المساعد الشخصي الرقمي

مشاهدة النسخة كاملة : SleePy MontaDa


MoaeD
24-10-2003, 05:19 AM
ما تحسون الجو يجيب النوم :o <--- ولا سلام ولا كلام


اول شي السلام عليكم


ما جا ببالكم انه المنتدى ذا اليومين صار يجيب النوم :o


من جد مدري وش يبي .. ما نقول انه ما فيه تواجد .. فيه تواجد بس المواضيع تقعد بالصفحه الأولى شهر ما تتغير :31:



واللي يقهر زود انك تشوف ان الأكثريه مقتصرين على كم موضوع يخشونها


يعني انكتبت مواضيع ولا لأ تشوفهم بس حاطين بالمفضله Last reply من هالموضوع ويخشون فيه ويشاركون ويمشون -__-



يعني يمكن بعضكم يقول اختبارات .. طيب قبل اسبوعين ؟ ما امدى احد ياخذ اختبارات وكان نايم



الصراحه انا ما بغيت احتكر الموضوع بوجهة نظري


بس ودي اشوف انتم وش رايكم بوضع المنتدى ووش رايك وين يكون الحل فيه وفي تنشيطه ؟


------

على طاري الأختبارات اختبرت اول اختبار امس الأربعاء (او قبل امس لأنه الساعه تعدت 12 :33:)


المهم كان كل ما قلت لواحد عندي اختبار عند ميجان قال الله يعينك على اسئلته ومدري وش



انا الصراحه ما بقى الا احلم بميجان شايل ذيك الشوكه الكبيره ومعلق فوقها ورقة الأمتحان وطالعله قرون ويقولي حل الأختبار ولا عطيتك صفر :31:


والله بيض الوجه http://www.montada.com/images/icons/icon14.gif


ياخي وش اسهل من سؤال واحد يقولك اختر ثلاث خصائص ادبيه واشرحها :biggthump


تخيل انك مذاكر عشرين خاصيه ادبيه غير القصص الصعبه بالمفردات والتحليل الأدبي :31:


والله ولا شي ..


عاد اللي اختبرو وش اخبار اختباراتكم ؟! .. واللي ما اختبروا الفال لكم :09:


سلام :)
CARLA
24-10-2003, 05:27 AM
اهلين وسهبين ميدوو>>على بالي ادلع :reporter:

وصباح الخيرات

عن المنتدى تراه رايح فيها من زماااااااااااان ...وزين ان في ناس لسه تشارك

وعلى الامتحانات احنا لسه ما اختبرنا بس هالكيينا واااجبات


عندي واجب رياضيات 30 سوووعاااااال لسه مافتحت منهم شي ..مدري متى بأحن على نفسي وافتحهم

ولا الميكانيكا اللي تشيب الراس ...بس خلاص تراك قلبت عليا المواجع

طول الاسبوع مذاكره ولا تقووول توجيهي بما لا يقل عن 3 ساعات ونصف متواصله :mad:




والله التوجيهي ارحــــم
Argandir
24-10-2003, 05:39 AM
وعليكم السلام..:)

من ناحية ان المنتدى نايم..فبصراحة ان عضو جديد وما ادري كيف شكل المنتدى في عز نشاطه(اذا وضعه الان يعتبر نايم):31:
بس ياعزيزي ترى وضع المنتدى هذا حاليا.. ممتاز مقارنة بمنتديات ثانية

اما الامتحانات..امس كان عندي اختبار تسويق والحمد لله عدى على خير
بس الخوف من اختبار الادارة يوم الاثنين الجاي..ثلاث فصول وراح يكون عليهم مية سؤال.. :bigeyes:
اش قلة الادب ذي!!والله العظيم.. sigh :o دكاترة اخر زمن!!
Kubaj
24-10-2003, 05:51 AM
يا إبني ..

المنتدى الآن وهو نائم احسن من أيام زمان ..

اللي اذا شاف نفسه العضو راح فتح له منتدى وفشل ولا استفاد شي ولا خسرنا شي ..

الآن عندنا اعضاء يشاركون من جميع الأقسام ومتابعة يومية للمواضيع ..

واللي يحصل الآن مجرد فترة خمول عادية ..موجودة في أغلب اقسام المنتدى

المنتدى العام وجد لجميع الأعضاء ..والي بطلبه الآن ..انه الواحد اذا كان عنده كتابات معينة ..

او خاطرة ..او حتى قصة يبي يكتبها ..يكتبها ..ويمكن نكتشف اقلام جديدة ..من يدري ؟

يعني الآن ..انا بصراحة احتاج الى اكثر من عملية "عصف ذهني" عشان اطلع بكتابة جديدة ..

والأخت الكريمة لوسي منشغلة بدراستها - مثل أغلب الأعضاء - والأخ بوب الله يقومه بالسلامة

ننتظر عودته عما قريب ان شاء الله .

لكن انا مارجعت موضوع الأسئلة والأجوبة إلا لسبب واحد ..

عشان محد يكره المنتدى ..ويصير فيه شي يجذب في هذي الأوقات ..

يعني الواحد ماراح يضره شي لو نشر موضوع - من نفسه - ولو مرة بالأسبوع .

ويعطيك العافية يا مؤيد ..
MoaeD
24-10-2003, 06:29 AM
يا خوباج (ولا يهونون الأعضاء اللي ردو)


انا اللي اقصده الحين انه في بعض الأعضاء يردون ردود بس


وبما انك اثرته بالبدايه خل اقولها انه لو ربع الأعضاء اللي يجون هنا ويصيرون رايقين لأكثر من ساعتين على موضوع واحد


بس اكتب موضوع يوسع الصدر عن اي شي اي شي تحس انه الأعضاء يتحمسون معه


موب نقل بس لأنه النقل راح يخلي المنتدى موب نايم وبس الا مثير للأشمئزاز :31:


ويمكن على قوتلك الدراسه لها تأثيرها والأختبارات حاليا لكن الخميس والجمعه طويلات ياخي ..


بغير الأختبارات طبعا :o


وشكرا على الردود
FARES360
24-10-2003, 09:43 AM
:o ليس لدي القدره على كتابة موضوع او افكار :31: مخي مقفل ..!
NsaN
24-10-2003, 01:15 PM
شكلها كلمة SleePy عايبتنك هالكم يوم :tongue2:

المهم:

مؤيد انت تطلب من الاعضاء انهم ينزلون مواضيع و انت بنفسك شفت حال الكثير من المواضيع اللي اصحابها مثلاً اعضاء غير معروفين كيف ان بالغصب ينرد عليها او تنعطى ويه :31:

يعني الواحد مثلاُ وده ينزل موضوع و لكنه يشوف موضوع زميله كيف انجحد و محد رد عليه الا القليل فشي طبيعي انه يبتعد عن احراج نفسه و ما ينزل شي :33:

ما في اي سبب او دافع يحمس الواحد انه ينزل مواضيع و خاصة اذا كانت مواضيع هادفة تخلو من المزاح

و لو حتى نزلت مواضع للمزاح و فشة الخلق حالها كحال "قمة الوناسة" و "قمة القهر" المنتشرة هني فمهما كان عدد المشاركات كثير فيه الا و ان في النهاية الاعضاء راح يملون و يبتعدون عن الموضوع و هذا اللي لو تلاحظ صاير الحين :أفكر:

و بالنسبة لمسألة الردود الكثير من الاعضاء هني يعتمد على مبدأ " ارد على الموضوع اللي يرد عليه ربيعي " يعني افتح اي موضوع...لو شفت فيه رد عضو معين..بعد خمس دقايق تحصل ردود ربعه صافين وراه على طول..و الواحد ما يتحمس انه يرد على موضوع الا اذا شاف فلان رد عليه :33:

مبدأ ثاني منتشر هني (و بكل المنتديات) و هو " رد علي عشان ارد عليك " يعني مثلاُ احمد يفتح موضوع..يجي محمد يرد عليه (بغض النظر عن مدى فايدة الرد هذا) بعدها بكم يوم...محمد و راشد يفتحون مواضيع جديدة..و موضوع راشد اكثر اهمية و اثارة من موضوع محمد...الا ان احمد يقرر انه يرد على موضوع محمد لانه رد عليه و بالتالي يردله الجميل..و يطنش موضوع راشد بحجة انه ماله خلق و مشغول و الحين بيطلع...و يمكن يفكر انه يقرر يرد عليه :09:

و هزا رأيي الشخصي :)

و بالنسبة للامتحانات :33:

يوم السبت امتحنا رياضيات (عقدتي الابدية T_T ) و الصراحة حاس اني مزفت و خايف ارسب..و العلامات باجر ان شاء الله << ادعولي :(

و يوم الثلاثاء امتحنا انجليزي و الحمدلله كان سهل بشكل عام و النتايج اذا مب باجر، يوم الاحد :)

و يعطيك الف عافية مؤيد :)
D0WN~T0WN
24-10-2003, 02:18 PM
بالنسبة للمواضيع فمن ناحيتي انا من النوع اللي موب فاضي يعصر مخه عشان يكتب موضوع

والمنتدى الصراحة من فترة طويلة وهو نايم

حتى بالاجازة الصيفية اللي هي الاجازة تجيه فترات تحس ان المنتدى مقفل

بالنسبة للاختبارات
فأختبرت انجليزي قبل امس والحمدلله تمام

وباقي بكرا محاسبة :33: حاس اني بأجيب العيد قبل رمضان

وعاد في رمضان ماعندي الا اختبارين بس مواعيدهم زفت

واحد الساعة تسع بالليل
والثاني يوم الخميس

والله يعين
I`m HeRe
24-10-2003, 02:40 PM
حي الله مؤيد :tongue2:

من ناحيت المواضيع ياخي من جد المنتدى ميت ويبيله مواضيع

وبنفس الوقت ما يشجع الواحد أنه ينشر موضوع لأنه وقت أختبارات والواحد وده أن أكثر الأعضاء يشوفون الموضوع

وبالنسبه للأختبارات إلى الحين ما بدينا بس مدهرين علينا كوزات كوز ورا كوز

والله يعينى وياكم
عماد 18
25-10-2003, 07:20 PM
المنتدى يمر بحالة اسمها الهدوء الذي يسبق العاصفة <== امحق :tongue2: ..
بصراحة اعتقد ان المنتدى من يوم ما كبر و كثرت منتدياته و الاعضاء الظاهر تفرقوا ..
هذا غير ان اغلبية الاعضاء الان صاروا جامعيين ..
فلذا تلقاهم مسوين مهمين و موب فاضين للمنتدى ..
هذا غير ان نسبة الاعضاء الجدد في المنتدى العام قليلة بشكل كبير ..
يعني نادرا تلقى عضو جديد يجي يشارك هنا و يستمر ..
فنسبة الاعضاء اللي يتركون المنتدى تزيد عن نسبة الاعضاء المنضمين له -طبعا اقصد المنتدى العام فقط - ..
MoaeD
25-10-2003, 07:43 PM
ماجينتا


انا دايم مستعد انزل موضوع لو ما يرد عليه الا ثنين او ثلاثه


بس احس اني نزلت موضوع مفيد


وبالنسبه لموضوع يرد عليه خويي وهالزحمه


حنا في المنتدى العام بمختلف مراحلنا اكبر من اننا نناظر هالشغلات الصغيره حقت منتديات الأطفال :)



داون تاون


اجل وش فاضيله :tongue2: ؟!



مشعل


هين انت لك مواضيع مميزه بالعام وهالفتره مدري وش فيك نشبت بس عسا هالفتره تعدي على خير :tongue2:

والله يحييك اخي الكريم :09:


عماد


امحق من جد :09:


بالنسبه للتفرق ما اظن لأنه اكثرهم ما يشارك خير شر


واما جامعيين وتكبرو يا حليلي هذي ثاني سنه بالجامعه وهذانا زي ما انا او يمكن بعد صرت احسن :09:


او اخاف انك تقصد نفسك :tongue2:


وبالنسبه لجملتك الأخيره .. الله يعين :o
Mesharey
25-10-2003, 08:06 PM
المنتدى صاير نايم اكثر من بعد تم حجبه من أرامكو -____-

بالنسبة لي ودي اكتب مواضيع بالمنتدى العام..لكن المشكلة ما اعرف وش اكتب -____-

والله يعينكم ويعينا على الاختبارات ><
نيو ايرفين
25-10-2003, 08:30 PM
المنتدى نايم !!...ما أعتقد

أما من ناحية كتابة المواضيع فأنا لست بارعا فيها !! وما عمري فكرت أكتب موضوع!!!

مشاري:

ترى ارامكو شركة نفط سعودية تعطي موظفيها اشتراك انترنت مجاني واعتقد انك لاحظت غياب لينا وفلير!!

الزبدة يمكن 5% من اعضاء المنتدى عندهم هذي الخدمة!!
Mesharey
25-10-2003, 08:39 PM
مشاري:

ترى ارامكو شركة نفط سعودية تعطي موظفيها اشتراك انترنت مجاني واعتقد انك لاحظت غياب لينا وفلير!!

الزبدة يمكن 5% من اعضاء المنتدى عندهم هذي الخدمة!!
ذكرتني بشي ^^

اللي يستعملون أرامكو يقدرون يدخلون المنتدى من هالوصلة..

http://montada.com (http://montada.com)
HArb200
25-10-2003, 09:08 PM
ياخي من وجهة نظري الشخصانيه

ارى انه المنتدى باعضاءه السابقين .. والمخضرمين .. افضل بالف مره .. من اشباه الاعضاء .. اللذين يدخلون بصهلله وبهلله .. ومواضيع ترحيب .. وقلق .. وبالاخير كم رد ..

والوجه من الوجه ابيض!!

معاد تشوفهم

فاقوللك الحالة هذي افضل .. ومنتدى المنتدى سيبقى شامخاُ .. وسط المعمعه ..

ولا ادل من ذلك انه اكبر منتدى عربي يضرب الارقام القياسيه في عدد الحضور في لحظه واحدة


لكن لو بس يهتم المشرف بالمنتديات العامه .. ويترك منتدى الالعاب قليلا.. سيكون المنتدى قمة في الروعة .. وحتى اسم الموقع جيد وجذاب

لكن مثل ماقلت لو يهتم المشرف بالمنتديات العامه .. ويعين عليها مراقبين من اعضائها المميزين .. سيتطور المنتدى بشكل عام ,,

احس اني اسهبت في الشرح ,,

صهللاتي وبهللاتي للجميع ,,
Kubaj
25-10-2003, 09:23 PM
ومنتدى المنتدى سيبقى شانخاُ .. وسط المعمعه ..


:soapbox: والرد امامك ، وصحن الفول من ورائك يا مؤيد !!
MoaeD
25-10-2003, 09:46 PM
:soapbox: والرد امامك ، وصحن الفول من ورائك يا مؤيد !!

واين الخبز :33: ؟!
tidusxxx
25-10-2003, 11:17 PM
ياأخ مؤيد اساس رقادي شخصيا هو توقيعك المبجل:31:
من يوم ما شفته وانا مغير اتسدح في مناطق متفرقة:31:

بعدين الاوضاع معقوله موش بطاله:33:

وعلى طاري الاختبارات توني مختبر اليوم نظام بيئي على ما اعتقد:33:اول مرة اطلع حال( صح وخطأ)تمام<<<الظاهر الشي الوحيد اللي حاله زين....

عموما اتوقع صحيان للمنتدى يوم تبدا العطلة :bigeyes:

والسلام عليكم...
D0WN~T0WN
26-10-2003, 12:16 AM
ومنتدى المنتدى سيبقى شامخاُ .. وسط المعمعه ..

متقهوي مع الامير عبدالله اليوم؟
ورد
26-10-2003, 06:58 AM
ما عنديش اي فكـرة .... :31:

يمكن البعض تململ من حال المنتدى ...

والبعض يدخل في اوقات معينة <== like me.... :p

والبعض شاد حيله .. ويذاكر ...

والبعض عنده ظروف خاصة ...

يعني دور لهم انت عذر.... :tongue2:


انا خلصت اختباراتي وكلها مثل خشتي ...

ودمتم سالمين ..^^
HArb200
26-10-2003, 01:29 PM
سحقا لخرباج ..

داون تاون ,,
ايه .. حتى هو قام يقهويني ..
Lena
26-10-2003, 02:08 PM
احم احم


ترى ارامكو شركة نفط سعودية تعطي موظفيها اشتراك انترنت مجاني واعتقد انك لاحظت غياب لينا وفلير!!



قود فيه احد حس :tongue2:





اولا زي ما شفتوا ارامكو المخيس قطعنا عن المنتدى كل هالاسبوع :motz: for some unknown reason



ثاناي مدري احس اني طافيه ممكن عشان الاختبارات :boring:



وابشرك مادة يوم السبت قود :tongue2: هالبنات يسوون رعب والمادة طلعت سهله والله



بكرى بعد برمجه سهل انشالله :p



والله انا في راسي مليون موضوع

بس موب فاضيه بسبة هالحاسب انواع الكرف :31:
MoaeD
26-10-2003, 09:09 PM
تايدوس

توقبعي برئ منك ومن امثالك .. والتوقيع ما جاب النوم لي وانا حاطه عشان يجيبه لغيرك :bigeyes:


والتوقيع امامك والنوم قدامك والبطاطس عليه كتشب :biggthump


باقيلي اختبارين الأسبوع ذا وثنين الأسبوع الجاي وانشاء الله اعطل :bigeyes:



ورد

حظك خلصتي اختباراتك .. عقبالي :bigeyes:



لينا


يله خلي نشوف الهمه :09:


وبالنسبه للطفاوه انا بديت احس اني بطفا بعد كم يوم لأن الطاقه بتخلص


ادري انه انيرجايزر رهيب بس وش نسوي ابو بس ارخص :09:


والله يعين على هالأختبارات :(


ومشكورين على الردود ..
DE NILSON
27-10-2003, 02:13 AM
اعتقد انه هناك حالة من التشبع من المنتديات ولا وشلون؟!!

او نها فترة امتحانات شهرية بس اعتقد ان النشاط سيعود بعد اسبوعين انشالله