مشاهدة النسخة كاملة : نقاش الرسامين أسئلة للضحك!
Rewayah
14-10-2003, 04:16 PM
السلام عليكم. :D
هذا موضوع لطرح الأسئلة المضحكة والتي قد تطرأ على بالكم فجأة. :biggthump
سواء متعلقة بالأنيماي ولا المانجا... بالكارتون ولا الكوميكس...
بالرسوم المتحركة ولا القصص المصورة... مصختها عاد على هالسرد. :D
المهم,
كنت قاعد أشتغل على الدراسة الذاتة المتعلقة بالجامعة, وطرأت هالفكرة في بالي.
قلت لين ما أخلص كوميكات الأعضاء ومواضيع التحدي, أحط هالموضوع ألحين أحسن. :)
وهو للأسئلة الغريبة, وربما المضحكة, اللي ممكن تطرأ على بال الأعضاء.
والكل مدعو بالمشاركة, سواء بالمشاركة ولا وضع الأسئلة الحارة.
قصّة: حلو هالسجع!! ^^
رواية: سؤال ولا عشر, كيفكم, بس مو أكثر. :biggthump
يالله:
1- ليش لون جونكر أزرق وأحمر؟ :أفكر:
2- ليش لون البطل ولا قائد المجموعة في كرتونات ولا مسلسلات السينتاي (مثل باور رينجرز) أحمر؟ :أفكر:
3- شو من المانجا يالس تقرأ الحين؟
4- بتتعلم الرسم ولا لأ؟ http://www.handykult.de/plaudersmilies.de/pissed.gif
وليييييييييييييش؟؟؟ :o
5- شو رايك في منتدانا؟ ^^
6- أبغي أعرف... لييييش دوم زر التفجير في الكرتون واللي يمكن يطلق قنبلة الدمار الشامل ولا السلاح الفتاك الخطير لونها أحمــــــــــر؟؟
وعووودة (كبيرة)؟
ودويرية؟
وروحها معزولة عن باقي الأزرار في وسط لوحة المفاتيح؟
ليش؟ :o
ومرات عليها جمجمة؟
ليش؟ @@
7- ليييييش المدمرين اللي في مسلسل جونكر دوم مرقمين من واحد لين أمية بأرقام أرضية؟ :argh:
رغم إنهم من الفضاااااااء؟ :argh:
8- ليش اليابانيين مجلات المانجا مالهم اللي من النوع المتين واللي فيها مانجا منوعة مثل مجلة كورو كورو كوميك, شونين آيس, شونين جاندان, ألترا جامب, شوجو كوميك, ناكايوشي, أفترنون وغيرها وغيرها, كلها تصل عدد صفحاتها للثمانمية وفوق؟!؟! :argh:
هااا؟ قولو لي؟ :argh:
كيف بنوازيهم؟!؟! :cray:
9- ليش أنا لين ألحين ما خلصت كوميكي اللي طوّل (مال موضوع تحدي القراصنة)... قرصنهم برق؟ :(
10- وليش قاعد تجاوب على الأسئلة؟ :12:
هذا وحياكم.
يالله حلوا!! :mad:
هق هق هق هق! :p <== مغفل. :09:
Gatts
14-10-2003, 05:47 PM
- ليش لون جونكر أزرق وأحمر؟
أظن ما في لون أحلى عليه من كذا <------ ( يا بعدي يا جونكر) <----(عاشق للمسلسل) :D
- ليش لون البطل ولا قائد المجموعة في كرتونات ولا مسلسلات السينتاي (مثل باور رينجرز) أحمر؟
أظن لأنه ألهب واحد :cool:
- شو من المانجا يالس تقرأ الحين؟
نــــــــــــــــــاروووتووو ( والنعم بحاله) :biggthump
- بتتعلم الرسم ولا لأ؟
نحاول :33:
وليييييييييييييش؟؟؟
ما أدري ............ فاضي
5- شو رايك في منتدانا؟ ^^
ولعه :09:
- أبغي أعرف... لييييش دوم زر التفجير في الكرتون واللي يمكن يطلق قنبلة الدمار الشامل ولا السلاح الفتاك الخطير لونها أحمــــــــــر؟؟
أظنه لون صعب الأيام ذي :33:
7- ليييييش المدمرين اللي في مسلسل جونكر دوم مرقمين من واحد لين أمية بأرقام أرضية؟
أظنهم كانو مسيرين على بوش قبل ما يعدون على اليابان :p
- وليش قاعد تجاوب على الأسئلة؟
فاضي ألحين ما عندي شيء :09:
Hard Rock
14-10-2003, 06:21 PM
هوهوهووووووووووووه موضوع ولا أروع :D
-- ليش لون جونكر أزرق وأحمر؟
لأنه نصه حار ونصه بارد :09:
- ليش لون البطل ولا قائد المجموعة في كرتونات ولا مسلسلات السينتاي (مثل باور رينجرز) أحمر؟
لأنه دايماً يتحرّك (لو تلاحظ) دايما هو يقوم بالحركات البهلوانية وعلشان شذي لازم
يصير حرّان ويصير لونه أحمر :biggthump
3- شو من المانجا يالس تقرأ الحين؟
ألحين قاعد أرد عليك :09: .. وإذا عن المانجا اللي هالأيام أقرأها هي Bleach
4- بتتعلم الرسم ولا لأ؟
وليييييييييييييش؟؟؟
أ .. أأ .. أحم .. :o .. أ .. (نسيت :31: )
5- شو رايك في منتدانا؟ ^^
الصراحة .. عجيب ^_^ .. أحلى مافيه الأعضاء :أفكر: .. >_< قالو بيغيرون شكله
وماشفنا شي تغيّر :09:
6- أبغي أعرف... لييييش دوم زر التفجير في الكرتون واللي يمكن يطلق قنبلة الدمار الشامل ولا السلاح الفتاك الخطير لونها أحمــــــــــر؟؟
وعووودة (كبيرة)؟
ودويرية؟
وروحها معزولة عن باقي الأزرار في وسط لوحة المفاتيح؟
ليش؟
ومرات عليها جمجمة؟
ليش؟ @@
ههههههههههههههههه أصلا تحصل هالزر بروحه في الكيبورد >_<
بس ليش لونه أحمر ؟؟ .. همممم ... يمكن ماعندهم صبغ ثاني يلونون به :D
- ليش اليابانيين مجلات المانجا مالهم اللي من النوع المتين واللي فيها مانجا منوعة مثل مجلة كورو كورو كوميك, شونين آيس, شونين جاندان, ألترا جامب, شوجو كوميك, ناكايوشي, أفترنون وغيرها وغيرها, كلها تصل عدد صفحاتها للثمانمية وفوق؟!؟!
هااا؟ قولو لي؟
كيف بنوازيهم؟!؟!
هممممم ... أعتقد إن الأوراق عندهم ببلاش :31:
9- ليش أنا لين ألحين ما خلصت كوميكي اللي طوّل (مال موضوع تحدي القراصنة)... قرصنهم برق؟
لأن ضاع قلمك >_<
10- وليش قاعد تجاوب على الأسئلة؟
لأني قاعد أنزل حفلة حق فرقة slipknot من الكازا وماعندي شي أسويه غير ، قلت أرد عليك :D
-----------------------------------------------------------------------------------------------
ألحين دوري أسأل ؟؟
هاه؟؟ أسأل ؟؟ .. أوكي ^_^
1- ليش اليابانيين لين يرسمون خطوط طولية على وجه واحد لين هو متفشّل ؟؟
2- ليش ندرس بالجامعة >_< ؟؟ أبي سبب مقنع ، لأني مو مقتنع :09:
3- ليش مافي عصير برتقال مالح ؟؟
4- ليش الحصى يابس ؟؟
5- ليش أعضاء فرق الروك يهزّون راسهم وهم يعزفون بالقيتارات ؟؟
6- ليش الأفلام الهندية كلها أغاني >_< ؟؟ وليش كل هندي يحط على شعره دهن حتى لو هو صلعه؟
7- ليش كل الدكاتره بالجامعة يبيلهم طق ؟؟
8- ليش أغلب مغنيين الراب سود؟؟
9- ليش مافي شوارمه على سمك؟؟
10 - ليش شاهين مايفصخ الكاب ؟؟
11- ليش الـ ... ؟؟؟ ها؟؟ ليش؟؟
وسلامة الحاضرين والغايبين :biggthump
أميرة الخيال
14-10-2003, 08:17 PM
ممكن سؤااااااااااااااااااااااااااااااااااااااال
ليش بالأفلام البطل ما يخلص الرصاص بمسدسه و لو يتسبح بمطر رصاص ما يصير فيه شي
و ليش ما يتعور و الجرح يطيب بدقيقه ( اعنبو داره يكفخونه تكفخ و يشققونه و ما يصير فيه شي )
و لا و بعد اذا نط من فوق لما تحت ما يصير فيه
خخخخخخخخخخخخخخخخخخخخخخخخ
Hard Rock
14-10-2003, 09:00 PM
س: ليش الكابتن ماجد لين يه بيشوت ضربته المقصّية (دبل كيك) يقعد نص ساعة في الجو؟؟ :06:
لا وساعات تخلص عليه الحلقة واهوه ليحين فوق؟؟ وساعات يروح بيتهم وينام وهو ليحين فوق :33:
سؤال محيّر فعلاً :reporter:
C.Falcon
14-10-2003, 09:23 PM
ليش 99.9 % من العلماء كانوا من جنب القدة قبل ما يكتشفوا اختراعاتهم ؟؟؟
من جنب القدة <===== ((يفهمها واحد حجازي أو مكاوي أو نجدي))((سعودي)) :D
Hard Rock
14-10-2003, 09:35 PM
ليش ماروكو ماعندها خشم؟؟؟ :33:
lalaru
14-10-2003, 10:41 PM
1- ليش اليابانيين لين يرسمون خطوط طولية على وجه واحد لين هو متفشّل ؟؟
علشان يبينون انه متفشل
2- ليش ندرس بالجامعة >_< ؟؟ أبي سبب مقنع ، لأني مو مقتنع
علشان ما تقعد ملان في البيت
3- ليش مافي عصير برتقال مالح ؟؟
لأنه طعمة خايس
4- ليش الحصى يابس ؟؟
لأنه لو كان لين ما أضني بنكون عايشين
5- ليش أعضاء فرق الروك يهزّون راسهم وهم يعزفون بالقيتارات ؟؟
علشان يخوفونا
6- ليش الأفلام الهندية كلها أغاني >_< ؟؟ وليش كل هندي يحط على شعره دهن حتى لو هو صلعه؟
الأفلام الهندية كلها أغاني لأنه الهنود يحبون يرقصون... كل هندي يحط على شعره لأنه يساعد على عكس الضوء و توفير الكهرباء
7- ليش كل الدكاتره بالجامعة يبيلهم طق ؟؟
لأنهم يحبون يعذبونا
تعبت ما يه عل الباقي .. دوري الحين
ليش السنافر زرق مع انه أحسن لو خضر علشان يرومون يندسون في الغابة؟؟ :06:
ortiga
14-10-2003, 11:24 PM
8- ليش اليابانيين مجلات المانجا مالهم اللي من النوع المتين واللي فيها مانجا منوعة مثل مجلة كورو كورو كوميك, شونين آيس, شونين جاندان, ألترا جامب, شوجو كوميك, ناكايوشي, أفترنون وغيرها وغيرها, كلها تصل عدد صفحاتها للثمانمية وفوق؟!؟!
:offtopic:
رواية .... :ciao:
:You_Rock_
ممكن تدخل هنا ؟؟؟؟
http://www.montada.com/showthread.php?t=240504
الخطاف
15-10-2003, 12:01 PM
8- ليش أغلب مغنيين الراب سود؟؟
لأنهم هم إلي خترعوا أغاني الراب وأحترفو فيه .. عدا إمنم العنصر الشاذ
9- ليش مافي شوارمه على سمك؟؟
هههههههه
أنا سمعت بأن في شوارمه على تونة
10 - ليش شاهين مايفصخ الكاب ؟؟
إذا شال الكاب ... مابيعرف يرسم
11- ليش الـ ... ؟؟؟ ها؟؟ ليش؟؟
لأن ألـ.. ... فهمت.
نجوفكم على خير :bath:
Rewayah
15-10-2003, 04:28 PM
1- ليش اليابانيين لين يرسمون خطوط طولية على وجه واحد لين هو متفشّل ؟؟
- لأنها توحي بالإحباط؟ أو يمكن لأنهم مالقوا صرفة ثانية للحركة! @@ ههههههه
أنا أعرف... !!!!!!!!!
هذا لأنه واحد ياباني بالغلط أيام السبعينات والرسوم الجديم, زلت إيديه ومسح حبر الويه على شخصية كانت ملامحها محبطة.
جان تستوي خطوط.
وفجأة قال أوسامو تيزاكي: "اللاااه شوفو هذا شو سووا!!!!!!!".
وجان يقترح إنهم يخلون اللقطة وما يصححون الحبر...
فأنعجب بها الجمهور الياباني وصار إستعمالها شيء دارج... @@
من وين يبت أنا هالقصة؟!؟!؟! @@
2- ليش ندرس بالجامعة >_< ؟؟ أبي سبب مقنع ، لأني مو مقتنع :09:
- لأنه العالم أهبل... والكبار درسوا قبلنا... عشان جذيه يبونا نذوق اللي ذاقوه!! >< ذوّقهم برق...
3- ليش مافي عصير برتقال مالح ؟؟
- مثل ما قالت لالارو... لأنه طعمه خايس! @@
4- ليش الحصى يابس ؟؟
- لالارو قالت: "لأنه لو كان لين ما أضني بنكون عايشين".
لأنه الحصى ما يصير لين إلا إذا كان حار... منصهر...
وإذا كان منصهر يعني براكين...
وإذا براكين يعني مستحيـــــــــــــــــــــــــل بنعيش...
وبما إننا عايشين يعني الحصى مو صاير براكين... @@
يعني نحمد الله ونشكره على هالنعمة... :o
لأنه لو ماكانت الحجارة يابسة ومنصهرة...
كان الله خلقنا كائنات نارية عشان ما نموت... :D <== شاهين بيطرب لهالعبارة! @@ كخخخخخخخ
5- ليش أعضاء فرق الروك يهزّون راسهم وهم يعزفون بالقيتارات ؟؟
- عشان أغاني الروك وايد صاخبة وإطر الأذن...
وهم من الألم ما يتحملون الوضع, في نفس الوقت إيدهم مشغولة بالعزف وما يقدرون يمسكون أذنينهم للتخفيف.
فيهزون راسهم عشان يطردون الألم... وبالمشمش. :D
6- ليش الأفلام الهندية كلها أغاني >_< ؟؟
- والأفلام العربية المصرية. :D
وليش كل هندي يحط على شعره دهن حتى لو هو صلعه؟
- حتى لو أصلع؟ :33:
من البطرة... أهلهم وايد إمدلعينهم. :p
7- ليش كل الدكاتره بالجامعة يبيلهم طق ؟؟
- لأنه اللي علموهم يبيلهم قتل !!
8- ليش أغلب مغنيين الراب سود؟؟
- لأنه الراب أصلاً كان لهجتهم... حطوا شوية لحن... صار "راب"! @@ كخخخخخخخخخ
Yoo whassup MAN?!?!?!
9- ليش مافي شوارمه على سمك؟؟
- شوارمه على سمك؟
قصدك شوارمة سمك؟!
لأنه السمك ليّن وبيتفتت وما يقدرون يضغطونه على بعضة مثل الدياي واللحم.
وحتى لو ضغطوه... بسرعة بيخيس وبتطلع ريحته. :D
أنت شوف السمك إذا خلوه من الظهر لين المغرب كيف تستوي ريحته! @@
10 - ليش شاهين مايفصخ الكاب ؟؟
- عشانه ما يبا حد يشوف عيونه الحادة... :biggthump
يخاف الناس يموتون من الخوف... كخخخخخخخخخخخخ
11- ليش الـ ... ؟؟؟ ها؟؟ ليش؟؟
- عشان الـ ... !!! ها؟ شوه؟؟
Rewayah
15-10-2003, 04:29 PM
ليش ماروكو ماعندها خشم؟؟؟ :33:
الرسام ما كان فايق...
Rewayah
15-10-2003, 04:31 PM
ليش السنافر زرق مع انه أحسن لو خضر علشان يرومون يندسون في الغابة؟؟ :06:
لأنه أبوهم‘ بابا سنفور‘ كان لونه أزرق... (إطلع يا ذكي يا رواية! :p ).
Rewayah
15-10-2003, 04:34 PM
ليش 99.9 % من العلماء كانوا من جنب القدة قبل ما يكتشفوا اختراعاتهم ؟؟؟
من جنب القدة <===== ((يفهمها واحد حجازي أو مكاوي أو نجدي))((سعودي)) :D
والله كابتن فالكون ما عندي فكرة... :D
إنزين شو يعني "من جنب القدة"؟ :33:
Rewayah
15-10-2003, 04:37 PM
ممكن سؤااااااااااااااااااااااااااااااااااااااال
ليش بالأفلام البطل ما يخلص الرصاص بمسدسه و لو يتسبح بمطر رصاص ما يصير فيه شي
و ليش ما يتعور و الجرح يطيب بدقيقه ( اعنبو داره يكفخونه تكفخ و يشققونه و ما يصير فيه شي )
و لا و بعد اذا نط من فوق لما تحت ما يصير فيه
- لأنه فلم! (إطلع... هطلـــــــــــع يا خطير يا رواية! :biggthump ).
كخخخخخخخخخخخخخخخخخخخ
Rewayah
15-10-2003, 04:39 PM
س: ليش الكابتن ماجد لين يه بيشوت ضربته المقصّية (دبل كيك) يقعد نص ساعة في الجو؟؟ :06:
لا وساعات تخلص عليه الحلقة واهوه ليحين فوق؟؟ وساعات يروح بيتهم وينام وهو ليحين فوق :33:
سؤال محيّر فعلاً :reporter:
- لأنه لاعب خارق للعادة! :p
عيل بالذمة شوته تطلع لكم صقر؟ :p <== واحد أهبل!! :D
أميرة الخيال
15-10-2003, 08:27 PM
هههههههههههههههههههههههههههههههههههههههههههههههههههههههههههههههههه
جوابك الأخير ضحكني خخخخخخخخخخخخخخخخخخخخخخخخخخخخخخخخخخ :biggthump
عيل بالذمة شوته تطلع لكم صقر؟
ههههههههههههههههههههههههههههههههههههههههه
orange road
16-10-2003, 03:34 PM
ههههههههههه حلو الموضوع
طيب انا عندي سؤال...
ليش في الالعاب وبعض الانيميات لما يموت الزعيم الشرير اخر شي كل معاونيه ورجاله اللي كانوا تارسين الدنيا يختفون مرة وحدة
وتلقى الابطال يطلعون من المكان وما في شي يعترضهم... اللهم الا اذا كان المكان يتفجر اخر شي وكأن المعاونين والمكان مرتبيطن بالزعيم، وحياتهم انتهت مدام هو انتهى... :06:
:o فهمتوا شي
ههههه موضوع جميل :D وأسئلة أحلى!!
والله سؤالج يا خلود كان ببالي من زمان!!
نفس التفكير , كيف يختفون الأعداء الثانيين مره وحده؟! :tongue2:
انا كنت اقول بخاطري ...
يمكن لأن الزعيم واللي هو البوس أو الوحش الأخير , بالعادة يكون اقوى وحش باللعبة!!
فاذا مات!! الوحوش الثانيه تهرب من الخوف وتختفي!! (الله أعلم وين تروح هههه )
لأنه مادام الزعيم اللي هو قدوتهم واقوى واحد فيهم مات!! فأكيد راح يهربون الثانيين!! , لأن الاشرار بالعادة جبناء... :tongue2:
قمت أتفلسف :tongue2:
Miss_kimino
16-10-2003, 06:56 PM
ههههههههههههههههههههههههههههههههههههههههههههههههههههههه
معاج حق خلود ..هالسؤال دايما يدور ببالنا !!!
هههههههههه النهاية مثل خبيصة الأفلام الهندية.... تستوي أشياء انا و خواتي نسميها ((سبحان الله)) يعني معجزات ما تدرين كيف ..بقدرت قادر.. :09:
فاذا مات!! الوحوش الثانيه تهرب من الخوف وتختفي!! (الله أعلم وين تروح هههه )
:tongue2:
هههههههههه
صح أنا مع فكرة ريكس :tongue2:
Neo Cid
17-10-2003, 03:13 AM
هههههههههههههههههه
موضوعك رائع و شيق يا رواية كعادتك ..
أسألتك بجاوب عليها بوقت أفضى لها.. بس الحين عندي سؤال لك عالطاير ..
هل صحيح أن رسوم الأنمي و المانجا مخالفة للواقع المجتمع الياباني 180 درجة من حيث الشكل و هالأمور ؟ .. :أفكر:
Rewayah
17-10-2003, 08:55 AM
ليش في الالعاب وبعض الانيميات لما يموت الزعيم الشرير اخر شي كل معاونيه ورجاله اللي كانوا تارسين الدنيا يختفون مرة وحدة
وتلقى الابطال يطلعون من المكان وما في شي يعترضهم... اللهم الا اذا كان المكان يتفجر اخر شي وكأن المعاونين والمكان مرتبيطن بالزعيم، وحياتهم انتهت مدام هو انتهى... :06:
بسيطة.
مثل ما قال ريفليكس!
لأنه الزعيم الأخير كان مزيغنهم تزييغ. :09:
ويوم مات تلقينهم مستانسيــــــــــــــــن.
أنا أتوقع إنهم أول ناس *يحتفلون* بموت رئيسهم, حتى قبل الأبطال. :D
والدليل؟ :o
أنتي تشوفين ألعاب الضرابة كيف البطل ولا البطلة يكفخون لهم أربعين ولا ستين واحد قبل لا يوصلون للزعيم!!
في بالج هالحرامية كلهم مب خايفين طول الوقت ويفكرون *هالجبروت* شو قاعد يسوون فيهم؟!؟! :D
يعني نتوقع ما *بيحتفلون ويلبسون زعابيط* يوم بوسهم ولا زعيمهم بيموت؟!؟! :D
كخخخخخخخخخخ
هل صحيح أن رسوم الأنمي و المانجا مخالفة للواقع المجتمع الياباني 180 درجة من حيث الشكل و هالأمور ؟ .. :أفكر:
بديهي! ^^"
أشكالهم "جنوب شرق آسيا" أساساً! (أنا ما قاعد أعيّب! :o ).
بس على فكرة, بعض أعراق المغول فيهم جمال مختلف.
أنت شفت مغنية فاينال فانتاسي أكس 2؟؟
طبعاً هاي حاله نادرة! :D
وفيه الكثير من اليابانيي أنوفهم سيوف مثل العرب... ومو مفلطحة مثل الفلبينيين ولا الصينيين. :)
أما الواقع؟؟ :أفكر:
يعني بالذمة نيو سيد, راح تشوف واحد ياباني عليه طول ‘هومارو‘ وعضلاته؟ (ساموراي شوداون "سبيريتس").
ولا جمال ‘شن لي‘ وخشمها الصغير؟ :D
بعيده!
لكن أتوقع في بنات بجمال يونا وريكو مثل ما سمعت... أو قريبين منهن. :أفكر:
لكن سؤالي نيو سيد...
ليكون إنت كنت حاط في بالك في كل مرة تشوف فيها أنيماي ولا لعبة, إنه هذي هي أشكال اليابانيين حقيقةً؟ :D
وإنه شعرهم أخضر وأحمر وأزرق؟؟ :D
ههههههههههههه ^^
تدري ليش؟ لأنه فعلاً في ناس كانوا أمفكرين جذيه! @@
C.Falcon
17-10-2003, 11:03 PM
لا أحد يغلط على اليابانيين ... تراهم قرايبي بالحسب و النسب :D <=== خراااااط
بالنسبة لكلمة (( من جنب القدة))
معناها فاشل في كل شي ....... إلخ
Rewayah
18-10-2003, 09:02 AM
لا أحد يغلط على اليابانيين ... تراهم قرايبي بالحسب و النسب :D <=== خراااااط
بالنسبة لكلمة (( من جنب القدة))
معناها فاشل في كل شي ....... إلخ
عاااهااا! :D
من جنب القدة يعني خبلة! :p
خبلة = فاشل في كل شيء. :reporter:
زين زين عيل! :D
lalaru
18-10-2003, 01:17 PM
تدري ليش؟ لأنه فعلاً في ناس كانوا أمفكرين جذيه! @@
أنا من هالناس و انصدمت يوم عرفت الحقيقة المرة ... كنت حاطة في بالي أخذ شان مكابي من رسوم رانزي.. بس ما صار لنا نصيب :laughing: ... hahahahahahahaha
اي يا بطني ما أروم أضحك زيادة .... :laugh2: يا حليلي
طيب اوكي ...
مادام اشكالهم جذيه!!
ليش رسوماتهم تكون العيون فيها واسعه !! والخشم صغيييييير مره!!
أو مش مفعوص عند الشخصيات ؟؟
ووو ليش البطل يكون حلو شكله دوم :33: ؟؟؟؟؟؟؟
خاطري اشوف بطل بشع لآخر درجة!! هههههههه
ووووو سلامتكم :tongue2:
Hard Rock
18-10-2003, 05:34 PM
خاطري اشوف بطل بشع لآخر درجة!! هههههههه
آنه بعد خاطري أشوف بطل بشع ههههههههههههه
وعلى فكرة .. اليابانيين يرسمون شخصيات عيونهم كباااااااااااااااااار ويفترضون إنهم يابانيين
لأنهم محترّين ليش إن عيونهم بالأصل صغاااااااااااااااار ههههههههههههههههههههههه :jester:
Miss_kimino
18-10-2003, 06:24 PM
هههههههههههههههههههههههههه الحمدالله إنا نحن عرب @ @
أميرة الخيال
18-10-2003, 06:52 PM
هههههههههههههههههههههههههههههههههه
هارد روك تعليقك يضحك ههههههههههههههههههههههههههه
اي و الله صح يا مسس كيمونو الحمدلله ان احنا عرب ;)
orange road
19-10-2003, 12:54 AM
ترى في يابانيات حلوات
^^ مدرستي اليابانية يوكو تشبه يونا في فاينال فانتاسي 10 وترى هي طويلة على فكرة مب قصيرة هههههههههههههههههه
بعد هي قالت لي ان اليابانيين في طبعهم البخل :31: ومب رومانسيين وايد..
وتقول ان يمكن هم يسوون قصص وايد رومانسية علشان يعوضون النقص اللي فيهم...
:o اما عن لون الشعر ترى فيه عندهم ناس شعرهم وردي واخضر وازرق.. لأنهم يحبون يصبغون شعورهم بهالالوان الغريبة ^^
Rewayah
19-10-2003, 08:57 AM
بعد هي قالت لي ان اليابانيين في طبعهم البخل :31: ومب رومانسيين وايد..
تحطمت... ><
عيل ما بتزوج يابانية. :( <== كان جاد!!!
وما خفي كان أعظم... ><
الله يستر.
-][HaNa Sun][-
19-10-2003, 10:02 AM
حلو موضوعك روايه و فيه معلومات مفيده :proud5:
بس أعتقد لو سمعنا اي معلومه عن اليابانين لازم ما نعممها على الكل :33: لان مب بس الانيمي الياباني فيه رومانسيه حتى أفلامهم و الدراما اليابانيه ..يعني حالهم من حال الاجانب :أفكر:
المهم سؤالي هو؟؟
ليش كبمارو اللي في نينجا المغامرمهما كلى من اكل ما يشبع و لا يمتن؟؟؟؟
ليش رانزي الساحره لازم تاخذ فلفل عشان ترد لشكلها الحقيقي؟؟؟
ليش كينشن دايما" يقول أروأروأرو إذا تفشل او شي صار له؟؟
بس هذا اللي عندي ألحين :D
orange road
19-10-2003, 12:37 PM
عيل ما بتزوج يابانية. <== كان جاد!!!
يا حليلك يا رواية...
ترى مدرستي اليابانية تقول ان ودها لو تتزوج خليجي... من كثر ما تقول ان اليابانيين فيهم بخل... :31:
وتراها تمدح في الخليج وايد ^^ وتقول ان اكثر شي عجبها هني الناس انهم كرماء ويعينون الواحد لما يحتاج والأمان..
ليش كبمارو اللي في نينجا المغامرمهما كلى من اكل ما يشبع و لا يمتن؟؟؟؟
وانا معاج في هالسؤال...
وسؤالي هو ليش يخلون الابطال في الانيمي يحبون الاكل وياكلون بالهبل ولا يمتون مولية
مثل كبمارو من نينيجا المغامر
وAko من مسلسل project Ako
ومياكا يوكي من فوشيجي يوجي
وجوكو من دراجون بال زي...؟؟؟؟ :33:
Hard Rock
19-10-2003, 05:57 PM
ليش كبمارو اللي في نينجا المغامرمهما كلى من اكل ما يشبع و لا يمتن؟؟؟؟
يمكن الأكل ببلاش :D .. أو يمكن المخرج مايعطي كبامارو معاشه كامل ، علشان شذي
كبامارو ياكل كل الأكل اللي في الشغل ههههههههههههههههههههههههههههههههههه :jester:
Sma-Almaqdesy
19-10-2003, 08:04 PM
طب ليش الشخصيات في الرسوم :hmmmm2:
بتضلها لابسة نفس الأواعي :dead1: من الحلقة الأولى ............. للحلقة الأخيرة
ليش؟؟؟؟؟؟؟؟؟؟ :hmmmm:
orange road
20-10-2003, 12:03 AM
السلاح الخفي ^^
هم ما يلبسون نفس اللبس...
هم عندهم خزانة مليانة كلها لبس نفس الموديل :09:
GM Head
20-10-2003, 02:49 AM
1- ليش لون جونكر أزرق وأحمر؟ :أفكر:
- لأن المخرج مو كان قادر يخلط من الونيين ليكون البنفسجي.
2- ليش لون البطل ولا قائد المجموعة في كرتونات ولا مسلسلات السينتاي (مثل باور رينجرز) أحمر؟ :أفكر:
-بيقول للأعداء "come and get me first"
3- شو من المانجا يالس تقرأ الحين؟
- Eye sheild 21
4- بتتعلم الرسم ولا لأ؟ http://www.handykult.de/plaudersmilies.de/pissed.gif
وليييييييييييييش؟؟؟ :o
-إي .......لنه من ظروريات ثقافتنا المعاصرة
5- شو رايك في منتدانا؟ ^^
- من اكثر المنتديات هدوءاً
6- أبغي أعرف... لييييش دوم زر التفجير في الكرتون واللي يمكن يطلق قنبلة الدمار الشامل ولا السلاح الفتاك الخطير لونها أحمــــــــــر؟؟
وعووودة (كبيرة)؟
ودويرية؟
وروحها معزولة عن باقي الأزرار في وسط لوحة المفاتيح؟
ليش؟ :o
ومرات عليها جمجمة؟
ليش؟ @@
- علشان البطل الغبي لا يضيع الزر قبل ما يذبحة الأعداء في الوقت المناسب.
7- ليييييش المدمرين اللي في مسلسل جونكر دوم مرقمين من واحد لين أمية بأرقام أرضية؟ :argh:
رغم إنهم من الفضاااااااء؟ :argh:
- على قولة علماء النجوم "الرياضيات لغة كونية".
8- ليش اليابانيين مجلات المانجا مالهم اللي من النوع المتين واللي فيها مانجا منوعة مثل مجلة كورو كورو كوميك, شونين آيس, شونين جاندان, ألترا جامب, شوجو كوميك, ناكايوشي, أفترنون وغيرها وغيرها, كلها تصل عدد صفحاتها للثمانمية وفوق؟!؟! :argh:
هااا؟ قولو لي؟ :argh:
كيف بنوازيهم؟!؟! :cray:
-لأن الورق عندهم رخيص و تنوع الرسامين (جذي راح تقهرني).
9- ليش أنا لين ألحين ما خلصت كوميكي اللي طوّل (مال موضوع تحدي القراصنة)... قرصنهم برق؟ :(
-don't ask me
10- وليش قاعد تجاوب على الأسئلة؟
-it's kinda fun to answer:cool:
Ranma Saotome
20-10-2003, 03:12 AM
ههههههههههههههههههههه موضوع عجيب..
في اسئله توهق مالها جواب :bigeyes:
اوكي انا عندي كم سعال..
ليش اليابانيين وايد يحطون في الانيمي cross dresser؟!! :06:
ليش دايما في الانيمي البطل يحب الشخصية الرئيسيه من البنات؟ ليش مايحب شخصيه ماتطلع الا شوي؟ والمشكله دايما الواحد اول مايشوف الانيمي يعرف ان هالشخص في النهايه بيحب هالبنت؟ it's boring like this
ليش رانما is such a jerk ومايعرف أي شي في مشاعر البنات؟
ليش كل مسلسلات روميكو مثل رانما و اينوياشا و ياتسورا و غيره كلها توصل ال100 حلقه؟
لحظه هالموضوع اسمه اسئلة للضحك.. اوه اوكي
مثل سؤال الملابس.. ليش كله شخصيات الانيمي من اول مايولدون عندهم نفس تسريحة الشعر؟
ليش البنت الدلوعه هي اللي تكون غنيه؟ وتكون هي الغبيه؟ وتكون هي المسخره؟ و كله حاطينها نكته
و البطل كله كوول ومافي مثله.. (الا فاش مسخره ههههههههههه)
Rewayah
17-11-2003, 07:57 PM
7- ليييييش المدمرين اللي في مسلسل جونكر دوم مرقمين من واحد لين أمية بأرقام أرضية؟ :argh:
رغم إنهم من الفضاااااااء؟ :argh:
- على قولة علماء النجوم "الرياضيات لغة كونية".
أضحك إجابة!! :p ههههههههههههههه
ليش اليابانيين وايد يحطون في الانيمي cross dresser؟!! :06:
- لأنه يمكن هالحركات شايعة عند شبابهم مؤخراً؟؟ :33:
فيكي: لأنهم مب مسلمين! http://www.handykult.de/plaudersmilies.de/yellows/a_smil17.gif
رواية: حلفي... !! http://www.handykult.de/plaudersmilies.de/yellows/dozey.gif
ليش دايما في الانيمي البطل يحب الشخصية الرئيسيه من البنات؟ ليش مايحب شخصيه ماتطلع الا شوي؟ والمشكله دايما الواحد اول مايشوف الانيمي يعرف ان هالشخص في النهايه بيحب هالبنت؟ it's boring like this
Would I agree... ^^
والبطل دوم يطنشها وبعدين يحبها... هالبطلة المعروفة إن إهي حبيبت القلب...
وأونه يسوي عمره ما يكترث... يا حب اليابانيين لهالدراما العتيجة... ><
سمعت إنه في بطلة إسمها سيموني فنقشت في مسلسل هزيم الرعد يا رانما؟! ^^
مرحاااااااااااااااااااااااا
ما بغوا؟؟؟؟؟؟؟؟ @@
ليش رانما is such a jerk ومايعرف أي شي في مشاعر البنات؟
- لأنه أونه يعني مشغول بأمور أهم, بس لا يهمك, أصلاً رانما يموت في كل وحدة منهم, سواء أكانيه ولا شامبو أو غيرهن! @@
بس هو ما يبغي يعترف!!
ليش كل مسلسلات روميكو مثل رانما و اينوياشا و ياتسورا و غيره كلها توصل ال100 حلقه؟
- عشانها روميكو هي الفنانة الفاهمة العدلة اللي مو المسخرة واللي تحب شخصياتها وقصصها من قلب! ^^
مب مثل الباجين اللي بس فاضين يسوون لنا أفلام قصصية قصيرة... وأولهم حبيبي ساتوشي يوروشيهارا الغبي. ><
لحظه هالموضوع اسمه اسئلة للضحك.. اوه اوكي
مثل سؤال الملابس.. ليش كله شخصيات الانيمي من اول مايولدون عندهم نفس تسريحة الشعر؟
- عشانه بيكون أسهل على الرسام رسمهم؟ ^^"
وعلى القراء أو المشاهدين متابعتهم؟ ^^"
خو بعد تدري إنه كل شخصيات الأنيماي والمانجا مشابهين... ><
في أغلب الضروف... @<
دام إنه أبوهم ساموراي وأمهم جيشا!!! ^^"
خايف والله مرة رسام كابتن ماجد يغير تسريحة ماجد ولبسة فيصير ياسين@<
ولا كلامب يغيرون ملابس وتسريحات شخصيات إكس فيتلخبطون مع شخصيات فيشيقي يوقي!! @@
هههههههههههههههههههه
خلهم أبوية على لبس واحد أبرك, لا نعور راسنا ولا نعور راس الرسامين. ><
وحتى لو قحّطت عليهم الثياب وقطنت! @@
ليش البنت الدلوعه هي اللي تكون غنيه؟ وتكون هي الغبيه؟ وتكون هي المسخره؟ و كله حاطينها نكته
و البطل كله كوول ومافي مثله.. (الا فاش مسخره ههههههههههه)
- مو هاي هي العادات والتقاليد اللي فتحنا عليها عيونا من أول ما عرفنا الأنيماي! ^^ هههههههههه
يمكن لأنه الدلال الزايد مخربنها هالغنية؟؟ :33:
والبطل لأنه دومة مال سكيك وحواري ومتعلم من السوق كيف يتعامل مع البنات (وهو مناك يلعب بذيله!!).
وعشان جذيه هو "يسوي" عمره كول وهادي...
ولا هو مناك أصلاً يبغي ينفجر ويقول للبطلة وغيرها: حبوني!! ضموني!! لا تخلوني!!! :D كخخخخخخخخخ
والبنات ينخدعون في "الكولينس" ماله!! ^^"
Rewayah
17-11-2003, 08:17 PM
ممكن سؤال؟
1- ليش نكون يواعة مووووت... وأول ما "نشوف" أكل الفطور نشبع؟؟ ><
2- ليش سبيس تون وايد عبيطة مع برنامجها الرمضاني ‘رالي الجرب‘؟؟؟ قصدي ‘رالي العرب‘؟؟؟؟ @<
3- ليش ثلاترباع مسلسل ‘الحريم‘ كله رمسة في الموبايلات... يا حياة الفهد ‘غنيمة‘ تكلم هذا وذاك على الموبايل ولا عبير الجندي ‘حصّة‘ تتصل بعد على الموبايل بأهلها وكله: "لحقوا علاااااااااي"!!!!!!! :12:
وكله (ألو فلان وألو علان)!! ><
شو؟؟ ماشيء أفكار مشاهد يديدة؟؟؟
4- ليش الوسط الإعلامي المصري رافع خشمة ومترفع على باقي العرب ولا يعرض أي مسلسل سوري على قنواته المتاحة؟؟
5- ليش موخراً كله نسمع ضرابات وجدال حول مسلسل ‘الحريم‘ أحلى من مسلسل ‘يوم آخر‘, ومسلسل ‘يوم آخر‘ أحلى من مسلسل ‘الحريم‘؟؟؟
ومسلسلا ‘الحيالة‘ و‘شمس القوايل‘ (بزوع - بس سميرة أحمد وطارق العلي يعرفون يمثلون...), مفرورين بحر ولا لهم طاري؟ ><
6- ليش ‘طب × مطب‘ مال عبدالناصر درويش مخرجه يبيله ضرب؟؟؟ @@
وليش ما سموه ‘إستفز× إستفزاز‘؟؟!! ><
7- ليش برنامج ‘قرقيعان‘ مال داوود حسين وحسن البلام صاير وايد ملخبط ومخلّط مؤخراً؟؟؟ ><
قصّة: ليش عيل بيسمونه ‘قرقيعان‘ فكرك؟ :o
Ranma Saotome
18-11-2003, 05:43 AM
هالللوووووووووووو رواية..
اييييييييييه والله جبت الاسئله العدله.. والله في كلام وايد في قلبي من هالمسلسلات المسخره اللي تنعرض الحين لكن ماعرفت وين اكتبهم..
1- ليش نكون يواعة مووووت... وأول ما "نشوف" أكل الفطور نشبع؟؟ ><
- اعتقد لأن لما يكون اكل الفطور جدامنا نعرف أن هالاكل كله الحين بيدخل في البطن و بينتفخ وكل شي فنحس بالشبع.. لكن مع ذلك.. هجوووووووووووووووووووووووووووووووووووووم..
2- ليش سبيس تون وايد عبيطة مع برنامجها الرمضاني ‘رالي الجرب‘؟؟؟ قصدي ‘رالي العرب‘؟؟؟؟ @<
- الحممممممممممدلله أني ماجوف سبيس تون أبدا.. هذي من أفضل النعم..
3- ليش ثلاترباع مسلسل ‘الحريم‘ كله رمسة في الموبايلات... يا حياة الفهد ‘غنيمة‘ تكلم هذا وذاك على الموبايل ولا عبير الجندي ‘حصّة‘ تتصل بعد على الموبايل بأهلها وكله: "لحقوا علاااااااااي"!!!!!!!
وكله (ألو فلان وألو علان)!! ><
شو؟؟ ماشيء أفكار مشاهد يديدة؟؟؟
- ههههههههههه لاحظت.. الظاهر لأن كان صعب عليهم ان يجمعون الممثلين في مشهد واحد.. الظاهر كانوا مشغولين و كل واحد يبي لنفسه وقت خاص للتصوير غير عن الباقي.. فأسهل شي مثلا عندهم تصوير اليوم يحطون فلانه تكلم اختها في الموبايل.. اليوم الثاني اختها فاضيه فيصورون المشهد نفسه..
4- ليش الوسط الإعلامي المصري رافع خشمة ومترفع على باقي العرب ولا يعرض أي مسلسل سوري على قنواته المتاحة؟؟
- والله مادري.. يمكن يخافون ان المصريين اذا شافوا المسلسلات السوريه يحبونها اكثر و يقطون مسلسلاتهم بحر.. اقصد نهر النيل..
5- ليش موخراً كله نسمع ضرابات وجدال حول مسلسل ‘الحريم‘ أحلى من مسلسل ‘يوم آخر‘, ومسلسل ‘يوم آخر‘ أحلى من مسلسل ‘الحريم‘؟؟؟
ومسلسلا ‘الحيالة‘ و‘شمس القوايل‘ (بزوع - بس سميرة أحمد وطارق العلي يعرفون يمثلون...), مفرورين بحر ولا لهم طاري؟ ><
- لأن الناس اغبياء و مغفلين و ذوقهم زفت ومايعرفون شي مع احترامي يعني.. هالمسلسلين من أسخف و أقبح المسلسلات و صج مالهم سالفه.. مسلسل الحريم والله لو شفته احسن بلوعه وكأني برجّع فكره غبيه و الممثلات اغبى و الرساله اللي يوصلها للمشاهدين مالها داعي.. و هالكلام كله ينبط على مسلسل يوم آخر أسخف مسلسل قطري في التاريخ.. لهجتهم مسخره مافي ولا ممثل يتكلم عدل والله جنه مسلسل بلوشي (no offence ppl).. الناس مستانسين على هذيلا خاصه الشباب لأن يتكلم عن خرابيطهم و تطليعاتهم والله ان اللي مايعرف شي في هالاشياء يفتحون عينه عليها.. و حتى لو كان هذا الواقع المفروض ماينشر جدام العالم كلهم.. صرنا مثل الاجانب و أسوأ.. صراحه هالسنه مافي أي مسلسل يستاهل المشاهده أبدا..
6- ليش ‘طب × مطب‘ مال عبدالناصر درويش مخرجه يبيله ضرب؟؟؟ @@
وليش ما سموه ‘إستفز× إستفزاز‘؟؟!! ><
- لأن عدّوا الخط الاحمر في معظم الحلقات و الظاهر نسوا ان في فرق بين الكوميديا و المسخره.. يتطنزون على طيبه و سذاجه بعض فئات الناس.. يبالغون في المقلب و هذا غير المشاهد اللي المفروض ماتنعرض..
7- ليش برنامج ‘قرقيعان‘ مال داوود حسين وحسن البلام صاير وايد ملخبط ومخلّط مؤخراً؟؟؟ ><
قصّة: ليش عيل بيسمونه ‘قرقيعان‘ فكرك؟
- هههههههه لاحظ أن كله ممثلين مافي حريم معاهم ابدا.. يعني لو يبون حد يمثل دور وحده يخلون واحد يتنكر (SICK).. اصلا داوود حسين خلصت الافكار اللي عنده حتى النكت نفسها ماتغيرت من سنين و الناس مللوا و زهقوا مافي شي يديد فقام يخلط..
orange road
18-11-2003, 09:13 AM
الله يغربل بليسكم على هالاسئلة
طلعتوا الموضوع من تحت طقاطيق الأرض.. قصدي المنتدى
طيب آنا عندي سؤال محيرني...
ليش الصبيان وهم صايمين يقعدون يحنون علينا طبخوا لنا الأكلة الفلانية والطبخة العلانية.. وانتوا ما تحطون لنا اطباق منوعة على الفطور.. واول ما يأذن المغرب.. تمرة ولبن وعلى المسيد وبعدين جدام التلفزيون.. والأكل اللي طحنوا جبدونا عليها ما يمسكونه؟؟؟
شي يبط الجبد >_<
ليش في المسلسلات الرمضانية الشخصيات اللي تبط الجبد ما تنطق.. مع ان لها مواقف لو اي واحد طبيعي فيها على طول بينط في ويه الشخصية وهات يا ضرب فيها؟؟؟؟؟
ليش ما سووا قطعة 13 هالسنة؟؟؟
ليش في مسلسل U turn في فقرة النشرة الجوية ياييبين هالممثل البليد اللي ما يعرف يتكلم حتى؟؟؟؟
ليش في المسلسلات القطرية يتكلمون لهجة خربوطة؟؟؟ فصحى على عامي على ما ادري شنو؟؟؟؟ من متى احنا لهجتنا جذي؟؟ اكا الكويتيين يتكلمون كويتي في مسلسلاتهم والكل يتابعها.. شمعنى احنا يعني؟
حد فيكم سأل نفسه وين راح الراوي هالسنة؟؟؟ :09: انا مب منهم
وين البنت اللي تقول (باروح السوق وباييكم)؟؟؟؟ وحشتنا هالسنة :biggthump
سمعنا عن مسلسلات جزء ثاني.. وافلام جزء ثاني.. اما مسرحيات.. هاي اول مرة اسمع عنها (جوفوا مسرحية ABC على الكويت)
تعبت.. اذا فكرت في شي ثاني باكتبه ^^
ملغلغ :09:
Ranma Saotome
18-11-2003, 09:33 AM
هااالووووووووو خلود..
حط لسانك في بؤك ولا حأطعهولك من لغاليغوه.. لووووووووووووووووووووووووووووووووووووووول
اسئله مثيره للاهتمام.. بحولها للأمم المتحده يمكن يرسلون مساعدات انسانيه للتلفزيونات الخليجيه الحلوه و الطيبه و المميزه واللي كل برامجها كشخه و تونّس..
1-ليش الصبيان وهم صايمين يقعدون يحنون علينا طبخوا لنا الأكلة الفلانية والطبخة العلانية.. وانتوا ما تحطون لنا اطباق منوعة على الفطور.. واول ما يأذن المغرب.. تمرة ولبن وعلى المسيد وبعدين جدام التلفزيون.. والأكل اللي طحنوا جبدونا عليها ما يمسكونه؟؟؟
- هالكلام ماينطبق علي :cool: هعهعهع أولا لأن ماطلب شي لأن ادري لو طلبت شي مب ماكله.. و ثانيا لووو حصل ان طلبت شي مايسوونه لي اصلا :p ههههههههههههههههههه.. جوفي اذا طلبوا منج شي لاتسوينه و سفهي لهم كم يوم بعدين صدقيني لو سويتيه بياكلونه كله.. (مجرب ترى)
2- ليش في المسلسلات الرمضانية الشخصيات اللي تبط الجبد ما تنطق.. مع ان لها مواقف لو اي واحد طبيعي فيها على طول بينط في ويه الشخصية وهات يا ضرب فيها؟؟؟؟؟
- يعني تقولين ان تبين ضرب اكثر في المسلسلات :bigeyes: اكثر من جذيه مافي.. صح كلامج هالشي حاصل لكن ياريت بس على هذي.. المسلسلات من أولها لين آخرها كلها خرابيط..
3- ليش ما سووا قطعة 13 هالسنة؟؟؟
- أعتقد هالسنه بدلوه بـU turn.. و بصراحه قطعه 13 الجزء الاول مافي مثله اما الباقي مب حلوين فأحسن ان ماسووه.. و اشوف ان U turn واايد حلو ويستاهل يكون بدال قطعة 13.
4- ليش في مسلسل U turn في فقرة النشرة الجوية ياييبين هالممثل البليد اللي ما يعرف يتكلم حتى؟؟؟؟
- هههههههههههههههههههههههههههههههههههههههههههههههههههه امس طول الوقت انا والاهل نتطنز عليه ههههههههه مايكمل كلامه.. حتى بسم الله الرحمن الرحيم مايقولها عدل.. حاطينها بس جذيه حق المسخره هههههههههههههههههههههه والله بليييييييييييد.
5-ليش في المسلسلات القطرية يتكلمون لهجة خربوطة؟؟؟ فصحى على عامي على ما ادري شنو؟؟؟؟ من متى احنا لهجتنا جذي؟؟ اكا الكويتيين يتكلمون كويتي في مسلسلاتهم والكل يتابعها.. شمعنى احنا يعني؟
- أخ أخ ضربتي الوتر.. لو بديت اتكلم عن هالموضوع مب ساكت.. جفتي شلون يتكلمون :bigeyes: كلام رايح فيييييييها يحطون كلمات فصحى و يركبونها على عامي.. و كل المسلسلات القطرية جذيه و يرقعونها لأن لهم قرايب من خارج قطر.. they make me sick.. ولا واااحد يتكلم عدل.. حاطين لنا باكستانيه و مصريه و جنسيات ثانيه في المسلسل.. حتى اللي المفروض هالقطر كلامهم رايح فيها.. كله من المؤلفه أكرههااااااااا.. والله فششششلللللله الناس يحسبون ان كلامنا جذيه.. ومثل ماقلتي اجوف المسلسلات الكويتيه كلامهم عدل و احنا كتاب الحوار يخربون كلامنا الله يخرب عيشتهم.. خلني ساكت بس.. ويييين غانم السليطي.
6- حد فيكم سأل نفسه وين راح الراوي هالسنة؟؟؟ انا مب منهم
- هههههههههههههههه انا لأ.. والله كانت سوالفه حلوه.. خلاص خلصت سوالفه اصلا.
7- وين البنت اللي تقول (باروح السوق وباييكم)؟؟؟؟ وحشتنا هالسنة
- ايييييييييييييييه يحلييييييلها والله تهبل.. ( اعرفها :cool: ) الواحد مايفر عن قناة قطر بس عشان يجوفها.. ولا عاد و عليها الملفع عجييييييييييبه الله يخليها لأهلها.
8- سمعنا عن مسلسلات جزء ثاني.. وافلام جزء ثاني.. اما مسرحيات.. هاي اول مرة اسمع عنها (جوفوا مسرحية ABC على الكويت)
- صراحه مب مستغرب أبدا.. تدرين ليش؟ لأن حتى لو غيروا الاسم بتبقى المسرحيه نفس الفكره و نفس الحركات و الاهداف.. معظم مسرحيات الاطفال الحين نفس الشي يعني مسرحيه وحده ولها 50 جزء ههههههه والله حاله.
انا ماعندي اسئله الحين.. لكن deep اكيد في بلاوي..
orange road
18-11-2003, 09:45 AM
هههههههههههههه رانما يا حليلك ^^
واللخ جاوبت على الاسئلة...
عندي بعد.. طلعتهم الحين هههههههههههههه
ليش اول ما يبتدي رمضان على طول يبتدي القمار على القنوات الفضائية بمسمى المسابقات..
ولما تقول حق الناس هاي حرام يقولون لك هاي مسابقات وحلال.. مع انها قمار.. انت تدفع فلوس على الاشتراك يا تفوز يا ما تفوز...
ليش يسمون خيم المسخرة في رمضان خيم رمضانية مع ان ما فيها شي من ريحة رمضان؟؟ كلها رقاصات وشيش ومسخرة؟؟؟؟
(وحدة من خواتي عبالها ان الخيم الرمضانية يعطون فيها دروس دينية ويسوون حلقات ذكر.. كان خاطرها تروح.. جفتوا البراءة؟؟؟؟ وبعدين لما عرفت الموضوع استغربت.. وقالت ليش يسمونها رمضانية عيل؟؟؟)
عبوط.. طلعت تعرف البنت ام البخنق ^^ يا حليلها..
الله يخليها لأهلها... كانت محلية الشاشة السنين اللي فاتت
وانا معاك واقول.. وين ايام فايز التوش المسلسل اللي على الامكانيات البسيطة والديكور البسيط الا ان قصصه كانت في الصميم وانتقاداته روعة (ترى عندي الحلقات القديمة واجوفها)
Ranma Saotome
18-11-2003, 10:06 AM
يحليلي فاضي ماوراي شغل :cool: موووتوووا حره ياللي للحين عندكم دوام..
1- ليش اول ما يبتدي رمضان على طول يبتدي القمار على القنوات الفضائية بمسمى المسابقات..
ولما تقول حق الناس هاي حرام يقولون لك هاي مسابقات وحلال.. مع انها قمار.. انت تدفع فلوس على الاشتراك يا تفوز يا ما تفوز...
- الحال صعب... المسابقات هي نفس اللي في الجريده تجوفين الملحق الاسلامي و اسئلة المسابقات فيها.. هذي مسابقات صج.. لكن الناس مايعرفون.. ياااما مشايخ قالوا أن حرام لكن الناس مايسمعون أول مايجوفون 6 اصفار يطير عقلهم.. احتمال انه يفوز هو 1 من مليون.. مثل القمار.. الواحد لازم يراويهم فتوى تحرم هالمسابقات عشان يفهمون و اذا مافهموا احنا سوينا اللي علينا و الاجر على الله.
2- ليش يسمون خيم المسخرة في رمضان خيم رمضانية مع ان ما فيها شي من ريحة رمضان؟؟ كلها رقاصات وشيش ومسخرة؟؟؟؟
(وحدة من خواتي عبالها ان الخيم الرمضانية يعطون فيها دروس دينية ويسوون حلقات ذكر.. كان خاطرها تروح.. جفتوا البراءة؟؟؟؟ وبعدين لما عرفت الموضوع استغربت.. وقالت ليش يسمونها رمضانية عيل؟؟؟)
- يحليلها اختج :) والله كلامها صح و تفسير منطقي لمصطلح خيمة رمضانية.. والله مثل ماقال شيخ مصري.. "دي اسمها خييييبه مش خيمه".. هالاشياء موجوده على مدار السنه الرقص والشيشه والمسخره لكن في رمضان الزياده أن يحطون خيمه و لأن احنا في شهر رمضان فيطلقون هالاسم عليها.. لكن لو هالشي حاصل مثلا في وقت الكريسمس بيسمونه خيمة راس السنه.. المشكله التسميه أن يربطون اسم شهر رمضان المبارك بهالمسخره اللي تصير.. زين سموها خيمه ترفيهيه او whatever..
انا عندي اسئله مادري من وين طلعوا..
1- ليش رواية قام برفع هالموضوع ههههههه؟
2- من اول 3 أشخاص تبارك لهم بالعيد؟
3- في حد للحين يعطيك عيديه؟
4- انا ماشفت مسلسل العمه نور الا 5 دقايق منه.. ليش شسمها الممثله كلامها مكس عربي و انجليزي حتى ولو دارسه فأمريكا.. مره وحده الا كلمها انجليزيه في الوسط مالها أي دخل.
5- ههههههههههههههههه ليش حليمة بولند تتكلم بالفصحى في برنامج المسابقات مع المذيع هذاك؟ والله تذبح من الضحك الكل يتلكم عادي الا هي بالفصحى مادري شالمعنى.
6- في مره وصلتك رساله خاصه عبيطه او غبيه او تقهر من عضو ماتعرفه ابدا؟
orange road
18-11-2003, 10:16 AM
يحليلي فاضي ماوراي شغل موووتوووا حره ياللي للحين عندكم دوام..
:12: انزين يا عبوط... اراويك
اسئلتك حلوة ^^
هههههههههههههههههه
- ليش رواية قام برفع هالموضوع ههههههه؟
تلقاه متملل... ويبي يضحك شوي (اليوم الصبح انا وانت اللي ماسكين الموضوع)
2- من اول 3 أشخاص تبارك لهم بالعيد؟
امي وابوي ويدتي (الله يخليهم ويدول في اعمارهم) قولوا آمييييييييييييييييين
3- في حد للحين يعطيك عيديه؟
والله كانوا الاهل يعطوني عيدية لحد ما اشتغلت وبعدين خلاص.. ما عاد حد يعبرني
لكن انا ما اعطي عيادي .. نياهاهاااااااااااا
4- انا ماشفت مسلسل العمه نور الا 5 دقايق منه.. ليش شسمها الممثله كلامها مكس عربي و انجليزي حتى ولو دارسه فأمريكا.. مره وحده الا كلمها انجليزيه في الوسط مالها أي دخل.
علشان تراويك انها مثقفة وايد وتعرف انجليزي .. انت مثلا.. تقدر تنطق يس ونو مثلها؟؟؟؟
والقهر انهم يراوونك انها فاهمة في الدين وبتعرف ربنا كويس..
وفي مقطع تقول انها اشتغلت بوليس سري في امريكا ثلاث سنوات لان ما كانش في شغل
(ترى ما اجوف المسلسل... اجوفه السيارة لما ارجع البيت مع الوالد ونقعد نتطنز عليها وعلى تمثيلها المسخرة)
5- ههههههههههههههههه ليش حليمة بولند تتكلم بالفصحى في برنامج المسابقات مع المذيع هذاك؟ والله تذبح من الضحك الكل يتلكم عادي الا هي بالفصحى مادري شالمعنى.
خايفة تغلط مرة ثانية وتقول (وايااااااااااه.. آبي أومي.. آبي أبويا.. آبي خدامتنا ودريولنا.. ما أقدااااااار)
6- في مره وصلتك رساله خاصه عبيطه او غبيه او تقهر من عضو ماتعرفه ابدا؟
ممممممممممممممممم ههههههههههههههه اذكر اول ما زاكس دخل المنتدى طرش لي على الخاص رسالة كاتب فيها كركركر اني قادم...
وما كنت اعرف من هاي ولا شسالفته... عبالي واحد يستعبط...
اسألة...
والله كان في بالي بعد اسألة..
اوهو.. اول ما اتذكر زيادة على طول باكتبهم ^^
Rewayah
18-11-2003, 02:54 PM
رانما حتى إنت لاحظت كثرة الرمسة في الموبايلات في مسلسل ‘الحريم‘؟؟ ^^
تفسيرك بخصوص تصوير المشاهد وايد منطقي ومضحك!!
ليش الصبيان وهم صايمين يقعدون يحنون علينا طبخوا لنا الأكلة الفلانية والطبخة العلانية.. وانتوا ما تحطون لنا اطباق منوعة على الفطور.. واول ما يأذن المغرب.. تمرة ولبن وعلى المسيد وبعدين جدام التلفزيون.. والأكل اللي طحنوا جبدونا عليها ما يمسكونه؟؟؟
شي يبط الجبد >_<
- لأنهم يوم وقت الصيام يواعة ومشتهين كل شيء؟!؟!
بس أول ما يفطرون على التمرة ويشوفون الأكل... يشبعون...
هههههههههه صار نفس سؤالي... ^^
ليش في المسلسلات الرمضانية الشخصيات اللي تبط الجبد ما تنطق.. مع ان لها مواقف لو اي واحد طبيعي فيها على طول بينط في ويه الشخصية وهات يا ضرب فيها؟؟؟؟؟
- نفس النقطة اللي كنت أفكر فيها وايد!! @@
ليش ما سووا قطعة 13 هالسنة؟؟؟
- لأنه الرسم صعب بالنسبة لهم ويمكن ملوا؟!؟! @@
ليش في مسلسل U turn في فقرة النشرة الجوية ياييبين هالممثل البليد اللي ما يعرف يتكلم حتى؟؟؟؟
- يو تيرن؟؟؟؟
ما عرفه! @<
ليش في المسلسلات القطرية يتكلمون لهجة خربوطة؟؟؟ فصحى على عامي على ما ادري شنو؟؟؟؟ من متى احنا لهجتنا جذي؟؟ اكا الكويتيين يتكلمون كويتي في مسلسلاتهم والكل يتابعها.. شمعنى احنا يعني؟
- خلود يمكن هذا "سيلف كونشس"!!! ^^
يعني إنتو متوترين كون إنه المسلسل قطري ففي بالكم الناس بيفكرون إنه هاي لهجة القطريين! @@
لكن حقيقةً كلنا نعرف إنه المسلسل فيه ممثلين من كل الخليج. ^^
فعادي ندري إنه هذا قطري وهذا بحريني, وهاي لهجة كويتيتة وذيك سعودية!! ^^
أنا لو رمست وياكم إماراتي يمكن حد منكم ما بيفهم عليه شو يالس أقول! @<
أما البلوشية والـgـراشية اللي نوه لها رانما, فأنحسبها في المسلسل منخشة مني ومني! @@
هههههههههههههه
بس يالله نمشي حوار الممثلين!! ^^
زين إلا يوم بدأوا يجتمعون في مسلسلات وحدة.
(إلا رانما, قلت إنه في ممثلة ‘باكستانية‘ في المسلسل؟؟ @@
من هي؟ أي وحدة فيهم؟؟ ههههههههه).
أما يا أورانج رود مسألت إنه بعض الممثلين يرمسون فصحى... أم مخلط فصحي محلي... فأعتقد السبب...
إنه يمكن عندهم شوية كونشيسنيس حول إنه بعض المشاهدين مو خليجيين ويمكن سوريين أو مصريين...
فيخففون من حدة اللهجة بشوية فصحى عشان التفاهم... ههههههههه مجرد تخمين! @@
حد فيكم سأل نفسه وين راح الراوي هالسنة؟؟؟ :09: انا مب منهم
- أي راوي؟؟؟
وين البنت اللي تقول (باروح السوق وباييكم)؟؟؟؟ وحشتنا هالسنة :biggthump
الله يردها لكم!! ^^"
ما عرفها!! ><"
سمعنا عن مسلسلات جزء ثاني.. وافلام جزء ثاني.. اما مسرحيات.. هاي اول مرة اسمع عنها (جوفوا مسرحية ABC على الكويت)
خلود أعتقد إنه الكويتيين حنوا لمسرحياتهم الجديمة الخاصة بالأطفال, وخصوصاً المسرحيات اللي كان فيها عبدالرحمان العقل وهدى حسين وغيرهم...
شي حلو إنهم يردون لها! ^^
بس بإبتكار مو بتكرار!! @@
بنصبر وبنشوف... <== (يشتري المسرحيات الكويتية كلها!).
Tonberry
18-11-2003, 04:19 PM
I'm a bit moody+I don't have a TV here, so I'll only answer what I feeel I like to
- في حد للحين يعطيك عيديه؟
wlla ana law arja3 el emarat e*7wani be9eedoni o be*7aloni ana adfa3 lehom
ليش ما سووا قطعة 13 هالسنة؟؟؟
gareebah kan fee da3ayat lain Qit3a13 3
ليش الصبيان وهم صايمين يقعدون يحنون علينا طبخوا لنا الأكلة الفلانية والطبخة العلانية.. وانتوا ما تحطون لنا اطباق منوعة على الفطور.. واول ما يأذن المغرب.. تمرة ولبن وعلى المسيد وبعدين جدام التلفزيون.. والأكل اللي طحنوا جبدونا عليها ما يمسكونه؟؟؟
he3 he3 he3
ليش كينشن دايما" يقول أروأروأرو إذا تفشل او شي صار له؟؟
so2al qadeem bas 3asahn 3endi el-ejabah bajaweb----Areh (etha kanat elkelmah elmaq9oodah) ma3naha methel ma ngool bel3arabi(yel3an)aw tabban belfu97a
Ranma Saotome
19-11-2003, 08:12 AM
هلاو لو<<< كيتي
رواية شكلك مالك في التلفزيون ابدا.. الظاهر كله حاط على سبيس تون :p
1- ليش فيديو كليبات العرب هالايام كلها رقص و خرابيط و اشياء مالها دخل في الاغنيه ابدا؟ عقد نفسيه ولا شسالفه؟
2- تخيل هالموقف معاي... تمشي بسيارتك في بلد اجنبي و في نقطة تفتيش.. الشرطي ياخذ الرخصه و ملكية السيارة يشيّك عليهم، مكتوب فيهم "دولة قطر" و لوحة السيارة "قطر".. بعدين يسأل بكل شسمه "انت من قطر؟"........................................ لو انت في هالموقف شبتسوي؟
3- في المسلسلات الكويتيه وايد اييبون طاري الصلاة والعبادة.. المسلسلات القطرية مايابوا طاري الصلاة كلش.. لايكون نصارى و أنا مادري؟؟
4- شفتوا المسلسل المصري اللي تمثل فيه عبلة كامل و كله عن النصارى و يطلعونهم في الكنايس و بلاوي متلتله وايد... شالهدف من المسلسل؟ إرضاء ماما أمريكا؟
5- اذكر اكثر من صنفين من أنواع الاكلات اللي تكون موجوده على سفرة الفطور عندكم.
ماعندي اسئله عبيطه :31:
orange road
20-11-2003, 10:22 AM
انا معاك يا رانما ^^
الظاهر رواية ما يجوف الا حبيبة قلبه سبيس تووووووووووووون :p
نجوف اسألة رانما ^^
1- ليش فيديو كليبات العرب هالايام كلها رقص و خرابيط و اشياء مالها دخل في الاغنيه ابدا؟ عقد نفسيه ولا شسالفه؟
ما يبيلها هاي سؤال.. علشان يجذبون الشباب التافه ويخلونهم يجوفون الفيديو كليب، وعلشان يقصون على البنات التافهات ان هالطريقة اللي بتييب لكم رياييل...
وبعد ترى هاي اسرع طريقة.. يعني الواحد مب لازم يفكر ويبتكر.. بس يمع بنات ولبسهم مزلط وييب سيارة حلوة كشف وخلهم يرقصون على الاغنية.. وخلاص.. صار فيديو كليب
يذكرني بفيديو كليبات المغنيين السود الأمريكيين.. نادر ما تلقى واحد منهم مسوي فيديو كليب حقيقي.. كلهم نفس الطريقة
واجوف انهم يسوون جذي علشان يغطون على الكلمات الخايسة اللي يغنونها
2- تخيل هالموقف معاي... تمشي بسيارتك في بلد اجنبي و في نقطة تفتيش.. الشرطي ياخذ الرخصه و ملكية السيارة يشيّك عليهم، مكتوب فيهم "دولة قطر" و لوحة السيارة "قطر".. بعدين يسأل بكل شسمه "انت من قطر؟"........................................ لو انت في هالموقف شبتسوي؟
قول له دااااااااااااااااااااااااااا
بس اتحداك تسويها.. جان ما يقطك في الحبس ولا حد بيسمع عنك الا بعد 20 سنة
3- في المسلسلات الكويتيه وايد اييبون طاري الصلاة والعبادة.. المسلسلات القطرية مايابوا طاري الصلاة كلش.. لايكون نصارى و أنا مادري؟؟
لا يا عبوط
لان القطريين مشغولين بالفلوس والشغل ما عندهم وقت كلش انهم يصلون الا لما يصير لهم شي.. مصيبة او يبون شي يتحقق لهم.. لكن اي شي ثاني.. هههههههههههههههههه لا
4- شفتوا المسلسل المصري اللي تمثل فيه عبلة كامل و كله عن النصارى و يطلعونهم في الكنايس و بلاوي متلتله وايد... شالهدف من المسلسل؟ إرضاء ماما أمريكا؟
ما جفته
لكن اكيد انكتب حق هالسبب اذا مثل ما تقول.. اهم شي ان ماما امريكا ما تعترض على اي مسلسل مثل ما سوت العام على فارس بلا جواد (مع ان المسلسل طلع خربوطة ولا يستاهل ان الواحد يضيع وقته معاه) واعتقد في مسلسل السنة هاي بعد نفس الشي...
5- اذكر اكثر من صنفين من أنواع الاكلات اللي تكون موجوده على سفرة الفطور عندكم.
ثريد/ هريس/ شوربة فطر/ شوربة دجاج/ عصيدة ^^/ معكرونة بالبشاميل/ لفائف روتي محشوة بالدياي (يمييييييييي)
Rewayah
20-11-2003, 07:40 PM
ليش اول ما يبتدي رمضان على طول يبتدي القمار على القنوات الفضائية بمسمى المسابقات..
ولما تقول حق الناس هاي حرام يقولون لك هاي مسابقات وحلال.. مع انها قمار.. انت تدفع فلوس على الاشتراك يا تفوز يا ما تفوز...
- كل واحد يتصل ويدفع رسوم الإتصال ثلاث دراهم أو أكثر...
مليونين شخص أو أكثر من الدول العربية يتصلون...
مليونين × 3 ... ست ملايين...
الشركة تربح ست ملايين, وتهدي واااااااحد بسسسسس سيارة بقيمة 100 - 150 ألف...
وهالواحد يربح جائزة حلم بها وتمناها مليونين نفر أو أكثر... وقامروا عليها و"جربوا" حضهم فيها...
فما بالكم لو كانت رسوم المكالمة عشر دراهم؟؟؟
ولو كان عدد المتصلين عشر ملايين؟؟؟
...
قمار × قمار...
كلهم, كل المسابقات اللي من هالنوع بلا إستثناء اللي "جرب وأتصل" قمار وحرام. :)
وأقهر شي لما يربطونها بشهر رمضان الكريم...
وأتيك وحده تقول... إتصل على قمـــ700ــار مادري كم, وأتقول: رمضان كريم, وأتحرك رموشها :05: ... http://www.handykult.de/plaudersmilies.de/yellows/dozey.gif
ياااااااااا ستي بلا عربية بلا نييييلة...
وقمة القهر يوم أروح سبرماركت شويترام ولا سبينس...
أيك هالريال ولا البنت واللي يقولون لك: Do you want to try one of our "shoot" copons?? :05:
أجي انا وأقولهم: Is it on LUCK?!?! ^^
يقولون لي: Y yy yes... :33:
أرد عليهم وأسكتهم: Then it is AGAINST my religion
يصير وجهم هالكبر ==> :icon11:
كل الحرام صار عادي...
ليش يسمون خيم المسخرة في رمضان خيم رمضانية مع ان ما فيها شي من ريحة رمضان؟؟ كلها رقاصات وشيش ومسخرة؟؟؟؟
- أعرف شباب يقومون الليل ثلاااااااااث ساعات لين ما تتنفخ ريولهم وهم يبكون...
يعتكفون في المسايد...
ويقولون خيم رمضانية.
أي "رمضانية"؟؟
هاي خيم "رمضرقصة فنية". :D
1- ليش رواية قام برفع هالموضوع ههههههه؟
- ملان! ^^
كنت!! @@
وألحين فرحان. -_^
2- من اول 3 أشخاص تبارك لهم بالعيد؟
- أبارك لصاحبيتشي... http://www.handykult.de/plaudersmilies.de/yellows/a_smil17.gif
وعميتشي... http://www.handykult.de/plaudersmilies.de/yellows/a_smil17.gif
وgـيدوو... http://www.handykult.de/plaudersmilies.de/yellows/a_smil17.gif
وخالي... http://www.handykult.de/plaudersmilies.de/yellows/a_smil17.gif
حقيقة كل أهلي وربعي وأعضاء المنتدى. ^^
بس أول أربعة يختلفون كل عيد. :reporter:
على حسب اللي أقابلهم أول. -_^
3- في حد للحين يعطيك عيديه؟
- ... ... ... ... إيه. ^^
بس أمي وأبوية. ^^
هم اللي بس يعطوني على هالعمر.
مع إني خاطري من كل حد. :09:
4- انا ماشفت مسلسل العمه نور الا 5 دقايق منه.. ليش شسمها الممثله كلامها مكس عربي و انجليزي حتى ولو دارسه فأمريكا.. مره وحده الا كلمها انجليزيه في الوسط مالها أي دخل.
- ما هو كل طلبة الجامعات الأمريكية جذيه. :o
كلمه عربية على كلمة أنجليزية... @@
5- ههههههههههههههههه ليش حليمة بولند تتكلم بالفصحى في برنامج المسابقات مع المذيع هذاك؟ والله تذبح من الضحك الكل يتلكم عادي الا هي بالفصحى مادري شالمعنى.
مسكينه... خليها لأهلها...
خليها لأمهااااا وأبوهااااااا وزوجهاااااا وخدامتهم ودريولهم! @@
6- في مره وصلتك رساله خاصه عبيطه او غبيه او تقهر من عضو ماتعرفه ابدا؟
- لأ ولا مرة...
بس يا كثر رسايل ( ممكن إيميلك؟ ^^ ). ><
----
رواية شكلك مالك في التلفزيون ابدا.. الظاهر كله حاط على سبيس تون :p
- ... ؟ ؟
سبسها برق رانماااااااااااا!!! ><
1- ليش فيديو كليبات العرب هالايام كلها رقص و خرابيط و اشياء مالها دخل في الاغنيه ابدا؟ عقد نفسيه ولا شسالفه؟
- الغنية صوب... لما تسمعونها تتصورون أشياء ثااااااانية.
ويوم نشوف الكليبات... صوب ثاني... مالهم خص.
وأتحسون إنه السالفة تحدي بين المغنين...
من اللي يقدم أكثر فكرة إبتكاراً ولو كانت لا تمت بالأغنية بصلة... ><
2- تخيل هالموقف معاي... تمشي بسيارتك في بلد اجنبي و في نقطة تفتيش.. الشرطي ياخذ الرخصه و ملكية السيارة يشيّك عليهم، مكتوب فيهم "دولة قطر" و لوحة السيارة "قطر".. بعدين يسأل بكل شسمه "انت من قطر؟"........................................ لو انت في هالموقف شبتسوي؟
- بقوله: لأ أنا من الإمارات.... بس هاي سيارة رفيجي رانما! @@
ههههههههههههههه
3- في المسلسلات الكويتيه وايد اييبون طاري الصلاة والعبادة.. المسلسلات القطرية مايابوا طاري الصلاة كلش.. لايكون نصارى و أنا مادري؟؟
- كل مخرج وذوقه! @@
4- شفتوا المسلسل المصري اللي تمثل فيه عبلة كامل و كله عن النصارى و يطلعونهم في الكنايس و بلاوي متلتله وايد... شالهدف من المسلسل؟ إرضاء ماما أمريكا؟
- والتبشير!! ><
لأنه: "قليل من التبشير مفيد للصحة"!!!! @@ كخخخخخخخخخخخخ
5- اذكر اكثر من صنفين من أنواع الاكلات اللي تكون موجوده على سفرة الفطور عندكم.
- عيش برياني, عيش فوقة, هريس, عرسيّة, خفايف, خنفروش, جباب (مو كباب!), لقيمات, مرقوقة, يبرق ملفوف وورق عنب, تبولة, متبل, معكرونة بالباشاميل, مضروبة, ثريد لحم, كوسة محشي, جيلي فراولة, فرني, كريم كاراميل, تانق برتقال وفيمتو.
من غير أصناف المأكولات اللي يطرشونها لنا الجيران... الحمد لله الخير وايد. ^^"
الله يديمها نعمة علينا وعليكم...
أسميهم القطاوة يحتفلون عدل في رمضان... ^^"
----
انا معاك يا رانما ^^
الظاهر رواية ما يجوف الا حبيبة قلبه سبيس تووووووووووووون :p
إني أرى رؤؤؤووووووساننننننننن قد أينعحت وحــــــــــــــــــــــان... :mad:
ماكو أسئلة ثانية؟؟؟ أنا فاضي!
حياكم... ^^
Ranma Saotome
22-11-2003, 06:40 AM
يعني لازم انا اكتب اسئله :p
1- ليش ري ايانامي لون عيونها حمره؟؟
2- ليش تم فتح منتدى الانيمي في قسم الالعاب؟ الحين الرسم و لا الالعاب اقرب للأنيمي؟ بس شالسبب ههههههه حاولت افكر في تفسير لكن مالقيت..
3- لو خيروكم بين أكاني - شامبوو - أوكيو - كوداتشي... ووو من بعد.. المهم كل خطيبات رانما من بتختارون؟ :33:
4- شخصيتين (ولد + بنت) في أنيمي حاطينهم يحبون بعض وتحس أنهم مايصلحون لبعض ابدااااا :tongue2:
بس ماعندي اسئله غبيه زياده.. هلكت وانا احاول اطلعهم
Ranma Saotome
22-11-2003, 06:49 AM
احم.. طبعا لأني فاضي × 100
بجاوب على اسئلتي اللي من كم يوم كاتبها هعهعهعهع
1- ليش رواية قام برفع هالموضوع ههههههه؟
- شكله كان متملل حده و ماشالله مواضيع المنتدى وايد حماسيه زياده عن اللزوم عشان جذيه رفع هالموضوع عشان يزيد من الحماس..
2- من اول 3 أشخاص تبارك لهم بالعيد؟
- مممممم.. اخوي - اخوي - اخوي..
لما نكون في مصلى العيد يكونون العائله الكبييره كلها موجوده فعلى حسب من أشوف اول من قرايبي أبارك له.. لكن عادة اخواني أول لأن نروح مع بعض..
3- في حد للحين يعطيك عيديه؟
- مممم ايه.. الوالد الله يطول عمره.
4- انا ماشفت مسلسل العمه نور الا 5 دقايق منه.. ليش شسمها الممثله كلامها مكس عربي و انجليزي حتى ولو دارسه فأمريكا.. مره وحده الا كلمه انجليزيه في الوسط مالها أي دخل.
- عشان يذكرونها أنها درست في امريكا (ماشااالله علي اجابه عبقريه)
5- ههههههههههههههههه ليش حليمة بولند تتكلم بالفصحى في برنامج المسابقات مع المذيع هذاك؟ والله تذبح من الضحك الكل يتلكم عادي الا هي بالفصحى مادري شالمعنى.
- ههههههههههههه صراحه اتوقع مثل ماقال رواية.. احسها لو تكلمت بالعاميه بتنسى نفسها وبتقول كلمات دلع وايد.
6- في مره وصلتك رساله خاصه عبيطه او غبيه او تقهر من عضو ماتعرفه ابدا؟
- مممممم ههههههههههههههههههههه ايه تذكرت.. في عضو طرش لي رساله كاتب فيها:
"curse you ranma saotome" هههههههههههههههههههههههههههههههه مثل تاتيواكي كونو و رديت عليه رد عبيط بعد..
orange road
24-11-2003, 07:09 PM
مسكين رانما ^^
هو اللي حاط ثلاث ارباع الاسئلة هالايام..
معليش..رمضان كريم :tongue2:
1- ليش ري ايانامي لون عيونها حمره؟؟
تغيير...
وجافوا ان احلى لون مع لون شعرها الازرق هو الاحمر
2- ليش تم فتح منتدى الانيمي في قسم الالعاب؟ الحين الرسم و لا الالعاب اقرب للأنيمي؟ بس شالسبب ههههههه حاولت افكر في تفسير لكن مالقيت..
وانا بعد ما ادري
مع ان احنا اللي طالبنا ان يفتحون لنا منتدى الانيمي هني
لكن الحين اقول الحمدلله ما انفتح هني
والا الاعضاء بيتهاوشون كل يوم والسبة سبيس توووووووووووون والكلام لج يا جارة
3- لو خيروكم بين أكاني - شامبوو - أوكيو - كوداتشي... ووو من بعد.. المهم كل خطيبات رانما من بتختارون؟
اختار شامبو...
ههههههههههههههههه كيوت اكثر من أكاني واحب طريقتها في الكلام ^^
4- شخصيتين (ولد + بنت) في أنيمي حاطينهم يحبون بعض وتحس أنهم مايصلحون لبعض ابدااااا
مممممممممم في.. بس ما في بالي الحين...
انزين ^^ انا باسأل الحين
* شرايكم في موضي العلفية.؟؟؟ ههههههههههههههه خطيرة مو جذي؟؟؟
* ليش قصص رواية تدور في أماكن الواحد ما يقدر يحفظ اساميهم؟؟؟
* ليش انا مملتكم بقصة the others وانتوا المساكين ما تشتكون ولا شي.. تقرون خرابيطي وساكتين :09:
* شرايكم في الانيميات اللي يموت الابطال في النهاية...؟؟
ادري اسئلة بايخة.. لكن يللا جاوبوا :reporter:
Ranma Saotome
01-12-2003, 03:20 AM
هههههههههههههههههه اخيرا حد جاوب على اسئلتي..
اسئلتج يبيلها بحث و تقارير و استعارة كتب من مكتبة منتدى الرسم..
بروح ادور الاجوبه وارجع كخخخخخ
ماقدر اجاوب الحين.. بكره انشالله :)
2- ليش تم فتح منتدى الانيمي في قسم الالعاب؟ الحين الرسم و لا الالعاب اقرب للأنيمي؟ بس شالسبب ههههههه حاولت افكر في تفسير لكن مالقيت..
وانا بعد ما ادري
مع ان احنا اللي طالبنا ان يفتحون لنا منتدى الانيمي هني
لكن الحين اقول الحمدلله ما انفتح هني
والا الاعضاء بيتهاوشون كل يوم والسبة سبيس توووووووووووون والكلام لج يا جارة
3:reporter:
(لا تعليق.... )
سؤال : أقدر انط معاكم؟؟ :)
orange road
01-12-2003, 07:31 AM
سؤال : أقدر انط معاكم؟؟
تفضل اخوي...
نط حبل...
نط على الترامبولين...
نط على ريل وحدة مثل أبو قردان...
تفضل ^^ حياك...
mai_arumashi
01-12-2003, 08:33 AM
1- ليش ري ايانامي لون عيونها حمره؟؟
انا ما تابعت المسلسل...بس يمكن هى تحاول تخوف حد
2- ليش تم فتح منتدى الانيمي في قسم الالعاب؟ الحين الرسم و لا الالعاب اقرب للأنيمي؟ بس شالسبب ههههههه حاولت افكر في تفسير لكن مالقيت..
سؤال و جية صراحة....يمكن لان جروب الانيمي ما يحبون يرسمون..بس يحبون يلعبون
3- لو خيروكم بين أكاني - شامبوو - أوكيو - كوداتشي... ووو من بعد.. المهم كل خطيبات رانما من بتختارون؟
انا بختار كوداتشي...لانها اخت اونو خخخخخخخخخخ
4- شخصيتين (ولد + بنت) في أنيمي حاطينهم يحبون بعض وتحس أنهم مايصلحون لبعض ابداااا
تاماهومى و شو كان اسمها..نسيت...المهم هم سخيفين..و لا الي يقهر ان الكل ميت عليها..مادري على شو....صح ذكرت مياكا ا
mai_arumashi
01-12-2003, 08:50 AM
رواية شكلك مالك في التلفزيون ابدا.. الظاهر كله حاط على سبيس تون
1- ليش فيديو كليبات العرب هالايام كلها رقص و خرابيط و اشياء مالها دخل في الاغنيه ابدا؟ عقد نفسيه ولا شسالفه؟
:: انا اقول انها عقد نفسية...بس يبغون يصيرون مثل الاجانب..على بالهم هالخرابيط تطور::
2- تخيل هالموقف معاي... تمشي بسيارتك في بلد اجنبي و في نقطة تفتيش.. الشرطي ياخذ الرخصه و ملكية السيارة يشيّك عليهم، مكتوب فيهم "دولة قطر" و لوحة السيارة "قطر".. بعدين يسأل بكل شسمه "انت من قطر؟"........................................ لو انت في هالموقف شبتسوي؟
:: بقول له:" لا حبيبي انا من المالديف"
3- في المسلسلات الكويتيه وايد اييبون طاري الصلاة والعبادة.. المسلسلات القطرية مايابوا طاري الصلاة كلش.. لايكون نصارى و أنا مادري؟؟
:: ليش عاد! انا اشوفهم يصلون فى مسلسل يوم اخر<< المسلسل الوحيد الي اتابعة..و لا بعد مو كل يوم::
4- شفتوا المسلسل المصري اللي تمثل فيه عبلة كامل و كله عن النصارى و يطلعونهم في الكنايس و بلاوي متلتله وايد... شالهدف من المسلسل؟ إرضاء ماما أمريكا؟
:: ما عندي جبر عن الموضوع::
5- اذكر اكثر من صنفين من أنواع الاكلات اللي تكون موجوده على سفرة الفطور عندكم.
::عيش و سمك...و ثريد<< every single day ::
Ranma Saotome
01-12-2003, 02:32 PM
سلاااااام
بجاوب على اخر اسئله حطيتها اول..
1- ليش ري ايانامي لون عيونها حمره؟؟
- لأن يتناسب مع شكلها عدل.. مره بالفوتوشوب حطيت لون عيونها اخضر و ازرق و غيره لكن احلى شي طلع الاحمر.. بعد فيه غموض احس..
2- ليش تم فتح منتدى الانيمي في قسم الالعاب؟ الحين الرسم و لا الالعاب اقرب للأنيمي؟ بس شالسبب ههههههه حاولت افكر في تفسير لكن مالقيت..
- صراحه للحين افكر في تفسير لكن مالقيت أي شي... بس الحمدلله لو تشوفون الحال هناك في مواضيع واايد مالها معنى.. لكن الحق يقال ان مستواه الحين احسن من مستواه اول مافتح..
3- لو خيروكم بين أكاني - شامبوو - أوكيو - كوداتشي... ووو من بعد.. المهم كل خطيبات رانما من بتختارون؟
- أكاااانييييييييييي (صوت هابوساي).. و عقبها أوكيو... (ذوقي غريب صح.. tom boys)
4- شخصيتين (ولد + بنت) في أنيمي حاطينهم يحبون بعض وتحس أنهم مايصلحون لبعض ابدااااا
- هههههههههه مثل ماقالت ماي.. تاماهومي و مياكا.. بعد في Nadesico أكيدو+يوريكا... والله قهر طول المسلسل مايدانيها وفي النهايه خلوهم مع بعض غصب :12:
Ranma Saotome
01-12-2003, 02:41 PM
الحين مع اسلئة عورنج رود هعهعهعهع
1- شرايكم في موضي العلفية.؟؟؟ ههههههههههههههه خطيرة مو جذي؟؟؟
- لوووووول والله خطييييييييره هههههههههههههههههههههه صج خشنه هذي :cool: هههههههههههه الشخصيات اللي عجبتني في المسلسل هي و خطر و اختهم ماذكر شسمها ههههههههههههه ايه فتون هههههههه اسم على مسمى :p
2- ليش قصص رواية تدور في أماكن الواحد ما يقدر يحفظ اساميهم؟؟؟
- اي والله :31:... بالفيت غموض يعني و مخترع اسامي و حركات هعهعهعهعهع.. بس اشوف الاسامي كلها حلوه... بصراحه ماعدا واتروى :06: ههههههههه ماينزليش من زور..
3- ليش انا مملتكم بقصة the others وانتوا المساكين ما تشتكون ولا شي.. تقرون خرابيطي وساكتين
- لأن يااااامااااا تكلمنا و حنّينا لكن مايطلع منكم شي.. رسمتوا لنا الشخصيات و كتبتوا لنا ملخص عن القصه و مازلنا ننتظر نشوف القصه لكن مافي.. وكله تتعذرون ان القصه طويله وايد و معقده.. يعني اكيد القصه وايد حلوه وتستاهل.. والله اشوف لو تنظمون وقتكم و تكرسونه لهالقصه بيطلع انتاج تحححححححححححححححححححفه.. و سلمي على شلة the others و خاصه المؤلفة الخطيره :biggthump
4- شرايكم في الانيميات اللي يموت الابطال في النهاية...؟؟
- احححححححححححسن شي ههههههههههههه.. ملينا من الانيميات اللي كله في النهاية البطل ينتصر و يتزوج البطله و كل شي في النهاية perfect.. يعني شفيها لو اوكي الخير ينتصر لكن البطل في النهاية يموت.. اعتقد بتكون النهايه مافي احلى منها.. مثل نهاية أنيمي معين.. صح خلود هعهعهعهع
----------------------------------------------------
Doel... اكيييييد تقدر تنط معانا.. حط كل الاسئله اللي في بالك.. هههههههههه ترى مب لازم تكون اسئلة جاده.. اصلا الافضل تكون اسئلة عبيطه هعهعهعهعهع
<<<<<<waiting for more questions<<<<<<<
Rukawa
01-12-2003, 03:10 PM
عيبتني السالفه ههههههههههه يالله كملو لوول تراني وحدة ماتعرف تسأل و لا اتجاوب
أقوول رانما تعليقاتك كلش كوول ههههه اندمجت في الموضوع
يالله كملو.... :D :D :D
Ranma Saotome
01-12-2003, 04:13 PM
لااااااع ممنوع.. اما تجاوبين او تسئلين.. ولا الكرت الاحمر جاهز..
اوكي انا بحط اسئلة الحين..
1- ليش روكاوا ماتعرف تسأل ولا تجاوب؟
2- ليش في بنات وايد يحبون شخصيات الانيمي اللي شعورهم طويله و وسيمين زياده عن اللزوم وووو.. بيشونن كـأن يسمون هالاسلوب.. وين الشخصيات الخشنه :cool: الشريره :evil:
3- ليش الكل يقول ان مسلسل يوم آخر افضل مسلسل خليجي انعرض في رمضان؟ (اسخف منه مافي)
4- ليش كل أسئلتي تبدا بـ" ليش " ؟
5- كم شلـّة في المنتدى؟ مثل الoct و السوبر جالز...؟ بس هالثنتين ولا في أكثر؟ و لو في أكثر اذكرهم؟
6- ليش محد بارك لي امس على عيد ميلادي الثاني في المنتدى؟ :bawling:
7- بصراحه.. تعتقد نهاية منتدى الرسم قريبه؟ و هل في تغيير جذري قريبا ؟ و شنو هالتغيير؟
اسئلتي سخيفه مثل ويهي :22: <<<<<(عجييب هالويه ههههههه مالقيت احس منه يناسب الجمله)
Rukawa
02-12-2003, 04:18 PM
1- ليش روكاوا ماتعرف تسأل ولا تجاوب؟
:D
2- ليش في بنات وايد يحبون شخصيات الانيمي اللي شعورهم طويله و وسيمين زياده عن اللزوم وووو.. بيشونن كـأن يسمون هالاسلوب.. وين الشخصيات الخشنه الشريره ؟
شو حلات الرسوم إذا الكل يلوعون الشبد وخ وخ وخ وخ
- ليش الكل يقول ان مسلسل يوم آخر افضل مسلسل خليجي انعرض في رمضان؟ (اسخف منه مافي)
I agree مع أني ولا شفته بس سمعت عنه :tongue2:
- ليش كل أسئلتي تبدا بـ" ليش " ؟
ماعرف :D
5- كم شلـّة في المنتدى؟ مثل الoct و السوبر جالز...؟ بس هالثنتين ولا في أكثر؟ و لو في أكثر اذكرهم؟
والله حتى هاذيل ولا سمعت عنهم :D
- ليش محد بارك لي امس على عيد ميلادي الثاني في المنتدى؟
مبروك :D
- بصراحه.. تعتقد نهاية منتدى الرسم قريبه؟ و هل في تغيير جذري قريبا ؟ و شنو هالتغيير؟
ماعرف. بس انشاء الله يستمر :D
orange road
22-12-2003, 08:46 AM
عندي سؤال محيرني...
ليش لما تدخل معمل الكومبيوتر وفيه مليون جهاز وتقعد على واحد منهم... ويطلع الجهاز اللي اخترته هو الوحيد من بين المليون جهاز اللي خربان وما فيه نت.. وتتلفت تبي تغيره الا كل الاجهزة انخذت وراحت عليك..
والقهر تيي اليوم الثاني من وهل تبي تغير الجهاز الخايس اللي قعدت عليه امس الا الكل ياي قبلك وقاعدين على أجهزتهم اللي قعدوا عليها امس وحاجزين لك جهازك بكل طيبة :vereymad:
قولوا لي.. ليييييييييييشششششششششششششششششش؟؟؟؟؟؟؟
Hard Rock
22-12-2003, 09:44 AM
عندي سؤال محيرني...
ليش لما تدخل معمل الكومبيوتر وفيه مليون جهاز وتقعد على واحد منهم... ويطلع الجهاز اللي اخترته هو الوحيد من بين المليون جهاز اللي خربان وما فيه نت.. وتتلفت تبي تغيره الا كل الاجهزة انخذت وراحت عليك..
والقهر تيي اليوم الثاني من وهل تبي تغير الجهاز الخايس اللي قعدت عليه امس الا الكل ياي قبلك وقاعدين على أجهزتهم اللي قعدوا عليها امس وحاجزين لك جهازك بكل طيبة
قولوا لي.. ليييييييييييشششششششششششششششششش؟؟؟؟؟؟؟
فعلاً .. هالمشكلة وايد تصيدني .. ومب عارف ليش بعد ؟؟؟ :blackeye: <<<< من شوي صايدته في كمبيوترات مكتبة الجامعة ..
Rewayah
22-12-2003, 10:40 AM
1- ليش ري ايانامي لون عيونها حمره؟؟
- عشان أبوها ديمن ويحب عصير الفراولة. :09:
2- ليش تم فتح منتدى الانيمي في قسم الالعاب؟ الحين الرسم و لا الالعاب اقرب للأنيمي؟ بس شالسبب ههههههه حاولت افكر في تفسير لكن مالقيت..
- يمكن لأنه في كل المنتديات يكون منتدى الأنيماي مقرون يالفيديو جيمز؟ :06:
3- لو خيروكم بين أكاني - شامبوو - أوكيو - كوداتشي... ووو من بعد.. المهم كل خطيبات رانما من بتختارون؟ :33:
- أكانيه عشانها دومها مظلومة.
4- شخصيتين (ولد + بنت) في أنيمي حاطينهم يحبون بعض وتحس أنهم مايصلحون لبعض ابدااااا :tongue2:
- واااااااااااااااايد بس ما أقدر أحصرهم.
----
* شرايكم في موضي العلفية.؟؟؟ ههههههههههههههه خطيرة مو جذي؟؟؟
- وايد أتفطس من الضحك. :D
ومثل ما قال رانما, تعجبني خطر وفتون وايد.
غباوات خطر مخليتها خفيفة دم, وفتون على الرغم من إنها سوسة, إلا إنها هبلة وعلى نياتها.
وأحلى شيء الأريلين اللي فوق راسها. :D
أما موضي, فهاي مسكته. @@ كخخخخخخخخخخ
* ليش قصص رواية تدور في أماكن الواحد ما يقدر يحفظ اساميهم؟؟؟
- إهئ إهئ إهئ... :bawling:
إنتوا ليش قاعدين تتريقون عليه؟ :bawling:
قصّة: يتريقون عليه يعني (يتناولون عليه الريوق). :D
رواية: إهئ إهئ إهئ تنطنطزنون... بخير عليكم بابا شاهين... :bawling:
قصّة: ما يشوف حاله إشطوله يوقل لشاهين المسكين "بابا". :أفكر: يتبلى عليه. :D
رواية: ليش خلود؟ أسامي أماكنيه إشحلاتها وإش زينها وإش سهولتها. :o
* ليش انا مملتكم بقصة the others وانتوا المساكين ما تشتكون ولا شي.. تقرون خرابيطي وساكتين :09:
- لأنه الجميع آي جيس ما بيدهم حيلة؟ :D
آي جيس < == يعني بالإنجليزي!
مو يعني آي *ألم* جيس *يلمس*! :D
* شرايكم في الانيميات اللي يموت الابطال في النهاية...؟؟
- حزيييييييييييييييييييييييينة... إذا موفي يكون وقعه على النفس والقلب عادي وخفيف... لكن المصيبة إذا كان مسلسل... :bawling:
وااااااااااااااااااااااااااااااااااااااااء
---
عندي سؤال محيرني...
ليش لما تدخل معمل الكومبيوتر وفيه مليون جهاز وتقعد على واحد منهم... ويطلع الجهاز اللي اخترته هو الوحيد من بين المليون جهاز اللي خربان وما فيه نت.. وتتلفت تبي تغيره الا كل الاجهزة انخذت وراحت عليك..
والقهر تيي اليوم الثاني من وهل تبي تغير الجهاز الخايس اللي قعدت عليه امس الا الكل ياي قبلك وقاعدين على أجهزتهم اللي قعدوا عليها امس وحاجزين لك جهازك بكل طيبة :vereymad:
قولوا لي.. ليييييييييييشششششششششششششششششش؟؟؟؟؟؟؟
- يدعى أحياناً ‘بالحض النحس‘؟ :09:
يدعى أحياناً ‘بالحض النحس‘؟
ليش روايه كتب "الحظ" بالضاد؟؟؟ ^_^
Rewayah
22-12-2003, 04:14 PM
ليش روايه كتب "الحظ" بالضاد؟؟؟ ^_^
لأني أعاني من الديسلاكسيا ‘Dyslexia‘ بين حرفي الظاد والضاد. ^^"
mai_arumashi
26-06-2004, 05:52 PM
- ليش روكاوا ماتعرف تسأل ولا تجاوب؟
صراحة ما فكرت فيها من قبل..مادري
2- ليش في بنات وايد يحبون شخصيات الانيمي اللي شعورهم طويله و وسيمين زياده عن اللزوم وووو.. بيشونن كـأن يسمون هالاسلوب.. وين الشخصيات الخشنه الشريره
كيفنا *تطلع لسانها*.....بس مو كل واحد شعرة طويل يكون حلو..و ساعات الوسيمين زياده عن اللزوم يكونو يلوعون الجبد *كل شي زاد عن حده انقلب ضده* ..بس يمكن لانها عقده نقص..اطلع الشارع و بتعرف قصدي *البنت صريحه زياده عن اللزوم اليوم*
3- ليش الكل يقول ان مسلسل يوم آخر افضل مسلسل خليجي انعرض في رمضان؟ (اسخف منه مافي)
مادري...انا ما شفته كله...بس كان معقول *يمكن لانها ما كانت تشوف اي شي ثاني*
4- ليش كل أسئلتي تبدا بـ" ليش " ؟
لان الأسئله الى تبدا بليش تكون اجوبتها طويلة دايما *و القصد؟*
5- كم شلـّة في المنتدى؟ مثل الoct و السوبر جالز...؟ بس هالثنتين ولا في أكثر؟ و لو في أكثر اذكرهم؟
ما اعرف غيرهم
6- ليش محد بارك لي امس على عيد ميلادي الثاني في المنتدى؟
عاد انا تأخرت شوي
7- بصراحه.. تعتقد نهاية منتدى الرسم قريبه؟ و هل في تغيير جذري قريبا ؟ و شنو هالتغيير؟
لا خاصة ان نحنا فى الصيف..التغيير...كل عضو بيطلع من كهفه...و بيزيد النشاط
1
عندي سؤال محيرني...
ليش لما تدخل معمل الكومبيوتر وفيه مليون جهاز وتقعد على واحد منهم... ويطلع الجهاز اللي اخترته هو الوحيد من بين المليون جهاز اللي خربان وما فيه نت.. وتتلفت تبي تغيره الا كل الاجهزة انخذت وراحت عليك..
والقهر تيي اليوم الثاني من وهل تبي تغير الجهاز الخايس اللي قعدت عليه امس الا الكل ياي قبلك وقاعدين على أجهزتهم اللي قعدوا عليها امس وحاجزين لك جهازك بكل طيبة :vereymad:
قولوا لي.. ليييييييييييشششششششششششششششششش؟؟؟؟؟؟؟
- ما لاحضت ان الكل قاعد و مافي غير هذا الجهاز...هذا ما يعني الا ان الجهاز معطل *اكيد ما عافته نفسهم الا لسبب* و هذى القاعده الي امشي عليها..اذا شفت شي مقطوط لا تاخذه ، لانهم ما قطوه الا لسبب معين
Renoa Heartilly
27-06-2004, 03:57 PM
سؤالي: ليش أنا ما شفت الموضوع هذا من قبل؟
2. ليش البطله دائماً تلبس وردي؟؟
orange road
28-06-2004, 10:57 AM
أخيرا الموضوع بدى يتحرك ^^
سؤالي: ليش أنا ما شفت الموضوع هذا من قبل؟
يمكن لأنج كنتي تدخلين المنتدى بنص عين :tongue2:
2. ليش البطله دائماً تلبس وردي؟؟
ما ادري..
يمكن لأنه لون انثوي.. ويبون يخلون البطلة رقيقة..
بس من البطلات اللي يلبسون وردي؟؟؟ ما في حد منهم الحين في بالي :31:
mai_arumashi
28-06-2004, 02:23 PM
لا ..البطله تلبس وردي عشان البطل يلبس ازرق، و بعدين يصيرون اعلان بامبرز....حتى بامبرز صار اخضر هاليومين
السلام عليكم
مادري اذا البطلة دايما تلبس وردي , بس شيء معروف انه لون بناتي :tongue2:
بس سؤال...
حد مره شاف بطل لابس لون وردي؟ (<<ما عنده سؤال حاليا , قام ونقع سؤال ) :tongue2:
Rewayah
28-06-2004, 07:41 PM
لا ..البطله تلبس وردي عشان البطل يلبس ازرق، و بعدين يصيرون اعلان بامبرز....حتى بامبرز صار اخضر هاليومين
>.<
بس سؤال...
حد مره شاف بطل لابس لون وردي؟ (<<ما عنده سؤال حاليا , قام ونقع سؤال ) :tongue2:
‘جين كلود فان دام‘ في فلم ‘دابل إمباكت‘.
كان لابس شورت وردي... هههههههه.
+-----------------+-----------------+
Renoa Heartilly
29-06-2004, 12:08 AM
""حد مره شاف بطل لابس لون وردي؟""
سانجي من ون بيس, لابس فنيله ورديه :blackeye: بس مو ورديه حيل حيل...
س: مين تتوقع يفوز بلقب رسام 2004 هالسنه؟
س2: تبغى تفوز برسام 2004 لهالسنه؟
س3: ليش روايه ما يحط كل ردوده في بوست واحد؟
س4: ليش ريفلكس ما عنده موقع؟
س5: ليش أنا ملقوفه؟ :blackeye:
mai_arumashi
29-06-2004, 08:56 AM
س: مين تتوقع يفوز بلقب رسام 2004 هالسنه؟
ما اعرف....يمكن انا *الثقة زايده*
س2: تبغى تفوز برسام 2004 لهالسنه؟
اكيييييييييييييييد
س3: ليش روايه ما يحط كل ردوده في بوست واحد؟
لو لاحضت رواية عادة تكون ردوده طويلة *اكثر من 1000 كلمة* ، و طبعا مستحيل الواحد يحط ردوده فى بوست واحد..
س4: ليش ريفلكس ما عنده موقع؟
مادري...يمكن عنده واحد بس مو راضي يقولنا!...اصلا هو مكانه فى DA ما يشتغل، كيف اذا كان عنده موقع...بس اذا قرر يسوي واحد، بكسر له الكوانتر ^_^
س5: ليش أنا ملقوفه؟
اصلا اللقافة مفيده للصحة
Renoa Heartilly
29-06-2004, 05:57 PM
5- كم شلـّة في المنتدى؟ مثل الoct و السوبر جالز...؟ بس هالثنتين ولا في أكثر؟ و لو في أكثر اذكرهم؟
فيه شلتنا CSR بس مو معروفه حيل :(
"2- ليش في بنات وايد يحبون شخصيات الانيمي اللي شعورهم طويله و وسيمين زياده عن اللزوم وووو.. بيشونن كـأن يسمون هالاسلوب.. وين الشخصيات الخشنه الشريره "
علشانك ما تقدر تلقى سيفروث يمشي في السوق! :D و الشخصيات الخشنه الشريره خلها حق الكراتين القديمه :|
* ليش قصص رواية تدور في أماكن الواحد ما يقدر يحفظ اساميهم؟؟؟
عشان ما أحد يسأله: كورياموريا؟ وينها هذي؟ و يتحول الموضوع لدرس جغرافيا :D
Rewayah
30-06-2004, 10:03 AM
س: مين تتوقع يفوز بلقب رسام 2004 هالسنه؟
جـ - أنا!
س2: تبغى تفوز برسام 2004 لهالسنه؟
جـ - أنا! =]
أأأ قصدي أتمنى أنا! <== أصلاً ما يشارك هاليومين حبتين!
قصّة: ‘هاليومين حبتين‘... :أفكر: شو هالتعبير الغبي. =]
س3: ليش روايه ما يحط كل ردوده في بوست واحد؟
جـ - لأنه في ‘لمت‘ معين للويوه (إلإبتسامات بالفصحى) في كل رد.
علشان جذيه أقص قص الردود. :blackeye:
س4: ليش ريفلكس ما عنده موقع؟
جـ - عشانه كيفه.
قصّة: طــــــاخ. :D
س5: ليش أنا ملقوفه؟
جـ - مادري والله.
هاليومين كلنا جذيه.
+-----------------+-----------------+
orange road
30-06-2004, 06:50 PM
س: مين تتوقع يفوز بلقب رسام 2004 هالسنه؟
اكيد مب انا لاني للحين ما فتحت الموضوع او حتى قريته (ماليش نفس ومشغولة ئوي)
س2: تبغى تفوز برسام 2004 لهالسنه؟
انشاءالله ليش لا.. ممكن افوز اذا ماتوا كل رسامين المنتدى وما تم حد الا انا.. حزتها ممكن افوز :05:
س3: ليش روايه ما يحط كل ردوده في بوست واحد؟
لأن هذرته مع قصة وسوالفهم مع بعض تخلي المنتدى يطق ويقول له خلاص ارحمني :09:
(الحين بيحط في خاطره علينا ذي وبيقول خلاص مب راد ردود طويلة في المنتدى مدام انتوام ا تحبونها.. نحبها يبا.. نحبها.. لكن تعرفنا لازم نتطنز)
س4: ليش ريفلكس ما عنده موقع؟
لأنه ما يبي الظاهر يشقح للعالمية من الحين.. شكله يبي يخلص من الجامعة قبل وبعدين يتفرغ حق الموقع وهالخرابيط
س5: ليش أنا ملقوفه؟
مب بس انتي... كلنا ملاقيف في هالمنتدى.. الظاهر ان هالصفة تنحط مع القوانين
Renoa Heartilly
30-06-2004, 06:57 PM
""الظاهر ان هالصفة تنحط مع القوانين""
هه؟ O_O صج؟ <== راحت تشيك شروط التسجيل من جديد. لا يكون فيه شرط مخفي لازم نعلم عليه باماوس عشان يطلع @@
"جـ - أنا! =]
أأأ قصدي أتمنى أنا!"
مسموح للمراقبين و الحكام أنهم يفوزون بالمسابقه ؟ @@
black wolf
14-07-2004, 03:05 AM
أنا بحط أسئله بعد.....
ليش أكثر الأسماء ترددا على الموضوع هم روايه وأورنج رود ورانما ورينوا؟
ليش دائما تمر علينا مواقف نكون عايشينها من قبل؟
ليش لما يكون شي يمك تكون ما تبيه وبس تحتاجه ودور عليه ما تلقاه؟>>>>>>دائما تصير معاي
ليش ساعات نحس بالزهق في وسط الأجازه؟
ليش نوم الصبح مو مثل نوم الليل؟
صراحه هذا كل الللي عندي حاليا وبشارك معاكم بأقرب فرصه حالما تتواجد ردود......سلام
Renoa Heartilly
14-07-2004, 08:40 AM
ش ساعات نحس بالزهق في وسط الأجازه؟
عشان كذا يسمونها إجازه ^^
ليش نوم الصبح مو مثل نوم الليل؟
السبب العلمي هو أن فيه هرمونات في الجسم ما تبدا العمل إلا مع الظلمه حينما تعمل الساعه البيلولجيه على أساس أن الوقت ليل. هذي الهرمونات تساعد على النمو و الراحه و تسبب أرتخاء الأربطه و العضلات و تساعد في الدخول لمرحله النوم العميق. غير عن النهار الذي لا تعمل فيه هذه الهرمونات لذا نوم النهار غير مريح.
أما الأستهبال فهو لأننا نكون مشغولين في الليل عشان كذا ننام النهار, و لأن نوم النهار يخرب الروتين :D
ليش أكثر الأسماء ترددا على الموضوع هم روايه وأورنج رود ورانما ورينوا؟
نسيت ذااك اللي أسمه... المعزز... >_< ما أدري وينه >_<
Rewayah
14-07-2004, 07:24 PM
ليش أكثر الأسماء ترددا على الموضوع هم روايه وأورنج رود ورانما ورينوا؟
- يمكن لأنهم أكثر ناس تجاوباً ومرحاً؟ <== يلمح إنه هو من ضمنهم يعني أونه إنه هو ظريف!! @@ كخخخخخخخخخخ
ليش دائما تمر علينا مواقف نكون عايشينها من قبل؟
- أعتقد إنه شيء له علاقة بالأحلام؟
ليش لما يكون شي يمك تكون ما تبيه وبس تحتاجه ودور عليه ما تلقاه؟>>>>>>دائما تصير معاي
- دايماً تصير...
ليش ساعات نحس بالزهق في وسط الأجازه؟
- بسبب إنه ‘ماكو شغله‘...
ليش نوم الصبح مو مثل نوم الليل؟
- مثل ما قالت رينوا! <== يختصر! @@
(الصراحة إستفدت منها).
حياك.
ليش أكثر الأسماء ترددا على الموضوع هم روايه وأورنج رود ورانما ورينوا؟
فاضين :09:
ليش دائما تمر علينا مواقف نكون عايشينها من قبل؟
:afraid: تأثير مخلوقات فضائيه يمكن
ليش لما يكون شي يمك تكون ما تبيه وبس تحتاجه ودور عليه ما تلقاه؟
:05: يمكن الاشياء تلعب معانا استغمايه >>على قوله المصريين
ليش ساعات نحس بالزهق في وسط الأجازه؟
:06: ماعرفنالكم اذا عندكم دراسه او شغل قلتو زهقانين واذا اجازه زهقانين الانسان مايعجبه العجب
ليش نوم الصبح مو مثل نوم الليل؟
زي ما آلت رينوا
------------------------------------------------------------
:33: ماعندي اسئله وايد
> وين اختفو(شياب) المنتدى ؟؟؟ <<(شياب: الاعضاء القدامى )
> ليش الانميات اليديده كلمالها وتصير بايخه ؟
> :blackeye: ماهي مخططاتكم للصيف ..هذا اذا بقى منه شي
> ليش ماعندي اسئله ><؟
.............................
Renoa Heartilly
14-07-2004, 11:12 PM
> وين اختفو(شياب) المنتدى ؟؟؟ <<(شياب: الاعضاء القدامى )
هذا أنا أنبض باشباب! (تروح تشرب أكسير الحياه) شفتيكحكح شفتي!
> ليش الانميات اليديده كلمالها وتصير بايخه ؟
يمكن الرسامين زقهوا من الأنيميات الجاده @@
> ماهي مخططاتكم للصيف ..هذا اذا بقى منه شي
مخططات رينني: أنام + آكل + أدخل المنتدى = صيف رائع @@
> ليش ماعندي اسئله ><؟
يمكن عشان ما عندنا أجوبه :P
أسئله:
^ليش يقولن عن موعد نزول الالعاب على البي اس قبل لا تنزل, يبغون يحرونا و لا أيش؟ @@
^شفيهم الناس ما يعجبهم العجب؟ @@
^ليش تاجا ما ترد كثير؟
^مين الأهبل الي أخترع قانون فيثاغورس؟ >_<
^ليش نيوتن طاحت فوقه تفاحه مو طابوقه؟
black wolf
14-07-2004, 11:39 PM
أجاباتكم رائعه صراح ولا أجابة ريني العلميه>>>>>قديمه وأدري فيها بس حلوه منج لأني تعبتج وخليتج تكتبين وايد خخخخخخخخ :D
ليه يقولون عن موعد نزول الألعاب على الPCقبل لا تنزل, يبغون يحرونا و لا أيش؟
عندي أجابتين يحرونا ولا أيش..مممممم أعتقد ولا أيش
شفيهم الناس ما يعجبهم العجب؟
حتى الصيام برجب ما يعجبهم بعد><
ليش تاجا ما ترد كثير؟
أنتوا مو معطينها فرصه :p
مين الأهبل الي أخترع قانون فيثاغورس؟ >_<
واحد سماه أبوه..لا لاسمته أمه...لالا أخوه اللي أصغر منه سماه فيثاغورس :biggthump
ليش نيوتن طاحت فوقه تفاحه مو طابوقه؟
أجابه علميه:لو سقطت عليه طابوقه لمات على الفور ولم يكتشف قانون الجاذبيه أما التفاحه فقد سهلت الأمر عليه أكثر :vereymad: ...حسافه
أجابه خربوطيه: لأنه كان قاعد تحت شجرة تفاح وكان هناك في هواء فسقطت التفاحه>>>>>>ياليت الهواء كان ريح وطيح الشجره كلها فوقه جان تلقينه ميت الحين ومفتكين منه..... :D :D :mad:
ما في أسئله جاوبوا على الأسئله اللي فوق.......سلام :ciao:
black wolf
14-07-2004, 11:48 PM
[QUOTE=Rewayah]ليش أكثر الأسماء ترددا على الموضوع هم روايه وأورنج رود ورانما ورينوا؟
- يمكن لأنهم أكثر ناس تجاوباً ومرحاً؟ <== يلمح إنه هو من ضمنهم يعني أونه إنه هو ظريف!! @@ كخخخخخخخخخخ
ليش نوم الصبح مو مثل نوم الليل؟
- مثل ما قالت رينوا! <== يختصر! @@
(الصراحة إستفدت منها).
هههههههههه مت عليك من الضحك.....والله أنك مهضوم يا روايه
قصة: مين هاضمه هذا واحد ما يينهضم يوقف بالبلعوم
المعزز:يا قصة مهضوم يعني بلعوه بسرعه بدون لا يحسون بطعمه...فهمت
قصة:اذا جذي أجل هو عن جد مهضوم وكتيييير مهضوم
معليه سرقنا منك قصة شوي.....هاه فقدته ولا لأ...
قصة: فقد؟؟ مين اللي فقد حياته؟؟؟مين اللي سرق فلوسه
(ما ألومك اذا تهاوشت وياه يا روايه....محد راح يلومك أبد)
^ليه يقولون عن موعد نزول الألعاب على الPCقبل لا تنزل, يبغون يحرونا و لا أيش؟
اظن انهم يبون الناس تجمع فلوس عشان تشتريها...(الله يخلي الكوبي عندنا :أفكر: )
^شفيهم الناس ما يعجبهم العجب؟
الظاهر ملو من العجب ويبون يغيرون على حسب الموضه
^ليش تاجا ما ترد كثير؟
@@ انا توني راجعه بسم الله .....
^مين الأهبل الي أخترع قانون فيثاغورس؟ >_<
مطلوب القبض عليه حيا او ميتا ...ومن لديه معلومات عنه الرجاء الادلاء بها في مكتب منظمه كارهي فيثاغورس
^ليش نيوتن طاحت فوقه تفاحه مو طابوقه؟
لانه مافي شجره طابوق
-------------------------------------------------------------------
اضافه لاسئله رينوا :
^ ليش الكل كاره نيوتن ؟؟
Touya
15-07-2004, 12:05 AM
-------------------------------------------------------------------
اضافه لاسئله رينوا :
^ ليش الكل كاره نيوتن ؟؟
لنه لو كان ما أكتشف الجاذبية كان مندي العالم مادرت عنها ومندينا نقدر نتحرر من الجاذبية لإنا مانعرف عنها شي... وكذا نيوتن حرم الناس من متعة التحليق.. وخلا المهندسين يحقدون عليه لإنه أجبرهم يقعدون مئات السنين عشان يخترعون الطائرة... والسبب أنه تفاحة طاحت على راسه!! :vereymad:
--------------------
ماهو تأثير أكل الكليجا مع شرب اللبن؟ :33: <<مشتهي كليجا ولبن
black wolf
15-07-2004, 12:48 AM
ماهو تأثير أكل الكليجا مع شرب اللبن؟
بس أن طعمه خايس...أستغفر الله وحمدالله على النعمه
بس مع الشاي او الحليب بالشاي(سوا سوا)....يمممممممم يهبل(شهيتني تويا )
ليه الكل يكره نيوتن؟
لأنه نيوتن يا شاطره فلازم نكرهه
سؤال صغنون:ليه روايه حاط أسئله للضحك ما حاط أسئله أي كلام؟
أدري سخيف السؤال بس هذا اللي لقيته.....بليييييز غيروا ريتم الأسئله(علي تعابير هالأيام ما أدري من وين يايبها)
orange road
15-07-2004, 01:21 AM
ليش أكثر الأسماء ترددا على الموضوع هم روايه وأورنج رود ورانما ورينوا؟
احم احم.. حد ياب في سيرتي ^^
لأنهم أكثر الناس دمهم خفيف في المنتدى.. ولأن الموضوع بدونهم ما يسوى (عاد الحين اللي طلعت جايفة روحها عدل.. يللا شركتكم معاي.. علشان ما تقولون مغرورة حدها البنت)
ليش دائما تمر علينا مواقف نكون عايشينها من قبل؟
هو له علاقة بالمخ ^^ ان النصف الأيمن ما ادري الايسر يستوعب متأخر ولما يوصل حق النص الثاني تحسب انك عشت هالموقف من قبل.. كلام أهبل لكني مب مصدقته لاني عارفة ان هالمواقف جفتها من قبل بأيام وبعدين تصير.. والغريبة اني اروح اغير في الموقف علشان ما يصير اللي جفته...
ليش لما يكون شي يمك تكون ما تبيه وبس تحتاجه ودور عليه ما تلقاه؟>>>>>>دائما تصير معاي
الله يسلمك هاذيلا اليانونة اللي في الغرفة يحبون يلعبون معاك.. (عاد الحين ما بينام في الليل.. نام يا بابا لا تخاف) ترى وايد تصير لي
ليش ساعات نحس بالزهق في وسط الأجازه؟
لأنكم تحبون تضيعون الوقت في التنبلة والتسدح جدام التلفزيون مع انكم تقدرون تسوون مليون شي وشي وتشغلون وقتكم..
اللي متملل من إجازته خل يبادلها معاي بالشغل وانا مستعدة املاها له
ليش نوم الصبح مو مثل نوم الليل؟
لانهم الصيح يهذرون على راسك وجدام الباب اللي معاك في البيت ما تقدر ترقد
وفي الليل تستغل ان الكل ناموا وتقدر الحين ترسم وتلون على راحتك بدون أذية وإزعاج وممكن استعمل الكومبيوتر بعدج لو سمحتي وابي اجوف الفيلم الفلاني في حجرتج وانا اتغدى...
فيخترب النظام كله نفس اللي صاير الحين :(
Renoa Heartilly
15-07-2004, 09:28 AM
""وفي الليل تستغل ان الكل ناموا وتقدر الحين ترسم وتلون على راحتك بدون أذية وإزعاج وممكن استعمل الكومبيوتر بعدج لو سمحتي وابي اجوف الفيلم الفلاني في حجرتج وانا اتغدى... ""
أوف الساعه 12 الليل وقت الرسم والكتابه, وين ننام @@
>ليه روايه حاط أسئله للضحك ما حاط أسئله أي كلام؟
لأنه لو حط أسئله أي كلام كان جات أجوبه أي كلام و ما تضحك ^^
>ماهو تأثير أكل الكليجا مع شرب اللبن؟
والله ما أدري, بس أعتقد له دخل في العمليات الميتافيزقيه و البيلوجيه في الحسم تساعد على تسريع عمليه المدريوشو والتي تقوم بدورها بتحليل المدريشسمه في الدم.... وفي النهايه تؤدي إلى التخدير التام و النوم العميق ^^ خخخخ
ما أدري, بس جربت كليجا هيل مع شاي منعنع؟ @@ (سعابيل تقطر)
"^ ليش الكل كاره نيوتن ؟؟"
عشاننا لو حبيناه بعدين ننجع في الفيزياء @@
سؤال: ليش الأسئله ما تطلهع بسرعه زي الأجوبه؟ @@
mai_arumashi
15-07-2004, 10:11 PM
شوي شوي علينا..الواحد ما يلحق يجاوب..
ليش يقولن عن موعد نزول الالعاب على البي اس قبل لا تنزل, يبغون يحرونا و لا أيش؟ @@
المفروض انج تتحمسين، بس الظاهر ان عندج حاله نفسية تخلي ردود الفعل العاطفيه غير عن الناس..بدل ما تتحمسين تنحيرن :cool:
---
^شفيهم الناس ما يعجبهم العجب؟ @@
اذا عجبهم العجب ما بيعود اسمة عجب لانه عجبهم!
------
^ليش تاجا ما ترد كثير؟
يمكن ......والله مادري...بس انتو تعرفون كيف ان البيكسل ارت ياكل الوقت اكل
----
^مين الأهبل الي أخترع قانون فيثاغورس؟ >_<
...مادري..... بس متأكده انه مو فيثاغورث
---
^ليش نيوتن طاحت فوقه تفاحه مو طابوقه؟
سهله!...لان الطابوق ما يطلع على الشجر!...
---------------------------
الحين دوري:
س-سؤال: شو هو الكليجا؟... اكل يعني؟
Touya
15-07-2004, 11:00 PM
---------------------------
الحين دوري:
س-سؤال: شو هو الكليجا؟... اكل يعني؟
أمم الكليجا هي كوكي خاص بمنطقة القصيم بالسعودية :tongue2:
ومفيدة جداً للجهاز الهضمي في رأيي.. لأنها كلها ألياف.. عموما هي كعكة مفرغة من الداخل لكن مدهونة بعدة أشياء...إذا كانت عسل ولا فيها محلي. مثل السكر
وفيه النوع الثاني اللي هو كليجا هيل.. أعتقد انها مو مفرغة.. بس الكليجا دايم عندي وحدة.. مهما أختلف شكلها ولا طعمها.. مع أني أحب المفرغة وفيه سكر أو عسل...
ياسلام عليك رينوا.. جبتي تأثير الوصفة تمام التمام.. أفضل لبن ندى أو نادك مع الكليجا... عشان تغشم الدنيا بعد ثاني كليجا وراح تنام أحلى نومه :biggthump
ماجربت الكليجا مع شاهي النعناع.. مع أني احبهم أثنينهم بس ماجربتهم مع بعض..
أمم اللحين سؤالي..
ليش ماتصير قطع الكمبيوتر أرخص؟
أبغى هرادسكين 250 جيجا.. (عشان أنزل انمي ومانجا أكثر) 1900 ريال
بطاقة عرض فيديو قوية.. (عشان ألعب farcry وأتمتع بقدرات رسوماتها) 1800 ريال
وأبغى رام.. (عشان تشتغل التطبيقات وتصير أسرع) 1400 ريال
وأبغى صندوق جهاز thermaltake (عشان تصير درجة حرارة الجهاز أقل) 800 ريال
في خاطري DSL بعد. (عشان ألعب Online أما التنزيل فالله يخلي نت الجامعة) ؟+؟= الإتصالات الحرامية+ شركة ثانية حرامية
:icon11:
black wolf
16-07-2004, 01:40 AM
أمم اللحين سؤالي..
ليش ماتصير قطع الكمبيوتر أرخص؟
أبغى هرادسكين 250 جيجا.. (عشان أنزل انمي ومانجا أكثر) 1900 ريال
بطاقة عرض فيديو قوية.. (عشان ألعب farcry وأتمتع بقدرات رسوماتها) 1800 ريال
وأبغى رام.. (عشان تشتغل التطبيقات وتصير أسرع) 1400 ريال
وأبغى صندوق جهاز thermaltake (عشان تصير درجة حرارة الجهاز أقل) 800 ريال
في خاطري DSL بعد. (عشان ألعب Online أما التنزيل فالله يخلي نت الجامعة) ؟+؟= الإتصالات الحرامية+ شركة ثانية حرامية
:icon11:
والله أنك صاج تويا دايما القطع غاليه وبعض الأحيان ما تحصل بعد القطعه اللي تبيها واذا حصلتها سعرها نار :vereymad: ....بس ليش؟؟؟يمكن نذاله أو شيء جذي وعلى ما يقولون الزين غالي...
س:ليش السيرفر تعبان ولين الحين ما تصلح؟
س:ليش في الأنمي الشخصيه الشريره تكون دائما غامضه ولا فيه أقوى منه ولازم يكون لابس رداء أو شيء جذي ويكون يدخن غالبا وأول مايتقاتل مع البطل تحسه خرطي؟؟؟؟ :33: :06:
Renoa Heartilly
17-07-2004, 11:13 AM
""س:ليش في الأنمي الشخصيه الشريره تكون دائما غامضه ولا فيه أقوى منه ولازم يكون لابس رداء أو شيء جذي ويكون يدخن غالبا وأول مايتقاتل مع البطل تحسه خرطي؟؟؟؟""
لأنه إذا كان الشرير أقوى من البطل بعدين يخسر البطل @@ ما يصير كذا مخالف لقوانين الطبيعه!!
""ماجربت الكليجا مع شاهي النعناع.. مع أني احبهم أثنينهم بس ماجربتهم مع بعض..""
هذا سؤال و لا جواب؟ @@
""س-سؤال: شو هو الكليجا؟... اكل يعني؟""
زي ما قال تويا, بس أنا توني أسمع عن الكليجا المفرغ O_O صج فيه مفرغ تويا؟ أنا لما أشتريه جاهز من السوق يكون بسكوت عادي ×_×
لا تخافين ماي أدور لك صور ^^ ولا روحي أي بقاله صغيره و قولي أبي كليجا ^^
سؤال: ليش ما يبيعون عندنا بطيخ مربع؟ :bawling:
سؤال غيره: كم قرن للخروف ^_______^
سؤال: شنهي وجبتك المفضله؟؟
سؤال: ليش الكليجا الجاهزه صنع أمريكي مع أن الكليجا أصلاً خليجي؟ @@
orange road
17-07-2004, 01:56 PM
سؤال: ليش ما يبيعون عندنا بطيخ مربع؟
لأن احنا مب اليابان.. جوفي انتي بكم البطيخة المربعه هناك.. وبعدين تعالي قولي ليش ما يبيعونه عندنا.. مع اني جفت بطيخ مكعب هني ما اذكر في اي سوبر ماركت وكانت بالشي الفلاني ^^
سؤال غيره: كم قرن للخروف ^_______^
على حسب العمر :o لخاروف الكبير له عشر قرون.. الخاروف الصغير ما عنده ولا قرن..
سؤال: شنهي وجبتك المفضله؟؟
ما ادري.. اكل وايد اشياء.. بين فترة وفترة اطلع بطلعه يديدة.. حاليا طايحة في الباستا من مطعم يم يم تري.. والايسكريم من باسكن روبنز
سؤال: ليش الكليجا الجاهزه صنع أمريكي مع أن الكليجا أصلاً خليجي؟ @@
اصلا ما اعرف هالبسكوت العجيب الغريب شنو... يمكن عبالكم انه خليجي لان اسمه جذي.. لكنه مب خليجي :blackeye:
mai_arumashi
17-07-2004, 06:14 PM
سؤال: ليش ما يبيعون عندنا بطيخ مربع؟
لان نحنا صحونا دائريه الشكل و ما نقدر نحط فيها البطيخ المكعب
سؤال غيره: كم قرن للخروف ^_______^
اربع و عنده رجلين بس!
سؤال: شنهي وجبتك المفضله؟؟
الحين انا احب اكل فرينش فرايز و يا مايونيز ^_^
سؤال: ليش الكليجا الجاهزه صنع أمريكي مع أن الكليجا أصلاً خليجي؟ @@
انا شفت كليجا هولندي فى السوق عدنا *على فكره مرة اشتريت الي بالكاراميل و حسيت طعمه غريب *_*
Touya
17-07-2004, 10:04 PM
* استهوت الأكلات الشعبية في قرية الجنادرية اعداداً كبيرة من الزائرات اللاتي أخذن في شراء أصناف متعددة من المأكولات من بينها كليجا القصيم، ذرة الشام، الفلافل، أرغفة الخبز، المعصوب، الأقط، وأنواع التمر بين السكري والاخلاص ونبوت السيف.http://www.alriyadh-np.com/Contents/23-01-2003/Mainpage/jnadria_210.php
:drillserg
الwaffle مو كليحا يالربع.. الwaffle مخاولة لإختراق تراثنا بكشف التسلل
يابيي لو رحتوا القصيم وقفوا في محطة البنزين في نص الطريق.. يستحسن في بريده أو عنيزه.. راح تلقون الكليجا الأصلية... طبعاً اللي بتلقونه راح يكون في الغالب تجاري بر وسكر.. لكن فيه بيوت في القصيم الحجز قبل ثلاثة أيام والطلب ما شاء الله..
أخخ للأسف مافيه أي مصدر لصور كليجا.. لاحصلت شي راح أحط لكم الأدلة على قوة الwaffle ألسعودي بالصور :tongue2:
black wolf
18-07-2004, 12:25 AM
أشوف الموضوع لازم يتغير أسمه الى......تعرف على الكليجا
ولا بالأمانه أكوأحد ما يعرفها...أسألوا أهلكم وراح يوصفونها لكم بالطريقه الي تفهمونها......عندي فكره!!!!
تويا ليه ما ترسم صوره حق الكليجا اللي تخبرها...وأي أحد يعرف نوع يرسمه>>>>>(ههههه ترى الشكل من بره نفسه بس الطعم يختلف...)
خلينا نجاوب على الأسئله الحين:
ليش ما يبيعون عندنا بطيخ مربع؟
ما حصل لي الشرف أتعرف عليه
سؤال غيره: كم قرن للخروف ^_______^
على قولة الحيان(خروفي خروفي....لابس بدله صوفي...له قرنين....أربع رجلين....ياكل البرسيم..يميميميم)
سؤال: شنهي وجبتك المفضله؟؟
انا أحب شيء أسمه بيج ماك>>>>>هذا اذا كنت تقصدين وجبات سريعه( يتغابى طبعا لأنه يحب كل الأكل)
سؤال: ليش الكليجا الجاهزه صنع أمريكي مع أن الكليجا أصلاً خليجي؟ @@
أنا أعتقد لأن القمح عندهم وايد فيصنعونها هناك بمكوناتنا طبعا.....
طيب أساله يديده:
ليش كونان ما يقول لران أنه سينشي ويقول لها ما تقول لأحد؟
ليش ناروتو له معجبين وايد؟
ليه الهداف بالأخير يخسرون؟
ليش حسان في سلام دنك غبي مع أنه هو البطل؟
ليش أغنية aiwaسخيفه وما فيها كلامات عدل وكأنها تتمسخر على المشاهد وبالرغم من هذا أخواني وغيرهم يحبونها ودائما يرددونها؟
ليش بيدابول ما عندهم حلوج(يعني فم بس ما أعرف شنو الجمع يمكن أفمام) ويتكلمون؟
black wolf
18-07-2004, 03:16 PM
فيه خطأ......أسف
black wolf
18-07-2004, 03:35 PM
سؤال: شنهي وجبتك المفضله؟؟
بيج ماك طبعا>>>>هذا اذا كان القصد وجبه سريعه خارجيه وأما داخل البيت ممممم أحب مكرونه بالبشاميل بس شغالتنا كرهتنا فيه دايم تسويه لي...
سؤال: ليش الكليجا الجاهزه صنع أمريكي مع أن الكليجا أصلاً خليجي؟ @@
يمكن لأن القمح عندهم زين ووايد فيسون الخلطه من عندنا بس المكونات من عندهم...أنا واحد ما يهمني وين تصنع أكلها وبس......
بعدل بعض الأسئله: ليش كونان ما يقول لران أنه سينشي وانها ما تقول لأحد؟>>>>لا أحد يقول يمكن أحد يسمعها تناديه بسينشي بعدين يكتشفون أمره ولا تقولون مثل سبيس توون>>>>وينك يا روايه....(يخاف انها تكون بخطر) بليز جاوبوا عدل....
س2:ليش حسان بسلام دنك غبي مع أنه هو البطل؟
س3:ليش بيدابول يتكلمون مع أنه ما عندهم أفواه(حلوج أو يعني فم)
س4:ليش شخصية سابق كريهه و ملقوف مع أنه هو اللي مركز عليه الضوء يعني الأطفال يسوون مثله؟
سلام..........ترى انا كاتب رد وما أدري ليش الكمبيوتر مو مطلعه الا لما أضيف رد ثاني....
Renoa Heartilly
03-08-2004, 09:32 AM
ليش كونان ما يقول لران أنه سينشي ويقول لها ما تقول لأحد؟
عشان أذانه مسكره عليه XD
ليش ناروتو له معجبين وايد؟
من قال لك @@ كلهم ما يحبون ناروتو , يحبون كاكاشي و اللي معاه, ما عمري شفت أحد يحب ناروتو @@
ليه الهداف بالأخير يخسرون؟
عشان كابتن ماجد دائماً يفوز
ليش حسان في سلام دنك غبي مع أنه هو البطل؟
ما أدري, يمكن عشانه طويل حيل ما يوصل الدم فوق @@
ليش أغنية aiwaسخيفه وما فيها كلامات عدل وكأنها تتمسخر على المشاهد وبالرغم من هذا أخواني وغيرهم يحبونها ودائما يرددونها؟
شنهي هذي؟ لا تقول لي أغنيه جديده >_<
ليش بيدابول ما عندهم حلوج(يعني فم بس ما أعرف شنو الجمع يمكن أفمام) ويتكلمون؟
عشان الرسامين ما يتعبون في الدبلجه <== شدخل؟
ليش شخصية سابق كريهه و ملقوف مع أنه هو اللي مركز عليه الضوء يعني الأطفال يسوون مثله؟
عشان شكله ما يأهل أنه يكون قدوه... أنت شفت شكبر أذانه؟ @@ و صوته مزعج يفقع الأذن >_<
أسئله: ليش تويا يحب الكليجا؟
ليش المعزز لو جاء هنا نشوفه و لو راح مستشفى المجانين يختفي؟ <== من زمان أفكر فيها خخخخخ
ليش المنتدى يناحس المعزز؟
وين راحوا الجماعه؟؟
آخر سؤال: ليش المنتدى صاير غبي هالأيام؟ أحس كل اشوي يسكر @@
mai_arumashi
03-08-2004, 10:08 AM
ليش كونان ما يقول لران أنه سينشي وانها ما تقول لأحد؟>>>>لا أحد يقول يمكن أحد يسمعها تناديه بسينشي بعدين يكتشفون أمره ولا تقولون مثل سبيس توون>>>>وينك يا روايه....(يخاف انها تكون بخطر) بليز جاوبوا عدل....
+ مادري يمكن عشان يصير المسلسل طووووووووووووووووويل و بعدين ممكن يصير دراجون بول ثاني
س2:ليش حسان بسلام دنك غبي مع أنه هو البطل؟
+ لان الموضه هالايام البطل الغبي ^_^...و بعدين البنات يحبون الابطال الاغباء *معلومة هي مألفتنها*
س3:ليش بيدابول يتكلمون مع أنه ما عندهم أفواه(حلوج أو يعني فم)
+ هههههههه؟ منو
س4:ليش شخصية سابق كريهه و ملقوف مع أنه هو اللي مركز عليه الضوء يعني الأطفال يسوون مثله؟
+ مادري بس انا بسألك.....انت كم ساعة تشوف سبيس تون فى اليوم...شكلك متابع *خخخخخ، ترا اتغشمر*
orange road
03-08-2004, 11:11 AM
السلام عليكم
أخيرا رجعت من السفر يا شباب.. ما ادري اذا افتقدوني والا لا... :12: (غصبن عليكم تقولون لي وحشتينا خلود ووحشتنا سوالفج)
توقعت القى اسألة أكثر من جذي
ليش كونان ما يقول لران أنه سينشي ويقول لها ما تقول لأحد؟
لأنه اذا قال لها ما بيكون في أشياء زيادة تتعب كونان في المسلسل لازم يتحاشاها.. علشان جذي ما بيقول لها الا بعدين لما يلقون شي ثاني يخلون كونان يتعذب بسبته
ليش ناروتو له معجبين وايد؟
انا ما جفته للحين علشان جذي ما اعرف اجاوب على السؤال :08:
ليه الهداف بالأخير يخسرون؟
لأن هاي هو المنطق.. لو فازوا هم اخر شي على النمور هني بتكون قمة المسخرة.. وبعد اذكر اني كنت اشجع علاء وايد :08: احسن انه ما فازوا عليه
ليش حسان في سلام دنك غبي مع أنه هو البطل؟
انا مع مي ان البنات يحبون الشخصيات الغبية (في الانيمي مب في الحياة الصجية :o ) والشخصيات الغبية هي اللي تخلي الانيمي ممتع ويضحك..
ليش أغنية aiwaسخيفه وما فيها كلامات عدل وكأنها تتمسخر على المشاهد وبالرغم من هذا أخواني وغيرهم يحبونها ودائما يرددونها؟
لأنهم يهال ما يعرفون الفرق بين السخافة والشي العدل..
جفت هالاغنية وودي اعرف من اللي قص عليها وقال لها صوتج حلو ورقصج خطير وتعالي بنسوي لج فيديو كليب.. الاغنية تلوع الجبد ولا فيها كلمات ولا شي.. هاي الحال الحين والشي اللي ماشي سوقه..
ليش بيدابول ما عندهم حلوج(يعني فم بس ما أعرف شنو الجمع يمكن أفمام) ويتكلمون؟
علشان ما يتعبون في رسم الحلج وهو يتحرك :D ويكون سهل على سبيس تون انها تحرف في القصة مثل ما تبي
black wolf
03-08-2004, 03:19 PM
أولا: هلا بخلود...والله اشتقنا لسوالفج>>>>>هاه أرتحتي....عموما تقبل الله..
أسئله: ليش تويا يحب الكليجا؟
ليش المعزز لو جاء هنا نشوفه و لو راح مستشفى المجانين يختفي؟ <== من زمان أفكر فيها خخخخخ
ليش المنتدى يناحس المعزز؟
وين راحوا الجماعه؟؟
آخر سؤال: ليش المنتدى صاير غبي هالأيام؟ أحس كل اشوي يسكر @@
أسئله: ليش تويا يحب الكليجا؟
ما عندي علم روحي وأسأليه....
ليش المعزز لو جاء هنا نشوفه و لو راح مستشفى المجانين يختفي؟ <== من زمان أفكر فيها خخخخخ
أنا أقول لج ليش؟؟علشان الموضوع هناك فارض علي أني ما أبين بس هنا في أشعه مخليه صوتي يطلع بس>>>>>ألعن أبو الغباء يا شيخ
ليش المنتدى يناحس المعزز؟
أيه والله وانا حاس بعد
وين راحوا الجماعه؟؟
السفر ما خذ وقتهم ويمكن أشتراكاتهم بالنت خلصت
آخر سؤال: ليش المنتدى صاير غبي هالأيام؟ أحس كل اشوي يسكر
لأنه خربان بس الجماعه والله ما يقصرون وقاعد يطورونه للأفضل
بعدين أختي أنا ما أتابع من سبيس توون الا جندام وبعد ما خلص وبدت الأعادات نسيتها مره وحده....(لا يكون يزعل علينا روايه)...
سلام...........
orange road
03-08-2004, 11:28 PM
....(لا يكون يزعل علينا روايه)...
لازم بيزعل لأنها قناته المفضلة :09:
Renoa Heartilly
05-08-2004, 01:14 AM
""لازم بيزعل لأنها قناته المفضلة""
ليش روايه يموت في سبيس تون؟ @@ <== بيجيها بان معتبر
أهلين حبيبتي خلوود :kiss: عسى استانستي في الإجازه؟ وين كنتي المنتدى ما رضى يفتح لين تجين @@
عندي سؤال غبي: ليش إذا جيت أسأل سؤال غبي يطلع لي سؤال عدل؟ @@
mai_arumashi
05-08-2004, 08:31 AM
خلووووووووووووود اشتقنا لج و لسوالفج *تتكلم و هي ترتجف من المسدس الي مصوب على راسها*.... عاد الحين نبغي الصوغه ^_^ *بس هذا اهم شي*
انا كيف فاتتني نقطة غنية ايواه..*بالارابي...مثل ما تقول هي*...مسخر ارابي...شو هذا... هزلت... و اخس شي ان الناس بتومت عليها و مادري شو فيها...*طعبا انا ما تعبت نفسي و شفت الفيديو*...بس اكيد غبي مثلها....
و الي يغيض هذا المذيع الي فى radio 1 كل شوي قال :" الحين بحط لكم اغنية حلوه" و يحط هالزفت.... يعني الواحد يحط اذاعة اجنبية عشان يفتك من هالغباء، لكن مافيه فايده...و لا مرة قعد يمدح فى مطرب و يقول :" هو كووول و الالبوم اليديد مالها روعة" انا قالت شي، عقب جان يحط اغنية لواحد اسمه سعود سلطان!!!!!! و مرة حط اغنية لنجوي كرم *بغيت انتحر....
و اذا حط شي يا بيحط برتني سبيرس او امنينم...T_T *انفعلت خلاص، الحين مابتسكت*
رينوا: عشان اجاوب على سؤالج لازم اول اشرح كيف يعمل النخاع المثلث المخروطي، المسؤول عن ارسال اشارات كهرومائية الى منطقه العبط فى الفص الامامي من المخ...لكن اذا بديت ما بخلص...عشان جذي بجاوب باختصار......................... مادري ليش!
orange road
05-08-2004, 12:54 PM
مشكورين حبيباتي على الاستقبال الحلو ^^
الحمدلله ان المسدس ياب نتيجة وما راحت فلوسي اللي صرفتها عليه هدر :D
انتوا اخباركم؟ شمسوين؟؟؟
اسألة يديدة.. صبروا خل أعصر مخي شوي..
عندي اسألة من وحي العمرة...
1) ليش المسلمين لما يروحون يصلون في مكة أغلبهم ما يحافظون على نظافة المكان أو نظافتهم الشخصية؟
2) ليش ما يكون حب الحجر الأسود بالدور؟؟ انا الحين رحت مرتين ولا مرة قدرت أوصل له من الزحمة :(
3) ليش ما يكون في تنظيم للمصلين في الروضة في الحرم النبوي الشريف؟؟؟ لما وصلت هناك ما قدرت اركع عدل :17: الناس كانوا يضربوني من كل مكان
4) ليش ما خليت حد هناك الا وتهاوشت وياه وآخر واحد كان اللي في استعلامات الفندق؟؟؟؟ :vereymad:
وبس :tongue2:
إذا فكرت في شي يديد باقوله لكم
Renoa Heartilly
05-08-2004, 01:04 PM
أهلين خلود ^^
1) ليش المسلمين لما يروحون يصلون في مكة أغلبهم ما يحافظون على نظافة المكان أو نظافتهم الشخصية؟
2) ليش ما يكون حب الحجر الأسود بالدور؟؟ انا الحين رحت مرتين ولا مرة قدرت أوصل له من الزحمة
3) ليش ما يكون في تنظيم للمصلين في الروضة في الحرم النبوي الشريف؟؟؟ لما وصلت هناك ما قدرت اركع عدل الناس كانوا يضربوني من كل مكان
4) ليش ما خليت حد هناك الا وتهاوشت وياه وآخر واحد كان اللي في استعلامات الفندق؟؟؟؟
كلللللل لأسئلتك ذي, لها أجابه واحده.... أنهم كلهم من الفضاء الخارجي @@ عشان ذكا ما يعرفون يتعاملون مع بني البشر. لا تخافين, شوي و يسافرون, هم قالوا لي أزور لهم جوازات ^^; هم أصلاً من بلوتو و حرانين حيل في السعوديه @@
orange road
05-08-2004, 01:12 PM
هههههههههههههههههه حلوة الإجابة رينوا...
تعرفين.. اللي استغربت منه ان الخدمات ما توقف.. يعني الماي رايح ياي والتنظيف بين كل صلاة على طول.. ولا الحركة اللي يغسلون فيها الحرم ^^ كانت متعة الواحد يتفرج...
لكن الناس الله يهداهم.. ما يقدرون ان المكان مب مكانهم هم بس.. والله جفت ناس يتفلون على الأرض ولقيت قراطيس مقطوطة وعلوج وعفيسة... حرام والله حرام :(
black wolf
14-08-2004, 03:17 AM
خلود أنا بصراحه فاهم لكل شيء أنت قلتيه مو علشان أنت قلتيه لأني أنا بعد شايفه و عارف فيه بس(لا حياة لمن تنادي)..خليني أقول لج والمشاركين سالفه صارت لي بالحرم...
كنا رايحين نسعى بالصفا والمروه فراح أبوي الله يحفظه يجيب عربيه لجدتي فمرت قدامي خدامه شايله معاها ياهل(طفل) وماسكه شنطة الياهل على كتفها والرضاعه كانت بالطرف(كانت زجاجيه) وكالعاده الأم تمشي بسرعه وطايره والخدامه تحاول تلحق عليها ...شنو تتوقعون صار؟؟؟؟؟؟
طبعا طاحت الرضاعه على الأرض وأنكسرت وانتشر الزجاج بكل مكان والشغاله ومعزبتها ماهمهم التفتوا على الأرض ثم تطالعوا وكملوا مشيهم...أنا وأهلي صرنا واقفين جنب الزجاج وخفنا لا أحد يدوس عليه مو الناس مو لابسه جواتي (جزم) فقعدنا ننبه كل واحد يجي من قدامنا ولا أنتبهنا للي ورانا وشنو تتوقعون صار؟؟؟؟؟؟
جاء رجال معاه أعياله ومرته وداس على ذاك الزجاج وزلق على الأرض من الحليب(والله العظيم كان موقف يعور القلب) وصبت الدمامين من رجله وتجمعوا الناس عليه..بعالوقت أبوي جاب العربيه وقال يلا أمشوا نسعى فكانت روحتنا بعد طيحت الرجال المسكين والله يأنه كان يطالعنا بنظرات تفهم منها أنه منقهر منا ويحسبنا أحنا اللي كسرنا الرضعه واحنا ما معنا أطفال ...أقسم باله أن أمي وخواتي وحتى أنا عجزنا ندعي له بأن ألله يشافيه...تدرون شصار له؟؟؟؟؟
جو المسعفين ونظفوا رجله وأربطوها له وأدفعوه أثناء السعي وكانوا عياله الصغار يمشون جنبه بس الحمدلله أنه بخير....
أنا طولت ولاسألت بس:
س:الشغاله ومعزبتها شلون قدروا يخلون هالخراب وراهم ويروحون؟؟؟ما يفكرون يمكن أحد يتأذى؟
س:شنو ذنب هالرجال اللي تعور وما قدر يكمل عمرته على رجلينه؟؟؟
س:شنو ذنبي أنا وأهلي أننا ننحط بهذاك الموقف اللي أعتبره شخصيا صعب وأحنا ما أذنبنا بالعكس حاولنا نوخر الناس بس هو جاء من ورانا فما شفناه؟؟؟
هالسالفه يا خلود ما لقيت لها أي أجوبه أو تفسير الا أن الناس مو سواء مثل أن أصابع أيدك مو سواء.......
سلام..............
Renoa Heartilly
24-08-2004, 02:13 AM
يؤؤ المعزز!! بصراحه موقف لا تحسد عليه X( ما أصدق انه يصير كذا في الحرم!!!!
س:الشغاله ومعزبتها شلون قدروا يخلون هالخراب وراهم ويروحون؟؟؟ما يفكرون يمكن أحد يتأذى؟
ما أبي أظلمهم, بس أعتقد أهمال و متعودين على التسيب و عدم المسؤوليه.. يعني اشرايك, وحده تمشي على رجولها و سليمه بتجيب شغاله تشييل البزر ليش؟ أكيد مهمله...
س:شنو ذنب هالرجال اللي تعور وما قدر يكمل عمرته على رجلينه؟؟؟
الله يعوظه, بس الرسول (صلى الله عليه و سلم) يقول أن المسلم يؤجر على تحمل الألو حتى الشوكه يشاكها له فيه أجر ^^ أكيد بيحصل على أجر كثير أنه قاوم الألم و اعتمر و هو يتألم ^^
س:شنو ذنبي أنا وأهلي أننا ننحط بهذاك الموقف اللي أعتبره شخصيا صعب وأحنا ما أذنبنا بالعكس حاولنا نوخر الناس بس هو جاء من ورانا فما شفناه؟؟؟
ما أصابه لم يكن ليخطأه و ما أخطأه لم يكن ليصيبه ^^ انت لا تشيل هم بس, حصل خير إن شاء الله ^^
سؤالي: أشعندي معسكره في المنتدى هاليومين؟؟
س2: ليش عندي أختبار نحو و لا رحت أذاكر؟؟ (يللا حاوبوا عني, تعبت و أنا أصرّف عن أمي خخخخ)
س3: ليش كل المنتديات العربيه ما تسوى؟
س4: ليش ما يعجبني من الأغاني العربيه إلا 2\1% (نص بالميه) بينما الأغاني اليابانيه تعجبني 99%؟؟؟؟؟؟؟؟؟؟ ليش؟ أشمعنى؟؟؟ عشان شعر الياباننين حلو؟ (شعر يعني الي فوق راسهم مو شعر شعر المعلقات حق قيس و ليلى)
black wolf
28-08-2004, 04:05 AM
يؤؤ المعزز!! بصراحه موقف لا تحسد عليه X( ما أصدق انه يصير كذا في الحرم!!!!
س:الشغاله ومعزبتها شلون قدروا يخلون هالخراب وراهم ويروحون؟؟؟ما يفكرون يمكن أحد يتأذى؟
ما أبي أظلمهم, بس أعتقد أهمال و متعودين على التسيب و عدم المسؤوليه.. يعني اشرايك, وحده تمشي على رجولها و سليمه بتجيب شغاله تشييل البزر ليش؟ أكيد مهمله...
س:شنو ذنب هالرجال اللي تعور وما قدر يكمل عمرته على رجلينه؟؟؟
الله يعوظه, بس الرسول (صلى الله عليه و سلم) يقول أن المسلم يؤجر على تحمل الألو حتى الشوكه يشاكها له فيه أجر ^^ أكيد بيحصل على أجر كثير أنه قاوم الألم و اعتمر و هو يتألم ^^
س:شنو ذنبي أنا وأهلي أننا ننحط بهذاك الموقف اللي أعتبره شخصيا صعب وأحنا ما أذنبنا بالعكس حاولنا نوخر الناس بس هو جاء من ورانا فما شفناه؟؟؟
ما أصابه لم يكن ليخطأه و ما أخطأه لم يكن ليصيبه ^^ انت لا تشيل هم بس, حصل خير إن شاء الله ^^
هلا برينوا......وفعلا أختي وصح لسانك
خلينا أنجوف أسألتج: :bigeyes: :bigeyes:
سؤالي: أشعندي معسكره في المنتدى هاليومين؟؟
الممنوع مرغوب....انتي عليش أختبار ولازم ما تدشين المنتدى وتقعدين تذاكرين بس فجأه حلا المنتدى بعينك وصار ودك تقرين كل المواضيع صح؟؟؟؟
س2: ليش عندي أختبار نحو و لا رحت أذاكر؟؟ (يللا حاوبوا عني, تعبت و أنا أصرّف عن أمي خخخخ)
لأنه شيء مفروض عليك وانتي تدرين ان في ناس وايد ماعندهم أختبار مثلك فتلبستك حالة الامبالاه>>>>>الله يشافيج منها ويعدي أختبارج علىخير
س3: ليش كل المنتديات العربيه ما تسوى؟
فعلا ليش كل المنتديات العربيه ما تسوى؟؟؟؟؟؟؟؟
س4: ليش ما يعجبني من الأغاني العربيه إلا 2\1% (نص بالميه) بينما الأغاني اليابانيه تعجبني 99%؟؟؟؟؟؟؟؟؟؟ ليش؟ أشمعنى؟؟؟ عشان شعر الياباننين حلو؟ (شعر يعني الي فوق راسهم مو شعر شعر المعلقات حق قيس و ليلى)
تدرين ليه لأن تحسين الناس تعبوا عليها ومسوينها بطيب خاطر وبحماس هائل بس اللي عندك العرب يسوون أي شيء للمشاهد علشان يقولون والله في أغاني والله في مغنينين في الساحه الغنائيه هاللي أحسها صار لها وقت ما أتنظفت ولا أنكنست لازم أحد يصفي هالتعبانين ويحط على الأقل اللي يسوون
أبكسر ريتم هالأسئله وخلونا نرجع للأنمي.....أحسن أدري
س:ليش جودي أبوت في صاحب الظل الطويل دائما مضفرها شعرها ولا تفتحه أبد حتى في الحفلات>>>>>شكل الرسام عياز وايد كل شعره هالكثر خل يفتخه مو أحسن ولا شرايكم يا بنات(واحد يحاول يدخل نفسه بأمور ما تعنيه)
س: ليش ليدي أوسكار عجيب؟؟
س:تذكرون الوميض الأزرق؟؟؟؟كنت احب الحصان ماله بلينج ودائما أركب على حصان مطاطي وأقعد أقلد كاكيرو>>>>>هذا مو سؤال هذا صار سالفه
س:شنو شعوركم والمدارس جايه؟؟؟؟أنصحكم تجهزوا لها بالدبابات والصواريخ خخخخخخ كأنه بينفع عاد
وبس.................سلامتكم
Renoa Heartilly
28-08-2004, 09:55 AM
س:ليش جودي أبوت في صاحب الظل الطويل دائما مضفرها شعرها ولا تفتحه أبد حتى في الحفلات>>>>>شكل الرسام عياز وايد كل شعره هالكثر خل يفتخه مو أحسن ولا شرايكم يا بنات(واحد يحاول يدخل نفسه بأمور ما تعنيه)
س: ليش ليدي أوسكار عجيب؟؟
س:تذكرون الوميض الأزرق؟؟؟؟كنت احب الحصان ماله بلينج ودائما أركب على حصان مطاطي وأقعد أقلد كاكيرو>>>>>هذا مو سؤال هذا صار سالفه
س:شنو شعوركم والمدارس جايه؟؟؟؟أنصحكم تجهزوا لها بالدبابات والصواريخ خخخخخخ كأنه بينفع عاد
-س:ليش جودي أبوت في صاحب الظل الطويل دائما مضفرها شعرها
أنت لو شفتها أول ما تقعد من النوم في الأغنيه بتعرف ليش! :D (تلميحه: تخوف البزران)
-شكل الرسام عياز وايد كل شعره هالكثر خل يفتخه مو أحسن ولا شرايكم يا بنات
ما فهمت الجمله هذي تركيبها مو طبيعي @@ أنت شتقول؟؟ ليش يفتحون و لا ليش ما يفتحون شعرهم؟
-ليش ليدي أوسكار عجيب؟؟
أسألها!! :D أنا ما شفتها... :(
-س:تذكرون الوميض الأزرق؟؟؟؟كنت احب الحصان ماله بلينج ودائما أركب على حصان مطاطي وأقعد أقلد كاكيرو
أذكر الوميض الأزرق.. بس هذا سؤال و لا جواب؟ :boggled:
-س:شنو شعوركم والمدارس جايه؟؟؟؟
شعوري كذا!: :D :D :D :D لأني ما عندي دوام!!! ^_______________^
بس مسكينه أختي بتروح متوسط أول سنه و هي مسحوكه كنها بخصم!! XD (الي ما يعرفون البخصم هو الشابوره, سندويش ناشف يقولون أنه ينغط في الشاهي بس مادري... )
أسألتي!!: س1: ليش المعزز معسكر على آرتينز؟ (يعني قاعد يطالع صاحب الظل الطويل شرايكم)
س2: ليش ما دخلوني الأختبار اليوم؟ (أصلباً سالفه طويله عريضه بس أبي أشوف رايكم خخخ)
س3: ليش البنات في الكليه يتزينون و يتعطرون و هم جايين خمس دقايق ياخذون درجاتهم و يمشون؟؟ :boggled: للحين مو داش مخي...
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .