المساعد الشخصي الرقمي

مشاهدة النسخة كاملة : لو سمحتم كل ماكا ن ردكم اسرع كل ماكان افضل


kooji
20-10-2003, 02:32 PM
السلام عليكم كيفكم يا شباب عسااكم بخير ......الصراحة حبيت اخذ رايكم مادام فيه ناس خبرات في هالمنتدى وكنت ابي اسئلكم لاني انا حصلت كامري و نيسان ماكسيما كلهم موديل 2001 وانا ابي اشتري وحدة منهم بس احترت يعني شو الاحسن الكامري ولا المكسيما ولو حد مثلا يقدر يعطيني مقارنة بينهم بكون شاااكر له
ومشكووووورين مقدما
AlmatadoR
20-10-2003, 02:42 PM
هلا والله اخوي
انا اعتقد الكامري افضل لان المكسيما خرباتها كثير هذا الي اعرفه
وانشاء الله يفيدونك الاعضاء
kooji
20-10-2003, 02:46 PM
مشكوووووور اخوي على ردك وماقصرت وانا بعد انتظر الاعضاء الباقيين يعطوني ارائهم :biggthump
( الزعيم )
20-10-2003, 03:38 PM
ما يحتاج مقارنة اخوي
اكيد الكامري افضل
خدمة و راحة و خط وكل شىء
LOVEISBLIND.RZ
21-10-2003, 12:50 PM
سلااااااااااام عليكم ....

بصراحة هالموضوع شوي محير لكن هو يعتمد على الشخص اللي بيشتري السيارة.....

المكسيما قوية مرة بصراحة قومتها صاروخ وعزم وكلشي حتى بالخط قوية مي بهينة ومريحة طبعاً...
لكن قطع غيارها غالية وااايد حريقة وتعامل الوكيل حقها مو خوش (سمعت ناس كثير)+ المكسيما تصرف بنزين
كثير حتى بدون دعس لأنها كويلات (كل بوجي له موزع شرارة منفرد)، وبصراحة سمعت وااايد عنها ان خرابها سريع
لكن السيارة بتعطيك قوة وراحة وسرعة أكيد...



الكامري أفضل بنسبة كبيرة لأنها متوفرة 4 سلندر و 6 سلندر. الكامري ال6 سلندر صرفية البنزين معقولة وحليوة يعني
إذا كلَ تدعس شي طبيعي أي سيارة بتصرف بنزين خصوصاً ال6 سلندر معروف بهالشي لأنه توين كام وبعدين أي سيارة تعودها
على السرعة والدعس (يصير فيه نسبة توسع في أبر البخاخ) نظام الحقن، طبعاً مو زي صرفية الماكسيما + الكامري قطع
الغيار حقه متوفرة أكثر بكثير من الماكسيما وأرخص طبعاً وسمعت ان الكامري أفخم نوع 6 سلندر + جلد + فتحة مريحة
وااااايد وأرخص من الماكس أفخم شي لكن الماكس فيه ميزات زيادة عن الكامري الفل .... + الوكيل حق التويوتا من أفضل الوكلاء بالصيانة لكن بالأسعار مبالغين زيادة عن اللزوم ....... وإنشالله ما طولت عليك ...

(طبعاً الوكيل اللي عندنا بالسعودية)
هذا معظم اللي أعرفه عن السيارتين...


تحياتي :: Rz Lover

:) :)
kooji
21-10-2003, 12:55 PM
مشكورييين يا شباب على ردودكم وخصوصا للاخ LOVEISBLIND.RZ مشالله عليك شرح وافي وكافي وانا عن نفسي اقتنعت بالكامري وبتوكل على الله
ومشكورين مرة ثااانية