فيوتفل جو .. الى البلايستيشن 2 !!

[ash 90]

بسم الله الرحمن الرحيم

صرح فريق كابكوم (( منتج ديد فونكس المغلية )) أنهم يتمنون أن يصدروا فيوتفل جو على البلايستيشن 2 ليلعب بها الكثير من الناس و لكن توجد بعض المشاكل بالنقل من الكيوب الى البلاي 2

من ناحية أخرى لعبة فيوتفل جو من انجح العاب العااب الكيوب هذا العام و لكن يبدوا انها لن تبقى طويلا

Kick's nintendo :D

و شكرا

[xenosaga]

أولا ديد فونيكس لم تلغى 100% بل قال مصمم فيوتفل جو في مقابلة سابقة أنه كان هناك سوء تفاهم بين كابكوم وفامتسو بشأن الخبر.
التمنى يختلف كليا عن الحقيقة....وأنا عن نفسي متأكد 100% أن اللعبة ستبقى حصرية للكيوب خاصة وأن الغلاف يتضمن اشارة الحصرية....

[bah]

فيوتيفل جو= جيم كيوب :o

واذا فكروا ينزلونها على جهاز ثاني...ما راح يكون هذا قريبا :أفكر:

والنسخة الامريكية ما بقي لها ايام معدودة وتنزل عالكيوب :biggthump

[king_zell]

مشاكل التقنية = قوة البلاي ستيشن2 المحدودة :jester:

يعني لا تحلم في اللعبة.. هو قال يتمنى ينزلها.. لكن مش ما كل يتمناه المرء يدركه..

أقول أش انت بتشتريها للكيوب الأسبوع الجاي و ما أعتقد هذا الخبر يهمك كثير..

Hanshin A Go-Go Baby!

[ash 90]

xenosaga :

لو قاري المقابله الأخيره راخ تعرف انها انلغت

شعار الحصرية.....so what كريزي تاكسي 3 ما تحتوي على شعار الحصرية

bah :

قريبا و لا بعيدا و لا السنه الجاية اهم شيئ يستمتعون فيها أصحاب البلاي 2 :biggthump

king_zell :

فيوتفل جو ما تستحمل البلاي 2 ؟ :31:

نتكلم عن السيل شاديد ..شوف جرافيكس دراجون كويست 8 ..صاحبة أفضل سيل شاديد بالاضافه انها ثلاثية الأبعاد و ليست ثنائية البعد كـ فيوتفل

ما يهمني ..ما يهمك .. يهم أصحاب البلاي 2 :jester:

[Guilty Gear X]

السيل شييد سهل جدا :o
والبلاي2 يدعمة بشكل كامل وممتاز مثل الكيوب تماما :biggthump :biggthump

لكن اذا مكتوب حصري ونزل على البلاي2 راح تصير سالفة :D :D

[l)@RK-l)EVIL]

مشاكل التقنية = قوة البلاي ستيشن2 المحدودة :jester:

يعني لا تحلم في اللعبة.. هو قال يتمنى ينزلها.. لكن مش ما كل يتمناه المرء يدركه..

أقول أش انت بتشتريها للكيوب الأسبوع الجاي و ما أعتقد هذا الخبر يهمك كثير..

Hanshin A Go-Go Baby!


البلاي 2 اقوى بعدد المضلعات وعنده شي نسيت اسمه 3جيجا والجيم كيوب ماصار نص جيجا

الي اشوفه بنفسي رسوم الكيوب خاليه من السلاسه عكس البي اس والصوره الانعم الاكس بوكس

[xenosaga]

هممم ديد فونيكس انلغت اذا......
كريزي تاكسي3؟!؟....عليها اشارة الحصرية,شوف اللعبة فالمحلات وتأكد........بس ديد أور الايف 3 ماعليها الاشارة^^

[ash 90]

هممم ديد فونيكس انلغت اذا......
كريزي تاكسي3؟!؟....عليها اشارة الحصرية,شوف اللعبة فالمحلات وتأكد........بس ديد أور الايف 3 ماعليها الاشارة^^

اي صح لخبطت :biggthump

[king_zell]

البلاي 2 اقوى بعدد المضلعات وعنده شي نسيت اسمه 3جيجا والجيم كيوب ماصار نص جيجا

الي اشوفه بنفسي رسوم الكيوب خاليه من السلاسه عكس البي اس والصوره الانعم الاكس بوكس

أخوي لا تقول أشياء ما لها أسامي.. و بعدين ما أدري لكن ما ودي ابدأ مناقشة أمرها واضح وهو إن الكيوب تقنيا أقوى من البلاي ستيشن2..

عندي مقابلة أيضا لمنتج ريسدنت ايفل يتحدث لماذا اختار اللعبة للكيوب عن غيره من الأجهزة وذكر السبب هو ذاكرة الكيوب أعلى من الأجهزة الأخرى لذلك يمكننا إظهار ريسدنت ايفل بشكل أفضل..

[Guilty Gear X]

ريزيدنت ايفل على الكيوب 2د :D
والي على البلاي2 3د
الرابع بخلونة 3د :أفكر:

[king_zell]

ريزيدنت ايفل على الكيوب 2د :D
والي على البلاي2 3د
الرابع بخلونة 3د :أفكر:

تبي تقارن قارن.. الفرق واضح سواء ثلاثي أو ثنائي الأبعاد..

و ريسدنت ايفل4 شي في الجرافيكس مرعب جدا صراحة و قليل شفت مثله خصوصا إن العروض المنتشرة هي فعلا من الGameplay

[نيو ايرفين]

الكيوب اقوى من الps2 او اضعف ما همني...:tongue2:

اللي يهمني ان وننج الفين وسوكيدن ودرايجون كويست على الps2 وهذا مكفيني وزيادة:o

بس هذا مو معناه ان الكيوب ما عليه العاب قويه... ستبقى نينتيندو الشركة الام لصناعة الالعاب;)

[Mesharey]

للحين ترى ما انتقلت http://www.webpost.net/sp/spikeyman/dog.gif..

[Golden_Sun]

للحين ترى ما انتقلت http://www.webpost.net/sp/spikeyman/dog.gif..

لول .. صح :09:

ومنتج اللعبة صرح في احد مقابلة بمعرض الأوروبي بأن مبيعات النسخة اليابانية لم تكن مرضية لكن إذا كانت النسخة الأمريكية مرضية بمبيعاتها راح يصدر جزء ثاني لها على الجيم كيوب .. واعتقد بأن ستايل اللعبة أمريكي بحت كما هو واضح من الصور والعروض حتى الكلام بين الشخصيات كان بأسلوب الكوميك الأمريكي .. فتوقع نجاح كبير لها بأمريكا اكثر من اليابان لأن الشعب الياباني عنده عنصرية اتجاه أمريكا ..
و وصف لاعبي الجيم كيوب بالHardcore Gamers وانهم يستحقون وجود "جو" على الجيم كيوب وأن مالكي البلاي ستيشن 2 لن يعجبهم "جو" .. :أفكر:

شكراً للموضوع أش ^^ ..

[Mesharey]

و وصف لاعبي الجيم كيوب بالHardcore Gamers وانهم يستحقون وجود "جو" على الجيم كيوب وأن مالكي البلاي ستيشن 2 لن يعجبهم "جو" .. :أفكر: .

Q: Why did you decide to make this game GameCube exclusive? Atsushi: The GameCube platform is targeted at action games and hardcore gamers. We wanted to bring this game to the hardcore gamers. We did not want to release it for the mainstream gamers on for example the PS2, because they simply would not like Joe. سوووحقن له http://www.webpost.net/sp/spikeyman/dog.gif!!

[l)@RK-l)EVIL]

Q: Why did you decide to make this game GameCube exclusive? Atsushi: The GameCube platform is targeted at action games and hardcore gamers. We wanted to bring this game to the hardcore gamers. We did not want to release it for the mainstream gamers on for example the PS2, because they simply would not like Joe. \


كله جذب بجذب اتفاقيه مع الجيم كيوب وبس مثل ريزدنت ايفل وبي ان او 3 وهذي بعد وغيرها
لاهاردكور جيمرز ولا بطيخ :D هذا الصج :tongue2:

يعني الحين الهاردكور جيمرز الي عندهم الجيم كيوب لووووووووووووووووووووووول
كلامه يضحك :33: ومو مقنع اليابانيب هذا بو راس عباله بقص علينا
والجيم كيوب is targeted at action games and hardcore من متى :D :06: مافي العاب اكشين وايد نادر

ومااصدرها علاى البلاي ستيشن 2We did not want to release it for the mainstream gamers on for example the PS2, because they simply would not like Joe. \

هذا شكله يلف ويدور :09:
مااصدرها على البلاي ستيشن لانها اذا نزلت بينسونها الناس في الف لعبه حلوه على البلاي ستيشن منو فاضي لها :tongue2:

واخيرا الجيم كيوب جهاز رائع :tongue2: بس عشان اسكتكم :D

[msm]

Atsushi: The GameCube platform is targeted at action games and hardcore gamers.

نكتة الموسم :banana:..

[king_zell]

أقدر إن الرجال جرح شعوركم :jester: لكن هذا الواقع.. و أحيانا الواقع يكون صعب لبعض الناس.. و الواقع أحيانا بكل تأكيد يكون مؤلم..


Atsushi: The GameCube platform is targeted at action games and hardcore gamers.

مش هو اول شخص ذكر هالشي.. بعدين معروف إن الكيوب للهاردكور جيمرز.. أي شخص بدأ ألعاب الفيديو يدري إن ألعاب ننتيندو صنعت التاريخ (ماريو ، زيلدا)..


مافي العاب اكشين وايد نادر

ما تعرف لعبة اسمها Eternal Darkness؟ هذي لو شخص يحب الأكشن و ما لعبها لازم يعرف إنه فاته كثير!


اللي يهمني ان وننج الفين وسوكيدن ودرايجون كويست على الps2 وهذا مكفيني وزيادة

هذا اللي يسمى ذوق شخصي.. و لو ما اختلفت الأذواق لبارت السلع..


