أسعد انسان

[عماد مصطفى]

ده أنا رقيق انسان طول عمري جنتلمان
عقلي دايما هيمان قلبي أيضا حيران
يرقص و يغني كمان لو شم ريحة برفان
بصراحة ماليش عنوان عنواني بين النسوان
الفرق ما بيني و بينهم التوكة و الفستان
حرام ياناس تعبان بعادهم يجيبلي جنان
لو غابوعني ثواني بأحس بالحرمان
معلهش يا سي عثمان سيبتك زي الغلبان
عدت واحدة جنبية هوا وراها رهوان
غصب عني يا جماعة مافيش أعصاب فلتان
معاهم فالسقعة قلبي على طول دفيان
وياهم فالوقعة عمري ما كون زعلان
جمالهم صحيح فتان سبحان الله سبحان
ماقدرش ابعد عنهم حتى لو جه رمضان
قعدتهم جنان فجنان ليها دايما عطشان
شوية أشتئ في لبان ساعة أقرا الفنجان
سوسو وتوتو واحسان صوتهم زي الكروان
يا حلاوتي فوسطيهم بلبل بين الغزلان
يارب خلي لي الحرمة حتى منك يا سودان
و تزيد معايا الفرحة معاكم يا بتوع لبنان
الوطن العربي و الوحدة حتغرقني بنسوان
عندي اختيار و خبرة موجود كل الألوان
طعميين زي الفاكهة مانجة و بلحة و رمان
للأبد معاهم نشوة و بكدة أنا أسعد انسان