تسجيل الدخول

مشاهدة النسخة كاملة : عام ما مواصفات السوني 2 المفروض تكون موجوده لما نشتريها ؟؟؟


mr.nice guy
14-07-2001, 10:04 AM
السلام
شباب اليوم والي هو السبت راح اروح واشتري السوني 2 خلاص قرار لا رجعة فيه

بس انا سالت ناس وقالولي اني لما اشتريها لازم تكون فيها المواصفات التاليه :-

انها تكون بلاي ستيشن2 نموذج 10000 او 1000 .... لاني عندي صاحبي شرى السوني 1 من سنة 1995 وهي نموذج 1000 ( شوف السوني من ورى تلقى ارقام مثل 1000 او 2000 ) وهي للحينها ما شيه معاه وما صلحها الى مره وحده ....... ولازم تكون السوني 2 امريكيه بنظام ( بال ) مع يدتيين اصليتين ومن دون دسك اصلي ..... ب110 دنانير ( 330 دولار تقريبا ) .... المهم جذي تكون اتشغل الدسكات الاصليه فقط فلما اطورها ( والتطوير ب10 دنانير ..... 30 دولار ) فراح اتشغل الاصلي والكوبي وتشغل الدسكات بنظامين ( بال ) و ( ان تي سي ) وكمان تشغل الدي في دي اصلس او منسوخ

هذا الي قاله لي رفيجي ..... يعني كلامه صح ولا غلط ؟؟؟؟؟؟ ارجوا انكم اتساعدوني
وفي شغله بعد الالعاب الي تنزل دي في دي يصير تنسخ كامله ؟؟؟؟؟ رفيجي يقول انه z.o.e ي في دي ولما انسخوه حذفو منه الكثير من المشاهد .... المهم رفيجي يقول انهم يقدرون ينسخونه من دون تحذيف وهي انهم ينسخونه على دسكين مو واحد ...... الكلام هذا صحيح ؟؟؟؟؟؟ وما دامه صحيح ليش ما يسون جذي ؟؟؟؟؟

والسلام
Uncharted
14-07-2001, 01:03 PM
هلا ومرحبا عزيزي mr.nice guy

اولا .. مبرووووووووووووووووووووووك مقدما على قيامك بشراء السوني 2 ولكن المواصفات المذكورة ؟؟؟؟؟؟؟

تفضل احلى مواصفات للبلاي ستيشن 2..


الجهاز : سوني 2
نوعه: امريكي NTSC/UC
رقمه: SCPH-30001/97000
الكهرباء: AC120V 60Hz 79W
خصائصه: من افضل انواع السوني حتى الان .. بل يعتبر الافضل بلا منافس .

يقوم بتشغيل ال DVD بدون تحميل القراءة..

السعر: السوني 2 + الجيم شارك برو 1.6 + ال Sbox(قطعة تشغيل الكوبي) + 7 اسطوانات كوبي + قاعدة الارتكاز الخاصة بالسوني = 1670 درهم.


ونصيحة: لاتفكر بالبال ابدااااااا شله من راسك حتى لو ببلاش ..

لان من اكبر عيوبه ...
انقسام الشاشة (( الشاشة مب كاملة؟؟؟)) بتلعوزك لازم تتم تظبط ؟
ديسكاته في السنه حسنه
محرك اللعبة بطيء


وانت اللي تحكم...


وسلامتك..
Uncharted
14-07-2001, 01:16 PM
اظافة الى ماسبق..


تقدر تشغل اللي تباه من اصلي وكوبي الا الاصلي الياباني(فقط) والباقي يشتغل معاك بكل آمان..

وبخصوص نسخ ال DVD كلامه لين الحين صح .. لان الديسك العادي مايستحمل سعة ال DVD بس الحين قراصنة النسخ قاموا بالواجب ..

وبيحطونه على ديسكين ...

اسعار القطع:

قطعة تشغيل الكوبي ال Sbox بـ 100 درهم أي بـ 10 دنانير .

الجيم شارك بـ 150 درهم برو 1.6 .. اي بـ 15 دينار.

والنظام قادر على تشغيل جميع انواع الكوبي والاصلي .... باستثناء الاصلي الياباني...

وسلامتك..

واذا تبى تستمتع مع افضل العاب السوني ال 7 اللي بتاخذهن:

1- تكن تاج
2- وينينج اليفن 5
3- ATV دراجات ((لاتفوتها))
4- دانيستي ووريار2 ((حرااام تفوتك))
5- سموجلر رن ((لعبة حلوه .. القبض على المهربين ومهمات روعه))
6- وين باك (( جاسوسية ))
7- تويستد ميتل بلاك((تحطيم وقتال السيارات في الحلبة))
((كوبــــــي))

الاصلي:
انيموشا
ذا باونسر
زون اوف ذا انديرز


وفي الاخير.... انت اللي بتحكم على الالعاب ...


ومبروووووووووووووووووووووك مقدما..
mr.nice guy
15-07-2001, 10:04 AM
السلام
الله يبارك فيك ومشكوووووووووووووور على نصايحك

بعد شنو ابي بعد انت فسرت كل شي ... ومن كلامك انه عندك المواصفات هذي بجهازك وانها ماشيه معاك

وعن الدي في دي الله معاهم انشاءالله يعرفون طريقه لاني شنو اسوي لما ينزل متل جير ولا ff10 ؟؟؟؟؟
راح اضطر اشتريهم اصلي ب18 دينار وانا يالله يالله شريت جمعت حق السوني2 ؟؟؟؟؟؟ ولا ما خلاني اتحمل المصاريف الى البقاله الي جنبنا والي انا شغال معاهم اتسلف منهم هه هه هه هه هه هه هه هه هه هه هه

راح اعمل على نصيحتك ومشكور مره ثانيه

والسلام
Elghafma
15-07-2001, 08:33 PM
يا أخ Uncharted أرجوك تجاوبلي على سؤالي ...........
من وين شريت السوني اللي تحكي عنه وسعره 1670 درهم
لاني شريت سوني تو نفس الخصائص اللي تقول عنها مع يد (A) وملتي تيب وحامل افقي وشنطة للجهاز كامل وشنطة للسيديات وغلاف شفاف للجهاز ولعبة اصلية من اختياري ومحول طاقة.......
بالسعر:1800 درهم من سيتي سنتر دبي .......
فأنا خايف لايكون قاص علي ولاشي..........
Uncharted
16-07-2001, 02:52 AM
mr.nice guy: افا عليك بس اخوان وربع ..

وبخصوص ميتل جير تطمن بس مب الحين:( لان المسألة مسألة وقت؟؟

بس صدقني بتنزل بتنزل كوبي حتى فاينل وبتكون على اربع اسطوانات المهم بتنزل تعرف ليش؟؟؟

مافيه شي اسمه تحدي جدام قراصنة النسخ الا ينسخون..

ولاتنسى فيه العاب DVD حاليا كوبي؟؟؟ مثل ATV دراجات وكيسن اسكبب فروم ذا مونكي ايلاند.

وغيييرهن..

ولايهمك بس بتنزل ..

وأعطيك خبر لاول مره واعتبره انت أول واحد يقراه في المنتدى..

بعد مده بينزل نظام تشغيل ديسكات كوبي بدون جيم شارك وقطعة وخرابيط ..

يعني نظام يشغل الكوبي مباشره ..

بس بعد فتره...


وبخصوص الاخ Elghafma : هذا كله ومب مقتنع؟؟؟؟؟

حرام علييييك بالعكس انت ربحاااااااااااااااااااااااااااااااااااااااااان

ملتي تاب وشنطة وحامل السوني وديسك اصلي وغلاف ؟؟؟؟؟

لالالا انت ربحان اكيد..

بس لانه ال7 ديسكات = الديسك الاصلي ...

وبخصوص جهازي من ..

محل كابول للالعاب ... العين...

وسلامي....
أشباح جدة
16-07-2001, 03:30 AM
ترى هذه الألعاب المنسوخة ما هي بدي في دي كيسين الأصلي ما هو دي في دي حتى جميع الألعاب المنسوخة ما هي دي في دي لأنها ما هي طويلة أصلا والربح منها غير مضمون . عشان كده ما خلوها دي في دي . لأن ديسك الدي في دي سعره غالي . وامكن ينسخون الدي في دي لكن ما أعتقد راح يقدروا ينسخوا فاينال فانتسي . لأنه راح ينزل قريب . وهم ما أكتشفوا طريقة لنسخ الدي في دي للحين . لأنه مثل الورقة وجه ووجه . يعني يمديه يتلعب على الجهتين .