عماد 18
03-11-2003, 11:14 PM
كيف الحال http://www.webpost.net/sp/spikeyman/dog.gif ؟؟ <== الاخلاق خربانة ..
بصراحة ..
و الصراحة راحة ..
اليوم كان اغرب يوم يمر علي بحياتي ..
هو في ايام غريبة لكن مثل هاليوم ما حصل ..
في البداية ..
يوم الاثنين كان ككل ايام الاثنين الي فاتت ..
ما عندي محاضرات و موسع صدري في النوم ..
لما صحيت تذكرت ان عندي صك ارض بروح اخذه من المحكمة ..
الصك هذا خلصته في اخر اربعاء بشهر شعبان ..
و بقى انه يسجل في دار العدل ..
قالوا لي تعال بعد اسبوعين ..
يعني المفروض اجيهم الاربعاء الي فات ..
لكن بحكم معرفتي بدوائرنا الحكومية ..
و ان شغلها كله يتم عن طريق المزاج ..
و الله الموظف العلاني ما له خلق و الموظف الفلاني الظاهر متوحم http://www.webpost.net/sp/spikeyman/dog.gif و هلم جرا ..
عطيتهم فرصة 3 ايام و رحت لهم اليوم ..
طبعا من طريقة طلبك و شوفتك لكيفية الحصول على الشي الي انت جاي عشانه ما تبشر بالخير ..
لذا انا كنت مروق و عارف ان الوضع بياخذ على اقل تقدير و لو مشت الامور تمام ساعة الا ربع ..
المهم جيت و انا فاق الخشة و اعطي ورقة طلب الصك للموظف ..
و اجلس على جنب في انتظار ان يتعطفوا علي و يجيبون صكي متى ما طنت في روسهم ..
رصيت تقريبا ساعة الا ربع كما توقعت ثم تذكروا ان في واحد اسمه عماد جاي يبي صكه ..
انا انبسطت و جهزت بطاقة الاحوال على بالي خلاص باخذ الصك و امشي ..
ويجيك الموظف و يطنقر فيني : ابك انت عماد ؟؟
ايه ..
و الله صكك ما وصلنا انحر علان (قال لي اسم موظف ما ادري بصراحة يعني يتوقع اني جاي اناسبهم اعرف اسماء موظفيهم ؟!) و اساله ..
وين هالعلان يالشيخ ؟؟
في ذاك روح مناك و تلقاه على يسراك ..
انا دودلت هالراس مسوي فهمت و رحت و دورت هالعلان -تراي نسيت وش اسمه :31:- ..
رحت له و قال لي رح لفلان (كلهم حالفين اني جاي اناسبهم على ما يبدو :31:) ..
دورت فلان و لقيته ..
و سالته عن الصك ..
طبعا كعادة دوائرنا ما في اي اعتماد على الكمبيوتر اللي يوفر كل هالمجهود اللي مريت فيه بخمس دقايق ..
و بينما بعض الدول تقدر تخلص كل معاملاتك الحكومية عن طريق الانترنت احنا ما زلنا نعتمد على طريقة اكتب و اشخط ..
المهم لما سالته و قال لي انها طلعت بتاريخ 3\9 -الله المستعان مخلصها في 24\8 و توهم يرسلونها !!- ..
رحت للسجلات مرة ثانية و قلت لهم انها مرسلة بهالتاريخ ..
طبعا كل هالمشورة نص ساعة بكذا صار المجموع حتى الان ساعة و ربع ..
انلطعت نص ساعة ثانية حتى يتكرمون الاخوان و يدورون الصك ..
في النهاية قالوا لي الصك ما خلص http://www.webpost.net/sp/spikeyman/dog.gif ..
بكذا تكون ساعتين الا ربع من حياتي راحت على الفاضي <== تكفى يالمهم :tongue2: ..
هذه الحادثة الاولى في هاليوم ..
الحادثة الثانية ..
كان معي شيك ..
رحت للراجحي على اساس اصرفه ..
طبعا الاغلبية تعرف رمضان و زحمة لذا انطقيت نص ساعة انتظر دوري عشان اوصل للمحاسبين ..
وصلت للمحاسب و عطيته الشيك و بطاقة الاحوال بكل ثقة ..
المحاسب شاف الشيك و ابتسم ..
قال عندي لك خبر شين ..
انا :31: متعود ..
قال الشيك للبنك السعودي الهولندي :D ..
طلعت و انا وجهي في الارض ..
من زود الحماس حسبت الشيك للراجحي لانهم نفس الخلفية تقريبا ..
المهم درعمت للهولندي ..
لكن هالمرة السرى كان خفيف ..
المهم لما وصلت للمحاسب و عطيته الشيك ..
جلس يزبط الوضع و يطقطق على الكمبيوتر و كل شي تمام ..
ثم بقى الخطوة الاخيرة اللي هي اني اوقع على الشيك ثم يعطيني الفلوس ..
وقعت ..
جا بيعد الفلوس ..
لفت انتباهه شي في الشيك ..
قال لي يالاخو روح عدل التاريخ ..
انا :06: ليه ؟؟
قال شف بنفسك ..
التاريخ : 6/9/1324 هـ ..
الشيخ موقع الشيك ما شاء الله عليه قبل قرن من الزمان :tongue2: ..
بعد رفعة هالضغط ..
رجعت للبيت و قلت بريح اخيرا و ادخل النت و مانب قايم لو يتطربق البيت على راسي عقب كل هالمشاوير اللي راحت على الفاضي ..
شغلت الكمبيوتر ..
و شبكت الاتصال ..
حولني على صفحة تجديد الاشتراك :31: ..
يعني الاشتراك مخلص ..
لتكون خير خاتمة لخير يوم مر علي منذ مدة ..
على فكرة ..
تراني فاضي ..
و الي بيقرى هالموضوع افضى مني ..
بصراحة ..
و الصراحة راحة ..
اليوم كان اغرب يوم يمر علي بحياتي ..
هو في ايام غريبة لكن مثل هاليوم ما حصل ..
في البداية ..
يوم الاثنين كان ككل ايام الاثنين الي فاتت ..
ما عندي محاضرات و موسع صدري في النوم ..
لما صحيت تذكرت ان عندي صك ارض بروح اخذه من المحكمة ..
الصك هذا خلصته في اخر اربعاء بشهر شعبان ..
و بقى انه يسجل في دار العدل ..
قالوا لي تعال بعد اسبوعين ..
يعني المفروض اجيهم الاربعاء الي فات ..
لكن بحكم معرفتي بدوائرنا الحكومية ..
و ان شغلها كله يتم عن طريق المزاج ..
و الله الموظف العلاني ما له خلق و الموظف الفلاني الظاهر متوحم http://www.webpost.net/sp/spikeyman/dog.gif و هلم جرا ..
عطيتهم فرصة 3 ايام و رحت لهم اليوم ..
طبعا من طريقة طلبك و شوفتك لكيفية الحصول على الشي الي انت جاي عشانه ما تبشر بالخير ..
لذا انا كنت مروق و عارف ان الوضع بياخذ على اقل تقدير و لو مشت الامور تمام ساعة الا ربع ..
المهم جيت و انا فاق الخشة و اعطي ورقة طلب الصك للموظف ..
و اجلس على جنب في انتظار ان يتعطفوا علي و يجيبون صكي متى ما طنت في روسهم ..
رصيت تقريبا ساعة الا ربع كما توقعت ثم تذكروا ان في واحد اسمه عماد جاي يبي صكه ..
انا انبسطت و جهزت بطاقة الاحوال على بالي خلاص باخذ الصك و امشي ..
ويجيك الموظف و يطنقر فيني : ابك انت عماد ؟؟
ايه ..
و الله صكك ما وصلنا انحر علان (قال لي اسم موظف ما ادري بصراحة يعني يتوقع اني جاي اناسبهم اعرف اسماء موظفيهم ؟!) و اساله ..
وين هالعلان يالشيخ ؟؟
في ذاك روح مناك و تلقاه على يسراك ..
انا دودلت هالراس مسوي فهمت و رحت و دورت هالعلان -تراي نسيت وش اسمه :31:- ..
رحت له و قال لي رح لفلان (كلهم حالفين اني جاي اناسبهم على ما يبدو :31:) ..
دورت فلان و لقيته ..
و سالته عن الصك ..
طبعا كعادة دوائرنا ما في اي اعتماد على الكمبيوتر اللي يوفر كل هالمجهود اللي مريت فيه بخمس دقايق ..
و بينما بعض الدول تقدر تخلص كل معاملاتك الحكومية عن طريق الانترنت احنا ما زلنا نعتمد على طريقة اكتب و اشخط ..
المهم لما سالته و قال لي انها طلعت بتاريخ 3\9 -الله المستعان مخلصها في 24\8 و توهم يرسلونها !!- ..
رحت للسجلات مرة ثانية و قلت لهم انها مرسلة بهالتاريخ ..
طبعا كل هالمشورة نص ساعة بكذا صار المجموع حتى الان ساعة و ربع ..
انلطعت نص ساعة ثانية حتى يتكرمون الاخوان و يدورون الصك ..
في النهاية قالوا لي الصك ما خلص http://www.webpost.net/sp/spikeyman/dog.gif ..
بكذا تكون ساعتين الا ربع من حياتي راحت على الفاضي <== تكفى يالمهم :tongue2: ..
هذه الحادثة الاولى في هاليوم ..
الحادثة الثانية ..
كان معي شيك ..
رحت للراجحي على اساس اصرفه ..
طبعا الاغلبية تعرف رمضان و زحمة لذا انطقيت نص ساعة انتظر دوري عشان اوصل للمحاسبين ..
وصلت للمحاسب و عطيته الشيك و بطاقة الاحوال بكل ثقة ..
المحاسب شاف الشيك و ابتسم ..
قال عندي لك خبر شين ..
انا :31: متعود ..
قال الشيك للبنك السعودي الهولندي :D ..
طلعت و انا وجهي في الارض ..
من زود الحماس حسبت الشيك للراجحي لانهم نفس الخلفية تقريبا ..
المهم درعمت للهولندي ..
لكن هالمرة السرى كان خفيف ..
المهم لما وصلت للمحاسب و عطيته الشيك ..
جلس يزبط الوضع و يطقطق على الكمبيوتر و كل شي تمام ..
ثم بقى الخطوة الاخيرة اللي هي اني اوقع على الشيك ثم يعطيني الفلوس ..
وقعت ..
جا بيعد الفلوس ..
لفت انتباهه شي في الشيك ..
قال لي يالاخو روح عدل التاريخ ..
انا :06: ليه ؟؟
قال شف بنفسك ..
التاريخ : 6/9/1324 هـ ..
الشيخ موقع الشيك ما شاء الله عليه قبل قرن من الزمان :tongue2: ..
بعد رفعة هالضغط ..
رجعت للبيت و قلت بريح اخيرا و ادخل النت و مانب قايم لو يتطربق البيت على راسي عقب كل هالمشاوير اللي راحت على الفاضي ..
شغلت الكمبيوتر ..
و شبكت الاتصال ..
حولني على صفحة تجديد الاشتراك :31: ..
يعني الاشتراك مخلص ..
لتكون خير خاتمة لخير يوم مر علي منذ مدة ..
على فكرة ..
تراني فاضي ..
و الي بيقرى هالموضوع افضى مني ..