مشاهدة النسخة كاملة : إلى متى يستمر مسلسل الذل
silverpaco_101
18-09-2003, 01:31 PM
نعم إلى متى يستمر مسلسل الذل ,المراجع يذل من اجل معاملته , الطالب يذل من اجل القبول في الجامعه , و الكثير مما نراه في المطارات و الجامعات و الدوائر الحكوميه و كل من له سلطه يذل من هو دونه :أفكر:
يعني على سبيل المثال الدوائر الحكوميه
الموظفين نفوسهم براس خشمهم و بعضهم ما يعطيك وجه اصلا :31:
يعني اذكر مره دخلت على مكتب (يوم انى كنت ابطلع بطاقه احوال) أبسأله عن مكان التصوير و لقيت موظف قاعد يكلم جوال و قدامه شايب مسيكين , و اللى قاعد بالمكتب متربع و يسولف بجواله و لا كأن قدامه احد و يقول:أأيه ياخي فهد مدرى وش مسوي به صراحه حايس الموضوع.
و الله انت اللى حايس الناس الحين ما ياخذ اجر بهالشايب المسكين و يمشيه و يسولف بجواله لين يقول امين بعدها :أفكر:
أخبر فيه واحد يبي يضيف زوجته بالبطاقه العائله قالوا له اكتب معروض لمدير الاحوال, كتب معروض و قدمه , راح للمدير قال له رح للنائب انا مالى شغل , راح للنائب شاف النائب الورقه
و قال:انت منتب مسلم.
قال :ايه نعم
قاله:اكتب السلام عليكم و رحمه الله اما بعد
كتبها
قال وقع هنا
وقع قال:خذ الورقه للمكتب اللى جنبنا.
راح للمكتب شاف الموظف الورقه و شقها و قطها زباله :06: و مشي اموره
الحين كل هالازعاج على هالورقه و اخرتها بالزباله
و نشوف بالمطار الى عنده حجز انتظار يذل و يتزاحم ساعه الين يلقى مقعد او يشوتونه
هذا غير الموظفين اللى يشتغلون على شوي شوي :أفكر: و اللى تاركين شغلهم و راحيين يدخنون خووووش
و نشوف بالتقديم الجامعات اللى عنده واسطه يمشي و اللى ما عنده ماله الا بيته
و كذا الدنيا ماشيه!!
بس اللى ابي افهمه ليه دايم الكل يكره وظيفته الكل يكره الدراسه على العكس من الغرب
اذكر يقوللنا استاذ من اللى درسونى انه الموظف اللى يكره الدوام غالبا يكون مجبور على هالدوام لأن ما عنده وظيفه غيرها
زي الطالب يكون مجبور على الدراسه اضف الى ذلك البيئه المدرسيه الفاشله عندنا و عند الدول العربيه عامه للأسف
طبعا مما يؤدي الى انك اذا رحت تبي تخلص معاملتك تلقى الموظفين مهوب طايقيين الدنيا
الغرب الموظف يستمتع بعمله للذلك تجده متقن و مبدع فيه
الطالب يستمتع بدراسته لذلك تلقاه ما يفرق عنده اجازه و لا مدرسه
و بعد هذا نقول الى متى يا مسلمين الى متى يستمر مسلسل الذل هذا , الى متى يصبح كل صاحب سلطه يتسلط على اللى اصغر منه
الله المستعان
HArb200
18-09-2003, 01:58 PM
اولا ,,
مبروك الموضوع >>من زمان ماشافك تنشر موضوع
ثانيا,,
الذل بيستمر الى الحلقة الاخيره!..
وبالنسبة للامثله اللي ذكرتها .. فانها غيض من فيض ..
على فكره بالنسبة للتعليم .. شفت مقال الاحيدب الاخير ؟
اذا ماشفته قللي وارسله لك .. وستضحك قليلا وتبكي كثيرا !!!!
وتسلم يمينك .. على الموضوع الرائع وياليت دايم كذا ,,
cubelover
18-09-2003, 02:22 PM
والله أنك صادق بكل الي قلته بس خلهم يذلون ما راح نقول شي بس الي راح يقهرنا لما يجيك ملعون من ملاعنت أمريكا كافر طبعا يمشيه ويحطه فوق راسه هاذا يقهر أما موظفين الدوائر الحكوميه ما خلاهم كذا الا ضعف الرقابة,,
بالنسبه للدراسه أذكر أحد المدرسين مدرس متميز بشرحه و أدائه وفاهم بمادة يقول كل ما توفر الجو المناسب كل ما كان المدرس أو الطالب يعطي أكثر يقول النظام عندنا جدا ردئ يدخل مدرس الأحياء يطلع يدخل الفيزياء يطلع وتمل يقول لو كان الترفيه ممكن والدراسه يغرون الطريقه التقليديه تشوف الواحد ما يبي يطلع من مدرسته
شكرا على الموضوع,,
silverpaco_101
18-09-2003, 02:29 PM
HArb200
اولا الله يبارك فيك
ثانيا
للاسف انه فعلا بيستمر الا اذا ربك اراد انشالله
و ارسلى المقال لاهنت
cubelover
فعلا يعني على سبيل المثال انا اليوم الصبح رحت للسوق تشوف الهندى اللى عند الكاشير يبتسم للغربي و يضحك له و يخدمه اما انت يالسعودى مايعطيك وجه (مشكله عقده النقص) بس قل انه هندى ما ينشره عليه يعني مهيب مشكله
المشكله زى ما قلت اذا جاك سعودى مثلك مثله و بدا عليك الغربي هنا المشكله
Lucky guy
18-09-2003, 02:44 PM
من قالك انه مسلسل ؟! -_____- ..
قل سينايور ما له صفحات !!..
بس يا سلفر بعض الموظفين أجاويد ..
cubelover
18-09-2003, 02:46 PM
بس يا سلفر بعض الموظفين أجاويد ..
بعض و البعض يكمن 20%
gaeemss
18-09-2003, 06:31 PM
الف الف شكر اخوي على هذا الموضوع
انا ماقدر اضيف شيئ على اللي قلتوه غير اقول الله يكون في عوننا هو الوحيد العالم بنا
عماد 18
18-09-2003, 08:27 PM
بيستمر ما دام ما في اي رقابة على مثل هالاشكال ..
من امن العقاب اساء الادب ..
MetalGear
18-09-2003, 10:03 PM
زي ماقالوا الاخوان ..
الذل .. للحلقة الأخيرة من ..أكمل الفراغ :أفكر:
silverpaco_101
19-09-2003, 12:32 AM
THE LUCKY GUY
انا اشهد فعلا انا مريت بالناس الله يجزاهم خير
gaeemss
الله يسلمك و مشكور على الرد
عماد 18
فعلا و مشكور على الرد
MetalGear
الله المستعان و مشكور على الرد
HArb200
19-09-2003, 04:16 AM
http://writers.alriyadh.com.sa/kpage.php?ka=20&art=14784
هذا هو .. حطيته هنا لعموم الفائدة ,,
SNOoOP
19-09-2003, 09:23 PM
تعودنا على الذل لدرجه انها تطبعت فينا
مسلسل الذل هذا موجود داخليا وخارجيا
فنحن في بلدنا وبين اهلنا مذلولين بسبب حفنه من الناس
وفي الخارج مايحتاج تعرف الوظع
silverpaco_101
20-09-2003, 02:04 PM
HArb200
جزاك الله خير
SNOoOP
و الله عاد كل شي زاد عن حده انقلب ضده
و للأسف ان الذل زاد عن حده و لازم يصير له حد يوقف عنده و الا الله يستر :أفكر:
G@ME ST@R
21-09-2003, 09:48 PM
الله يعين ^___^
The King Of Roma:Totti
21-09-2003, 10:58 PM
كل شي بحسابه يوم القيامة ..........
تدخل شركة ولا وزارة تبي تقابل مسؤول ......... ما تلاقيه الا بعد عناء وتعب شديدين - هذا اذا لاقيته - ......... وطبعا مثل ما تعرفون المسؤولين كلهم متكبرين وشايفين اعمارهم .
والرسول - صلى الله عليه وسلم - يقول : (( لا يدخل الجنة من كان في قلبه مثقال ذرة من كبر )) .
فتخيل كم من المسلمين في عصرنا سيكون مصيرهم النار - والعياذ بالله - .
لان الاسلام صار عندهم اسم فقط .............. يقولوا فلان مسلم.. لكنه مسلم كلاما وليس عملا .
وطبعا لو كان مسلم قولا وعملا كان بيأدي عملا باخلاص ونشاط ....... مو يقعد يذل الناس .
