جلست الاسبوع.....سواليف سايلنت ايفل...من ياخلفهم..خخخخخ [الأرشيف]

مشاهدة النسخة كاملة : جلست الاسبوع.....سواليف سايلنت ايفل...من ياخلفهم..خخخخخ

silent evill

26-09-2003, 02:29 AM

سلااااااااااااااام..ار يو مست مي..(((امحق من لغه))) :D

بنسوااار شبابا وبنات...كيفكم...كيف احواليتكم...تعرفون مثل ماقلت اخر الشهر اطل عليكم خخخخخخخ

الزبده...شفت انه معد فيه سواليف قلت ياولد ندردش معكم في موضوع قاهرني اقسم بالله...
ومو بس انا..كل شباب الرياض....والى الزعيم الهلال وكل محبي الارسنال...والى امي وابوي ي الخرج...وجدي في الحوطه....وعمتي وخالتي في سدير...
وبسطة اخوي في سوق المعيقليه...اوووووه سوري متحمس مع برنامج افراح وتهاني..((قديييم))) :biggthump

على فكره لين الحين يعرضون البرنامج ولا شفروه ...؟؟؟ سؤال يسدح نفسه..

اي نعود لمحور حديثنا...

سوف نتحدث عن الشباب وش يسون في الرياض الحبيبه... :33:

----------------------------

ودي ابكي لين مايبقى دموع....ودي اشكي لين مايبقى كلام...

بيت يتردد كل دقيقه في لسان شباب الرياض..وخصوصا اصحاب الخبره...اي البالغين...

نمشي من بداية مراحل الطفوله ماذا يفعل الشاب السعودي في الرياض...

اول سنتين..منطق في البيت مع الشغالات وانواع السيريلاك...السنه الثالثه والرابعه والخامسه نفس الشي..لكن تطور بسيط وانه يصبح يتغذى على الاندومي :31:

في عمرالبراءه...يبدا في الخروج الى الدنيا...فيسلي نفسه في سن السادسه والسابعه والثامنه...

فيذهب مع اهله الى الملاهي سواء الخيمه او الروضه او المرسى مافرقت ونسينا ستار سيتي...
وفي السن التاسعه...يبدا ينكرش من الملاهي يقولون طويل.. :bigeyes: ماتنفع تدخل...
مشكله وش يسوي...

فتبدا سن المراهقه عند اهل الرياض من السن التاسعه..((والله تبدا الدشاره والدجه))
فيطيح في اول اساليب المغازل والهبال..يمكن توه مايعرف انه يغازل المهم...

يدلي يطلع العروس مع اهله...طبعا الحارس مايدخله...فيجي مسوي زعط وخرو عن طريقه يجمعله شله من البزارين اللي جنبه..(((اقتحام لعرس)))
فيجون ربعه عند الحارس..على حسب اذا صعيدي لازم مشوار وكم واحد يلهيه..اما سوداني حط رجلك وادخل وانت داعس... :biggthump

اييييييييييييييه..دنيا..الله يذكر زمان اول بالخير..

اما في السن العاشره والحاديه عشر والثانيه عشر...تسمى عند اهل الرياض سن اكتساب الخبره..؟؟؟
فيبدا الشاب في الخروج مع عيال حارتهم وعند باب بيتهم يسولفون ويحتك بالعالم....
ويوم ورى يوم حبيبي انا بحلم بيك..اووه سوري الفيوز ضاربه شوي.. :p

قصدي يوم ورى يوم...ويبدا الولد يبعد عن باب بيتهم فيوصل الشارع العام...فيناظر العالم والتفحيط شباب الرياض التفحيط شعارهم الاول...ازعج العالم واضبح لك كم واحد ..؟؟؟

لهذه الاسباب سمي بسن الخبره... وفي السن الثالثه عشر والرابعه عشر والخامسه عشر..
تبدا الدجه النظريه وليست الفعليه....

فيبدا يتعرف على ناس اكبر منه معهم مواتر...ويدلي يدور ويهجول معهم ....ويروحون شوارع تفحيط ومن هذا القبيل...

