المساعد الشخصي الرقمي

مشاهدة النسخة كاملة : يوشينوري كيتاس و العمل على ف ف 7 ريميك او جزء مكمل (رسميا) + معلومات اخرى خطيره !


l)@RK-l)EVIL
25-09-2003, 08:11 AM
سادخل في الموضوع على طوول لان الموضوع حرج والناس كلهم ينتظرون الكلام الرسمي حسنا
ساوضح بعض الاشياء البسيطه اولا

1- المتابعين لشركه سكوير سوفت وتاريخها في الالعاب سيعلم ان قبل صدور فاينل فانتسي 7 كانت حاله سكوير الماديه صعبه ولهذا السبب قامت سكوير باختصار لعبه فاينل فانتسي 7 وجعلت نهايتها تطرح العديد للتساؤلات هل مات الناس ؟؟ ماذا حدث بالضبط لان الي فاهمين قصه ف ف 7 عدل راح يفهمون قصدي- جد ريد 13 قال لكلاود وربعه ان لما الارض يصبح عليها خطر تستخدم طاقه الهولي لكي تحمي نفسها وطاقه الهولي تدمر كل شي حواليها فهل معناته ان البشر ماتو اكيد لا والسبب ان يوجد ضحكات للاطفال بالنهايه (صوت فقط) وهذا دليل قوي على ان البشر عاشو لكن كيف ؟ او ماذا حدث

2- سيفروث طوول اللعبه كان هدفه الاساسي ___تدرون شنو كان هدف سيفروث ---- ماراح تصدقون هدفه كان_____________ ان يموت لكي ينتقل للبروميسد لاند وهناك تبده قوه سيرفوث الحقيقه وهذا السبب الي بالنهايه سيفروث خله كلاود يقتله بسهوله و لو كنتو تلاحظون لوجدتو ان سيفروث لم يكن خايف او كان عنده الموت عادي ولم يكن يهاجم كلاود اي كان متساهل جدا جدا جدا واعتقد اي واحد انهى اللعبه لاحظ الشي هذا لان يجب ان يموت سيفروث هنا لكي تتكمل القصه<< وهذا الكلام مو يايبه من عندي هذا الكلام قديم ومن اشخاص مهمه من سكوير ربما قبل 5 او 4 سنين لكن سكوير لم تعلق على الكلام يمكن هذي كانت القصه الاساسيه بس ماكملوها للاسف بسبب ظروف الحاله الماديه الصعبه الي كانت فيها سكوير فاستعجلو باصدار السابع وماكملو
فنظريه ان سيفروث مات وانتقل للبروميسيد لاند جدا مقنعه لان بعض الاشخاص عندما يموتون ينتقلون للبروميسيد لاند وايريس وسيفروث من هؤلاء

على العموم المقصود ان سيفروث بعد مماته انتقل للبروميسد لاند ((اعتقد فاهميني لي الحين)) وهناك استطاع سيفروث الحصول على قوته وايريس موجوده بالبروميسد لاند لان على حسب اساطير الانشينت ان لما هم يموتون ينتقلون للبروميسد لاند وبطريقه ما يرجع سيفروث بفضل قوته وهناك بقوه ايريس تستطيع ايريس ان تتصل مع كلاود والابطال الاخرين ((بطريقه ما لم تكشف حتى الان)) والمشكله هل كلاود في هذا الوقت ميت ام حي ؟


على العموم انا كان عندي علم من زمان من مواقع مختلفه ان يوشينوري كيتاس كان يود العمل هو طاقمه بكل سرور على جزء تكمله لفاينل فانتسي 7
وانا اعلم الناس اهني يبون لازم مصدر للاسف دورت
دورت
ودورت مالقيت مصدر لان الكلام قديم شوي والله اني انا اكدلكم الكلام هذا كله صح الي قلته

