للمحاربين الجدد في فف11 دخول

[greeneyez]

سلام عليكم

(اول مره اكتب موضوع :D)

الحين لو سمحتو شباب الي دخل فف11 وو بذاات راج معانا يقول وو الي ماخذ LS
هم يقولونا وو نبي نعرف انطباع الي دخلو فف11 عشان يشجع الباجي على دخول
معانا وو طلب اهو مو طلب اهو رجاااء حاااااااااااااااار جدا جدا تكفووون شبااااااااااب
الحين عندكم المنيول مال فف11 تكفووون تعلمو عليه مو معقوله تدشون وو ماتعرفون
شلون تتحكمون او تتكلمون :S وو لانه احنى للحين على اليابانيه ف شوي صعبه
علينا وو الي عندنا كله راح نقوله لكم وو ما راح نقصر معاكم ^^

ف _ قوولو لنا الحين اساميكم وو مهنكم وو مملكاتكم
_ انطباعكم عن العبه
_ حصلت على LS او لا من كويت نايتس ؟؟
_ وو اي سوال احنى حاضرين ^^

اخوكم كويت نايت



greeneyez

[flarestar]

انا عندي سؤال :bigeyes:


توني ما اشتركت باللعبة بس باشترك فيها ان شاء الله ^^


وشو ال LS ؟؟

[greeneyez]

الله يسلمج ^^

LS اختصار عن لينك شيل هذا نوع من انواع الشات الي في العبه عشان يتواصل العبيين
مع بعض مهما كانت اماكنهم وو محد يسمعهم اله الي عنده هل لينك مثلا احنى كويت ناييتس
عندنا الينك شيل مالتنا وو هذه صوره توضح عن لينك مالتنا طبعا كل ls لها اسمها وو لها لونها
http://http://greeneyez80.jeeran.com/101.jpg


وو انشالله اكون وضحت لج ^^


greeneyez

[flarestar]

ايه فهمت مشكور ^^

بس الصورة ماطلعت:31:


وش رايكم تسوون موضوع تحطون فيه صور انتم اخذتوها من لعبكم يعني كل واحد ياخذ صور لشخصيته و يحطها بذا الموضوع يطلع وناسة ^^

[greeneyez]

ايه فهمت مشكور ^^

بس الصورة ماطلعت:31:


وش رايكم تسوون موضوع تحطون فيه صور انتم اخذتوها من لعبكم يعني كل واحد ياخذ صور لشخصيته و يحطها بذا الموضوع يطلع وناسة ^^



امممم شباب سانجيان وو نيو سيد كانو مسوين موضيع فيها صورهم وو انا راح تلقين تحت
صوره الي في توقيعي وصله على موقع صور مالتي وو انشالله تعجبج وو تعجب الجميع
وو راح تلاقين صوره الي ماطلعت هناك ^^



greeneyez

[Wind-Of-Love]

هلاااااااااا كويت نايت , اكيد صادك صداع بسبتي البارحه لوووول

لا انا افهم له ولا هو يفهم لي لووووول , لا بس صحيح لما انا اكلمك انجليزي انت يطلع عندك ياباني على حسب الفيرجن ولا ايش بالضبط ؟



QatarSoul
Red Mage
Sandoria

الصراحه اللعبه حلوه بس الكيبورد معقدني شوي يبيلي اتعلم عليه ... بس تقريبا بعد ماطلعت انت البارحه لقيت القيصر والي معاه وقعدت اتمشى معاهم ونزيد لفل ... وصلت لفل 3 بحاول اوصله 7 اليوم بعد ما عرفت تقريبا الاساسيات ... بس ياريت لو كان الفايت نفس الاجزاء العاديه كل واحد ودوره :(



انشاء الله نتلاقى اليوم :)

[ScarFace]

ايه فهمت مشكور ^^

بس الصورة ماطلعت:31:


وش رايكم تسوون موضوع تحطون فيه صور انتم اخذتوها من لعبكم يعني كل واحد ياخذ صور لشخصيته و يحطها بذا الموضوع يطلع وناسة ^^

http://greeneyez80.jeeran.com/101.jpg

هذي هي الصوره اللي ما طلعت

[flarestar]

الله شفت الصور http://www.montada.com/images/smilies/new_icons/omfg.gif (http://www.montada.com/misc.php?do=getsmilies&wysiwyg=1&s=#)


تجنن .. و تحمس مرة http://www.montada.com/images/smilies/new_icons/argh.gif (http://www.montada.com/misc.php?do=getsmilies&wysiwyg=1&s=#)


من متى انت بادي تلعب كويت نايت ^^

[greeneyez]

الله يسلمج انا صار لي تقريبا تقريبا 10 اشهر



greeneyez

[SanjiyaN]

فريقي Crystal links يكون لون اللينك شيل ابيض

[بو ضاري]

صراحه انا بشتريها بس مو محصلها
جيم سنتر وعود على الفاضى

SanjiyaN

اى سيرفر ؟ :33:

[Neo Cid]

فريقي Crystal links يكون لون اللينك شيل ابيض

ما اظن انك تقدر تختار لون فريقك .. بس الاسم حسب ما سمعت .. :33:

================

الصورة المرفقة .. أنا Chevonisky ومعاي عزيزي Blackice ..

أنا Black Mage و Dragoon و White Mage .. هذول اللي موصل فيهم لفل 20 و فوق .. :)

[flarestar]

الله يسلمج انا صار لي تقريبا تقريبا 10 اشهر



greeneyez


ماشاء الله شكلك اجل مرة ليفلك عالية :09:

[greeneyez]

ماشاء الله شكلك اجل مرة ليفلك عالية :09:



عندي اول مهنه اهي الورير لفل26 وو رد ميج 35 وو رينجر18 وو نينجا لفل14 وو ثييف لفل5

:biggthump :cool:




greeneyez

[logia]

======================================================
_ انطباعكم عن العبه
_ حصلت على LS او لا من كويت نايتس ؟؟
_ وو اي سوال احنى حاضرين ^^

======================================================
-من قبل لا اعلب اللعبة انطباعي عنها عجيبة ^^
- >< (كل من جيم سنتر :mad: ) :12:
-^^

انا من الحين قاعد اتدرب على الاختصارات مالت الكيبور^^ علشان لمن العبها ما اتوهق ^^

[flarestar]

عندي اول مهنه اهي الورير لفل26 وو رد ميج 35 وو رينجر18 وو نينجا لفل14 وو ثييف لفل5

:biggthump :cool:




greeneyez


حركااااات :cool:


الرينجر زينين ؟؟

[memy]

بهااااع :31:

الناس اللعبوا و صاروا اقوياء و انا ادور اللعبه ,, تهئ :31:

ماشاالله :31:

[flarestar]

بهااااع :31:

الناس اللعبوا و صاروا اقوياء و انا ادور اللعبه ,, تهئ :31:

ماشاالله :31:


بيلقاها زيزو ان شاء الله اليوم ^^



تفائلي يا دوبا :09:

[usef]

بمشيئة الله انا باجر الليل موجود....
ولا تنسى الوورلد باس ^^ <واسطة :D

[ScarFace]

شغلت اللعبه شباب ... :D

أدعولي بقعد عليها 24 ساعه هالويكند

بس وشاريكم بالـدراقون .. عساه زين .. و إيش أحسن كومبو ؟

[QataR NighTMarE]

شغلت اللعبه شباب ... :D

أدعولي بقعد عليها 24 ساعه هالويكند

بس وشاريكم بالـدراقون .. عساه زين .. و إيش أحسن كومبو ؟

مبروووووووك وعقبالي ان شاء الله انا والشباب
بس مجرد توضيح
الدراجون مايصير تاخذه من بدايه اللعبه:D

[ScarFace]

مبروووووووك وعقبالي ان شاء الله انا والشباب
بس مجرد توضيح
الدراجون مايصير تاخذه من بدايه اللعبه:D

افا ,, و أنا حاطه بخاطري من زمان .. تتوقعون وش احسن كومبو بين وظيفتين ؟

[usef]

يقولون وايت + بلاك ماج زين...