وسن السادسه عشر والسابع عشر...هذا فاصل اعلاني...خخخخخخخ سن متقلب يعني منطق في البيت يصير وحالت امه حاله ومشكله يمكن يحب وهو يكون في هذا السن فقط..((عند شباب الرياض فقط..غير متوفر في الاسواق))

اما في سن الثامنه عشر...سن الدجه الفعليه الحقيقيه..الرجال ابوه يطقله موتر...
فيبدا الولد ينهبل من الفرحه....معه موتر بيقعد يدوج من قده..(((مايدري انه بيكره حياته بعدها..لأنه في الرياض))) :31:

فيبدا اول اسبوعين دوران في موتره مايوقف فرحان فيه...حتى الحين تمام حلوو....
الاسبوع الثالث...
يبدا يطلع القرش العزيزيه اليورمارشيه...حلووو حتى الان..
الاسبوع الرابع...
يتهور ويروح الفيصليه...كالعاده مع الباب عوائل فقط؟؟؟ ويجرب حظه في المملكه وبرضو نفس الشي..
وصحارى؟؟ يضيع الاسبوع وهو يتشوت... :D

الاسبوع الخامس....
يغير يصير وده يمشي يطلع طريق الامير عبدالله حق المشاه يومين والرجال يطفش..

سن العشرين وفوق...مايحتاج مايبيلها...ابووي زهب الشنط واطلع برى سافر شف الدنيا والاسواق خلك حر عيش حياتك....نعنش مع هيد اند شولدرز بالنعناع.. :jester:

----------------------

اييييه حالتنا حاله..شباب معروف انا في مواضيعي اكتب قصص واقعيه..ويالله مين قدكم..في هذا الموضوع راح اكتب عن حياتي الاسبوعين اللي راحت وش اسوي في الرياض...
علشان تعرفون كيف الدجه...
اممممممممممم

نبداها من الصبح....اوكي..

ايعني بعد الجامعه اختصار خخخخخخخ...وش اسوي اطلع بدري والله محاضراتي دلع اخص عشر وبالكثير 11..((موووتو حره يالباقين انواع الكرف...)) :p

نطلع مع احد الشباب او نطلع بسيارتي نروح نبي نتغدى في الفيصليه...يقول السيكيورتي..
تعالو بعد الظهر الحين عوايل...((يمدينا نسوي يمين يسار معنا كروت وحركات بس يعني نحس انها اهانه؟؟؟)) المهم نروح ننتظر في دكتور كيف او ستار بكس ناخذ لنا موكا (((امووت في الموكا)))

بعد الظهر نروح ندربي روسنا للفيصليه نتغدى وكل واحد ينقلع بيتهم...
وبعض الاحيان نشطف كلية الامير سلطان بدل الكوفي ..يقولون فاتحين جنغل لاند هناك..فنروح نشوفها
:jester:

شباب سعودي والله دجه...مخ مافي خربان...؟؟؟

هذا من ناحية وقت الظهيره..

معليش يبدو اني طولت عليكم سوري..اختم لكم الجلسه هذي بالقصه المثيره هذي حصلة لي يوم الاربعاء هذا :bigeyes: وقتها سموني اخوياي جيمس بوند...

طالعين ندور الساعه 1 الفجر...الشباب هذا الوقت اي شباب الرياض وينهم...تعال في شارع التحليه تلقاهم هناك استعراض سيارات مشاكل مقاومات كل شي...
انا رحت ومتحديني واحد من اخوياي اني اقاوم واحد..(((من الفضاوه والله وش نسوي ياليت عندنا بحر))) والثاني يقولي انت ماعقلت عقب الحادث اللي صار لك...خخخخخخخخ المهم...

ادور يمين يسار مالقيت احد...كلهم يمشون صفر...وفجأه القى قدامي 2 جيب كاديلاك..مظلل كاتم انا ضحكت ابتسمت يعني...خويي يقول...سعود كلش الا ذولي لاتمزح معهم....قلت والله هذي صيدتنا يارجال..(((قصده ان سيارتنا سبورت صغيره وهم ماشالله بيدعسونا وش كبرهم)))
كانو مهدين.. فجيت انا ماغط من وراهم ويوم وصلت عدهم..((شوف كيف الملعنه تعلمو كيف تجاكرون العالم)) واكع الفرامل والف الطاره يمين وتزحف السياره...هو شافني فهم العلامه.. فحد خوييه يعني استعد فيه مجاكره...