المهم فعشان جذي انا ساكت وماكتبت شي لان بصراحه مااحب اكتب شي مهم بدون مصدر

فبعد مادورت سنه فوجدت هذا الي بالضبط نفس الكلام حرفيا الي كنت قاريه قبل اكثر من سنه تقريبا بموقع اخر وراح اترجملكم الكلام الي قاله يوسينوري كيتاس ومع مصمميه بالحرف الواحد
((طبعا الكلام انقال قبل اكثر من سنه فيمكن يعرضونها بتوكيو جيم شو وتنزل اوائل 2004 لان العمل عليها يبدو انهم بادين من زمان يشتغلون فيها))

========================================
الترجمه

يوشينوري كيتاس المسؤول (المنتج) يود تكمله فاينل فانتسي المحبوب جدا الجزء السابع
كيتاس يتمنى مواصله قصه فاينل فانتسي 7 والعديد من الموظفين (المبرمجين) يميلون للموافقه وحتى
تيتيسا نوميرا مصمم الشخصيات للاجزاء الي بعدها موافق
على كل حال كيتاس اشار على ان هو مايبي يخذل الاعداد الكبيره جدا لانصار اللعبه بلعبه ذات تكمله بسيطه او ثانويه ((يعني بالعربي يبي يسوي تكمله سنعه مو اضافات بسيطه )) وهو متذكرا هذا الامر وحاطه في راسه فلهذا الفريق ((فريق المبرمجين)) متردد لعمل اي خطوه او خطه للعبه ((خايفين مايسونها بالشكل المطلوب))

اضغط هنا للترجمه الانجليزيه الي بالموقع (http://www.rpgamer.com/news/Q4-2002/110602b.html)

يعني من الكلام يبون قصه محكمه ويظبطون شغلهم عدل قبل لايسون اي شي لكن فكره التكمله او ريميك عاجبتهم حيل وخصوصا كيتاس فبعد مرور كل هذا الزمن ماتظنون ان كافي لصنع قصه عدله ويكون قد ضبطو كل شي وبدو بصنع اللعبه فعلا لان مثل ماشفتو هم ماعندهم اي مانع وحابين يصنعون فعلا للعبتهم الي يحبونها حيل على كلامهم فاينل فانتسي 7 وكانو فعلا يبي يصنعونها لكن مترددين انها ماتكون بالشكل المطلوب

اعتقد بوجهه نظري فعلا لولا الحاله الماديه الصعبه لسكوير ذاك الوقت لشفنا القصه اكبر من جذي بعد

وشكرا لقرائتكم الموضوع
Flanteus
25-09-2003, 08:22 AM
هذي الأجزاء ولا بلاش :cool:

مشكور على المعلومات الخطيرة :wow:

( ما عمري شفت لعبة تحمسوا لها اللاعبين مثل فف7 :أفكر: )

( حتى في المنتديات الأجنبية :) )


سلام
Final Fantasy 7
25-09-2003, 08:25 AM
كلام و معلومات خطيرة جدا .. و أنا فعلا سمعت بهالتصريحات منذ مدة طويلة .. و لكني توني أدري بسالفة سيفروث و انتقاله للبرومس لاند http://www.montada.com/images/smilies/eek.gif




الصراحه لما قريت الموضوع حسبت بشي غريب و شعور كأن هنالك مفاجأة ضخمه في انتظارنا http://www.montada.com/images/smilies/eek.gif ‍!



فعلا احتمال كبير للغاية أن خلال الأشهر القليلة القادمه سيتم الكشف عن فف7-2 ..



جزء آخر مكمل لفاينل فانتسي 7 .. و ليس اللعبة الأصلية ريمك و معاد اصدارها .







الصراحه ما أدري شنو أزيد و أقول .. لأني الحين في حاله صدمه من الكلام يالي كتب في الموضوع .







مشكور دارك .. و ننتظر الأيام و نشوف شنو راح تخبئ لنا سكوير .
Final Fantasy 7
25-09-2003, 08:31 AM
( ما عمري شفت لعبة تحمسوا لها اللاعبين مثل فف7 :أفكر: )

( حتى في المنتديات الأجنبية :) )





هذا اذا دل على شي ..


