Mr. Endless Na7as ..

[عماد 18]

كيف الحال http://www.webpost.net/sp/spikeyman/dog.gif ؟؟ <== الاخلاق خربانة ..
بصراحة ..
و الصراحة راحة ..
اليوم كان اغرب يوم يمر علي بحياتي ..
هو في ايام غريبة لكن مثل هاليوم ما حصل ..
في البداية ..
يوم الاثنين كان ككل ايام الاثنين الي فاتت ..
ما عندي محاضرات و موسع صدري في النوم ..
لما صحيت تذكرت ان عندي صك ارض بروح اخذه من المحكمة ..
الصك هذا خلصته في اخر اربعاء بشهر شعبان ..
و بقى انه يسجل في دار العدل ..
قالوا لي تعال بعد اسبوعين ..
يعني المفروض اجيهم الاربعاء الي فات ..
لكن بحكم معرفتي بدوائرنا الحكومية ..
و ان شغلها كله يتم عن طريق المزاج ..
و الله الموظف العلاني ما له خلق و الموظف الفلاني الظاهر متوحم http://www.webpost.net/sp/spikeyman/dog.gif و هلم جرا ..
عطيتهم فرصة 3 ايام و رحت لهم اليوم ..
طبعا من طريقة طلبك و شوفتك لكيفية الحصول على الشي الي انت جاي عشانه ما تبشر بالخير ..
لذا انا كنت مروق و عارف ان الوضع بياخذ على اقل تقدير و لو مشت الامور تمام ساعة الا ربع ..
المهم جيت و انا فاق الخشة و اعطي ورقة طلب الصك للموظف ..
و اجلس على جنب في انتظار ان يتعطفوا علي و يجيبون صكي متى ما طنت في روسهم ..
رصيت تقريبا ساعة الا ربع كما توقعت ثم تذكروا ان في واحد اسمه عماد جاي يبي صكه ..
انا انبسطت و جهزت بطاقة الاحوال على بالي خلاص باخذ الصك و امشي ..
ويجيك الموظف و يطنقر فيني : ابك انت عماد ؟؟
ايه ..
و الله صكك ما وصلنا انحر علان (قال لي اسم موظف ما ادري بصراحة يعني يتوقع اني جاي اناسبهم اعرف اسماء موظفيهم ؟!) و اساله ..
وين هالعلان يالشيخ ؟؟
في ذاك روح مناك و تلقاه على يسراك ..
انا دودلت هالراس مسوي فهمت و رحت و دورت هالعلان -تراي نسيت وش اسمه :31:- ..
رحت له و قال لي رح لفلان (كلهم حالفين اني جاي اناسبهم على ما يبدو :31:) ..
دورت فلان و لقيته ..
و سالته عن الصك ..
طبعا كعادة دوائرنا ما في اي اعتماد على الكمبيوتر اللي يوفر كل هالمجهود اللي مريت فيه بخمس دقايق ..
و بينما بعض الدول تقدر تخلص كل معاملاتك الحكومية عن طريق الانترنت احنا ما زلنا نعتمد على طريقة اكتب و اشخط ..
المهم لما سالته و قال لي انها طلعت بتاريخ 3\9 -الله المستعان مخلصها في 24\8 و توهم يرسلونها !!- ..
رحت للسجلات مرة ثانية و قلت لهم انها مرسلة بهالتاريخ ..
طبعا كل هالمشورة نص ساعة بكذا صار المجموع حتى الان ساعة و ربع ..
انلطعت نص ساعة ثانية حتى يتكرمون الاخوان و يدورون الصك ..
في النهاية قالوا لي الصك ما خلص http://www.webpost.net/sp/spikeyman/dog.gif ..
بكذا تكون ساعتين الا ربع من حياتي راحت على الفاضي <== تكفى يالمهم :tongue2: ..
هذه الحادثة الاولى في هاليوم ..
الحادثة الثانية ..
كان معي شيك ..
رحت للراجحي على اساس اصرفه ..
طبعا الاغلبية تعرف رمضان و زحمة لذا انطقيت نص ساعة انتظر دوري عشان اوصل للمحاسبين ..
وصلت للمحاسب و عطيته الشيك و بطاقة الاحوال بكل ثقة ..
المحاسب شاف الشيك و ابتسم ..
قال عندي لك خبر شين ..
انا :31: متعود ..
قال الشيك للبنك السعودي الهولندي :D ..
طلعت و انا وجهي في الارض ..
من زود الحماس حسبت الشيك للراجحي لانهم نفس الخلفية تقريبا ..
المهم درعمت للهولندي ..
لكن هالمرة السرى كان خفيف ..
المهم لما وصلت للمحاسب و عطيته الشيك ..
جلس يزبط الوضع و يطقطق على الكمبيوتر و كل شي تمام ..
ثم بقى الخطوة الاخيرة اللي هي اني اوقع على الشيك ثم يعطيني الفلوس ..
وقعت ..
جا بيعد الفلوس ..
لفت انتباهه شي في الشيك ..
قال لي يالاخو روح عدل التاريخ ..
انا :06: ليه ؟؟
قال شف بنفسك ..
التاريخ : 6/9/1324 هـ ..
الشيخ موقع الشيك ما شاء الله عليه قبل قرن من الزمان :tongue2: ..
بعد رفعة هالضغط ..
رجعت للبيت و قلت بريح اخيرا و ادخل النت و مانب قايم لو يتطربق البيت على راسي عقب كل هالمشاوير اللي راحت على الفاضي ..
شغلت الكمبيوتر ..
و شبكت الاتصال ..
حولني على صفحة تجديد الاشتراك :31: ..
يعني الاشتراك مخلص ..
لتكون خير خاتمة لخير يوم مر علي منذ مدة ..

على فكرة ..
تراني فاضي ..
و الي بيقرى هالموضوع افضى مني ..

[~MâLâK~]

إيه انا فاضيه بعدhttp://www.webpost.net/sp/spikeyman/dog.gif..


يالله الحمد الله على السلامه وماتشوف شر :tongue2:<=== ماتدري وش تقول :bigeyes:















ياللهslaaaaaaaaaaaaaaaaaaam

[sas_com3]

يعني في 1324 كان فيه شي اسمه شيكات .... مفروض يتغاضون عن هالشئ ولو انه صعب

والله الصراحه حالتك صعبه

[HArb200]

الحياة صعبه يالاخو !!

[نيو ايرفين]

يوم لك وألف عليك!! -____- !!

[MoaeD]

المحكمه من جد انواع القلق بالأسامي


اجل يقولي رح للشيخ فلان اقول كم رقم مكتبه يقول اللي تحت قلتله باللهي تحت طيب كم رقمه فيه 12 مكتب تحت :o


يقول تحت على اليمين قسم باللهي لو ما مسكني اخوي وقالي انه شايف اسمه تحت كان يمكن هزأته تهزئ :12:


طبعا كتاب العدل الملاقيف لا مرت حرمة تشوفهم يناظرونها من فوق لتحت وعينهم عليها لين تختفي من انظارهم (الا من رحم الله)


وصار موقف ذاك اليوم مع خالتي قسم باللهي شوي وأطب ببطنه يالخايس احترم نفسك تراك بمحكمه منتب بسوق محمود سعيد :o


بس ما يريحك الا تعامل الشيوخ والله يثبتونلك انهم اخلاق وانهم يستاهلون المكان اللي وصلوله ياخي ناس محترمين الى درجه ما تتصورها


وبالنسبه للأشتراك اليوم بالتلفون يا انا قمت اسب بنايف الساير التبن هذا


باللهي من ثلاث ايام مجدد اشتراكي والحين تقولي بكرا نسوي اليوزر ما يصير كذا وانت المفروض امس مسويه طيب عوضني على الأقل


الكلام الزين ما ينفع معهم :o ما ينفع الا كلم مديره حتى انه وعدني يعوضني على الأسبوع اللي زفت فيه النت اول اسبوع اشتركت فيه بالDSL وقالي اذا جا ينتهي الأشتراك دق علي وانا اقول لنايف يمددلك اسبوع


كذا التعامل ولا بلاش لا يطلعلك موظف ما عنده الا لسانه لا صرت قدامه واذا كلمته بالتلفون راح يلف ويدور يمين ويسار


الله يعين على الدنيا اند مشكور عماد على الموضوع :o

[RPG_master]

انا هاليوم يمر علي كل سنه مره..

اذا جيت بطلع الرخصه!!

المره الأولى ناقص صوره..مع اني جايب العدد الي طالبينه لكن واحد منهم زارفها..المشكله انها شينه

والمره الثانيه طلع علي مخالفه..

لكن عموما مثل ما قال الشيخ هارب الحياه أصعب وأصعب ..

[Kubaj]

أهم شي الأخلاقــــــ:33:ـــــ

[Mesharey]

ايه انا فاضي بعد http://www.webpost.net/me/memy/18.gif..

أهم شي هالشيك..

التاريخ : 6/9/1324 هـ .. صرفوه http://www.webpost.net/sp/spikeyman/dog.gif؟؟

[DiGit4L]

هههههههههههههههههههه ...

عاد المحكمه يحق لهم التاخير .. فيه سرقات واجد تصير بالاراضي والي يجيبلك اخته على انها زوجته والي يجيب شغالتهم على انها امه .

يحقلهم يماطلون...

بس شف الدوائر الثانيه الي مالهم حق :bigeyes:

[ورد]

ويجيك الموظف و يطنقر فيني : ابك انت عماد ؟؟
---------------------------------------------------------------------------
و الله صكك ما وصلنا انحر علان (قال لي اسم موظف ما ادري بصراحة يعني يتوقع اني جاي اناسبهم اعرف اسماء موظفيهم ؟!) و اساله ..


شو معنى ابك وانحـر ؟؟؟ :06:



واقـول تعيــــش وتاخذ غيـرها . . اذا ما يمر عليك يوم نحس ..

ما تكون هذي الدنيـا . . :31:

[flarestar]

الحياة صعبة as someone always say :tongue2:

[MoaeD]

هههههههههههههههههههه ...

عاد المحكمه يحق لهم التاخير .. فيه سرقات واجد تصير بالاراضي والي يجيبلك اخته على انها زوجته والي يجيب شغالتهم على انها امه .

يحقلهم يماطلون...

بس شف الدوائر الثانيه الي مالهم حق :bigeyes:


انت معاناتك شي ثاني :bigeyes:

[Moon Boy]

بصراحة أنت تتحمل جزء كبير من الأخطاء..

يعني الشيك تاريخه بعد قرن الله يحيينا على طاعته ولا انتبهت..!!

والبنك السعودي الهولندي ولا انتبهت..


وبالنسبة للجزء اللى هم يتحملونه تاريخ الشيك..والأسلوب اللى (ماعندك أحد)..

وعلى العموم لا جديد .. الدوائر الحكومية (معاناة +دلاخة+تعقيد+بدون واسطة= ردد ياليل ما أطولك) :09:

[alex]

الحين تسمي ذي نحاسه انت وخشتك -____________-


لو تشوف معاناتي مع تركيب الدي اس ال كيف تعرف انك عايش بنعمه http://webpost.net/sp/spikeyman/dog.gif

[Lucky guy]

ما جبت شي جديد ‍‍‍‍‍!! -_____- ..

ذكرتني بأيام المعارض -___- الي أنكرفت فيها ..

وعلى طاري البنك يا ما لي مواقف معه وأكثرها تحويلات حساب -____- ..

[hitler is back]

حالتك صعبـــه:33:

الله يكون بعونك بس:31:

المشكله انك سعودي ولا كان تسهلت-__________-

[عماد 18]

ملاك
الله يسلمك بس احد قايل لك اني مريض :31: ؟؟

ساس
هو ترى تقنيا المفروض يمشي الشيك لان تاريخ صرفه عدى :tongue2: ..
لكن منطقيا هي اللي وقفت في وجهي ..

هارب
ايه خصوصا لما اناقشك :31: ..

ارفين
صح لسانك ..

مؤيد
خلها على ربك بس ..
المشكلة في القرن ال21 و من دخلت المحكمة ما شفت و لا كمبيوتر ؟!

ماستر
اجل مزروفة صورتك ياقمر الزمان :tongue2: ..

خابوجة
صحيح :31: ..

مشاري
لا قلت لصاحبه ابي الفلوس كاش ما عاد اقبل منك شيكات يا اكبر معمر في العالم :tongue2: ..

ديجتال
الاعتراض موب على ان المعاملة تتاخر ..
الاعتراض على ان المراجع يروح يسال علان و فلان وين وصلت معاملته بالضبط ثم يرجع للموظف اللي المفروض يستلمها منه و يقول له انها وصلت لعلان !!
ياخي لو يسمعون بشي اسمه كمبيوتر ما كان صارت هالزحمة ..

ورد
ابك اداة من ادوات النداء الدارجة ..
انحر يعني روح ..
و كلامك صحيح بس مو لها الدرجة :31: ..

فلير
ايه صدق ..

لوسي
وش قصدك :31: ؟!

مون بوي
طيب خطاي الاول اعترف فيه لكن تاريخ الشيك ما لي اي ذنب :31: ..

اليكس
على الاقل انت عندك امل تركب الدي اس ال انا ما في امل خير شر ..
من عرفت اتصالات بريدة و خدمة الدي اس ال حقتهم ما تشتغل الا على مقسم واحد !!

ابوعتب
الله يفكنا منه ..
بالنسبة لكل شي يخصني من ايداع و تسديد فواتير و تحويل فتعاملي كله عن طريق الصراف لكن المشكلة لما تروح عشان شغل غيرك ..

هتلر
حلوة المشكلة اني سعودي :tongue2: ..


و اخيرا و ليس اخرا ..
امس جلست احمل في باتش لويننج اليفن حجمه 26 ميجا لمدة ساعتين ..
في الاخير الملف طلع معطوب http://www.webpost.net/sp/spikeyman/dog.gif ..

[xenosaga]

و اخيرا و ليس اخرا ..
امس جلست احمل في باتش لويننج اليفن حجمه 26 ميجا لمدة ساعتين ..
في الاخير الملف طلع معطوب http://www.webpost.net/sp/spikeyman/dog.gif ..
OWNED!!!

فهمتها الحين عناد أقصد عماد؟ :tongue2:

[ورد]

ورد
ابك اداة من ادوات النداء الدارجة ..
انحر يعني روح ..
و كلامك صحيح بس مو لها الدرجة :31: ..


الايام هتوريك يا بني :31: ...

وبتشوف ايام ما اظني تخطر على بالك ...( يوم لك وعشرة عليك ) ..

[Dark Locke]

اقول عماد قصتك هذي تنفع في طاش 12 :tongue2: :D :D

[Dark Locke]

اقول عماد ادخل هذا :D :D

http://www.montada.com/showthread.php?t=132799

[~MâLâK~]

[QUOTE=عماد 18]ملاك
الله يسلمك بس احد قايل لك اني مريض :31: ؟؟

[QUOTE/]


إيه انت تقول :bigeyes: ..
مو انت مريض باالنحسhttp://messenger.arabia.msn.com/Resource/emoticons/75_75.gif ؟!








ياللهslaaaaaaaaaaaaaaaaaaaam

[~MâLâK~]

ملاك
الله يسلمك بس احد قايل لك اني مريض :31: ؟؟



إيه انت تقول :bigeyes: ..
مو انت مريض باالنحسhttp://messenger.arabia.msn.com/Resource/emoticons/75_75.gif ؟!












ياللهslaaaaaaaaaaaaaaaaaaam

[عماد 18]

زينوساقا
ايه :tongue2: ..

ورد
وش دعوة ؟!
كانك في فيلم رعب :31: ..

واحد حلو
تهبا :tongue2: ؟؟
و عليك مواضيع حافظها !!

ملاك
لا بسم الله علي http://www.webpost.net/sp/spikeyman/dog.gif ..
هو مجرد يوم ..
كان مجمع فيه حظي النحس كله الظاهر لمدة سنة ..