شباب محتار بين اقوى كرتين وش تنصحوني اشتري g force 5900 او redoin 9800

[mohannad_j]

السلام عليكم...


شباب محتار بين اقوى كرتين وش تنصحوني اشتري g force 5900 مواصفات 256 من msi
8x الجديد سعره فوق 2000 ريال في السعودية ....


او redoin 9800 مواصفات 125 8x بسعر اقل من الـ g forceعلما بأنه نزل كرت شاشة معدل خصيصا بـhalf life
تقريبا نفس المواصفات السابقة بس انه 256 ..


شباب وش تنصحوني

1- اشتري الجي فورس
2-او اشتري الريديون
3-او انتظر الى ان ينزل الكرت الجديد من الريديون المعدل لهاف لايف


علما بأن الـmatherbord (الوحة) من msi علشان كذا انا ارى ان الجي فورس هو انسب شي علشان
يتوافق مع اللوحة عندي.. وانا مستعجل لذلك اتمنى الرد العاجل علشان اشتريه خلال اسبوع..


وشكرا جزيلا لكم ...........
وحياكم الله ;)

[فاضل711]

انتظر أحسن لك !

نصيحة مني لك !

[ScarFace]

أخوي أحسن شي أنك تتنتظر شهر كذا .. لأنه البضايع جايه للسعوديه بالطريق بعد معرض جتكس ..

و بكذا راح تنزل أشياء جديده روعه .. و طبعاً بتكون أسعارها غاليه .. بس الزين أنها

راح تنزل أسعار الأشياء اللي تحتها ..

[nadjibl]

الامر لا يحتاج الى تفكير9800 radeon طبعا
half life2 يشتغل تمام على radeon 9800 و gforce هي التي ستعدل لتشغيل half life2 وقد طرح driver 52 لتشغيل half life2

[النسر الأسود]

half life 2 ليست مقياسا لكروت الشاشة فهي مجرد لعبة .
وبصراحة الكرتين قويين جدا ولكن مثل ما قال الأخوان إذا مالك مضطر بنصحك تنطر شوي يمكن تحصل شيء أفضل بعد .
سؤال صغير بكم شاري لوحة msI ?

[EAGLE 2000]

انتظر كرت ATi Radeon 9800 XT
من شركة ASUS :)

[mohannad_j]

شكرا كثير الشكر على المساهمة في الردود....
ولكن الغريب انكم تقولون ان الريديون افضل من الجي فورس ولو لاحظتوا الفروق بينهم ، مافيه الا فروق بسيطة جدا وان كل كرت يتفوق على الاخر في صفات معينة ، يعني فيه مميزات في الجي فورس افضل من الريديون وفيه مميزات في الريديون افضل من الجي فورس علما بأن الجي فورس اغلى..

# الجي فورس افضل من الريديون بفرق صغير يمكن اهماله ولكن المواصفات الاجمالية ان الجي فورس افضل من الريدون ... ولا تأخذون الرأي ان الريديون افضل بسبب لعبة واحدة انا اريد الرأي الاجمالي


#وبالنسبة لسعر اللوحة اللي سأل عنها احد الاحبة صراحة انا ناسي السعر بس اذا كان ضروري مهب مشكلة بحاول ابحث عن سعرها في الفاتورة..

#بس للمعلومية اللوحة من msi افضل من ناحية دعمها لكرت الشاشة من لوحة الانتل بس مهب ذاك الفرق الكبير لذلك فهي افضل من ناحية الالعاب..

#لذلك انا ارى ان انسب شي لي هو g force 5900 وش رايكم؟
#وسؤال ثاني - وش افضل كرت من msi او asuss مناسب لجهازي ؟ وماهو الاغلى؟

#شباب ابي اخر كلام انتظر الريديون الجديد بس أخاف مايتوافق مع جهازي مثل الجي فورس؟
ومتى ينزل في السعودية؟

وشكرا جزيلا على المساهمة :biggthump

[MoaeD]

توافق شركة الكرت مع شركة المذربورد ما يعني اي توافق بالأداء إطلاقا !!


بالنسبه للكروت اللي ذكرتها


الكرتين تقريبا متساويين الا في لعبة هاف لايف 2 فيتفوق الكرت Radeon 9800 بفارق كبير جدا


والمشكله الموجوده الان بالسوق هي ضعف دعم nVidia لكروتها وعدم طرح تحديثات لبرامج تشغيل الكروت تعدل من مشاكلها وتحل كثير من القصور بهالكروت


وجميع التحديثات المطروحه هي من الشركات الجانبيه لا أكثر !! يعني موب رسميه من nVidia نفسها


بينما تجد Ati تحديثاتها دوريه واستجابتهم للمشاكل الموجوده وحلها سريعه جدا مقارنة بنظيرتها nVidia


وبالنسبه لأنك ما تستعجل انا انصحك انك ما تستعجل لأنه بعد نزول Radeon9800XT عندنا يصير الخيار اكبر لك اما يرخص الأول او تاخذ الجديد والأقوى


وبالنسبه لFX5950 (اللي هو FX5900Ultra) فموجود بالسوق امس شفته بسعر 2500 ريال من شركة MSI


والغريب انه مطلوب عندنا مع انه كثير من الناس يتخوفون منه ..

[ScarFace]

صراحه لو أن اللوحه من MSI مالك إلا أنك تاخذ شي من MSI لأنه والله راح يصير عندك تضارب

بين الكرت و المذربورد .. لأنه صار عند واحد من الي كان عندهم مذر بورد MSI و الكرت

راديون ولا Asus صار الكرت ما يشتغل بكل قوته .. و مرات يعلق الجهاز .. و يصير بطئ

فالنصيحه أنك تاخذ على حسب جهازك .. اما أحسن كرت شاشه على حسب رايي هو


Asus V9950 Ultra

http://usa.asus.com/products/vga/V9950u/v9950u_m.jpg

http://usa.asus.com/products/vga/V9950u/V9950Box.gif

هذا الكرت صراحه روعه .. وهو فيه GeForce 4 Chip

وهو مثل MSI 5900 ultra في التقنيه و نوعيه التكنلوجيا بس مصنع من شركه Asus

وهو صراحه أقوى بواجد من MSI Fx 5900 ultra .. و يشتغل مع مذربورد أنتل ولا جيجا بايت

أفضل من كرت MSI

ولكن على مذربورد MSI أكيد كرت MSI بيكون أفضل ..

[mohannad_j]

مشكورين يا اخوان على الرد .....

انا شكل مصيري ان انتظر الى ان ينزل الكرت الجديد من الريديون وعلشان ترخص الاسعار

وانا صراحة احترت ما أدري وش اسوي والمحيرني ان اللوحة عندي من msi لو انها مهب من msi كان يمكن اخذ الريديون

# وبالنسبة للمشكلة اللتي طرحها احد الاخوان على nvedia انا مالي دخل فيها لاني لو شريت كرت بشتري من msi فقط ...

وعلى كذا شكلي بنتظر زي مانصحتوني مع اني مستعجل وشكرا كثير الشكر لكما...

[[c.o.d.e.x]]

mohannad_j

وعليكم السلام

بالنسبة لسءالك الأول بلا شك , Radeon

وأما عن مسألة إطلاق بطاقة "مخصصة" للعبة HL2 غير صحيح ولكن إكتشف أن اللعبة تشتغل بأفضل حالاتها وجودتها على بطاقات RADEON 9800 Pro 256 لذلك تم النصح بها , والأخيرة الـ RADEON 9800XT يعطي " أقصى" أداء للعبة على مستوى جميع الكروت المنافسة الأخرى

البطاقة تفوقت في أغلب الإختبارات وعلاوة على ذلك تعرض بدقة عالية وجودة أكبر من الـ GeForce FX

وإذا ودك تنتضر , مالك إلا Radeon 9800XT لأنه تم طرح المنافس له من شركة nVIDIA وأبشركم أداء الـ GeForce FX 5950 Ultra كان مخيب للآمال بشكل كبير جداً , وجميع مواقع الهاردوير والمواقع المتخصصة تعلن أن الـ RADEON 9800XT هي أقوى بطاقة تم صنعها في العالم أجمع بعد فشل المنافس GeForce FX 5950 Ultra في التصدي لها

هنا مراجعة للبطاقة (http://arabhardware.net/showthread.php?s=&threadid=7797) وإحكم بنفسك

أنا ما أدري ليش مآخذين مقلب بـ FX رغم ضعف تعاريفه وبرامج القيادة له مقارنة بثبات وقوة تعاريف وبرامج قيادة بطاقات ATI الرسومية , بدون مانذكر ونعيد سالفة " الغش " اللي قامت بها شركة nVIDIA

وعلى فكرة ’ مافي أي فرق بتشغيل كرت من MSI أو Asus على أي مذربورد دام مواصفاتها قوية ومتقدمة مثل إحتوائها على شق AGP 8X على سبيل المثال يعني تشغيلك كرت من MSI على مذربورد من MSI هو نفس تشغيل كرت من MSI على مذربورد من GigaByte وبدون زيادة بالأداء ولو 1%

أتفق مع اللي قالوأ ان لعبة HL2 ليست مقياساً

وأتفق مع الأخ EAGLE بنصيحته للـ ASUS RADEON 9800XT :)

MoaeD كلام سليم 100% وماعليه غبار

مبروك عليكم الشهر

تحياتي

[DiGit4L]

mohannad_j ...
يامهند ... اشتر الكرت على حسب فلوسك .. ومنتب متحسف ..

وذا كان افضل الكروت هي ال FX5950 Ultra و ال 9800XT
ما يعني الي قبلها شينات ..
ولو على HL2
يقولون نزلوا درايفر جديد 52.. موب كرت جديد



وبالنسبه لFX5950 (اللي هو FX5900Ultra) فموجود بالسوق امس شفته بسعر 2500 ريال من شركة MSI
نازل هذا يامؤيد من شهرين تقريبا ... واول مانزل كان ب 2800 ريال

وعلى فكره ...
FX5950 Ultra توه مانزل ... وبيكون بنفس سعر ال FX5900 Ultra
موب نفس الشي

لو تشوف الصور الي حطهم كوديكس بتشوف الفرق بين الاثنين ..
شكلك قريت الـ V9950 وحسبته نفس الشي :bigeyes:

[c.o.d.e.x] ..

مشكور على المعلومات .. وكل عام وانت بخير
وخلنا نشوفك لاتقطع

[[c.o.d.e.x]]

DiGit4L

كل عام وانت بخير , ومبروك علينا وعليك الشهر

كلامك صحيح , الـ FX 5950 Ultra توه ماوصل .. يمكن الشباب كان عندهم لبس برقم المنتج لبطاقة ASUS اللي هو V9950 Ultra

لكن نوعاً ما :) نقدر نقول عن FX 5950 Ultra إنه ليس إلا FX 5900 Ultra لكن بزيادة 25MHz على قلب وحدة المعالجة الرسومية " core " وبزيادة 50MHz على تردد الذاكرة " mem "

ما أدري ليش nVIDIA تسرعت بإطلاق هذه البطاقة

لا وأزيدكم من الشعر بيت , تزامناً مع إطلاق البطاقة FX 5950 Ultra تم إطلاق أيضاً البطاقة FX 5700 Ultra , نبغى نشوف الحين مين أقوى من نفس المستوى , Radeon 9600XT ولا FX 5700 Ultra

إنشاءالله نشوفك في الـ LAN الجاي

تحياتي

[ratechet]

أكيد الgeforce

:jester: :jester: :jester: :jester: :jester: :jester: :jester: :jester:

[MskT]

ابتعد عن الnvidia وبس

[MoaeD]

']DiGit4L

كل عام وانت بخير , ومبروك علينا وعليك الشهر

كلامك صحيح , الـ FX 5950 Ultra توه ماوصل .. يمكن الشباب كان عندهم لبس برقم المنتج لبطاقة ASUS اللي هو V9950 Ultra

لكن نوعاً ما :) نقدر نقول عن FX 5950 Ultra إنه ليس إلا FX 5900 Ultra لكن بزيادة 25MHz على قلب وحدة المعالجة الرسومية " core " وبزيادة 50MHz على تردد الذاكرة " mem "

ما أدري ليش nVIDIA تسرعت بإطلاق هذه البطاقة

لا وأزيدكم من الشعر بيت , تزامناً مع إطلاق البطاقة FX 5950 Ultra تم إطلاق أيضاً البطاقة FX 5700 Ultra , نبغى نشوف الحين مين أقوى من نفس المستوى , Radeon 9600XT ولا FX 5700 Ultra

إنشاءالله نشوفك في الـ LAN الجاي

تحياتي

انا شفته بالمحل اللي مقابل الشدادي وكان حاطه بسعر 2600 تقريبا


وكان من شركة MSI ومكتوب عليه FX5950 (5900Ultra)


وانا ما قد قريت عنه بس شفته بالمحل !! وتقدر تشيك اذا رحت هناك قريب

-----

بس سؤال يا كوديكس .. الحين كم سعر الRadeon 9600xt وال Radeon9800xt عندنا


وهل فتحو المجال لطلبها الحين بالمحلات اللي معاملهم ؟

[[c.o.d.e.x]]

MoaeD

نعم فتح المجال لطلبها , وأعرف محل يجيبها لكن خلني أتأكد لك

اللي اعرفه اذا ماكنت غلطان ان سعر الـ Radeon 9800XT OEM بدون بوكس يعني بحدود 1600 - 1750 ريال

راح أتأكد لك وأرد لك خبر إنشاءالله

تحياتي

[MoaeD]

اممم طيب الBox كم سعره (وخصوصا الRadeon9600XT) ..

ووشي الشركه اللي تبيعه ؟

[mohannad_j]

شباب مشكورين كثير الشكر على المساهمة...
بس انا متعجب ليش انتم مأخذين فكرة جيدة جدا عن الريديون 9800 مع انه مافيه فرق ابدا وزي ماقلت
الفروق بسيطة جدا .. وسمعت ان الريديون اسرع بقليل من الجي فورس ، وأن الجي فورس ادق من الريديون هل هذا صحيح؟

وبالنسبة لي انا ما أدري بس غيرت قراري عن الجي فورس msi وحولت الى assus يقال انه افضل وأقوى، ومواصفات اكثر من الـ msi هل هذا صحيح؟ وصراحة جزمت على assus بس الاخوان اغلبهم ينصحون بالريديون فبديت اتراجع عن رأيي احتراما لرأيكم بس انا خايف اذا شريت الريديون يكون عندي تضارب بالجهاز زي ماحصل لبعض الاخوان! وصراحة لازم الواحد يهتم بهذا الجانب لان صراحة الكرت غالي وحرام يصير كذا ...

لكن احد الاخوان نصحوني بـ assus لانه اقوى لذلك انا اقرب القرار اليه وسعره في السعودية 2400
في محل ارض البرامج والمشكلة عندنا ان الريديون ماتلاقيه عندنا في السعودية الا في محل واحد اللي هو ارض البرامج وصراحة المحل غالي عن غيره، لذلك صعب جدا اني احصل الريديون وبحثت عنه ومالقيته..!

فياشباب لو تكرمتوا بس تعطوني رايكم او مقارنة فقط بين# الـg force 5900 من assus# او
#redion 9800 XT # مع اني انا اشوف انهم مثل بعض


ومع تحيا تي للجميع......... :biggthump

ورمضان كريم

[[c.o.d.e.x]]

mohannad_j

مبروك علينا وعليك الشهر الكريم


وأن الجي فورس ادق من الريديون هل هذا صحيح؟

حرام عليك , الراديون أدق من الجي فورس


فياشباب لو تكرمتوا بس تعطوني رايكم او مقارنة فقط بين# الـg force 5900 من assus# او #redion 9800 XT # مع اني انا اشوف انهم مثل بعض

إنت لو تبغى رأيي بين كلاً من :


ATI Radeon 9800 Pro
و
nVIDIA GeForce FX 5900 Ultra

كان نصحتك بالأول

تبي الحين تقارن بين كلاً من

ATI Radeon 9800XT
وبين
nVIDIA GeForce FX 5900 Ultra

بدون أدنى شك الأول بعد لأنه أقوى بكثير جداً من الجي فورس

على العموم اصنف الـ XT بأنه أقوى بطاقة رسومية في العالم وعلى شهادة أغلب مواقع الهاردوير إذا ماكان كلها

المقارنة العادلة بين كلاً من :


ATI Radeon 9800XT
و
nVIDIA GeForce FX 5950 Ultra ولا ماتدرون انه نزل؟ :)


في النهاية الخيار الأول والأخير لك ولراحتك الشخصية

إن بغيت مشورتي , خذ الـ ATI ولا تآخذه من أرض البرامج , خذه من باث للحاسبات (www.pc-path.com)

تحياتي

[salman f o]

اممم طيب الBox كم سعره (وخصوصا الRadeon9600XT) ..

ايش الفرق بين ( البوكس او بدون )

[mohannad_j]

مشكور يا كودكس ما قصرت ..

بس عندي سؤالين

#هل كل انواع الجي فورس مندرجة تحت nvedia لانكم تقولون بعدوا عن الجي فورس بسبب nvedia
هل هذا السبب فقط؟

#ليش ان الجي فورس اغلى من الريديون ، وانا زي ماقلت لو تشوف المواصفات بين الكرتين ما تفرق؟
وكيف على اساسها انت فرقت؟وكيف تقول ان الريديون افضل وهو ارخص

#وتذكر دائما ان الـmatherbord من msi اللي عندي علشان تاخذ هذا الجانب في اعطاء الرأي..


شكرا......... ومح تحياتي لك :D

[[c.o.d.e.x]]

mohannad_j

نعم الشركة الأم المصنعة لبطاقات GeForce الرسومية هي nVIDIA , وأنا ما أقولك إبعد عن GeForce علشان nVIDIA لأ أنا رشحت لك الـ Radeon لأنه افضل

ليش الـ GeForce أغلى من الريديون ؟ كلام غير صحيح أسعارهم متساوية وأخص البطاقات العالية الأداء لكن إنت شكلك قست بأسعار السوق السعودي ماتعتبر مقياس وطبيعي تكون اسعار nVIDIA أغلى عندنا هنا لأنها موجودة ومنتشرة في السوق لدينا قبل ATI

المواصفات تفرق كثير بين الكرتين , واللي يفرق أكثر واللي يهمنا هنا هو الأداء والجوة واللي نعرفها عن طريق الإختبارات وأغلب مواقع الإختبارات ومعامل الإختبار أقرت بأن الـ Radeon 9800XT أقوى بطاقة رسومية في العالم, وواضح من الإختبارات شوف المراجعة هذي (http://www.neoseeker.com/resourcelink.html?rlid=67360)

يا أي العزيز نوع مصنع المذربورد حقتك مايلعب أي دور بإختيار نوع مصنع البطاقة الرسومية اللي يريحك خذه , مافي أي مشاكل بالتوافقية عند استخدامك بطاقة رسومية من ASUS أو GigaByte أو Abit أو غيره على مذربورد من MSI أهم شئ ان المذربورد الي عندك تدعم سرعة الناقل اللي شغالة عليه البطاقة AGP 8X/4X بس

وإذا كان بنفسك الـ GeForce إنتضر شوي لين ماتنزل الرقاقة NV40 وهو اسم الشريحة القادمة من GeForce واللي يمكن يكون اسمه GeForce FX 6000 أو شئ من هالقبيل .. لا أعلم

ولا خذ الـ Radeon ووسع صدرك :)

تحياتي

[mohannad_j]

مشكور يا أخوي كودكس ماقصرت

بس الحل اللي انا اشوفه اني انتظر وأفكر وليتك تعطيني موقع فيه مواصفات الريديون والجي فورس اذا كنت تعرف علشان اقارن بينهم وأقرر ومشكور كثير الشكر

#وبعدين دخلت على مواصفات جهازك صراحة ممتازة ، بس وشو الموقع اللي انت كتبت فيه المواصفات؟؟ وش الفايدة منه؟

وشكرا.............

[[c.o.d.e.x]]

mohannad_j

حياك الله

تفضل (http://arabhardware.net/showthread.php?s=&threadid=7797)

والصبر زين زي ما قلت , لكن فقط لتوضيح الحقائق :)

الفائدة من الموقع تخصيص صفحة تمكنك من كتابة مواصفات جهازك بشكل مرتب ومريح ومشاركتها مع الزملاء ومقارنتها مع مشاركات البقية في الموقع

الموقع

www.anandtech.com

تحياتي

[Nadeem_Fisher]

أذا كنت تريد أدق صورة وأفضل عرض: Radeon 9800XT 256MB
أذا كنت تريد أعلى سرعة في اللعب: FX 5950 256MB

[mohannad_j]

مشكور يا أخوي صاحب اخر رد بس المعلومات اللي قلتها اخبر انها العكس الريديون اسرع والجي فورس ادق

بس على العموم ليت اي واحد يعرف موقع مواصفات الريديون والجي فورس يكتبه علشان اقارن بينهم


ومشكورين :biggthump

[Nadeem_Fisher]

مشكور يا أخوي صاحب اخر رد بس المعلومات اللي قلتها اخبر انها العكس الريديون اسرع والجي فورس ادق

بس على العموم ليت اي واحد يعرف موقع مواصفات الريديون والجي فورس يكتبه علشان اقارن بينهم


ومشكورين :biggthump

لقيت جدول مقارنة

بس أنا تعقدت

سلام

[sul911]

واضح من المقارنة انه الـ 5900 تفوق ؟؟؟؟؟؟؟؟؟؟؟؟؟؟؟

[mohannad_j]

دخلت على صفحة مواصفات الـredion 9800 xt و دخلت على الـg force fx 5900

وسويت مقارنة ولاحظت ان الجي فورس افضل من الريديون حيث ان الريديون سرعته memory clock =730 بينما الجي فورس سرعته 800 ، ولكن الـengine clockللريديون = 413
والجي فورس=400 في النقطة هذه الريديون تفوق ولكن لن الفرق بسيط ، ولكن في النقطة الاولى الجي فورس تفوق بفرق كبير نسبيا

وباقي المواصفات بين الكرتين نفسها بالظبط مافيه اختلاف بينهم!!

معنى ذلك وزي ماشفتوا ان الكرتين متعادلين ولو دققنا لصار الجي فورس افضل زي ماشفتوا بالاعلى.

اجل ليش قلتوا ان الرييون xt افضل ؟؟!! او هي فقط اشعات من الناس ودعايات


أأمل الرد المقنع انا بانتظاركم ;)

[[c.o.d.e.x]]

للأسف .. أغلبكم فاهمين المقارنات " غلط " :(

مواصفات البطاقات الرسومية لا تعني بأن البطاقة متفوقه .. بل كيف تقوم هذه البطاقة بمعالجة الرسوميات .. وهنا يلعب دور " الإختبارات " وليست المواصفات

mohannad_j

ما أدري ؟ لكن أنا عطيتك وصلة لإختبارات المقارنة لكلاً من البطاقتين في آخر رد لي ؟ هل شيكت عليها , واضح من كلامك إن ماشفت الرابط اللي عطيتك اياه ؟


وسويت مقارنة ولاحظت ان الجي فورس افضل من الريديون حيث ان الريديون سرعته memory clock =730 بينما الجي فورس سرعته 800 ، ولكن الـengine clockللريديون = 413

أحب أقولك أن هناك بطاقات رسومية بذاكرة 384MB وليست 128MB أو 256MB كما في الـ GeForce والـ Radeon ومع ذلك تعتبر ضعيفة في مواجهة الراديون والجي فورس بالرغم من ذاكرتها ذات الـ 384MB ؟ " المواصفات لا تحدد قوة البطاقة " :)

هذا مثال على إختبار في لعبة Unreal Tournament 2003 لكلا البطاقتين .. من الموقع X-Bit labs

http://www.xbitlabs.com/images/video/fx5950ultra-9800xt/ut1.gif

http://www.xbitlabs.com/images/video/fx5950ultra-9800xt/ut2.gif

http://www.xbitlabs.com/images/video/fx5950ultra-9800xt/ut3.gif

http://www.xbitlabs.com/images/video/fx5950ultra-9800xt/ut4.gif

للإطلاع على كامل مراجعة الموقع X-Bit labs هنا ATI Radeon 9800XT vs nVIDIA GeForce FX 5950 Ultra (http://www.xbitlabs.com/articles/video/display/fx5950ultra-9800xt.html)

ولاتنسى الرابط اللي اعطيتك اياه في ردي السابق ;)

تحياتي

[mohannad_j]

مشكور اخوي كودكس وماقصرت على المعلومات الجديدة صراحة جدا انسجمت معها واستفدت منها
وشكلي بطبعها وشكرا على الردود الجبارة والمقنعة ، وصراحة مامر علي ردود استفدت منها مثل ردودك
:biggthump
وبالنسبة للرابط انا اتوقع اني دخلت عليه او اني مشبه في موقع ثاني علشان كذا والله انا ماادري دخلت ولا لا على العموم مهب مشكلة بدخل عليها وبشوف وصراحة الاحصائية اللي كتبتها تكفي الواحد انه يقارن بين الكرتين ، وبلا شك الاحصائية تقول الريديون افضل ، وانا الان اقتنعت وبدخل على الرابط اللي كتبته...

ومشكوووووووور جدا ;)

وشكلي باخذك معي اذا شريت الكرت :33:

[[c.o.d.e.x]]

mohannad_j

العفو اخي العزيز

ماكان ذلك إلا من ضمن واجبنا نحوكم

بالتوفيق

تحياتي

[MoaeD]

اجل Radeon9800XT تفوق على FX 5950 !!


مشكور على المعلومات كود اكس :)


وابشرك تراني شريت ال9700 :tongue2:

[[c.o.d.e.x]]

MoaeD

طبعاً , تفوق الـ Radeon 9800XT وأبداً ليست غريبة من ATI :)

ألف مبروك على البطاقة الجديدة , تشوف على وجهها الخير

هل وصلت ؟ أي قمت بتركيبها , أم بإنتظارها ؟

تحياتي

[MoaeD]

ركبتها وجربتها واختبرتها بعد :) !!


شوف النتيجه بالثري دي مارك2003


وقولي رأيك هل تستاهل اقل او اكثر !!

[[c.o.d.e.x]]

ممتاز جداً , ماشاءالله

هل هذا الإختبار تم على الإعدادات الإفتراضية للبطاقة ؟ أم بزيادة التواقيت ؟

بطاقتي أحرزت 4600 بالإعدادات اللإفتراضية للبطاقة والمعالج

ونتيجتي في التوقيع , مع كسر السرعة ;)

نتيجة مبشرة , وبالتوفيق إنشاءالله

* صديقي :D كلنا معنا Pro's 9700

تحياتي

[Grandia]

ركبتها وجربتها واختبرتها بعد :) !!


شوف النتيجه بالثري دي مارك2003


وقولي رأيك هل تستاهل اقل او اكثر !!

علي كم يمكن احصله الحين ؟ وبكم انت شريته ومن اي شركه :)

[mohannad_j]

ياشباب مشكورين... على الردو د والى الامام
وزي مانصحني كودكس قررت انشاء الله اني اشتري redoin 9800 xt والله اعلم اذا غيرت

وسؤالي الان لكم متى ينزل انشاء الله الريديون xt ؟ وكم تتوقعون سعره وهل يستاهل او لا؟

والمهم في اي محل ينزل؟؟؟

مع تحياتي للجميع ;)

[FROOSTY]

Radeon 9800XT mawgood fee market PC in alolya NAME MARKET Soft Land

PRICE 2700 RIYAL GAAAAAAAAAAAAALLY

[Nadeem_Fisher]

أخي الكرت نازل من زماااااااااااااان

[mohannad_j]

لا اقصد متى بينزل في السعودية لان المنتجات عندنا تتأخر عن بقية العالم

واذا كان نازل في الرياض وين القاه؟؟

شكرا

[MoaeD]

كود اكس


ايه على الأفتراضيه .. زي ما ركبته علطول !!


ايه صديقي 9700 ههههههههههه اهم شي لا تجحد وتروح لأكس تي :p


جرانديا


حاليا لازم تطلبه طلب وسعره من 900 وشوي الى 1050 !



محمد

اذا تبيه دوره


شف محل ارض البرامج جايه وسعره غالي اكيد زي حركتهم كل مره


عاد شف باث للحاسبات بكم بيجيبه واتوقع سعره بيكون معتدل :) !!

[mohannad_j]

ابــشركم نزل كرت redoin 9800 xt في محل ارض البرامج وزي ماقال خوينا السابق سعره غالي

وسعره حاليا 2700 ريال ، غالي جدا والمحل اصلا غالي لذلك اذا لقيتوا الكرت في محل غيره ارجو
ان تخبروني... ;)

وعلى العلم نزل 9700 xtاو 9600 xt و الله ناسي اي واحد، (في نفس المحل)

[MoaeD]

ما فيه Radeon 9700 XT


اللي نازل هو Radeon 9600 XT


وهو عند ارض البرامج بعد


وسعره 1200 ريال وكل الكرتين 9800 و 9600 من شركة Asus


حجم الذاكره في 9800 هو 256 ميجا بايت وسعره عندهم 2700 ريال زي ما قالو الأخوان


طبعا الAsus غالي واتمنى انه تنزل الأنواع الثانيه رخيصه موب مثل هالسعر الجامد


طبعا انك تدفع 200 ريال زياده ازين في أنك تحصل مكان تروحله لو يصير اي شي للكرت (لأا قدر الله) !!

[mohannad_j]

والله انا اشوف ان مافيه محل غيره ينزل ريديون لان الريديون ماله وكيل عندنا ومردنا ارض البرامج
وان شاء الله يرخص بس هل تشوف ان سعر 2700 يستاهل؟؟؟ والله ماادري لاني جازم على الشراء :06:

[Grandia]

اصبر شوي بنزل سعره :)

انا في خاطري 9600 اكس تي

[mohannad_j]

صدقني جرانيا ماراح ينزل سعره الا اذا نزل كرت جديد والكرت ما نزل الا من بدري وان نزل بينزل
بمقدار بسيط مايستاهل انك تنتظره ، واذا استمريت تنتظر الكرت ينزل سعره ماراح تشتري كرت ابد
لانه اذا نزل سعره معناها ان فيه كرت جديد نزل، والكرت هذا ماراح تشتريه وبتنتظر الجديد ينزل سعره
ونفس الشي ماراح ينزل سعره الا اذا نزل كرت جديد بعده ، وماراح تشتري الكرت اللي انت تنتظره بل بتشتري الجديد وتنتظره ينزل وهلم وجر (وهكذا ) يعني ريح نفسك واشتره اذا كان في بالك...


وانا ادري ان كلامي غير مفهوم بس اتمنى انك تكون فاهمه :p

[Thunder_Eagle]

السلام عليكم ورحمة الله وبركاته
ريديون يحتوي علي ذاكرة الكترونية اقوي من الجي فورس بينما الجي فورس يحتوي علي معالج اقويز
اعني بصفة عامة وليس موديل بعينه.
الريديون اقوي في استخدامات الالعاب
اما الجي فورس اقوي في تطبيقات الجرافيكس
شكرا

[mohannad_j]

شكرا جزيلا ولكن هل اطلعت على مواصفات الكرتين؟؟

نفس الشي تقريبا بس فروق بسيطة اشرت عليها سابقا...

بس احد الاخوة (كودكس) قال ان هذه مالها علاقة في دقة المعالجة الرسومية؟؟ وش رايك؟؟

[Neo Cid]

السلام عليكم ..

أخواني .. ما حبيت أزعجكم بموضوع جديد ..

لكن أنا ناوي اشتري جهاز يديد بعد فترة قصيرة .. و ببالي كروت راديون ..

عندي GeForse Ti 4800 8X ... والله جيد و حلو .. و سريع أيضا .. كنت مفكر آخذ 5600 265 MB

لكن سمعت أنه يواجه مشاكل من ناحية السرعة .. فهالكلام صحيح ؟ ..

و قلت أجرب الراديون .. فهل عندكم موقع يتحدث عن الكروت ؟ أو يقارن بينها بالصور ؟ ..

و شكرا .. :)

[mohannad_j]

والله ياأخي العزيز الناس يقولون دايما ان الريديون افضل من الجي فورس والله اعلم لان الريديون من ATI وهي شركة محترمة وماعليها مشاكل اما nvedia يطلع عليها كلام شين كثير واذا كنت تبي تشوف مقارنة بين الكروت ارجع صفحة وحدة او صفحتين ....

او ادخل على موقع asus لانها فيها كروت الـati و الـ nvedia وبأمكانك تقارن بينها بسهولة..


وكل عام وأنتم بخير......

[mohannad_j]

السلام عليكم :

يا شباب خبر عاجل :wow:

نزل كرت g force 5950 ultra من msi بسعر غالي جدا في السعودية.. في ارض البرامج

3150 ريال وأتوقع انه كسر كروت الريديون كلها ... وش رايكم؟

هل يستاهل سعره ؟

وليت واحد من الشباب يكتب لي تقرير عنه وما يكون قصر..


وكذلك شفت كرت g force 5900 من msi طبعا 265 mb بسعر 2900 والريديون 9800 xt بسعر 2700

وش السبب ان الجي فورس اغلى مع انكم تقولون ان الريديون افضل؟؟ :06:


والمهم اتمنى من احد الاخوة يكتب تقرير مبسط عن g force ultra fx

وشكرا :D

[mohannad_j]

مشكورين ياشباب كثير الشكر

بس ما أدري هل أحد عنده redoin9800 xt أو جربه

ليته يعطينا تقرير عنه