هذا اللي عندي .
وشكرا.......... :ciao:
silverpaco_101
22-09-2003, 01:55 PM
كل شي بحسابه يوم القيامة ..........
تدخل شركة ولا وزارة تبي تقابل مسؤول ......... ما تلاقيه الا بعد عناء وتعب شديدين - هذا اذا لاقيته - ......... وطبعا مثل ما تعرفون المسؤولين كلهم متكبرين وشايفين اعمارهم .
والرسول - صلى الله عليه وسلم - يقول : (( لا يدخل الجنة من كان في قلبه مثقال ذرة من كبر )) .
فتخيل كم من المسلمين في عصرنا سيكون مصيرهم النار - والعياذ بالله - .
لان الاسلام صار عندهم اسم فقط .............. يقولوا فلان مسلم.. لكنه مسلم كلاما وليس عملا .
وطبعا لو كان مسلم قولا وعملا كان بيأدي عملا باخلاص ونشاط ....... مو يقعد يذل الناس .
هذا اللي عندي .
وشكرا.......... :ciao:
جزاك الله خير للأسف هذا حال الدنيا
Flanteus
25-09-2003, 08:36 AM
كلامك في محله ......
بس لا تنسوا أحيانا يكون هذا من الناس انفسهم :أفكر:
بان يسلط الله على عبده واحد ينشف ريقه لين ما يكمل المعاملة مثلا
لأنه ممكن عصى أو ارتكب اثم ....
وربنا يبغى يعاقبه :أفكر:
صح ولا لأ ؟
لذلك فكروا في أنفسكم ولا تفكروا في الناس ....
لأني ياما شفت معجزات تسير قدام عيوني ( من مسلسل الذل )
تنقلب الى مسلسل العز والإحترام والتقدير :)
سلام :bigeyes:
silverpaco_101
25-09-2003, 10:42 AM
كلامك في محله ......
بس لا تنسوا أحيانا يكون هذا من الناس انفسهم :أفكر:
بان يسلط الله على عبده واحد ينشف ريقه لين ما يكمل المعاملة مثلا
لأنه ممكن عصى أو ارتكب اثم ....
وربنا يبغى يعاقبه :أفكر:
صح ولا لأ ؟
لذلك فكروا في أنفسكم ولا تفكروا في الناس ....
لأني ياما شفت معجزات تسير قدام عيوني ( من مسلسل الذل )
تنقلب الى مسلسل العز والإحترام والتقدير :)
سلام :bigeyes:
كلامك صحيح ما نختلف عليه
بس ولو لازم يتغير الوضع
Revolutions
25-09-2003, 11:57 AM
ذكرتي يوم اقدم السنه الي فاتت على جامعة الملك سعود:(
تخيل نسبتي 89.22 وعلمي ودخلت قانون بالموت وعقب الوسايط والقلق مع العلم ان التخصص هذا
شرعي !!!:12:
وغيرها كثير ............
بالمختصر اذا ماعندك واسطه ماتمشي بهذا الزمن :(
ومشكور اخوي على الموضوع:)
silverpaco_101
26-09-2003, 12:12 AM
ذكرتي يوم اقدم السنه الي فاتت على جامعة الملك سعود:(
تخيل نسبتي 89.22 وعلمي ودخلت قانون بالموت وعقب الوسايط والقلق مع العلم ان التخصص هذا
شرعي !!!:12:
وغيرها كثير ............
بالمختصر اذا ماعندك واسطه ماتمشي بهذا الزمن :(
ومشكور اخوي على الموضوع:)
تسلم على الرد
Flanteus
26-09-2003, 06:46 AM
وتخيلوا لو الواسطة ......... رب العباد :أفكر:
بس أوريكم انكم فعلا
تنسون الخالق وتتوسلون للمخلوق :o
يمكن مو انتم ....
بس في ناس وايد على هذا الحال :)
والله يهدي الجميع ....
على فكرة أنا فيه حديث مني فاكره كويس ....بس في ما معناه ..
انه لا يجوز لك انك تتسخط على فلان .. بسبب انه ما مشالك المعاملة أو انه رفض طلبك ....
وهذا حرام وليس السبب منه بل من الله ليبتليك أيها العبد .....
يعني أنا ما يهمني لو قلبوا الناس كلهم يهود ( في معاملتهم )
وهذا المفروض تسونه ........
وطبعا هذا لا يمنع وجود رقابة بشرية ..... لأنهم استخفوا بالرقابة الإلاهية :)
....والله أعلم .....
وشكرا
سلام
silverpaco_101
27-09-2003, 03:07 PM
وتخيلوا لو الواسطة ......... رب العباد :أفكر:
بس أوريكم انكم فعلا
تنسون الخالق وتتوسلون للمخلوق :o
يمكن مو انتم ....
بس في ناس وايد على هذا الحال :)
والله يهدي الجميع ....
على فكرة أنا فيه حديث مني فاكره كويس ....بس في ما معناه ..
انه لا يجوز لك انك تتسخط على فلان .. بسبب انه ما مشالك المعاملة أو انه رفض طلبك ....
وهذا حرام وليس السبب منه بل من الله ليبتليك أيها العبد .....
يعني أنا ما يهمني لو قلبوا الناس كلهم يهود ( في معاملتهم )
وهذا المفروض تسونه ........
وطبعا هذا لا يمنع وجود رقابة بشرية ..... لأنهم استخفوا بالرقابة الإلاهية :)
....والله أعلم .....
وشكرا
سلام
كان الرسول صلى الله عليه و سلم اذا فزعه امر صلى
يعني كلامك صحيح اخوى الواحد المفروض يعتمد و يتوكل على ربه
بس ممكن تعطينا الحديث نصا بعدين يا ليت ان الواحد بهالاماكن ما مشي لى معامله هو مشاها بس بالذل
و هذى مشكله بحد ذاتها
DiGit4L
28-09-2003, 07:25 AM
هالامور زي غيرها مب متغيره لمين يموت واحد بالاحوال "جراء" جلطه من كثر دورانه بهالشموس :31:
ويعلنون خبر بالجريده .. همن يتكرم "معاليه" ويقراها .. وبعدها يصدر قرار " سامي" بشأن هالموضوع
ذيك الحزه .. تلقاهم سهلوا الاجراءات شوي :bigeyes:
Flanteus
29-09-2003, 12:21 AM
كان الرسول صلى الله عليه و سلم اذا فزعه امر صلى
يعني كلامك صحيح اخوى الواحد المفروض يعتمد و يتوكل على ربه
بس ممكن تعطينا الحديث نصا بعدين يا ليت ان الواحد بهالاماكن ما مشي لى معامله هو مشاها بس بالذل
و هذى مشكله بحد ذاتها
للأفس
أنا مشكلتي اني ما أحفظ الأحاديث :( اعذرني
على العموم خليها على ربك ...... لأنهم وقتها ( وقت الحساب )
راح يعرفون انه الله حق :أفكر:
وشكرا
سلام
Moon Boy
30-09-2003, 01:53 AM
مع الأسف عندنا موظفين أو شعب يعتمدون على البيوقراطية فى العمل والإجراءات الروتينة المايلة للتعقيد ..
يعني مثلا موضوع يمشى بموافقة تلفون.. لا يبغونها بخطاب رسمي..!!
هذا غير حال الطناااش واللامبالاة عند موظفي الحكومة..
لا احترام لا لصغير ولا لكبير..ولا للمهنة..
وإذا كانهم يتعبون من 8 إلى 2 الظهر يداومون.. فحنا كلنا نتعب ومافيه شىء بالساهل..
ويقولون بعد ليش تقلدون الأمريكان والغرب :biggthump
silverpaco_101
30-09-2003, 02:16 PM
مع الأسف عندنا موظفين أو شعب يعتمدون على البيوقراطية فى العمل والإجراءات الروتينة المايلة للتعقيد ..
يعني مثلا موضوع يمشى بموافقة تلفون.. لا يبغونها بخطاب رسمي..!!
هذا غير حال الطناااش واللامبالاة عند موظفي الحكومة..
لا احترام لا لصغير ولا لكبير..ولا للمهنة..
وإذا كانهم يتعبون من 8 إلى 2 الظهر يداومون.. فحنا كلنا نتعب ومافيه شىء بالساهل..
ويقولون بعد ليش تقلدون الأمريكان والغرب :biggthump
بس يكون تقليد الامريكان و الغرب بالشي الزين مهوب الشين :أفكر:
Moon Boy
01-10-2003, 06:38 PM
بس يكون تقليد الامريكان و الغرب بالشي الزين مهوب الشين :أفكر:
طبعاً :33:
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .