المساعد الشخصي الرقمي

مشاهدة النسخة كاملة : استشارة : اكورد والا كامري والا مازدا 6 والا لومينا؟؟؟


رهيب ولكن
11-10-2003, 12:46 AM
اهلين أخواني
بما أني توظفت ولله الحمد :cool:
أرغب في شراء سياره متوسطه ووقع اختياري على اربع سيارات هي :
1- هوندا أكورد
2- تويوتا كامري
3- مازدا 6 " زوم زوم :D "
4- لومينا

طبعا انا اللي يهمني في السياره ثلاث حاجات:
1- قطع غيار ليست غاليه - خصوصا القطع الاستهلاكيه -
2- اقتصادية في استهلاك البنزين
3- سياره تدوم - عشان كذا ما اخترت سياره من نيسان لانه على ماسمعت انها تتفكك بسرعه - :)

بالنسبه للميزانيه فهي لاتزيد عن 66 ألف ريال :أفكر:

لو كان فيه سياره في نفس الفئه على بالكم وهي افضل من اللي عرضتها فياليت تقولوا عنها :)


اتمنى من جميع الاخوان المشاركه ومساعدتي في الاختيار ولكم الاجر والثواب باذن الله


اخوكم/ رهيب ولكن
رهيب ولكن
11-10-2003, 01:07 AM
ايوه .. نسيت اقول لكم اني عضو جديد :o
حقيقه ما اشتركت الا عشان الاستشاره لان احد الاخوان نصحني اشترك معكم .. وان شاء الله بنستمر معكم ... نفيد ونستفيد

تحياتي

اخوكم/ رهيب ولكن
لكزس
11-10-2003, 01:08 AM
انا ارشح الكامري ثم الاكورد حسب متطلباتك
D0WN~T0WN
11-10-2003, 01:09 AM
الاكورد قطع غيارها غالية نوعا ما لكنها تتحمل بشكل عجيب
اللومينا خرابها واجد واذا كنت بتاخذها فخذها من التوكيلات العالمية لان خدمتهم راح تغطي على عيوب السيارة
المازدا 6 ماادري عنها كثير لكن مريحة وحلو شكلها ومااحد اشتكى منها
الكامري يمكن هي الانسب مع ان وكيلها انصب خلق الله

انصحك بالاكورد وبشدة
رهيب ولكن
11-10-2003, 01:53 AM
اخواني لكزس , D0WN~T0WN

اشكر لكم تجاوبكم والى الان صوتين للأكورد

ولكني سمعت - وكالة يقولون ماخلت شي :D - انه الاكورد تكمن مشكلتها في العكوس وايضا ان محور الدوران كبير اي انها تاخذ مدى اكبر عشان تاخذ دوران كامل .. ياليت لو عندكم خبر عن المعلومتين هذي !!

على فكره انا كنت من فتره عند الجميح في جده عشان اخذ قطع غيا لسيارة اخوي ودخلت المعرض وشفت اللومينا والكابريس الجديده 2004 .. لكن تفاجأت انه مافيها مشغل كاسيت! :33: ولما سألت احد العاملين هناك قال لي ان الشركه غبيه - قالها بيني وبينه طبعا :p - الا تعتقدون ان عدم وضع مشغل كاسيت هو خطأ شنيع؟؟؟


اخيرا ياليت لو تشوفوا الصوره هذي
http://www.edmunds.com/media/roadtests/roadtest/03.honda.accord/03.honda.accord.int.500.jpg
وهذي
http://www.cardesignnews.com/news/2002/020730honda-accord/images/honda-accord06.jpg

وهذي الأخيره
http://www.cardesignnews.com/news/2002/021029honda-accord/images/honda-accord98.jpg





طبعا الصور هي لمقصورة الاكورد .. لو بغيت اشتري أكورد 4 سلندر ممكن تكون مقصورتها هي الثانيه أو الثالثه؟ أم الأولى فقط؟ ... اقصد في المواصفات وليس في وضع المقود :)

تحياتي للجميع

أخوكم / رهيب ولكن
D0WN~T0WN
11-10-2003, 03:41 AM
بالنسبة لمشكلة العكوس فهي الظاهر طلعت في دفعات معينة وتم الاعلان عن ارقام الهياكل اللي فيها المشكلة والتصليح يكون بلاش

بالنسبة ان اللومينا والكابرس مافيها كاسيت
فترى اغلب الشركات صارت تتبع هذي الخطوة
واكثر الشركات بدت تستبعد الكاسيت لان ياخي الصوت بالعادة يجي خايس وماتقارنه بالسي دي
وحتى الاكورد مافيها كاسيت :31:

ونصيحتي مادامك بجدة وتبي تاخذ لومينا لاتاخذه الا من التوكيلات العالمية
لان تعاملهم لطيف جدا بعكس الجميح يقعدون يحبحبون راسك قبل لاتشتري واذا شريت كانهم مايعرفونك
Scorpion KING-911
11-10-2003, 05:38 AM
السلام عليكم
الصراحه اخوي انه كل السيارات اللي اشرت اليها غير جيده باستثناء الهوندا اكورد وانا اشرح لك ليش


1- الكامري: الصراحه كامري واتكلم لك عن الـ2003 غير جيدة وخراباتها واجده عن الشكل اللي قبله وتتفكك بسرعه لكن وكالتهم جيده والان موديل 2004 نزلوا لون مررررره حلو ازرق بحري مثل لون اللكزس 430

2- انا رحت لشركة با البيد وسالته عن اللومينا قالي ما يمر يوم تقريبا الا وتجيهم لومينا لى سطحه وطبها اهم مشكله فيها اسلاك البواجي دايم تنعدم

3-المازدا الزووم جيده ورياضيه وسعرها حلو لاكن ماهي راسيه ووكالتهم الحج حسين نصابين وقطعهم غاليه ولكن فيها عيوب بعد زي المكيف اذا خرب هو والا المسجل لفا بد تصلحه بالوكاله ما ينفك برا
ومكيفهم دايم ينعدم فيه الكومبريسر


واقترح عليك سوبارو ليجاسي اللي يبي ينزلها شكل جديد في رمضان باذن الله
انا عندي سوبارو ليجاسي 2002 لها سنتين ما دخلت الصيانه الا لالف كيلو والحمد لله ما شيه معي تمام وقطعها تتحمل الا فحمات الفرامل لانها دفع رباعي


في النهايه ارجو ان يكون ردي قد افادك ولا تنسى ان تسال عن السياره قبل شرائها



ودمتم سالمين
رهيب ولكن
11-10-2003, 11:19 AM
صارت الان 3 اصوات للأكورد ..

اخي D0WN~T0WN
انا لو اشتريت بيكون بعد نص شهر تقريبا لاني ما ابغى استعجل في قرار الشراء ..

بخصوص موضوع الكاسيت أخي .. هل تعتقد انه من السهل أن تأخذ كل مره أسطوانة بخمسين ريالا؟

يعني أنا الان عندي أشرطة كاسيت بالعشرات .. وين أوديها لو مافيه كاسيت؟

خلينا من الاشرطه اللي راح تنرمي .. هل السيارات التي لايوجد بها كاسيت كالاكورد واللومينا .. هل تستطيع تشغيل الاسطوانه الغير أصلية؟؟ يعني أنا معي CD Writer وابغى اسوي اسطوانه على كيفي هل رح تشتغل في السياره؟ .. اخي يملك سياره كابريس ال تي زد 2001 وطبعا بها مشغل سي دي ولكن المشكله انها لاتعمل جيدا الا مع الاسطوانات الأصلية .. حيث انني حاولت تشغيل اسطوانه من انشائي ولكن لم تعمل " يجي مكتوب Error " .. مع اني جربت النسخ باكثر من سرعه ولكن نفس المشكله :33:

سؤال : هل يقوم الوكيل بتركيب مشغل كاسيت اضافي عند الطلب؟ وهل هناك زياده في السعر؟

شي اخير بخصوص الأكورد .. هل تتحمل كثرة الأسفار؟؟ وكيف هي في استهلاك البنزين .. وقطع غيارها مقارنة مع الكامري هل هي غالية جدا؟؟ ام الفرق بسيط؟


------------------------------

أخي ½][KING-911][½

مشكور على مشاركتك .. بالفعل انا سمعت عن مشاكل في الكامري .. وانا بصراحه لست مهتما كثيرا باللون .. يعني مو معقول اشتري سياره بها اعطال كثيره عشان لونها مثلا :)

وبخصوص السوبارو ياليت تقول لي كيف هي أسعار قطع الغيار؟ مقارنة مثلا مع الكامري والأكورد !! وايضا استهلاك البنزين

وهل عندك اقتراحات أخرى - أقصد سيارات- ؟


اعذروني أخواني على كثرة الأسئلة ولكن زي مايقولوا " ماخاب من استشار :) "


تحياتي للجميع

أخوكم / رهيب ولكن
MskT
11-10-2003, 12:22 PM
علي حسب اذا تحب الزحف والتفحيط مالك الا الكامري
اذا تحط الكشخه الاكورد
اذا تحب السرعه لومينا
اذا تحب مايكون لك موقع من الاعراب خذ المازدا
D0WN~T0WN
11-10-2003, 03:12 PM
هلا
ياخوي فيه شي اسمه منسوخ انا اشتري 2 سي دي ب25 وتشتغل زي العسل وانا معي كابرس ال تي زد و2001 بعد>>مااقلد اخوك :09:

يعني بالعربي خذ لك سي دي منسوخ تراها ماتعدي 15
ومااظن الوكيل يركب مسجل كاسيت لكن رح محلات الزينة يركبون لك مسجل غير اللي في السيارة
كاسيت وسي دي مع بعض

والسيارة مثل الحمار في التحمل وهذا كلام كل واحد اعرفه معه اكورد والسيارة معروفة بعد برساوتها يعني اطمئن انشالله

اما استهلاك البنزين فعندك خيارين تبي محرك 6 سلندر او 4 سلندر وطبعا 4 سلندر اقتصادي في الاستهلاك

وقطع الغيار ميب غالية مرة لكن الكامري ارخص اكيد لكن الفرق موب شاسع مرة
ممكن تسألهم عن هذا الشيئ عشان تكون مطلع اكثر :)
$الخليجي$
11-10-2003, 06:30 PM
الكامري الجراندي حلوه ولكن يمكن تكون فوف ميزانيتك والأكورد رهيبه جداً وكشخة وأنصحك بها
رهيب ولكن
11-10-2003, 06:31 PM
مشكور اخي MskT على مشاركتك ..

------------------------------
أخي D0WN~T0WN

هل جربت عمل اسطوانات صوتيه بنفسك؟؟ لو جربت واشتغلت معك على الكابريس ياليت تقول لي كيف سويتها؟؟ .. وبالنسبه للمنسوخ اللي ب 15 فان شاء الله بدور عليها

اخر طلب لي في الموضوع .. ياليت تقول لي ايش هي اكثر القطع استهلاكيه في السيارات خصوصا الدفع الأمامي .. لاني قررت اروح الوكالات واقارن بين قطع الغيار :)


لكن يبدوا اني بدأت أميل للأكورد ;)


تحياتي للجميع

أخوكم / رهيب ولكن
رهيب ولكن
11-10-2003, 06:39 PM
اخي $الخليجي$

الظاهر انه كنا نكتب في نفس الوقت

مشكور على نصيحتك .. انا لا اريد سياره للسرعه او التفحيط وما شابه , أريد فقط سياره تشيلني وما اشيلها ;) , ما ابغى كل يومين وانا موديها للصيانه او تكون قطع غيارها وبال عليّه .. او تشرب بنزين بشراهه .... فقط سياره تدوم معي وشكلها جميل وبها المميزات التي ذكرت .. وبخصوص الكامري فبصراحه انا حتى قبل ما اطرح الموضوع هذا وانا متردد في مجرد التفكير في شرائها .. ياخي حتى الليموزينات صارت اغلبها كامري :p ,, وشكرا لمرروك

تحياتي للجميع


أخوكم / رهيب ولكن
D0WN~T0WN
11-10-2003, 06:44 PM
لا ماقد جربت اسوي سي دي بنفسي

بالنسبة لقطع الغيار الاكثر استهلاكا والله مادري بالضبط بس على حسب استخدامك
واتمنى انك تعامل السيارة بافضل ماتقدر وانشالله ماتشوف منها الا كل خير
وانشالله الاكورد ماراح تطلب قطع غيار زي السيارات الثانية وانت اهم شي حافظ على الصيانة الدورية
مثلا كل 1500 كيلو وانشالله تعيش معك اطول فترة
وزي ماقلتلك افضل لك تروح للوكالات وتشوف ولاتستعجل
ولاتنسى الاستخارة :)
sktr
11-10-2003, 09:42 PM
انا انصحك يااخ انك تاخذ الاكورد لانها سياره رياضيه وسياره شخصيات في وقت واحد وانا قد سويت موضوع في المنتدى هذا تصويت احسن سياره من بينهم الاربع اللي انت ذكرتهم واخذت الاكورد المركز الاول عليهم انصحك بالاكورد تراها اقتصاديه بعد

اكورد وبس :biggthump
Imaj
11-10-2003, 10:21 PM
أنصحك باللومينا LTZ

راجع هذا الموضوع... (http://www.montada.com/showthread.php?t=239691)


للأخ محترف الـRPG...


فيها مميزات كثيرة أبرزها أنها الوحيدة بالدفع الخلفي :biggthump
Scorpion KING-911
12-10-2003, 03:24 AM
الصراحه يا اخ رهيب ولاكن السوبارو انا ما اشتريتها الا على قناعه تامه رغم انه قطعها تعتبر غاليه يعني تقريبا مثل اسعار قطع الاكورد والمازدا الزوم لكنها سياره ما يحتاج وراعيه رساوه ودعس واقص فيها الملفات احينا على 210 والا الن وما حلفتني بالله (ان كانك راعي دعس) مافيه سياره 4 سلندر طرحني قومه او خط ماعدا المازدا الزوم الرياضيه طرحني قومه



اما بالنسبه للصرفيه والحمد لله ما تصرف وتانكيها تعبيه بـ53 اقصى حد يعني اذا مشيتها عاللمبه بعد
وتوصلني من جدة للمدينه المنوره (400ك) والتانكي ينزل عن النص بشوي وانا ماشي من120الى160


وفيها مثبت سرعه مكيف الكتروني ريموت للابواب دفعها رباعي







في النهايه ودي انصحك نصيحه
لا تشتري سياره من اول دفعه لشكلها الجديد ابد لانه لابد يكونه بها عيوب




ودمتم سالمين
رهيب ولكن
12-10-2003, 11:13 PM
مشكورين اخواني ..
اخي ½][KING-911][½

مشكور اخي على المعلومات .. والظاهر ان السوبارو ملفته للنظر .. ولكن يبدو اني بشتري الاكورد ان شاء الله


تحياتي للجميع

أخوكم / رهيب ولكن
$الخليجي$
12-10-2003, 11:34 PM
مشكورين اخواني ..
اخي ½][KING-911][½

مشكور اخي على المعلومات .. والظاهر ان السوبارو ملفته للنظر .. ولكن يبدو اني بشتري الاكورد ان شاء الله


تحياتي للجميع

أخوكم / رهيب ولكن

ونعم الرأي :cool:
Scorpion KING-911
13-10-2003, 02:57 AM
والله ي ا اخ رهيب ولكن نعم الرأي انك تاخذ الهوندا الاكور لاكن فيه شغله ما احد تكلم عنها وهي:

ان الاكود لا تتوفر بناقل الحركه اليدوي (الجير العادي) الا في النوعيه السياحيه (اقل نوع)

لاكن انصحك تاخذ الفل كامل الـ4 سلندر لان شكلها جذاب وما تصرف بنزين


وعن سؤالك ان الاكور حقت اسفار اقولك ارقد وامن تراها ما يحتاج في الخط


وعن السيديا انا في رايي انه ما يحتاج مشغل كاسيت لان السيدي يجيك صوت اوضح وما راح تسويلك زحمه يالسياره اذا حطيتها بشنطه خاصه
وعن النسخ بالسيدي رايتر انا مركب مسجل كاسيت وسيدي ماركه كين وود تشتغل عليه السيديا المنسوخه من السيدي رايتر






وفي النهايه اقولك بعطيك خيرها ويكفيك شرها مقدما باذن الله ولا تستعجل اسال عن السياره لان كل تاخيره فيها خيره


ومشكور عا الموضوع اللي عطان الحماس واتمنى ان ما تقطعنا وانك تستمر معانا في المنتدى







ودمتم سالمين
ALshehre U & S
13-10-2003, 01:09 PM
أخوي إذا بتفكر تاخذ أكورد فإنها حتكون هنا بدون شاشة ملاحة...رح تكون زي الصورة الأولى...

والأكورد رأئعة ولكن ماتضمنها وغير قايلة للتعديل...ولو كانت الكامري إلي عندنا يابانية زاح تكون أروع...ولكن حسبنا الله عليهم...على العموم الكامري حسب شروطك هي الأضمن وحلوة وأفضل سيارة قابلة للتعديل.يعني ما يحتاج تحتار.


تحياتي للجميع.
Imaj
13-10-2003, 08:05 PM
أيش كامري :31:

كل الناس عندهم كامري!!

تبي تصير مميز خذ لك لومينا LTZ فخامة وأناقة ومواصفات...

خذها لن تندم بإذنه تعالى :)
D0WN~T0WN
14-10-2003, 02:04 AM
Road kill
لا توهق الرجال ترى اللومينا فخامة وشكل لكن تحمل زفت وخراب ماله اول ولا اخر واكثر مااشوف بالصناعية سيارات اللومينا :31:
Imaj
14-10-2003, 07:58 PM
Road kill
لا توهق الرجال ترى اللومينا فخامة وشكل لكن تحمل زفت وخراب ماله اول ولا اخر واكثر مااشوف بالصناعية سيارات اللومينا :31:

:33: كم موديلاتها اللي شفتها في الصناعية :33:

أعتقد أن لومينا 2003 قوية أو على الأقل أفضل من سابقتها :)

تكفيك المبيعات الثانية بعد الكامري متفوقة على الأكورد :biggthump
رهيب ولكن
16-10-2003, 01:04 PM
لكل الاخوه الذين شاركوا .. شكرا لكم
حقيقه استفتدت من ارائكم ..

وبقيت الاستخاره فقط :)


تحياتي للجميع
Sonic2004
18-01-2004, 10:05 PM
السلام عليكم


مع إحترمي لجميع أراء إخواني فإنه المازدا 6 هي السايرة الأنسب لك صدقني انا شاري مازدا 6 سيارة رياضية مريحة وأنصحك فيها والله لا تفوتك
DE NILSON
19-01-2004, 04:34 AM
ياكامري انتي تامري خخخخخ ولون فستقي الله يرضى عليك
Revolutions
19-01-2004, 10:38 AM
اخوي ارفع الميزانيه 4000 يعني خلها 70 الف




واشتر لومينا S :)
أعقـل مجنون
19-01-2004, 01:20 PM
مالك الا الأكورد يا صاحبي و انا اضمنها

خمسه سنين ما تطلبك شي
راعي الclk 500
19-01-2004, 02:04 PM
خذ لك اللومينا وريح بالك :)


واذا ما بغيت اللومينا فعليك بالماليبو :biggthump


سلام :ciao:
boh_almshaer
19-01-2004, 08:12 PM
انا من رايي خذ كامري اقتصاديه في البنزين وقطع غيارها متوفره ورخيصه
thesilver86
19-01-2004, 09:43 PM
سلاااااااام

أنا من غير منازع الهوندا أكووووورد 6 سلندر وإرفع إيدك

فخامة
جاذبية
قوة
قطعها متوفرة وليست بالسعر المرتفع جدا
وتعيش يعني لك وللزمن


وشكرا ... وهاذي كم صورة للأكورد من بينهم الأكورد الكوبيه 2004
thesilver86
19-01-2004, 09:46 PM
هااااااااااا
كيف الصور يا حلوين أعطوني رأيكم

شكراً ..........
m-a-x
24-01-2004, 12:41 PM
الصراحه خذ لومينا او كامري (( لومينا لا تلومينا كامري امري )) احسن من غيرهم والله يعينك .