المساعد الشخصي الرقمي

مشاهدة النسخة كاملة : سوووال مهم لكل الى فاهمين بالسيارات


لــ@@ــتــ@@ــل
22-09-2003, 04:08 PM
السلام عليكم

وشى ازين سياره تستحمل التلغيم




وممكن تقولولى اسعار السيارات :33:



الموستنغ بكل انواعه


الفايبر



الكورفيت الى عشان الخمسين عام

وممكن تردون بسرعه

ومشكورين مقدما :biggthump :biggthump
CORVETTE_R
22-09-2003, 04:55 PM
أعتقد أنه أحسن السيارات الي تستحمل التلغيم الياباني ..وخصوصا الهوندا وبعدين التويوتا........

مع إني ما قد لغمت ....بس سمعت عن هذا الشي........ ;) ;)


.......

سعرالكورفيت كوبيه في حدود الميتين ألف ريال 200000....تلا قيها في التوكيلات معروضه.......

الفايبر يمكن فوق 350000....


الموستنج .... بــ 7 آلاف موديل 95 في حراج بن قاسم ....وإذا تبغا فل كامل 91 بـ 4...... :D :biglaugh: :biglaugh: (تبغا الصراحه ما أعرف).... ;) ;) ....



وشكراااااااااااااا..................
لــ@@ــتــ@@ــل
23-09-2003, 08:10 PM
مشكور اخوى كورفت
بس هل القطع متوفره وكثيره
او لازم اروح الامارات


وممكن افضل اشياء للتلغيم الامن (يعنى مابغى النوس والاشياء ذى) :p :p :p لانى اخاف منهم :wow: :wow: :bigeyes: :bigeyes:

ومشكور اخوي على المعلومات :biggthump
راعي الجي تي آر
24-09-2003, 03:04 PM
حراام
شو هالاسعار
احنا عندنا الكورفيت C5 وكشف سعرها 147000
وانا سالت عنها
!!السفير!!
24-09-2003, 03:28 PM
هلا والله الصراحة السيارة اللي تستحمل التلغيم هي الهواند سيفيك قد تضحك لكن لا تستغرب !!

لإني فيه هوندا سيفيك لغمها صاحبها وقامت على فايبر :) وهذا الخبر أنتشر في أكثر المنتديات العربية

وعندي موقع فيه لقطات الفيديو حقات السيفيك وهي تقاوم سيارات جبارة جداً جداً وقامت عليهن بكل

بساطة :bigeyes: وهذا هو عنوان الموقع :

http://www.geocities.com/ahmed_aryan/

وأسمحلي لأني مارديت على أسئلتك الباقية لإن ماعندي معلومات عن أسعارهن !!
makhloof
24-09-2003, 04:08 PM
ايش هو التلغيم ؟؟
!!السفير!!
24-09-2003, 07:32 PM
ايش هو التلغيم ؟؟


التلغيم هو : نزويد السيارة بقطع تزيد من عزمها وقوتها وتزيد أيضاً في عدد أحصنتها ،،
لــ@@ــتــ@@ــل
25-09-2003, 01:02 AM
مشكورين بس ماقلتم لى اهم سوال (( وممكن افضل اشياء للتلغيم الامن (يعنى مابغى النوس والاشياء ذى) لانى اخاف منهم ))

وسلام
CORVETTE_R
25-09-2003, 05:21 PM
للأسف ما اعرف افتيلك في التلغيم.....

بس في اشياء في التلغيم شوي معروفه....زي الاسلاك الرياضيه والفلاتر الرياضيه....وتغيير البواجي والسست(اليايات).....أدري الاشياء الي قلتها اشياء عاديه مرة......بس في اشياء في التلغيم انا ما افهملها صراحه.....

:biggthump :biggthump :biggthump
makhloof
26-09-2003, 02:18 PM
مشكورين عالردود
يا السفير....ايش هي القطع اللي نحطها؟؟اذكرها لو سمحت :)
أبو الغضب
27-09-2003, 09:17 PM
:) اقول اخوي..
التلغيم يختلف من سياره إلى سياره ..
مثلا عندك السفك اللي تقولون انها راحت عن الفايبر مغلمه تلغيم مو صاحي بس هذا مو معناته انها تتحمل التلغيم لان اصلا راعيها تلقاه مغير البساتن والبلوك كامل حق المكينه ولو انه بلوك السفك بلوك عادي كان من قبل لا يقوم مع الفايبر تنكسر مكينته ..
;) وهذا يعني انه إذا بتحط تلغيم قوي على السياره لازم تغير القطع الداخليه للمكينه اما إذا بتحط تلغيم خفيف مثل اللي يسونه اغلبية الشباب مثل فلتر ريس او هدرز وهذي الاشاء البسيطه فالمكينه العاديه تتحمله ..
وعندك بعض السيارات تكون مكينتها ضد الرصاص من قبل وتتحمل تلغيم مو صاحي مثل السوبر والسكاي وغيرها من السيارات القويه ..
عندك مثلا السوبرا تجي من الوكاله 280 حصان بس مكينتها تتحمل تلغيم إلي 600 حصان بدون لا تغير بلوك او بستن واحد أما إذا تبي اكثر فتحتاج انك تطور المكينه علشان تتحمل القوة الزايده ..
:biggthump واتمنى اني افدتكم بشرحي البسيط وإذا تبون ززززود في التلغيم لا تترددون .. ترى انا حاضر في اي وقت ..
makhloof
28-09-2003, 04:41 PM
مشكور عالرد
راعي الجي تي آر
28-09-2003, 08:17 PM
الله يسلمك اذا تبغي تلغيم عادي وخفيف
اقرا اللي بكتبه

اذا كنت تبي تقوي سيارتك بلتغيم خفيف
انصحك انك اول شي تخفف من وزن السيارة طبعا هذا اختياري يعني على كيفك
بس انصحك فيه
بالنسبة للمكينة ركب لها فلتر رياضي
وركب لها كامات
وغير الوايرات وركب MSD حتى تزيد من كهرباء السيارة والوايرات تسرع الوصيل
وركب لها هيدرز انصحك فيه لأن صوته رهيب
وركب امممم :33:
بس هذا كافي
ايه
تذكرت
ركب تواير ريس
يكون احسن وجنوط خفيفة

اخوك راعي الجي تي آر
أبو الغضب
28-09-2003, 09:46 PM
:) makhloof حياك الله اخوي .. :31: إلا تعال وشي السياره اللي عندك ..؟؟!

انصحك انك اول شي تخفف من وزن السيارة
;) انا معاك اخوي في هذا الشيء لانه يزيد من قومة السياره واهم شيء يخليها أحسن على اللفات إذا كانت السرعه عاليه ..
makhloof
28-09-2003, 09:59 PM
لسه ما اشترينا

نفكر يمكن بعد سنتين
اسال عشان تكون عندي معلومات
هوندا اكورد
الله لا يوفق اللي سرقها
makhloof
28-09-2003, 10:02 PM
لسه ما اشترينا

نفكر يمكن بعد سنتين
اسال عشان تكون عندي معلومات
هوندا اكورد

خلاص مشكورين على الردود حصلت على اللي ابغاه
بس هو مسموح بالسعودية؟
عراوي
29-09-2003, 03:28 AM
ماشاء اللة الشباب ماقصروا اشرحوا كل شي

بس بوضح لك شي
اذا كنت تبي تستخدم السيارة استخدام عادي ماأنصحك تلغمها واجد
لانها راح تبهذلك وماتصلح للأستخدام العادي
يعني هدرز او فلاتر او وايرات او ديلكو
(او كلش رالي اذا بتشري سيارة عادي) مااعتقد راح تبهذلك وراح يفرق معاك كم حصان
بس ماراح يفرق فرق كبير معاك

لكن اذا تبي تلغيم قوي ويخلي سيارتك تختلف اختلاف كلي تركب عليها مكينة قوية

فية شباب يركبون 8 سلندر على ياباني
ويزيدونة تيربو واحيانن دبل تيربو
ويركيون كامات للقومة وللخط
بالاضافة الى الغاز والتلغيم الخفيف الي انذكر فوق
بس هذي السيارات ماتصلح للإستخدام اليومي
بالمرة ومانصح فية :33:

بالنسبة للمسموح والممنوع

مافية ولا دولة سامحة بالخليج
كلهم كراجات ويشتغلون بالخش ;)
وكل دول الخليج فيها كراجات يعرفونها الشباب
والامارات يمكن اشتهرت بتلغيم الفور وييل اكثر من الباقي
راعي الجي تي آر
29-09-2003, 02:14 PM
اقول اخوي
التلغيم مسموح فقط في المضامير والحلبات
وما اسمه دبل تيربوا اسمه توين تيربو
auronxxx
29-09-2003, 02:38 PM
اقول اخوي
التلغيم مسموح فقط في المضامير والحلبات
وما اسمه دبل تيربوا اسمه توين تيربو
(ما فهمت)
يعني اللي ملغمين مواترهم في كل مكان وش سالفتهم
راعي الجي تي آر
29-09-2003, 04:29 PM
الله يسلمك
هذيل ما مسكتهم الشرطة
ويمكن ما تقدر عليهم
الا اذا مسوين كمين
ولا سحبوا كهربة السيارة
makhloof
29-09-2003, 10:04 PM
ممنوع
اذا مسكو اللي مسوين تلغيم وش يصير في السيارة؟يشيلو الاشياء اللي حطيتها + الغرامة ؟
عراوي
30-09-2003, 03:26 AM
اقول اخوي
التلغيم مسموح فقط في المضامير والحلبات
وما اسمه دبل تيربوا اسمه توين تيربو

من طلع في الزدات سنة 90 وانا ادري انة توين تيربو
لاتزعل نفسك :D الرجال يسال عن تزويد ماهي حصة لغة انجليزي :bigeyes:

بعدين اسمة تزويد ماهو تلغيم :tongue2: انت شغال بالجيش؟ :D

بالنسبة ايش العقوبات الي تتخذ ضدهم احياناً تصادر السيارة واحياناً حجز وغرامة

:D :D
راعي الجي تي آر
30-09-2003, 02:04 PM
اقول اخوي
التوين تيربو من الوكالة عادي
محد يقول لك شي
لأن من الوكالة
والاخوة السعوديين ما يقولون تزويد يقولون تلغيم وفي من هم ترهيم
انا اقول تلغيم علشان محد يقول لي شو معنى تزويد
والعقوبات حجز السيارة شهر على ما اعتقد
واذا ما شلت التزويد ما يعطونك اياها
واذا تكرر الامر تصادر السيارة وتباع مجزئة للكراجات
هذا اللي اعرفه