بس هذا مو معناه ان الكيوب ما عليه العاب قويه... ستبقى نينتيندو الشركة الام لصناعة الالعاب

تعجبني صراحة بهذي الجملة.. لأن مهما اختلفت الأذواق لا زال في ناس في هذا المنتدى تقدر الأعمال العريقة..

-----------------------------------------------


بس أبي اوضح نقطة.. لما يقول شخص إن أصحاب الكيوب هم الهاردكور جيمرز فقصده إن أغلبهم من الهاردكور جيمرز بعكس البلاي ستيشن2 مثلا اللي عدد كبير من مالكيه ممكن يكونو اشتروه لألعاب سخيفة مثل سبايدر مان أو ذا ماتريكس أو ألعاب رياضة الخ الخ.. لكن مش كل أصحاب البلاي ستيشن2 مش هاردكور.. لكن نقول إن البلاي ستيشن2 موجه أكثر لعامة الناس حتى الغير مهتمين بألعاب الفيديو كثيرا..

[msm]

بس أبي اوضح نقطة.. لما يقول شخص إن أصحاب الكيوب هم الهاردكور جيمرز فقصده إن أغلبهم من الهاردكور جيمرز بعكس البلاي ستيشن2 مثلا اللي عدد كبير من مالكيه ممكن يكونو اشتروه لألعاب سخيفة مثل سبايدر مان أو ذا ماتريكس أو ألعاب رياضة الخ الخ.. لكن مش كل أصحاب البلاي ستيشن2 مش هاردكور.. لكن نقول إن البلاي ستيشن2 موجه أكثر لعامة الناس حتى الغير مهتمين بألعاب الفيديو كثيرا..كيف يكون أغلب أصحاب الكيوب هم من الهاردكور والجهاز في الأصل أغلب مالكيه من الفئة العمرية الصغيرة :09: ..

[Guilty Gear X]

في الوقت الحاضر يجب نسيان شيء اسمة منافسة بين الكيوب والبلاي2 او الاكس بوكس و البلاي2

يعني ان البلاي2 الحين فووووووووق والباقي تحت وحتى لو كانت تقنيات الاجهزة التي تحت افضل.
والان المنافسة بين الاكس بوكس والكيوب.
بمكن ان تقارن التقنيات و الاياء التي يقدما الجهاز و انواع الالعاب و المبيعات و..و...و..

[king_zell]

كيف يكون أغلب أصحاب الكيوب هم من الهاردكور والجهاز في الأصل أغلب مالكيه من الفئة العمرية الصغيرة ..

للأسف نظره خاطئة يملكها أكثر الناس..


في الوقت الحاضر يجب نسيان شيء اسمة منافسة بين الكيوب والبلاي2 او الاكس بوكس و البلاي2

يعني ان البلاي2 الحين فووووووووق والباقي تحت وحتى لو كانت تقنيات الاجهزة التي تحت افضل.
والان المنافسة بين الاكس بوكس والكيوب.
بمكن ان تقارن التقنيات و الاياء التي يقدما الجهاز و انواع الالعاب و المبيعات و..و...و..

بالضبط.. لكن الجيم كيوب قدر يتقدم كثير خصوصا في اليابان.. هو ما راح يقدر يلحق أرقام البلاي ستيشن2 الكلية لأن البلاي ستيشن2 سبق الجيم كيوب في السوق بأكثر من سنة.. لكن في الجولة القادمة الأجهزة راح تصدر في نفس الوقت..

[Guilty Gear X]

لأن البلاي ستيشن2 سبق الجيم كيوب في السوق بأكثر من سنة.
خطا!!!
درجة نجاح البلاي2 تفوووووق درجة نجاح الكيوب باضعاف مضاعفة!!
هذا لان البلاي2 استعانت باستراتيجيات قوية جدا جدا جدا لدت الى نجاحها!!

وها هو ال64 استطاع البلاي1 التفوق عليه ليس بالقوة بالبستراتيجيات قوية وايضا فيه مزايا البلاي1 و حتى البلاي2 .... :biggthump

ال64 محدود وحتى الكيوب محدود وذكرت هذا الشيء الف مرة :أفكر:

[king_zell]

لأن البلاي ستيشن2 سبق الجيم كيوب في السوق بأكثر من سنة.
خطا!!!
درجة نجاح البلاي2 تفوووووق درجة نجاح الكيوب باضعاف مضاعفة!!
هذا لان البلاي2 استعانت باستراتيجيات قوية جدا جدا جدا لدت الى نجاحها!!

وها هو ال64 استطاع البلاي1 التفوق عليه ليس بالقوة بالبستراتيجيات قوية وايضا فيه مزايا البلاي1 و حتى البلاي2 .... :biggthump

ال64 محدود وحتى الكيوب محدود وذكرت هذا الشيء الف مرة :أفكر:

لا استراتيجيات و لا شي.. البلاي1 طلع على غلطات ننتيندو و أولها استخدام (كارتردج) بدلا من (اسطوانات)..

الننتيندو64 كان فاشل بنظر ناس.. لكن الواقع إنه كان ناجح جدا! ألعابه طلعت مبيعات تفوق ألعاب البلاي ستيشن1 بكثيييير .. منها ماريو64 (10 ملايين نسخة) ، ماريو كارت 64 (11 مليون نسخة) و جولدن آي (7 ملايين نسخة).. و الأمثلة كثيرة..

المرة هذه الغلطة من ننتيندو كانت عدم إضافة الDVD لتشغيل الأقلام و هذا الشي أثر على المبيعات خصوصا للناس اللي ما عندهم سالفة بالألعاب و اشتروا البلاي ستيشن2 من اجل تشغيل أفلام DVD فقط..

الجولة القادمة اللي فيها بلاي ستيشن3 ننتيندو راح تحاول ما تغلط مرة ثانية.. و أول خطوة لتصليح أخطائها غنها ذكرت أن الجيم كيوب2 لن يصدر الا قبل البلاي ستيشن3 أو معه في نفس الوقت!

[Guilty Gear X]

بالنسبة للدي في دي ايضا اغلطت عندا وضعتة ميني دي في دي
في كثير من الالعاب فيهم 2 ميني دي في دي :33: هذة شيء يفشل صراحة.

الجولة الثالثة قوية جدا.....البلاي3 راح يشغل البلاي1 و 2!!!! هذا بحد ذاتة مدمر :biggthump
والاكس بوكس بركبون معالجات خارقة في الاكس بوكس 2

اذا لم تخطوا نينتندو خطوة قوية فانها ستختفي....
وهذا مع قدوم البي اس بي..... والغام بوي ادفانس هو الي مربح نينتدوا فاذا قضى عليها البي اس بي فعلى نينتندو السلام :tongue2:

عندك اي خبر عن جهاز جديد لنينتندو؟؟؟ البلاي3 ذكروا معالجاتها وبعض امكاناتها و سنة اصدارها.
وايضا نفس الشيء بالنسبة للبي اس بي والاكس بوكس 2

ماذا عن النتندنو....نايمين؟ :33:

[king_zell]

ننتيندو ستتعاون مع ATI لتطوير قطعة الجرافيكس للجيم كيوب2 .. طبعا مايكروسوفت تعاونت مع نفس الشركة لأنها لم تستطع الوصول لإتفاق مع المطور القديم Nvidia..

ننتيندو ستنفق 6 بليون دولار لإجراء بحوث لتطوير الجهاز الجديد!

الجهاز الجديد أيضا موعد إصداره الحالي نهاية 2005..

هذا المعروف للآن..

[ash 90]

الناس شروا البلايستيشن 2 لسبايدر مان و ماتركس :31:

و ليش ما اشتروا الكيوب الأرخص بالنصف 99 دولار علشان سبايدر مان :jester:

الناس شروا البلايستيشن 2 لأنه يكمل مسيرة الأسطورة الببلايستيشن 1 بأغلبية الألعاب بأجزاء جديده و محد يقدر يتخلى عن هالألعاب (( فاينل فانتسي , ميتل جير ..الخ )) ;)

[BlueTooth]

الناس شروا البلايستيشن 2 لأنه يكمل مسيرة الأسطورة الببلايستيشن 1 بأغلبية الألعاب بأجزاء جديده و محد يقدر يتخلى عن هالألعاب (( فاينل فانتسي , ميتل جير ..الخ )
صـــحـــيــــح

[usef]

اللي يخليكم تعتقدون ان الكيوب هو للفئه الصغيرة هو ماريو :09:

..لكن انا من واقع تجربتي للكيوب و البلاي ستيشن 2 و جدت ان الكيوب اقوى تقنيا....و عندي الجهازين متعادلين لان الكيوب العابه الحلوه قليله و التقنيه قوية...و البلايستيش العاب حلوه اكثر من الكيوب و لكن التقنيه اضعف من الكيوب.....

لا ننسى GTA و FF على السوني...


و MARIO و ZELDA على الكيوب....

[msm]

هو ما راح يقدر يلحق أرقام البلاي ستيشن2 الكلية لأن البلاي ستيشن2 سبق الجيم كيوب في السوق بأكثر من سنة.. لكن في الجولة القادمة الأجهزة راح تصدر في نفس الوقت..
هذا مو عذر ان PS2 نزل قبلهم بسنة ..
طيب الدريم نزل قبل PS2 ..وينه الحين ؟

[Guilty Gear X]

msm ليش ما قمت تحدث مرجع مواضيع المعرض؟؟ ترى في مليون موضوع جديد طافك :biggthump :biggthump

[msm]

كل يوم احدثه 4 مرات باليوم :biggthump ..

بعدين مافي أحد يكتب مواضيع عن المعرض إلا انت :33: .. لأن المعرض انتهى :09: ..

[نيو ايرفين]

تعجبني صراحة بهذي الجملة.. لأن مهما اختلفت الأذواق لا زال في ناس في هذا المنتدى تقدر الأعمال العريقة..




