الأصوات الأنجليزية ماعجبتني نفس اصوات المسلسل خاصه صوت كنشن يناسبه بس انتوا قاعدين تتكلمون عن الياباني :bigeyes: هذي معناته انه احلى وايد من الأنجليزي :33: لازم اشوفه بالياباني عيل لأني حسبت انكم تتكلمون عن الاصوات الانجليزيه خاصه لما يصارخ اتقنه :( لا لازم اشوفه بالياباني عيل لازم :)

sinchi codo

19-09-2003, 09:49 PM

السلام عليكم شباب

بصراحة نهاية الأوفاova2 ماعجبتني بالمرة الذيب كينشن حبيبي قلبيي يمووووت!!والله كرهت النهاية عدل والله خبري أنه بيعيش مع كاورو وولدهم((كينجي))والله حرااااااام :bawling:

أما بالنسبة لقصة كينشن في المسلسل فأقترح عليكم بعد أن هزم كينشن شيشيو بقراءة المانجا لأن الحلقات الجاية ليست من القصة وبصراحة فلم الـova2 يحكي عن التكملة في مسلسل كينشن((بعد موت شيشيو))يعني لو تقرأونها مانجا أحسن مما تطالعونها ولو تعطوني المانجا حق التكملة بعد ماقتل كينشن شيشو راح أترجمها لكم وأضعها في المنتدى :wink2: بس للأسف أنا ماعندي التكملة :cray:

وبالنسبة في المسلسل عندما أختفى سايتو لم يظهر أبدا بعد ذلك في المسلسل بينما في المانجا سيظهر وسيساعد كينشن ضد العدو الجديد((إينيشي)) :biggthump

حرااام عليكم شباب أنا يعجبني صوت كينشن بالإنجليزي أكثر من الياباني((لأن صوته متوحش))ماسمعتوا في الـova1 في نهايته عندما قال لفرقة سي شين جومي((back to the way you came or die))والله رهييييب صوته في هذه اللحظة :tongue2:

ووالله مايصير يا أخوان فلم كينشن the movie وجنتاتسوا أيضا رهييييب وبالنسبة لي أحزن فلم لكينشن بعد فلم الـova1 وأحسن لقطة في الفلم اتبكي هي عندما بكى يايكو يا صديقه مساشنو وحينها ينظر إليه كينشن ويبكي ويتذكر حينها الأشخاص الي قام بقتلهم والله في كل مرة أشوف هذا المشهد وأقعد أبكي :( أنصحكم تتابعوه بالإنجليزي لأن صوت شيجرو وهو ينادي جنتاتسو في أشجار الخيزران مرررة يضحك ومو حلو بخلاف الإنجليزي وهو يصرخ ويقووول((أخرج من هناك يا جنتاستو))حتى نطقه لأسمه بالإنجليزي رائع ;)

وهذه صور للقاء كينشن مع إينيشي :cool:
http://www.uaeuae.com/upload/pic4/kenshin_444.jpg
http://www.uaeuae.com/upload/pic4/kenshin_645.jpg
http://www.uaeuae.com/upload/pic4/kenshin_63.jpg
http://www.uaeuae.com/upload/pic4/kenshin_242.jpg
http://www.uaeuae.com/upload/pic4/kenshin_534.jpg

أخوكــsinchi codo ــــم

Tidus

20-09-2003, 12:05 AM

انا اتكلم عن الاصوات بالانجليزي :09: ههههههههه كانت حلوه بالعكس :p شريته شريط فيديو ... و حصلته بالكازا ياباني و انشاء الله احمله ^______^

sinchi codo :

اخوي انت صج حطمتني على هالصور :17:

جايب صور من اروع المشاهد الا من المانجا >_< ذكرتني بالفتره اللي كنت اقرى المانجا فيه :sad2: قصه مثل هذي ما ودك صاحبها ينهيها صج :argh: شوف شكل كينشين بس مسكت صج @@

هذا المشهد لما يقابل اينيشي كينشين بعد ما خطف كاورو و قاله اتبع ريحة عطر ورد الهاكوبايكو و بتلقى اللي تبيه ... انا لما شفت هالمشهد انصدمت !!! تخيل يتكرر مرتين ... لما اول ما شاف كينشين توموي باخر الحلقه الاولى من الاوفا الاول و هو يقاتل فرد من عصابة الاينيوابانشو ... شدته ريحة عطر الهاكوبايكو اللي بتوموي ... و نفس هالريحه هي اللي شدته لما كان مع (ليزوكا اتوقع :06: ) ... و نفس الريحه تشد سايتو بعد بالحلقه الثانيه :p تحس انه صج اخو توموي نفس الريحه حتى :09: و هي اللي شدته و صدمت حتى كينشين بعد و ذكرته بتوموي http://hoshinokoe.jeeran.com/puppy_dog_eyes.gif ياخي هالانيشي مو شي هين :o

بس اخوي :o صورة قتل اينيشي لكاورو ووضعه ندب على خدها مثل ندب كينشين بالمانجا انت حاطها و تراه صج Spoiler قوي !!!

sinchi codo

20-09-2003, 01:15 PM

أهلا أخوي tidus بصراحة أنا ماقرأت المانجا هذي اتصدق أنا عندي الجزء الي زار فيه كينشن قبر عائلته في كيوتو((بعد ماقتل شيشيو))من المانجا لكن التكملة وعودة إينيشي ليست لدي ولو كانت عندي راح اترجمها بالعربي وأضعها في المنتدى بس خسارة لو كان أحد منكم يعرف موقع في مانجا كينشن من voulm18 أرجوا أنه يعطيني إياها:(وما يصير خاطركم إلا طيب:biggthump.

أخوكــsinchi codoـــم

Tidus

20-09-2003, 01:43 PM

اوه ! عاد الجزء اللي ناقصك هو اساس كينشين :o >>> بحرك :09:

ههههههههه امزح ^^ اخوي هالايام سهل تحصل على اي مانجا تبيه من ال Mirc تعرفه ؟ هالبرنامج فيه مستخدمين عندهم سيرفرات خاصه للمانجا و تقدر تحمل منه بحيث هم مخلينك تتصفح ملفات باجهزتهم برضاهم ... يعني طب و تخير :p موجود عندي كل المانجا اللي ابيه و لله الحمد بيرسيرك و اوه ماي قوديس و اياشي و فيديو جيرل و و و و و من ضمنهم روروني كينشين 28 فولوم ^_______^

انصحك بروم Shoujomagic في سيرفر لواحد اسمه Foron ادخله و بيطيب فالك انشاء الله ;)

weiss_girl

20-09-2003, 04:08 PM

اخوي sinchi codo للأسف كثير من المواقع توقفت عن الترجمه لأن شركة VIZ ستقوم بأصداره في امريكا وهناك القليل من المواقع التي وصلت إلى ألأجزاء الأخيره مثل :-
http://www.thespectrum.net/manga.shtml
http://fallenangelstudios.org/main.htm
وهذا الموقع لديه من الجزء 1-16 ويبدوا انه لم يتوقف بعد
http://kenshinscans.anxious-anime.com/
اتمنى ان اكون قد ساعدتك قليلا

Angel- lady

20-09-2003, 06:23 PM

مشكورة أختي على هذا الموضوع ^_^

صراحه ، أسمع أن كنشن أنمي حلو و ما يتفوت و ما أعرف منه إلا أسمه ... المشكلة أنا ما أطلع واايد أنمي (( لو ينزلون لعبه منه يكون أحسن -_- )) حتى أقدر أعرف و أفهم القصة

شفت جزء واحد أو أعتقد يمكن حلقة وحده ... أذكر فيها بس واحد عجبتني شخصيته (( أكتشفت بعدين أسمه أوشي )) و معاه بنت عادةً تطلع معاه في الصور ^_^

المهم على النهاية ، بصراحه أنا أكره النهايات الحزينة ... ما أحبها أبداً لكن حتى تكون القصة قوية أحس إن لازم تكون أقرب إلى الواقع بأي طريقة كمثال هنا موت البطل و إلي معاه (( مثل ما قلت ما أعرف من كنشن إلا أسمه ))

kitten

20-09-2003, 09:21 PM

LOVELY BOY

والصراحه حلوه وايد لكن ماأنكر انه النهايه كانت وايد حزينه بس حلوه لكن ماتصلح للبنات الرقيقات

:flirt:

San_21000

على فكرة أعتقد الكل شاف حلقة أعتبرها من أفضل الحلقات في الجزء الثالث

اي شفتها بس ما ادري ليش عاجبتك الى هذي الدرجه
لانها كانت حلقة حلوة بس مو اكثر ( يعني ما كان فيها قتال مع شيشيو )
شكلك اخوي انك تموووت على كل حلقة من حلقات كينشن :6147:

ضيعتي على نفسك صراخ كينشن والأصوات المميزة

اي و الله حسافة بس لان اختي كيتي اهي اللي نزلت الفلم
لكن اذا اسنحت الفرصة ان شاء الله انزله ياباني :33:

weiss_girl

انا بعد اختي راح انزل ان شاء الله ياباني
( صارت فينا نفس الحركه و شفنا الانجليزي :02: )

sinchi codo

مشكور اخوي على المشاركه الحلوة

لكن انا ابي اسئلك عن المانغا
شنو هذي النهاية الجميله جدا اللي ما في احلى منها بالوجود :mad22:
شلون كاورو ماتت على يد انشي
المفروض انها ماتت بالمرض
و لا قصة المانغا غير عن الانمي !!! :06:

Tidus

اخوي اشلون انت تنزل من هذا البرنامج
هل هو عن طريق التنزل يعني يطول مثل الكازا
او ياخذ فترة قصيرة ؟؟ و كم المده اللي لازم تنزل فيها ؟؟
و ممكن لينك لهذا البرنامج عشان احاول انزل المانغا

مشكوووور :ciao:

clear

اهلييين اختي ;)
اتوقع ان كينشن عنده العاب على سوني 1 :33: لكن طبعا يابانية و ما تنزل عندنا الا اذا في كم محل استثنائي

اما عن البنت اللي تطلع مع اوشي بالصور هي ميساو ( الهبله :09: )
و انا بعد اكره النهايات الجميله اقصد الحزينه :09:

مشكووورين :biggthump

Tidus

20-09-2003, 10:26 PM

kitten :

تدرين كيتي اكثر شي يعجبني بهالبرنامج هي سرعة تحميله ... تعطيك السرعه الاصليه لقوة اتصالك ... هذا طبعا على حسب الشخص اللي تحمل منه الملف اكيد يعني فيه بعضهم تلقاهم حيل تعبانين بس مو كثير ! يعني بالنسبه لي هو اسرع من كازا بمراحل لانه يحتاج شخص واحد و فعلا P2P مو مثل الكازا لازم على الاقل 5 Users عشان يكون سريع -_- يعني بهالبرنامج تجي عندي السرعه 28 او 30 كيلو بالثانيه دوم ! و هذي سرعة الدي إس إل عندي ... اما الكازا فعاده ينزل لل 7 و 5 حتى 1 كيلو بالثانيه >_<

هو طريقته يمكن تشوفينها جديده لكنه مثل الدوز ... يعني تعطيه اوامر و هو ينفذ ... هو نفسه برنامج ال Mirc القديم اللي انشهر بالمحادثات ... لكن اشوفه متطور انا هاليومين @@ و هذي وصلة ^_____^ (http://www.mirc.com/get.html) إختاري اقرب مكان منج و بيبدى التحميل ^^

الشرح فيه بيطول ... و عندي استعداد بس ترى الحوسه حلوه :p ازعجي الموجودين خليهم غصب يعلمونج :tongue2: ترى جذي تعلمنا :09:

اللي بقوله انه هو عباره عن برنامج فيه اكثر من Server ... و كل سيرفر له عنوان خاص اكيد ... يحتوي كل سيرفر على اكثر من Room او Group او Channel كلهم واحد ... و طبعا اخوانا اصحاب المواقع بيكلف عليهم نشر ملفات المانجا كلها بموقع ... فيخصصون Room خاص بموقعهم و يتبادلون فيه المانجا ... هذي الفكره باختصار ^^

بتلقين اكثر من سيرفر لخصص للمانجا ... لكن عن نفسي ما ادخل الا هذا irc.mircx.com ... فيه Rooms للمانجا كثير من ضمنهم Hawks و Omanga بس انا افضل Shoujomagic ^^

عارف مقصر بالشرح و بتتعقدين في البدايه :09: بس إسئلي و ما بنقصر انشاء الله ;)

sinchi codo

21-09-2003, 01:48 PM

السلام عليكم

kitten:أختِ ترى المانجا أنا شايفنها من أحد المواقع والتكملة مو موجودة عندي للأسف:(

ولا تخافين كاورو مامتت صحيح أني ماشفت المانجا والتكملة لكني ماأتوقع أنها بتموت لأن النهاية الحقيقية هم بيموتون اثنينهم:cray:الظاهر هم امسوين شكلها كذا في القصة علشان يحمسونك:biggthump

tidus:مشكوووور أخوي على اسم البرنامج والطريقة:wink2:وأنا بابدا أدور وإنشاء الله ألاقي المانجا منه علشان أترجمها وأظعها لكم:cool:

وبصراحة صور القصة حلوة ياأختkitten أنا عجبتني صورة كينشن وهو يبكي رهييب((أنا أحب كثيرا القطات المحزنة:Dلكن بأن يموت كينشن في النهاية هذا هو الي أكرهه:mad:))والله ترى فلم الأوفا2 لما كينشن عيز حاذفنه في درجي مع الأشرطة البقية ولا أطالعه ووالله كنت باحذفه ذرام بس لأني أحترم مسلسل كينشن فخليته عندي:tongue2:.

weiss_girl :مشكووور أختِ على المواقع;)

أخوكــsinchi codoـــم

San_21000

21-09-2003, 02:45 PM

sinchi codo
حرااام عليكم شباب أنا يعجبني صوت كينشن بالإنجليزي أكثر من الياباني((لأن صوته متوحش))ماسمعتوا في الـova1 في نهايته عندما قال لفرقة سي شين جومي((back to the way you came or die))والله رهييييب صوته في هذه اللحظة
لا أخوي بالعكس والله فرق كبير بين الصوت الياباني والصوت الأنجليزي..يكفي بس لما تسمع صراخ كينشن

clear
شفت جزء واحد أو أعتقد يمكن حلقة وحده ... أذكر فيها بس واحد عجبتني شخصيته (( أكتشفت بعدين أسمه أوشي )) و معاه بنت عادةً تطلع معاه في الصور ^_^
أنا عارف أصلاً أن لي شعبية شفتوا يا weiss_girl و kitten ^^

kitten
اي شفتها بس ما ادري ليش عاجبتك الى هذي الدرجه
لانها كانت حلقة حلوة بس مو اكثر ( يعني ما كان فيها قتال مع شيشيو )
شكلك اخوي انك تموووت على كل حلقة من حلقات كينشن
لا انتِ فاهمه غلط أنا ما أقصد أنها تتقارن بين حلقات الجزء الثاني ولكن أنا أقصد أفضل حلقة في الجزء الثالث يكفي التدليك بين كينشن وأوشي والقتال فيه قتال شلة البنات ميساو وكاورو وميجومي...

اي و الله حسافة بس لان اختي كيتي اهي اللي نزلت الفلم
لكن اذا اسنحت الفرصة ان شاء الله انزله ياباني
الله يعينك بالتحميل>_<
ما أكره شيء بالنت مثل التحميل خاصة إذا كانت مساحته كبيرة>_<

Angel- lady

21-09-2003, 05:26 PM

LOVELY BOY

clear

اهلييين اختي ;)
اتوقع ان كينشن عنده العاب على سوني 1 :33: لكن طبعا يابانية و ما تنزل عندنا الا اذا في كم محل استثنائي

اما عن البنت اللي تطلع مع اوشي بالصور هي ميساو ( الهبله :09: )
و انا بعد اكره النهايات الجميله اقصد الحزينه :09:

مشكووورين :biggthump

توقعت إن نازل لها لعبة ، لكن ما أقدر أسئل عنها إلحين .... الله يرحم أيام أول -_-

ميساو ... شنو هذا الأسم العبيط :09: ... طلعت هبلة ؟!!! ما يبين عليها ، أحسها عصبية

أنا عارف أصلاً أن لي شعبية شفتوا يا weiss_girl و kitten ^^

أهو نفس شكل الريال(( الرجل :tongue2: )) إلي في توقيعك ... لكن أسمه سان و لا أوشي :06:

Doel

21-09-2003, 06:45 PM

اسمه Shinomori Aoshi

و بالنسبه للنهايه ...... انا اشوفها طبيعية لأن (حسب القصة) ستايل كنشن لا يقهر ... عشان جذي كان لازم يموت بمرض مب على يد واحد من أعداءه (وما يذبحونه لأنه شيبه مثل الزير سالم ههههه ^_^)

تحياتي
Doel

San_21000

21-09-2003, 06:56 PM

أهو نفس شكل الريال(( الرجل :tongue2: )) إلي في توقيعك ... لكن أسمه سان و لا أوشي :06:
طبعاً نفسه^^
أسمه Shinomori Aoshi
مثل ما قال الأخ Doel واما سان هذا اسمي أنا :)

و بالنسبه للنهايه ...... انا اشوفها طبيعية لأن (حسب الفصة) ستايل كنشن لا يقهر ... عشان جذي كان لازم يموت بمرض مب على يد واحد من أعداءه (وما يذبحونه لأنه شيبه مثل الزير سالم ههههه ^_^)
كلامك صحيح أخوي ولكن البنات رقيقات مثل ما قال الأخ LOVELY BOY
بس حلوه حق الزير سالم^^

sinchi codo

22-09-2003, 01:54 PM

أنا أقول لك أخوي سان ليش صوت كينشن بالإنجليزي أحسن من الياباني

أولا كينشن في المسلسل عمره28 سنة لكن صوته بالياباني كأنه صوت طفل وهذا مايتناسب معاه لكن الأمريكان معروفين بأصواتهم المرعبة والمتوحشة وأكبر دليل على ذلك كينشن الـmovie الي اسمهkenshin vs shigru لو اتلاحظ في نهاية الفلم صوت كينشن بالإنجليزي عندما أصبحت عينه صفراء وهو يقول((You)) وشوف صوته كيف مرعب لما حمل السيف وصرخ:wink2:مرررة إتقان:tongue2:

أنا عندي النسخة اليابانية من الفلم ومرررة ماعجبني صوت شجرو وهو ينادي جنتاتسو وسط أشجار الخيزران:(

لكن صوت كينشن بالياباني وهو يقول كلمة((orrro))مرررة رائعة:biggthumpوهذا هو الي أعجبني في صوته الياباني

وخبر مفرح شباب جمعت لي الآن نصف المانجا بعد ماقتل كينشن شيشيو وأنا بابحث عن الأجزاء الباقية إنشاء الله:biggrin2:

أخوكــsinchi codoــــم

San_21000

22-09-2003, 02:25 PM