المساعد الشخصي الرقمي

مشاهدة النسخة كاملة : ايام المدرسه انواع الهستره


-جود-
14-10-2003, 09:36 PM
اتمنى يعجبكم هذا الموضوع
من امتع لحظات العمر ايام الدراسة ... يوم القلب خالي والفكر سالي ... أيه أيه أيه .. يازين ذيك الأيام ... وش رايكم نسترجع تلك الصفحات الجميلة الطريفة في حياتنا... يوم كنا صغار ... أحلامنا صغار ... مطالبنا صغار... نبي نغسل هموم اليوم ...أحزان اليوم ... ألآم اليوم ... في تلك الذكريات الجميلة ... اللي توسع الصدر ... وتشرح الخاطر
بس هاه لا تنسون ترى اليد الوحدة ما تصفق ... أريد مواقفكم الطريفة ... ذكرياتكم الحلوة ... ومشاغباتكم المدرسية الجميلة ... وإن بغيتوا نصوت في النهاية على أجمل وأطرف موقف ... تراها ماقالت لا

بسم الله نبدأ :

المدرس طبعاً !

قال لي واحد هذه الواقعة :

كنا في المدرسة وعندنا مدرس الرياضيات ... وكان هالمدرس الله يرحمه حي ميت ... يكثر من تكرر كلمة طبعاً... وكنا الصحيح في وادي وهو في وادي آخر ... الرجال متحمس يحاول أن نحفظ جدول الضرب ... وحنا ماجبنا خبر ... جالسين نحسب كم كلمة طبعاً يرددها في الحصة الواحدة ... فجأة ودون مقدمات ألتفت على طالب عندنا ... وسأله بصوت عال يامحيميد 9 * 9 كم يساوي ... رد محمد بسرعة 22 ... الصحيح متنا من ... لأننا عارفين قصد محمد ... زعل المدرس وقال له تعال عندي ... وخذ يا تسطير بالمسطرة ...محمد إلى حس بألم الضرب بكى ... وإذا إلتفت لنا ضحك ... مما زاد من غضب المعلم ... وقوة ضرباته ...وحنا تدورنا ماتلقانا ... فاطسين من الضحك فكان موقف لا ينسى

قائد الأوركسترا !

موقف حدث لي ولدعمي : ويقول انه------

كان عندنا في المرحلة الإبتدائية مدرس دين ضرير عليه رحمة الله ... المهم في يوم كان المعلم يشرح الدرس أخوكم نغزه أخو مرة عليه لعنة الله ... قمت من مقعدي أتسحب بهدوء ... وقفت خلفه ... والرجال ماعنده خبر... ورفعت قلم الرصاص ... وخذ حركات باليدين والراس قوية ... فوق تحت يمين يسار ... مع تعبير في الوجه ... اللهم ياكافي ... على بالي قائد فرقة موسيقية ... الطلاب ما كذبوا خبر ... هذا يقال له عازف كمان ... وذاك زام براطمه ويحرك أيديه على باله عازف ناي ... وأخيكم ياهملالي ... في سابع أنسجام ... على بالي إني الأسد اللي بفلم كرتون يقود الفرقة الموسيقة وشعره فوق تحت ... المهم رجعت إلى مقعدي بهدوء ... تقل شي ماصار ... بعد درسين مادرينا إلا المدير جاي ... وهات يالوم وتأنيب ... وعاقبنا بالضرب والحسم من درجات السلوك ... وكان لأخيكم النصيب الأكبر من العقوبة ... تدرون عاد نستحق ما جانا وأكثر... الله لا يواخذنا... بس منيتي إلى اليوم أعرف الطالب الدبوس اللي فضحنا .


الشوف شجر

حكاية أخرى :

في ايام المدرسة الإبتدائية ... كان عندنا مدرس حبيب ... وشوفه شجر لابس نظارات مقعرة ... تقول العدسة قاعة بياله ... وكنا في فصل كبير في الدور الأرضي ... والنوافذ طامنه ولا عليها شبوك حراسه طالب معنا عيار وشقي بنمره واستماره ... خرج من النافذة... وبعدين جاء من الباب وطلب الإذن بالدخول وكنا في الدرس الأول ... سمح له المدرس بالدخول ... جلس الطالب العيار في مقعده في مؤخرة الصف ولما أنشغل المدرس بالكتابة على السبورة ... خلع الطالب شماغه ... وخرج من النافذة مرة أخرى ... وجاء من الباب ما فوق راسه إلا الطاقية فقط ... وطلب الإذن بالد خول ... نظر إليه المعلم من فوق لتحت ثم أذن له بالدخول ... عاد إلى مقعده ... خلع الطاقية هذه المرة ... وخرج من النافذة ... وعاد للمرة الثالثة وهو أصلع ما فوق راسه حاجة ... نظر إليه المعلم وأطال فيه النظر ... وقلبه من فوق لتحت ... ونحن ننتظر يسطره كف يدير راسه ... وبينما نحن ننتظر على أحر من الجمر

قال المعلم :

.

.

.

.

.

.

.

.

.

.

.

.

.

ماذا تتوقعونه قال ؟

.

.

.

في انتظار توقعاتكم

.

وسلاااااااااامتكم












وهذا موقف صار لاحد الطلابويقول-----------
بذكر لكم هذا الموقف صارلي بجامعه الكربون والملاعق(البترول والمعادن ):- طلب منا مدرس الرياضه الركض حول الملعب الدولي خمس مرات(وين؟؟)..لفه وحده ويخب علي..وبينما كنا نركض كان فيه حائط كبير على الطريق فامسكت بزميلي بقوه واقوله خلك هنا خلهم ياخذون الفات الاربع والخامس نطلع من الحايط ونركض معهم ..زميلي انبسط وتنبأ لي بمستقبل باهر بعقبريتي..وماهي الا دقائق..ننتظر مرور الطلاب للفه الثانيه..ومافي احد..ننتظر..وننتظر..مافي احد !!..طليت من خلف الحائط لاستكشف الوضع.وكانت المفاجأه كانوا ينتظروننا هناك بعيد..رجعت لزميلي وهو يتصبب عرق ويبلع ريقه ..قلت شف..خل الدعوه عادي نطلع من الحايط ركض رغم انا انكشفنا..عندما اقتربنا منه قال كملوا لاتوقفون يوم كملنا الخمس دورات قال ياله كل معدات الملعب دخلوه داخل الصاله..وراح ومنع العاملين من النقل ..جلسنا اربع ساعات لين صلاة العشا وحنا ننقل ..








الحين دوركم يالاعضاء قولو مواقفكم
the driver
14-10-2003, 10:04 PM
:) ........... ثانك يو جود بس لو تشوفين ذكريات طلاب ينبع بالابتدائيه .... كان :o
الهيلم
14-10-2003, 10:06 PM
والله انا تاريخي خالي من المفارقات الطريفه

يعني اروح المدرسه اقعد على الكرسي

ولا قضت الحصص رجعت البيت وبس

وفكرة الموضوع رائعه

اما عن حقت المدرس وش قال للطالب

اتوقع انه ما قال شي بس انه صكه بذاك البقس

وثانكسو
$الخليجي$
15-10-2003, 01:55 PM
هههههههههههه مقالب حلوه بس والله لو أعلمكم ويش نسوي بالمدرسة ماتصدقون :أفكر:

وأنتظروا عدة مواقف غريبه وزاحفه ومضحكه :biggthump
Rytamu
15-10-2003, 03:31 PM
أنا مؤدب ..

<<<<<< مسوي مصالح ..


شكرا جود :D
$الخليجي$
15-10-2003, 07:09 PM
الموقف الأول

كنت مره أنا وأثنين من الشباب منحاشين برى المدرسة رايحين للمطعم المهم بعد ما أفطرنا
وكل واحد ملى بطنه جينا رايحين للمدرسه وبعد ما لبقنا السياره رحنا نبغى ندخل فكرنا من وين
ندخل جتني فكره وقلت المكان اللي طلعنا منه ندخل منه وإنا يوم أنحشنا ناطين من فوق جدار
المدرسة :biggthump المهم نرجع لمحور حديثنا وبعد مانطيت من جدار المدرسة أنا دخلت
الأول وخويي الثاني نط وراي على طول المهم بقى خوينا الدب ( ثالثنا ) فوق الجدار يبغى ينزل
لإنه مارقى الجدار إلا بعد الويل . ويوم جينا بنزله إلا المدير جاي من ورى المدرسة يمشي
أنا دقيت اللطمه وفركت وخويي الثاني فرك ورااااااااي وبقى الدب الخبل فوق الجدار إلين جاه
المدير ونزله من فوق الجدار ههههههههههه وبعدها صارت سوالف وعرفني المدير إنه أنا
اللي فركتنا منه وكلها من سبب هالدب الدجه :p

الموقف الثاني

كان عندنا مدرس جديد وشايف نفسه إذا مشى مايعاين تحت يعاين فوق والله العظيم إذا شفناه
ودنا إننا نجي ونعطيه طراق على وجهه ماينساه طول عمره صراحه هذاك المدرس الكل يكرهه
المهم كان عندنا الحصه السابعه وباقي على الحصه ربع ساعه وتنتهي وهو جالس على الكرسي
وساكت وجميع الفصل ساكتين وكان بجنبي واحد يحب المزح المهم عطاني ورقة دفتر مزينها هو
على شكل مربع المهم قال لي أمسك الورقه وأرفعها فوق ونزلها تحت بسرعه قلتله ليه قال أمسكها
وجرب أنا شكيت في بداية الأمر بعدين قلت خلاص جيبها وأمسكها وهووب وأرفعها فوق وأنزلها
تحت بسرعه وتقوم ويطلع لها صوت قوي جداً نفس صوت الشرديخه ( الطرطيعه ) بعدين أنا
خشيتها على طول في الدرج حق الماصه وكل الفصل يناظروني والمدرس يناظرني ووجه كذا:12:
وبعدين قام علي وقال وش هذا قلت والله ما أدري ظنيت مالها صوت ووداني للمدير وصارت
مشكله ووقفوني اليوم الثاني 3 حصص .

وإنشاء الله إذا تذكرت مواقف قويه ثانيه بأحطها لكم :icon6:
يوووووووووووووك
15-10-2003, 07:38 PM
ياهووووووو

حركتات انتي يامطعم مكسيم :09:

بين الماضي وبين الحاضر يالله نسمع يالله نناظر

أفكـــــــــار أفكــــــــــــار أفكار افكار افكار هههههههههههههاي (مضيع :31: )

شكرا على موضوعك .

انا لما كنت بالابتدائي اذكر يجيني طق لين قلت آمين

بس كان وقتها فله مااتبع نفسي كثير انقل بعض الواجبات

من أختي ( أكبر مني بس مسوووين توأم ) تختلف الدورس

بس بعضها وخاصة أيام المتوسط مافيها تعب الله يجزيها خير

بس الثانوي تغيرت طلعت دافور واعتمد على نفسي . :reporter:
______________________________________________
$الخليجي$
16-10-2003, 01:44 PM
وينكم ياشباب شاركونا بمواقفكم :12:
عماد 18
16-10-2003, 02:30 PM
الله المستعان ..
من زود الهم و الغم في هالجامعة ما عاد احد يذكر شي من ايام الدراسة ..
بس في موقف للحين ما نسيته حصل لي في اولى متوسط ..
وقتها كنت دافور <== بالحيل ..
المهم كان عندنا مدرس تعبير مخفة ..
طول الفصل الاول ما كتبت موضوع تعبير الا مرة وحدة ..
و الباقي انقله في نفس الحصة ..
المهم الفصل الثاني ما ادري وش اللي غيره ..
صار يقرى المواضيع كلها من جد :tongue2: ..
و يطيح فيني انا و اللي نقلت منه ..
طبعا سويت شهم و اعترفت اني انا الي نقلت منه الموضوع بعد ما جلس يهدد و يتوعد ان لازم واحد منا يعترف ..
على امل انه يسامحني يعني ..
و يجيك و يرصني بصفر كبر راسي في الشهر الاول ..
طبعا ترتب على هذا الصفر احداث مؤسفة وقتها خلتني اصير استاذ في التعبير بعدها http://www.webpost.net/sp/spikeyman/dog.gif ..
و في ايام الثانوية ..
طحت بشلة مسوين فيها كبار و معسل و قهاوي لكن ما تاثرت فيهم و لله الحمد كلي عقل :cool: ..
و في يوم من الايام و يلزمون علي افرك معهم من المدرسة <== لاني وقتها برضوا كنت دافور ..
المهم ..
و من زين هالحظ ..
المرة الوحيدة اللي فركت فيها و رحت و لاول مرة في حياتي لمقهى ..
لقيت واحد من عيال جيراننا حاقد علي -المشكلة انه داج اصلا- ..
طبعا لاني وقتها ما كنت مستوعب شلون عماد يفرك من المدرسة فما انتبهت للي كانوا في المقهى ..
و يجيك الاخ الكريم و يشهر فيني ..
طبعا الوالد عقبها عينك ما تشوف الا النور ..
من كثر العقوبات الي انفرضت علي حسيت اني ليبيا بعد حادثة لوكربي ..
بعد هذيك السالفة صارت لي تغييرات جذرية احدها اني نقلت من المدرسة الي كنت فيها ..
و انحرمت من كل وسائل المتعة و الترفيه -تكفى يالمسرح المنزلي- ..
مع انها كانت فترة صعبة ..
بس بصراحة الواحد وقتها ما كان يغتم مثل الحين ..
$الخليجي$
16-10-2003, 02:51 PM
هههههههههههه موقف لا تحسد عليه ياعماد أجل أول مره تنحاش من المدرسه :p
أنا لو يمر أسبوعين ما أنحاش من المدرسة تجيني حالة نفسيه وبعض الأحيان أنكفش وأحياناً
مايدري عني أحد . لكن إذا أنكفشت أعقل أسبوع أسبوعين وبعدها أعود لهبالي :biggthump
silent evill
16-10-2003, 03:19 PM
اي والله ياعماد صدقت وانا اخووك...

الجامعه مارواها الا الغم...

تصدقون شباب اليوم الخميس توني داخل بيتنا الساعه 3 العصر وربي حرااااااااااااااااااام...

ارهاااااااااااااااااااااااااااااااااااق....