ما زلت الى الان العب ماريو على الفاميلي :biggthump

اما بخصوص اني اشتري الكيوب فصراحة انا ما ني معطي الps2 حقه... علشان اشتري جهاز ثاني:)

وهذه الايام نادرا ما العب...:)

[xenosaga]

-__________________-

[king_zell]

و ليش ما اشتروا الكيوب الأرخص بالنصف 99 دولار علشان سبايدر مان

الجيم كيوب الآن فقط صار ب99$... ثانيا الأشخاص يجون المحل مثلا و يشوفون الجهازين و كلهم عندهم مثلا سبايدر مان ، لكن يجي راعي المحل يقول البلاي ستيشن يشغل أفلام DVD ، طبعا اللي بيشتري يقول "وااو" خلاص بشتري بلاي ستيش2 و يمكن هو أصلا ما عنده و لا فلم DVD لكن اشترى البلاي ستيشن2 لأسباب أخرى..


الناس شروا البلايستيشن 2 لأنه يكمل مسيرة الأسطورة الببلايستيشن 1 بأغلبية الألعاب بأجزاء جديده و محد يقدر يتخلى عن هالألعاب (( فاينل فانتسي , ميتل جير ..الخ ))

هذا واحد من الأسباب وهو سببي أنا و انت في شراء الجهاز.. لكن كم واحد في مثلي و مثلك؟ نقول 1\5 من اللي اشتروا الجهاز؟ البقية اشتروه فقط للعبة أو اثنتين.. بعطيك مثال أنا اللي أعرفهم ما لهم اهتمام كبير في الألعاب لكن كلهم عندهم بلاي ستيشن2 و ننج اليفين بس.. اشتروا البلاي ستيشن2 عشان اللعبة و ما ودهم حتى يجربون الألعاب الثانية.. يمكن لو يبون يجربونها بياخذون GTA و طبعا بيمسكون اللعبة و دواره في السيارة و لا بيدرون حتى إن في اللعبة مهمات أصلا.. هذي هي النسبة (الغالبة) من مالكي الجهاز هل تقدر تسميهم هاردكور؟


هذا مو عذر ان PS2 نزل قبلهم بسنة ..
طيب الدريم نزل قبل PS2 ..وينه الحين ؟

هذا مش عذر لكن واحد من الأسباب الرئيسية.. الدريم كاست طلع قبل البلاي ستيشن2 صحيح لكن ما حصل حتى نص دعم الجهاز من شركات الألعاب.. و سبب رئيسي في انتهائه هو علاقة سيجا السيئة بشركة EA اللي ما أصدرت و لا لعبة للدريم كاست..

-----------------------

انشاء الله توصل الفكرة هذي المرة..

[We6fe]

فيوتفول مستحيل تنزل للبلاي .. واصلا هذي اشاعه طلعت من اكثر من 4 شهور .. :o

والكيوب عليه العاب للكبار واهمها رزدنت ايفل وميترويد واترنال وفانتسي ستار وغيرهم الكثييير :biggthump


الجيم كيوب الآن فقط صار ب99$... ثانيا الأشخاص يجون المحل مثلا و يشوفون الجهازين و كلهم عندهم مثلا سبايدر مان ، لكن يجي راعي المحل يقول البلاي ستيشن يشغل أفلام DVD ، طبعا اللي بيشتري يقول "وااو" خلاص بشتري بلاي ستيش2 و يمكن هو أصلا ما عنده و لا فلم DVD لكن اشترى البلاي ستيشن2 لأسباب أخرى

ولا تنسا وجود الكوبي اللي يشدهم اكثر واكثر غير مميزات الجهاز :09:

[ash 90]

الجيم كيوب الآن فقط صار ب99$... ثانيا الأشخاص يجون المحل مثلا و يشوفون الجهازين و كلهم عندهم مثلا سبايدر مان ، لكن يجي راعي المحل يقول البلاي ستيشن يشغل أفلام DVD ، طبعا اللي بيشتري يقول "وااو" خلاص بشتري بلاي ستيش2 و يمكن هو أصلا ما عنده و لا فلم DVD لكن اشترى البلاي ستيشن2 لأسباب أخرى..

هذا مو عذر البلايستيشن 2 بل عيب الجيم كيوب .. في فرق


هذا واحد من الأسباب وهو سببي أنا و انت في شراء الجهاز.. لكن كم واحد في مثلي و مثلك؟ نقول 1\5 من اللي اشتروا الجهاز؟ البقية اشتروه فقط للعبة أو اثنتين.. بعطيك مثال أنا اللي أعرفهم ما لهم اهتمام كبير في الألعاب لكن كلهم عندهم بلاي ستيشن2 و ننج اليفين بس.. اشتروا البلاي ستيشن2 عشان اللعبة و ما ودهم حتى يجربون الألعاب الثانية.. يمكن لو يبون يجربونها بياخذون GTA و طبعا بيمسكون اللعبة و دواره في السيارة و لا بيدرون حتى إن في اللعبة مهمات أصلا.. هذي هي النسبة (الغالبة) من مالكي الجهاز هل تقدر تسميهم هاردكور؟

انت قاعد تتكلم عن اللاعبين العربيين و صحيح هم القليل منهم الهاردكور لكن انا اتكلم عن الأسواق العالمية (( اليابان , أمريكا , أوروبا ..الخ )) دايما تلقى البلايستين 2 فوق بالمبيعات و أغلبهم هناك هاردكور ;)

[BlueTooth]

انت قاعد تتكلم عن اللاعبين العربيين
وبالاخص الخليجين اللي مبيعات البلاي ستيشن2 عندهم ماتجاوزت ال400 الف جهاز :S

[king_zell]

هذا مو عذر البلايستيشن 2 بل عيب الجيم كيوب .. في فرق


أتوقع لو في شخص هاردكور جيمرز بيكون همه الأول الألعاب مش الأفلام.. لذلك DVD مش عيب..



انت قاعد تتكلم عن اللاعبين العربيين و صحيح هم القليل منهم الهاردكور لكن انا اتكلم عن الأسواق العالمية (( اليابان , أمريكا , أوروبا ..الخ )) دايما تلقى البلايستين 2 فوق بالمبيعات و أغلبهم هناك هاردكور

مين قال لك اغلبهم هاردكور؟ مش عشان عطيتك (مثال) لعبة وننج اليفين تحسبني أتلكم عن الخليج مثلا..

خذ مثال أمريكا.. لعبة Madden NFL على البلاي ستيشن2 تبيع 2 مليون بينما لعبة سوكيدون3 تبيع 160 ألف.. ICO كم باعت؟ و بالمقابل ماتركس و سبايدر مان تبيع مليون بسهولة و تقول أغلبهم هاردكور؟ وين وين وين؟

أعطيك مثال بالمقابل يبين للمرة المليون إن أصحاب الكيوب (أغلبهم) هاردكور.. مبيعات أمريكا للفترة الأخيرة لعبة Madden NFL باعت 70 ألف مقابل 280 ألف للعبة سول كاليبور2.. بينما البلاي ستيشن2 باعت Madden عليه أضعاف سول كاليبور2 بمرات!

[ash 90]

أتوقع لو في شخص هاردكور جيمرز بيكون همه الأول الألعاب مش الأفلام.. لذلك DVD مش عيب..
أغلب الأجهزه الحالية تشغل الديفيدي من الدريم لل بلايستيشن 2 لل امس بوكس و الجيم كيوب الوحيده الي ما عنده هالميزه الي تعتبر ميزه جميله جدا

مين قال لك اغلبهم هاردكور؟ مش عشان عطيتك (مثال) لعبة وننج اليفين تحسبني أتلكم عن الخليج مثلا..

خذ مثال أمريكا.. لعبة Madden NFL على البلاي ستيشن2 تبيع 2 مليون بينما لعبة سوكيدون3 تبيع 160 ألف.. ICO كم باعت؟ و بالمقابل ماتركس و سبايدر مان تبيع مليون بسهولة و تقول أغلبهم هاردكور؟ وين وين وين؟

أعطيك مثال بالمقابل يبين للمرة المليون إن أصحاب الكيوب (أغلبهم) هاردكور.. مبيعات أمريكا للفترة الأخيرة لعبة Madden NFL باعت 70 ألف مقابل 280 ألف للعبة سول كاليبور2.. بينما البلاي ستيشن2 باعت Madden عليه أضعاف سول كاليبور2 بمرات!http://www.montada.com/images/clear.gif
من الخليج لأمريكا...كل شعب له ذوقة الشخصي بالألعاب الأمريكي يحب الألعاب الرياضية و الياباني يحب الأربيجي و و و لذلك تلقى كل نوع من لعبة مبيعااتها عالية مو سالفة هاردكور و لا كاجوال

طبيعي لأنه مالكين الجيم كيوب قليلين لدرجة وصلت الجيم كيوب بـ 100 دولار (( 20 دينار كويتي , 200 ريال سعودي )).. و ما ننسى شخصية لنك....

[king_zell]

أغلب الأجهزه الحالية تشغل الديفيدي من الدريم لل بلايستيشن 2 لل امس بوكس و الجيم كيوب الوحيده الي ما عنده هالميزه الي تعتبر ميزه جميله جدا

من متى الدريم كاست يشغل DVD؟ و بعدين هذي ميزة لكن ما تهم الهاردكور جيمرز و هم محور حديثنا و انت تسأل ليش هم يمثلون أغلب مالكي الكيوب و مش أغلب مالكي البلاي ستيشن2..


من الخليج لأمريكا...كل شعب له ذوقة الشخصي بالألعاب الأمريكي يحب الألعاب الرياضية و الياباني يحب الأربيجي و و و لذلك تلقى كل نوع من لعبة مبيعااتها عالية مو سالفة هاردكور و لا كاجوال

كيف الذوق ما له دخل بكاجوال أو هاردكور؟ الحين الكاجوال ما بتعجبهم لعبة مثل فيوتفل جو أو ICO أو يمكن ايتيرنال داركنس.. لاحظ الكاجوال راح يشترون لعبة بسبب يمكن الغلاف أو حتى فلم مشهر أو أغنية.. أما الهاردكور راح يشتري اللعبة اذا عرف إن مستواها راقي حتى لو كانت مش مشهورة أو جديدة كليا.. و كذا أصحاب الكيوب الهاردكور عاملوا لعبة بكمن الجديدة..


طبيعي لأنه مالكين الجيم كيوب قليلين لدرجة وصلت الجيم كيوب بـ 100 دولار

على الأقل جيب معلومات صحيحة اذا بتناقشني ما يكفي معلومة الدريم كاست.. أرقام المبيعات اللي كتبتها أصلا من قبل حتى ما يعلن السعر الجديد .. يعني ما له أثر على مبيعاتها.. و اذا أصحاب الكيوب يختارون سول كاليبور2 على مادين فهذا يدل على ذوقهم و انت تعرف الباقي..

[xenosaga]

-أعتقد سبب مبيعات مادن العالية على البلاي2 هي حجم قاعدة المستخدمين الهائلة+سبب ءاخر لكن ضعيف وهو الأونلاين.

-زيل أنت ذكرت بكمن ومبيعاتها....ليش ماذكرت مبيعات اكاروجا أو سكايز أف أركيديا أو فيوتفل جو (فاليابان حتى الآن) مثلا؟

-مسألة سول كاليبر2 أتفق فيها مع زيل,رغم أن قاعدة مستخدمي الاكس والكيوب لاتعادل حتى خمس قاعدة البلاي2 مع ذلك اللعبة باعت على الجهازين أكثر من البلاي ستيشن2....بس يمكن سبب ءاخر وهو وجود خيارات أخرى على البلاي2 عكس البقية....بس لو كان الهاردكورز كثار فعلا على البلاي2 كان عرفوا قيمة سول كاليبر مهما كانت الظروف.

-آش...100$=35 دينار....365 ريال سعودي.

-الجيم كيوب معروف جهاز مليان هاردكورية....بس مليان أطفال أيضا....ومادري ايش هي النسبة الغالبة.

سلاموفياتي...

[king_zell]

-زيل أنت ذكرت بكمن ومبيعاتها....ليش ماذكرت مبيعات اكاروجا أو سكايز أف أركيديا أو فيوتفل جو (فاليابان حتى الآن) مثلا؟

و انت ليش تحب تذكر ألعاب صدرت سابقا للدريم كاست! و هو الجهاز اللي أعشقه و كام أغلب مالكيه هاردكور جيمرز.. و لا تنسى إن ألعاب مثل فيوتفل جو و اكاروجا ثنائية الأبعاد و هذي الألعاب قليل منها يحقق مبيعات عالية لكنها حققت أرقام معقولة على الكيوب..

[xenosaga]

مممم أوكي صحيح سكايز أف أركيديا صدرت سابقا....
بس اكاروجا فقط في اليابان على حد علمي.....
فوين هاردكورية أمريكا وأوروبا؟:09:

[king_zell]

فوين هاردكورية أمريكا وأوروبا؟

أوكي انت تتكلم عن لعبة طائرات تصويب ثنائية الأبعاد.. كم تتصور جمهور هذا النوع يكون؟!

[xenosaga]

أوكي انت تتكلم عن لعبة طائرات تصويب ثنائية الأبعاد.. كم تتصور جمهور هذا النوع يكون؟!
مادري:D
بس شلون تكون بكمن لعبة هاردكورية....هي غريبة بس سهلة وبسيطة جدا ولاتنسى غلافها حلو وملون وعليه أقزام:09:

[l)@RK-l)EVIL]

والله حاله :09:
كل واحد قام يخربط على كيفه
اول شي المعروف بالقوه مو الكلام الفاضي

1-الاكس بوكس اقوى جهاز من حيث الرسوم
2-البلاي ستيشن 2 ((الجيم كيوب متفوق باشياء لكن في فرق بين القوه والاداء ))
3-الجيم كيوب


والي يهم الناس شي واحد
طالع رسوم الجيم كيوب والاكس بوكس والبلاي 2 الاختلاف مو كبير بدرجه كبيره جدا جدا

المهم الالعاب الموجوده على الجهاز
والبلاي 2 له العاب رائعه بالهبل واذا كنت من محبي الار بي جي عموما
فالجيم كيوب والاكس بوكس = قحط ار بي جي

الجيم كيوب = العاب اطفال اكثر شي وموجهه العابه للصغار (العابه العامه))
الاكس بوكس =العاب تصويب ورياضه وسبورت
البلاي 2 = عد وخربط اي شي تبيه موجود

والي يبي يتكلم خله يتكلم بشكل واقعي
مو واحد متحيز للاكس وواحد متحيز للجيم كيوب

:09: هذا الكلام الي يهم الناس الالعاب الموجوده على الجهاز

[Black Box]

أولا ديد فونيكس لم تلغى 100% بل قال مصمم فيوتفل جو في مقابلة سابقة أنه كان هناك سوء تفاهم بين كابكوم وفامتسو بشأن الخبر.
التمنى يختلف كليا عن الحقيقة....وأنا عن نفسي متأكد 100% أن اللعبة ستبقى حصرية للكيوب خاصة وأن الغلاف يتضمن اشارة الحصرية....

احم.. فيه ألعاب على الجيم كيوب صدرت على الإكس بوكس بعد فترة من صدورها على الجيم كيوب وعليها **اشارة الحصرية** مثل جودزيلا وكابكوم ضد اس ان كي :33:

وبالنسبة لفيوتفل جو فتأكد أنها ما راح تصدر على البلاي ستيشن2 , مصمم اللعبة >تمنى< إصدارها على البلاي ستيشن2 ولم يؤكد أنها -إلى البلاي ستيشن2- :reporter:

شكراً لك على الموضوع ;)

[NsaN]

بقد ما خاطري العب هاللعبة عالـPS2 الا اني افضل بقائها على الكيوب
كونها لعبة مميزة و تستحق جهاز مميز مثل الكيوب...فقط :)

مثلها مثل الاسطورتين Mario و Zelda :bigeyes:



والي يبي يتكلم خله يتكلم بشكل واقعي
مو واحد متحيز للاكس وواحد متحيز للجيم كيوب


اذا عتبرتهم متحيزين للكيوب و الاكس بوكس...تراك انت بعد متحيز للـPS2 و بالتالي ما يحق لك الكلام :31:

يعطيك العافية Ash :biggthump

[king_zell]

أوه وصل الهاردكور جيمر l)@RK-l)EVIL ..


كل واحد قام يخربط على كيفه
اول شي المعروف بالقوه مو الكلام الفاضي

ما ادري مين اللي يخربط حنا او اللي يقول القوة أهم شي.. الحين لو رحت السوق و شفت جهازي جديد توه نازل ما عمرك سمعت فيه لكن أقوى من كل الأجهزة الموجودة الحين.. تاخذه على طول أو تسأل عن الألعاب؟!


2-البلاي ستيشن 2 ((الجيم كيوب متفوق باشياء لكن في فرق بين القوه والاداء ))

أموت أنا على فرق القوة و الأداء.. كيف وصلت للمعلومة الصعبة هذي؟


المهم الالعاب الموجوده على الجهاز
والبلاي 2 له العاب رائعه بالهبل واذا كنت من محبي الار بي جي عموما
فالجيم كيوب والاكس بوكس = قحط ار بي جي


لا يكون قالوا لك ما في غير ألعاب الRPG في العالم.. ترا الألعاب أنواع كثير.. و الكيوب قحط RPG؟ صراحة انت كل جملة تبهرني بمعلوماتك الجبارة.. تعرف Tales of Symphonia؟ تعرف Baten Kaitos؟ تعرف Skies of Arcadia؟ تعرف Phantasy Star Online III؟


الجيم كيوب = العاب اطفال اكثر شي وموجهه العابه للصغار (العابه العامه))

طبعا ألعاب أطفال.. خصوصا Resident Evil و Eternal Darkness و Metroid Prime و Killer 7 و Metal Gear Solid Twin Snakes...


والي يبي يتكلم خله يتكلم بشكل واقعي
مو واحد متحيز للاكس وواحد متحيز للجيم كيوب

ايه صراحة أنا غلطان.. مفروض أتحيز للبلاي ستيشن2 عشان أكون واقعي..


هذا الكلام الي يهم الناس الالعاب الموجوده على الجهاز

أولا انت داخل عرض في نقاش محوره مختلف عن اللي انت تتكلم عنه.. مين قال البلاي ستيشن2 ما عنده ألعاب.. ممكن تجيب لي فقرة من الردود تقول هالشي؟ و داخل تبي تثبت شي ما اختلفنا عليه أصلا.. و غير كذا جاي تسوي لي مناقشة الأطفال و جهازي أحسن من جهازكم..

المشكلة انت مش قد النقاش أصلا.. يا ليت حتى لو عندك أقل معلومات عن اللي تتكلم عنه..

ما أقول الا جنت على نفسها براقش.. و أنا ما أرد على هذي الردود بالعادة صراحة .. لكن قلنا يمكن نغير ثقافة بعض الناس و لو قليلا.. هذي صور للكيوب و ألعابه اللي تقول عنهم (للأطفال):

http://image.com.com/gamespot/images/2003/screen0/589712_20030919_screen006.jpg

http://image.com.com/gamespot/images/2003/e3/0513b/gc_residentevil40513_screen001.jpg

http://image.com.com/gamespot/images/2003/screen0/562551_20030925_screen001.jpg

http://image.com.com/gamespot/images/2003/screen0/914734_20030826_screen001.jpg

[bounty]

الجيم كيوب .. مال اطفال .. :D

زيلدا ويند ويكر
سوبر سماش بروس
رزدنت ايفل 1 و زيرو
الترنال اوف داركنيس
ميترويد


هذي اتسمونها العاب اطفال .. >_<

انتو حاطين في بالكم ان mario party لعبة اطفال .. ما تدرون انها لعبه للعائله ؟

و حاطين في بالكم ان زيلدا ويند ويكر للأطفال ليش ؟ لأنها برسوم السيل شدايد ... >_< مثل جيلتي جير :D


ما تدرون ان الجيم كيوب .. اقوى جهاز على وجه الأرض ؟

لا تقولون متحيز .. انا عندي كل الاجهزه
جيم كيوب . اكس بوكس . بي اس 2 . جيم بوي ادفانس & sp

و انا من عشاق فاينل فانتسي و متل غير .. لكن !

الصراحه راحه الجيم كيوب ماكو مثله ..
فما في واحد شاري لعبه من سنه ( سوبر سماش ) و توني رديت لها من اسبوع .. !!

الجيم كيوب الجهاز الوحيد الي ما عليه حسافه ولا لعبه شريتها تحسفت عليها

الجيم كيوب صحيح للهاردكورد جيمرز فلو تلاحظ زيلدا و ماريو فقط ..

العاب لي الراس كلها احلى من الثانيه ..

اما عن فيوتيفول جو



راح اشتريها بعد اسبووووووع يااااااااي سحر عيونو و نضراتوووو لول :6


يلا c ya

[xenosaga]

Dark Evil راح ببلاش --____--
I Couldn't do better zell:biggthump

[Final Fantasy 7]

رددوا .. يا ليل ما أطولك :ridinghor

[PlayStation3]

اخوي كيج زيل

وش هذي اللعبه؟
http://image.com.com/gamespot/images/2003/screen0/562551_20030925_screen001.jpg
:)

[xenosaga]

اخوي كيج زيل

وش هذي اللعبه؟
http://image.com.com/gamespot/images/2003/screen0/562551_20030925_screen001.jpg
:)
هذي لعبة أكشن اسمها Killer 7 من كابكوم حصرية على الجيم كيوب بتصدر سنة 2004....

[النسر الأسود]

أممممممم أنا شايف أن النقاش خرج عن صلب الموضوع .
يا شباب بكل بساطة الجهازين رائعين وأنا أملك الآن ps2 وصراحة ما عم لحق من كثرة الألعاب الرائعة يلي عم تنزل بشكل مستمر وبنفس الوقت ناوي أشتري الجيم كيوب لما عليه من ألعاب رائعة .
وشكرا لآش على الموضوع .

[l)@RK-l)EVIL]

احم احم

دارك وصل انتباه وقوف :



اذا عتبرتهم متحيزين للكيوب و الاكس بوكس...تراك انت بعد متحيز للـPS2 و بالتالي ما يحق لك الكلام

:tongue2:

منو قال انا متحيز للبلاي بس الصج ينقال الناس تشتري الاجهزه عشان الالعاب الي تحبها مو عشان الجهاز ;) فالبلاي 2 ملك الالعاب مافي منافسه للاجهزه الثانيه من ناحيه كثره الالعاب القويه ((مالنا شغل بالسخيفه لانها لاتعد ولا تحصى))

===============================================
king_zell - Today at 05:53 PM
أوه وصل الهاردكور جيمر l)@RK-l)EVIL ..
Quote:
--------------------------------------------------------------------------------
كل واحد قام يخربط على كيفه
اول شي المعروف بالقوه مو الكلام الفاضي
--------------------------------------------------------------------------------

ما ادري مين اللي يخربط حنا او اللي يقول القوة أهم شي.. الحين لو رحت السوق و شفت جهازي جديد توه نازل ما عمرك سمعت فيه لكن أقوى من كل الأجهزة الموجودة الحين.. تاخذه على طول أو تسأل عن الألعاب؟!
Quote:
--------------------------------------------------------------------------------
2-البلاي ستيشن 2 ((الجيم كيوب متفوق باشياء لكن في فرق بين القوه والاداء ))
--------------------------------------------------------------------------------

أموت أنا على فرق القوة و الأداء.. كيف وصلت للمعلومة الصعبة هذي؟
Quote:
--------------------------------------------------------------------------------
المهم الالعاب الموجوده على الجهاز
والبلاي 2 له العاب رائعه بالهبل واذا كنت من محبي الار بي جي عموما
فالجيم كيوب والاكس بوكس = قحط ار بي جي

--------------------------------------------------------------------------------

لا يكون قالوا لك ما في غير ألعاب الRPG في العالم.. ترا الألعاب أنواع كثير.. و الكيوب قحط RPG؟ صراحة انت كل جملة تبهرني بمعلوماتك الجبارة.. تعرف Tales of Symphonia؟ تعرف Baten Kaitos؟ تعرف Skies of Arcadia؟ تعرف Phantasy Star Online III؟
Quote:
--------------------------------------------------------------------------------
الجيم كيوب = العاب اطفال اكثر شي وموجهه العابه للصغار (العابه العامه))
--------------------------------------------------------------------------------

طبعا ألعاب أطفال.. خصوصا Resident Evil و Eternal Darkness و Metroid Prime و Killer 7 و Metal Gear Solid Twin Snakes...
Quote:
--------------------------------------------------------------------------------
والي يبي يتكلم خله يتكلم بشكل واقعي
مو واحد متحيز للاكس وواحد متحيز للجيم كيوب
--------------------------------------------------------------------------------

ايه صراحة أنا غلطان.. مفروض أتحيز للبلاي ستيشن2 عشان أكون واقعي..
Quote:
--------------------------------------------------------------------------------
هذا الكلام الي يهم الناس الالعاب الموجوده على الجهاز
--------------------------------------------------------------------------------

أولا انت داخل عرض في نقاش محوره مختلف عن اللي انت تتكلم عنه.. مين قال البلاي ستيشن2 ما عنده ألعاب.. ممكن تجيب لي فقرة من الردود تقول هالشي؟ و داخل تبي تثبت شي ما اختلفنا عليه أصلا.. و غير كذا جاي تسوي لي مناقشة الأطفال و جهازي أحسن من جهازكم..

المشكلة انت مش قد النقاش أصلا.. يا ليت حتى لو عندك أقل معلومات عن اللي تتكلم عنه..

ما أقول الا جنت على نفسها براقش.. و أنا ما أرد على هذي الردود بالعادة صراحة .. لكن قلنا يمكن نغير ثقافة بعض الناس و لو قليلا.. هذي صور للكيوب و ألعابه اللي تقول عنهم (للأطفال):



=====================================
من ناحيه اني انا هاردكور جيمر انا اعرف نفسي وادري اني هاردكور جيمر مو محتاج انك تعلمني بنفسي ;)

بالنسبه لاول سؤال الي المفروض مايحتاج رد
اكيد باخذ الجهاز الي العابه اقوى عيل اخذ جهاز رسوم توب والعابه اي شي اكيد لا

والمعلومه الصعبه هذي لاتموت الحين اقولك شلون وصلتلها :D
في اشياء موجوده بالبلاي ستيشن مثلا خلني اعطيك مثال قطع الكومبيوتر تلقه قطع وايد مثل القوه والمواصفات لكن بالاداء تختلف تبي تعرف شلون روح اخذلك دوره لاني مو فاضي اشرح ساعه والاجهزه نفس الشي

بالنسبه للالعاب يعني ياي بتعلمني فيهم انا اعرفهم من سنه يدي ولما تبي تتكلم اخذها قاعده الغبي هو الي يظن ان الناس اغبياء وهم مو اغبياء ;)

Tales of Symphonia؟
تقارنها بفاينل فانتسي وزينوساجا ووايلد ارمز والعاب بالهبل ار بي جي على البلاي ستيشن اكيد مافي مقارنه واللعبه حلوه لكنها ماتتفوق على الاشياء الي قلتلك عليها
Baten Kaitos؟
اللعبه تو الناس عليها هذي :D ليش مستعجل
اسالتك تضحك المشكله تحب تستهزء ومو عارف شلون
تعرفSkies of Arcadia
هذا سؤالك :31:
اي اعرفها ونهيتها من ايام الدريم كاست
Phantasy Star Online III؟
لعبت الجزء الاول والثاني واللعبه بدون الاونلاين ماتوصل مواصيل العاب الار بي جي الثانيه

وانا مااقصد العاب الار بي جي بس العاب شكثر بس الار بي جي قحط زياده عن اللزوم

ونسيت انت فاينل فانتسي كرونكل :D
طبعا ألعاب أطفال.. خصوصا Resident Evil و Eternal Darkness و Metroid Prime و Killer 7 و Metal Gear Solid Twin Snakes...

لا هذول العاب الكبار انا قلت ((العاب اطفال عموما )) مو معناته مافي العاب قويه

وانت منو قال لازم تتحيز للبلاي 2
انت خلك على الجيم كيوب واحنا خلنا على البلاي 2 :biggthump
على فكره عندي الكيوب بس الجهاز ماالعب في وايد لان مافي العاب وايد انا ماشريته الا عشان ريزدنت ايفل فقط وجم لعبه وحاليا انطر فاينل فانتسي كرونكل عشان العب بالجهاز مره ثانيه



وليش انا مو قد النقاش شدعوه رايك همني طاف ;)
المشكله عبالك انت فاهم كل شي والناس مايعرفون الله يشفيك

والنقاش من الاساس تقول العاب الكيوب العاب هاردكور جيمرز هذا الكلام يمشي على المغفلين مو على الناس الي عندهم عقل :أفكر: وهذا الي انا رديت في فشكو تقولي داش عرض بالنقاش :أفكر:

والسالفه مبينه لاهاردكور ولا بطيخ السالفه واضحه مثل
بي ان او3 وفيوتفل جو وريزدنت ايفل وغيرها حصريه بس للكيوب
وبالمثل الاكس بوكس هيلو وميدتاونمادنيس وغيره وغيره
وهم البلاي 2 في العاب حصريه

الي يضحك البلاي 2 شايف خير العابه الحصريه لي الراس :tongue2:
مو نفس الاكس بوكس كل شوي
only xbox only xbox تحس مو مصدقين :tongue2:

==============================================

اي استفسار اخر انا حاضر ياسيد هاردكور :09:

[xenosaga]

والله يا أخ دارك ايفل مادري وش أقولك......

ردك مضحك جدا لدرجة ماتتصورها+مخربط ماينفهم منه شيء.

وأنا أقول للأخ King_zell لو رد عليك يكون طاح من عيني....

أبيك تعرف فقط أن كلامك مضحك جدا ومايستاهل ينرد عليه....

[l)@RK-l)EVIL]

والله يا أخ دارك ايفل مادري وش أقولك......

ردك مضحك جدا لدرجة ماتتصورها+مخربط ماينفهم منه شيء.

وأنا أقول للأخ King_zell لو رد عليك يكون طاح من عيني....

أبيك تعرف فقط أن كلامك مضحك جدا ومايستاهل ينرد عليه....


اقول لاترد لاانت ولاغيره لان بالاساس مو هامني رديت ولا لا :o
انت مارديت الا عشان قلت جملتي الاخيره ;) عن الاكس بوكس فقط

على العموم انا مو فاضي اضيع وقتي مع اشياء تافهه باي انا قلت الي عندي والناس الي يقره اللام يعرف كل شي مو محتاج كلام على الفاضي

سلام ;)

[xenosaga]

---___---

حمدلله والشكر...

---___---

[Devil may cry2]

l)@RK-l)EVIL انتا كذا[/
COLOR] :biggthump
[COLOR=darkred]تعجبني :)

[king_zell]

أنا ما راح أرد لكن أحب أحط تعليق أخير بس عشان أثبت إن دارك ايفل مش فقط ليس هاردكور جيمر لكنه حتى مش لاعب حقيقي..


لا هذول العاب الكبار انا قلت ((العاب اطفال عموما )) مو معناته مافي العاب قويه

قصدك ألعاب الكبار هي ألعاب قوية و ألعاب الأطفال ألعاب ضعيفة؟ لو لاعب حقيقي كان تعرف إن اللعبة ممكن تكون قوية سواء كانت موجهة لأي فئة عمرية..

و بعدين أنا ما قلت إني الوحيد اللي أفهم و الباقي زلايب.. لكن أنا أقول إن في ناس كثير للأسف ما تفهم.. أجل تحسبني أسألك عن ألعاب الRPG على الكيوب عشان تقول لي اي هذه خلصتها و هذي شفتها.. أنا أسألك عنهم عشان تقول لي كيف وصلت لمعلومة الكيوب ألعاب الRPG عليه قحط؟

----------------

المهم أنا كنت أتناقش مع ash و الحين خلصنا لذلك أنا طالع..

[Alkazar]

كيف وصلت لمعلومة الكيوب ألعاب الRPG عليه قحط؟
.

لحظة شوي يازيل..ممكن تعدلي العاب الRPG على الكيوب وتقارنلي اياهم بالعدد اللي على البلاي ستيشن2 ونشوف هل هم قحط او لا :)

عارف راح ترد علي بردك الاسطوري وتقول البلاي نازل قبل :jester:
طيب ولا تزعل..الكيوب اصدر في امريكا في شهر نوفمبر 2001 يوم 21 او 23 ما أذكر بالظبط!!! مو مشكلة راح نتجاهل اي لعبة RPG اصدرت على البلاي ستيشن2 قبل هالتاريخ...حلو!!!

اوكي عزيزي تفضل عد...خلنى نشوف اذا عددهم راح يتعدى اصابع ايدينك ورجلينك العشرين :p اولا...وياريت تتجنب الالعاب اللي ما اعلنت رسميا(شبه مؤكدة) مثل فيرتشول فايترز كويست!!

[xenosaga]

لحظة شوي يازيل..ممكن تعدلي العاب الRPG على الكيوب وتقارنلي اياهم بالعدد اللي على البلاي ستيشن2 ونشوف هل هم قحط او لا :)

عارف راح ترد علي بردك الاسطوري وتقول البلاي نازل قبل :jester:
طيب ولا تزعل..الكيوب اصدر في امريكا في شهر نوفمبر 2001 يوم 21 او 23 ما أذكر بالظبط!!! مو مشكلة راح نتجاهل اي لعبة RPG اصدرت على البلاي ستيشن2 قبل هالتاريخ...حلو!!!

اوكي عزيزي تفضل عد...خلنى نشوف اذا عددهم راح يتعدى اصابع ايدينك ورجلينك العشرين :p اولا...وياريت تتجنب الالعاب اللي ما اعلنت رسميا(شبه مؤكدة) مثل فيرتشول فايترز كويست!!
لاحول ولا قوة الا بالله...........

العالم كله يدري البلاي ستيشن2 متفوق فالآر بي جي على جميع أجهزة الألعاب.....فرحان؟
كل جهاز متفوق فناحية حبيبي.

ممكن تعدد لي ألعاب التصويب منظور شخص أول على البلاي ستيشن2 مقارنة بالاكس بوكس....صدقني راح نضحك لين بكرة.

[Guilty Gear X]

لاحول ولا قوة الا بالله...........

العالم كله يدري البلاي ستيشن2 متفوق فالآر بي جي على جميع أجهزة الألعاب.....فرحان؟
كل جهاز متفوق فناحية حبيبي.

ممكن تعدد لي ألعاب التصويب منظور شخص أول على البلاي ستيشن2 مقارنة بالاكس بوكس....صدقني راح نضحك لين بكرة.
لكن البلاي2 فيها العاب حلوة تصويب
الصراحة انا اموت بشيء اسمة تايم سبليتير ...اكثر من هالو :biggthump :biggthump

واعيد وازيد البلاي2 هو الافضل الان وان لم تعمل نينتندو او مايكروسوفت خطة محكمة ستظل الافضل الى الابد.

متى ياتي عام 2005 :09:هل ستنجح البلاي3 ايضا وتحطم باقي الاجهزة؟؟؟ انا اتوقع :biggthump

[xenosaga]

لكن البلاي2 فيها العاب حلوة تصويب
الصراحة انا اموت بشيء اسمة تايم سبليتير ...اكثر من هالو :biggthump :biggthump

واعيد وازيد البلاي2 هو الافضل الان وان لم تعمل نينتندو او مايكروسوفت خطة محكمة ستظل الافضل الى الابد.

متى ياتي عام 2005 :09:هل ستنجح البلاي3 ايضا وتحطم باقي الاجهزة؟؟؟ انا اتوقع :biggthumpبالنسبة لتايم سبلترز أفضل من هالو...فهذا رأيك الشخصي.
واللعبة موجودة على جميع الأجهزة.....وأعتقد مافي داعي أجيبلك قائمة الاكس بوكس بألعاب منظور شخص أول...يعني هذا نقاش منتهي.
والقصد من كلامي هو أن كل جهاز متفوق في نوع أو نوعين معينين فالبلاي2 متفوق فالآر بي جي والبلات فورم....والاكس بوكس متفوق في الأونلاين والتصويب....والكيوب متفوق بالألعاب الـOriginal والتقليدية والأسماء الكبيرة وطبعا الجودة العالية.

ومافي داعي نعيد ونكرر أسباب تفوق البلاي ستيشن هذا الجيل......بس صدقني الجميع سيكون متعادل في الفرض في الجيل القادم....واذا شاهدت نفس تفوق البلاي ستيشن2 يحصل مع البلاي ستيشن3 ذيك الساعة لك الحق تدخل كل موضوع وتركض وتقول Sony Is Da Best:09:

وترا توقيعك كبير جدا >__<

[Guilty Gear X]

صار مدة والبلاي محتلة العرش منذ 1996 .....
ما باقي غير سنة ونص :D :D
7 سنين سوني از دا بيست
والسنتين القادمين اكيد النشالله الاسطورة تستمر :biggthump

بالنسبة للتوقيع هذا ماقت على ما اصلح القديم :(

[ash 90]

الكل دخل يتناقش :31:

زيل .. نقدر نكمل نقاشنا بالمسنجر :biggthump

بعيد عن الازعاج :o

[king_zell]

لحظة شوي يازيل..ممكن تعدلي العاب الRPG على الكيوب وتقارنلي اياهم بالعدد اللي على البلاي ستيشن2 ونشوف هل هم قحط او لا

لاحظ إني ما قلت أبدا في كل ردودي إن ألعاب الRPG على الكيوب أكثر أو حتى أفضل من البلاي ستيشن2.. لكني قلت إنهم مش قحط.. و اذا تعرف كلمة قحط معناها شبه نادر.. و هذي الألعاب اللي أعرفها:

Lost Kingdom
Lost Kingdom II
Phantasy Star Online episode I&II
Phantasy Star Online episode III
Skies of Arcadia Legends
Final Fantasy Crystal Chronicals
Tales of Symphonia
II MANJI MARU
Baten Kaitos
Harvest Moon
Evolution Worlds
Pokemon Colosseum
Yu-Gi-Oh!: The Falsebound Kingdom


يعني تقول لي قحط.. ما أدري كيف ممكن تكون كل هذي الألعاب قحط.. و لاحظ إني أبدا ما قارنت عددها بالبلاي ستيشن2 في الأساس..



الكل دخل يتناقش

زيل .. نقدر نكمل نقاشنا بالمسنجر

بعيد عن الازعاج

أحسن شي ..

لأن صراحة في ناس هنا عليهم معلومات و نظريات مرعبة ما أقدر أستوعبها..

[Alkazar]

ممكن تعدد لي ألعاب التصويب منظور شخص أول على البلاي ستيشن2 مقارنة بالاكس بوكس....صدقني راح نضحك لين بكرة.

ياريت يازينوساقا تقراء ردي زين أول بعدين ترد عليه...أنا ماادري كم عدد العاب منظور الشخص الاول على البلاس يتيشن2 او الاكس بوكس ولا فكرت اني اعدهم الصراحة لاان هالنوع من الالعاب مايستهويني بكثرة..هي ميترويد اللعبة الوحيدة اللي لعبتها من هالنوع على اجهزة الجيل الجديد..

أنا رديت عشان اعلق على كلام زيل بان العاب الRPG على الكيوب قحط او لا..فهمت الان!!


لاحظ إني ما قلت أبدا في كل ردودي إن ألعاب الRPG على الكيوب أكثر أو حتى أفضل من البلاي ستيشن2.. لكني قلت إنهم مش قحط

أدري انك ماقلت هالكلام...انا قلتلك قارنهم بالعدد الي على البلاي ستيشن2 عشان تشوف هل هو قحط او لا..لان بالمقارنه الواحد يقدر يشوف الفرق

وبالنسبة لقائمة الالعاب اللي ذكرتها تراك نسيت تضيف عليهم GIFTPIA ,أتوقع انك تعرفها بما انك عاشق لننتيندو!!...وبالله عليك بعد هالقائمة اللي ماتعدو عشرين لعبة (نصهم اتوقع انك انت نفسك ماراح تشتريهم) تقولي الجهاز موش قحط في الRPG!!!

[usef]

بس يا شباب....انتو ما تعبتوا؟؟

ملينا من مواضيع كل واحد فيها يتهجم على الثاني....

[king_zell]

أدري انك ماقلت هالكلام...انا قلتلك قارنهم بالعدد الي على البلاي ستيشن2 عشان تشوف هل هو قحط او لا..لان بالمقارنه الواحد يقدر يشوف الفرق

وبالنسبة لقائمة الالعاب اللي ذكرتها تراك نسيت تضيف عليهم GIFTPIA ,أتوقع انك تعرفها بما انك عاشق لننتيندو!!...وبالله عليك بعد هالقائمة اللي ماتعدو عشرين لعبة (نصهم اتوقع انك انت نفسك ماراح تشتريهم) تقولي الجهاز موش قحط في الRPG!!!

ليش تقارنهم بالبلاي ستيشن2؟ القحط هو المجاعة و أعتقد عدد ألعاب الآر بي جي على الكيوب ما يعتبره أصحابه مجاعة.. أجل الإكس بوكس شنقول عنه بالنسبة للRPG??!

و ما دامك تدري إني ما قارنت بالبلاي ستيشن2 ليش تقارن انت؟ أو إنك تبي تدخل بالموضوع بأي طراق و تبدأ جدال ما له داعي؟

و Giftpia أكيد أعرفها لكني استثنيتها زي ما سويت لAnimal Crossing و Zelda.. يعني هذي ألعاب تدخل في الRPG بطريقة ما لكن القائمة اللي ذكرتها مجرد لإعطاء فكرة عامة أوكي؟

و ملخص النقاش اللي مفروض ما يبدأ هو إن البلاي ستيشن2 يملك RPG أكثر من الكيوب بكثير لكن الRPG على الكيوب مش قحط.. و على الأقل هم السنة هذي في اليابان متعادلين نوعا ما بالنسبة للRPG..

[xenosaga]

أجل الإكس بوكس شنقول عنه بالنسبة للRPG??!

الصومال؟...:09:

[Guilty Gear X]

Lost Kingdom
Lost Kingdom II
Phantasy Star Online episode I&II
Phantasy Star Online episode III
Skies of Arcadia Legends
Final Fantasy Crystal Chronicals
Tales of Symphonia
II MANJI MARU
Baten Kaitos
Harvest Moon
Evolution Worlds
Pokemon Colosseum
Yu-Gi-Oh!: The Falsebound Kingdom
(بعضهم ما انزلوا بعد :أفكر: )

مقارنة بالبلاي2
نعم قحطّّ!! :09:

[xenosaga]

ياجلكسي النقطة اللي يريد يوضحها زيل هي أنه محد قارن مكتبة الأر بي جي لدى الكيوب بنظيرتها في البلاي ستيشن2....زيل فقد أراد أن يثبت وقد أثبت أن الكيوب ليس " قحط" في الأر بي جي شئتم أم أبيتم:)

[Guilty Gear X]

لو تقرانها باابلاي 2 لوجت ان الكيوب ربما 10% من العاب الر ب ج للبلاي2 او اقل :D :D :D
طبعا قحط :tongue2:
والاكس بوكس غني عن التعريف...ربما نفس الكيوب

[xenosaga]

أنا قاعد أكلم بشر ولا؟:jester:

[Guilty Gear X]

:tongue2:

انا جوكر :jester:

نرى غيرت توقيعي :biggthump

[king_zell]

http://forums.gamespot.com/i/smilies/16x16_smiley-indifferent.gif

[Alkazar]

و ما دامك تدري إني ما قارنت بالبلاي ستيشن2 ليش تقارن انت؟

اعتقد رد جلتي جير كفى و وفىعلى هالنقطة..:)



أجل الإكس بوكس شنقول عنه بالنسبة للRPG??!

مانقول عنه شيء لان عشاق الاكس بوكس ماجو يتفلسفو علينى ويقولون الاكس بوكس موقحط!!

وانا ذكرت GIFTPIA عشان اكملك القائمة اللي ماتعدت ولا راح تعدي العشرين..اقل من عشرين لعبة ويقول موقحط!!?

ياانك يازيل تدري ان الكيوب العاب الRPG عليه قحط وتحاول تقنع نفسك بالعكس..او انك الا الان ماستوعبة الحقيقة!!

[Mesharey]

http://forums.gamespot.com/i/smilies/16x16_smiley-indifferent.gifهالرد يعجبني دايما :biggthump

[king_zell]

اعتقد رد جلتي جير كفى و وفىعلى هالنقطة..

و أنا أعتقد رد زينو ساجا كفى ووفى عليه..


ياجلكسي النقطة اللي يريد يوضحها زيل هي أنه محد قارن مكتبة الأر بي جي لدى الكيوب بنظيرتها في البلاي ستيشن2....زيل فقد أراد أن يثبت وقد أثبت أن الكيوب ليس " قحط" في الأر بي جي شئتم أم أبيتم


مانقول عنه شيء لان عشاق الاكس بوكس ماجو يتفلسفو علينى ويقولون الاكس بوكس موقحط!!


الحين أنا أتفلسف.. المشكلة هذا اللي يصير للواحد اذا جاء يناقش أشكال مثلك.. ناس ما تعرف كلمة قحط.. تدخل مواضيع مثل كذا و تحاول تثبت وجودها بأي شكل..


وانا ذكرت GIFTPIA عشان اكملك القائمة اللي ماتعدت ولا راح تعدي العشرين..اقل من عشرين لعبة ويقول موقحط!!?

القحط : القَحْطُ الجدب و فَحَط المطر احتبس وبابه خضع وطرب و أقْحَطَ القوم أصابهم الفحط و قُحِطُوا على ما لم يسم فاعله قضحءطا

بالإنجليزي عشان ما تزعل Rainless ، جفاف.. و اللي يشوف ألعاب الRPG على الكيوب جفاف صراحة الله يشفيه..


ياانك يازيل تدري ان الكيوب العاب الRPG عليه قحط وتحاول تقنع نفسك بالعكس..او انك الا الان ماستوعبة الحقيقة!!

الحمد لله ما أحد يعرف الحقيقة أكثر مني.. لكن في ناس ما تعرف معنى كلمة "قحط" و أحاول أثقفهم شوي..

---------------------------------------


لو تقرانها باابلاي 2 لوجت ان الكيوب ربما 10% من العاب الر ب ج للبلاي2 او اقل

على حسب موقع IGN البلاي ستيشن2 في تصنيفه 60 لعبة RPG (يدخل فيهم ألعاب ملغية مثل سكايز أوف أركيديا و ألعاب مثل فاينل فانتسي X و X-2 انترناشونال) .. بينما ألعاب الRPG على الكيوب تقريبا نقول 20.. اذا كيف تكون نسبة الRPG بين الجهازين 10% ؟!

20÷60= 33%.. ولو خلينا عدد ألعاب RPG للبلاي ستيشن2 80 حتى ولو إنه لا يوجد سبب فالنسبة تكون بينهم 25%..

أنا رديت على جلتي بس لأن Alkazar ضاع من الفرحة يوم شاف رده..

[Guilty Gear X]

زيل
موقع اي جي ان اكيد ما حسب كل الالعاب الر ب ج التي صدرت على البلاي2
واكيد ما حسب الالعاب التي سوف تصدر
تبيني انا احسبلك اياهم
اكيد النسبة راح تصير قريبة من 10% ام ربما اقل :tongue2:

ايضا كلمة قحط نستخدمها ككناية عن القلة الشديدة :biggthump

[Alkazar]

الحين أنا أتفلسف.. المشكلة هذا اللي يصير للواحد اذا جاء يناقش أشكال مثلك.. ناس ما تعرف كلمة قحط.. تدخل مواضيع مثل كذا و تحاول تثبت وجودها بأي شكل..

ماراح ادخل معك في جدال يحتوي هالنوع من الالفاظ الااقل ماينقال عنها غير انها سوقية :)


على حسب موقع IGN البلاي ستيشن2 في تصنيفه 60 لعبة RPG (يدخل فيهم ألعاب ملغية مثل سكايز أوف أركيديا و ألعاب مثل فاينل فانتسي X و X-2 انترناشونال) .. بينما ألعاب الRPG على الكيوب تقريبا نقول 20.. اذا كيف تكون نسبة الRPG بين الجهازين 10% ؟!

وعلى حسب موقع RPGFAN عدد الRPG على البلاي ستيشن 2 90 لعبة(هي اكثر من 90 بس نمشيها عشانك)وعددالكيوب الا الان ماتعدى 18 ورياضيا 18/90=20%
و20%اذاعمرك درسة او سمعة بشي اسمه اقتصاد بتعرف ان 20% تعتبر !!!scarcity


أنا رديت على جلتي بس لأن Alkazar ضاع من الفرحة يوم شاف رده..

ههه عليك الفاظ ماادري اش تبي...بس عموما انا كان قصدي على رد جلتي الاول اللي قال فيه

(بعضهم ما انزلوا بعد :أفكر: )
مقارنة بالبلاي2
نعم قحطّّ!! :09:

[king_zell]

زيل
موقع اي جي ان اكيد ما حسب كل الالعاب الر ب ج التي صدرت على البلاي2
واكيد ما حسب الالعاب التي سوف تصدر
تبيني انا احسبلك اياهم
اكيد النسبة راح تصير قريبة من 10% ام ربما اقل :tongue2:

ايضا كلمة قحط نستخدمها ككناية عن القلة الشديدة :biggthump

موقع IGN أيضا يحسب ألعاب مثل سكايز أوف أركيديا و هي ألغيت على البلاي ستيشن2.. و أيضا يحسب فاينل فانتسي 10 و فاينل فانتسي 10 انترناشونال كلعبتين مستقلتين.. يعني حتى لو موقع IGN نسى بعض الألعاب لن تتعدى 20..

و اذا تقدر تحسبهم سوي مع إنك ما راح تقدر.. لأن اذا 20 لعبة على الكيوب = 10% من ألعاب RPG البلاي ستيشن2 فإن عددهم على قولتك 200.. اذكرهم http://forums.gamespot.com/i/smilies/16x16_smiley-indifferent.gif

و بالنسبة لكلمة "قحط" معناها واضح و أنا جبت معناها من كتاب (مختار الصحاح) :biggthump

[Guilty Gear X]

زيل
نعم ان معناها صحيح , لكن جفاف معنى قليل كذا وكذا صارت قليل وهذا معني شعبي عندنا وهنا كالكثير من الكلمات التي نستخدمها ككنايات لمعاني ثانية والكل يعرف
لكن انت ربما لم تسمع عنها :tongue2:

زيل ايضا انت احسب العاب الر ب ج للكيوب اعطني الاسامي
ايضا اذا كان هناك نسخة ر ب ج او لعبة فيها اضافات ايضا يجب ان تحسبها كلعبة ر ب ج جديدة.
لكن لا تكرر الالعاب اليابانية بالامريكية . يعني هذة لعبة ر ب ج امركية مثلا فف10 الايانية و فف10 الامريكية تنحسب لعبة ر ب ج واحدة.

ايضا لا تسى عن العاب الر ب ج التي ستصدر وطبعا معلن عنها.
لنبدا :biggthump :reporter:

[البرت]

Guilty Gear X
رايك منصف بحقking_zell
وواضح ان الجيم كيوب لان يصمد امام البلاي ستيشن
والبلاي 2 اكثر من ناحية الالعاب

ولكم مني اطيب تحيه :D

[king_zell]

ماراح ادخل معك في جدال يحتوي هالنوع من الالفاظ الااقل ماينقال عنها غير انها سوقية

أنا مفروض ما أستخدم الأسلوب.. أعتذر منك.. لكن مفروض اذا تتناقش مع أحد ما تقول إنه يتفلسف لأن هذا تقليل من شأن اللي قدامك.. على الأقل أنا أشوفها كذا..


وعلى حسب موقع RPGFAN عدد الRPG على البلاي ستيشن 2 90 لعبة(هي اكثر من 90 بس نمشيها عشانك)وعددالكيوب الا الان ماتعدى 18 ورياضيا 18/90=20%
و20%اذاعمرك درسة او سمعة بشي اسمه اقتصاد بتعرف ان 20% تعتبر !!!scarcity

و أكيد حسبت العدد من صفحة Pictures و اللي فيها ألعاب مثل Dark Cloud.. اذا دارك كلاود آر بي جي ف إن زيلدا RPG أيضا و ستار فوكس.. و هذي هل تعتبرها لعبة Final Fantasy Creatures (figures)؟! ، Kessen مممممم؟

اذا تبي كذا أجل نضيف للكيوب جيفتيبيا و أنمل كروسنج و زيلدا و Summoner 2 كما في قسم البلاي ستيشن2 و نوصل لعدد ألعاب الكيوب ممممم خل نحسبهم:

Lost Kingdom
Lost Kingdom II
Phantasy Star Online episode I&II
Phantasy Star Online episode III
Skies of Arcadia Legends
Final Fantasy Crystal Chronicals
Tales of Symphonia
II MANJI MARU
Baten Kaitos
Harvest Moon
Evolution Worlds
Pokemon Colosseum
Yu-Gi-Oh!: The Falsebound Kingdom
Animal Crossing
Custom Robo
Gladius
The Legend of Zelda: Four Swords
The Legend of Zelda: The Wind Waker
Mega Man X Command Mission
The Legend of Zelda Master Quest
Giftipa
The Legend of Zelda Wind Waker 2
Fire Emplem
Dokapon DX
Paper Mario 2
Summoner: A Goddess Reborn
Animal Crossing 2
Baldur's Gate: Dark Alliance
Far East of Eden III


و أنا أضفت ألعاب معلنة رسميا لكن لم تكشف بعد.. نفس الحال ينطبق على قائمة البلاي ستيشن2 من 90 لعبة و هي تتضمن ألعاب مثل فاينل فانتسي12 أعلن عنها لكن لم تكشف..

يعني 30 لعبة للكيوب و 90 للبلاي ستيشن2 ، 30÷90 = 33% مرة ثانية! لا يكون هذا بعد scarcity؟!

سلام

[Alkazar]

أنا مفروض ما أستخدم الأسلوب.. أعتذر منك.. لكن مفروض اذا تتناقش مع أحد ما تقول إنه يتفلسف لأن هذا تقليل من شأن اللي قدامك.. على الأقل أنا أشوفها كذا..

ولاتزعل اسف اني قلت انك تتفلسف..


و أكيد حسبت العدد من صفحة Pictures و اللي فيها ألعاب مثل Dark Cloud.. اذا دارك كلاود آر بي جي ف إن زيلدا RPG أيضا و ستار فوكس.. و هذي هل تعتبرها لعبة Final Fantasy Creatures (figures)؟! ، Kessen مممممم؟

ما انكر اني عديتهم من صفحة الصور...لكن انا يوم قلت 90 تغاضيت عن Final Fantasy Creatures (figures)وغيرها من الاشياءالثانية..ولاحظ ايضا ان موقع RPGFAN نفسه ماذكر كل العاب الRPG على البلاي ستيشن2...صحيح انه ذكر موعضمها لكن موكلها والدليل(لالذكر وليس لالحصر) HACK. ذكرو اول جزئين فقط..


اذا تبي كذا أجل نضيف للكيوب جيفتيبيا و أنمل كروسنج و زيلدا و Summoner 2 كما في قسم البلاي ستيشن2

ليش لا..وممكن نضيف العاب البلاي ستيشن2 اللي ماذكرت ونشوف قدا يش راح يوصل العدد..

انا ماانكر اني املك الكيوب واحب العاب نينتيندو ومتعصب لسلسلة ZELDA..لكن هذا مايمنع اني اقول ان العاب الRPG عليه قليلة ونادرة (ماابغ اقول قحط عشان لا ندخل في دوامة الالفاظ مرة ثانية)..

[king_zell]

شرايك بتوقيعي الجديد أخوي Alkazar :)

[Guilty Gear X]

Custom Robo
هذا قتال.......


II MANJI MARU
شنو هذا؟؟

The Legend of Zelda: Four Swords
هذا مو على الادفانس؟؟

Far East of Eden
هل ستصدر على الكيوب؟؟؟

Paper Mario 2
راح تصدر؟؟؟؟ ب2005؟

والباقي صحيح 100% :tongue2:

[king_zell]

أقول كيف حالك جلتي :31:


Custom Robo
هذا قتال.......

غريبة ليش موجودة في موقع RPGfans.com ؟! :أفكر:


II MANJI MARU
شنو هذا؟؟


Far east of Eden 2 MANJI MARU

http://images-jp.amazon.com/images/P/B0000AZRNM.09.LZZZZZZZ.jpg

http://images-jp.amazon.com/images/P/B0000AFZQO.09.LZZZZZZZ.jpg


The Legend of Zelda: Four Swords
هذا مو على الادفانس؟؟


يوجد جزء خاص للكيوب يصدر ديسمبر 2003



Far East of Eden
هل ستصدر على الكيوب؟؟؟

الجزء الثاني صدر و الثالث في الطريق.. Tengai Makyô III NAMIDA

http://www.gamekult.com/tout/jeux/fiche.html?cjeu=J000051768&nopub=1&temp=200610200316020358

http://80.65.232.92/images/photos/00/00/34/29/ME0000342936_2.jpg


Paper Mario 2
راح تصدر؟؟؟؟ ب2005؟

2004..

---------------------------

أجوبة انشاء الله كذا :biggthump

[Alkazar]

شرايك بتوقيعي الجديد أخوي Alkazar :)

جميل جدا..:)

[Guilty Gear X]

اتضح انه 20%......تقريبا

شرايك انقارن الالعاب التي صدرت
ابي اوصل لي 10% :jester:

[king_zell]

اتضح انه 20%......تقريبا

شرايك انقارن الالعاب التي صدرت
ابي اوصل لي 10% :jester:

من جد يا ليل ما أطولك :09:

[xenosaga]

وللمرة الأولى في حياتي أظن أن هالتعبير مناسب جدا للحالة:

http://forums.gamespot.com/i/smilies/16x16_smiley-indifferent.gif

جلكسي

اتضح انه 20%......تقريبا

شرايك انقارن الالعاب التي صدرت
ابي اوصل لي 10% :jester:
http://forums.gamespot.com/i/smilies/16x16_smiley-indifferent.gifالحين ماتشوف أنكم تعبتوا الرجال معاكم؟
ماقدرتوا عليه فالأول وتبي تغير السالفة؟:09:

أنا بس حبيت أضيف نقطة بسيطة:
هالألعاب 90 أو مليون لعبة أر بي جي على البلاي ستيشن2.....صحيح أنها كثيرة جدا.....بس في الجودة.....أكثر من نصها الزبالة ماتقبلها.

سلاموف:jester:

[msm]

مو كأن الموضوع تشعب وكبر زيادة عن اللزوم :grumpy: ..