المساعد الشخصي الرقمي

مشاهدة النسخة كاملة : ساعدوني يا أخوان


(Walter Sullivan)
20-11-2003, 05:44 PM
السلام عليكم ورحمة الله وبركاته

يا اخوان هل توجد قنوات أجنبية وأقصد غير SHOWTIME و ART

تعرض احداث ال RAW و SMAKDAWN ومهرجاناتها ومو ضروري

تكون تنقل المصارعة مباشرة ماهي مشكلة لو تنقلها متأخرة

شهر المهم هنا انها تعرض الاحداث كامله أتمنى تساعدوني

لان اشرطة الفديو ذبحتني بغلوها و عدم الترتيب للاحداث

تكففففففففففففون ساعدوووووووني ولكم الف شكر.
Power
20-11-2003, 06:03 PM
ماعتقـد في قنـوات الا على قمـر الهوتبيرد وهو قمـر كله قنـوات .. مالها داعي ..

اظنك فاهمني ..

باور
(Walter Sullivan)
20-11-2003, 06:07 PM
فاهمك أخوي Triple Power
بس مالي في الحاجات التعبانة انا لي بالمصارعه وبس اسعفني الله يخليك ولك تحياتي
Tom Cruise
20-11-2003, 06:09 PM
.. و لا قناه تنقل سماك إلى شوتايم و دبي الرياضيه تطلع المباريات القويه و فيلو سيتي ..
Power
20-11-2003, 06:10 PM
والله انا مثلـك وحالي من حالـك ..

سالت وحست عن قنوات تجيب العرض ..

قالوا لي مافي الا على هوتبيرد قلت وش ذا قالوا لي قمر ماننصحك فيه ..

انا لما عرفت عنه .. قلت اللي ماركبته ..

وانا اشوف المصارعـة على .. ( العاموه :( - دبي الرياضية :( )

ومالنا غيرهـا ..

باور
QataR NighTMarE
20-11-2003, 06:11 PM
كلام تريبل بور صحيح
مافي الا دبي الرياضيه
وتنقل فيلوسيتي :)
(Walter Sullivan)
20-11-2003, 06:13 PM
مشكورين يا اخوان ما قصرتو بس والله حاله العاموه يقطع ومتاخر
والاشتراكات تقص الضهرو مشكوريين مره تانيه
Tom Cruise
20-11-2003, 06:14 PM
أقولك بور

هوتبيرد مع رفيجي

و فيه يمكن قناتين خايستين و ماسحهن

و الباقي ما فيهن شئ

..
Tom Cruise
20-11-2003, 06:18 PM
شباب

و الله ان احسن لكم أشتركوا في شوتايم و ART

تفكون نفسكم

ART أوقاتها تعبانه

ما لها وقت معين

أما شوتايم

ما شاء الله

في كل شئ ضابطه

وقتها ملتزمه عليه

أنا اشتركت في شوتايم قنوات ( TVL + TVL 2 + قنوات رياضيه و أفلام )

بـ 1650 درهم لمده عاااام

و ART

كل القنوات تقريبا ( العربيه و الأجنبيه شوي )

لمده سته اشهر بـ 1000

و عندكم في السعوديه تنزيلات الحين
(Walter Sullivan)
20-11-2003, 06:24 PM
شوتايم حلوه ما قلنا شيء بس غاليه والله بس تصدق يا اسير الملاعب لازم اجيبها بس مادري متى ههههههههههه الله يعيني ويعين الجميع
stone fire
21-11-2003, 02:02 PM
اخوي العاموه متأخرة شهر واحد فقط عن wwe
وبعدين غريبة هذه حكاية انه اشرطة العاموه غالية .. الا ان كنت تاخذ نسخة اصلية .
خذ كوبي رخيصة .
Power
21-11-2003, 02:14 PM
اشرطـة العامـوه سعرهـا ب 35 اصلي ..

واجارهـا بـ 5 ريـال ..

اشترك بـ 100 في اي فيديـو ..

و كل شريـط بـ 5 وفوقها افلام ز. بعد ..

باور
stone fire
21-11-2003, 02:25 PM
سعر العاموه كوبي :
في اماكن تبيعه ب 15 ريال
وفي اماكن ب 10 ريال
وفي اماكن ب 7 ريال
تصدقون :D
شايفين حظي كيف حلو :p
(Walter Sullivan)
27-11-2003, 06:47 PM
مشكورين يا اخوان على المساعدة وانا فعلا لجأت

الى اشرطة الفيديو، وسؤالي الان الى الاخ

Triple Power انت تقول اشترك بـ 100 اذا

كنت من جدة دلني وين المكان لاني بصراحه حاليا

مشترك في احد الفديوهات بــ 200 ريال ولك

ولجميع الاخوان الشكر