[ScarFace]

يقولون وايت + بلاك ماج زين...

هذا يقولون يصير متعادل .. بس يقولون Redmage & Black Mage

زين حق الهجوم .. بس لك عليه في سحر العلاج و التعادل ..

اما Red Mage & White Mage

زين للأسحار اللبيضه .. بس لك عليه في الهجووم .. :06:

والله الواحد محتار :33:

[usef]

مافيه كومبو كامل...لازم له عيوب...

[greeneyez]

شبااااااااب شفيكم


:D

ابي اعرف منو الحين دخل فف11

شنو اساميكم وو شنو مهنكم وو هل

خذيتو لينك شيل من ك ك س وله

لا ^^ ولي محتاج وورلد باس احنى

حاضريين ^^ .






greeneyez

[MAD-BOSS]

هلا اخوي greeneyez .. انا وكم واحد من الشباب تقريبا شبه جاهزين لدخول اللعبه ...

واذا تقدر تعطينا الورلد باس ..بس موب الحين اذا جهزنا :)

ويعطيك العافيه

[Guilty Gear X]

شغلت اللعبه شباب ... :D

أدعولي بقعد عليها 24 ساعه هالويكند

بس وشاريكم بالـدراقون .. عساه زين .. و إيش أحسن كومبو ؟
ما تبي وورد باس؟؟ للانظمام للفريق العربي؟ :biggthump

[greeneyez]

الي دش او بي دش يدز لي ايميله على الخاص وو انا اشتري انشالله
وورلد باس وو ياريت ياشباب اليديد شيكو على مانيول وو تعلمو
شلون تكتبون وو تتمشون ^^




greeneyez

[white_wing]

انا انشاء الله كلها كم يوم يوصل الماستر كارد تبع البنك الاهلي وادش وياكم....(بس خايف الدايل اب يهنق ويخبط علي ويخرب اللعبة علي)...الله يستر

[Lavitz Enduro]

إن شاءالله بكون معاكم ^__^


بس أنطرها تنزل عند جيم سنتر أو مركز الألعاب الكويتي :31:

[ScarFace]

ما تبي وورد باس؟؟ للانظمام للفريق العربي؟ :biggthump

ببلاش ؟؟ :09:

ترا أنا العب بسرفر Ifrit ... في باستوك ... لما أجي أدخل بالورلد باس لازم اسوي شخصيه جديده ؟

[Guilty Gear X]

ببلاش ؟؟ :09:

ترا أنا العب بسرفر Ifrit ... في باستوك ... لما أجي أدخل بالورلد باس لازم اسوي شخصيه جديده ؟
نعم شخصية جديدة, لكن افضل من انك تلعب بروحك بدون مساعدة
اطلب وورد باس لراغناروك وانا ارسلة لك على الخاص شقلت؟

[ScarFace]

نعم شخصية جديدة, لكن افضل من انك تلعب بروحك بدون مساعدة
اطلب وورد باس لراغناروك وانا ارسلة لك على الخاص شقلت؟

تسلم أخوي ;) ..

خلاص انا أستى الورد باس منك .. وش رايك شاخذ job ,,إيش المحتاجينه في التيم ؟

[ScarFace]

x33786766751@pol.com

و إذا تقدر أرسله على هذا .. علشان يبين و أنا العب

[Neo_Ark]

Greeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeee eeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeen!

wasssup! :D

[usef]

i'm in......

[memy]

بيلقاها زيزو ان شاء الله اليوم ^^


تفائلي يا دوبا :09:


ما لقاه :31:

المهم لو لقاه ابي احد يساعدني من اللى دخلوا و لعبوا ... واجب ترى :33:

[usef]

شي اكيد انج راح تحتاجين مساعدة...اعتقد انه من سابع المستحيلات ان الواحد يبدي بروحة :33:

[Neo Cid]

ما لقاه :31:

المهم لو لقاه ابي احد يساعدني من اللى دخلوا و لعبوا ... واجب ترى :33:

Kuwait Knights حاضرين بالمساعدة ..

سألوا عنا عند اللاعبين الجدد .. :)

[usef]

انا انا ابي مساعدة الحين...انا الحين صورت لي جم صورة..و قالولي رح حق الفايلز وين هذا الفايلز ><

[usef]

مو كأنه لبسي girly حبتين :bigeyes: (عطتني اياه ميثرا طيبة :biggthump )

[QataR NighTMarE]

هههههههههههه
يوسف لبسك مب حلو
القديم كان احلى :)

[MEL_C]

السلام عليكم..

انا إن شاء الله بشتري اللعبه بكره..اعتقد واحد من الشباب الطيبين شرا لي وورلد باس وعطاه واحد اعرفه.. sul911 اسمه..ماعلينا..انا باخذ لي جالكا..والجوب مونك..ماادري زين ولالا؟..ومشكورين..

[Guilty Gear X]

السلام عليكم..

انا إن شاء الله بشتري اللعبه بكره..اعتقد واحد من الشباب الطيبين شرا لي وورلد باس وعطاه واحد اعرفه.. sul911 اسمه..ماعلينا..انا باخذ لي جالكا..والجوب مونك..ماادري زين ولالا؟..ومشكورين..
غالكا والجوب مونك ممتاز جدا جدا :biggthump

[RPG_master]

غالكا والجوب مونك ممتاز جدا جدا :biggthump

طيب هيومان مونك؟

لأني ناوي عليه من زمان..لكن مل سي لطشه هداه الله :bigeyes:

[usef]

ليش لطشه...اختار اللي تبي مو شرط مختلف :D

[usef]

هههههههههههه
يوسف لبسك مب حلو
القديم كان احلى :)

:09: المشكلة مو بكيفي هذا السروال يزيد الديفنس :p

[Lavitz Enduro]

مو كأنه لبسي girly حبتين :bigeyes: (عطتني اياه ميثرا طيبة :biggthump )

ميثرا موووش طيبة :p


شكلك مو لايق بالمرة أحسن لك روح غيرة مو مهم الديفنس :D

وأحسن لك بيعه وأخذ فلوسه:biggthump

[نيو ايرفين]

انا افكر ابدا مع ايفان او هيومن نينجا!!

زين او لا؟؟

[ScarFace]

غالكا والجوب مونك ممتاز جدا جدا :biggthump

100% أي شي تقوله مظبوط يا زعيم :09:

و ماتقصر .. :D

[oO J o K e R Oo]

هلا شباب ..
وإن شاء الله أدخل معكم في سيرفر راق بس حبيت أسأل قبل ما أسجل إلف مع الورير تمام ؟

[Guilty Gear X]

الي تحبة وتفكر فيه اخذة ;)

[oO J o K e R Oo]

وكلكم في مملكة San D'Oria ؟؟

[usef]

اغلب الشباب في ساندوريا :D

[usef]

ميثرا موووش طيبة :p


شكلك مو لايق بالمرة أحسن لك روح غيرة مو مهم الديفنس :D

وأحسن لك بيعه وأخذ فلوسه:biggthump

انشاله باقرب وقت بس القى واحد محترم :p

[MAD-BOSS]

شباب انصح الجميع بدخول هذي الصفحه اذا هو محتار ولا يدري وش يبي ياخذ ..

http://www.ffxionline.com/modules.php?name=Content&pa=showpage&pid=2

هذي الصفحه تعطيك الاساسيات عن الشخصيات باللعبه ....

[MEL_C]

لا مير هونت آخذ غالكا..اثر شكله مخيس :31: باخذ هيومن --->لطش كلش

[Al-Manar]

انا اسمي باللعبة Squalleye و في Republic of Bastok (جمهورية الباستوك)
و انا فخور بأني منهم :D

[نيو ايرفين]

سلام

انا عملت الأبديت الاول

وشوفوا الصورة وصلت الى هنا

كيف اعمل الأبديت الثاني وهل الأبديت الثاني يكون بعد ما اضع معلومات بطاقة الكاش يو او قبلها!!

[QataR NighTMarE]

هلا نيو ايرفين
الف مبرووووووووووك انحلت مشكلتك مع الاتصال :)
بس قول لي انت شلون عدلت مشكلة الأتصال ؟

[MAD-BOSS]

لا مير هونت آخذ غالكا..اثر شكله مخيس :31: باخذ هيومن --->لطش كلش

هههههه ترى هي مب على الشكل كنت ناوي على تارو تارو <<صاحي ؟!....لا ان شاء الله باخذ الفن ابو اذاني طوال هذا

انا وكم واحد من الشباب بنصير في باستوك وش رايك تخاوينا :33:

[نيو ايرفين]

هلا نيو ايرفين
الف مبرووووووووووك انحلت مشكلتك مع الاتصال :)
بس قول لي انت شلون عدلت مشكلة الأتصال ؟

الله يبارك في حياتك

بالنسبة لي ما راح ادخل الحين لان ما عندي كرت شاشة قوي ولازم ازيد الرام شوي

أما بخصوص الاتصال فاشتراك ارامكو ما نفع

فشتريت بطاقة انترنت 10 ساعات حتى اعمل الابديت فقط حاليا!!

[QataR NighTMarE]

اهااااااا
الله يعينك يا ريال :(
بالمناسبه الرام كم عندك
اذا الرام 256 وفوق ترى ينفع ما يحتاج تزيده :)

[نيو ايرفين]

256 اس دي رام

[QataR NighTMarE]

نفس الرام مالي:p
على ما اعتقد ما نحتاج نزيده لكن لو الاعضاء الخبراء يفيدونا شوي:biggthump

[greeneyez]

سلام شباب



انا اسف بس هل موضوع مسويه عشان اعرف منو دش وومنو مادش
ف بليز ابي اعرف من اول ابي كل الي دخلو فف11 في سيرفر راج
وو بليز قولو لي اساميكم وو جوبكم وو شرايكم في العب لو سمحتو
يعني ^^





greeneyez

[GAMES DEVIL_2]

طيب يامحترفين فينال فنتاسي اوللين ابي اسألكم اذا كان جهازي يشغل اللعبه او لا

المواصفات
كرت شاشه جي فورس 128 بت
بنتيوم 4 3006 السرعه
مذر بورد انتل 64 بت
الرام ديدي رام 512


اها ايش رايكم يشغل فينال فنتاسي اوللين او لا طيب اذا كان يشغل فينال فنتاس لازم يكون عندي الدي اس ال او لا طيب يمكن اني العب اول لين بالفظائي او لا الحين نزل شي جديد هو انك تستقبل بالفظائي وترسل بخط التلفون العادي ينفع او لا الله يرحم ولديكم قلولي لاني ابي العب بفينال فنتاسي

كيف احصل عليها لاني من جدة وهل نزل في المنطقه الشرقيه او لا واذا نزل قلولي فين نزل عشان ولد خالي هناك ممكن اوصيه يجيبه لي قبل ما يجي

اخوكم
GAMES DEVIL_2

[ScarFace]

طيب يامحترفين فينال فنتاسي اوللين ابي اسألكم اذا كان جهازي يشغل اللعبه او لا

المواصفات
كرت شاشه جي فورس 128 بت
بنتيوم 4 3006 السرعه
مذر بورد انتل 64 بت
الرام ديدي رام 512
GAMES DEVIL_2

إذا كرت الشاشه جي فورس 4 .. 128 ميجا بايت .. راح يشتغل ممتاز ..

المذربورد 64 بت :06: ؟ توك شاريها صح ؟

=====================================================
أما عن الستلايت .. فهو نوعين .. 1 way و 2ways ..

الأول يطلب عن طريق إي شي ثاني .. و تستقبل عن طريق الستلايت عن طريق كرت ستلايت

PCI ..

و الثاني تطلب عن طريق الستلايت .. و تستقبل عن طريق الستلايت ..

الثاني ما تشتغل عليه ألعاب الأنترنت .. لأن البنق فيه 999 :bigeyes: ..

أما الاول .. ما أقدر إفتي لك .. بس أتوقع انه يشتغل ..

بس اذا كان الطلب عن طريق الدايل أب ... و كان الدايل أب بطئ .. راح يكون بطئ مرره

و راح يصير لك مايعرف بـ Kick back يعني أنه سرعه الأنترنت بتقل بسبب بطئ وسيله

الأبلود upload .. يعني لو كان اللي تسوي منه ابلود بطئ مثل دايل أب 28.8 Kbps ماراح تقدر

تشتغل عليه .. أقل شي يكون 56 Kbps ..

[GAMES DEVIL_2]

طيب الدي اس ال يشتغل عليه او لا

[ستيف بورنسايد]

طيب الدي اس ال يشتغل عليه او لا
اكيد يشتغلاكيد يشتغل

[usef]

الصراحة اللعبة صعبة و هذا اكثر شي عاجبني فيها :D

[memy]

انا اسف بس هل موضوع مسويه عشان اعرف منو دش وومنو مادش
ف بليز ابي اعرف من اول ابي كل الي دخلو فف11 في سيرفر راج
وو بليز قولو لي اساميكم وو جوبكم وو شرايكم في العب لو سمحتو
يعني ^^
greeneyez

انا بدخل قريب انشاالله يوم الاحد اذا شريت اللعبه :jester:

و ابي اكون معاكم مو بروحي :31:

[usef]

افا عليكم(كل اللي راح يدشون اللعبة)انا اكفلكم :P

[l)@RK-l)EVIL]

انا دشيت جرين سيرفر خايس :tongue2:
تحس صج قحط ناس بس احلى شي ان انا الكينج هناك :D الانجليز ناس مايعرفون يلعبون سويت بي تي مع اثنين انجليز واحد وايت ميج نص الاسحار الي عنده مايعرف شنو تاثيرهم :09: صج الانجليز سكه طلعو

[Guilty Gear X]

انا دشيت جرين سيرفر خايس :tongue2:
تحس صج قحط ناس بس احلى شي ان انا الكينج هناك :D الانجليز ناس مايعرفون يلعبون سويت بي تي مع اثنين انجليز واحد وايت ميج نص الاسحار الي عنده مايعرف شنو تاثيرهم :09: صج الانجليز سكه طلعو
انت ما تبي راج؟

[ScarFace]

انا بدخل قريب انشاالله يوم الاحد اذا شريت اللعبه :jester:

و ابي اكون معاكم مو بروحي :31:

عقبال فلير ستون .. و حياك معنا .. و إذا بتصيرين وايت ميج .. قوليلي .. علشان نخلص مهمات

مع بعض :)

==============================
ل وو ل .. انا وصلت باستوك :09:

ما أدري شلون

[MEL_C]

هههههه ترى هي مب على الشكل كنت ناوي على تارو تارو <<صاحي ؟!....لا ان شاء الله باخذ الفن ابو اذاني طوال هذا

انا وكم واحد من الشباب بنصير في باستوك وش رايك تخاوينا :33:

ههههه والله كنت باخذ القزمان بس عرفت الحقيقه بعدين :09:
الله ودي اجي باستوك بس ناوي على ساندوريا :jester:
انت ورا ماتقلط عندنا :p

بس بالله لاتاخذ ابو آذآن يااني اكره كره.. تشمئز نفسي منه :tongue2:

[RPG_master]

ههههه والله كنت باخذ القزمان بس عرفت الحقيقه بعدين :09:
الله ودي اجي باستوك بس ناوي على ساندوريا :jester:
انت ورا ماتقلط عندنا :p

بس بالله لاتاخذ ابو آذآن يااني اكره كره.. تشمئز نفسي منه :tongue2:

لا يكثر تراي حاقد عليك حقد مستطير :12:

[ScarFace]

انت ما تبي راج؟

بس اخوي بغيتك في طلب ضروري ... و مستعجل .. ولد عمي يبغا يدخل االيوم معانا ..

هو ماهوب من المشاريكين في المنتدى .. وكان يبغا ورلد باس .. ياليت ترسلي وحده إذا ما فيها

كلافه

[MAD-BOSS]

ههههه والله كنت باخذ القزمان بس عرفت الحقيقه بعدين :09:
الله ودي اجي باستوك بس ناوي على ساندوريا :jester:
انت ورا ماتقلط عندنا :p

بس بالله لاتاخذ ابو آذآن يااني اكره كره.. تشمئز نفسي منه :tongue2:


لا والله يخوي ساندوريا زححمه كانك جالس جمب مشروع مكه ايام رمضان :tongue2:

باستوك شوي اهدا وبعدين نغير كل الشعب هناك ...وبالنسبه لابو اذاني هذا يمدحونه يقوولون انه طويل ويزاقط برجوله هههههههه

[oO J o K e R Oo]

هلا شباب ..

توني مخلص الأبديت ومجهز كلش بس لما جيت أدخل بالـWorldpass حقت صديقي طلعة مخلصة تاريخ صلاحيتها أتمنى أحد يساعدني أدخل سيرفر راقنروك :06: ؟؟

[greeneyez]

سلام عليكم



في واحد طلب مني وورلد باس حقه اهو مع ربعه خل يعذرني ماني ذاكر اسمه
لانه امس ضافوني فوق 3 وو انا حيل متخربط وو اخاف يزعل علي المهم دز
لي ايميل او رساله على خاص ^^

memy

تنورينا انتي وو اي بنت تدش معانا فف وو اي مساعده تبينها انا حاضر ^^


وو دراك انا زعلان عليك حيل حيل حيل :(


oO J o K e R Oo

انشالله اشوف لك لو شخص الي طلب مني وورلد باس بقى منه شي راح اعطيك
لو مابقى منه شي اقول حق شباب عشان نشتري لك واحد ^^ بس عطنى شوية
وقت ^^



greeneyez

[MEL_C]

حتى انا الله لايهينك..ابي وورلد باس ^^

[Kubaj]

السلام عليكم ..يا ليت اللي عنده world pass زايد يتكرم علي بواحد على الخاص ..http://www.inter.ae/forums/inter/smilies/019.gif

[greeneyez]

سلام



الحين ثلاثه الي يبون وورلد بس
ابي اعرف جم واحد بعد يبي بليز
دزو لي على الخاص عشان اعرف ^^



greeneyez

[greeneyez]

سلام عليكم

ههههههههه


بغيت اقول حق البنات الي انشالله بي دشوون


عادي عادي لو ياكم احد منى او امريكي او ياباني يطلبكم حق زواج ههههههههههههههههههههه
ترى فيها زواج لووووول يله شباب زواج اقفو طابور وو خل يشووفونكم بنات هههههههههههههه


greeneyez

[ayman-no1]

انا دخلت اليوم راح اطلب الورلد باس وانتم اكيد ماراح تقصرون بس مو الحين انا قاعد اتعلم على التحكم بالعبه واختياراتها لما اتعلم عليها صح راح اطلب الورلد باس

[QataR NighTMarE]

ايمان لازم تطلب الورلد باس قبل ما تدش لأول مره باللعبه
والا لازم تمسح هالشخصيه وتسوي وحده جديده ترى :) عشان تدش سيرفر راج بالورلد باس

[ayman-no1]

ايمان لازم تطلب الورلد باس قبل ما تدش لأول مره باللعبه
والا لازم تمسح هالشخصيه وتسوي وحده جديده ترى :) عشان تدش سيرفر راج بالورلد باس

اسمي ايمن اخوي مو ايمان >>> ولد واسمي ايمان ماتركب ^__^
تسلم اخوي على التوضيح بس انا عارف الشي هذا وانا اصلا ناوي امسح الشخصيه الي العب فيها الحين بعد ما اتعلم على طريقة اللعبه لأنه مالي نيه ادخل بسيرفر الراج بالشخصيه هذي انا بعد ما اتعلم اهم الاشياء باللعبه من تحكم وغيره واحس اني مستعد صح راح امسح الشخصيه الي سويتها واسوي شخصيه جديده واطلب الورلد باس وادخل الراج ;)

لأنه بصراحه ماله داعي ادخل الراج وانا حتى التحكم مااعرف له وازعج الاخوان هناك خلني اجيهم متعلم جاهز :D :D

على فكره اخوي ولد البوكواره اللعبه مظلمه بدونك انا انتظرك تدخل معنا ان شاء الله وان شاء الله توصلك اللطلبيه تبع اللعبه قريب :biggthump

[Guilty Gear X]

السلام عليكم ..يا ليت اللي عنده world pass زايد يتكرم علي بواحد على الخاص ..http://www.inter.ae/forums/inter/smilies/019.gif
حصلت عليها بعد؟

[QataR NighTMarE]

اسمي ايمن اخوي مو ايمان >>> ولد واسمي ايمان ماتركب ^__^
تسلم اخوي على التوضيح بس انا عارف الشي هذا وانا اصلا ناوي امسح الشخصيه الي العب فيها الحين بعد ما اتعلم على طريقة اللعبه لأنه مالي نيه ادخل بسيرفر الراج بالشخصيه هذي انا بعد ما اتعلم اهم الاشياء باللعبه من تحكم وغيره واحس اني مستعد صح راح امسح الشخصيه الي سويتها واسوي شخصيه جديده واطلب الورلد باس وادخل الراج ;)

لأنه بصراحه ماله داعي ادخل الراج وانا حتى التحكم مااعرف له وازعج الاخوان هناك خلني اجيهم متعلم جاهز :D :D

على فكره اخوي ولد البوكواره اللعبه مظلمه بدونك انا انتظرك تدخل معنا ان شاء الله وان شاء الله توصلك اللطلبيه تبع اللعبه قريب :biggthump


اسف على الخطأ الغير مقصود:09:
وانا اللعبه بتوصل بعد كم يوم بس المشكله
الموذر بورد طلعت ماتركب مع كرت الشاشه:(
فعشان جذي بتأخر شوي
لين ما اشتري موذر بورد جديده:)

[Neo_Ark]

الي تحبة وتفكر فيه اخذة ;)

where have you been?
i haven't seen you in days guilty

[TheWarrior]

[/SIZE] على أي جهاز اللعبة تكككككككككككككككككككككككفى ترى إنجنيت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[TheWarrior]

[/] [COLOR=darkgreen]على أي جهاز اللعبة تكككككككككككككككككككككككفى ترى إنجنيت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟(6)

[QataR NighTMarE]

هلا ذا واريور اللعبه الله يسلمك على الكمبيوتر PC

[white_wing]

اللحين ابي اعرف الاب ديت الثاني كم مساحتو وانا اللحين الداون لود عندي 4 كيلو/ثانية كم الوقت اللي يبغالي عشان انزلو ابي اعرف ارجوكم واحد يقولي ....لاني شاري اللعبة من الاحد اللي راح والى الحين ما لعبت اللعبة بسبب الماستر كارد اللي يبيلها كم اسبوع عشان يسونها وعشان ال الاب ديت الغبي هذا اللي مساحتو شكلها اغبى منو :12:

[usef]

اذا انت دايل اب فراح ياخذ على الاقل و انشاء الله 14 ساعة بس :D

[flarestar]

انا انسحب .. ماراح العب اللعبة .. خلاص بس احرق اعصابي و اتحمس على الفاضي .. have fun

[ScarFace]

انا انسحب .. ماراح العب اللعبة .. خلاص بس احرق اعصابي و اتحمس على الفاضي .. have fun

افا ليش .. 2 من الأعضاء يلعبون على الدايل لأب .. !!

[flarestar]

افا ليش .. 2 من الأعضاء يلعبون على الدايل لأب .. !!

مو عن الدايل اب :31:

كل الناس بدوا اللعبة و انا توني ما خلصت جهازي .. و الهندي الحومار حق النسر ما رضى يحجز لي نسخة >___< .. يعني حتى اللعبة ما عندي ..


ليش بس محل واحد يبيع اللعبة :31:

[Yamato]

يا شباب الله يخليكم

اذا حد من الامارات ويلعب فف 11 ويعرف محل يبيع اللعبة يقولي

لانه من النت غالية شوية

بس اذا ما حصلتها هنا بشتريها من النت وامري لله

واسمحولي شباب اني رديت في المكان الغير مناسب :o

[QataR NighTMarE]

فلار ستار
ترى عادي انا بعد للحين ما وصلت لي اللعبه
وللحين ماركبت كرت شاشه
عادي يبا
كل يوم يدشون المئات من اللاعبين الجدد
ماقالوا ان الناس بدؤا اللعبه واحنا لا فخلاص ماراح نلعب

[usef]

انا انسحب .. ماراح العب اللعبة .. خلاص بس احرق اعصابي و اتحمس على الفاضي .. have fun
:( مو مشكلة احنا راح نكون دايما موجودين نساعدج...و فيه ناس وايد انا راح ادخل وولا واحد قال مثل كلامج :(

[memy]

انا دايل اب و قاعده اسوي اب ديت و قطع علي الاتصال مرتين و في كل مره ينعاد من اول http://webpost.net/me/memy/cry.gif

يعني وش الحل ؟؟

[usef]

انا دايل اب و قاعده اسوي اب ديت و قطع علي الاتصال مرتين و في كل مره ينعاد من اول http://webpost.net/me/memy/cry.gif

يعني وش الحل ؟؟

شوفي لج اتصال انترنت لا ينقطع...حتى لو تشوفين تحت العلبة مالت اللعبة مكتوب تحت الـ Recommended.....Always on Internet Connection

و بصراحة ماكو احسن من الدي اس ال :biggthump

[QataR NighTMarE]

ميمي
نزلي برنامج يكمل لج الداون لود :)
انصحج بفلاش جيت ماعليه كلام :)

[usef]

ميمي
نزلي برنامج يكمل لج الداون لود :)
انصحج بفلاش جيت ماعليه كلام :)
ما يصير...لا التنزيل يكون عن طريق الـpol

[memy]

شوفي لج اتصال انترنت لا ينقطع...حتى لو تشوفين تحت العلبة مالت اللعبة مكتوب تحت الـ Recommended.....Always on Internet Connection

و بصراحة ماكو احسن من الدي اس ال :biggthump

و مكتوب بعد عادي بالمنيمم ... بس اشوا كمل صحيح بداء من اول بس

الرقم تغير كان اكبر او يمكن انا من قوه الصدمه صرت اخربط :tongue2:

وبعدين انا ما احوب الدي اس ال http://webpost.net/me/memy/schmoll.gif <<< ايه يصير خير

على العموم شوكران :jester:

[QataR NighTMarE]

اممممممم
يعني الحين لو انقطع عندي
راح يكمل من اخر ملف تم تحميله بالكامل
صح ؟

[ScarFace]

مو عن الدايل اب :31:

كل الناس بدوا اللعبة و انا توني ما خلصت جهازي .. و الهندي الحومار حق النسر ما رضى يحجز لي نسخة >___< .. يعني حتى اللعبة ما عندي ..


ليش بس محل واحد يبيع اللعبة :31:

ل وو ل .. طيب أذا أنتي معزمه اليوم ولا بكره تاخذينها .. قوليلي و أنا أروح أكلمه ..

و أخليه يحجز لك وحده ..

[usef]

فلير انتي بس لو كنتي بالكويت جان يبت لج النسخة على طول بواسطة بعض المعارف ...احححمم :D

[ScarFace]

فلير انتي بس لو كنتي بالكويت جان يبت لج النسخة على طول بواسطة بعض المعارف ...احححمم :D

يوسف .. انت وينك .. انا بباستوك

[usef]

يوسف .. انت وينك .. انا بباستوك

انا بساندوريا...

[Al-Manar]

انا في Republic of Bastok في سيرفر Shiva
لو احد هناك يقولي علشان نتقابل

شكرا

[RPG_master]

انا في Republic of Bastok في سيرفر Shiva
لو احد هناك يقولي علشان نتقابل

شكرا

وش قاعد تسوي هناك الله يهديك :31:

امسح الشخصيه وادخل سيرفر راجناروك اذا كنت توك جديد

[تايدوس إمبرطور ال RPG]

مقاتل ثاني توه داخل اليوم و انظم إلى Republic of Bastok في سيرفر Rag
Aizmov في خدمه الجميع :D :D :D :D

[Al-Manar]

لفلي 7 و تعبت عليها
و بعدين ما اقدر ادخل بسيرفركم ! هو حطاني في Shiva تلقائيا
و سـألتكم تساعدوني بس ما احد ساعدني

:mad:

[تايدوس إمبرطور ال RPG]

Sorry ... نسيت بس احط الصوره :D

[Neo Cid]

حيالله كل جديد معانا ..

و بالنسبة للمالك .. مستغرب ليش الكل يبوم يقعدون بمملكة وحدة .. ترى التنوع شي حلو يزيد معرفتك باللعبة ..

اممممممم

المنار .. والله على راحتك .. انا بنفسي عارض لك المساعدة ..

و ترى لفل 7 تقدر توصله بيوم واحد على مسؤوليتي .. أدخل و انا ان شاء الله اوصلك لهذا اللفل ..

بس ان شاء الله تكون بيننا .. :)

[Mesharey]

مقاتل ثاني توه داخل اليوم و انظم إلى Republic of Bastok في سيرفر Rag
Aizmov في خدمه الجميع :D :D :D :Dمبروك فراس ^^

ماعندك صورة أكبر للشخصية :tongue2:؟

[تايدوس إمبرطور ال RPG]

مبروك فراس ^^

ماعندك صورة أكبر للشخصية :tongue2:؟

هلا والله ... انا اليوم دخلت على السريع ... تعرفت على جازاميل هذي طلعنا برا باستوك قاتلنا لنا ساعه و رجعنا ولا تحذيرات سكوير إينكس تقول لنا طلعوا احسن لكم لوووووووول ... عاد طلعت بعد ما اتفقنا نتقابل بعدين ... يعني انطر علي ادخل مره ثانيه و جيب لك صوره احسن
ترا ناقصنا وجودك اخوي مشاري :D :D :D

[Mesharey]

هلا والله ... انا اليوم دخلت على السريع ... تعرفت على جازاميل هذي طلعنا برا باستوك قاتلنا لنا ساعه و رجعنا ولا تحذيرات سكوير إينكس تقول لنا طلعوا احسن لكم لوووووووول ... عاد طلعت بعد ما اتفقنا نتقابل بعدين ... يعني انطر علي ادخل مره ثانيه و جيب لك صوره احسن
ترا ناقصنا وجودك اخوي مشاري :D :D :Dحمستني :biggthump..

لكن قهر ماراح اقدر يمكن إلا بعطلة نص السنة بعد شهر واكثر يمكن..تعرف الأسباب >__<

[تايدوس إمبرطور ال RPG]

حمستني :biggthump..

لكن قهر ماراح اقدر يمكن إلا بعطلة نص السنة بعد شهر واكثر يمكن..تعرف الأسباب >__<

انت خذ راحتك افا عليك :D :D
بس اهم شيء نشوفك معنا في يوم من الايام و حنا بالخدمه :D :D :D
فيه مناظر خلابه في اللعبه :p :p

[Final Fantasy 7]

فيه مناظر خلابه في اللعبه :p :p
واااااااو .. الصورة جدا رهيبة :bigeyes:

[QataR NighTMarE]

حلوووو
زادوا العرب في باستوك <== راح يدخل باستوك :D

[memy]

لو سمحتوا ابي الورلد باس حقت راج :embarasse

[usef]

لو سمحتوا ابي الورلد باس حقت راج :embarasse

للافس ما عندي فلوس ولا جان ساعدتج انتي و اخوي المنار :(

بالاصل انا ما اعرف من وين و شلون ينشرى :p

[ayman-no1]

للافس ما عندي فلوس ولا جان ساعدتج انتي و اخوي المنار :(

بالاصل انا ما اعرف من وين و شلون ينشرى :p

اطلبي من جيلتي جير هو المسؤول ^^ اليوم اعطاني ورلد باس

اريجااااااااااااااتو جيلتي دخلت الراج :biggthump

اسمي باللعبه : braveheart

اللينك شيل : ayman

المملكه : الباستوك

نبي نشوفكم شباب هناك لاتجحدوني ترا لسه جديد بالديره وما ادل فيها شي ابي دليل سياحي :p

[white_wing]

اها يالقهر اشوف الناس يلعبون وانا توني :mad: معني شاريها من زمان بس الماستر عيى ما يجي ...يلا صبر جميل والله المستعان ....


بس حبيت اقول للناس للي في الرياض ومو محصلين فاينل ...تراها موجودة وملحطة محد يبيها في النسر فرع الروضة وهذا الرقم:012481221 :p

[ShadoW]

ياخوان معطيني ايميل طويل ومدري وشيبي

x751454534@pol.com

مايمديني اغيره واختار اللي ابيه؟

[بو ضاري]

يا شباب انا نزلت بلاي اونلاين فيومر
وتيرا ماستر
بس مانزلت الفاينل فانتسي

حطيت اول ديسك ووصل لي 26% بعدين قال حط الديسك الثاني حطيته وعلق

وبعدها سويت رستارت وطلعلي هالارور كل ماابي اسوي انستالون حق الفانيل فانتسي

1628 : failed to complete instaltion

منو عنده حل لهالمشكله ؟

[T.L.O.A.]

السلام عليكم

انا الحين اسوي الشخصية حقتي بس ناقصني worldpass
ذا احد يقدر يرسله لي على الخاص

[QataR NighTMarE]

ايمن اسم شخصيتك عجييييييييب :D
ذكرتني بفلم بريف هارت احلى فلم بالعااااالم :cool:

[ayman-no1]

ياخوان معطيني ايميل طويل ومدري وشيبي

x751454534@pol.com

مايمديني اغيره واختار اللي ابيه؟

اي تقدر تغيره اخوي في صفحة البدايه لما تسوي log in راح يطلعلك خيارات م بينها games واشياء ثانيه اختار الخيار هذا service & support بعدين اختار membership وبعدين اختار mail acoount وبعدين change address

مبلحظه مهمه ترا مايحق لك تغير ادريس الايميل تبعك الا مره وحده يعني انتبه مالك محاوله ثانيه لما اتختار ادريس جديد راح يكون هو الرسمي وماتقدر تغيره اذا ما اعجبك الاسم يعني اختار الاسم تبع الادريس بعنايه :)


ذكرتني بفلم بريف هارت احلى فلم بالعااااالم

اي انا لاطشه من الفلم اصلا :D

[Neo Cid]

الرجاء من :

T.L.O.A.

و

memy

الاطلاع على رسائلهم الخاصة

و شكرا

[Kubaj]

والله ماقصروا الشباب كلهم واخص الأخ جيلتي جير ..ونعم والله http://www.montada.com/images/icons/icon14.gif

[T.L.O.A.]

مشكور نيو سيد وما قصرت :)

[BlackJack]

السلام عليكم

واخيرا انتهيت من التحديث :mad:


باقي احتاج الورلد باس فقط وانضم اليكم , :)

[ShadoW]

مشكور اخوي ايمن


اي واحد يشوف xshadow :cool: -راجنوراك - باستوك بوه مير انا :D

[QataR NighTMarE]

ااااااااااااه ابي العب الحين
بس شسوي الشكوى لله :(
اللعبه طلبتها من 4 ايام وطرشوا لي ايميل اول امس يسئلون
عن الفيزا كارد بأي بنك :p
وقلت لهم وللحين ماجاني رد منهم ولا شفت اللعبه :06:
وفوق هذا لازم ابدل كرت الشاشه ورحت ببدله بس طلعت الموذر بورد ماتتوافق مع الكرت ولازم ابدل الموذر بورد :(
وبعد ما ابدل الموذر بورد اشتري كرت شاشه
الله يعين بدش قريب بعد العيد بالكثيييييييير
ان وصلت اللعبه على خير :p

[memy]

memy

الاطلاع على رسائلهم الخاصة

و شكرا

شكرا الله يعطيك العافيه :jester:

[QataR NighTMarE]

ميمي نبي نشوف صوره لشخصيتج :biggthump
وانتي اي مملكة انظميتي لها ؟:33:

[memy]

ميمي نبي نشوف صوره لشخصيتج :biggthump
وانتي اي مملكة انظميتي لها ؟:33:


شخصيتي توب سيكرت :33:


لا والله في مشكله عندي ... اللعبه ما تمشي معاي :bigeyes:

[ScarFace]

شخصيتي توب سيكرت :33:


لا والله في مشكله عندي ... اللعبه ما تمشي معاي :bigeyes:

ل ووو ل .. شاريتها من النسر ؟

تراه يقول أنه من نسخ فف في بنتين أشتروا منها .. ل ووو ل

افا وش هي المشكله ... قوليلنا و بنحاول نحلها لك :nana:

===================================================
هذا أنا :ciao: و واحد من الشيبان .. طالعين البر .. قمت قلت لـ Aizmov

يا ولد أنقز جيب القهوه .. قال حاظر عمي و نقز يجيبها ..

طبعاُ انا الفارس المغوار :ridinghor Pradatox :09:

[تايدوس إمبرطور ال RPG]

هذا أنا :ciao: و واحد من الشيبان .. طالعين البر .. قمت قلت لـ Aizmov

يا ولد أنقز جيب القهوه .. قال حاظر عمي و نقز يجيبها ..

طبعاُ انا الفارس المغوار :ridinghor Pradatox :09:

ما شاء الله عليه هل الـ Aizmov هب ريح :D امدى نقز راح يجيب القهوه هماك محظوظ انه معاك
صح كلامك ... خصوصا هنا يوم ساعدتك على هزيمه الوحش إلي كنت جالس من بعيد تحاول تضربه و انت وايت ماجيك (( الله بالخير ما ادري وش لون كنت بتسويها )) جثيت احتراما لي لإنقاذي حياتك المهمه قلت انا (( من شهامتي الزايدة :أفكر: )) والله ما يصير و انا آيزموف لازم يكون فيه احترام متبادل للـ BOSS
بس كنا التارو خوينا ضايع بينا :p :p :p

[memy]

ل ووو ل .. شاريتها من النسر ؟

تراه يقول أنه من نسخ فف في بنتين أشتروا منها .. ل ووو ل

افا وش هي المشكله ... قوليلنا و بنحاول نحلها لك

مين البنتين اذا قصدك فلير وانا .. فلير ما شرتها ... وانا اخوي جابها لي :09:

و المشكله اني لما اجي اطلع من مكان ابي اروح لمكان ثاني تطلع لي هذي ..

[QataR NighTMarE]

هههههههه ميمي الرساله تقول ان الأتصال بالسيرفر انقطع
هو واحد من سببين
ياسيرفر اللعبه فيه اخطاء او اعطال او ربما ضغط كبير عليه
او يا ان اتصالج وايد بطئ ويفقد السيرفر بسرعه :)

[MEL_C]

إيه البنتين شفتهم..بنات مب بنتين :tongue2:

[usef]

ميمي ممكن توضحين مشكلتج اكثر؟

[memy]

ميمي ممكن توضحين مشكلتج اكثر؟

انا ما دخلت اللعبه الا مرتين و الباقي تطلع لي ايرور ثانيه :p

مره دخلوني على طول للمدينه و يوم جيت اطلع منها طلعت لي شاشه سودا تحت مكتوب لودينج .. بعد شوي طلعت لي هذي الرساله

المره ثانيه كنت بموج هاوس يوم جيت جات الشاشه السودا حقت اللودينج بعد شوي طلعت لي نفس الرساله

انا الحين بدخل اجرب اذا تطلع لي ولا لا

[QataR NighTMarE]

memy
مثل ماقلت لج من شوي بس الظاهر ماقريتي ردي اللي فوق
المشكله ياسيرفر اللعبه فيه اخطاء او اعطال او ربما ضغط كبير عليه
او يا ان اتصالج وايد بطئ ويفقد السيرفر بسرعه

[memy]

ولد البوكواره .... شكله المشكله من اتصالي -_____________-

[ScarFace]

ولد البوكواره .... شكله المشكله من اتصالي -_____________-

هو الحد الأدنى للسرعه اللي مسجل في المواصفات هو :- 56Kbps

بس في واحد قالي انه جربها على 28.8 Kbps و كانت شغاله تمام .. تأكدي أنك ما تكوني فاتحه

الـ internet Explorer و أنتي تلعبين .. و طفي الماسنجر .. جربيها .. و ردي علينا

============================
ل وو ل .. كذا عرفنا 4 نسخ مين اللي شراها .. شكله مافي إلا النسر اللي يبيعها :09:

[النسر الأسود]

عندي سؤال أنا عملت الريجستر بشكل كامل وعندما أضغط على play ( في فاينل 11 ) يعملي أبديت لح ياخذ عندي وقت كبير ( اشتراكي ديل أب ) فهل هذا الأبديت القصير لما الطويل ؟

[usef]

اول واحد هو القصير و و الثاني هو الـ Big Boss

[QataR NighTMarE]

شباب مايصير اشتري الأب ديت الي احمله من
النت بسيدي :09:<== كسلان يحمل الأبديت

[BlackJack]

السلام عليكم

النسر الأسود : لما يبدا الداون لود رح حط راسك وارقد "زيي" :) لانه ياخذ فوق ال10 ساعات بالدال اب


شباب ويشو المطلوب علشان اسجل في اللينك شيل حق كويت نايتز ؟؟؟

انا في مملكة سان... مادري ويش التكمله وجالس اصيد في المنطقه المجاورة في مكان الخرفان والخفافيش والارانب :33: , هل فيه سوق اشتري منه الايتم حق اللينك شيل قريب من المكان هذا ؟؟؟

[النسر الأسود]

السلام عليكم

النسر الأسود : لما يبدا الداون لود رح حط راسك وارقد "زيي" :) لانه ياخذ فوق ال10 ساعات بالدال اب


شباب ويشو المطلوب علشان اسجل في اللينك شيل حق كويت نايتز ؟؟؟

انا في مملكة سان... مادري ويش التكمله وجالس اصيد في المنطقه المجاورة في مكان الخرفان والخفافيش والارانب :33: , هل فيه سوق اشتري منه الايتم حق اللينك شيل قريب من المكان هذا ؟؟؟



صحيح كتبوا لي 10 ساعات وشوي بس أخوي هذا أي داون لود القصير ؟ إذا كان القصير هيك عيل الطويل كم يبي :tongue2:

[BlackJack]

السلام عليكم

ياليت كل الابديت مثل الاول :) , الاول ماياخذ اكثر من 10 دقائق
يمكن بعد تخلص منه وانت مانت ماخذ بالك :tongue2:

[النسر الأسود]

أخوي صراحة إنت أدهشتني بكلامك .
هلأ إنت خلصت الأبديت الأول ب 10 دقائق على الديل أب ؟
أنا الحين الأبديت يلي عم سويه أول ما بلشت فيه طلع يبي 11 ساعة الحين بقيان لي أقل من 4 ساعات فهل معقول يكون الأبديت الصغير ياخذ كل هذا على الديل أب لما أنا الحين بالأبديت الثاني ؟
خبرني بسرعة إذا الأبديت الثاني عشان أفرح :tongue2:

[BlackJack]

السلام عليكم

لاتخاف زي ماقلتلك اكيد مريت على الابديت الاول بدون ماتلاحظ:) مستحيل ياخذ 10 ساعات الاول

علشان اوضحلك "الابديت الاول 26 ملف فقط وكل ملف تقريبا 10 كيلو بايت " وهذا خاص بالفيور

الابديت الثاني فوق 6000 ملف وهذا الي انت جالس تنزله الحين :) "ابو 10 ساعات" :)
و هذا خاص بلعبة فاينال فانتزي 11



وحاليا جالسين يسوو صيانه للسيرفر الله يستر لايطلعلنا ابديت جديد , بس الاكيد انه بيكون اقل بكثير من الابديت الثاني , ماخلونا نلعب اليوم قفل على جيتي اول ماخشيت لقيت الشباب كلهم وشوي بد يطردهم السيرفر ويطلعون من الفيور
<----- نحس :D


"احس اننا طلعنا من الموضوع هنا "


-- ماجاوبتوني اشلون انظم لكويت نايتس ؟؟؟ ;)

تحياتي

[النسر الأسود]

السلام عليكم

لاتخاف زي ماقلتلك اكيد مريت على الابديت الاول بدون ماتلاحظ:) مستحيل ياخذ 10 ساعات الاول

علشان اوضحلك "الابديت الاول 26 ملف فقط وكل ملف تقريبا 10 كيلو بايت " وهذا خاص بالفيور

الابديت الثاني فوق 6000 ملف وهذا الي انت جالس تنزله الحين :) "ابو 10 ساعات" :)
و هذا خاص بلعبة فاينال فانتزي 11



وحاليا جالسين يسوو صيانه للسيرفر الله يستر لايطلعلنا ابديت جديد , بس الاكيد انه بيكون اقل بكثير من الابديت الثاني , ماخلونا نلعب اليوم قفل على جيتي اول ماخشيت لقيت الشباب كلهم وشوي بد يطردهم السيرفر ويطلعون من الفيور
<----- نحس :D


"احس اننا طلعنا من الموضوع هنا "


-- ماجاوبتوني اشلون انظم لكويت نايتس ؟؟؟ ;)

تحياتي



مشكور أخوي وكل الكلام يلي قلتله منطبق على الأبديت يلي عم سويه وهو إنه فوق 10 ساعات وهو خاص بفاينل فانستي 11 بس في شغلة وحدة مختلفة وهي عدد الملفات فأنا طلع عندي 1275 ملف بينما إنت عم تقول 6000 يعني فرق كبير حيل فإيش السبب ؟
وآسف على الإزعاج أخوي

[النسر الأسود]

يا شباب ما أدري إيش صار بعد قدرت إعمل log in عم يقول لي السيرفر في مشكلة هل هذا من التصليحات لما إيش الموضوع ؟

[memy]

هو الحد الأدنى للسرعه اللي مسجل في المواصفات هو :- 56Kbps

بس في واحد قالي انه جربها على 28.8 Kbps و كانت شغاله تمام .. تأكدي أنك ما تكوني فاتحه

الـ internet Explorer و أنتي تلعبين .. و طفي الماسنجر .. جربيها .. و ردي علينا


مودمي 56 .. وسكرت كل شي و ما نفع

و ترى اشتراكي ارامكو -_____-

[نيو ايرفين]

مودمي 56 .. وسكرت كل شي و ما نفع

و ترى اشتراكي ارامكو -_____-


أنا اشتراكي ارامكو والابديت ما يشتغل معاي

كلمي ابوك خليه يتصل عليهم علشان يفتحون الخدمة ^^

[ScarFace]

مودمي 56 .. وسكرت كل شي و ما نفع

و ترى اشتراكي ارامكو -_____-


جربي اللي قالك عنه الأخ ايرفين ... و في شباب واجد شغالين على أشتراك أرمكو

[GAMES DEVIL_2]

شباب انا الحين ما بقي لي الا البديت الطويل الحين ابي اكون معكم في رسيفر واحد كيف قلولي

[FROOSTY]

شبااااب بالله قولولي انا هاليومين خلاص ان شاء الله شاري جهاز جديد بس ودي اتأكد من شي....

ودي تقولولي وش افضل مذربورد تصلح حق Radeon 9800 pro هل هي اسيوس او جيجا بايت او انتل

اتمنى الاجابه....بشرط سعر المذربورد لايزيد عن 900 ريال ;)

[white_wing]

ايش الكلام اللي قاعد اسمعو يعني الدايل اب في مشاكل ...استر يارب :( ...فروستي انتى الى اللحين مادشيت :p ..ايش تستنى...

[flarestar]

ايش الكلام اللي قاعد اسمعو يعني الدايل اب في مشاكل ...استر يارب :( ...فروستي انتى الى اللحين مادشيت :p ..ايش تستنى...


لا اعرف ناس دايل اب و اللعبة شغالة تمام ^^

[aoks]

الدايل اب تمام ....

انا اشتراكي حاليا دي اس ال 256

[white_wing]

الله يبشرك باخيرflarestar ....يعني انا مو باقيلي الى الماستر وادش معكم بالعبة....انتظروني :cool:

[النسر الأسود]

أنا عندي ديل أب .
الأبديت القصير ما أخذ معي شي بس الطويل أخذ معي 11 ساعة :wow:
وحاليا أنا باللعبة وصراحة مالي ملاحظ أي مشكلة وكل شيء على أحسنه :)

[KudoShinichi]

السلام عليكم ورحمة الله وبركاتة
شوقتوني حق اللعبة حمستوني أبي ألعب أبي ألعب ): ما أقدر الا بنص السنة >>>العطلة:bigeyes::bawling:

[l)@RK-l)EVIL]

شبااااب بالله قولولي انا هاليومين خلاص ان شاء الله شاري جهاز جديد بس ودي اتأكد من شي....

ودي تقولولي وش افضل مذربورد تصلح حق Radeon 9800 pro هل هي اسيوس او جيجا بايت او انتل

اتمنى الاجابه....بشرط سعر المذربورد لايزيد عن 900 ريال ;)



كرتي 4200 وحاط كل شي على اعلى مواصفات وشغاله 100%100بدون اي تقطيع واللعبه سلسه حيل عندي انا استخدم ريزيليوشين 1280 ضرب 1024 وشغاله باحسن مايكون طبعا اذا انت تبي تزيد الريزيليوشين يفضل كرت اقوى من الي عندي

بس المشكله انا حاطه 1280 ضرب 1024 واحس الكلام صغير شوي يعني ماتوقع واحد يحط قياس اكبر من هذا ولا اذا يبي يقره شي بينعمي :tongue2:

[S3]

السلام عليكم

أنا aoks بس داخل بيوزر ولد خالتي ...

الحين انا اسوي شخصية..بسرعة ابي وورلد باس لراجناروك...

انتظركم...