مظاهره الرياض بالصور .. وماراثون عالمي [الأرشيف]

HArb200

15-10-2003, 12:53 AM

هذي مشاركة منقولة من موقع القلعه

السلام عليكم ...

اولا اتيت بسيارتي من شمال الرياض عبر طريق ( فهد ) وكانت الزحمة شديدة تقريبا الساعة الرابعة ...

وانا في الطريق رايت في ساحة الجريسي سيارات مكافحة الشغب وبينها سيارات مدنية ربما للمباحث وباصات تقارب الخمسة فعلمت ان الاعتصام لن يمر على خير مع هذه الحكومة الهمجية

والسيارات في الطريق تتحرك ببطأ شديد حتى وصلت الى محاذاة برج المملكة وانا على الطريق فرأيت ساحة الاعتصام وبها من ( الجيوش ومكافحة الشغب والباصات ) الكثير جدا وكأنهم يستعدون لتحرير العراق وفلسطين ...

رأيت - وانا لا ازال في الطريق - سيارات عليها مدفع رشاش !!!
فجزمت ان من يحكمنا عبارة عن مجموعة من %$#@%$#@#

عند ذلك رأيت الناس على يميني وانا في السيارة وهم واقفين على الرصيف وفي مواقف للسيارات امام المحلات فدخلت خط الخدمة
واوقفت سيارتي في الحارة ...

نزلت ووقفت مع الناس وما هي الا لحظات حتى تجمع عشرات من الناس وبأيديهم المصاحف ويهللون ويكبرون فأنضممت لهم ثم رددنا : اطلقوا غيداء الشريف اعطونا حقوقنا ونحن كل قليل نهلل ونكبر
بعد خمس دقائق تجمعت الدوريات حولنا فلم نبالي وسرنا جهة الجنوب ثم رجعنا .. ونحن كذلك ازداد اعداد المتظاهرين بشكل كبير جدا ...

رأينا بعض النساء في سياراتهن تقريبا 30 امرأة في عدد من السيارات سألوا بعض الاخوان عن اماكن النساء

في هذه اللحظة وعلى مشهد من الكل ظهر واحد من المباحث من وسط الدوريات واخذ يرمي الحضور بالحجارة ... تفاجأنا وتراكضنا يمين ويسار وما هي الا لحظة حتى رمى احد الابطال ربع بلكة على وجه هذا الخسيس ...

ثم قام اثنان من الشرطة بضرب رجل حتى سقط والله على ما اقول شهيد

تفرقنا ثم اجتمعنا ... ثم نفترق ونجتمع ... وهكذا لمدة

ثم اتوا #$#@$# ( مكافحةالشغب ) ونحن داخل الحارة نريدالتجمع مرة اخرى فأخذوا يجرونا خلفنا ثم نبتعد عنهم فنراهم يقفون فنرجع للتجمع والاتجاه نحوهم فيركضون خلفنا في مشهد مضحك مبكي وكأنهم بغال او ثيران هائجة خلفنا لا بعون ما بفعلون

ازداد عدد الدوريات وال**** ( مكافحة الشغب ) والمباحث *****

فتفرقنا داخل الحارة ... وهكذا حتى اذان المغرب ولا اعلم ما دار بعد ذلك

لاحظت شاب معنا عمره تقريبا 19 سنه ضعيف البنية وهو اعرج ومعه عكازة يدعونا وبكل قوة للصمود والمواجهة وانا من هنا احييه من كل قلبي على صمودة ورجولته وشجاعته فالله يحفظه

ايضا لاحظت ان شجاعة الناس ازدادت بشكل يبشر بخير ولله الحمد

والخلاصة ان من يحكمنا عبارة عن *** ***** ... شجعان في قمعنا... دجاج وجبناء في مواجهة من هو اقوى منهم

من ماجد التميمي .. القلعه

============
مشاري ,,
والله منظر مبكي فعلا .. حتى المطالبه بالحقوق ممنوعه ..

خوباج ,,
ام سعود !!؟؟ .. ايه هذي وحدة .. الله يستر عليها :06:

Kubaj

15-10-2003, 01:05 AM

الحقيقة هي ضربة قوية ..لصالح الحركة " فقط " !!

Cyber Master

15-10-2003, 01:23 AM

الله واكبر الله واكبر والله انه لنصر عضيم وخطوه مهمه في تاريخ شعب الجزيره والله لم اتوقع حضور هذه الأعداد والله انهم بعشرات الألوف ورغم الوحشيه والطريقه الحيوانيه اليهوديه الذي واجههم بها طواغيت مكافحت الشغب بس يعجبونك الشباب هبلو فيهم كل شوي يروحون لمكان و لم يردو على هالوحوش لأنهم من الأول اعلنو انها مظاهره سلميه ولاكن يبدو ان السلم لاينفع مع هالأشكال والله اطفال ومعوقين ونساء وشياب ضربو ضرب اليهود وركوبو في الباصات دعسو السجاجيد والمصاحف ولاكن مانقول غير حسبنا الله ونعم والكيل مسوين فيها حقين حقوق انسان هم ووجيهم اجل مسوين مؤتمر عن حقوق الأنسان وانتم بغيتو تذبحون الفقارا والمساكين يوم جو يتظلمون
ويطالبون بحقوقهم بطريقه سلميه
بالنسبه للذين اسرو في التوبيسات (السجون المتحركه) فهم اكثر بكثير مما ذكر في وكالات الأنباء فعدد التوبيسات كان كبيرا ولاتقل عن عشره وكل توبيس فيه مالا يقل عن 40 اسير فبالتأكيد عددهم اكثر من 50 بكثير كما ذكرة الجزيره ورويتر

وا نشاء الله هذي بدايت الغيث وبدايت الغيث قطره
وقريب انشاء بتشوفون لقطات فيديو اتوقع اغلبكم موب مصدق انها في السعوديه بيقول اكيد انها مصوره في اسرائيل والله شايب قدامنا ينجلد ويطيح على الأرض ولا فيه اي رحمه خلاص طاح خلوه لا ويتشوت في الرسيف وينسحب على الزفلت بس طبعا ماراح تنزل هنا تعرفون وين

Dr.Lucifer

15-10-2003, 03:11 AM

إصلاح ؟؟
إيه طيب سلملي :p
ماأقول إلا ما أخس من قديد إلا عسفان

HArb200

15-10-2003, 04:55 AM

لاااااحول الله

اخبار عن ظرب للنساء وشد شعورهم في الساحة اللي حصلت فيها المظاهره .. وللاسف الشديد ضربت ام سعود ضرب مبرح ..

وعلى فكره ام سعود .. هي والدة احد المعتقلين بسجن الحاير "سعود" .. وقد احترق فيه مع من احترقوا .. وكانت حاظره لتطالب بحقة بس !!

لاحول الله حتى الحريم بعد ضربوا !!

الله اعلم ان المظاهره ذي ماراح تكون الاخيره ,,

على فكره .. يقال ان الاعداد وصلت الى 30000 متظاهر .. لم يحملوا سوا المصحف وسجادة .. وقارورة مياه فقط .. وبدون اي سلاح ,,

HArb200

15-10-2003, 10:37 AM

الصحــــــــــــــــــف السعوديه .. تثبت فشلها الذريع في تبنيها لحرية الرأي .. بل تثبت .. انها تحت سيطرة الحكومه بكل حرف ,,

لا يخفى عليكم ماصدر من الجرايد اليوم .. خصوصا الوطن .. اللي معروف ان مراسليها بكل مكان .. وبكل داعوس .. يعني سبحان الله .. ولاااااااصورة !!!

حتى الرياض وعكاظ .. وهذا دليل على فشل هالجرايد والاعلام السعودي بشكل عام .. وانه لايؤخذ منه لاحق ولاباطل <<يمكن باطل

عموما .. يااخ اكس بوكس ..اغلب المواقع المعروفه مالقيت فيها الا مجرد صور .. ياليتك ترسللي المواقع اللي عندك .. غير الاصلاح والقلعه ومنتدى المسعري والساحة ايضا .. اذا ماتبي تحطها هنا .. اتمنى ترسلها رسالة خاصه .. واكون شاكر لك ,,

عموما .. الصحف اثبتت براعتها بانها نشرات دعائيه!!! .. اما الاخبار .. فما عندك ماعند جدتي ,,

راح تسجل هالفضيحة بتاريخ الاعلام .. والى ان تظهر فضيحة اخرى .. صورة مع التحية لكل واهم بوجود حرية بهذا الوطن ,,

http://newsimg.bbc.co.uk/media/images/39451000/jpg/_39451362_saud_203_b.jpg

Cyber Master

15-10-2003, 11:57 AM

ياحليلك ياهارب متوقع ان الأعلام السعودي بيتكلم عن المظاهره هذي ودهم لو يغطون الشمس بغربال لاكن الي صار اليوم وين يغطونه معه العالم كله درا بلي صار خصوصا انه صارت في وقت مؤتمر عن حقوق الأنسان والسفارات كلها كانت متابعه الوضع واغلب الوكلات كانت تقدر تصور وتبث بس ماكان عندها تصريح وخايفين من المشاكل ولا كل شي مصور ومثبت لاكن خلاص انفضحو فضحه مابعدها فضيحه انهم نظام قمعي متوحش لايحترم حتى حقوق الحيوان
اجل العربيه المصخره تقول ايش تقول المتظاهرين عشره
البلد مقلوبه مافي مكان مافي شرطة مكافحت الشغب عشان عشره والله الناس الى ماتستحي حتى مافي احترام للعقول مافي اسهل من الكذب والدجل عندهم

Cyber Master

15-10-2003, 12:05 PM

بالنسبه للفلام ياهارب اغلبها راح تنزل في المواقع الى ذكرت بس اصبر عليهم شوي لآنهم بيحولنها اول ثم يرسلونها لحركة الأصلاح عشان تحاول تنشرها على وكالات الأنباء ثم بعد كذا تنزلها وبعظهم رافض يسلم الفلم الا لقناة تأكد له انها بتبثه بس اصبر واذا نزل شي بعملك بالخاص

نيو ايرفين

15-10-2003, 12:39 PM

مثل ما قال لوسفير ما أخس من قديد الا عسفان

آل سعود و الاصلاح كلهم سواسية!!

يا ليت يتطبق هذا القول

حاكم كافر عادل أفضل من حاكم مسلم ( او مدعي الاسلام ) ظالم!!

والدليل النجاشي ملك الحبشة قبل اسلامه!!

RPG_master

15-10-2003, 01:03 PM

مشكله ذا المساكين الي طلعوا..

فعلاً بقبق فقيه ذا مهوب جاي من وراه الا شر وفتن..

Undine

15-10-2003, 02:19 PM

والله مدري اللي شايفين هالشي يضحك او نكته بنظرهم فهذا لانهم قاعدين ببيوتهم ومريحين :33: بس اعتقد ان اكثر اللي شاركوا في المظاهره ناس مساكين
او مظلومين والله اعلم :06:

هي فوضى صحيح وانا ضدها لكن هاذي نتيجة الكبت ولان ما فيه حرية راي والا وش بيضرهم ان سمعوا للشعب :33: شي يفشل صراحه

والا المضارب اللي صار تقول قطيع غنم موب آوادم زيهم

Y a z e e d

15-10-2003, 02:27 PM

تصدق توني ادري ...
نايم على وداني ...
اقرفتني الاخبار ...
حتى الاصلاح ماعمري شغلتها مع اني حاط الهوت بيرد عشانها ....
حدي mbc2 يكفي افلام قبل 200 سنة ...
احسن من الفقيه ...
للاسف عندنا رؤوس حجرية مافيه امل تعدل سياستها ...
بس الحمدلله نقول احسن من غيرنا ...
مع اننا والله اننا منيب قايل ! ...
على فكرة على طاري التلفيزيون ...
اليوم الاكشن نايت موفي ...
نشوف الفلم اللي بيجيبون له خمسين ولا مية سنة ...
على فكرة يقولون عندنا دبابيس و أبر بكل مكان ...
الله يستر على المنتدى لا يروح ..
انا عادي ارامكو ...
على فكرة ...
ترى الفقيه اعرفه من زمان وشفته هناك حتى ....
الرجل اخلاق فعلا ورجل بالمعنى الكامل ...
بس ماينفع ابدا للحكم او للمعارضة !! ..

مشكورين ...

Kubaj

15-10-2003, 03:20 PM

هو يتضح للجميع بإن أغلب اللي ذهبوا للمظاهرة هم صنفين ..

صنف ظلم مثل ام سعود ..وصنف متحمس مع الحركة " أي " مجرد أداة تستخدم لمصلحة الحركة ..

الحركة كما سبق ان ذكرت لها اهداف اكبر بغض النظر عما تعلن عنه وآلى آخره ..

اما التظاهر بحد ذاته واللي قللت من قيمته جريدة الرياض اليوم بتسميته التجمهر على لسان

الدايخ نايف ..فهو شيء لا بد منه ..ولن تكون الأخيرة على كل حال ..

وإن الله مع الصابرين ..وكان الله في العون ..والله يكفينا شر الفتن ..

D0WN~T0WN

15-10-2003, 03:33 PM

مشكلة ان المواطنين اتجهوا للفقيه قبحه الله لان الحكومة ماعطت المواطنين وجه ولا لبت مطالبهم
فلذلك الفقيه يعتبر المخرج الوحيد للاسف للمواطن ولو ان الحكومة عادلة وتعطي الحريات وتقلل من سرقة المال العام فاولله ان الفقيه بيقشر بصل هو وجماعته الضالة

HArb200

15-10-2003, 06:25 PM

اكس بوكس ,,
طبعا شي معروف .. لكن جريدة الوطن بصراحة .. كان هذا هو المحك الرئيسي لصدقها .. اما الرياض وباقي الطقه .. فهم معروفين ,,
ومشكور عموما .. وانا انتظر جديدك ,,

نيو ايرفين ,,
ياليت ننسى هالمقولة .. لاننا وبكل صراحة شاربين فيها مقلب كبير ,,

اندني ,,
فعلا .. مثل ماقلتي كلهم متظررين .. وحنا لا والله مانضحك .. لاكن منظرهم مبكي ومضحك في نفس الوقت .. فهروب الرجال .. وظرب النساء .. مصيبة ,,

انجلز نايت ,,
يارجال الفقيه .. نبي نستعير منه ذكاءه .. ولامن صحى الشعب .. ذيك الساع نعرف من اللي يحكمنا ..

خوباج ,,,
على كل حال من الاحوال .. <<هذي جملة نايف
ان شاء الله ماراح تكون الاخيره .. دامها سلميه .. ومجرد مطالبه بالحقوق .. فما فيها اي مشكله
المضحك .. ان نايف يقول مدري جريدة الرياض. . انه من اراد مقابلة اعلى راس بالدولة .. يسمح له وبعرض شكواه ,,
اقول .. ايه هين .. افلقني . الا بيحط في الائحة السوداء .. وكل مشكله تصير راح يجر على خشمه ..

داون تاون ,,
نعم .. والا الفقيه افكاره غريبه .. وتكفيريه الى حد ما .. لكن هو الصوت الحر الوحيد اللي يطالب بحقوق الشعب .. في ظل وجود حكومة كبت .. تأمر وتنهي بدون معارضه ,,

Cyber Master

15-10-2003, 07:03 PM

الفيقه والحركه كلها دورها اعلامي اما الحكم هو مايفكر فيه ولايقدر اصلا لأنه ماعنده جناح عسكري زي بعظ التنظيمات الأخرى الى لها خلايه نايمه هنا وتنتظر ساعة الصفر لذلك هي تراقب نتايج الأسلوب السلمي الى تؤمن به الحركه وعلى ذلك تقرر
وترا كل الى يتكلمون في القناة ويهددون ويقلون بنرفع السلاح كلهم مايقدرون يسون شي الى يقدرون يسوون شي مايتكلمون يشتغلون بسكوت
والتجربه هذي راح تغير نظرة كثير من الى كانو يعتقدون بأن المطالبه بالأصلاح بأسلوب سملي هو الأفضل
اما الي يؤمنون بالقوه فعتقد انهم شافو النتايج الى راح تخلي محد يلومهم بعد كذا وزي ماقال الدكتور سعد صعبه بعد كذا اقناعهم بالأسلوب السلمي رغم انه مازال يرفض العنف

silverpaco_101

15-10-2003, 09:01 PM

فتن الله المستعان

Dr.Lucifer

15-10-2003, 09:07 PM

أحب أضيف تعليق أخر ..
بخصوص الحركة و البلبلة الي مسوينها ..
هم أولا و أخيرا يطمعون بالسلطة ..
و بالنسبة للأخوان الي يعلقونو يقولون ظلم و ما ظلم ال سعود ..
هو صح فيه ظلم و ما أحد يقدر ينفي هالكلام ..
بس هل تضمنون إنه إذا وصل غيرهم للحكم إنه ما يسوي مثلهم و أخس ؟؟
السلطة و الحكم تغير البشر ..
و حكاية الي ينقال عن خيرات البلد ..
أي خيرات ؟؟
البترول .. هو أصلا بالمنطقة الشرقية و الربع الخالي .. و دخل المملكة أصلا يعتمد عليه بنسبة كبيرة ..
يعني لو من جد يرجع لأصحابه الحقيقيين .. يرجع لأهل الشرقية و باقي مناطق الممللة ما تاخذ أي هلله من عوائده ..
المنطقة الوسطى و تبقى زي ما هي .. و الغربية تعتمد على الحج .. و الإزدهار راح يكون بالشرقية ..
هذا إن كنتم تبغون التوزيع فعلا يعود على أصحابه ..
أما إنه إحسبوا كل العوائد فذا كلام خيالي ..
المملكة تنتج حاليا 8 مليون برميا يوميا .. و السعر يتراوح ما بين 28 إلى 32 دولار أمريكي .. إذا حسبنا المتوسط راح يكون 30 دولار .. و يطلع بالسنة دخل المملكة من النفط و الي هو يمثل 70% من الدخل .. 87600000000 دولار و إذا حسبت عدد سكان المملكة بيطلع لك صافي الدخل السنوي للفرد هو 4380 دولار .. ذا لو توزع على طول هالدخل على السكان ..
عاد إحسبوا المشاريع و الوزارات الي تدار و الناس الي ينصرف عليهم من موظفين وغيرهم و الي عايشين على نظام الضمان الإجتماعي ..
و إسألو بعدين وين تروح هالفلوس كلها ..
صح فيه جزء يروح في الجيوب و الحسابات في سويسرا ..
بس يعني ما كان عمره الفساد الإداري مشكلة تتطلب خلع الحكام ..
لأنه موجود في كل دول العالم و ما في مجتمع مثالي ..
لكن الحل الأكمثل هو إعادة صياغة القوانين الإدارية و وضع ناس أكفاء على رأس العمل .. مو هالعجز الي عفنوا على مكاتبهم كل شوي جاي له تمديد ولا هالشباب الي ما همه غير إنه يجلس بمكتب و يشرب شاهي و يصرف الناس ..
و يكون فيه محاسبه ..
لكن .. كما تكونوا يولى عليكم ..
و أختم بحديث للرسول صلى الله عليه و سلم ..
‏حَدَّثَنَا ‏ ‏عَبْدُ الصَّمَدِ ‏ ‏وَعَفَّانُ ‏ ‏قَالَا حَدَّثَنَا ‏ ‏حَمَّادُ بْنُ سَلَمَةَ ‏ ‏أَخْبَرَنَا ‏ ‏عَلِيُّ بْنُ زَيْدٍ ‏ ‏عَنْ ‏ ‏حِطَّانَ بْنِ عَبْدِ اللَّهِ الرَّقَاشِيِّ ‏ ‏عَنِ ‏ ‏الْأَشْعَرِيِّ ‏
‏أَنَّ رَسُولَ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏ ‏قَالَ ‏ ‏إِنَّ بَيْنَ يَدَيْ السَّاعَةِ ‏ ‏الْهَرْجَ ‏ ‏قَالُوا وَمَا ‏ ‏الْهَرْجُ ‏ ‏قَالَ الْقَتْلُ قَالُوا أَكْثَرُ مِمَّا نَقْتُلُ إِنَّا لَنَقْتُلُ كُلَّ عَامٍ أَكْثَرَ مِنْ سَبْعِينَ أَلْفًا قَالَ إِنَّهُ لَيْسَ بِقَتْلِكُمْ الْمُشْرِكِينَ وَلَكِنْ قَتْلُ بَعْضِكُمْ بَعْضًا قَالُوا وَمَعَنَا عُقُولُنَا يَوْمَئِذٍ قَالَ إِنَّهُ لَتُنْزَعُ عُقُولُ أَهْلِ ذَلِكَ الزَّمَانِ وَيُخَلَّفُ لَهُ ‏ ‏هَبَاءٌ ‏ ‏مِنْ النَّاسِ يَحْسِبُ أَكْثَرُهُمْ أَنَّهُمْ عَلَى شَيْءٍ وَلَيْسُوا عَلَى شَيْءٍ (مسند أحمد)
و الله الهادي إلى سواء السبيل

عماد 18

15-10-2003, 09:59 PM

RPG_master

15-10-2003, 10:40 PM

الواحد ما يدري من يصدق ..
في ناس يقولون ان هالمظاهرات كانت لتحرير المرأة ؟!
و في ناس يقولون انها للاصلاح .
و في ناس يقولون انهم حقين الحاير -معقولة كل هذولا عشان الحاير ؟!- ..
يعني بالعربي ما طلعنا بشي ..
و ترى الكلام سهل لذا الواحد لا يصير امعة و يقول مثل ما يقولون الناس ..
يعني ما تدري هل كل هالكلام الي ورد حقيقة و الا من نصب ..

المظاهرات متفقين عليها من فتره في منتديات الاصلاح,وهم الي مسؤولين عنها..

وانا اؤويد كلام لوسيفر, الفساد وغيره يقدرون يغيرون بعض المسؤولين وبعض الأنظمه,المسأله ما تحتاج مطالبه بخلع حكام او ماشابه..

الي يقهر انه يجيك واحد فاشل بحياته ومامعه الا شهاده ابتدائي ويقول الدوله ظلمتني وما عطتني حقوقي..وهذا حال نص اعوان اللإصلاح.

HArb200

15-10-2003, 10:42 PM

اكس بوكس ,,
ليس في صالحهم ان يغيروا من نمط المظاهرات .. من سلمية الى غيرها .. لان المنطقة مهيب ناقصة انقلابات .. فامريكا بالشمال .. والشرق ..

يجب ان تؤخذ الامور بعقلانيه .. والمظاهرات السلميه .. شيء لابد منه .. ولا فيه اي منكر .. اما الفتن القوية والانقلابات .. اعتقد مهوب هذا وقتها ..

لوسيفير .. بالنسبة للبترول .. لا طبعا .. يعني اهل الشرقيه حرام عليهم يعتمرون او يحجون ؟
هذي منطقة وحدة .. جزيره واحده .. التقسيم جاء حسب متطلبات وقتيه .. واومر لندنيه ,,

عماد .. هي مجموعة مطالبات .. ومافيه شي اسمه تحرير المرأه

يمكن قصدك تحرير غيداء الشريف .. اما تحرير المرأه ماطالبوا فيه

بالنسبة للتصديق .. اعتقد كل من كان بالرياض امس .. مصدق 100% .. بحصول هالمظاهره والحشد الغفير اللي حظرها.. والصور مجرد داعم فقط ,,

عماد 18

15-10-2003, 11:05 PM

انا ما قصدت ان المظاهرات ما حصلت ..
اقصد سالفة انهم مصاحف و ما ادري ايش و حقين الحاير و تحرير المراة ..
و جو المباحث و رموا عليهم حجارة ..
فلسطين على غفلة ؟!
الا من هي الشريفي هذه ؟؟

RPG_master

15-10-2003, 11:18 PM

المظاهره كان تقدر تقول فيها صاحب حق واحد..الي هي ام سعود الي توفى ولدها بالحريق (هذا الرابط الوحيد بين حريق الحاير والمظاهره)

لكن مسكوها,وشريفه مدري وش اسمها ذي زوجها تبع الاصلاح وصايدينه وصادوها الظاهر معه:tongue2:

الباقي سعوديين فاضين شافوا زحمه وتجمهر ورايحين يفلونها..

والنصبات تدوي اصدائها بكل مكان من حقين الاصلاح..

اخرها ان عدد المتظاهرين اربعين ألف ههههه:33:

عموما عن اذنك برجع اكمل نومتي:31:

HArb200

15-10-2003, 11:29 PM

عماد

وش شريفي

هذي وحدة اسمها غيداء بن فلان البركاتي .. من ال بيت الرسول صلى الله عليه وسلم

قبض على زوجها البيز .. لانه يشارك بالاصلاح .. ثمن قبض عليه هي ايضا لانها شاركت

واعتدي عليها .. حسب ماقالت هي بلسانها .. واحد الضباط قاللها انتي مكانك على السرير

ومن هنا شرارة النار اللي كونة المظاهره

عماد 18

15-10-2003, 11:40 PM

ماستر
زين اذا الجرايد ما كتبت شي ..
شلون عرفتوا انهم مسكوها ..
و هل هالمسك كان حبس و الا ودوها لاهلها ؟؟

هارب
وراك تتكلم بمصطلحات غريبة ..
و وش دخل ابونا بسالفة كونها من ال البيت و الا لا ؟؟
و من اين لك هالمعلومات الخاصة ؟؟
و لو كان مقبوض عليها شلون قدرت تقول انه تم الاعتداء عليها و كيف طلعت هالجملة الغريبة " انت مكانك على السرير" من المخابرات ؟!
اعترف :33:..

HArb200

16-10-2003, 12:00 AM

وين قلت انا ابونا ؟؟

شكلك خلطت بين ردي .. وموقع كيف تكون ابا صالحاً

وبالنسبة للكلام ..

هذا وصلني من مصادري الخاصه

عماد 18

16-10-2003, 12:04 AM

وين بس زيدان 10 عنك يا ناشر الفتن :cool: ..

HArb200

16-10-2003, 12:19 AM

فتن .. كيف الحال

انا اقوللك ليش صارت المظاهره .. وماهي دوافع المتظاهرين

وش دخلني بالفتن اصلحك الله .. يااخي العزيز

DE NILSON

16-10-2003, 01:58 AM

ههههههههههه
والله الجرايد السعودية فلللللللللللللة

والله لاحس ولا خبر مساكين والله

اخوي هارب ممكن تقولي قصة غيداء البركاتي!!

Dr.Lucifer

16-10-2003, 02:07 AM

و نراكم في حقلة حديدة إن شاء الله من المسلسل الهزلي ..
صراع على السلطة << لا أحد يحسبها سلطة خضار :p
من بطولة ..
الديك الفصيح بق بق فقيه ..
و اللهم سكنهم مساكنهم نونو :p

RPG_master

16-10-2003, 02:31 AM

مصادره الخاصه هي منتديات الإصلاح المحجوبه..

يا كثر البروكسيات عندك يا هارب :33:..

وعاد المشكله ذا الإصلاح ما تصدق كل شي ينقال عندهم..

بس فعلا هي أمنيه وحده..تمسك زيدان 10

وتنطله بمنتديات الإصلاح :tongue2:

Kubaj

16-10-2003, 04:18 AM

:soapbox:ربج ماستر يا عميل

HArb200

16-10-2003, 04:07 PM

دنلسون ,,
ابد القصة هذي هي .. وعلى حسب ماسمعته .. اذا تبي تفاصيل .. خش موقع الاصلاح

ربج ,,
ياخي واذا كانت مصادري من الاصلاح .. انا انقل .. بس .. لانكم انتم عايشين بكوكب اخر .. لذلك انقل لكم .. يارعاك الله

وهذي صوره ثانيه من منتديات حايل بعد حيي .. ويظهر فيها قوات مكافحة الشغب

http://www.elaph.com.:9090/elaph/pub/images/large/2003/oct/14/1066150483260471600.jpg

لكن صراحة انا ناوي اخش على الملك .. دام الابواب مفتوحة ..

من يخاويني :p

Dr.Lucifer

16-10-2003, 04:57 PM

صراحة انا ناوي اخش على الملك .. دام الابواب مفتوحة ..

من يخاويني :p
الله معاك :p

HArb200

16-10-2003, 07:52 PM

على فكره بضيف لكم هالخبر .. واللبيب بالاشارة .. يفهمُ

ترحيب امريكي بقرار المملكه إجراء انتخابات بلدية

واشنطون - واس :
رحبت الولايات المتحدة الأمريكية الليله الماضيه بقرار المملكة العربية السعودية اجراء انتخابات بلدية في غضون فترة أقصاها عام واحد.

وقال المتحدث باسم الخارجية الامريكيه ريتشارد بوتشر في ايجازه الصحفي اليومي: اننا نرحب بقرار الحكومة السعودية أمس الاثنين اجراء انتخابات بلدية في غضون عام .

والله يخليك يامريكا .. ذخر لنا .. وتلوموني يوم احط ايميلي باسم بوش :33:

Cyber Master

17-10-2003, 03:14 AM

مظاهرات عن تحرير المرأه ههههههههههه ياهم فقاشين ذا العالم والله مسكين الى لين الحين متقوقع في عصر العولمه هذا مايعرف غير غصب واحد وغصب اثنين وجريدة الرياض وطقتها

شف ذولا يطالبون بفتح كزونوهات ومراقص ودسكو (تراها موجوده بس بالسر وذولا يطالبون بها تكون للجميع عشان يصير فيه عدل)

http://www.bayanit.com/upload/protected/g1.JPG

http://www.bayanit.com/upload/protected/g2.JPG

http://www.bayanit.com/upload/protected/g3.JPG

http://www.bayanit.com/upload/protected/g4.JPG

طبعا في بعظ الناس بيقول وش اسراه حنا في حرب
هذا نقوله خلك نايم في العسل وتابع الجرايد الي من يوم طلعت ماتغيرت الصور الى فيها خلك في عالم ثاني

CARLA

17-10-2003, 03:18 AM

الله يكفينا الشر...زمن الفتن جا :(

Cyber Master

17-10-2003, 03:25 AM

ان كان في احد يبي الفتن فهم الى يبونها وهم الى بيجبونها الى مصرين يدوسون اي واحد يطلب حقه ومصرين على الأستمرار على الظلم وعلى ماهم عليه وهذي التجربه شوفتها بعيونك ناس جاين عوائل اطفال معوقين شياب نساء جاين بمصاحف وقوارير مويه ولافتات ماذا حل فيهم هجمو عليهم مثل الحوش الظاريه وودو لو يقطعهوهم ويحرقوهم ناس لاترحم ولاتبي رحمت الله تنزل

Lucky guy

17-10-2003, 09:36 AM

ههههههههههههههههههههههههههههههههههههههه ... يا زين وطنا -____- ..

Dr.Lucifer

17-10-2003, 05:14 PM

b0x]'] ناس لاترحم ولاتبي رحمت الله تنزل

رحمة الله محد يقدر يردها :)

HArb200

17-10-2003, 11:37 PM

شكرا اخ اكس بوكس على الاضافات والصور

لكن مافيه اي مقطع فيديو ؟

وعلى فكره انت حضرت المظاهره هذي ولالا

Cyber Master

18-10-2003, 03:11 AM

Dr.Lucifer
طبعا محد يقدر يردها والي مايبي الشي موب معناتها انه يقدر يرده
هم مايبونها تنزل بس هي بنتزل بأذن الله غصبن عن خشومه وان شاء الله انها بتنزل قريب

HArb200
فيه مقاطع بس اغلبها كبيره وهذي الصوره الى نزلتها الحين هذي صور من مقطع فديو الى مصوره مابعد عرف يحوله لنسق اصغر او يجزئه عشان ينزله بالنت بس ان شاء الله اذا نزل شي راح اخبرك
بس اتوقع انه بينشغلون الحين بوصايا شهداء الحرمين الى نزلت اليوم
بالنسبه للمظاهره ايه حاظرها

HArb200

19-10-2003, 03:51 PM

صور جديدة

وعلى فكره يااخ اكس بوكس .. حتى لو كانت كبيره ... عادي .. اتمنى تحط وصلاتها هنا .. وشكرا لك

http://home4man.1ksa.com//_____________9.jpg

http://home4man.1ksa.com//_____________10.jpg

http://home4man.1ksa.com//_____________7.jpg

http://home4man.1ksa.com//_____________8.jpg

هذي صور جديدة ..

2TGOOL

21-10-2003, 12:25 AM

مشكورين شباب على جهدكم
ومشكور يا هارب :12: مهما كان لازم نشكرك..

اما رايي في الموضوع برمته..
فأنا اشوف إن مطالب الفقيه من بداياته..
كلها تحوم حول الفلوس والنفط اللي ينهبونه الأمراء..
وصحيح إن المعلومات هذي حقيقه واقعيه..وإنهم ينهبون المال العام..بدون وجه حق..
بس تبقى هذي الأمور امور دنيويه..وأشياء تافهه..
حطام دنيا يعني..

لكن اللي يحز في النفس ويقهر..ويخليني اصر إني اشارك بأي مضاهره جايه إن شالله.
هو كيفية تفكير آل سعود ونظرتهم لنا..
وكيف يعاملون ناس جوا رافعين المصاحف..
يرسلون عليهم كلابهم..ويطقونهم من غير حتى ما يتفاهمون معهم..؟؟؟!!!!! وين عايشين..

يعني بغض النظر إن هذا الشي ما راح يمر على خير ابد ابد..

لكن انا اتسائل وشلون يكفرون الأغبياء هذولا..
يحسبون إننا راضين بهم ونبايعهم خوف منهم..؟؟؟؟؟
السبب الوحيد اللي يخلينا نسكت عن الضلم..ويمنعنا إننا نطلع عليهم..هو إنهم ما زالوا مسلمين..
لكن بالطريقه هذي..هم قاعدين يعجلون نهايتهم..وكأني بذاك اليوم اللي يجرجرونهم الناس بالشوارع..
الضالم منهم..واللي ما سوا شي بعد...ويسحبونهم بالشوارع..

ما أدري كيف تناسوا إن شبابنا هزوا الإتحاد السوفييتي..وهزموه بأفغانستان..
بعدد وعدة قليلة..وهو الي كان اقوى جيش في العالم بوقته..(الإتحاد السوفييتي قصدي)

والا تناسوا وش سووا في البوسنه ..؟؟؟

والا يتناسوا وش سووا بالشيشان..؟؟
والا تناسوا منظر البرجين وهم يتساقطون..؟؟

انا بقول بس كلمه وحده خاتمه..

الشباب هنا يدورون الجهاد برا بأي وسيله..
فكيف لو يفتحون الباب لهم هنااااااااا؟؟؟

HArb200

21-10-2003, 06:31 AM

لكن بالطريقه هذي..هم قاعدين يعجلون نهايتهم..وكأني بذاك اليوم اللي يجرجرونهم الناس بالشوارع..
الضالم منهم..واللي ما سوا شي بعد...ويسحبونهم بالشوارع..

خخخخخخخ .. تخيل بس

انواع الفله ..

ياشيخ والله مهوب حاسين بالخطر اللي حولهم ..

لكن يجيلهم يوم .. وياخذ المظلوم حقة .. ويشوف الامير .. ويشوته بنعلته على قفاه .. وسمو الامير .. يقوله .. القبر قدامك وقفاي امامك خخخخخ

حتى هالكم باكستاني .. اللي جايبينهم عشان الحماية من ابناء الشعب .. مهوب نافعينهم .. لاجا وقت الجد .. فزعوا الباكستانيين معنا ,,

اااااااخ .. اقسم بالله حنا محنا بعيدين عن العراق

الدور جاينا جاينا :D

اشكرك لحسن الاضافه .. وحسن المقال .. والعفو ..

S-Python

21-10-2003, 11:13 AM

في انتظار الاعتصام القادم يوم الخميس (بعد غد) وما يبخبأه لنا من احداث ومواقف !!..

" حيث سيبدأ التجمع من الساحات المجاوره لمجموعه من المساجد .. "

ولكن هذه المره في عده مدن غير الرياض :جدة، الدمام، الأحساء، بريدة، حائل، سكاكا، الباحة، تبوك!! ...

.................

"عريبيا زندباد".. خخخخخ ..على وزن الكلمه الي قالها عبود ( باكستان زندباد ) .......

2TGOOL

21-10-2003, 07:22 PM

فأنا اشوف إن مطالب الفقيه من بداياته..
كلها تحوم حول الفلوس والنفط اللي ينهبونه الأمراء..

الف شكر هارب على ردك على ردي على موضوعك >>مشوار

بس بغيت اضيف إضافه هنا..نسيت اقولها..
انا مطالب الفقيه بالإضافه إنها تحوم حول الفلوس والنفط ..فهي أيضاً تحوم الكبد.. :tongue2:

وآسف على المداخله.. :09:

HArb200

22-10-2003, 08:35 AM

سنيك ,,
زندباد اجل

توتيقول ,,
اخس وش ذا الاوخلاق اللي نزلت عليك فجأه

عموما .. مااااااهو البيت بيتك وحياك الله ,,

ورد

22-10-2003, 09:58 AM

ذا مرثون والا مظاهرة..... :tongue2:

الاشعاع

23-10-2003, 12:22 AM

ياعمي هذا كله كلام فاضي لاحكومه ولا اصلاح

الحكومه يضحكوا علينا بانتخابات النص كم هذي ( على فكرة معتمده من ايام الملك خالد)

والاصلاح طق حنك وكلام فاضي

كل واحد يقرب له عود علشان يضغط عليه بالنواجذ زين

HArb200

25-10-2003, 04:19 PM

عموما حصلت مظاهرات اخرى قبل امس .. واعتذر عن التأخير

ولكني احضرت كل الصور تقريباً

ومثل ماقلت سابقاً .. لايوجد شيء اسمه حرية للرأي في هذه البلاد

http://home4man.1ksa.com//drb-1066943905.jpg

http://home4man.1ksa.com//drb-1066943429.jpg

http://home4man.1ksa.com//motahra10.jpg

يالله كل هذا الصف من الجنود .. لظرب هؤلاء الطغمة الفاسده ..
لك الله ياوطن الغربه

http://home4man.1ksa.com//mothahra.jpg

ادييييلو على جبهتو ..
اذا كذا قدام الناس ..
اجل بغرف المباحث .. وش بيصير له هالمسيكين ,,

http://home4man.1ksa.com//mothahra1.jpg

لله در القائل

اصبح الانتقاد والتعرض ل احاديث نبي الامه اسهل من شربة مويه !!!!!!وكذلك لصحابي جليل او ل عالم فقيه من غير علم ودرايه و بكل وقاحه بالطول والعرض !!!!!!!. أما انتقاد " تصريح " "امير" فذلك يعني الويل والثبور وعظائم الامور ثم تشن غارة المصادره والحذف " هل يشعر احد غيري بان هذا الحال جدا تعيس و مخزي

.
وازيد عليها .. المطالبه بامور .. اشبه ماتكون وجودها كوجود الماء في الحياه ,,
http://home4man.1ksa.com//mothahra3.jpg

http://home4man.1ksa.com//mothara6.jpg

ياااااااااااااااااالله .. وش ذا ؟؟ ..ياناس احد سمع هاليومين بسالفة غزو مصري لشواطيء المملكه !!!!

ولا مجرد كم نفر .. لامعهم لاسلاح ولا شي .. بس مطالبة بحقوق .. وهذا اللي ينتظرهم ..

يالطيف الطف ,,

http://home4man.1ksa.com//mothara9.jpg

http://home4man.1ksa.com//z1.jpg

لاحول ولا قوة الا بالله ..

وبعد هذا تقولون لي الابواب مفتوحة ؟؟ .. ام الاشراك مفتوحة!!؟؟ ..

Kubaj

25-10-2003, 04:29 PM

..الله يخيبهم http://www.montada.com/images/icons/icon13.gif

عماد 18

25-10-2003, 07:13 PM

من جد تحسهم كانوا خايفين من هالمظاهرات ..
لكن ياخي ما زلت اتسائل عن الدافع ؟!
للحين اللي اعرفه ان دافعهم هو الاهبل الكبير الفقيه ..
اذا هذا دافعهم خلف الله عليهم اجل ..

HArb200

25-10-2003, 09:23 PM

مهوب دافع ياعزيزي العزيز

هو الموجه .. والقائد .. وكانهم .. مع احترامي الشديد للاخوة المتظاهرين ..

كانهم .. بهائم سائبه .. والفقيه يرعاها .. ويهشها !!

ولا ياخي دافعهم الجوع والقهر والظلم ..

ولكن لم يجدوا الموجه .. وجائهم ابو عثمااااااااااااان .. وصار قائدهم وموجههم

لااعتقد ياعماد انك نسيت منظر الشايب(وغيره الكثير الكثير) اللي مصورينه جريدة الرياض .. وهو ماخذ من قبو مقر وزارته وعمله السابق بيتا له ,,

ويسكن مع الفئران والجرذان ؟؟ .. بالله هذا حال شايب متقاعد ؟؟ .. لك ان تسال نفسك .. ليش حصل له كذا ..

في دوله تنتج 8 ملايين برميل نفط يومياً وكل برميل يقدر ثمنه ب 28 دولار ,,

لك ان تسال نفسك لماذا حصل له هذا في دولة الناتج القومي لها يقارب الترليون وطبعا كله من اموال رجال الاعمال ,,

لك ان تسال نفسك لماذا حصل له هذا .. في دولة تتدعي انها ترعى الكبير قبل الصغير

لك ان تسال نفسك لماذا حصل له هذا .. في دولة المليار نخله

لك ان تسال نفسك لماذا حصل له هذا .. في دولة تقدم لك خدمة الهاتف والكهرباء والبنزين .. باسعار خياليه

لك ان تسال نفسك لماذا حصل له هذا .. في دولة هي من اكبر الدول تصديرا للمعونات (((((((((((للخارج)))))))))

اسال نفسك وانظر حولك .. وتفحص جيبك .. فقد تخرج لك مخالفة .. الصلاة بالمسجد بدون ترخيص!!

نيو ايرفين

25-10-2003, 10:02 PM

اليوم قرأت في عكاظ ان المملكة راح تدخل منظمة التجارة العالمية في بداية عام 2004

طيب وش الفائدة للمواطن اذا كانت الدولة فاسدة!!؟....... ما جابوا شئ جديد

HArb200

26-10-2003, 02:24 PM

اي والله يانيو ايرفين

حتى جابو برنامج عن كذا بقناة امبيسي اف ام من زمان .. اعتقد "من الاعماق"

اغلب اللي اتصلوا .. قالوا وش فايدة مواطن الشارع السعودي .. ؟؟
انتم تتكلمون عن اصحاب المليارات والملايين .. اما بقية افراد الشعب .. مالفائدة لهم ؟؟ بما انه الدخول لمنظمة التجاره العالمية .. سيحد من الوظائف .. ويقللها لا يكثرها (على حسب كلام احد المختصين بهالمجال)

مثل ماقلت يانيو ايرفين ..الفرد العادي من الشعب ماكل تبن .. سواء منظمة تجاره .. ولا غيره ,,

الدخول لمنظمة التجاره .. لعب علينا .. ولا اللي بيستفيد هو اللبناني وشلته .. وكبار التجار

وهنا قمة الاستبداد .. والظلم .. والعدل اذا انتزع من دولة .. فانها بتهلك لاشك ,,

والله المعين ,,

HArb200

29-10-2003, 07:46 AM

هذي صور اعتصام الثلاثاء اللي صار بالرياض .. (المظاهره الاولى)

http://forum.tuwaa.com/attachment.php?postid=257876

http://forum.tuwaa.com/attachment.php?postid=257873

HArb200

29-10-2003, 07:54 AM

صور من مظاهرة الثلاثاء بالرياض (المظاهره الاولى)

http://home4man.1ksa.com//imga0018.jpg

http://home4man.1ksa.com//imga0017.jpg

silverpaco_101

29-10-2003, 06:01 PM

HArb200

29-10-2003, 07:55 PM

ههههههههههههه

شر البلية مايضحك .. يمكن بعضكم توقع اني ابالغ بردي الاخير على عماد .. لكن وش رايكم بخبر بجريدة الوطن ؟؟

مخالفة مرورية من الرياض لخادمة لا تقود السيارة وتعيش في نجران
نجران: صالح آل صوان
لم يصدق المواطن مسفر سالم الصقور ما سمعه من موظفي الجوازات في نجران حين أخبروه أنهم أوقفوا تأشيرة خروج خادمته لوجود مخالفة مرورية عليها.
وكان الصقور يراجع الجوازات كي يستخرج تأشيرة خروج نهائية لخادمته الإندونيسية عندما أبلغه موظفو الجوازات أن على الخادمة مخالفات مرورية، وذهب الصقور إلى المرور لعله يجد في الأمر خطأ ولكن أكد له موظفو المرور وجود مخالفة مرورية على خادمته باسمها ورقم إقامتها وهي قيادة السيارة دون حمل الرخصة، ومما زاد الأمر غرابة أن المخالفة سجلتها دوريات منطقة الرياض على الرغم من أن الخادمة لم تخرج من نجران.
وقال الصقور " دهشت من وجود هذه المخالفة الغريبة وراجعت المختصين في إدارة مرور نجران لأوضح لهم أن الخادمة أنثى أي إنها لا تقود السيارة وإن قادتها فهي بالتأكيد ستقودها دون رخصة لأنه لا يسمح للسيدات باستخراج رخص، كما أنها لم تذهب للرياض ولم تغادر نجران، ولكن دون فائدة ".
وطلب مرور نجران من الصقور أن ينتظر لمدة أسبوع حتى يتم إصلاح الخطأ مما يعني أن يؤجل سفر الخادمة أو أن يدفع المخالفة فورا وينهي الموضوع، فوافق الصقور على الحل الثاني وفضل دفع 300 ريال كمخالفة مرورية عن خادمته توفيرا للوقت وكي لا يدخل في التزامات جديدة مع الجوازات أو الخطوط السعودية.
-------
ويدفع المواطنننن .. رغماً عن انفه ..

خخخخخ

شفتوا كيف .. ماقلتلكم .. ماتدري من وين تطلعلك المخالفات ..

ياناس .. للظالم يوم .. يجيه باذن الله .. عاجلا او اجلاً

قد نقول اننا شعب غبي وهمجي ومتخلف .. ولايمكن ان نسير مظاهره او اصلاح حقيقي وجذري .. لكن الله ان شاء الله بيضرب الظالم .. ظربه تقصم ظهره مثل ماحط وزاراته وزارات جبايه .. المسشفيات الحكوميه تاخذ منك .. وهي حكوميه .. والمدارس يطلبونك .. والجامعات بمبالغ .. والجوازات والداخليه والخارجيه والصحة والتعليم والبلديه والسياحة والماء والكهرب والبنزين بمبالغ خياليه ..وحتى الوظائف!!

مافيه شي مجاني ..

لكن ان شاء الله يتعدل الوضع قريباً .. وشكرا على اضافتك ياسيلفر باكو ,,

عماد 18

29-10-2003, 08:00 PM

طيب وش دخل هذا بالحكومة ؟!
هذه اخطاء القائمين على المخالفات ..
ياما صارت و ياما بتصير دام اللي يمسكها ناس متخرجين من المتوسطة ..
و ترا حركة انك تلغي المخالفة لو كنت تعرف احد على كمبيوتر الشرطي تصير بانه ينقلها لاسم ثاني ..
يعني العيب منا و فينا للاسف ..

ODIN

29-10-2003, 08:12 PM

عماد ومين الي وظف ذولي الي متخرجين من المتوسطه ؟

في مثل انت دايم تقوله .. مادري وش فيك متعامي عنه المرة ذي ...

اذا كان رب البيت بالدف ضارب فشيمة اهل البيت بالرقص والطرب ... :tongue2:

HArb200

29-10-2003, 08:14 PM

طيب وش دخل هذا بالحكومة ؟

اذا كان رب البيت بالدف ضارباً .. فشيمت اهل البيت الرقص والغناء

عماد 18

29-10-2003, 08:31 PM

انواع التحريف :tongue2: ..
اذا كان رب البيت للدف ضاربا ,,,, فشيمة اهل البيت الرقص و الطرب
و اللي كنت اقولها اساسا على ايام سالفة فاينل فانتسي الله يذكرها بالخير :) :
اذا كان رب المنتدى للبزران راعيا ,,,, فشيمة اهل المنتدى الخرط و النصب :tongue2: ..
ما تغاضيت عنها لكن اللي مسؤولية توظيف هالاشكال تقع اكثرها على المسؤول الاساسي عن التوظيف و هو مواطن مثلنا ..
الي قصدته لا نصير نلقي باخطائنا كلها على غيرنا ..
قال تعالى : " إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ "..
ما اقصد الدفاع عن احد ..
ابن ادم خطاء ..
لكن للاسف اللي مضيعنا اننا صرنا نردد هالاسطوانة المشروخة الحكومة ما سوت و الحكومة ما تهتم ..
كاننا احنا ملائكة ما شاء الله علينا و ما نخطي ..

ODIN

29-10-2003, 08:39 PM

الظاهر ان حكومة الامارات ملائكه مب بشر .. ( عشان كذا شعبها راضي عنها )

عماد 18

29-10-2003, 08:43 PM

طيب الشعب السعودي كان راضي عن حكومته قبل 40 سنة بالكثير ..
بعدين حكومتنا افضل بمراحل من الناحية الدينية بالنسبة لحكومة الامارات ..
اجل يدرسون الموسيقى اساسيا و مواد الدين تعتبر نشاط ؟!

HArb200

29-10-2003, 08:49 PM

ياعناد ..

ترا الحكومة مثلنا .. يعني يخطون .. ليش نحمل نفسنا اكثر من طاقتها

الزبده انك عايش بارض الاحلام .. او انك ماتبي تصدق الواقع .. وهذا الواقع

انت ماتعديت القصيم والرياض والشرقيه .. فيه جيزان .. تدري انهم تو ماتبرعوا لها بشاحنتين .. عشان وشو ياترى ؟؟ .. عشان السيول اللي من سنة كح واضرط .. تسائل ياعماد ليش تاخروا وخلوا الجيازنه مساكين يموتون من الامراض ؟ .. لانهم مايمشون على اراء الناس .. طبعا فهم حكومة .. رشيدة .. ولااحد يفرض رأيه عليها

قبل كم شهر .. انفجر انبوب مياه .. قبل سنه انقجر انبوب ثاني .. وبعد سنه بينفجر انبوب

انا ياخي ماقلت نبيهم ينقلعون .. وهو الاحب لنا .. لكن على الاقل يسرقون شوي شوي .. يعني على قولة القايل .. المال السايب يعلم السرقه .. ومال الشعب سايب .. وهم يسرقونه .. مافيها شي .. لكن يسرقون بشكل طبيعي .. حنا محللينهم .. اما السرقات بشكل انهم يشفطون دم المواطن .. ويلعبون عليه .. فهذي زيادة بالظلم ,,

وهذا رأيي سابقاً ولاحقا .. السرق موجود بكل دولة .. وحتى الدول الشقيقه .. لكن يسرقون ويعطون شعبهم .. مهوب يجوعونه ويسرقون قوت يومه ,,

عماد 18

29-10-2003, 09:04 PM

انا عايش بارض الله الواسعة :tongue2: ..
و مثل ما قلت سابقا يا مثير الفتن :31:..
انا ما ادافع عن احد ..
لكن شعب يعز شي اسمه القنوات اللبنانية ..
و شبابه ما غير تسدح في الاسواق و تصيد في بنات خلق الله ..
و الشباب الثاني تفحيط و دجة ..
و بالاخير تقول الحكومة و الحكومة ..
اقرى الاية زين ثم تكلم على الحكومة ..
في مقولة قالها احد الصحابة رضوان الله عليهم اعتقد انه عمر بن الخطاب : نحن قوم اعزنا الله بالاسلام , متى ما ابتغينا العزة بغيره اذلنا الله ..
او شي قريب من كذا ..
يعني الحكومة ما تسلطت عليك و استخفت فيك الا لانك انت اصلا ما اهتميت بنفسك من البداية ..

ODIN

29-10-2003, 09:15 PM

هارب .. لا تغازل ولا تفحط ولا تتسكع بالاسواق .. بكذا راح تمنع الامراض عن شعب جيزان المسكين .. وتمنع انفجار الانابيب كذلك ... و تخلي الشعب كله يرضى على حكومته ... :31:

يا ناس وش دخل ذا بذا :31:

عماد 18

29-10-2003, 09:17 PM

اكثر ناس نتطنز باهل الجنوب و الحين صرنا خايفين على انابيبهم ..
هذا قصدي :) ..

ODIN

29-10-2003, 09:18 PM

ونسيت اقول لا تشوف قنوات لبنانية يالصايع انت وياه . شوفو شعب جيزان اغرقو من السيول وتعذبو من الامراض كله منكم :33:

HArb200

29-10-2003, 09:21 PM

يعني الحكومة ما تسلطت عليك و استخفت فيك ا

ايه هذا اللي ابيه

وبالنسبة للشباب .. ايييييييييه هذاك مبطي ..

الحين تغير الوظع .. يمكن اللي تشوفهم فئه شاذه عن القاعدة

اما الاغلب فهم شايلين الامور هذي من ادمغتهم ..او خلنا نقول طفره وتعدي.. وهذا سبب المظاهرات ياعزيزي .. ولو تلاحظ اغلبهم شباب

ولا مثلا انت طبعا تعرف ليش الالبيسي والامبيسي والمسقبل والشله هذي .. تعرف ليش سببها ودوافعها .. الا وهي جعل الشباب يهتم بامور تافهه .. وهذا سابقاً .. انا معك

لكن الان .. الشباب واعي .. وهذا سبب المظاهرات .. ومهما انتج سلمان بن سلطان مدري وش اسمه ذاك من قنوات فساد .. الا ان الشباب واعي .. واليوم ست الاف .. بكره عشرين الف .. بعده عشرين مليون ,,

فالشعب تغير ..معاد به على خبرك ..

HArb200

29-10-2003, 09:27 PM

عماد انا معك .. حنا ننكت عليهم ..

لكن ايضا مثل ماقال اودين .. هذا ماله دخل ..

لكن هذولي اخواننا .. ومهما كان .. يوماً من الايام .. بيصير لنا زيهم

وبالنسبة للانابيب .. تراني اقصد انبوب مياه الرياض-الدمام .. المشهور جداً بانفجاراته وسيوله العارمه .. سنوياً .. وذلك لكي يسترزق اصحاب الوايتات من هذا الموسم ..

عماد 18

30-10-2003, 11:36 AM

الكلام بيوصلكم لنتيجة ؟؟
هذا قصدي بالضبط ..
و هذا قصدي باننا نعدل من وضعنا ..
مو نروح للاستراحات و نجلس نحش بالعالم كأن هالحش بيسوي شي ..
المهم هو الافعال ..
ما ادري ليه فاهمين اني جالس اقول ان معهم حق باللي يسوونه http://www.webpost.net/sp/spikeyman/dog.gif ..

كريس2022

30-10-2003, 02:48 PM

والله العظيم ردود غير منطقية وعجيبة!!!!

من هو مالك هذه القنوات اللبنانية وما هي الحكومة الداعمة؟؟؟؟
صالح كامل والوليد بن طلال
من فين تجيب اشتراك القنوات الفضائية المشفرة مثل ART ,SHOWTIME .ORBIT (وانتم عارفين نوعية برامجها وافلامها)؟؟ من خلال الفروع المنتشرة في كل مدينة.......

والادهي والامر ان بيع كروت القنوات الاباحية في محلات الدشوش عيني عينك........

لماذا تشجع الحكومة على مشاريع المقاهي واللتي تعرض عليها القنوات اللبنانية والافلام الفاضحة وتراقب وتطفش اصحاب المشاريع الخيرية؟؟؟؟؟؟

يا من يطالب بالفعل لا القول انظر ماذا فعلت الحكومة للمعتصمين وهم مسالمين لم يحملو اسلحة او عصي او اي شيء سوى المطالبة بالاصلاح........

ملاحظة:: ايش الفرق بين المقاهي والسينما؟؟؟

المقاهي= نص بار + سينما

على الاقل البارات والدورالسينما يمنعون دخولمن اعمارهم اقل من 18 ويوقفون على البوابات موظفين يتأكدون من خلال الاثبات الشخصي بس هنا لا........

عماد 18

30-10-2003, 07:08 PM

كريس
الله يجزاك خير اقرى ردي الاخير زين :) ..
انا ما قلت انهم ملائكة ما اخطأوا ..
لكن مثل ما قلت انت المقاهي وش اللي نشرها عندنا ؟؟
الحكومة ؟؟
تبي تقول ليش ما تمنعها ..
الحكومة ما منعت اللي اسوأ من كذا عشان تمنع هالشي ..
لكن من اللي شجع هالاشياء على الانتشار ؟؟
يمكن بريدة هي المدينة الوحيدة اللي ما فيها اي مقهى من هالنوع ..
وش تفهم من كذا ؟!
بينما في الرياض و الشرقية و غيره ما شاء الله ما تمر على خط سريع الا و تلقى المقاهي على قفى من يشيل ..
و سالفة المظاهرات اعتقد ان اساسها كان خاطيء ..
اللي هي دعوة الفقيه ..

2TGOOL

30-10-2003, 08:22 PM

اكثر ناس نتطنز باهل الجنوب و الحين صرنا خايفين على انابيبهم ..
هذا قصدي :) ..

ماااااااااهوووووووو
هههههههههههههههههههههههههههههههه

انا ادري؟؟ كأن مافيه أحد بالدنيا إلا أهل الجنوب..مع إنهم كلهم يعجبونك..

ياخي عالم :tongue2:

HArb200

30-10-2003, 10:26 PM

طيب ياعماد واحنا ماقصرنا .. المشايخ نصحوا .. والائئمه يدعون كل صلاة جمعه .. باصلاح ولي الامر .. ولا عمرهم دعوا عليه ..

حنا سوينا كل شي .. النصح المباشر وعن طريق الكتب وكل شي .. لكن ماعندك احد

فاليوم مظاهره .. بكره لاقدر الله .. يمكن انقلاب ,,

فالوظع خطير مهما كان .. والا بالله عليك .. رح اسأل اي واحد.. من الشعب .. ولا اسأل نفسك .. قلله من قلب وبدون كميرات .. قلله انت تحب الحكومة ؟؟

افلقني مع راسي ياشيخ ان قاللك اقل شي انه يكرههم .. وماوده يطب ببطن واحد منهم ويلعب في ابو جده

فالخلايا النائمه عددها 20 مليون نسمه .. ممكن شخص مثل الفقيه يقومها من نومها ..

وهذا مهوب كلام اطلقه جزافاً .. حتى انت تعرف الشي هذا .. محد من قلبه يحب او يقدر حكومة تطير من على اراضيها طائرات العدو وتقتل اخواننا ..
محد يحب حكومة تسرق بالطالع والنازل .. زي المنشار
محد يحب حكومة تخدع الشعب باجهزة الاعلام الكاذبه وتضلله بالكلام المعسول
محد يحب حكومة تفعل المشايخ والخطباء للدعوة للوحدة .. وتمنعهم من التوحد للجهاد

الحكومة فاسده .. وهذا سبب الاصلاح اللي كل يوم جايك واحد منهم ينادي فيه ,,
فحتى هم اعترفوا بفسادهم .. فليش ندافع عنهم غصب ؟؟
واحد يقوللك .. انا حمار .. تقوله لا .. هو ابخص بنفسه .. حمار ولا قرد .. بكيفه

فاقوللك حنا راضين باي حكومة مهما كانت .. ال سعود ولا غيرهم .. لكن يطبقون الشرع كما هو والعدل ولو بأقل شي .. فالشرع جنة واحدة .. مايجوز تاخذه اجزاء

مهوب يقوللك التطرف حرام .. ويقوللك التحلل حلال !!
او يقوللك حنا نعدل .. والرشوه والواسطه منتشره باوصال الدولة!!حتى وصلت للمحاكم بعد

باي عقل هذا ..

ياخي حتى اولياء امور المتطرفين مدري الارهابيين او المجاهدين .. سمهم زي ماتبي ..
اوليائهم خلوهم يعترفون بالصحف بتريهم من ابنائهم .. ويدعون عليهم بعض المرات !!؟؟
ومن ورا الكميرا تلقاهم يبكون على مصير ابنائهم .. ويدعون على من قتلهم ,,

وفي المقابل .. جب لي لقائين بس مع اولياء امور احد المحترقين باصلاحية الحاير ؟؟

مافيه .. وان لقيت .. تلقاهم يذكرون محاسن ابنائهم ويتكلمون عن اشياء مالها دخل .. ويتركون سبب المصيبه اللي حصلت !!هذا ان لقيت ,,

فهذا اللي حاصل ياخي ..والشعب ماله دخل لا بمقاهي ولا غيره .. حتى عسير فرضوا عليها امور غريبه .. ولك ان تتطلع على موضوع بمنتدى القلعه عن فعاليات مهرجان عسير الاخير .. وتشوف المصايب بعينك .. بدون زيف ولا لبس !!

عماد 18

31-10-2003, 12:34 AM

هارب
ما اظن في افسد من حكومة قطر :) ..
تعاون مع اسرائيل ..
و تعاون خارجي و اقتصادي ..
لكن القطريين يا ويلك لو تقول شي عن رئيسهم ..
على العموم كل اللي جالس انادي فيه من الصبح ..
طالع عيوبك قبل ما تطالع عيوب غيرك ..
اذا اصلحت من نفسك وقتها صلح في غيرك ..
هذا قصدي ..
انت متحمس و تحسبني جالس اكذب في كلامكم :) ..

HArb200

31-10-2003, 12:39 AM

طيب شف ردك يوم تقول لاتحطون كل شي بالحكومة .. !!

وبالنسبة للعيوب تراني رديت عليك بالصفحة الرابعه الرد قبل الاخير ..

فالعيوب قضينا منها .. فيه شي ثاني ؟؟

عماد 18

31-10-2003, 12:48 AM

ايه شفت ردك لكنه مو مقنع ابدا ..
لو كلامك صحيح كان بدات المقاهي تسكر :) ..
بعدين انا شايف بنفسي ناس يجون للمقاهي و يحشون بالحكومة و المعسل شوي و ياكلونه من زود الحماس :31: ..
وين الوعي ؟؟
و الا كل ما طلعت نانسي عجرم فجاة تلقى كل التلفزيونات حاطة عليها ..
ياخي اقرى كلامي زين ..
الحكومة لها اخطاء و احنا لنا اخطاء ..
فالمفروض نعدل اخطائنا قبل حتى ما يصير للحكومة عذر ..
فهمت علي الحين !؟

HArb200

31-10-2003, 01:04 AM

ياخي انت تشوف الحثاااااااله .. خل عنك ذولي .. ليش مثلا ماتقول انا اشوف ناس بالمساجد .. ليش تاخذ السيء وتترك الحسن ؟؟

ومثل ماقلتلك لاتنظر من زاوية السيء .. ترا الامور تغيرت ..

وانا مثلك بعد .. اشوف بالمقاهي ناس زي كذا .. وبجدة وووو .. لكن حنا نتكلم عن الحثالة .. اترك الحثاله

بايام التابعين كان فيه حثاله .. وبكل الحقب والازمان لازم تلقى حثالة .. لانه اصلا مهوب معقول تلقى الكل صالح .. او نظيف .. لازم يصير فيه حثالة الشعب ..

فانت لاتدقق على امر زي كذا .. هذولي لو تنقلب الارض فوق تحت .. مايدري وين الله حاطه ..

الحكومة .. رب المنزل .. ومثل ماقلت بالبيت السابق .. هم يطبلون .. فاذا رب البيت يطبل .. تتوقع الشعب يرقص براحته ولالا ؟؟

ولا لو فيه منع حقيقي .. تلقى الهيئه تنفذ واجباتها بكل دقة .. بغض النظر عن الاخطاء والمبالغة

الزبدة اني ماانفي انه لايوجد حثالة .. فيه حثالة .. وفيه خكر .. وفيه عاهات .. لكن هذولي لايمثلون نسبة كبيره .. وايضا هم لايحلون ولايربطون .. يعني اهتماماتهم معروفه

لذلك يتبقى بالملعب الحكومة .. واعيد .. الحكومة تطبل .. ولاتزال تطبل ..

وبعدين على فكره وش دخل الانابيب والفقر والبطالة والرشوه والواسطه والغلا والربا بالمعسل والشيشه ؟؟

عماد 18

31-10-2003, 01:18 AM

دخلهم راسك اللي موب راضي يفهم وش جالس اتكلم عنه http://www.webpost.net/sp/spikeyman/dog.gif ..
انا ما قلت ان الحكومة ما اخطات ابد ..
رح اقرى ردودي مرة ثانية الله يصلحك :31: ..
الي اقوله لا تخلي هالعذر هو هاجس بالنسبة لك او لغيرك ..
الواحد متى ما بغى يطور من نفسه و من المجتمع اللي يعيش فيه ما راح يرده شي باذن الله ..
لكن اذا بنروح للقهاوي و الاستراحات و ننزل حش في الحكومة ثم نرجع ننام في بيوتنا ..
فالله يخلف علينا ..

HArb200

31-10-2003, 01:28 PM

يعني تبيني اخش على الملك عبدالله .. واقوله الكلام ذا .. وتتوقع مااخش . البلاك ليست (&)؟؟

عموما اذا قصدك مافيه تغيير .. فللاسف الفقيه من لندن جاب التغيير .. وباسلوب همجي ..

مافيه احد من داخل الوطن يقدر يتكلم بحرية .. مثلا بالجرايد .. ما تلقى كاتب يقول الخطأ من الامير الفلاني .. او الامير الفلاني يجب ان يقتل بما انه قتل احد ابناء الشعب بدون وجه حق ,,

او امير الجوف يجب ان يفصل لانه دخل على مجمع نسائي وهو سكران ,,

او الوزير الامير .. يجب ان يحال على التقاعد .. بما انه تعدى السن القانونيه

تلقاهم يتكلمون عن المؤوسسات والشركات ومدري وش .. يعني يحاولون مايحتكون بالطبقة الحاكمة

حتى قبل كم شهر .. استضيف احد الدكاتره بالجزيره وقال ان السعودية لاتواجة الازمات .. فرد عليه خالد الفيصل برد في صحيفة الوطن .. الدكتور حلف انه مايخش الجزيره مره ثانيه بعد هالرد ,,

فهذا ردي على موضوع اننا يجب ان نعمل شيء ,,

SNOoOP

01-11-2003, 01:36 AM

الشهر عليكم مبارك

ابقولها صراحتن

انا ضد حكومة ال سعود

ولكن حكومه معلوم شرها افظل من ان يجيني الفقيه وطقته على دبابات امريكيه

فهاهو في لندن في الجو الجميل واحد القصور الفارهه ومن وراء الجهاز يتكلم

فالفقيه واتباعه في لندن يعبثون بمشاعر المواطنين ويدعون الى الفتنه

ولكي تعرف ان هالاشكال هي اساس الفتن

والواجب على الحكومه السعوديه الغافله ان تنهظ من سباتها

فالشعب بدأ يستيقظ

وحكومة السعود في كل يوم يذلون المسلمين بدعوى القضاء على الارهاب

خوفا من امريكا

ولو ان الفقيه رجل بحق لأصلح من الداخل واصبح من امثال العواجي والعوده

الذين واجهوا المصاعب في بلادهم ولم يهاجروا الى بلاد الكفر

والسلام