فهو يدل على أنه الجزء الأكثر شعبية ..


و هي اللعبة التي جسدت كلمة (( أسطورة )) بالمعنى الحرفي بسبب ضخامة قصتها و ملحميتها التي لحتى يومنا هذا لم تصدر لعبة تفوقت على فف7 من ناحية القصة ..




لأني أتذكر يوم أعلنت سكوير رسميا عن فف10-2 و أصدرت أولى الصور و العروض من داخل اللعبة .. ما صارت كل هالضجه و الحماس ..





و لكن شوفوا .. مجرد اشاعات و تلميحات بسيطة عن فف7 جديدة ..



و المنتديات و المواقع و المجلات اعتفست فوق تحت من التخبيص و الحماس :)
Mesharey
25-09-2003, 08:47 AM
الخبـــــــــر غيــــــــر رسمــــــــــي إلــــــــى الآن


المعلومات اللي بالموضوع ذكرتها قبل فترة بموضوع " مقتطفات آربيجية"
وهذا مقتبس من الكلام اللي ذكرته بالموضوع..

هذي جميع الإشاعات والاشياء اللي طلعت عن اللعبة..
فكرة الجزء طلعت بسبب Final Fantasy X-2..من اول اخبار فاينل 10-2 فطلعت إشاعات عن امكانية وجود هاللعبة Final Fantasy VII-2..بعدها علق كيتاسي عن هالشي :
وهو يضحك "إذا تكملة لـFF V-II" في الحقيقة الكثير منا يود ان يقوم باللعبة منهم الرسام تتسويا نامورا وفريق كبير من مصممين فاينل فانتسي 7 , بالإضافة اننا نتوق لمشاهدة فاينل فانتسي بالتقنية الحديثة , لكن "لانريد ان نقوم بمنتج سيء"..(يعني ممكن يبرمجون اللعبة لكن خايفين انها ماتوصل لمستوى السابع-_-)
وبعد هالتعليق مافي اي شيء عن اللعبة ..إلا ان بعض الناس بسكويرإنيكس ذكروا عن إمكانية إصدار اللعبة لكن ليست على الـPS2 أو PS3 بل على جهاز سوني المحمول PSP !!
عموما مافي اي شيء رسمي إلى الآن..صفحة الموضوع مرفقة..على ايام النسخة القديمة :tongue2: ..


مشكور دارك على الموضوع..لكن لاتتحمسون زيادة عن اللزوم..
يمكن مافي شي عن اللعبة اصلا ><
انتظروا معرض طوكيو..كلها يوم..
l)@RK-l)EVIL
25-09-2003, 08:48 AM
هذي الأجزاء ولا بلاش :cool:

مشكور على المعلومات الخطيرة :wow:

( ما عمري شفت لعبة تحمسوا لها اللاعبين مثل فف7 :أفكر: )

( حتى في المنتديات الأجنبية :) )


سلام

شي معروف ان ف ف 7 الافضل بشهاده المواقع والناس والمبرمجين الكبار والصغار فمانحتاج دليل
============================
يوشينوري كيتاس المسؤول (المنتج) يود تكمله فاينل فانتسي المحبوب جدا الجزء السابع
============================
ليش ماقال 8 او اي جزء اخر لان (يود تكمله فاينل فانتسي المحبوب جدا الجزء السابع)

===============================
كلام و معلومات خطيرة جدا .. و أنا فعلا سمعت بهالتصريحات منذ مدة طويلة .. و لكني توني أدري بسالفة سيفروث و انتقاله للبرومس لاند


الصراحه لما قريت الموضوع حسبت بشي غريب و شعور كأن هنالك مفاجأة ضخمه في انتظارنا ‍!