الشباب واحد منهم مسك اليسار والثاني مسك اليمين..والسيد اللي في النص مفتوح..يعني ياحلو تعال بينا..
انا ماشالله علي مثل عماد...فهمتها وهي طايره..
اثرهم يبون المشاكل يعني يبوني ادخل بينهم ويحدوني الثنين..ياولد خلهم تحدوني انا اوريهم...
عاد يومها لابس فنيله كوت وحركات ومجهز نفسي...وامسك الطاره بأقوى ماعندي بيدي اليسار..
واليمين على زر البور..((زر سبورت يعدي قوه للسياره)) خويي يقولي سعود يرحم والديك...
والثاني يقول انت تدور على المشاكل ليه...قلت دنيا بدون مشاكل ماتنبغى... :cool:

واسمي بالله واكتم على الموتر ورجلي على البنزين...ويوم دخلت بينهم...المساكين توهم بيحدوني...
اخوياي قامو يزاعقون ويتشهدون...
الا واصبعي الكبير على زر البور((سبورت)) وسعود مقلع ههههههههههههه المساكين بغو يقشعون بعض
ويحاولون يلحقوني وانا مغبر عليهم خخخخخخخخ..خلهم يعرفون مين انا المفروض يثمنون السياره قبل لا يتجاكرون معها... :cool:

وفي الختام نشكر لكم حسن استماعكم واسف على الاطاله بس اشتقت لكم وعارفين اطل كل اخر شهر عليكم قلت خلني ادردش معهم شوي...

تشااااااااااااااااااااااو...

ليــــــــــان

26-09-2003, 03:47 AM

خخخخخخخخخخخخخخخخخخخخخخخخخخخخخخخخخخخخخخخخخخخخ

اولي
888
على بالي بالاقلاع :cool:
اجل تطل علينا وين وش قمر يعني على بالك مسوي فيها

خخخخخخخخخخخخخخخخخخخخخخخخخخخخ

موضووع حلو وعلى بالك تبي تعلمنا انك تاكل سيرلاك يوم انك صغيير :tongue2: :p

silent evill

26-09-2003, 04:12 AM

احم احم...رجاء القكر مايصف جنبي...بليييز يا اختي الناس يقولون لي تصدق ياسعود...
القمر يشبهلك...شفتي..مو انا اشبه للقمر لاا...القمر يشبهلي.. :D :D ((الثقه زايده))

ثاني شي..ايه انا زعلان على هالمنتدى علشان كذا اطل عليه اخر الشهر علشانكم لاتصيحون تقولون سايلنت تركنا.. :D
حتى ان شخصية سعيدن لين الحين مستمره لكن في مكان ثاني هنا هونت زعلت ماراح اكملها .. :أفكر:

ثالث شي..هق هق...

ترى هذا ولا شي..ولا ناوي اكتب بس اخاف يصير طويل فالاعضاء يخافون مايقرون :biggthump

رابع شي..

السيريلاك وجبه صحيه ورائعه..جربيها :tongue2:

remo

27-09-2003, 01:42 AM

7
7
7
7
حلي ثاني :D

اولا انا مابغيت ارد لأن مالي دخل فيكم بالطقق :09: (نذااااااااله)

المهم كان عنوان الموضوع مقبس بالعربي مسروق ولالا :33:

عموما تشكر على طرح قضايا الشباب بس المرة الاخرى بدون لطش بليييز :D

فاقد قلبه

27-09-2003, 01:41 PM

^
^
^
:أفكر:ياكثر ماتستخدم ذي البنت الايقونه هذي:33:<<بديت اشك ان لها لحية منجد:D

ليان

خخخخخخخخخخخخخخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخ الله يرجك:D:D مصيري اعرفك باي يوزر انتي:أفكر:

سايلنت

ابداع مع اني ماني كاذب(ن) عليك موضوعك من طوله ماقريت الا شوي منه ولا الاخطاء الاملائيه عد واغلط يبيله فك شفرة بروح انادي سواقنا يقراه:p<<يسوي طريقتك ويتهاوش معاك عشان يجون البنات ويتهاوشون معاه وينشهر((قدييييييمة:p:p))

يسلم خشمك على هالموضوع:D

السنيوره

27-09-2003, 01:47 PM

the driver

27-09-2003, 02:32 PM

تصدق سايلنت :31: تقول لي الخدامه تأكلك سيرلاك :33:

أنا حياتي غيرك بكثير مع أننا شباب كلنا سوى :o

شكرا سويلنت على الموضوع

;) ولما يجي عمرك 52 سنه تصير منت بمزبوط وتسافر برى :o وتتزوج ياما من دولة مصر أو سوريا أو لبنان أو الهند وتخبصها وتجيب بزران مشكلين أحمر على أسمر وحالتك حاله :p :09:

أحنا الشباب لنا تاريخ أما البنات وين تاريخهم :06:

( الزعيم )

27-09-2003, 03:08 PM

مشكور اخوي سايلنت على الموضوع الفاضي ............:09:

ما اكذب عليك .. و اقولك بصراحة ..

انا قريت الموضوع كامل ....:wow:

لاني فاضي و ماعندي شىء ,,:jester:

الله يعيننا احنا شباب الشرقية .. اذا تجون عندنا بالعيد .. دايما تسوون مشاكل ...:tongue2:

silent evill

27-09-2003, 09:17 PM

بسم الله الرزق وااااجد... :cool:

ريمو...

بسم الله الرحمن الرحيم اعوذ بالله من اليشطان الرجيم...((معليش توني صاحي من النوم من جد)) :biggthump

اييه وش تقولين انتي فوق دقيقه اشوووف امممممم..هههههههههه طيب

والله انا قاصد الحركه هذي..خخخخخخخ لأنك عمرك مادخلتي مواضيعي وقلت خلني اقتبس اسم موضوعها علشان تدخل وتشووف كيف الدجه.... :biggthump بعدين انا ضحكه يعني واضح انها مقصوده.. :jester:

فاقد قلبه..
اول شي ضحكت على ذبة اللحيه هههههههههههههه...قوويه والله :jester:

من ناحيت الابداع مايحتاج عارف(ن) نفسي...يبدو اني مانزلت سعيدان الجديد صح..اكيد نسيته عاد تعال شف الضحك والهبال هناك..ومن جد طووووووويل...الحين انزله لكم انشالله..
بعدين هي...اي اخطاء املائيه يالتسذااااب...مافي ولاخطأ...انا وسيبويه واحد... :cool:

بعدين تعااال....انا اكره الحركات هذي ودايم تصير معي..عاااااااااااااااع....وش الكلام اللي تقوله من قالك ...انا اتهاوش مع البنات..افا...من متى..انا بريء ياخي..وبلاش فضااايح... :p

مشكله ماينال لكم شي في الماسنجر... ;)

silent evill

27-09-2003, 09:23 PM

اهليييييين سايلنت ويييينك ماصرت تدخل كثيير ولا ابوك موزي الكمبيوتر عنك ........
خخخخخخخخخخخخخخخخخ

المهم موضووع مدري شيبي ماقريت الا اوله والله انا مشغووله ان فضييت باكمل الباقي ...
وتشكرات على موضوعك :)

من يقول...
اٍسألي الاعضاء انا موجود يوميا في النت...لكن انا قايل المنتدى هذا بدخله اخر الشهر بس..كذا مسكه غبيه... :biggthump

موضوع مدري وش يبي..مراقبه مدري وش تبي...كلها واحد...وين الملوخيه بالارانب بس.. :mad:

بعدين يقول الشاعر...

اللي مايعرف الفار يقول جرذي...وسلامتكم يالحاضرين... :D

silent evill

27-09-2003, 09:34 PM

درايفر..((خالد المفهي)) :D

كلش الا السيريلاك.... :mad: هذي الوجبه المفضله... :p

شباب الرياض غير الناس وش عرفك انت... :bigeyes:

لاتخاف اي 52 بابا...اشوا اني من الصيفيه اللي راحت هذي وانا مسافر نشوف بنات العالم قصدي نشم هوا.. :biggthump

وانشالله رمضان هذا نفخت من الجامعه ونخربها نحذف ترم... :jester:

الزعيم..

الموضوع انا ماكتبته الا من الفضاوه يعني مشتق منها شي عادي قايلك سواليف سايلنت... :biggthump

ايييه هذا شباب الرياض مسوين حقين غزل..يطلعون برى الرياض ويسوون مشاكل..هم شيف
بس مايقتنعووون ياااخي... :D

The Noble

27-09-2003, 09:52 PM

لسه لك عين تشارك وتكتب مواضيع :)

silent evill

27-09-2003, 10:02 PM

لسه لك عين تشارك وتكتب مواضيع :)

مشكور اخوي...والله يهديك انشالله

The Noble

27-09-2003, 10:04 PM

يازينك وانت عاقل :)

تحب أعرض لهم أخلاقك الحلوة على المسينجر ولا ما يحتاج (تراني مصورها) :)

محمدS.M

27-09-2003, 11:53 PM

بوب ... انتبه الى ردودك التي ليس لها اي داعي !!!

شيراكاوا

28-09-2003, 12:35 AM

:D مآسي يالطيف
ههههههههههههههههه :biggthump
حلوة منك سالينت عشان نعرف شباب الرياض كيف كككككككككككككك
----
تحياتي
شـيـ :cool: ـرا :cool:كـــااوااا :cool:

The Noble

28-09-2003, 01:17 AM

بوب ... انتبه الى ردودك التي ليس لها اي داعي !!!

أظن باني وضحت لك مقصدي من هالرد .. :)

alamid

28-09-2003, 02:29 AM

الشات ممنوع..:o..

والتهديد مايجوز..:o..

remo

28-09-2003, 03:32 AM

والتريقه بعد
اجل لحيه قااااااااااااااال
مش خشك بسسسسسسسسسسسسسسسسسس :31:

هاه سايلنت كيف الموضوع منور بوجودي :D

the driver

28-09-2003, 03:30 PM

والزبده من هالحركات ...... :06:

:: Snake ::

28-09-2003, 06:35 PM

حركتااااااااااااااااااااااات....

طيب ما افصحت ولاعبرت ولا شرحت نوع الموتر الي معك... :p

سويلنت هذا من جد ولا ارانب...؟؟؟؟؟

..((موووتو حره يالباقين انواع الكرف...))
:12: :12: :12:

اخص ياجيمس بوند....اجل لو تشوف انا شسوي كان اش تقول... :tongue2: :tongue2:

وانا مسافر نشوف بنات العالم قصدي نشم هوا
والله اني داري... :D :D

موضوع مرجوج مثل صاحبه....ثانكس...

لا تقطعنا....

WhiTe^BoY

28-09-2003, 08:47 PM

ههههههههههههههه....حلوووووووووه ابن عمي...

طيب كمل الباقي ولا خايف من الفضيحه....؟؟؟؟ عادي قول لهم انك انفلقت ذاك اليوم بالكعب..ههههههه

وثااااااااااانكس ابن عمي

فاقد قلبه

01-10-2003, 06:48 AM

ليــــــــــان

01-10-2003, 03:21 PM

( اقتبااس )

ليان

خخخخخخخخخخخخخخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخ الله يرجك مصيري اعرفك باي يوزر انتي

---------------------------------------------------------------------

تبي تعرف
اتحداااااااااااااااااااااااااااااااااااااااااااااااااااك واتحدى كل اخوياااااااااااااااااااااااااااااااااااااااااااااااااك

خخخخخخخخخخخخخخخخخخخخخخخخخخخخخ

فاقد قلبه

01-10-2003, 04:29 PM

^
^
:أفكر:مهوب لازم طلعت سر وحناااااا ماندري:06::06:

افقليني انك كنتي مشاركه هناك تلقينكي تقرين وتنفرجين بدون ماتجيك الجرأه تكتبين هناك:D<<يبي يتصفق:cool:

silent evill

02-10-2003, 12:53 AM

بسم الله..يالله شباب..انا المره هذي اجازه لكم دخلت اول الشهر... :D

لكن اقولها لكم الصراحه وبدون زعل...والله مادخلت الا علشان ارد عل سنيك فور افر الصراحه...
قالي ولد خالتي المخفه عنه وجاي ارد عليه لأنه عزيز علي ;)

اييييه نشوووف وش تقول ياسنيك فووق..

هههههه...لو بقول الموتر اللي معي كان قلت من اول...عادي تبي تشزفني اذا كنت من سكان الرياض بكره بنتقابل انا ومعي فولفو وفلاي باتمان ومعنا كم عضو اخر الله يحييك معنا اخوي....

على العموم راح اكتب الموضوع وفيه كل شي...

من ناحية الجد....افاا انا اكذب يعني.. :D لا والله جد كلها نو وي ... :cool:

ومن ناحية القطاعه والله غصب علي صارت كم حركه من كم عضو عارف نفسه زعلتني على المنتدى هذا غصب علي والله..سمااااااااااااااح...لكن تشوفني في الماسنجر...

تشاااااااااااااااو

silent evill

02-10-2003, 12:58 AM

شيراكاوا..

خخ..شباب الدجه قصدك والله ههه...انصحك اذا كنت برى الرياض لاتجيها..

مافيها الا الدجه والله.. :p

ريمو..

والله الموضوع منور بكل عضو موجود فيه ....بس حبينا تدخلين مواضيعنا لو مره بس.. :biggthump

درايفر..
الزبده....انك تاكل سيريلاك...مفيد للخشه... :D

وايت بوي...

تبي تعلمهم انك تقربلي يعني.. :D ..عارف لك الشرف انت وخشتك... :cool:
بعدين اي فضيحه...انت ماكنت معي اصلا..الا تذب وجهك ياااخي... :D

silent evill

02-10-2003, 01:03 AM

بسم الله الرحمن الرحيم...(((جا دور التهزيء)) :D

بوب ومحمد اس ام...ياليت مشاكلكم في الخاص...والله يوفق الجميع انشالله... :)

فاقد قلبه...
انت لقيت قلبك ولا لسى....؟؟؟ وش اي ماسنجر..باب...محمد يسجل في المنتدى هنا ماعرفه حلو.. :biggthump

مفكر تمشيها علي يعني...نسينا المر والفول واختبار القدرات... :D
لكن فعلا ترى ابيك ضروري في الماسنجر اوكي....لازم القاك...

ورجاء تتهاوش مع البنات مو في مواضيعي اوكي... :) مابي الشات في مواضيعي بليييز...

ليان...

نفس الكلام اللي قلت لفاقد قلبه لك برضو..الشات برى مواضيعي انا...

:D

ليــــــــــان

02-10-2003, 02:04 AM

( اقتباس )

^
^
مهوب لازم طلعت سر وحناااااا ماندري

افقليني انك كنتي مشاركه هناك تلقينكي تقرين وتنفرجين بدون ماتجيك الجرأه تكتبين هناك<<يبي يتصفق

------------------------------------------------------------------------

خخخخخخخخخخخخخخخخخ مهووب لازم ايه هييييييييين مهووب لازم يحلفوون انك تفحط بين القهوه وسعه الصدر والعياريين تبي تعرف من انا :أفكر:

على العموم بسهل علييك انا رتبتي

عضو مقلع بقوه
مشاركاتي
1061
عااد ان ماعرفتني عقب كل ذااا
بتتسطر مني لاني من جد ودي اسطر احد :tongue2:

silent evill

03-10-2003, 08:35 PM

( اقتباس )

^

خخخخخخخخخخخخخخخخخ مهووب لازم ايه هييييييييين مهووب لازم يحلفوون انك تفحط بين القهوه وسعه الصدر والعياريين تبي تعرف من انا :أفكر:

على العموم بسهل علييك انا رتبتي

عضو مقلع بقوه
مشاركاتي
1061
عااد ان ماعرفتني عقب كل ذااا
بتتسطر مني لاني من جد ودي اسطر احد :tongue2:

-------------

من ناحية الكف انا بسطر واحد مايستحي على وجهة اللي ينشر كلام عني وهو عارف نفسه بس ياليت يستحي على وجهه شوي ويكفي اشاعات واذا في شي يجي يقولي انا مو يطلع كلام عني...

وليان..

ترى بسطرك انا اوكي...يكفي شات في موضوعي..انا بنزل موضوع الحين هديه للاعضاء يسولفون فيه خخخخخ

العميـد

04-10-2003, 07:41 AM

تم إغلاق الموضوع..:)..<--- :p..

$الخليجي$

04-10-2003, 03:10 PM

تم فتح الموضوع :) ...<--- :p ..

silent evill

05-10-2003, 02:22 AM

لااااااااااااااااع...

الا موضوعي حراااام عليكم..لااااااااااااع..(((يحب يصيح))خخخخخخخ

يالله خذو راحتكم اجازه مني اقلبوه شات..
________________

اللي بعدي سفط على اليمين :cool:

دايـــــس 141

05-10-2003, 10:15 PM

يعني تبي تعلمنا انك في الجامعه :cool:

silent evill

05-10-2003, 10:49 PM

خخخخخخخخخخ..لي حق ياخي..

كلكم صغار هنا ثانويه توكم.... :D ....

اقول انا ماقلت سفط على اليمين...

ليــــــــــان

05-10-2003, 11:42 PM

[QUOTE]
وليان..

ترى بسطرك انا اوكي...يكفي شات في موضوعي..انا بنزل موضوع الحين هديه للاعضاء يسولفون فيه خخخخخ

[QUOTE]

بتسطرني واوكي وين ياخي ماتجي ابدا
قل بسطرتس غصبن على اللي جابوتس :tongue2: :tongue2: يمكن لكن اوكي

خخخخخخخخخخخخخخخخخخخخخخخ
شاات وهديه احلى لا تكون انت السنيوره وانا ما ندري
خخخخخخخخخخخخخخخخخخخخخخخخخ
:jester: :jester:

silent evill

06-10-2003, 02:44 AM

ههههههههههههههه والله السخافه الساعه ثلاث الفجر جالس اشوف مسلسل لايفووتكم..

المفروض انه رومنسي لكن انا من ناحيتي فطست ضحك :D

---------------------

ليان...ترى بسطرتس من جد من جد.....

بعدين اعلم المسز حقكم في الجامعه تراها اختي :D

االموضوع الهديه هي طلعة الاعضاء لكن اجلت تنزيلها تعرفون انا واحد يحب يكون الشي وناسه
انا عندي صورة فلاي حاليا انشالله تجيني صور الباقين اللي طلعو وانزلها مره وحده....

هذا اقتباس من الموضوع اللي انا كاتبه شوفي كيف.....

عقب ماخلصنا من القرش طلعنا لساحة اليورمارشيه علشان نصور هناك هههههههههه شوفو المكان بس رومانسيه كامله(((وش نسوي ماعندنا بحر مثل العالم)))
وانشالله تشوفونها هنا في الموضوع....

خخخخخخخخخخخخ الله يرجني والله اني من جنبها :p

the driver

06-10-2003, 03:06 PM

خخخخخخخخخخ..لي حق ياخي..

كلكم صغار هنا ثانويه توكم.... :D ....

اقول انا ماقلت سفط على اليمين...

كلهم ... :o

سويلنت وربي شكلي يوم بسوي لك فرمته :أفكر:

silent evill

07-10-2003, 12:59 PM

ههههههههههههههه..ياخي عادي...

لو بستثني طيب اوكي...

ماعدا السنيوره ودرايفر وريمو وليان وسكريم...خخخخخخخخخخخخ
لا معليش ليان توها متوسط سوووري...
:D

$الخليجي$

07-10-2003, 02:03 PM

أنا أحسن واحد فيكم :cool: أنا وأعوذ بالله من كلمة أنا أشتغل بشركة دجو أكيد تعرفونها :tongue2:
ويدلعونها شركة دوجو :jester:

silent evill

07-10-2003, 10:27 PM

خخخخخخخخخخخخخ....

والله عندنا وااسطه...تعال دخلني معك نبي الشكره هذي من زماااااااااااااااان

:D

دجـــــــــــــــــــــــــــــــــــو وبــــــــــــــــــــــــــــــــــــس

silent evill

07-10-2003, 10:57 PM

ههههههههههههه..يقولون توقيعك ضخم....

طيب انت يالي منيب قايله حذرني رساله في الخاص انا حذفت التوقيع من جهازي يالله هات رابط ارجع التوقيع فيه...

ايش الحركه البايخه هذي من جد والله....رجعلي توقيعي اقول ماعلي منك :mad:

Rytamu

07-10-2003, 11:17 PM

silent evill

08-10-2003, 02:40 AM

لا...

واحد توني مصلحه امس...

مجمع فيه اسماء اعضاء الترفيهي كلهم تقريبا..وحذفوه..؟؟؟

:: Snake ::

11-10-2003, 01:48 AM

لكن اقولها لكم الصراحه وبدون زعل...والله مادخلت الا علشان ارد عل سنيك فور افر الصراحه...
قالي ولد خالتي المخفه عنه وجاي ارد عليه لأنه عزيز علي ;)

اييييه نشوووف وش تقول ياسنيك فووق..

هههههه...لو بقول الموتر اللي معي كان قلت من اول...عادي تبي تشزفني اذا كنت من سكان الرياض بكره بنتقابل انا ومعي فولفو وفلاي باتمان ومعنا كم عضو اخر الله يحييك معنا اخوي....

على العموم راح اكتب الموضوع وفيه كل شي...

من ناحية الجد....افاا انا اكذب يعني.. :D لا والله جد كلها نو وي ... :cool:

ومن ناحية القطاعه والله غصب علي صارت كم حركه من كم عضو عارف نفسه زعلتني على المنتدى هذا غصب علي والله..سمااااااااااااااح...لكن تشوفني في الماسنجر...

تشاااااااااااااااو
هلا والله..

افا عليك ماعزيز الا الشيطان...اووووه قصدي انت اعز والله... :D :D

انا للاسف كنت .. :crying: كنت :bawling: ساكن في الرياض الى بداية هذي السنة الدراسية رحت ادرس في الخارج.... :biggthump

بس فــــــــــلــــــة........

وانشاء الله نشوفكم في اقرب وقت....

$الخليجي$

11-10-2003, 01:43 PM

والله شوف إذا كنت كاتب أسمي مع الاعضاء اللي أنت حاطهم بتوقيعك يمكن يمكن أدبر لك
واسطة ترجع توقيعك ولو تبي حتى تحط حجمه 800 * 600 بكسل عادي :cool:

BLuE^BoY

11-10-2003, 07:00 PM

ماااااابي واسطات عندي مليووون عضويه ومليون توقيع ههههههههههههههه

$الخليجي$

11-10-2003, 07:05 PM

ماااااابي واسطات عندي مليووون عضويه ومليون توقيع ههههههههههههههه

صااااااااااااااااااااااااااااااادوه :p :tongue2: :p

silent evill

16-10-2003, 07:14 AM

هههههههههههههه...

صادوه..

حبذا لو تمطرنا بسكوتك :biggthump

شباب ترى هذا شات تعالو سولفو هنا قبل لايتقفل الموضوع ..(((توه راجع من الايقاف ومابعد عقل)) :D

$الخليجي$

16-10-2003, 04:32 PM

مافي مشكله أمطرك ببسكوتي قصدي بسكوتي لكن كم تعطيني :D

silent evill

16-10-2003, 08:38 PM

اقول خلنا من هذي بس واسمع الكلام اللي يجمد على الشارب...

اذا انت في ثالث ثانوي وتبي تشبك مدرسين وخوصا حقين العلمي..علشان الدرجات :D

خذها نصيحه مني...تراهم يموتون في شي اسمه تفحيط...\\طبعا انت لاتقولهم عندي اشرطة تفحيط...\\قل له...\\استاذ..\\عندي اشرطة حوادث حقيقيه وهو يفهمهما خخخخخخخخخ

والله مدرس الفيزيا اللي فيا ثالث ثانوي كنت مشبكه باشرطة تفحيط :D

الهيلم

17-10-2003, 03:29 AM

ترا ما عندي شي

بس فاضي وادور مواضيع ارد عليها

قلت مهان احسن من مواضيع سلنتوتي(وش رايك بالدلع)

وللمره الثانيه والاخيره الشات ممنوع قصدي ترا ما عندي شي (فااااااااااااااااااضي)

silent evill

17-10-2003, 11:14 AM

ياعيني شو هيدا

دلع كتيييييييييييييييير مهضوووووووووووووووم :09:

اكيد مافي احلى من مواضيع سلنتونايه...((سلطة تووونه ذي هههههههههه)) :D

الشات خذور راحتكم خلاص مو ممنوع الحين هذا قرار جديد...

خذو الكلام اللي يجمد على الشارب.. :cool:

$الخليجي$

17-10-2003, 11:30 AM

هههههههه فكره حلوه إذا جيت أبغى درجات بسويها وخصوصاً عندنا مدرسين زاحفين ( دشير ) ;)

silent evill

17-10-2003, 11:36 AM

ههههههههههههه...

وازيدك مع الخبز تونه :D

اهم شي حق الرياضيات ...جبه خله يدرسك في البيت وانت درب راسك معه..

اقسم بالله تراني ابيك الحين لأني ماجبته يدرسن...ترى الفوائد تشووفها في اخر السنه

:biggthump

الهيلم

17-10-2003, 07:13 PM

اقول ما فيه احد في المنتدى غيري

قاعد افحط الحالي

قلت احط رد فيذا

اونس عمري

احد عنده مانع

silent evill

18-10-2003, 04:50 AM

هههههههههه

نو بروبلم ماي سويت هارت..(((اظاهر شارب شي لاتواخذونه ترى الساعه 4 ونص الفجر))) :31:

ايه ماعندنا مانع سبيشل مي... :cool:

الا اقول وش تبي في الانتر بس خلاص... :biggthump ((((يبي المشاكل)))) :D

Mayo

18-10-2003, 08:18 AM

حد عايز مساعده اي خناق اي منازعه انا بالخدمه^_^

silent evill

18-10-2003, 01:07 PM

ايه فيه الدكتور حقي توني راجع من الجامعه مستقعد لأمي...

عااااااااااااااااااااع كرهت شي اسمه دكتور جامعه... :mad:

الهيلم

18-10-2003, 03:18 PM

اي هاف كويسشن (يالله كتبتها)

وت دو يو مين
ايه ماعندنا مانع سبيشل مي...

سبشل مي وش تقصد بها

D0WN~T0WN

18-10-2003, 03:40 PM

الا وش موترك اللي مزعجنا بالباور حقه لايكون لومينا S؟
لان اكثر مااشوف بالجامعة هو تقل يوزعونهن ببلاش عند باب كل كلية

الهيلم
سبيشل مي=خصوصا انا

جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .