المساعد الشخصي الرقمي

مشاهدة النسخة كاملة : الحرم .. في رمضان


golden_sky
07-11-2003, 02:33 PM
أهلن أهلن ... :ciao:
ندخل في الموضوع سريع
الشي الي بأقوله ما فيه مبالغة :icon11:
كمان بأحاول اضع ترجمة للمصطلحات :( ما فيه أحد يفهم كلامي :icon11:

بعد الفطور حق أمس الوالدة قالت اليوم بنأخذ عمرة وما في غيرك محرم :31: قلت لها قدام ( يعني مرة متحمس :D كم سنة ما رحت الحرم !) قالت لي لا تاكل كثير بعد ما نخلص عمرة بنسحركم مادونالز..

لما جيت أحرم كل ما ألبس إحرام يطيح >_< ما فيه مقاسي قمت ربطته بحبل .. بس كنت خايف واحد مرفع ( دمران ) يشده عليا وإحنا بنطوف يطيح :D وجهي يروح وطي :thinkerg:

وصلنا مكة زحمة موب طبيعية والانبراشات لما الليل مطيريين كل واحد بالونيت يكون ما شي جنبك فجأة يخش عليك :12: السواق قاعد يقلقل :12: مشوار أبو ساعة إلا ربع أخذ ساعة ونص هذا غير كل ما نجي ناخذ يوتيرن نلقاه مقفل :06: وصلنا لما قصر الضيافة :p قلت لهم ما فيه إلا وقافي يعني نمشي برجلنا ..
يوم دخلنا قلت لهم انتوا روحوا لوحدكم وانا لوحدي ونتقابل في بوابة الملك عبد العزيز.. كنت بأخذ معايا كيس الجزم انفض بيه واحد إذا دفني ;) بس قالوا لي رمضان كريم :o

http://dalil-alhaj.com/images/al_qaabeh.gif

المهم دخلنا نطوف قلت لازم أقرب زي الرجاجيل :o وانبرشت مع الخلق

observation "
المنطقة الي فيها حجر إسماعيل "
كنت ماشي حلو لما وصلت هناك كنت ملصق في الجر من برة وزحمة مووووت شوية وحدة عجوزة انبطحت على الأرض :laugh2: قلت أكيد طاح منها شي بتدور عليه تحصل كتير أوقف استناها شوية ألقاها رفعت تكبر :bigeyes: كنت بأنط من فوقها بس خفت الاحرام يطيح عليا :D

المنطقة الي بعدها الحقيقة أخف منطقة الناس متسربيلن على الحجر ويبكوا والطريق فاضي والله تطالع في واحد تحسه يبكي من جد بعد ما يخلص ما فيه دموع :D
golden_sky
07-11-2003, 02:36 PM
المهم جيت عند الحجر اليماني أبغى أقرب ما فيييه نص والله قلت روق المنقا مو لازم نمسكه ! هناك تلاحظ الناس المرفعين بشكل واضح !

( اللهم .. يرددوا اللهم .. وبعدها يصقعوك بدعاء أحس مو عارفين معناه :jester: كمان وناسة تسمعهم وهما يرددوا ورا بعض :o خاصة لما يقول ربنا آتنا في الدنيا حسنة... زي اولى ابتدائي لما يحفظوهم اناشيد وآتنا .. وآاتنا في الدنيا ... في الدنيا :D والله فلة

المنطقة الي قبل الخط هنا أخطر منطقة :33: ما فيه أكسجين O2 انا سرت أنطنط ( أقفز ) عشان القط لي شوية اكسجين .. هذا المنطقة العالم ملصقة في بعض والله روايح :02: :02: والله زيت خروع أرجل عالم دمرانة وقسم بالله :(

اما منطقة الحجر الأسود أمس كان wwf والله دما1111111ر الناس مضاربة الشرطي الي قاعد فوق أنشحط :D انا كان عندي نية أقرب بس شفت واحد رجال دخل وجا بيخرج مو قادر :D والله قلت لنفسي شوف إن ما تسري ( يعني مرة لا تفكر ) .. المنطقة الي بعدها هه أخف شوية بس الواحدي يدوب ينفض العرق الي مسحوه فيك :p
اعتقد دورت 6 أو 8 أشواط مرة ما جبتها 7 :boggled: بس مشي حالك

NOTE "
المفروض يحطوا مروش جنب الكعبة الواحد ياخد له دش قبل ما يدخل
لازم توعية الجاليات ( مدري وش هي ) والله 8 اشواط ممكن كلمتين اللي قلتها الباقي كله سب :boggled: ما فه سبة ما قلتها :33:

يبو الشباب ايشبامك :12: كأنو ما عندي شغلة إلا هم :crying:

كل شوية واحد يدفك غير الي ينبطحوا في الطريق ويتسربلوا على الكعبة والله الشيوخ قفلت معاهم فيه حرمة شيخة (ولا مسؤولة ) سرت تضرب :D والله ما امزح واحد تقله حرام يا ابني مديها سيفون ( جنط - صفة ) سارت تشحطه على ظهره :D
golden_sky
07-11-2003, 02:37 PM
بعد الركعتين قلت خلني اسعى ابو سريع اهرول الطريق كله وبين العمودين احط رجلي :o

لما وصلت هناك أفتكر آخر مرة رحت العربيات ( حق المقعدين ) كانت تروح في الخط العادي ويسيبوا خطهم امس من كثر الزحمة الناس سار يدخلوا خط المقعدين :boggled:

*الشغل كله دف ما تدف ما تمشي *

غير كم دعسة بالعربيات مشينا حلو بس هناك سمعت دعائين فكيت ضحك :D
1 ) اللهم ... إلخ شوية قال " وأسقنا الغيث المطمطم :D :D
2 ) واحد بيصلي على الرسول قال اللهم صلي عليه ومنه وفيه وعنه ووو .. وسلم !!
مو ناقصه إلا يقول ومذ ويكمل حروف الجر :D

************
الحقيقة قفلت أنا مرة هذا غير أني ما أخذت REST اتعدمت فالطاقة الحركية اتحولت لطاقة حرارية وجاني صداع :crying:

وقت الرجعة محنا عارفين مكان ماكدنالز :31: سألنا شرطي مرفع ودنا على جدة على طول :bigeyes: والساعة كانت قريب الأذان أقولهم خلونا نتسحر من اي مطعم على الخط السريع ( ما نعرف أكلهم ووو .. دلع بنات ) :o لما وصلنا ماكدونالز حق جدة قالوا ما فيه إلا BIG MAC :D ما فيه ماك تشيكن ولا ماك فلوري >_< غير اني من الصداع ما كنت قادر أكل >_<

ومن امس الفطور إلين دحين ما اكلت شي :jester: الله يصبرني لما المغرب :tongue2:

ختاماً "

إذا ما كان عندك صبر أيوب عليه السلام لا تفكر تروح الحرم في رمضان :D :D

اليوم أخويا في الظهران يكلمني يقولي انا وانت نروح في العشر الاواخر :jester: :jester:
قلت له :12: شوف إن ما تسري !! :)
Justine
08-11-2003, 12:09 PM
اكثر شي عجبني بالموضوع انه اللهجة الحجازية تقطر منه :09:


وصلنا مكة زحمة موب طبيعية والانبراشات لما الليل مطيريين كل واحد بالونيت يكون ما شي جنبك فجأة يخش عليك

خخخ مسكين ^^ ... عزيزي في مكة ما يعترفوا بشي اسمه تأشير :p .. يعتبروه مجرد كمالية للسيارة :أفكر: ... نصيحة لو شفت ونيت ابو عراري يسوقه واحد ملحي ... جنب عن الطريق و استناه اللين يغيب في الافق ... و الا فاقرأ السلام على سيارتك :tongue2:


والله روايح والله زيت خروع أرجل عالم دمرانة وقسم بالله

شكلك من طراز ابو ياي :tongue2: .. عاد الله يعينك لو اشتغلت في الحج ... الانتحار افضل لك من الاستمرار :tongue2: <<< يجي شعر :D


Nice Topic ^^
DE NILSON
08-11-2003, 03:49 PM
لا والله بطل ...

برافو عليك رفعت راسنا
silent evill
08-11-2003, 03:57 PM
يا اخي الف لك عن اي شي مالقيت الا الحرم وعباد الله اللي جو يطوفون هناك ويسعون ويعبدون ربهم...

مالقيت من بد مواضيع الدنيا ومشاكلها الا انك تتكلم عن الحرم وعباده...؟؟؟
golden_sky
09-11-2003, 07:05 PM
هذا أقرب مثال على الانبراشات الغلط


لا والله بطل ...
هيا ؟!

برافو عليك رفعت راسنا

شنو رفعت راسنا وما رفعته :أفكر: :أفكر:

يُبا لما تقرأ اقرأ عدل :أفكر: محد ياب طاري رفعة الراس ومني فاكر أني قلت إني مسوي عمل بطولي

عالم دمرانة :31:



يا اخي الف لك عن اي شي مالقيت الا الحرم وعباد الله اللي جو يطوفون هناك ويسعون ويعبدون ربهم...

مالقيت من بد مواضيع الدنيا ومشاكلها الا انك تتكلم عن الحرم وعباده...؟؟؟

شدعوى يُبا ما قلت شي غلط !

هذي حقيقة واقعية :أفكر:

الواحد سار يبي يروح يعتمر تنسد نفسه .. العباد- الي تقول عليهم - آذونا !

اكو واحد في بيت ربه يدفدف خلق الله ويجيك بروايح تسد النفس ؟!

إذا كان الفرض ( الي أكل ثوم أفضل أنه ما يجي عشان ما يأذي خلق الله ) أجل اشلون عمرة مهيب

فرض !

من الروايح الناس سارت تطوف بكممات ! روح وأتأكد بنفسك .. الحالة دمرانة لآخر درجة ، لا ويمسحوا فيك شتبي بعد ؟!

( لا يكثر بس ) :)