فعلا احتمال كبير للغاية أن خلال الأشهر القليلة القادمه سيتم الكشف عن فف7-2 ..


جزء آخر مكمل لفاينل فانتسي 7 .. و ليس اللعبة الأصلية ريمك و معاد اصدارها .


الصراحه ما أدري شنو أزيد و أقول .. لأني الحين في حاله صدمه من الكلام يالي كتب في الموضوع .


مشكور دارك .. و ننتظر الأيام و نشوف شنو راح تخبئ لنا سكوير .

========================
العفو فاينل وسالفه انتقال سيفروث للبرومس لاند هذي من سيناريو القصه الاساسيه لكن الوقت والحاله الماديه لسكوير لم تساعد فاختصرو القصه
ويمكن احتمال اللعبه ماتنعرض بمعرض توكيو جيم شو لان يقولون في لعبه وحده سريه بس ويمكن تكون كندوم هارتز 2 فاذا ماانعرضت الحين بالمعرض راح تكون متوفره قريبا ان شاء الله


=================================
Final Fantasy 7 هذا اذا دل على شي ..

فهو يدل على أنه الجزء الأكثر شعبية ..

و هي اللعبة التي جسدت كلمة (( أسطورة )) بالمعنى الحرفي بسبب ضخامة قصتها و ملحميتها التي لحتى يومنا هذا لم تصدر لعبة تفوقت على فف7 من ناحية القصة ..

لأني أتذكر يوم أعلنت سكوير رسميا عن فف10-2 و أصدرت أولى الصور و العروض من داخل اللعبة .. ما صارت كل هالضجه و الحماس ..

و لكن شوفوا .. مجرد اشاعات و تلميحات بسيطة عن فف7 جديدة ..

و المنتديات و المواقع و المجلات اعتفست فوق تحت من التخبيص و الحماس

=================================

فاينل الناس الخبراء اغلبيتهم قالو الكلام هذا واعتقد مافي بعد احسن من المبرمجين نفسهم قالو

يوشينوري كيتاس المسؤول (المنتج) يود تكمله فاينل فانتسي المحبوب جدا الجزء السابع ((الجزء المحبوب جدا = الجزء المفضل = فاينل فانتسي 7))


قصه عظيمه واعتقد ان على حساب تصريحات كيتاس ان اللعبه راح تكون طويله وقويه لانهم قالو مايبون يسونها اي كلام يبي يتعبون عليها حيل فيمكن على ماتصدر يمكن اكثر من سنه فاعتقد راح تنعرض بتوكيو جيم شو مو هذا القادم
لكن اتمنى من كل قلبي انها على الاقل بس تتصرح ان في فعلا وبوستر بس عشان نتطمن مانبي عروض فيديو ولا اشكال الشخصيات نريد فقط خبر رسمي من سكوير ان خلاص تم العمل على اللعبه حتى لو تصدر بعد سنتين موافق
l)@RK-l)EVIL
25-09-2003, 09:01 AM
الخبـــــــــر غيــــــــر رسمــــــــــي إلــــــــى الآن
الخبر الرسمي هو ان كيتاس يود هو وفريقه العمل على ف ف 7 ((هذا المقصود فشنو مورسمي كيتاس قايل الكلام هذا من سنه يدي من زمان والوصله الي انا حاطها مجرد تذكير لكلامه بسبب صدور فاينل فانتسي اكس 2))

المعلومات اللي بالموضوع ذكرتها قبل فترة بموضوع " مقتطفات آربيجية"
وهذا مقتبس من الكلام اللي ذكرته بالموضوع..
صفحة الموضوع مرفقة..على ايام النسخة القديمة :tongue2: ..

امممم فعلا بعض الكلام فقط متشابه حول تصريح كيتاس لكن حتى تصريح كيتاس مو كله نفسه
وانا اول مره اشوف المنتدى شكله جذي بالموضوع مالك يمكن لما كنت مسافر بالصيف
على العموم اذا كنت تقصد مثلا اني مقتبس كلامك انا بالفتره هذي كنت مسافر وكنت ماادري عن المنتدى وماازوره سوه القليل القليل وبعدين انا ناقل كلامي من موقع وانت مو حاط موقع بموضوعك وانا مترجم الكلام بنفسي من الموقع الي لقيته بالصدفه لان كنت قاعد ادور ومو ناقله وولا شي انت كاتب بموضوعك ان هم يبون يسون اللعبه برسوم يديده على الاجهزه الحديثه وانا وموقعي مو كاتب الشي هذا انا الي مكتوب بالموقع اتجرمه وبس ;) والخبر انا سامعه ترى من قبل اكثر من سنه او سنتين لكن كاتبينه مره ثانيه المواقع لان الضاهر كيتاس كرر كلامه بسبب صدور فاينل فانتسي اكس 2

مشكور دارك على الموضوع..لكن لاتتحمسون زيادة عن اللزوم..
يمكن مافي شي عن اللعبة اصلا ><
انتظروا معرض طوكيو..كلها يوم..

ننطر يوم ونشوف اخرتها لان اذا طلع مافي
مابي افكر بالشي هذا
Flanteus
25-09-2003, 09:05 AM
مشكور دارك على الموضوع..لكن لاتتحمسون زيادة عن اللزوم..
أنا من الناس اللي ما تجيله نكسة :D
يعني عادي عندي حتى لو طلع الخبر كذب ومافي فف7 أصلا ..... <----- مع انه مستحيل حاليا :أفكر:


ومشكور على ردك ومشكور دارك .....وفاينل على الأخبار

أعتقد انه راح يسير انفجار كبير في الإنترنت .... :bigeyes:



سلام
Mesharey
25-09-2003, 09:10 AM
وانا قلت تنقل من الموضوع :tongue2: ؟
بس حبيت اقول ان الخبر مو رسمي إلى الآن P:

هذا شكل المنتدى القديم ^^
قبل التطوير اللي الحين -____-

وننتظر المعرض المزعج >___<
Flanteus
25-09-2003, 09:22 AM
هع >______<
اليوم بسنة :o


سلام
Final Fantasy 7
25-09-2003, 09:22 AM
لكن اتمنى من كل قلبي انها على الاقل بس تتصرح ان في فعلا وبوستر بس عشان نتطمن مانبي عروض فيديو ولا اشكال الشخصيات نريد فقط خبر رسمي من سكوير ان خلاص تم العمل على اللعبه حتى لو تصدر بعد سنتين موافق

ME TOO :17:
l)@RK-l)EVIL
25-09-2003, 09:22 AM
وانا قلت تنقل من الموضوع :tongue2: ؟
بس حبيت اقول ان الخبر مو رسمي إلى الآن P:

هذا شكل المنتدى القديم ^^
قبل التطوير اللي الحين -____-

وننتظر المعرض المزعج >___<

لا ماقلت بس مدرعم بالموضوع وقاط ردك المقتبس اول كلامك كاني انا مقتبس كلامك وحاطه بموضوعي :tongue2:
الخبر الغير الرسمي هو العمل فعلا حاليا على ف ف 7 ريميك او جزء اخر ;)
لكن الخبر الرسمي هو ان كيتاس وفريقه يودون العمل على تكمله جزء اخر لفاينل فانتسي 7 او عمل ريميك وها انا الي قايله فقط بالموضوع انا ماذكرت ان هم بدو بالعمل مثلا :tongue2:


وننتظر ونشوف يوم ويبين كل شي على العموم انا اليوم رايح الخيران واهلي ماخذين شالي فبس بقعد اليوم وبرد بليل عشان لا اطوف خبر ظهور ف ف 7 او عدم ظهورها لاني مو قادر اتحمل لان اذا في ف ف 7 انا اظمن ان سكوير بتربح بالهبل
l)@RK-l)EVIL
25-09-2003, 09:29 AM
أنا من الناس اللي ما تجيله نكسة :D
يعني عادي عندي حتى لو طلع الخبر كذب ومافي فف7 أصلا ..... <----- مع انه مستحيل حاليا :أفكر:


ومشكور على ردك ومشكور دارك .....وفاينل على الأخبار

أعتقد انه راح يسير انفجار كبير في الإنترنت .... :bigeyes:



سلام


اي مو انت سوبر فلنطس ماتتاثر انا اعرف نفسي يضيق خلقي بس بعدين اتقبل الشي هذا وثاني يوم تلقاني عادي :biggthump

هع >______<
اليوم بسنة


سلام

صدقت يا سوبر فلنطس :D

==============================
Final Fantasy 7
ME TOO

مالك الا الصبر ياولدي :(
l)@RK-l)EVIL
25-09-2003, 10:33 AM
هذي احد الصور الي كنت تسال فيها عني يافاينل والثانيه قتلك مخله بالاداب مايصير احطها

شفت قلتلك اطلعلك اياها اطلعها مع انها قديمه حيل يمكن قبل 5 اشهر من زماااااااان

عاد تصدق دورتها شكثر من كثر اهي قديمه ماحصلتها بعدين لقيتها بموقع ماتتوقعه
لوووووووووووووووول على العموم هذي هي
l)@RK-l)EVIL
25-09-2003, 09:26 PM
هههههههههههههههههههههههههههههههههههههههه



يوجد شخص لااحب ذكر اسمه يقول لي((راسلي رساله خاصه)) ان الي كاتبه انا غلط ويقول ان انا غبي المهم ماعلي منا لان مااحط راسي بعقل متخلفين مو فاهمين شي


==================
الكلام الي انا كاتبه كلام معروف فقط للمتابعين الحقيقين للنت قبل 5 سنين وليس قبل شهر وسنه
المهم يقولي وهو معلق على فقرات (كل الموضوع تقريبا باسلوب سخيف لكن لفت نظري رده حول القطعه هذي))
=======================

سيفروث طوول اللعبه كان هدفه الاساسي ___تدرون شنو كان هدف سيفروث ---- ماراح تصدقون هدفه كان_____________ ان يموت لكي ينتقل للبروميسد لاند وهناك تبده قوه سيرفوث الحقيقه وهذا السبب الي بالنهايه سيفروث خله كلاود يقتله بسهوله و لو كنتو تلاحظون لوجدتو ان سيفروث لم يكن خايف او كان عنده الموت عادي ولم يكن يهاجم كلاود اي كان متساهل جدا جدا جدا واعتقد اي واحد انهى اللعبه لاحظ الشي هذا لان يجب ان يموت سيفروث هنا لكي تتكمل القصه<< وهذا الكلام مو يايبه من عندي هذا الكلام قديم ومن اشخاص مهمه من سكوير ربما قبل 5 او 4 سنين لكن سكوير لم تعلق على الكلام يمكن هذي كانت القصه الاساسيه بس ماكملوها للاسف بسبب ظروف الحاله الماديه الصعبه الي كانت فيها سكوير فاستعجلو باصدار السابع وماكملو

ويقولي لو سيفروث كان هدفه من البدايه ان يموت لموت نفسه من البدايه وخلاص وراح للبروميسيد لاند وخذه القوه الي كان يبيها ولا كل الدوخه هذي ويقول عشان جذي انا غبي

======================

اعتقد اي واحد فاهم اللعبه عدل ((اقصد فاهمها عدل مو يقول تخريفات على كيفه ))

سيفروث كان يريد الموت لكي ينتقل للبروميسيد لاند وهناك يحصل على قوته لماا لم يقتل نفسه اذا من البدايه
لان سيفروث ياشطار ماذا يستفيد اذا مات بدون ان يفعل كارثه بالارض سيرفروث ليس مثل ايريس بالضبط ايريس فصيلتها اذا ماتو انتقلو للبروميسد لاند لكن سيفروث لا يستطيع ان ينتقل للبروميسيد لاند الا عند حدوث خطر قوي بالارض وبعده ظهور الايف ستريم وحدوث الخطر بالارض هنا يستطيع سيفروث ان يدل الطريق الى البرومسيد لاند
فسيفروث كان يريد التاكد قبل ان يموت ان الارض يجب ان تتعرض لخطر حتى يستطيع ان يدل البروميسيد لاند وبعده ان تاكد من حدوث ذلك فمات وهو مستانس

والكل يعلم ان طوول قصه فاينل فانتسي 7 كان سيفروث يريد الحصول على شي واحد فقط لاغير بغض النظر عن الاشياء الي كان يسويها والجرائم

كان يريد الوصول للبرومسيد لاند ومافعله اوصله للبرومسيد لاند والنيزك وماحدث ماهو الا وسيله للوصول للبروميسيد لاند

=======================================

طبعا مهما قلت فهذا يعتبر القليل والي لعب اللعبه عدل راح يكتشف ان كلامي كله صحيح ولا يوجد به اي شي خطأ
وشكرا


وبمناسبه مفاجاه الفلم الجديد التي حدثت قبل ساعات لفاينل فانتسي 7 الي حتى الان مستناس حدي سوف ترون ان كلامي هذا كله موجود بالفلم لان هذي حقائق معروفه من زمن وراح تتاكدون بنفسكم لما ينزل الفلم لاني واثق من صحه معلوماتي
نيو ايرفين
25-09-2003, 10:00 PM
ودي أقتل كيتاس هذا...:mad:
l)@RK-l)EVIL
16-10-2003, 05:36 AM
ودي أقتل كيتاس هذا...:mad:

كيتاس منتج للفلم الان لفاينل فانتسي 7

وبعدين في شي غريب توني لاحظته :D
الشعار للفلم فوق النيزك لو تلاحظون الي قالو عنه ثلج بالصوره الي فيها كلاود وسيفروث هم طالعين من ثلج نفس الشكل موجود بالشعار فوق :06:
يعني شلون يتصير مثلا لو الي في بالي يطلع صج :06: :06:
Final Fantasy 7
16-10-2003, 10:24 AM
أنا أتوقع أن أحداث الفيلم سيكون في البرومس لاند ..






و كلامك يا دارك كله صحيح 100% http://www.montada.com/images/icons/icon14.gif
Neo Cid
17-10-2003, 02:51 AM
انا عن نفسي ما احب اقرى المواضيع اللي ما فيها اي دليل أو برهان ..

و المو رسمي ما يمشي عندي .. :tongue2:

مو قصدي اتهجم على موضوعك يا ديفيل بس قلت عساس مو تزعل ليش اني ما شاركت ..

و كلامك ممكن تصل فيه نسبة الخطأ إلى 99% .. أو 1% .. فما اقدر اقول شي ..

و شكرا ..
l)@RK-l)EVIL
17-10-2003, 03:03 AM
انا عن نفسي ما احب اقرى المواضيع اللي ما فيها اي دليل أو برهان ..

و المو رسمي ما يمشي عندي .. :tongue2:

مو قصدي اتهجم على موضوعك يا ديفيل بس قلت عساس مو تزعل ليش اني ما شاركت ..

و كلامك ممكن تصل فيه نسبة الخطأ إلى 99% .. أو 1% .. فما اقدر اقول شي ..

و شكرا ..


هذي نظريات وكلام قديم من عصر الفراعنه مايعرفه الا المتابع القديم حيل
والكلام ماقلت رسمي ذكرت ان في ناس من زمان قالو الكلام هذا

وبعدين الموضوع مافيه دليل او برهان ليش انا قلت سكوير قالت الشي هذا دام انها سكوير ماعترفت اذا مو رسمي وسوال انت فهمت شنو المقصود من الموضوع :tongue2:


خلني اقولك شي اغلبيه النظريات الي اخترعت بالعالم هي تكمله لفلسفات لفلاسفه
الفيلسوف يعطيك شي بدون نظريه
والعالم يعطيك شي بنظريه

يمكن مااكون عالم لاكني فيلسوف
وانشالله يجي عالم وراي يثبت كلامي :D
Final Fantasy 7
17-10-2003, 07:20 AM
صح لسانك أخوي دارك :أفكر:
Neo Cid
17-10-2003, 12:22 PM
هذي نظريات وكلام قديم من عصر الفراعنه مايعرفه الا المتابع القديم حيل
والكلام ماقلت رسمي ذكرت ان في ناس من زمان قالو الكلام هذا

وبعدين الموضوع مافيه دليل او برهان ليش انا قلت سكوير قالت الشي هذا دام انها سكوير ماعترفت اذا مو رسمي وسوال انت فهمت شنو المقصود من الموضوع :tongue2:


خلني اقولك شي اغلبيه النظريات الي اخترعت بالعالم هي تكمله لفلسفات لفلاسفه
الفيلسوف يعطيك شي بدون نظريه
والعالم يعطيك شي بنظريه

يمكن مااكون عالم لاكني فيلسوف
وانشالله يجي عالم وراي يثبت كلامي :D

ما تيوزون من الفلسفة الزايدة .. خلاص انا بفتح موضوع و بتفلسف عليكم شوي .. و بخترع جم نظرة و فلسفة

عشان تصير من عصر الفلاسفة العصراء ..

و خلونا نستانس باللعبة و الفيلم بلا فلسفة زايدة .. :tongue2:

( الكلام اللي فوق كله فلسفة .. اقصد مزاح ) .. :)
l)@RK-l)EVIL
17-10-2003, 12:43 PM
ما تيوزون من الفلسفة الزايدة .. خلاص انا بفتح موضوع و بتفلسف عليكم شوي .. و بخترع جم نظرة و فلسفة

عشان تصير من عصر الفلاسفة العصراء ..

و خلونا نستانس باللعبة و الفيلم بلا فلسفة زايدة .. :tongue2:

( الكلام اللي فوق كله فلسفة .. اقصد مزاح ) .. :)


عادي يبا :D
المهم الفكره وصلت

بس ترى كلامي ماهو فلسفه ولا يايبه من عندي :bigok:
BOiND
17-10-2003, 04:12 PM
تعرف شيء صغير يا دارك؟:أفكر:
لو يسوون مسابقة منهو افضل عضو في منتدى فاينل فانتسي ...

انت العضو الوحيد اللي في بالي بس ...
بس خلهم يسوونها اذا بيفكرون ...
وطاع اسمك بس ...
l)@RK-l)EVIL
17-10-2003, 04:19 PM
تعرف شيء صغير يا دارك؟:أفكر:
لو يسوون مسابقة منهو افضل عضو في منتدى فاينل فانتسي ...

انت العضو الوحيد اللي في بالي بس ...
بس خلهم يسوونها اذا بيفكرون ...
وطاع اسمك بس ...


لووووووووووووووووووول
BUT I DONT EVEN CARE :tongue2:
اسمي هذا على الماشي فقط للمنتدى

ربعي مسميني دايناميت :tongue2: بس محد يقول لان بس ربعي يعرفونالاسم السري هذا
BOiND
17-10-2003, 04:26 PM
لووووووووووووووووووول
BUT I DONT EVEN CARE :tongue2:




me too:tongue2:
Idon't realy care a bout that:tongue2:


ربعي مسميني دايناميت

great:tongue2:
I will called you mr.TNT:tongue2:
l)@RK-l)EVIL
17-10-2003, 05:26 PM
me too:tongue2:
Idon't realy care a bout that:tongue2:



great:tongue2:
I will called you mr.TNT:tongue2:


THIS IS MY SECRET :tongue2: